യഹോ​വ​യോ​ടും അവന്റെ പുത്ര​നോ​ടും സന്തോ​ഷ​പൂർവം ഐക്യ​ത്തി​ലാ​യി​രി​ക്കുക

ഈ വർഷത്തെ ഏറ്റവും പ്രധാ​ന​പ്പെട്ട സംഭവം മാർച്ച്‌ 28-ന്‌ ആചരി​ക്കു​ക

¹ രണ്ടായി​ര​ത്തി​രണ്ട്‌ മാർച്ച്‌ 28-ന്‌ സൂര്യാസ്‌തമയ ശേഷം കർത്താ​വി​ന്റെ സന്ധ്യാ​ഭ​ക്ഷണം ആചരി​ക്കു​ന്ന​തി​ലൂ​ടെ, യഹോ​വ​യോ​ടും യേശു​ക്രിസ്‌തു​വി​നോ​ടും നാം സന്തോ​ഷ​പൂർവം ഐക്യ​ത്തി​ലാ​ണെന്നു പ്രകട​മാ​ക്കു​ക​യാ​യി​രി​ക്കും ചെയ്യുക. ആ പ്രത്യേക സന്ദർഭ​ത്തിൽ, അഭിഷിക്ത ക്രിസ്‌ത്യാ​നി​ക​ളു​ടെ ശേഷിപ്പ്‌ സഹരാ​ജ്യാ​വ​കാ​ശി​ക​ളു​മാ​യും പിതാ​വും പുത്ര​നു​മാ​യും ഒരു പ്രത്യേക “കൂട്ടായ്‌മ” ആസ്വദി​ക്കും. (1 യോഹ. 1:3; എഫെ. 1:11, 12) ദശലക്ഷങ്ങൾ വരുന്ന “വേറെ ആടുകൾ,” ദൈവ​ത്തി​ന്റെ വേല നിറ​വേ​റ്റു​ന്ന​തിൽ ഒരേ മനസ്സും ഹൃദയ​വും ഉള്ളവരാ​യി​രു​ന്നു​കൊണ്ട്‌ യഹോ​വ​യോ​ടും അവന്റെ പുത്ര​നോ​ടും ഐക്യ​ത്തി​ലാ​യി​രി​ക്കു​ന്ന​തി​ന്റെ മഹത്തായ പദവിയെ കുറിച്ചു ധ്യാനി​ക്കും!—യോഹ. 10:16.

² ഉറ്റ ബന്ധത്തിൽ യോജി​ച്ചു പ്രവർത്തി​ക്കുക: യഹോ​വ​യും യേശു​വും എല്ലായ്‌പോ​ഴും സന്തോ​ഷ​പൂർവം ഐക്യ​ത്തി​ലാ​യി​രു​ന്നി​ട്ടുണ്ട്‌. മനുഷ്യ​സൃ​ഷ്ടി​ക്കു മുമ്പ്‌ യുഗങ്ങ​ളോ​ളം അവർ ഉറ്റ സഹവാസം ആസ്വദി​ച്ചി​രു​ന്നു. (മീഖാ 5:2) അങ്ങനെ അവർക്കി​ട​യിൽ ആർദ്ര​പ്രി​യ​ത്തി​ന്റെ ആഴമായ ഒരു ബന്ധം വികാ​സം​പ്രാ​പി​ച്ചു. ജ്ഞാനത്തി​ന്റെ മൂർത്തി​മദ്‌ഭാ​വം എന്ന നിലയിൽ ഈ ആദ്യജാത പുത്രന്‌ മനുഷ്യ​പൂർവ അസ്‌തി​ത്വ​ത്തിൽ ആയിരി​ക്കെ ഇപ്രകാ​രം പറയാൻ കഴിഞ്ഞു: ‘ഞാൻ ഇടവി​ടാ​തെ [യഹോ​വ​യു​ടെ] മുമ്പിൽ വിനോ​ദി​ച്ചു​കൊ​ണ്ടു ദിന​മ്പ്രതി അവന്റെ പ്രമോ​ദ​മാ​യി​രു​ന്നു [“അവന്‌ അത്യന്തം പ്രിയ​മു​ള്ള​വ​നാ​യി​രു​ന്നു,” NW].’ (സദൃ. 8:30) സ്‌നേ​ഹ​ത്തി​ന്റെ ഉറവി​ട​വു​മാ​യുള്ള, എണ്ണമറ്റ യുഗങ്ങ​ളി​ലെ അടുത്ത സഹവാസം ദൈവ​പു​ത്ര​ന്റെ​മേൽ ശക്തമായ സ്വാധീ​നം ചെലുത്തി.—1 യോഹ. 4:8.

³ മനുഷ്യ​വർഗ​ത്തി​ന്റെ വീണ്ടെ​ടുപ്പ്‌ മുൻനി​റു​ത്തി നമ്മുടെ പ്രത്യാ​ശയ്‌ക്കുള്ള ഏക അടിസ്ഥാ​ന​മായ മറുവി​ല​യാ​ഗം പ്രദാനം ചെയ്യു​ന്ന​തിന്‌ മനുഷ്യ​രിൽ പ്രത്യേ​കി​ച്ചു പ്രമോ​ദം കണ്ടെത്തി​യി​രുന്ന തന്റെ ഏകജാത പുത്രനെ യഹോവ തിര​ഞ്ഞെ​ടു​ത്തു. (സദൃ. 8:31) ഒരേ ഉദ്ദേശ്യം നിറ​വേ​റ്റു​ന്ന​തിൽ യഹോ​വ​യും അവന്റെ പുത്ര​നും ഐക്യ​ത്തി​ലാ​യി​രി​ക്കു​ന്ന​തു​പോ​ലെ നാമും സന്തോ​ഷ​പൂർവം ദൈ​വേഷ്ടം ചെയ്‌തു​കൊണ്ട്‌ അവരോ​ടും തമ്മിൽ തമ്മിലും ശക്തമായ സ്‌നേ​ഹ​ബന്ധം പുലർത്തി​ക്കൊണ്ട്‌ ഐക്യ​ത്തിൽ തുടരു​ന്നു.

⁴ നമ്മുടെ ഹൃദയം​ഗ​മ​മായ വിലമ​തി​പ്പു പ്രകടി​പ്പി​ക്കൽ: സ്‌മാ​ര​ക​ത്തി​നു സന്നിഹി​ത​രാ​കു​ക​യും ശ്രദ്ധ​യോ​ടും ആദര​വോ​ടും കൂടെ കേൾക്കു​ക​യും ചെയ്‌തു​കൊണ്ട്‌ യഹോ​വ​യു​ടെ സ്‌നേ​ഹ​ത്തോ​ടും നമുക്കു വേണ്ടി​യുള്ള അവന്റെ പുത്രന്റെ യാഗ​ത്തോ​ടു​മുള്ള ആത്മാർഥ​മായ വിലമ​തിപ്പ്‌ നമുക്കു പ്രകടി​പ്പി​ക്കാ​നാ​കും. യേശു​വി​ന്റെ സ്‌നേ​ഹ​പൂർവ​ക​മായ ദൃഷ്ടാന്തം, മറുവില പ്രദാനം ചെയ്യു​ന്ന​തിൽ മരണ​ത്തോ​ളം അവൻ പാലിച്ച വിശ്വസ്‌തത, ദൈവ​ത്തി​ന്റെ സ്ഥാപിത രാജ്യ​ത്തി​ന്റെ രാജാവ്‌ എന്ന നിലയി​ലുള്ള അവന്റെ ഭരണം, മനുഷ്യ​വർഗ​ത്തിന്‌ ആ രാജ്യം കൈവ​രു​ത്തുന്ന അനു​ഗ്ര​ഹങ്ങൾ എന്നിവ തദവസ​ര​ത്തിൽ വിശേ​ഷ​വത്‌ക​രി​ക്ക​പ്പെ​ടും. നമ്മുടെ വിശ്വാ​സം തുടർച്ച​യാ​യി പ്രകട​മാ​ക്കേ​ണ്ട​തി​ന്റെ​യും, ‘സത്യത്തി​ന്റെ കൂട്ടു​വേ​ല​ക്കാർ’ ആയിരു​ന്നു​കൊണ്ട്‌ യഹോ​വ​യു​ടെ ഇഷ്ടത്തിനു ചേർച്ച​യിൽ ഉത്സാഹ​പൂർവം പ്രവർത്തി​ക്കേ​ണ്ട​തി​ന്റെ​യും ആവശ്യത്തെ കുറി​ച്ചും നാം ഓർമി​പ്പി​ക്ക​പ്പെ​ടും.—3 യോഹ. 8; യാക്കോ. 2:17.

⁵ നമ്മോ​ടൊ​പ്പം പങ്കു​ചേ​രാൻ മറ്റുള്ള​വരെ സഹായി​ക്കൽ: ക്രിസ്‌തു​വി​ന്റെ മരണത്തി​ന്റെ സ്‌മാ​ര​ക​ത്തി​നു ഹാജരാ​കാൻ തങ്ങളുടെ പ്രദേ​ശ​ത്തുള്ള നിഷ്‌ക്രി​യ​രായ എല്ലാ സാക്ഷി​ക​ളെ​യും പ്രോ​ത്സാ​ഹി​പ്പി​ക്കു​ന്ന​തിന്‌ മൂപ്പന്മാ​രു​ടെ സംഘം ഒരു പ്രത്യേക ശ്രമം നടത്തണം. (മത്താ. 18:12, 13) ആരെ​യൊ​ക്കെ സന്ദർശി​ക്കാ​നുണ്ട്‌ എന്നതിന്റെ ഒരു ലിസ്റ്റ്‌ തയ്യാറാ​ക്കുക, അങ്ങനെ​യാ​കു​മ്പോൾ ആരു​ടെ​യും കാര്യം മറന്നു​പോ​കാ​തെ എല്ലാവ​രെ​യും വ്യക്തി​പ​ര​മാ​യി ക്ഷണിക്കാൻ കഴിയും.

⁶ സ്‌മാ​ര​ക​ത്തി​നു വന്നേക്കാ​വുന്ന മറ്റുള്ള​വരെ നിങ്ങൾക്ക്‌ അറിയാ​മോ? ഈ അവസര​ത്തോ​ടുള്ള അവരുടെ വിലമ​തി​പ്പു വളർത്തി​യെ​ടു​ക്കാൻ മുൻകൈ എടുക്കുക. അവരെ ഊഷ്‌മ​ള​മാ​യി ക്ഷണിക്കുക, അവർക്കു സ്വാഗ​ത​മുണ്ട്‌ എന്ന തോന്നൽ ഉളവാ​ക്കുക. ഈ വർഷത്തെ ഏറ്റവും പ്രധാ​ന​പ്പെട്ട സംഭവ​മായ സ്‌മാ​ര​ക​ത്തിന്‌ നമ്മുടെ എല്ലാ ബൈബിൾ വിദ്യാർഥി​ക​ളെ​യും മറ്റു താത്‌പ​ര്യ​ക്കാ​രെ​യും കുടും​ബാം​ഗ​ങ്ങ​ളെ​യും പരിച​യ​ക്കാ​രെ​യും ക്ഷണിക്കാൻ നമ്മാലാ​വതു ചെയ്യാം. “ക്രിസ്‌തു​യേ​ശു​വി​നെ​ക്കു​റി​ച്ചുള്ള പരിജ്ഞാ​ന​ത്തി​ന്റെ ശ്രേഷ്‌ഠത” മനസ്സി​ലാ​ക്കുന്ന ഏവർക്കും മറുവി​ല​യു​ടെ പ്രയോ​ജ​നങ്ങൾ ലഭ്യമാണ്‌. (ഫിലി. 3:8) ക്രിസ്‌തു​വി​ന്റെ യാഗത്തിൽ വിശ്വാ​സം പ്രകട​മാ​ക്കു​ന്ന​വർക്ക്‌ നിത്യ​ജീ​വന്റെ ഉറച്ച പ്രത്യാശ കൈവ​രി​ക്കാ​നാ​കും.—യോഹ. 3:16.

⁷ ആത്മാർഥ​ഹൃ​ദ​യ​രു​ടെ​മേൽ സ്‌മാ​ര​ക​ത്തിന്‌ ഉളവാ​ക്കാൻ കഴിയുന്ന ഫലം ഒരിക്ക​ലും താഴ്‌ത്തി​മ​തി​ക്ക​രുത്‌. രണ്ടു വർഷം മുമ്പ്‌ പാപ്പുവ ന്യൂഗി​നി എന്ന ദ്വീപ​രാഷ്‌ട്ര​ത്തിൽ, സ്‌മാ​ര​ക​ത്തി​നു ഹാജരാ​കു​ന്ന​തി​നാ​യി 11 താത്‌പ​ര്യ​ക്കാർ ഇളകി​മ​റി​യുന്ന കടലി​ലൂ​ടെ ഒരു ചെറിയ ബോട്ടിൽ 17 മണിക്കൂർ യാത്ര​ചെയ്‌തു. കാരണം? അവർ പറഞ്ഞു: “യഹോ​വയെ സേവി​ക്കുന്ന സഹ ആരാധ​ക​രോ​ടൊ​പ്പം ക്രിസ്‌തു​വി​ന്റെ സ്‌മാ​രകം ആഘോ​ഷി​ക്കാൻ ഞങ്ങൾ ആഗ്രഹി​ച്ചു; അതിനാൽ, ഇങ്ങോ​ട്ടുള്ള ഞങ്ങളുടെ വരവ്‌ ശരിക്കും ഗുണക​ര​മാ​യി​രു​ന്നു.” ആ താത്‌പ​ര്യ​ക്കാർ പ്രകട​മാ​ക്കിയ ഉത്സാഹ​ത്തെ​യും യഹോ​വ​യോ​ടും അവന്റെ പുത്ര​നോ​ടും ക്രിസ്‌തീയ സഹോ​ദ​ര​വർഗ​ത്തോ​ടും സന്തോ​ഷ​പൂർവം ഐക്യ​ത്തി​ലാ​യി​രി​ക്കു​ന്ന​തി​ലുള്ള അവരുടെ വിലമ​തി​പ്പി​നെ​യും കുറിച്ച്‌ ഒന്നു ചിന്തിച്ചു നോക്കൂ!

⁸ എല്ലാ താത്‌പ​ര്യ​ക്കാർക്കും ബൈബിൾ അധ്യയനം വാഗ്‌ദാ​നം ചെയ്യുക. ക്രമമാ​യി സഭാ​യോ​ഗ​ങ്ങൾക്കു ഹാജരാ​കാ​നും പഠിക്കുന്ന സത്യങ്ങൾ മറ്റുള്ള​വ​രു​മാ​യി പങ്കു​വെ​ക്കാ​നും അവരെ പ്രോ​ത്സാ​ഹി​പ്പി​ക്കുക. ‘വെളി​ച്ച​ത്തിൽ നടക്കാ​നും’ ബൈബിൾ തത്ത്വങ്ങൾ തങ്ങളുടെ ജീവി​ത​ത്തിൽ ബാധക​മാ​ക്കി​ക്കൊണ്ട്‌ ‘സത്യം പ്രവർത്തി​ക്കാ​നും’ അവരെ സഹായി​ക്കുക. (1 യോഹ. 1:6, 7) യഹോ​വ​യു​മാ​യി ഒരു ഉറ്റ ബന്ധം വളർത്തി​യെ​ടു​ക്കാ​നും ഐക്യ​ത്തിൽ അവന്റെ ഇഷ്ടം ചെയ്യുക എന്ന പദവി​യിൽ തുടർന്നു വളരാ​നും അവരെ സഹായി​ക്കുക.

⁹ ‘ഏകാത്മാ​വിൽ നിലനിന്ന്‌, ഏകമന​സ്സോ​ടെ സുവി​ശേ​ഷ​ത്തി​ന്റെ വിശ്വാ​സ​ത്തി​ന്നാ​യി പോരാ​ട്ടം കഴിക്കു​ന്ന​തിൽ’ സന്തോ​ഷ​പൂർവം ഐക്യ​ത്തി​ലാ​യി​രി​ക്കുക എന്നത്‌ എത്ര മഹത്തായ പദവി​യാണ്‌! (ഫിലി. 1:27, 28) യഹോ​വ​യോ​ടും അവന്റെ പുത്ര​നോ​ടും നന്ദിയു​ള്ള​വ​രാ​യി​രു​ന്നു​കൊണ്ട്‌ മാർച്ച്‌ 28-ലെ സ്‌മാ​ര​ക​വേ​ള​യിൽ സന്തോ​ഷ​ക​ര​മായ സഹവാസം ആസ്വദി​ക്കു​ന്ന​തി​നാ​യി നമുക്കു നോക്കി​പ്പാർത്തി​രി​ക്കാം!—ലൂക്കൊ. 22:19.