ലോകത്തെ വീക്ഷിക്കൽ

അശ്ലീല സാഹി​ത്യ​വും അക്രമ​വും

പതിവാ​യി അശ്ലീല സാഹി​ത്യ​ങ്ങൾ വായി​ക്കു​ന്നത്‌ ഉപദ്ര​വ​ക​ര​മാ​ണെ​ന്നും അത്‌ “ലൈം​ഗിക അക്രമ പ്രവർത്ത​ന​ങ്ങ​ളി​ലേക്ക്‌ നയിക്കു​ന്നു എന്നും” ഐക്യ​നാ​ടു​ക​ളി​ലെ നീതി​ന്യാ​യ വകുപ്പ്‌ നടത്തിയ ഒരു പഠനം തെളി​യി​ച്ചി​രി​ക്കു​ന്ന​താ​യി ദി ന്യൂ​യോർക്ക്‌ ടൈംസ്‌ റിപ്പോർട്ട്‌ ചെയ്യുന്നു. അശ്ലീല പരിപാ​ടി​കൾ വീക്ഷി​ക്കു​ന്നത്‌, “ആളുകൾ അവ എത്ര​ത്തോ​ളം കാണു​ന്നു​വോ അത്രകണ്ട്‌ ബലാൽസം​ഗ​വും മറ്റുത​ര​ത്തി​ലുള്ള ലൈം​ഗിക അക്രമ​പ്ര​വൃ​ത്തി​ക​ളും ഗൗരവം കുറഞ്ഞ​താ​യി വീക്ഷി​ക്കാൻ ഇടയാ​ക്കു​മെന്ന്‌” അശ്ലീല പരിപാ​ടി​കൾ വീക്ഷി​ക്കു​ന്ന​തി​നെ സംബന്ധി​ച്ചുള്ള ഒരു പതി​നൊ​ന്നംഗ പഠന സംഘം കുറി​ക്കൊ​ണ്ടു. കാര്യങ്ങൾ ഇങ്ങനെ​യാ​ണെ​ങ്കി​ലും അശ്ലീല സാഹി​ത്യ​ങ്ങ​ളു​ടെ വില്‌പന നിയ​ന്ത്രി​ക്കാൻ ഉദ്ദേശി​ച്ചുള്ള നിയമങ്ങൾ പാലി​ക്കാൻ അധികാ​രി​കൾ ശ്രദ്ധി​ക്കു​ന്നില്ല എന്ന്‌ അവർ കൂട്ടി​ച്ചേർത്തു. അശ്ലീല സാഹി​ത്യ​ത്തി​ന്റെ നിർമ്മാ​ണ​വും വിതര​ണ​വും സംഘടി​ത​മാ​യി കുറ്റകൃ​ത്യ​ങ്ങൾ ചെയ്യു​ന്ന​വ​രാൽ “നേരിട്ട്‌ നടത്ത​പ്പെ​ടു​ക​യോ നിയ​ന്ത്രി​ക്ക​പ്പെ​ടു​ക​യോ” ചെയ്യുന്നു എന്നതിന്റെ ശക്തമായ തെളി​വും ഈ പഠന സംഘത്തി​ന്റെ ശ്രദ്ധയിൽപെട്ടു.

അഗ്നിപർവ്വത സ്‌ഫോ​ടനം സംബന്ധിച്ച്‌ പ്രകൃ​തി​യു​ടെ മുന്നറി​യിപ്പ്‌.

അഗ്നിപർവ്വ​തങ്ങൾ ഉള്ള പ്രദേ​ശ​ങ്ങ​ളി​ലെ ആളുകൾക്ക്‌ അവയുടെ പ്രവർത്തനം സംബന്ധിച്ച്‌ കാര്യ​ക്ഷ​മായ രീതി​യിൽ മുന്നറി​യിപ്പ്‌ ലഭിക്കേണ്ട വലിയ ആവശ്യ​മുണ്ട്‌. ഒരു അഗ്നിപർവ്വ​ത​ത്തി​ന്റെ പാർശ്വ​ങ്ങ​ളിൽ വളരുന്ന ചെടി​കളെ നിരീ​ക്ഷി​ക്കു​ന്ന​തി​നാൽ അഗ്നിപർവ്വത സ്‌ഫോ​ടനം മുൻകൂ​ട്ടി​പ്പ​റ​യാൻ കഴിയു​മെന്ന്‌ പാരീസ്‌ പ്രകൃതി ശാസ്‌ത്ര മ്യൂസി​യ​ത്തി​ലെ ഗവേഷ​ക​നായ മിസ്‌റ്റർ ക്ലോഡ്‌ സാസ്‌ട്രേ അവകാ​ശ​പ്പെ​ടു​ന്നു. ഗ്വാ​ദേ​ലൂ​പ്പേ​യി​ലെ സൂഫ്‌റി​യേർ അഗ്നിപർവ്വതം ഒരു ഉദാഹ​ര​ണ​മാ​യി അദ്ദേഹം ചൂണ്ടി​ക്കാ​ണി​ക്കു​ന്നു. 1976 ഫെബ്രു​വ​രി​യിൽ തന്നെ അഗ്നിപർവ്വത സ്‌ഫോ​ടനം ആസന്നമാ​ണെന്ന്‌ സസ്യശാ​സ്‌ത്ര​ജ്ഞൻമാർക്ക്‌ തെളിവ്‌ ലഭിച്ചി​രു​ന്നു. ആറുമാ​സ​ങ്ങൾക്കു​ശേഷം വിള്ളലു​കൾ പ്രത്യ​ക്ഷ​മാ​വു​ക​യും ലാവാ പുറ​ത്തേ​യ്‌ക്കു വമിക്കു​ക​യും ചെയ്‌ത അതേ സ്ഥാനങ്ങ​ളിൽ അന്നുതന്നെ ചെടികൾ കരിഞ്ഞി​രു​ന്നു.

ഹെഡ്‌ഫോ​ണു​കൾ അപകട​ക​രം

മുന്നറി​യിപ്പ്‌! ഹെഡ്‌ഫോ​ണു​കൾ ഉപയോ​ഗി​ക്കു​ന്നത്‌ നിങ്ങളു​ടെ ശ്രവണ പ്രാപ്‌തിക്ക്‌ ഹാനി​ക​ര​മാ​യി​ത്തീർന്നേ​ക്കാം! ഹെഡ്‌ഫോ​ണി​ലൂ​ടെ സ്‌റ്റീ​രി​യോ സംഗീതം ശ്രവി​ച്ചി​രുന്ന കൗമാ​ര​പ്രാ​യ​ക്കാ​രു​ടെ​യി​ട​യി​ലെ ഒരു സർവ്വേ അനുസ​രിച്ച്‌ അവരിൽ പകുതി​പ്പേർക്ക്‌ താല്‌ക്കാ​ലി​ക​മായ ശ്രവണ തകരാ​റു​ണ്ടാ​യി​രു​ന്നു. മിതമാ​യ​തോ ഉയർന്ന​തോ ആയ ശബ്ദത്തി​ലുള്ള സംഗീതം മൂന്നു മണിക്കൂർ ശ്രദ്ധി​ച്ച​ശേഷം അവരുടെ ചെവി​ക​ളിൽ മണിയടി മുഴങ്ങി​ക്കൊ​ണ്ടി​രു​ന്ന​താ​യി അവരിൽ 3⁄4 ഭാഗം പേരും പരാതി​പ്പെട്ടു. ശബ്ദം 120 ഡെസി​ബെൽസിൽ കൂടു​ത​ലാ​യി​രി​ക്കു​മ്പോൾ അതു കർണ്ണങ്ങൾക്ക്‌ തകരാ​റു​വ​രു​ത്തു​ന്നു എന്ന്‌ അമേരി​ക്കൻ ശ്രവണ​ശ​ബ്ദ​ശാ​സ്‌ത്ര അക്കാഡമി റിപ്പോർട്ടു ചെയ്യുന്നു. മിക്ക റേഡി​യോ​കൾക്കും അത്രയും ശബ്ദം പുറ​പ്പെ​ടു​വി​ക്കാൻ കഴിയു​ന്നു. ശ്രവണ സുരക്ഷി​ത​ത്വ​ത്തിന്‌ ഹെഡ്‌ഫോ​ണി​ലൂ​ടെ കുറഞ്ഞ സമയ​ത്തേ​യ്‌ക്ക്‌ താഴ്‌ന്ന സ്വരത്തിൽ മാത്രം സംഗീതം ശ്രവി​ക്കാൻ ശുപാർശ ചെയ്യ​പ്പെ​ട്ടി​രി​ക്കു​ന്നു.

ആപൽക്ക​ര​മായ തീയതി

1986 ഏപ്രിൽ 26-ാം തീയതി ചെർണോ​ബിൽ അണുശക്തി കേന്ദ്ര​ത്തിൽ ഉണ്ടായ അപകട​ത്തി​ന്റെ ഫലമായി അന്തരീ​ക്ഷ​ത്തി​ലേക്കു തുറന്നു വിടപ്പെട്ട അണു​പ്ര​സ​ര​ത്തി​ന്റെ അപകട​ക​ര​മായ ഫലങ്ങൾ ആയിര​ക്ക​ണ​ക്കിന്‌ ആളുകൾ അനുഭ​വി​ക്കേ​ണ്ടി​വ​രും എന്ന്‌ വിദഗ്‌ദ്ധർ അഭി​പ്രാ​യ​പ്പെ​ടു​ന്നു. അവരുടെ കണക്കു​കൂ​ട്ടൽ അനുസ​രിച്ച്‌ ചെർണോ​ബി​ലിൽ നിന്നും പ്രസരിച്ച സീസിയം 137-ന്റെ ഫലമായി 4000 പേർക്കെ​ങ്കി​ലും ക്യാൻസർ ബാധി​ക്കു​ക​യും അതിന്റെ ഫലമായി 2000 പേരെ​ങ്കി​ലും മരിക്കു​ക​യും ചെയ്യും. അയഡിൻ 131 ശ്വസി​ക്കു​ന്ന​തി​നാൽ 24000 പേർക്ക്‌ തൈ​റോ​യിഡ്‌ സംബന്ധിച്ച തകരാ​റു​ക​ളു​ണ്ടാ​വു​ക​യും 120,000 പേർക്കെ​ങ്കി​ലും അണു​പ്ര​സ​ര​മുള്ള പാലും മറ്റു ഭക്ത്യ വസ്‌തു​ക്ക​ളും ഉൾക്കൊ​ള്ളു​ന്ന​തി​നാൽ അത്തരം കുഴപ്പങ്ങൾ സംഭവി​ക്കു​ക​യും ചെയ്യും. തൈ​റോ​യിഡ്‌ ക്യാൻസർ 2000-ത്തിലധി​കം മരണത്തിന്‌ കാരണ​മാ​യേ​ക്കാം. ഈ കണക്കുകൾ വളരെ ചുരു​ങ്ങിയ സമയ​ത്തേ​യ്‌ക്കുള്ള അണു​പ്ര​സ​ര​ത്തി​ന്റെ ഫലങ്ങളാണ്‌ എന്ന്‌ ഗവേഷകർ പറയുന്നു. മൂന്നാ​ഴ്‌ച​ക​ളോ അതിൽ ദീർഘ​മോ ആയ കാലഘ​ട്ടത്തെ അണു​പ്ര​സരം ക്യാൻസർ ബാധി​ത​രു​ടെ​യും മരണത്തി​ന്റെ​യും എണ്ണം നാലു​മ​ടങ്ങ്‌ വർദ്ധി​പ്പി​ക്കും! കിഴക്കേ യൂറോ​പ്പി​ലെ​യും സ്‌കാൻഡി​നേ​വി​യാ​യി​ലെ​യും സോവി​യറ്റ്‌ യൂണി​യ​നി​ലേ​യും ആളുക​ളാ​യി​രി​ക്കും ഏറ്റവും അധികം ബാധി​ക്ക​പ്പെ​ടുക എന്നും ചൂണ്ടി​ക്കാ​ണി​ക്ക​പ്പെ​ട്ടി​രി​ക്കു​ന്നു.

“കത്തോ​ലിക്ക” സ്‌പെ​യിൻ

സ്‌പെ​യി​നി​ന്റെ സ്വന്ത ചരി​ത്ര​വും അതിന്റെ കോള​നി​ക​ളു​ടെ ചരി​ത്ര​വും കത്തോ​ലിക്ക സഭയു​മാ​യി അടുത്തു ബന്ധപ്പെ​ട്ടി​രി​ക്കു​ന്ന​തി​നാൽ ലോക​ത്തി​ലേ​ക്കും ഏറ്റവും കത്തോ​ലി​ക്ക​മായ രാജ്യ​മാ​യി​ട്ടാണ്‌ സ്‌പെ​യിൻ അറിയ​പ്പെ​ടു​ന്നത്‌. 1978 വരെ അവിടത്തെ ഔദ്യോ​ഗിക മതം കത്തോ​ലിക്ക മതമാ​യി​രു​ന്നു. എന്നാൽ ഈ അടുത്ത​കാ​ലത്ത്‌ സ്‌പെ​യി​നി​ലെ കത്തോ​ലിക്ക സാമൂഹ്യ ഗവേഷക കേന്ദ്രം. പ്രസി​ദ്ധീ​ക​രിച്ച ഒരു റിപ്പോർട്ടിൻ പ്രകാരം അവിടത്തെ 46 ശതമാനം ആളുകൾ മാത്രമേ കത്തോ​ലിക്ക മതം ആചരി​ക്കു​ന്ന​വ​രാ​യി തങ്ങളെ​ത്തന്നെ കണക്കാ​ക്കു​ന്നു​ള്ളു. ഇവരിൽ വെറും 18 ശതമാനം മാത്രം ക്രമായി കുർബ്ബാ​നക്കു ഹാജരാ​കു​ന്നു. “ഒരു കത്തോ​ലിക്ക രാജ്യ​മെ​ന്നുള്ള സ്‌പെ​യി​നി​ന്റെ മുഖഛായ സംബന്ധിച്ച്‌ ഈ കണക്കുകൾ സംശയം ജനിപ്പി​ച്ചി​രി​ക്കു​ന്നു എന്ന്‌ സഭയുടെ ഒരു വക്താവ്‌” പറഞ്ഞതാ​യി പാരീ​സിൽ നിന്നുള്ള ഒരു ദിനപ്പ​ത്ര​മായ ദി ഇൻറർ നാഷനൽ ഹെറാൾഡ്‌ ട്രിബ്യൂൺ കുറി​ക്കൊ​ണ്ടു. 1979 ഡിസംബർ മുതൽ സ്‌പെ​യി​നി​ലെ സ്‌കൂ​ളു​ക​ളിൽ കത്തോ​ലിക്ക മതപഠനം നിർബ്ബ​ന്ധമല്ല.

വി.ഡി.യു-ഉം കാഴ്‌ച​ക്കു​റ​വും

വി.ഡി.യു. (വിഷ്വൽ ഡിസ്‌പ്ലേ യൂണിറ്റ്‌) പ്രവർത്തി​പ്പി​ക്കു​ന്ന​വ​രിൽ അഞ്ചിൽ നാലു​പേർക്കും ആയാസ​വും കണ്ണുക​ടി​യും കാഴ്‌ച​ക്കു​റ​വും നീറ്റലും അനുഭ​വ​പ്പെ​ടു​ന്ന​താ​യി ലണ്ടനിൽ നിന്നുള്ള ദി റൈംസ്‌ റിപ്പോർട്ടു ചെയ്യുന്നു. ഇതു സംബന്ധിച്ച്‌ എന്തു ചെയ്യാ​നാ​വും? ഓരോ മണിക്കൂ​റി​ലും അഞ്ചു മുതൽ പത്തുവരെ മിനിറ്റു സമയ​ത്തേ​യ്‌ക്ക്‌ ഓപ്പ​റ്റേ​റർമാ​രെ സ്‌ക്രീ​നിൽ നിന്നു ദൃഷ്ടി മാറ്റി മറ്റെവി​ടെ​യെ​ങ്കി​ലും നോക്കാൻ അനുവ​ദി​ക്കണം എന്ന്‌ ലണ്ടനിലെ മൂർഫീൽഡ്‌ കണ്ണാശു​പ​ത്രി​യി​ലെ മുഖ്യ നേത്ര​രോഗ വിദഗ്‌ദ്ധ​യായ ജാനറ്റ്‌ സിൽവർ നിർദ്ദേ​ശി​ക്കു​ന്നു. സ്‌ക്രീ​നി​ന്റെ തെളി​മ​യും ചുറ്റു​പാ​ടു​ക​ളു​ടെ ഇരുളി​മ​യും ക്രമീ​ക​രി​ക്കു​ന്ന​തും കണ്ണഞ്ചി​പ്പി​ക്കാത്ത വിധത്തിൽ സ്‌ക്രീ​നി​ന്റെ സ്ഥാനം നിർണ്ണ​യി​ക്കു​ന്ന​തും അവർ ശുപാർശ​ചെ​യ്‌തി​രി​ക്കു​ന്നു. ഇത്തരം ഒരു യന്ത്രം പ്രവർത്തി​പ്പി​ക്കുന്ന ജോലി ഏറ്റെടു​ക്കു​ന്നവർ നേത്ര പരി​ശോ​ധന നടത്തണ​മെ​ന്നും തുടർന്നു ഓരോ രണ്ടു വർഷം കൂടു​മ്പോ​ഴും വീണ്ടും പരി​ശോ​ധ​ന​യ്‌ക്കു വിധേ​യ​രാ​ക​ണ​മെ​ന്നും അവർ നിർദ്ദേ​ശി​ക്കു​ന്നു.

ആഫ്രി​ക്ക​യിൽ എയ്‌ഡ്‌സ്‌

കഴിഞ്ഞ നവംബർ മുതൽ ഒരു ദിവസം ഒരാൾ എന്ന കണക്കിൽ ഉഗാണ്ട​യു​ടെ തലസ്ഥാ​നത്തെ മുലാ​ഗോ ആശുപ​ത്രി​യിൽ എയ്‌ഡ്‌സ്‌ രോഗ ബാധി​തരെ പ്രവേ​ശി​പ്പി​ച്ച​താ​യി 1986 ഏപ്രിൽ 20-ലെ സൺഡേ ടൈംസ്‌ ലണ്ടനിൽ നിന്ന്‌ റിപ്പോർട്ടു ചെയ്യുന്നു. “മെഡിക്കൽ വാർഡു​ക​ളി​ലെ ഏറ്റവും വലിയ കൊല​യാ​ളി എയ്‌ഡ്‌സാണ്‌ എന്ന്‌ ടൈംസ്‌ ചൂണ്ടി​ക്കാ​ണി​ക്കു​ന്നു. ഉഗാണ്ട​യിൽ പരി​ശോ​ധി​ക്ക​പ്പെ​ട്ട​വ​രിൽ പത്തിൽ ഒരാൾ വീതം എയ്‌ഡ്‌സി​ന്റെ രോഗാ​ണു​ക്കൾ ശരീര​ത്തിൽ കൊണ്ടു നടക്കു​ന്ന​വ​രാ​ണെന്ന്‌ ഡോക്ടർമാർ കണ്ടെത്തി​യി​രി​ക്കു​ന്നു. ഇതിന്‌ എന്തു വിശദീ​ക​ര​ണ​മാണ്‌ അവർ നൽകു​ന്നത്‌? സ്വവർഗ്ഗ​ര​തി​ക്കു പുറമേ പരസം​ഗ​വും രക്തപ്പകർച്ച​യും ഈ മാരക​രോ​ഗം പരത്തുന്ന കണ്ണിക​ളാ​യി ചൂണ്ടി​ക്കാ​ണി​ക്ക​പ്പെ​ടു​ന്നു. പകർച്ച​യ്‌ക്കു​പ​യോ​ഗി​ക്കുന്ന രക്തത്തിൽ എയ്‌ഡ്‌സ്‌ രോഗ​ത്തി​നാൽ ദിവസേന നടക്കുന്ന 20 രക്തപ്പകർച്ചകൾ 2 പേർക്കെ​ങ്കി​ലും ഈ രോഗം ബാധി​ക്കാ​നി​ട​യാ​ക്കു​ന്നു എന്ന്‌ ഡോക്ടർമാർ കണക്കാ​ക്കു​ന്നു!”

ഉയർന്ന കസേര​യും സുരക്ഷി​ത​ത്വ​വും

ഉയരമുള്ള കസേരകൾ സുരക്ഷി​ത​മാ​ണോ? പേരൻസ്‌ മാസിക റിപ്പോർട്ടു ചെയ്യു​ന്ന​ത​നു​സ​രിച്ച്‌ 1984-ൽ മാത്രം ഉയർന്ന​ക​സേ​ര​യോ​ടു ബന്ധപ്പെട്ട അപകട​ങ്ങൾക്ക്‌ ശിശു​ക്ക​ളും അഞ്ചുവ​യ​സ്സിൽ താഴെ പ്രായ​മുള്ള കുട്ടി​ക​ളു​മായ 8000 പേർക്ക്‌ ആശുപ​ത്രി​ക​ളിൽ അത്യാ​ഹിത വിഭാ​ഗ​ങ്ങ​ളിൽ ചികിത്സ ചെയ്യേണ്ടി വന്നിട്ടുണ്ട്‌. ഐക്യ​നാ​ടു​ക​ളി​ലെ ഉപഭോ​ക്ത​വ​സ്‌തു സുരക്ഷിത കമ്മീഷൻ അഭി​പ്രാ​യ​പ്പെട്ട പ്രകാരം നോക്കാ​നാ​ളി​ല്ലാ​തെ​യി​രി​ക്കു​ക​യോ കസേര​യിൽ സുരക്ഷി​ത​മാ​യി ബന്ധിക്ക​പ്പെ​ടാ​തി​രി​ക്കു​ക​യോ ചെയ്യു​മ്പോൾ ഒരു കുട്ടിക്ക്‌ ഗുരു​ത​ര​മായ പരുക്ക്‌ പറ്റാനി​ട​യുണ്ട്‌. പരി​ക്കേ​ല്‌പ്പി​ക്കുന്ന സാധാരണ രീതികൾ കസേര​യിൽ നിന്നുള്ള വീഴ്‌ച, കസേര മറിയു​ക​യോ മടങ്ങു​ക​യോ ചെയ്യു​ന്നത്‌, അത്തരം സന്ദർഭ​ങ്ങ​ളിൽ കൈകാ​ലു​കൾ അവയ്‌ക്കി​ട​യിൽപെട്ട്‌ ചതയു​ന്നത്‌, അവയിൽ കുരു​ങ്ങി​പ്പോ​കു​ന്നത്‌ എന്നിവ​യാണ്‌. അപകടങ്ങൾ ഒഴിവാ​ക്കു​ന്ന​തിന്‌ ലഭ്യമായ സുരക്ഷിത ബെൽറ്റു​കൾ ഉപയോ​ഗി​ക്കു​ന്ന​തും ശിശു കസേര​യിൽ ഇരിക്കു​മ്പോൾ സൂക്ഷ്‌മ ശ്രദ്ധ​കൊ​ടു​ക്കു​ന്ന​തു​മാണ്‌ കമ്മീഷൻ ശുപാർശ ചെയ്യു​ന്നത്‌.

പുകയി​ല​യു​ടെ പരസ്യം നിരോ​ധി​ക്കു​ന്നു

“സിഗറ്റ​റു​ക​ളു​ടെ​യും പുകയി​ല്ലാത്ത മറ്റു പുകയില ഉല്‌പ​ന്ന​ങ്ങ​ളു​ടെ​യും പരസ്യം പാടെ ഒഴിവാ​ക്ക​ണ​മെന്ന്‌ ഐക്യ​നാ​ടു​ക​ളി​ലെ അനേകം ആരോഗ്യ സംഘട​നകൾ ആവശ്യ​പ്പെ​ട്ടി​രി​ക്കു​ന്ന​താ​യി അമേരി​ക്കൻ ക്യാൻസർ സൊ​സൈറ്റി പ്രഖ്യാ​പി​ച്ചി​രി​ക്കു​ന്നു.” സിഗറ്റ​റു​വ​ലി​കൊ​ണ്ടു​ണ്ടാ​കുന്ന രോഗം, അഗ്നിബാധ, മറ്റു അപകടങ്ങൾ എന്നിവ വരുത്തി​വ​യ്‌ക്കുന്ന നാശം അമ്പരപ്പി​ക്കു​ന്ന​താ​ണെന്ന്‌ സൊ​സൈ​റ്റി​യു​ടെ പ്രസി​ഡൻറ്‌ ഡോ. ലേമാ​യ​സ്‌ട്രേ കുറി​ക്കൊ​ണ്ടു. അദ്ദേഹ​ത്തി​ന്റെ അഭി​പ്രാ​യ​ത്തിൽ സിഗറ്റ​റു​വലി മൂലം ഒന്നും രണ്ടും ലോക​മ​ഹാ​യു​ദ്ധ​ങ്ങ​ളി​ലും കൊറി​യൻ, വിയറ്റ്‌നാം യുദ്ധങ്ങ​ളി​ലും എല്ലാം കൂടി മരിച്ച അമേരി​ക്കാ​ക്കാ​രേ​ക്കാൾ കൂടുതൽ പേർ ഓരോ വർഷവും മരണമ​ട​യു​ന്നു. അതു​പോ​ലെ അമേരി​ക്കൻ ഐക്യ​നാ​ടു​ക​ളിൽ ഓരോ വർഷവും മോ​ട്ടോർ അപകട​ങ്ങ​ളിൽ കൊല്ല​പ്പെ​ടു​ന്ന​വ​രു​ടെ ഏഴുമ​ട​ങ്ങാണ്‌ അത്‌.

സ്‌ത്രീ​കൾക്ക്‌ ദീർഘാ​യുസ്സ്‌

ഇംഗ്ലണ്ടി​ലും വെയിൽസി​ലും ദീർഘാ​യു​സ്സു​കാ​രു​ടെ എണ്ണം പെരുകി വരുന്ന​താ​യി ലണ്ടനിൽ നിന്നുള്ള ദി ടൈംസ്‌ റിപ്പോർട്ടു ചെയ്യുന്നു. ബ്രിട്ട​നി​ലെ റോയൽ കോ​ളേജ്‌ ഓഫ്‌ ഫിസി​ഷ്യൻസി​ന്റെ ഗവേഷക സ്ഥാപന​ത്തി​ന്റെ ഡയറക്ടർ സർ സിറിൽ ക്ലാർക്ക്‌ പറയു​ന്നത്‌ നൂറു വയസ്സിൽ കൂടുതൽ ജീവി​ക്കു​ന്ന​വ​രു​ടെ എണ്ണം 30 വർഷം മുമ്പത്തെ അപേക്ഷിച്ച്‌ ഒൻപതു മടങ്ങ്‌ ഉണ്ടെന്നാണ്‌. എന്നാൽ ഇതിൽ 15 ശതമാനം മാത്രമേ പുരു​ഷൻമാ​രു​ള്ളു! പുരു​ഷൻമാർ മിക്ക​പ്പോ​ഴും ആരോ​ഗ്യ​ത്തി​നു പറ്റാത്ത ഒരു ജീവി​ത​രീ​തി, വേണ്ടത്ര വ്യായാ​മം ലഭിക്കാത്ത, അമിത തൂക്കത്തി​നി​ട​യാ​ക്കുന്ന, ഒന്ന്‌ അവലം​ബി​ക്കു​ന്ന​താണ്‌ അവരുടെ ജീവനെ അപകട​പ്പെ​ടു​ത്തു​ന്നത്‌ എന്നാണ്‌ ക്ലാർക്ക്‌ അഭി​പ്രാ​യ​പ്പെ​ട്ടി​രി​ക്കു​ന്നത്‌. നേരെ​മ​റിച്ച്‌ സ്‌ത്രീ​കൾ പൊതു​വേ വീടിനെ ചുറ്റി​പ്പറ്റി കൂടുതൽ ജോലി ചെയ്യു​ന്ന​തി​നാൽ അവരാണ്‌ കൂടുതൽ കാലം ജീവി​ച്ചി​രി​ക്കാൻ സാദ്ധ്യ​ത​യു​ള്ളത്‌.

ദുരി​താ​ശ്വാ​സം

പട്ടിണി​കി​ട​ക്കുന്ന ആഫ്രി​ക്കാ​ക്കാർക്ക്‌ ഭക്ഷണം വിതരണം ചെയ്യു​ന്ന​തിന്‌ ഏറ്റവും തടസ്സമാ​യി നിൽക്കു​ന്നത്‌ അത്‌ അവിടെ എത്തിക്കു​ന്ന​തി​നുള്ള ചിലവാ​ണെന്ന്‌ ഏർത്ത്‌ സ്‌കാൻ ബള്ളറ്റിൻ അഭി​പ്രാ​യ​പ്പെ​ട്ടി​രി​ക്കു​ന്നു. ആഫ്രി​ക്ക​യിൽ പ്രവർത്തി​ക്കുന്ന ഒരു ദുരി​താ​ശ്വാ​സ സംഘടന കപ്പൽകൂ​ലി​യി​ന​ത്തിൽ 17 ദശലക്ഷം ഡോളർ ചിലവ​ഴി​ച്ച​താ​യി അവകാ​ശ​പ്പെ​ടു​ന്നു. ഇതിനുള്ള ഒരു ദീർഘ​കാല പരിഹാ​ര​മെ​ന്ന​നി​ല​യിൽ റോഡു​കൾ നിർമ്മി​ക്കു​ന്ന​തിന്‌ സാഹേ​ലിൽമാ​ത്രം 200 ദശലക്ഷം ഡോളർ ചിലവാ​കു​മെന്ന്‌ കണക്കാ​ക്ക​പ്പെ​ട്ടി​രി​ക്കു​ന്നു. എന്നാൽ അതിലും ചിലവു കുറഞ്ഞ​രീ​തി​യിൽ സാധനങ്ങൾ കയറ്റി അയയ്‌ക്കാ​നുള്ള മാർഗ്ഗം നിർമ്മാ​ണ​ത്തി​ലി​രി​ക്കു​ന്നു. 27 ടൺ ഭാരം കയറ്റാ​വു​ന്ന​തും 145 കിലോ​മീ​റ്റർ വേഗത്തിൽ സഞ്ചരി​ക്കു​ന്ന​തു​മായ ലോഹ​നിർമ്മി​ത​മായ ഒരു ആകാശ​കപ്പൽ 13 ദശലക്ഷം ഡോളർ ചിലവു ചെയ്‌തു ഒരു ബ്രിട്ടീഷ്‌ കമ്പനി നിർമ്മി​ക്കു​ന്നുണ്ട്‌. അതു ഹീലിയം വാതകം നിറച്ച​താണ്‌. അതിന്‌ 5000 മൈൽ (8000 കിലോ​മീ​റ്റർ) ദൂരം വരെ പറക്കാ​നാ​വും. ഈ ആകാശ​ക​പ്പ​ലിൽ ഒരേ സമയം 200 യാത്ര​ക്കാ​രെ കയറ്റാ​നാ​വും. ഇത്തരം ആകാശ​ക്ക​പ്പ​ലു​കൾ ദുരി​താ​ശ്വാ​സ പ്രവർത്ത​ന​ങ്ങളെ മെച്ച​പ്പെ​ടു​ത്തും എന്ന്‌ മേൽപറഞ്ഞ ബുള്ളറ്റിൻ ചൂണ്ടി​ക്കാ​ട്ടു​ന്നു.

രണ്ടു ഹാലീസ്‌ കോമ​റ്റു​ക​ളോ?

ഹാലീസ്‌ കോമറ്റ്‌ 1910-ൽ കാണ​പ്പെ​ട്ട​പ്പോ​ഴ​ത്തേ​ക്കാൾ വളരെ പ്രകാശം കുറഞ്ഞ​താ​യി​രു​ന്ന​തിൽ അനേകർക്ക്‌ നിരാശ തോന്നി. എന്നാൽ ദക്ഷിണാർദ്ധ ഗോള​ത്തിൽ നിന്ന്‌ കോമ​റ്റി​നെ നിരീ​ക്ഷി​ച്ച​വർക്കി​ട​യിൽ വലിയ ഉത്സാഹ​മു​ണ്ടാ​കാൻ ഒരു സംഗതി ഇടയാക്കി. ഒരു ദക്ഷിണാ​ഫ്രി​ക്കൻ പത്രമായ “ദി നേറ്റൽ സാക്ഷി” ഇപ്രകാ​രം പ്രസ്‌താ​വി​ച്ചു. “ഹാലി​യു​ടെ മങ്ങിയ പ്രത്യ​ക്ഷ​ത​യിൽ നിരാ​ശ​രാ​കു​ന്ന​തി​നു പകരം രണ്ടു കോമ​റ്റു​കൾ കണ്ടതായി നഗരത്തിൽ നിന്നുള്ള നിരീ​ക്ഷകർ അവകാ​ശ​പ്പെ​ടു​ന്നു.” ഏപ്രിൽ മദ്ധ്യ​ത്തോ​ടെ പഞ്ഞി​ക്കെ​ട്ടു​പോ​ലെ​യുള്ള രണ്ടു പ്രകാ​ശ​ഗോ​ളങ്ങൾ ദക്ഷിണാ​കാ​ശ​ത്തിൽ അടുത്ത​ടു​ത്താ​യി കാണാൻ കഴിഞ്ഞു. ഒന്നു വാസ്‌ത​വ​ത്തിൽ ഹാലീസ്‌ കോമറ്റ്‌ തന്നെയാ​യി​രു​ന്നു. മറ്റേതോ? ഗോളാ​കൃ​തി​യി​ലു​ള്ള​തും ഒരു കേന്ദ്രത്തെ ചുറ്റി കറങ്ങി​ക്കൊ​ണ്ടി​രി​ക്കു​ന്ന​തു​മായ ഒരു ദശലക്ഷം നക്ഷത്രങ്ങൾ ഉൾപ്പെട്ട ഒമേഗാ സെൻറ്റൗ​റി എന്ന നക്ഷത്ര വ്യൂഹ​മാ​യി​രു​ന്നു. ഹാലീസ്‌ കോമ​റ്റിൽനി​ന്നും വ്യത്യ​സ്‌ത​മാ​യി ഇതിനെ കാണാൻ നിരീ​ക്ഷ​കർക്ക്‌ 76 വർഷങ്ങൾ കാത്തി​രി​ക്കേ​ണ്ട​തില്ല. ക്രിസ്‌ ലേക്ക്‌ എന്ന ഒരു പ്രാ​ദേ​ശിക വാനനി​രീ​ക്ഷകൻ വിശദീ​ക​രിച്ച പ്രകാരം “നഗ്നനേ​ത്ര​ങ്ങൾക്ക്‌ ദൃശ്യ​മാ​യ​തും ഗോളാ​കൃ​തി​യി​ലു​ള്ള​തു​മായ ചുരുക്കം ചില നക്ഷത്ര വ്യൂഹ​ങ്ങ​ളിൽ ഏറ്റവും വലിയ​വ​യിൽ ഒന്നാണിത്‌.”

ബ്രിട്ടീഷ്‌ സ്‌കൂ​ളു​ക​ളി​ലെ പ്രാർത്ഥ​ന​കൾ

പ്രാർത്ഥ​നകൾ ഇന്ന്‌ അനേകം ബ്രിട്ടീഷ്‌ സ്‌കൂ​ളു​ക​ളി​ലെ ദിനച​ര്യ​യു​ടെ ഭാഗമാ​യി​രി​ക്കു​ന്നില്ല. “ബ്രിട്ട​നി​ലെ ബഹുഭൂ​രി​പക്ഷം സ്‌കൂ​ളു​ക​ളും ഓരോ ദിവസ​വും ക്ലാസ്സിനു മുമ്പ്‌ ഒത്തു ചേർന്നു പ്രഭാത പ്രാർത്ഥന നടത്താ​തി​രി​ക്കുക വഴി നിയമ​ലം​ഘനം നടത്തു​ക​യാണ്‌,” എന്ന്‌ ഫ്രഞ്ച്‌ കത്തോ​ലിക്ക ദിനപ്പ​ത്ര​മായ ല ക്രോ​യി​ക്‌സ്‌ വിശദീ​ക​രി​ച്ചു. ഈ സംഗതി​യിൽ അവർ എന്തു​കൊ​ണ്ടാണ്‌ ബ്രിട്ട​നി​ലെ നിയമം അനുസ​രി​ക്കാ​ത്തത്‌? മതിയായ സൗകര്യ​ങ്ങ​ളില്ല എന്ന പരാതി​ക്കു പുറമേ “വിദ്യാർത്ഥി​കൾ മുസ്ലീ​മു​ക​ളും ഹിന്ദു​ക്ക​ളും ഉൾപ്പെടെ അനേകം വർഗ്ഗങ്ങ​ളി​ലും മതങ്ങളി​ലും പെട്ടവ​രാണ്‌, അത്‌ ഒരു പ്രാർത്ഥന തിര​ഞ്ഞെ​ടു​ക്കുക പ്രയാ​സ​ക​ര​മാ​ക്കി​ത്തീർക്കു​ന്നു” എന്ന്‌ പ്രസ്‌തുത ലേഖനം പറയുന്നു.” മറ്റൊരു ഘടകം ഇത്തരം പ്രാർത്ഥ​നാ​യോ​ഗങ്ങൾ പഴഞ്ചനാ​ണെന്ന്‌ കണക്കാക്കി അതിനെ എതിർക്കുന്ന സ്‌റ്റേറ്റ്‌ അദ്ധ്യാ​പ​ക​രു​ടെ മനസ്സി​ല്ലാ​യ്‌മ​യാണ്‌.” (g86 8/22)