കൊള്ളി​മീൻ എവി​ടെ​നി​ന്നു വരുന്നു?

“ഓ, നോക്കൂ! അതാ പോകു​ന്നു വേറൊന്ന്‌!” “എവിടെ? എവിടെ?” കൊള്ളി​മീ​നു​കൾക്കു​വേണ്ടി നിങ്ങൾ രാത്രി​യി​ലെ ആകാശം പരതി​യ​പ്പോൾ അത്തരം വാക്കുകൾ ഉച്ചരി​ച്ചി​ട്ടു​ണ്ടോ? ഒരുപക്ഷേ നിങ്ങൾ ഒരെണ്ണത്തെ ആദ്യമാ​യി കണ്ടത്‌ നിങ്ങൾക്കു മീതെ​യുള്ള നക്ഷത്ര​നി​ബി​ഡ​മായ ആകാശ​ത്തി​നു കുറുകെ പെട്ടെന്ന്‌ ദീപ്‌തി​യേ​റിയ ഒരു രേഖ ചലിക്കു​ന്ന​താ​യി​രി​ക്കാം. അതു നക്ഷത്ര​ങ്ങ​ളി​ലൊന്ന്‌ ആകാശ​ത്തി​നു കുറുകെ പാഞ്ഞു​പോ​യ​തു​പോ​ലെ തോന്നി. തീർച്ച​യാ​യും മലയാ​ള​ത്തിൽ കൊള്ളി​മീ​നു​കൾ എന്നും ഇംഗ്ലീ​ഷിൽ ഷൂട്ടിംഗ്‌ സ്‌ററാ​ഴ്‌സ്‌ എന്നും തെററാ​യി നാമക​രണം ചെയ്യ​പ്പെ​ട്ട​താണ്‌. “പാഞ്ഞു​പോ​കു​ന്നു”ണ്ടെങ്കി​ലും അവ മീനു​ക​ളോ നക്ഷത്ര​ങ്ങ​ളോ അല്ല.

ജ്യോ​തി​ശാ​സ്‌ത്രജ്ഞർ അവയെ ഉൽക്കകൾ (meteors) എന്നു വിളി​ക്കു​ന്നു. ഒരു ശരാശരി നക്ഷത്ര​ത്തി​നു നമ്മുടെ മുഴു​ഗ്ര​ഹത്തെ പത്തുല​ക്ഷം​പ്രാ​വ​ശ്യം വിഴു​ങ്ങാൻ കഴിയു​മ്പോൾ നമ്മുടെ ഗ്രഹമാണ്‌ ഈ ലക്ഷക്കണ​ക്കി​നു ഉൽക്കകളെ വിഴു​ങ്ങു​ന്നത്‌. എന്താണ്‌ ഉൽക്കകൾ, അവ എവി​ടെ​നി​ന്നു വരുന്നു?

കൊള്ളാം, അവ ധൂമ​കേ​തു​ക്ക​ളോ​ടു വളരെ​യേറെ ബന്ധപ്പെ​ട്ടി​രി​ക്കു​ന്നു. ഒരു പ്രസിദ്ധ ഉദാഹ​ര​ണ​മായ ഹാലി ധൂമ​കേതു സൂര്യ​നു​ചു​റ​റു​മുള്ള 76 വർഷം നീളുന്ന അണ്ഡവൃ​ത്താ​കാ​ര​മായ അതിന്റെ യാത്ര​യിൽ 1986-ൽ ഭൂമിക്കു സമീപ​ത്തു​കൂ​ടി പാഞ്ഞു​പോ​യി. നമുക്ക​റി​യാ​വു​ന്ന​ത​നു​സ​രി​ച്ചു ധൂമ​കേ​തു​ക്കൾ മുഖ്യ​മാ​യും ഖരജല​വും ധൂളി​യും അടങ്ങി​യ​താ​യി​രി​ക്കു​ന്ന​തു​കൊണ്ട്‌ അവ ചില​പ്പോൾ മലിന​മായ മഞ്ഞുക​ട്ടകൾ എന്നും വിളി​ക്ക​പ്പെ​ടു​ന്നു. ഒരു ധൂമ​കേതു സൂര്യ​നോ​ടു സമീപി​ക്കു​മ്പോൾ അതിന്റെ ഉപരി​തലം ചൂടായി ധൂളി​യും വാതക​വും പുറത്തു​വി​ടു​ന്നു. സൂര്യ​പ്ര​കാ​ശ​ത്തി​ന്റെ വികി​ര​ണ​മർദം കടുപ്പ​മുള്ള പദാർഥത്തെ ധൂളി​യു​ടെ ജ്വലി​ക്കുന്ന ഒരു വാലായി പിന്നി​ലേക്കു തള്ളുന്നു. ഇപ്രകാ​രം ധൂമ​കേതു അവശി​ഷ്ട​ങ്ങ​ളു​ടെ—ബഹിരാ​കാ​ശ​ത്തു​ത​ന്നെ​യുള്ള വാനശില എന്നു വിളി​ക്ക​പ്പെ​ടുന്ന കണികകൾ—പൊടി​നി​റഞ്ഞ ഒരു പഥം അതിന്റെ പിന്നിൽ അവശേ​ഷി​പ്പി​ക്കു​ന്നു. ധൂമ​കേ​തു​വി​ന്റെ ധൂളി​യി​ല​ധി​ക​വും ദൃശ്യ ഉൽക്കക​ളാ​യി​ത്തീ​രാൻ കഴിയാ​ത്ത​വി​ധം ചെറു​താണ്‌. ചിലതി​നു ചെറിയ കല്ലുക​ളോ​ളം വലിപ്പ​മു​ള്ള​പ്പോൾ ചെറി​യൊ​രു അംശത്തി​നു മണൽത്ത​രി​യോ​ളം വലിപ്പ​മുണ്ട്‌.

ചുരുക്കം ചില അവസര​ങ്ങ​ളിൽ ഒരു ധൂമ​കേ​തു​വി​ന്റെ ഭ്രമണ​പഥം ഭൂമി​യു​ടെ ഭ്രമണ​പ​ഥത്തെ കുറുകെ ഛേദി​ക്കു​ന്നു. ഭൂമി ധൂമ​കേ​തു​വി​ന്റെ ഭ്രമണ​പ​ഥത്തെ ഓരോ​പ്രാ​വ​ശ്യം ഭേദി​ക്കു​മ്പോ​ഴും അത്‌ ധൂളി​യു​ടെ അതേ പഥത്തെ നേരി​ടു​ന്നു എന്ന്‌ ഇത്‌ അർഥമാ​ക്കു​ന്നു. ഇതു സംഭവി​ക്കു​മ്പോൾ വാനശി​ലകൾ അന്തരീ​ക്ഷ​ത്തി​ലേക്ക്‌ ഉയർന്ന വേഗത​യിൽ പതിക്കു​ന്നു—ഒരു സെക്കൻറിൽ 71 കിലോ​മീ​റ​റർവരെ. അവ നിപതി​ക്കു​മ്പോൾ വലിപ്പം കൂടിയവ അന്തരീ​ക്ഷ​ത്തി​നു കുറുകെ ദീപ്‌തി​യേ​റിയ രേഖകൾ സൃഷ്ടി​ച്ചു​കൊണ്ട്‌ ചൂടു​പി​ടി​ച്ചു കത്തുന്നു. അവ ഉൽക്കകൾ എന്നറി​യ​പ്പെ​ടു​ന്നു.

ഭൂമി ഒരു ധൂമ​കേ​തു​വി​ന്റെ പഥത്തിനു കുറുകെ കടക്കു​മ്പോൾ ഉൽക്കകൾ ആകാശ​ത്തി​ലെ വികി​രകം എന്നു വിളി​ക്ക​പ്പെ​ടുന്ന ഒരേ സ്ഥാനത്തു​നിന്ന്‌ എല്ലാ ദിശയി​ലേ​ക്കും പാഞ്ഞു​പോ​കു​ന്ന​താ​യി കാണുന്നു. ഈ വികി​ര​ക​ങ്ങ​ളിൽനി​ന്നാ​ണു വർഷത്തി​ലെ ക്രമമായ സമയങ്ങ​ളിൽ ഉൽക്കാ​വർഷം ഉണ്ടാകു​ന്നത്‌. പ്രസി​ദ്ധ​മായ ഒരു ദൃശ്യം പെർസീ​ഡ്‌സ്‌ നിപാതം എന്നു വിളി​ക്ക​പ്പെ​ടു​ന്നു, അങ്ങനെ പേരി​ട്ടി​രി​ക്കു​ന്ന​തി​ന്റെ കാരണം അതിന്റെ വികി​രകം കണ്ടെത്തി​യത്‌ പെർസ്യൂസ്‌ നക്ഷത്ര​രാ​ശി​യി​ലാണ്‌. എല്ലാ വർഷവും ഓഗസ്‌ററ്‌ 12-നോ 13-നോ പെർസീ​ഡ്‌സ്‌ അതിന്റെ അത്യു​ച്ച​ത്തിൽ എത്തു​മ്പോൾ, അതു കണ്ണഞ്ചി​പ്പി​ക്കുന്ന ഒരു ദൃശ്യ​മാണ്‌. ഓരോ മണിക്കൂ​റി​ലും 60 ഉൽക്കകൾക്കു​മേൽ പതി​ച്ചേ​ക്കാം.

നേര​ത്തെ​യു​ള്ള അക്വാ​റി​ഡ്‌സ്‌ നക്ഷത്ര​നി​പാ​ത​ത്തെ​പ്പോ​ലെ ഒക്‌ടോ​ബർ 21-നോട​ടുത്ത്‌ ഒറി​യോ​നി​ഡ്‌സ്‌ നക്ഷത്ര​നി​പാ​തം നിങ്ങൾ കണ്ടേക്കാം, അത്‌ ഹാലി ധൂമ​കേ​തു​വി​ന്റെ ഉൽക്കക​ളാൽ ഉണ്ടാകു​ന്ന​താ​ണെന്നു പറയ​പ്പെ​ടു​ന്നു. ജ്യോ​തി​ശാ​സ്‌ത്രം (Astronomy) എന്ന പത്രിക പറയു​ന്ന​ത​നു​സ​രി​ച്ചു ഹാലി ധൂമ​കേ​തു​വിന്‌ “അതിന്റെ ദ്രവ്യ​മെ​ല്ലാം നഷ്ടപ്പെ​ടു​ന്ന​തി​നു​മുമ്പ്‌ 1,00,000 പ്രാവ​ശ്യം ഭ്രമണം ചെയ്യാൻ കഴിയു”മെന്നു ശാസ്‌ത്രജ്ഞർ കണക്കാ​ക്കു​ന്നു. അവരുടെ ഊഹം ശരിയാ​ണെ​ങ്കിൽ ഹാലി ധൂമ​കേതു അടുത്ത 76,00,000 വർഷങ്ങ​ളിൽ ക്രമമായ സന്ദർശനം നടത്തും! അതു പൊയ്‌പ്പോ​യി ദീർഘ​കാ​ലം കഴിഞ്ഞും അതിന്റെ ധൂളീ​പഥം ഭൂനി​വാ​സി​കൾക്കു യുഗങ്ങ​ളോ​ളം കൊള്ളി​മീ​നു​കളെ നല്‌കി​ക്കൊ​ണ്ടി​രി​ക്കും. നാം ഇപ്പോൾ കാണുന്ന ഉൽക്കക​ളി​ല​ധി​ക​വും വ്യക്തമാ​യും ദീർഘ​കാ​ലം മുമ്പു മൃതമാ​യി​പ്പോയ ധൂമ​കേ​തു​ക്ക​ളിൽനി​ന്നു വരുന്ന​വ​യാണ്‌.

ലോക​വ്യാ​പ​ക​മാ​യി എല്ലാ ദിവസ​വും നമ്മുടെ അന്തരീ​ക്ഷ​ത്തിൽ ഏതാണ്ട്‌ 20 കോടി ദൃശ്യ​മായ ഉൽക്കകൾ ഉണ്ടെന്നു ശാസ്‌ത്ര​കാ​രൻമാർ കണക്കാ​ക്കു​ന്നു. കൊള്ളാം, അതിമ​നോ​ജ്ഞ​മായ ഉൽക്കാ​പ​ത​നത്തെ സംബന്ധി​ച്ചാ​ണെ​ങ്കിൽ എല്ലായ്‌പോ​ഴും അടുത്ത വർഷം ഉണ്ട്‌—ഇനിയും ലക്ഷങ്ങൾ വരാനുണ്ട്‌! (g93 3/22)