നീറോ സീസർ

ഏതാണ്ട്‌ എ.ഡി. 56-57 കാലഘ​ട്ട​ത്തിൽ നിർമിച്ച ഈ സ്വർണ​നാ​ണ​യ​ത്തിൽ നീറോ ചക്രവർത്തി​യു​ടെ അർധകാ​യ​രൂ​പ​മാ​ണു കാണു​ന്നത്‌. എ.ഡി. 54 മുതൽ 68 വരെ റോമൻ സാമ്രാ​ജ്യം ഭരിച്ചത്‌ അദ്ദേഹ​മാണ്‌. യരുശ​ലേ​മിൽവെച്ച്‌ അന്യാ​യ​മാ​യി അറസ്റ്റ്‌ ചെയ്യ​പ്പെട്ട്‌, ഏതാണ്ട്‌ എ.ഡി. 56 മുതൽ ഏതാണ്ട്‌ എ.ഡി. 58 വരെ കൈസ​ര്യ​യി​ലെ തടവിൽ കഴിഞ്ഞ പൗലോസ്‌ അപ്പീലി​നു പോയത്‌ അന്നത്തെ സീസറായ നീറോ​യു​ടെ മുമ്പാ​കെ​യാ​യി​രു​ന്നു. ഏതാണ്ട്‌ എ.ഡി. 59-ൽ ആദ്യമാ​യി റോമിൽ തടവി​ലായ പൗലോ​സി​നെ സാധ്യ​ത​യ​നു​സ​രിച്ച്‌ എ.ഡി. 61-ഓടെ നിരപ​രാ​ധി​യാ​യി പ്രഖ്യാ​പിച്ച്‌ വിട്ടയച്ചു. എന്നാൽ പിന്നീട്‌ സാഹച​ര്യ​ങ്ങൾ മാറി. എ.ഡി. 64-ൽ റോമി​ലു​ണ്ടായ ഒരു തീപി​ടു​ത്ത​ത്തിൽ നഗരത്തി​ന്റെ ഒരു ഭാഗം കത്തിന​ശി​ച്ച​പ്പോൾ ആ ദുരന്ത​ത്തി​നു പിന്നിൽ നീറോ​യാ​ണെന്നു ചിലർ ആരോ​പി​ച്ചു. ആ ആരോ​പ​ണ​ത്തി​ന്റെ ഗതി മാറ്റി​വി​ടാൻ നീറോ കുറ്റം മുഴുവൻ ക്രിസ്‌ത്യാ​നി​ക​ളു​ടെ മേൽ കെട്ടി​വെച്ചു. തുടർന്ന്‌ ഗവൺമെന്റ്‌ അവർക്കെ​തി​രെ ക്രൂര​മായ ഉപദ്രവം അഴിച്ചു​വി​ട്ടു. സാധ്യ​ത​യ​നു​സ​രിച്ച്‌ ഈ സമയത്താണ്‌ (എ.ഡി. 65) പൗലോസ്‌ രണ്ടാമതു റോമിൽ തടവി​ലാ​കു​ന്നത്‌. തുടർന്ന്‌ അദ്ദേഹം വധിക്ക​പ്പെ​ടു​ക​യും ചെയ്‌തു.