യോഹ​ന്നാൻ​—ആമുഖം

പ്രധാ​ന​പ്പെട്ട വസ്‌തു​തകൾ:

• യോഹ​ന്നാൻ തന്റെ വിവരണം എഴുതു​മ്പോൾ, മത്തായി​യു​ടെ​യും മർക്കോ​സി​ന്റെ​യും ലൂക്കോ​സി​ന്റെ​യും സുവി​ശേ​ഷങ്ങൾ ആളുക​ളു​ടെ കൈക​ളി​ലെത്തി 30-ലേറെ വർഷം കഴിഞ്ഞി​രു​ന്നു. എന്നിട്ടും യേശു​വി​ന്റെ ജീവി​ത​ത്തെ​യും ശുശ്രൂ​ഷ​യെ​യും കുറിച്ച്‌ യോഹ​ന്നാ​നു പലതും കൂടു​ത​ലാ​യി പറയാ​നു​ണ്ടാ​യി​രു​ന്നു. അദ്ദേഹം എഴുതിയ ഏതാണ്ട്‌ 90 ശതമാ​ന​ത്തോ​ളം വിവര​ങ്ങ​ളും മറ്റു മൂന്നു സുവി​ശേ​ഷ​ങ്ങ​ളി​ലും ഇല്ലാത്ത​വ​യാണ്‌.

• മനുഷ്യ​നാ​യി വരുന്ന​തി​നു മുമ്പുള്ള യേശു​വി​ന്റെ ജീവി​ത​ത്തെ​ക്കു​റിച്ച്‌ യോഹ​ന്നാ​ന്റെ സുവി​ശേ​ഷ​ത്തിൽ മാത്രമേ പറഞ്ഞി​ട്ടു​ള്ളൂ. സുപ്ര​ധാ​ന​മായ ആ സത്യ​ത്തെ​ക്കു​റിച്ച്‌ പറഞ്ഞു​കൊ​ണ്ടാ​ണു യോഹ​ന്നാൻ തന്റെ വിവരണം തുടങ്ങു​ന്നത്‌. പിന്നീട്‌ അതി​നെ​ക്കു​റിച്ച്‌ സ്‌നാ​പ​ക​യോ​ഹ​ന്നാ​നും യേശു​ത​ന്നെ​യും പറഞ്ഞ സാക്ഷി​മൊ​ഴി​യും അദ്ദേഹം കൂട്ടി​ച്ചേർക്കു​ന്നു. (യോഹ 1:1-3; 3:12, 13; 8:58) മറ്റു സുവി​ശേ​ഷ​ങ്ങ​ളിൽ ഇല്ലാത്ത ആറ്‌ അത്ഭുതങ്ങൾ യോഹ​ന്നാ​ന്റെ വിവര​ണ​ത്തിൽ കാണാം. വെള്ളം വീഞ്ഞാക്കി മാറ്റി​ക്കൊണ്ട്‌ യേശു ചെയ്‌ത ആദ്യത്തെ അത്ഭുത​വും വലി​യൊ​രു കൂട്ടം മീൻ പിടി​ക്കാൻ സഹായി​ച്ചു​കൊണ്ട്‌ പുനരു​ത്ഥാ​ന​ശേഷം ചെയ്‌ത അവസാ​നത്തെ അത്ഭുത​വും അവയിൽ ഉൾപ്പെ​ടു​ന്നു.

• സാധ്യ​ത​യ​നു​സ​രിച്ച്‌, സ്‌നാ​പ​ക​യോ​ഹ​ന്നാൻ യേശു​വിന്‌ ആദ്യമാ​യി പരിച​യ​പ്പെ​ടു​ത്തി​ക്കൊ​ടുത്ത തന്റെ ശിഷ്യ​ന്മാ​രിൽ ഒരാളാ​യി​രു​ന്നു യോഹ​ന്നാൻ. ക്രിസ്‌തു​വി​ന്റെ അനുഗാ​മി​യാ​കാൻ ക്ഷണം ലഭിച്ച ആദ്യത്തെ നാലു പേരിൽ യോഹ​ന്നാ​നും ഉണ്ടായി​രു​ന്നു. (മർ 1:16-20; യോഹ 1:35-39) സാധ്യ​ത​യ​നു​സ​രിച്ച്‌ യോഹ​ന്നാൻ യേശു​വി​ന്റെ ഒരു ബന്ധുവാ​യി​രു​ന്നു. യോഹ​ന്നാന്‌ യേശു​വു​മാ​യി ഒരു അടുത്ത സൗഹൃ​ദ​ബന്ധം ഉണ്ടായി​രു​ന്ന​തു​കൊ​ണ്ടാ​കാം അദ്ദേഹം “യേശു സ്‌നേ​ഹി​ക്കുന്ന ശിഷ്യൻ” എന്ന്‌ അറിയ​പ്പെ​ട്ടി​രു​ന്നത്‌. (യോഹ 13:23; 21:20, 24) യേശു​വി​നെ വധിക്കുന്ന ഹൃദയ​ഭേ​ദ​ക​മായ സംഭവം നടക്കു​മ്പോൾ യോഹ​ന്നാ​നും അവി​ടെ​യു​ണ്ടാ​യി​രു​ന്നു. അവി​ടെ​വെച്ച്‌ യേശു തന്റെ അമ്മയുടെ പരിപാ​ലനം യോഹ​ന്നാ​നെ​യാണ്‌ ഏൽപ്പി​ക്കു​ന്നത്‌. യേശു ഉയിർത്തെ​ഴു​ന്നേ​റ്റെന്ന വാർത്ത സത്യമാ​ണോ എന്ന്‌ അറിയാൻ പത്രോ​സി​നെ​ക്കാൾ വേഗം ഓടി, ആദ്യം കല്ലറയു​ടെ അടുത്ത്‌ എത്തിയ ശിഷ്യ​നും യോഹ​ന്നാ​നാ​യി​രു​ന്നു.​—യോഹ 19:26, 27; 20:2-4.

• യേശു പൊതു​സ​ദ​സ്സു​ക​ളിൽ പറഞ്ഞ കാര്യ​ങ്ങ​ളെ​ക്കാൾ വ്യക്തി​ക​ളു​മാ​യി നടത്തിയ സംഭാ​ഷ​ണ​ങ്ങ​ളാ​ണു (ശിഷ്യ​ന്മാ​രോ​ടും എതിരാ​ളി​ക​ളോ​ടും ഉള്ള സംഭാ​ഷ​ണങ്ങൾ.) യോഹ​ന്നാൻ കൂടു​ത​ലും രേഖ​പ്പെ​ടു​ത്തി​യി​ട്ടു​ള്ളത്‌. യോഹ​ന്നാ​ന്റെ വിവരണം യേശു​വി​ന്റെ വ്യക്തി​ത്വ​ത്തെ വളരെ സൂക്ഷ്‌മ​മാ​യി വരച്ചു​കാ​ട്ടു​ന്നു. അതി​നൊ​രു ഉദാഹ​ര​ണ​മാണ്‌, യോഹ 17:1-26-ൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ പ്രാർഥന. യേശു​വി​ന്റേ​താ​യി രേഖ​പ്പെ​ടു​ത്തി​യി​രി​ക്കുന്ന ഏറ്റവും നീണ്ട പ്രാർഥ​ന​യാണ്‌ ഇത്‌.

• പിതാ​വും പുത്ര​നും തമ്മിലുള്ള ഗാഢമായ സ്‌നേ​ഹ​ബ​ന്ധ​ത്തെ​ക്കു​റി​ച്ചും അവരോ​ടു യോജി​പ്പി​ലാ​കുന്ന ഒരാൾക്ക്‌ അവരു​മാ​യു​ണ്ടാ​കുന്ന അടുത്ത ബന്ധത്തെ​ക്കു​റി​ച്ചും ഉള്ള യോഹ​ന്നാ​ന്റെ വർണന​യാണ്‌ ആ സുവി​ശേ​ഷത്തെ ഏറ്റവും ശ്രദ്ധേ​യ​മാ​ക്കു​ന്നത്‌. മറ്റു മൂന്നു സുവി​ശേ​ഷ​ങ്ങ​ളി​ലും മൊത്ത​ത്തി​ലു​ള്ള​തി​നെ​ക്കാൾ കൂടുതൽ പ്രാവ​ശ്യം “സ്‌നേഹം,” “സ്‌നേ​ഹി​ച്ചു” എന്നതു​പോ​ലുള്ള പദങ്ങൾ യോഹ​ന്നാൻ ഉപയോ​ഗി​ച്ചി​ട്ടുണ്ട്‌.

• യോഹ​ന്നാ​ന്റെ സുവി​ശേ​ഷ​ത്തി​ന്റെ 18-ാം അധ്യാ​യ​ത്തി​ലെ ചില വാക്യ​ങ്ങ​ളുള്ള ഒരു ചെറിയ പപ്പൈ​റസ്‌ ശകലമാണ്‌ റൈലൻഡ്‌സ്‌ പപ്പൈ​റസ്‌ 457. ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളു​ടെ ഇപ്പോ​ഴു​ള്ള​തി​ലേ​ക്കും ഏറ്റവും പഴക്കമുള്ള ഗ്രീക്ക്‌ കൈ​യെ​ഴു​ത്തു​പ്ര​തി​യാണ്‌ ഇതെന്നു പല പണ്ഡിത​ന്മാ​രും അഭി​പ്രാ​യ​പ്പെ​ടു​ന്നു. ഇതിനു രണ്ടാം നൂറ്റാ​ണ്ടി​ന്റെ ആദ്യപ​കു​തി​യോ​ളം കാലപ്പ​ഴ​ക്ക​മു​ണ്ടെന്നു കണക്കാ​ക്ക​പ്പെ​ടു​ന്നു. യോഹ​ന്നാ​ന്റെ സുവി​ശേഷം ആ സമയത്ത്‌ ഈജി​പ്‌തിൽ (ഈ ശകലം കണ്ടെടുത്ത സ്ഥലം.) പ്രചാ​ര​ത്തി​ലു​ണ്ടാ​യി​രു​ന്നു എന്ന വസ്‌തുത സൂചി​പ്പി​ക്കു​ന്നത്‌, “യോഹ​ന്നാ​ന്റെ സുവി​ശേഷം” എഴുതി​യത്‌ എ.ഡി. ഒന്നാം നൂറ്റാ​ണ്ടി​ലാ​ണെ​ന്നും യോഹ​ന്നാൻത​ന്നെ​യാണ്‌ അതിന്റെ എഴുത്തു​കാ​ര​നെ​ന്നും ആണ്‌.

• യോഹ​ന്നാൻ തന്റെ സുവി​ശേഷം എഴുതി​യത്‌, അതു വായി​ക്കു​ന്നവർ “യേശു ദൈവ​പു​ത്ര​നായ ക്രിസ്‌തു​വാ​ണെന്നു” വിശ്വ​സി​ക്കാ​നും അവർക്കു “യേശു​വി​ന്റെ പേര്‌ മുഖാ​ന്തരം ജീവൻ കിട്ടാ​നും” വേണ്ടി​യാണ്‌.​—യോഹ 20:31.