സ്‌മാ​ര​കാ​ച​ര​ണ​ത്തിൽ പങ്കെടു​ക്കു​ന്ന​വരെ നമുക്ക്‌ എങ്ങനെ സഹായി​ക്കാം?

1. 2008 മാർച്ച്‌ 22-നു ശക്തമായ ഏതു സാക്ഷ്യം നൽക​പ്പെ​ടും?

¹ മാർച്ച്‌ 22-ാം തിയതി ലോക​മെ​മ്പാ​ടും ലക്ഷക്കണ​ക്കി​നാ​ളു​കൾക്കു ശക്തമായ ഒരു സാക്ഷ്യം ലഭിക്കും. മനുഷ്യ​വർഗ​ത്തി​നാ​യി മറുവില നൽകി​യ​തി​ലൂ​ടെ യഹോവ നമ്മോടു കാണിച്ച മഹാസ്‌നേ​ഹ​ത്തെ​ക്കു​റിച്ച്‌ അന്നു സ്‌മാ​ര​കാ​ച​ര​ണ​ത്തി​നു ഹാജരാ​കു​ന്ന​വർക്കു കേൾക്കാ​നാ​കും. (യോഹ. 3:16) ദൈവ​രാ​ജ്യ​ത്തെ​ക്കു​റി​ച്ചും അതു മുഖേന ഭൂമിയെ സംബന്ധിച്ച തന്റെ ഉദ്ദേശ്യം യഹോവ എങ്ങനെ നിറ​വേ​റ്റും എന്നതി​നെ​ക്കു​റി​ച്ചും അവിടെ അവർക്കു പഠിക്കാ​നാ​കും. (മത്താ. 6:9, 10) ദൈവ​ജ​ന​ത്തി​ന്റെ സ്‌നേ​ഹ​വും ഐക്യ​വും നേരിൽക്കാ​ണാ​നും അവിടത്തെ സൗഹൃ​ദാ​ന്ത​രീ​ക്ഷം ആസ്വദി​ക്കാ​നും അവർക്കാ​കും.—സങ്കീ. 133:1.

2. ഹാജരാ​കുന്ന ബൈബിൾവി​ദ്യാർഥി​കളെ എങ്ങനെ സഹായി​ക്കാം?

² ബൈബിൾവി​ദ്യാർഥി​കൾ: ഹാജരാ​കു​ന്ന​വ​രിൽ ചിലർ നമ്മോ​ടൊ​പ്പം ബൈബിൾ പഠിക്കാൻ തുടങ്ങി​യി​ട്ടേ ഉണ്ടായി​രി​ക്കു​ക​യു​ള്ളൂ. അവരെ മറ്റു സഹോ​ദ​രീ​സ​ഹോ​ദ​ര​ന്മാർക്കു പരിച​യ​പ്പെ​ടു​ത്തു​ക​യും രാജ്യ​ഹാൾ ചുറ്റി​ന​ടന്നു കാണി​ക്കു​ക​യും ചെയ്യുക. നമ്മുടെ യോഗ​ങ്ങ​ളെ​ക്കു​റിച്ച്‌ അവർക്കു പറഞ്ഞു​കൊ​ടു​ക്കുക. പ്രസം​ഗ​ത്തി​നി​ടെ, ആത്മീയ​മാ​യി ഇനിയും പുരോ​ഗ​മി​ക്കാൻ പ്രസം​ഗകൻ ഇവരെ പ്രോ​ത്സാ​ഹി​പ്പി​ക്കും. നിങ്ങളു​ടെ വിദ്യാർഥി​കളെ പ്രോ​ത്സാ​ഹി​പ്പി​ക്കു​ന്ന​തിന്‌ ഈ പ്രസ്‌താ​വ​നകൾ നിങ്ങൾക്ക്‌ ഉപയോ​ഗി​ക്കാ​നാ​കും.

3. ഹാജരാ​കുന്ന നിഷ്‌ക്രി​യരെ എങ്ങനെ സഹായി​ക്കാം?

³ നിഷ്‌ക്രി​യർ: ഹാജരാ​കു​ന്ന​വ​രിൽ നിഷ്‌ക്രി​യ​രും ഉണ്ടാകാം. അവരോ​ടു സംസാ​രി​ക്കു​ന്ന​തി​നു പ്രത്യേക ശ്രമം ചെയ്യണം. വ്യക്തി​പ​ര​മായ കാര്യ​ങ്ങ​ളെ​ക്കു​റി​ച്ചു ചോദി​ക്കു​ന്ന​തും അവരെ വിഷമി​പ്പി​ക്കുന്ന വിധത്തിൽ സംസാ​രി​ക്കു​ന്ന​തും ഒഴിവാ​ക്കുക. സ്‌മാ​ര​ക​ശേഷം ഏതാനും ആഴ്‌ച​കൾക്കകം മുപ്പന്മാർ ഇവരെ സന്ദർശിച്ച്‌ സ്‌മാ​ര​ക​ത്തി​നു വന്നതിന്‌ അനു​മോ​ദി​ക്കു​ക​യും അടുത്ത സഭാ​യോ​ഗ​ത്തി​നു വരാൻ പ്രോ​ത്സാ​ഹി​പ്പി​ക്കു​ക​യും വേണം.

4. നമുക്ക്‌ ഓരോ​രു​ത്തർക്കും സന്ദർശ​കരെ എങ്ങനെ സഹായി​ക്കാ​നാ​കും?

⁴ സന്ദർശകർ: വ്യക്തി​പ​ര​മാ​യി നാം ക്ഷണിച്ചി​ട്ടുള്ള അടുത്ത പരിച​യ​ക്കാ​രും കുടും​ബാം​ഗ​ങ്ങ​ളും സ്‌മാ​ര​ക​ത്തിന്‌ എത്തി​യേ​ക്കാം. പ്രത്യേക പ്രചാ​ര​ണ​ത്തി​ന്റെ സമയത്ത്‌ ക്ഷണക്കു​റി​പ്പു ലഭിച്ച​വ​രും വന്നെത്തി​യേ​ക്കും. നിങ്ങൾക്കു പരിച​യ​മി​ല്ലാ​ത്ത​വരെ കാണു​മ്പോൾ സ്വയം പരിച​യ​പ്പെ​ടു​ത്താ​നും അവരെ സ്വാഗതം ചെയ്യാ​നും ഒരിക്ക​ലും വിട്ടു​പോ​ക​രുത്‌. ആദ്യമാ​യി​ട്ടാ​യി​രി​ക്കും അവർ നമ്മുടെ ഒരു യോഗ​ത്തി​നു വരുന്നത്‌. തുടർന്നും അവരെ എങ്ങനെ ബന്ധപ്പെ​ടാ​നാ​കു​മെന്നു സംഭാ​ഷ​ണ​ത്തിൽനി​ന്നു മനസ്സി​ലാ​ക്കാ​നാ​യേ​ക്കും. സ്‌മാ​ര​ക​ത്തി​നു​ശേഷം ഏതാനും ദിവസ​ങ്ങൾക്കു​ള്ളിൽ അവരെ സന്ദർശി​ച്ചു​കൊ​ണ്ടോ ഫോൺ ചെയ്‌തു​കൊ​ണ്ടോ അവരുടെ താത്‌പ​ര്യം വളർത്താ​നും ബൈബി​ള​ധ്യ​യ​ന​ത്തി​ലേക്കു നയിക്കാ​നും സാധി​ച്ചേ​ക്കും.

5. എന്തു പറഞ്ഞു​കൊണ്ട്‌ ഒരു ബൈബി​ള​ധ്യ​യനം ആരംഭി​ക്കാ​നാ​കും?

⁵ മടക്കസ​ന്ദർശനം നടത്തു​മ്പോൾ ബൈബിൾ പഠിപ്പി​ക്കു​ന്നു പുസ്‌തകം പരിച​യ​പ്പെ​ടു​ത്തു​ന്ന​തി​നാ​യി സ്‌മാരക പ്രസം​ഗ​ത്തിൽ കേട്ട വിവരങ്ങൾ ഉപയോ​ഗി​ക്കാൻ സാധി​ക്കും. ഉദാഹ​ര​ണ​ത്തിന്‌, സ്‌മാരക പ്രസം​ഗകൻ യെശയ്യാവ്‌ 65:21-23 വായി​ക്കു​ന്ന​താ​യി​രി​ക്കും. മടക്കസ​ന്ദർശനം നടത്തു​മ്പോൾ, പ്രസം​ഗ​ത്തെ​ക്കു​റി​ച്ചു പരാമർശി​ച്ച​ശേഷം നിങ്ങൾക്ക്‌ ഒരുപക്ഷേ ഇങ്ങനെ പറയാം, “മറുവില സാധ്യ​മാ​ക്കി​ത്തീർക്കുന്ന മറ്റ്‌ അനു​ഗ്ര​ഹങ്ങൾ എന്തൊ​ക്കെ​യാ​ണെന്നു ഞാൻ കാണി​ച്ചു​ത​രട്ടേ,” എന്നിട്ട്‌ ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ലെ 4-5 പേജുകൾ പരിച​യ​പ്പെ​ടു​ത്തുക. അല്ലെങ്കിൽ നിങ്ങൾക്ക്‌ ഇങ്ങനെ പറയാം, “യെശയ്യാ പ്രവച​ന​ത്തിൽ പറഞ്ഞി​രി​ക്കുന്ന കാര്യങ്ങൾ നമുക്ക്‌ എന്ന്‌ അനുഭ​വി​ക്കാ​നാ​കു​മെന്ന്‌ അനേക​രും ചിന്തി​ക്കു​ന്നു,” എന്നിട്ട്‌ 9-ാം അധ്യാ​യ​ത്തി​ലെ 1-3 ഖണ്ഡികകൾ ചർച്ച​ചെ​യ്യുക. മറ്റൊരു മാർഗം, സ്‌മാരക പ്രസം​ഗ​ത്തി​ലെ ചില വിവരങ്ങൾ പരാമർശി​ച്ചു​കൊണ്ട്‌ ബൈബിൾ പഠിപ്പി​ക്കു​ന്നു പുസ്‌തകം പരിച​യ​പ്പെ​ടു​ത്തുക എന്നതാണ്‌. തുടർന്ന്‌ ഒരു അധ്യയനം നടത്തു​ന്നത്‌ എങ്ങനെ​യെന്നു കാണി​ച്ചു​കൊ​ടു​ക്കുക.

6. തന്റെ മരണത്തി​ന്റെ സ്‌മാ​രകം ആചരി​ക്കാ​നുള്ള യേശു​വി​ന്റെ കൽപ്പന അനുസ​രി​ക്കവേ നമുക്ക്‌ എന്തി​നൊ​ക്കെ​യുള്ള അവസര​ങ്ങ​ളുണ്ട്‌?

⁶ സ്‌മാ​ര​കാ​ച​ര​ണ​ത്തിൽ പങ്കെടു​ക്കുന്ന ബൈബിൾവി​ദ്യാർഥി​ക​ളെ​യും നിഷ്‌ക്രി​യ​രായ പ്രസാ​ധ​ക​രെ​യും സന്ദർശ​ക​രെ​യും സഹായി​ക്കാ​നുള്ള അവസര​ങ്ങൾക്കാ​യി നമു​ക്കോ​രോ​രു​ത്തർക്കും നോക്കി​യി​രി​ക്കാം. (ലൂക്കൊ. 22:19) നമ്മുടെ ആത്മാർഥ​മായ ശ്രമങ്ങളെ യഹോവ തീർച്ച​യാ​യും അനു​ഗ്ര​ഹി​ക്കും.