ചെങ്ങാ​ലി​പ്രാവ്‌, പ്രാവ്‌

പ്രസവം കഴിഞ്ഞ ഒരു സ്‌ത്രീ, മോശ​യ്‌ക്കു കൊടുത്ത നിയമ​മ​നു​സ​രിച്ച്‌ ഒരു ആൺചെ​മ്മ​രി​യാ​ട്ടിൻകു​ട്ടി​യെ ദഹനയാ​ഗ​മാ​യും ഒരു പ്രാവിൻകു​ഞ്ഞി​നെ​യോ ചെങ്ങാ​ലി​പ്രാ​വി​നെ​യോ പാപയാ​ഗ​മാ​യും അർപ്പി​ക്ക​ണ​മാ​യി​രു​ന്നു. ആ കുടും​ബ​ത്തി​നു ചെമ്മരി​യാ​ടി​നെ നൽകാ​നുള്ള സാമ്പത്തി​ക​ശേഷി ഇല്ലായി​രു​ന്നെ​ങ്കിൽ (സാധ്യ​ത​യ​നു​സ​രിച്ച്‌ മറിയ​യു​ടെ​യും യോ​സേ​ഫി​ന്റെ​യും സ്ഥിതി അതായി​രു​ന്നു.) രണ്ടു ചെങ്ങാ​ലി​പ്രാ​വി​നെ​യോ രണ്ടു പ്രാവിൻകു​ഞ്ഞി​നെ​യോ അർപ്പി​ക്കാ​മാ​യി​രു​ന്നു. (ലേവ 12:6-8) ഇവിടെ കാണി​ച്ചി​രി​ക്കുന്ന (1) ചെങ്ങാ​ലി​പ്രാവ്‌ (സ്‌​റ്റ്രെ​പ്‌റ്റോ​പീ​ലിയ ടുർടുർ) ഇസ്രാ​യേ​ലി​നു പുറമേ യൂറോ​പ്പി​ലും വടക്കേ ആഫ്രി​ക്ക​യി​ലും പടിഞ്ഞാ​റൻ ഏഷ്യയി​ലും കണ്ടുവ​രു​ന്ന​താണ്‌. എല്ലാ വർഷവും ഒക്ടോ​ബ​റിൽ, ചൂടു കൂടിയ തെക്കൻ രാജ്യ​ങ്ങ​ളി​ലേക്കു ദേശാ​ന്ത​ര​ഗ​മനം നടത്തുന്ന ഇവ, ഏപ്രിൽ മാസ​ത്തോട്‌ അടുത്ത്‌ ഇസ്രാ​യേ​ലിൽ തിരികെ എത്തും. ഇവിടെ കാണി​ച്ചി​രി​ക്കുന്ന മറ്റേ പക്ഷി (2) മാട​പ്രാവ്‌ (കൊളംബ ലിവിയ) ആണ്‌. ഈ ഇനം ലോക​മെ​മ്പാ​ടും കണ്ടുവ​രു​ന്നു. ഇവ പൊതു​വേ ദേശാ​ന്ത​ര​ഗ​മനം നടത്താ​റില്ല.