എഴുത്തുപലകകൾ

“അവന്റെ പേര്‌ യോഹ​ന്നാൻ എന്നാണ്‌” എന്നു സെഖര്യ എബ്രാ​യ​ഭാ​ഷ​യിൽ എഴുതി​ക്കാ​ണി​ച്ചത്‌ ഈ ചിത്ര​ത്തിൽ കാണി​ച്ചി​രി​ക്കു​ന്ന​തു​പോ​ലുള്ള ഒരു എഴുത്തു​പ​ല​ക​യി​ലാ​യി​രി​ക്കാം. തടി​കൊണ്ട്‌ ഉണ്ടാക്കിയ ഇത്തരം എഴുത്തു​പ​ല​കകൾ പണ്ട്‌ മധ്യപൂർവ​ദേ​ശത്ത്‌ നൂറ്റാ​ണ്ടു​ക​ളോ​ളം ഉപയോ​ഗ​ത്തി​ലു​ണ്ടാ​യി​രു​ന്നു. അവയുടെ വിളു​മ്പിന്‌ ഉള്ളിലെ ഭാഗത്ത്‌ നേരിയ കനത്തിൽ മെഴുകു നിറയ്‌ക്കും. എന്നിട്ട്‌ മൃദു​ല​മായ ആ പ്രതല​ത്തിൽ ഇരുമ്പോ വെങ്കല​മോ ആനക്കൊ​മ്പോ കൊണ്ടുള്ള ഒരു എഴുത്തു​കോൽ ഉപയോ​ഗിച്ച്‌ എഴുതും. പൊതു​വേ എഴുത്തു​കോ​ലി​ന്റെ ഒരറ്റം കൂർത്ത​തും മറ്റേ അറ്റം ഉളി​പോ​ലെ പരന്നതും ആയിരി​ക്കും. എഴുതി​യതു മായ്‌ച്ച്‌, അവിടം വീണ്ടും മിനു​സ​പ്പെ​ടു​ത്താ​നാ​ണു പരന്ന അറ്റം ഉപയോ​ഗി​ച്ചി​രു​ന്നത്‌. ചില​പ്പോ​ഴൊ​ക്കെ ഒന്നോ അതില​ധി​ക​മോ എഴുത്തു​പ​ല​കകൾ ചെറിയ തുകൽവാ​റു​കൾകൊണ്ട്‌ ബന്ധിച്ചി​രു​ന്നു. ബിസി​നെ​സ്സു​കാർ, പണ്ഡിത​ന്മാർ, വിദ്യാർഥി​കൾ, നികു​തി​പി​രി​വു​കാർ എന്നിവർ ഇത്തരം എഴുത്തു​പ​ല​കകൾ ഉപയോ​ഗി​ച്ചി​രു​ന്നത്‌, ഏറെ കാല​ത്തേക്ക്‌ സൂക്ഷി​ച്ചു​വെ​ക്കേ​ണ്ട​തി​ല്ലാത്ത വിവരങ്ങൾ രേഖ​പ്പെ​ടു​ത്താൻ മാത്ര​മാണ്‌. ഫോ​ട്ടോ​യിൽ കാണി​ച്ചി​രി​ക്കുന്ന എഴുത്തു​പ​ല​കകൾ ഈജി​പ്‌തിൽനിന്ന്‌ കണ്ടെടു​ത്ത​വ​യാണ്‌. അവ എ.ഡി. രണ്ടാം നൂറ്റാ​ണ്ടി​ലേ​തോ മൂന്നാം നൂറ്റാ​ണ്ടി​ലേ​തോ ആണെന്നു കരുത​പ്പെ​ടു​ന്നു.