നിങ്ങൾ നല്ല മാതൃ​ക​വെ​ക്കു​ന്നു​ണ്ടോ?

1. യേശു​വി​നെ നിരീ​ക്ഷിച്ച ശിഷ്യ​ന്മാർ അവനിൽനിന്ന്‌ എന്തെല്ലാം പഠിച്ചു?

¹ “എന്റെ നുകം ഏറ്റു​കൊണ്ട്‌ എന്നിൽനി​ന്നു പഠിക്കു​വിൻ” എന്ന്‌ യേശു പറഞ്ഞു. (മത്താ. 11:29) വാക്കു​ക​ളി​ലൂ​ടെ മാത്രമല്ല സ്വന്തം മാതൃ​ക​യി​ലൂ​ടെ​യും യേശു മറ്റുള്ള​വരെ പഠിപ്പി​ച്ചു. യേശു​വി​നെ നിരീ​ക്ഷി​ച്ച​തിൽനി​ന്നും അവന്റെ ശിഷ്യ​ന്മാർക്കു പലതും പഠിക്കാൻ കഴിഞ്ഞു. അവൻ ആർദ്ര​ത​യും മനസ്സലി​വും സ്‌നേ​ഹ​വും ഉള്ളവനാ​യി​രു​ന്നു. (മത്താ. 8:1-3; മർക്കോ. 6:30-34) അവന്റെ താഴ്‌മ കാപട്യ​മി​ല്ലാ​ത്ത​താ​യി​രു​ന്നു. (യോഹ. 13:2-5) ശുശ്രൂ​ഷ​യിൽ യേശു​വി​നെ അനുഗ​മിച്ച ശിഷ്യ​ന്മാർക്കു കാണാൻ കഴിഞ്ഞത്‌, വിശ്ര​മ​മി​ല്ലാ​തെ ആളുകളെ സത്യം പഠിപ്പി​ക്കുന്ന യേശു​വി​നെ​യാണ്‌. അവന്റെ പഠിപ്പി​ക്ക​ലാ​കട്ടെ, അത്യന്തം ഫലകര​വു​മാ​യി​രു​ന്നു. (ലൂക്കോ. 8:1; 21:37, 38) ശുശ്രൂ​ഷ​യിൽ ആയിരി​ക്കെ നമ്മെ നിരീ​ക്ഷി​ക്കു​ന്ന​വർക്ക്‌ എന്താണ്‌ നമ്മിൽനി​ന്നു പഠിക്കാ​നാ​കു​ന്നത്‌?

2. ശുശ്രൂ​ഷ​യിൽ ആയിരി​ക്കു​മ്പോ​ഴുള്ള നമ്മുടെ വസ്‌ത്ര​ധാ​ര​ണ​വും പെരു​മാ​റ്റ​വും മറ്റും വീട്ടു​കാ​രിൽ മതിപ്പു​ള​വാ​ക്കി​യേ​ക്കാ​വു​ന്നത്‌ എങ്ങനെ?

² വീട്ടു​കാർക്ക്‌: നമ്മുടെ മാന്യ​മായ വസ്‌ത്ര​ധാ​ര​ണ​വും നല്ല പെരു​മാ​റ്റ​വും ആളുക​ളിൽ നാം എടുക്കുന്ന ആത്മാർഥ​മായ താത്‌പ​ര്യ​വും നാം കണ്ടുമു​ട്ടു​ന്ന​വരെ ശക്തമായി സ്വാധീ​നി​ക്കും. (2 കൊരി. 6:3; ഫിലി. 1:27) നാം കൂടെ​ക്കൂ​ടെ ബൈബിൾ ഉപയോ​ഗി​ക്കു​ന്നത്‌ അവർ ശ്രദ്ധി​ക്കും. അവർ സംസാ​രി​ക്കു​മ്പോൾ നാം കേട്ടി​രി​ക്കു​ന്നത്‌ അവരിൽ മതിപ്പു​ള​വാ​ക്കും. ഇത്തരം കാര്യ​ങ്ങ​ളിൽ നല്ല മാതൃ​ക​വെ​ക്കു​ന്നത്‌ രാജ്യ​സ​ന്ദേ​ശ​ത്തി​ലേക്ക്‌ ആളുകളെ ആകർഷി​ക്കും എന്നത്‌ ഉറപ്പാണ്‌.

3. സഹോ​ദ​ര​ങ്ങ​ളിൽ നമുക്ക്‌ എന്തു പ്രഭാവം ചെലു​ത്താ​നാ​കും?

³ സഹോ​ദ​ര​ങ്ങൾക്ക്‌: നമ്മുടെ സഹോ​ദ​ര​ങ്ങ​ളിൽ ഉളവാ​ക്കാ​നാ​കുന്ന ക്രിയാ​ത്മക സ്വാധീ​ന​ത്തെ​ക്കു​റി​ച്ചും ചിന്തി​ക്കുക. ശുശ്രൂ​ഷ​യിൽ നാം കാണി​ക്കുന്ന ശുഷ്‌കാ​ന്തി മറ്റുള്ള​വ​രി​ലേ​ക്കും പകരും. ഇരുമ്പ്‌ ഇരുമ്പിന്‌ മൂർച്ച കൂട്ടു​ന്ന​തു​പോ​ലെ, നന്നായി തയ്യാറാ​യി നാം നടത്തുന്ന അവതര​ണങ്ങൾ ശുശ്രൂ​ഷ​യി​ലെ വൈദ​ഗ്‌ധ്യ​ങ്ങൾ മെച്ച​പ്പെ​ടു​ത്താൻ അവരെ പ്രചോ​ദി​പ്പി​ക്കും. (സദൃ. 27:17) താത്‌പ​ര്യ​ക്കാ​രെ സംബന്ധി​ച്ചുള്ള വിവരങ്ങൾ നാം കൃത്യ​മാ​യി രേഖ​പ്പെ​ടു​ത്തി വെക്കു​ക​യും പറഞ്ഞസ​മ​യ​ത്തു​തന്നെ മടങ്ങി​ച്ചെ​ല്ലു​ക​യും ചെയ്യു​ന്നതു കാണു​മ്പോൾ മറ്റുള്ള​വ​രും അങ്ങനെ ചെയ്യാൻ പ്രേരി​ത​രാ​കും. നാം കാണി​ക്കുന്ന നയവും വിവേ​ച​ന​യും മറ്റുള്ളവർ കണ്ടുപ​ഠി​ക്കും. ശുശ്രൂഷ പൂർണ​മാ​യി നിറ​വേ​റ്റു​ന്ന​തി​ലൂ​ടെ നമുക്ക്‌ സഹവി​ശ്വാ​സി​ക​ളു​ടെ​മേൽ നല്ല പ്രഭാവം ചെലു​ത്താ​നാ​കും.—2 തിമൊ. 4:5.

4. നമ്മുടെ മാതൃക നാം ഇടയ്‌ക്കി​ടെ വിലയി​രു​ത്തേ​ണ്ടത്‌ എന്തു​കൊണ്ട്‌?

⁴ നിങ്ങൾ പറയു​ന്ന​തും ചെയ്യു​ന്ന​തു​മായ കാര്യ​ങ്ങ​ളും നിങ്ങളു​ടെ മാതൃക മറ്റുള്ള​വരെ എങ്ങനെ സ്വാധീ​നി​ക്കു​ന്നു എന്നതും ഇടയ്‌ക്കി​ടെ വിലയി​രു​ത്തു​ന്നത്‌ നന്നായി​രി​ക്കും. നാം നല്ല മാതൃ​ക​വെ​ക്കു​മ്പോൾ അത്‌ യഹോ​വയെ പ്രസാ​ദി​പ്പി​ക്കും. മാത്രമല്ല, “ഞാൻ ക്രിസ്‌തു​വി​ന്റെ അനുകാ​രി​യാ​യി​രി​ക്കു​ന്ന​തു​പോ​ലെ നിങ്ങൾ എന്റെ അനുകാ​രി​ക​ളാ​കു​വിൻ” എന്നു പറഞ്ഞ പൗലോസ്‌ അപ്പൊ​സ്‌ത​ല​നെ​പ്പോ​ലെ നമുക്കും പറയാ​നാ​കും.—1 കൊരി. 11:1.