ലോകം 1914-നു ശേഷം

ഭാഗം 5: 1943-1945 രണ്ടാം ലോക മഹായു​ദ്ധം—അതിന്റെ ഘോര​വും പൊള്ളു​ന്ന​തു​മായ അവസാനം

റേയ്‌ ഒരു ചെറിയ സ്‌കൂൾകു​ട്ടി എന്നനി​ല​യിൽ 1940-കളുടെ പ്രാരം​ഭ​ത്തിൽ അയാളും അയാളു​ടെ സഹോ​ദ​ര​നും തങ്ങളുടെ കാലി​ഫോർണി​യാ​യി​ലെ ഭവനത്തിൽ ഓരോ രാത്രി​യും പത്തുമ​ണി​യു​ടെ വാർത്ത ശ്രവി​ക്കു​ന്ന​തിന്‌ പതിവാ​യി ഇരുന്നി​രുന്ന വിധം ഓർമ്മി​ക്കു​ന്നു. അവരു​ടെ​യും യൂറോ​പ്പി​ന്റെ​യും ഇടയി​ലുള്ള സമയ വ്യത്യാ​സം ജർമ്മനി​യു​ടെ മേലുള്ള ആ രാത്രി​യി​ലെ ബോം​ബാ​ക്ര​മ​ണ​ത്തി​ന്റെ റിപ്പോർട്ട്‌ അവർക്ക്‌ കേൾക്കാൻ സാദ്ധ്യ​മാ​ക്കി​ത്തീർത്തു. ഈ രണ്ടു ചെറു​പ്പ​ക്കാർക്ക്‌ എസ്സെൻ, ബർലിൻ, സ്‌റ്റു​ട്ട്‌ഗാർട്ട്‌, ഹാംബർഗ്‌, എന്നിവ​യും മറ്റു ജർമ്മൻ നഗരങ്ങ​ളും അവരുടെ മുമ്പാ​കെ​യുള്ള തറയിൽ വിടർന്നു കിടന്നി​രുന്ന യൂറോ​പ്പി​ന്റെ മാപ്പിൽ സ്ഥാനനിർണ്ണയം ചെയ്യു​ന്ന​തി​നു ശ്രമി​ക്കുക എന്നത്‌ രാത്രി​യി​ലെ ഒരു ചടങ്ങ്‌ ആയിത്തീർന്നി​രു​ന്നു.

ഇതിനി​ട​യിൽ ജർമ്മൻ യുവാക്കൾ യുദ്ധ​ത്തെ​ക്കു​റിച്ച്‌ ഒരു അധികം അടുത്ത വിധത്തിൽ പഠിച്ചു​കൊ​ണ്ടി​രി​ക്ക​യാ​യി​രു​ന്നു. വിമാ​നാ​ക്ര​മണം നടക്കുന്ന അഭയസ്ഥാ​ന​ങ്ങ​ളു​ടെ ഇരുണ്ട അതിർത്തി​ക്കു​ള്ളിൽ ഉറങ്ങു​ന്ന​തി​നു പരിശീ​ലി​ക്കുക എന്നതാ​യി​രു​ന്നു അവരുടെ രാത്രി​യി​ലെ ചടങ്ങ്‌. ജർമ്മനി ക്രമാ​നു​ഗ​ത​മാ​യി മുട്ടു​മ​ട​ക്കാൻ നിർബ​ന്ധി​ത​മാ​യി​ക്കൊ​ണ്ടി​രു​ന്നു. ഒരു ജർമ്മൻ ദിനപ്പ​ത്രം പിന്നീട്‌ ഇപ്രകാ​രം എഴുതി: “അതുവരെ ഭയപ്പെ​ട്ടി​രു​ന്നത്‌ ഇപ്പോൾ പ്രത്യ​ക്ഷ​മാ​യി​ത്തീർന്നു—ഏറ്റവും വൈകി​യാൽ 42⁄43-ലെ ശൈത്യ​കാ​ലത്ത്‌: ജർമ്മനിക്ക്‌ നേരത്തെ തന്നെ നഷ്ടപ്പെട്ട ഒരു യുദ്ധത്തിൽ മേലാൽ വിജയി​ക്കാൻ സാദ്ധ്യ​മാ​യി​രു​ന്നില്ല.”

ആകാശത്തു നിന്നു തീ

ആകാശത്തു നിന്നു തീ പോലെ വീണു​കൊ​ണ്ടി​രുന്ന സഖ്യകക്ഷി ബോം​ബു​കൾ ജർമ്മൻകാ​രെ തോല്‌വി അനിവാ​ര്യ​മാ​ണെന്നു ബോദ്ധ്യ​പ്പെ​ടു​ത്താൻ സഹായി​ച്ചു. കണക്കു​ക​ള​നു​സ​രിച്ച്‌ യുദ്ധ സമയത്ത്‌ രാജ്യത്തെ മിക്കവാ​റും ഓരോ അഞ്ചിനും ഒന്നു വീതം ഭവനങ്ങ​ളും ഒന്നുകിൽ നശിപ്പി​ക്ക​പ്പെ​ടു​ക​യോ വാസ​യോ​ഗ്യ​മ​ല്ലാ​തെ ഭയങ്കര​മാ​യി കേടു​വ​രു​ത്ത​പ്പെ​ടു​ക​യോ ചെയ്‌തു. പത്തു ലക്ഷത്തി​ല​ധി​കം അസൈ​നി​കർ കൊല്ല​പ്പെ​ടു​ക​യോ ഗുരു​ത​ര​മാ​യി മുറി​വേൽപ്പി​ക്ക​പ്പെ​ടു​ക​യോ ചെയ്‌തു, എഴുപ​തു​ല​ക്ഷ​ത്തി​നും എൺപതു​ല​ക്ഷ​ത്തി​നും ഇടയ്‌ക്ക്‌ ആളുകൾ ഭവനര​ഹി​ത​രാ​യി​ത്തീ​രു​ക​യും ചെയ്‌തു.

യുദ്ധരം​ഗ​ങ്ങ​ളിൽ നിന്നുള്ള വാർത്ത നല്ലതാ​യി​രി​ക്ക​യും ആളുകൾ രാത്രി​ക​ളിൽ വ്യോ​മ​യുദ്ധ രക്ഷാസ​ങ്കേ​ത​ങ്ങ​ളിൽ കഴിയാൻ നിർബ​ന്ധി​ത​രാ​യി​ത്തീ​രാ​തി​രി​ക്ക​യും ചെയ്യു​ന്ന​ട​ത്തോ​ളം അവരിൽ മിക്കവ​രും ഹിറ്റ്‌ല​റോ​ടും അയാളു​ടെ നയങ്ങ​ളോ​ടും അനുകൂ​ലി​ക്കു​ന്ന​തി​നു സമ്മതമു​ള്ള​വ​രാ​യി​രു​ന്നു. എന്നാൽ, സുഡെ​റ്റ്‌ഷി ഡിറ്റംഗ്‌ വിശദീ​ക​രി​ക്കുന്ന പ്രകാരം, “ദുർവാർത്തകൾ കുന്നു​കൂ​ടാൻ തുടങ്ങി​യ​പ്പോൾ, ഒരു വഴിത്തി​രി​വു വന്നു ചേർന്നു.” 1934 ആഗസ്‌റ്റ്‌ 9-ലെ ഒരു ജർമ്മൻ രഹസ്യ റിപ്പോർട്ട്‌, വ്യോ​മ​യു​ദ്ധം അനന്തര​ഫ​ലങ്ങൾ ഉളവാ​ക്കി​യെന്ന്‌ സമ്മതിച്ചു. അത്‌ ഇപ്രകാ​രം പറഞ്ഞു: “വ്യക്തി​പ​ര​മായ നിലനിൽപ്പി​ന്റെ പരിഹൃ​ത​മ​ല്ലെന്നു തോന്നിയ പ്രശ്‌നത്തെ അഭിമു​ഖീ​ക​രിച്ച” ആളുകൾ ഇപ്പോൾ അതുവരെ ചോദി​ക്ക​പ്പെ​ടാ​തി​രുന്ന, “എന്തു​കൊണ്ട്‌ എന്ന ചോദ്യം” ഉന്നയി​ക്കാൻ തുടങ്ങി. ഹിറ്റ്‌ലറെ മറിച്ചി​ടു​ക​യോ സമാധാ​നാ​ഭ്യർത്ഥന നടത്താൻ അയാളെ നിർബ​ന്ധി​ക്കു​ക​യോ ചെയ്യു​ന്ന​തിന്‌ ഉദ്ദേശി​ച്ചുള്ള രഹസ്യ​മു​ന്നേ​റ്റ​ങ്ങൾക്കു പുതി​യ​താ​യി പിന്തുണ ലഭിച്ചു. 1944 ജൂലൈ 20-ൽ നടത്തിയ പ്രസി​ദ്ധ​മായ ശ്രമം ഉൾപ്പെടെ അയാളെ വധിക്കു​ന്ന​തി​നുള്ള വിജയ​പ്ര​ദ​മ​ല്ലാത്ത പല ഉദ്യമ​ങ്ങ​ളും നടത്ത​പ്പെട്ടു.

മിക്ക​പ്പോ​ഴും ഫലിത​രൂ​പ​ത്തിൽ വെളി​പ്പെ​ടു​ത്ത​പ്പെട്ട, അടച്ചിട്ട മുറി​ക്കു​ള്ളിൽ നിന്നുള്ള അസംതൃ​പ്‌തി​യു​ടെ അഭി​പ്രാ​യങ്ങൾ അധികം സാധാ​ര​ണ​മാ​യി​ത്തീർന്നു. ദൃഷ്ടാ​ന്ത​ത്തിന്‌, ഒരു കഥ വിവരി​ച്ച​ത​നു​സ​രിച്ച്‌, ബർലി​നി​ലെ ഒരു മനുഷ്യ​നും എസ്സെനി​ലെ ഒരു മനുഷ്യ​നും തങ്ങളുടെ നഗരങ്ങ​ളിൽ ബോംബു സ്‌ഫോ​ടനം വരുത്തിയ നാശത്തി​ന്റെ വ്യാപ്‌തി ചർച്ച ചെയ്‌ക​യാ​യി​രു​ന്നു. ബോം​ബാ​ക്ര​മ​ണ​ത്തി​നു​ശേഷം അഞ്ചുമ​ണി​ക്കൂ​റു​കൾ കഴിഞ്ഞ്‌ ജാലക​ത്തി​ന്റെ കണ്ണാടി​ച്ചി​ല്ലു​കൾ വീടു​ക​ളിൽ നിന്ന്‌ വീണു​കൊ​ണ്ടി​രി​ക്ക​ത്ത​ക്ക​വണ്ണം ബർലി​നി​ലെ ബോം​ബാ​ക്ര​മണം അത്ര ഭയങ്കര​മാ​യി​രു​ന്നു എന്ന്‌ ബർലിൻകാ​രൻ പറഞ്ഞു. അതിന്‌ എസ്സെൻകാ​രൻ ഇപ്രകാ​രം മറുപടി പറഞ്ഞു: “അത്‌ ഒന്നുമില്ല. എസ്സെനി​ലെ ആക്രമ​ണ​ത്തി​നു​ശേഷം രണ്ടാഴ്‌ച​ത്തേക്ക്‌ നേതാ​വി​ന്റെ ചിത്രങ്ങൾ ജനലു​ക​ളിൽകൂ​ടി പറന്നു​പോ​യി​ക്കൊ​ണ്ടി​രു​ന്നു!”

സഖ്യക​ക്ഷി​ക​ളു​ടെ പ്രതീ​ക്ഷി​ക്ക​പ്പെട്ട യൂറോ​പ്യൻ പടയേ​റ്റം അടുത്തു വന്നിരു​ന്നു, “ഋജുവായ”തെന്നു നാമക​രണം ചെയ്യ​പ്പെ​ട്ടി​രുന്ന സഖ്യക​ക്ഷി​ക​ളു​ടെ ബോം​ബാ​ക്ര​മണം തീവ്ര​ത​ര​മാ​ക്കി. യഥാർത്ഥ​ത്തിൽ അത്‌ ആ യുദ്ധത്തി​ന്റെ പരമാ​ന്ത്യം വരെ തുടർന്നി​രു​ന്നു, 1945 ഫെബ്രു​വരി വരെ ആ യുദ്ധത്തി​ലെ ഏറ്റവും വിവാ​ദാ​സ്‌പ​ദ​മായ ബോം​ബാ​ക്ര​മ​ണ​ങ്ങ​ളിൽ ഒന്ന്‌ നടന്നി​രു​ന്നില്ല. സ്‌റ്റട്ട്‌ ഗാർട്ടർ സിറ്റംഗ്‌ എന്ന ജർമ്മൻ വർത്തമാ​ന​പ്പ​ത്രം ഇപ്രകാ​രം റിപ്പോർട്ടു ചെയ്യുന്നു: “ആദ്യം ലക്ഷ്യം ബർലിൻ ആണെന്നു പരിഗ​ണി​ക്ക​പ്പെ​ട്ടി​രു​ന്നു. പിന്നീട്‌ പ്രാ​യോ​ഗി​ക​മാ​യി അതുവരെ തൊടാ​തി​രുന്ന ഒരു നഗരം . . . ഡ്രെസ്‌ഡൻ നഗരം . . . തിര​ഞ്ഞെ​ടു​ക്കാൻ തീരു​മാ​നി​ച്ചു. ഹിറോ​ഷി​മാ​യെ മുൻകൂ​ട്ടി കണ്ടു​കൊണ്ട്‌, നശീക​ര​ണ​ത്തി​ന്റെ വ്യാപ്‌തി, ഈ ആക്രമ​ണത്തെ മറ്റു​ള്ള​വ​യിൽ നിന്നെ​ല്ലാം വ്യത്യ​സ്‌ത​മാ​ക്കി​ത്തീർത്തു.” ഇല്ലസ്‌ട്രി​യെർട്ടെ വോച്ചെർ സിറ്റംഗ്‌ ഇപ്രകാ​രം കൂട്ടി​ച്ചേർത്തു: “യൂറോ​പ്പി​ലെ ഏറ്റവും മനോഹര നഗരങ്ങ​ളി​ലൊ​ന്നായ ഡ്രെസ്‌ഡൻ ഒരു മരിച്ച നഗരമാ​യി​ത്തീർന്നു. ജർമ്മനി​യി​ലെ മറ്റൊ​രു നഗരവും ഇത്ര വ്യവസ്ഥാ​പി​ത​മാ​യി ബോംബു ചെയ്‌തു തകർത്തി​രു​ന്നില്ല.”

ഇതി​നോ​ട​നു​ബ​ന്ധി​ച്ചുള്ള ബോക്‌സി​ലെ ഈ ബോം​ബാ​ക്ര​മ​ണത്തെ സംബന്ധിച്ച രണ്ടു ദൃക്‌സാ​ക്ഷി​ക​ളു​ടെ വിവരണം താരത​മ്യ​പ്പെ​ടു​ത്തുക. അതിനു​ശേഷം നിങ്ങ​ളോ​ടു​തന്നെ ചോദി​ക്കുക: യുദ്ധ​ഭ്രാ​ന്തും ക്രൂര​ത​യും ഇതി​നെ​ക്കാ​ള​ധി​ക​മാ​യി മറ്റെ​ന്തെ​ങ്കി​ലും വിശദ​മാ​യി ചൂണ്ടി​ക്കാ​ണി​ക്കു​മോ?

അങ്ങനെ, “താരയു​ദ്ധ​ങ്ങ​ളു​ടെ” നാളു​കൾക്ക്‌ വളരെ​ക്കാ​ലം മുമ്പ്‌ ആകാശങ്ങൾ കേവലം രൂക്ഷമായ കാലാ​വ​സ്ഥ​യെ​ക്കാൾ അധിക​മാ​യി അപകടം വഹിച്ചി​രു​ന്നു എന്ന്‌ നേരത്തെ തന്നെ പ്രകട​മാ​യി​രു​ന്നു. യേശു അന്ത്യനാ​ളു​ക​ളെ​ക്കു​റിച്ച്‌ പ്രവചി​ച്ചി​രു​ന്നത്‌ എത്രമാ​ത്രം ഓർമ്മി​പ്പി​ക്കു​ന്നു: “ഭയാന​ക​മായ കാഴ്‌ച​ക​ളും ആകാശ​ത്തു​നിന്ന്‌ വലിയ അടയാ​ള​ങ്ങ​ളും ഉണ്ടായി​രി​ക്കും. കൂടാതെ, സൂര്യ​നി​ലും ചന്ദ്രനി​ലും നക്ഷത്ര​ങ്ങ​ളി​ലും അടയാ​ളങ്ങൾ ഉണ്ടായി​രി​ക്കും.—ലൂക്കോസ്‌ 21:11, 25; വെളി​പ്പാട്‌ 13:13 താരത​മ്യ​പ്പെ​ടു​ത്തുക.

ഒരു രഹസ്യ ആയുധം സമാധാ​നം കൈവ​രു​ത്തു​ന്ന​തിൽ പരാജ​യ​പ്പെ​ടു​ന്നു

അച്ചുതണ്ടു ശക്തികളെ വടക്കെ ആഫ്രി​ക്ക​യിൽ നിന്ന്‌ തുരത്തി​യ​ശേഷം 1943 ജൂ​ലൈ​യിൽ സഖ്യ കക്ഷികൾ സിസി​ലി​യെ ആക്രമി​ച്ചു. സെപ്‌റ്റം​ബ​റിൽ അവർ ഇറ്റലി​യു​ടെ മുഖ്യ​പ്ര​ദേ​ശ​ത്തേക്കു തന്നെ നീങ്ങി. ഇതിനി​ട​യിൽ മുസ്സോ​ളി​നി​യെ സ്ഥാന​ഭ്ര​ഷ്ട​നാ​ക്കിയ ഇറ്റലി സർക്കാർ കീഴടങ്ങി. ഒക്‌ടോ​ബ​റിൽ അതിന്റെ മുൻ പങ്കാളി​യാ​യി​രുന്ന ജർമ്മനി​ക്കെ​തി​രെ യുദ്ധം പ്രഖ്യാ​പി​ക്ക​പോ​ലും ചെയ്‌തു.

അതേ വർഷത്തി​ന്റെ അവസാ​ന​ത്തോ​ടെ, പടിഞ്ഞാ​റു നിന്നുള്ള ഒരു ആക്രമണം മുൻകൂ​ട്ടി കണ്ട ഹിറ്റ്‌ലർ അയാളു​ടെ സൈനീ​ക​രിൽ കുറെ​പ്പേരെ കിഴക്കു നിന്നു പിൻവ​ലി​ച്ചു. ഉത്തര ഫ്രാൻസി​ന്റെ​യും ബൽജിയം തീരത്തി​ന്റെ​യും നിയ​ന്ത്രണം പരിര​ക്ഷി​ക്കുക എന്നത്‌ അയാൾക്ക്‌ അടിയ​ന്തി​ര​മാ​യി​രു​ന്നു. ഒരിക്കൽ കൂടി യുദ്ധത്തി​ന്റെ തിരമാല തനിക്ക​നു​കൂ​ല​മാ​യി തിരി​യു​മെന്ന്‌ അയാൾ ആശിച്ചത്‌—ഒരു രഹസ്യ ആയുധം—അവിടെ നിന്ന്‌ തൊടു​ത്തു​വി​ടാൻ ഉദ്ദേശി​ച്ചി​രു​ന്നു!

അത്‌ എന്തായി​രു​ന്നി​രി​ക്കണം? ഊഹമ​നു​സ​രിച്ച്‌ അത്‌ അസാധാ​ര​ണ​മാം വിധം ചുരു​ങ്ങിയ സമയത്തി​നു​ള്ളിൽ ലണ്ടന്റെ വലിപ്പ​മുള്ള ഒരു നഗരത്തെ തുടച്ചു നീക്കു​ന്ന​തി​നു കഴിവു​ള്ള​താ​യി​രു​ന്നു. ജർമ്മനി​യു​ടെ പടിഞ്ഞാ​റു​ഭാ​ഗത്തു വസിച്ചി​രുന്ന ആളുകൾ തങ്ങളുടെ വ്യോ​മാ​ക്രമണ സങ്കേത​ങ്ങ​ളിൽ 60 മണിക്കൂർ താമസി​ക്കു​ന്ന​തിന്‌ ഒരുക്കം ചെയ്യാൻ അറിയി​പ്പു​കൊ​ടു​ക്ക​പ്പെ​ട്ട​താ​യി 1943 ഡിസം​ബ​റിൽ ഒരു കിംവ​ദന്തി പരന്നു. പിന്നീട്‌ പ്രതി​കാ​ര​ത്തി​ന്റെ ആ രഹസ്യ ആയുധം അതിന്റെ ലക്ഷ്യം പൂർത്തീ​ക​രി​ച്ച​ശേഷം അവർക്ക്‌ നാസി ആധിപ​ത്യ​ത്തി​ന്റെ സമാധാന ലോക​ത്തേക്ക്‌ വെളി​യിൽ വരാൻ കഴിയും.

എന്നാൽ ഹിറ്റ്‌ല​റു​ടെ രഹസ്യ ആയുധം പ്രവർത്ത​ന​ക്ഷ​മ​മാ​കു​ന്ന​തി​നു മുമ്പ്‌, 1944 ജൂൺ 6-ാം തീയതി അതിരാ​വി​ലെ കരക്കി​റ​ങ്ങിയ സഖ്യക​ക്ഷി​ക​ളു​ടെ സൈന്യം ഫ്രാൻസി​ന്റെ നോർമാ​ണ്ടി തീരങ്ങളെ ഊറ്റ​മാ​യി ആക്രമി​ച്ചു. ഹിറ്റ്‌ല​റു​ടെ സൈന്യ​ങ്ങളെ കിഴക്കു നിന്നും പടിഞ്ഞാ​റു​നി​ന്നും തെക്കു നിന്നും ഏറ്റു​മു​ട്ടി. ഒരാഴ്‌ച കഴിഞ്ഞ്‌ ജൂൺ 13-ാം തീയതി ഹിറ്റ്‌ലർ തന്റെ വാഗ്‌ദത്തം ചെയ്യപ്പെട്ട രഹസ്യ ആയുധം കൊണ്ട്‌ ആക്രമി​ച്ചു. യഥാർത്ഥ​ത്തിൽ അത്‌ രണ്ട്‌ ആയുധങ്ങൾ കൂടി​ച്ചേർന്ന​താ​യി​രു​ന്നു. ഒന്ന്‌ V-1 മിസൈൽ എന്നു വിളി​ക്ക​പ്പെട്ട ഒരു പറക്കും ബോം​ബാ​യി​രു​ന്നു, മറ്റേത്‌, V-2 റോക്ക​റ്റ്‌ എന്നു വിളി​ക്ക​പ്പെ​ട്ടത്‌ ആധുനിക ദീർഘ​ദൂര ബാലി​സ്‌റ്റിക്ക്‌ മി​സൈ​ലു​ക​ളു​ടെ ഒരു മുൻഗാ​മി​യാ​യി​രു​ന്നു. “V” “പ്രതികാരത്തിന്റെ ആയുധങ്ങൾ” എന്ന അർത്ഥം വരുന്ന ജർമ്മൻ പദമായ വെർഗെൽ റ്റുംഗ്‌ സ്വാഫെൻ—എന്നതിനെ പ്രതി​നി​ധീ​ക​രി​ക്കു​ന്നു. അതു മുതൽ അടുത്ത മാർച്ചു വരെ ബ്രിട്ട​നി​ലേ​ക്കും ബൽജി​യ​ത്തി​ലേ​ക്കും ഘോര ശബ്ദത്തോ​ടെ 23,000-ൽ പരം ഗുരു​ത​ര​മായ അത്യാ​ഹി​ത​ങ്ങൾക്കും അനേകാ​യി​രം മരണങ്ങൾക്കും ഇടയാ​ക്കി​ക്കൊണ്ട്‌ അവ അയച്ചു​കൊ​ണ്ടി​രു​ന്നു. എന്നാൽ ഹിറ്റ്‌ല​റു​ടെ രഹസ്യാ​യു​ധം വളരെ വൈകി, വളരെ കുറച്ചു​മാ​ത്രമേ അവതരി​പ്പി​ച്ചു​ള്ളു എന്ന്‌ പെട്ടെന്നു പ്രകട​മാ​യി.

കൂടാതെ ഹിറ്റ്‌ലർ തന്റെ പരാജ​യ​ത്തി​നു മറ്റു​ള്ള​വരെ കുറ്റ​പ്പെ​ടു​ത്തി​യി​രു​ന്നു എന്നും തെളിഞ്ഞു. അയാൾ എഴുതിയ അന്തിമ വാക്കു​ക​ളിൽ താഴെ പറയു​ന്ന​വ​യു​ണ്ടാ​യി​രു​ന്നു: “എന്റെ വിശ്വാ​സത്തെ അനേകം ആളുകൾ തെറ്റാ​യി ഉപയോ​ഗ​പ്പെ​ടു​ത്തി. അവിശ്വ​സ്‌ത​ത​യും ചതിയും യുദ്ധത്തി​ലു​ട​നീ​ളം ചെറു​ത്തു​നിൽപ്പി​നു തുരങ്കം വെച്ചു.” ഇപ്പോൾ വഞ്ചകൻമാർ എന്ന്‌ അയാൾ പരിഗ​ണിച്ച അയാളു​ടെ മുൻകാല സുഹൃ​ത്തു​ക്ക​ളാ​യി​രുന്ന ഹെർമൻ ഗോറിംഗ്‌, ഹെൻറിച്ച്‌ ഹിമ്മ്‌ലർ എന്നിവരെ പാർട്ടി​യിൽ നിന്നും ഉദ്യോ​ഗ​ത്തിൽനി​ന്നും പുറത്താ​ക്കി​ക്കൊണ്ട്‌ അയാൾ ഈ വിശ്വാ​സ​ത്തിന്‌ അടിവ​ര​യി​ട്ടു. ജർമ്മൻ പത്ര​പ്ര​വർത്ത​ക​നും സമ്മാനം നേടുന്ന ഗ്രൻഥ​കാ​ര​നു​മായ സെബാ​സ്‌റ്റ്യൻ ഹാഫ്‌നർ പറയു​ന്ന​ത​നു​സ​രിച്ച്‌, “യഥാർത്ഥ​ത്തിൽ ഹിറ്റ്‌ലർ തന്നെയാ​യി​രു​ന്നു മനഃപൂർവ്വ രാജ്യ​ദ്രോ​ഹി” മറ്റു രാഷ്‌ട്ര​ങ്ങൾക്കും സംഘട​ന​കൾക്കും എതിരെ ഹിറ്റ്‌ലർ ചെയ്‌ത ക്രൂര​കൃ​ത്യ​ങ്ങൾ നിസ്സാ​രീ​ക​രി​ക്കാൻ തുനി​യു​ന്നില്ല, എന്നാൽ ഹാഫ്‌നർ പറയുന്നു, “വസ്‌തു​നി​ഷ്‌ഠ​മാ​യി വീക്ഷി​ക്കു​മ്പോൾ, ഹിറ്റ്‌ലർ ജർമ്മനി​യെ​യാ​യി​രു​ന്നു ഏറ്റവും അങ്ങേയ​റ്റം നശിപ്പി​ച്ചത്‌.”

ഹിറ്റ്‌ലർ ഇപ്പോൾ, ബർലിന്റെ നിയ​ന്ത്ര​ണ​ത്തി​നു​വേ​ണ്ടി​യുള്ള ഘോര​യു​ദ്ധം നടന്നു​കൊ​ണ്ടി​രി​ക്കു​ന്ന​തി​നി​ട​യിൽ 1945 ഏപ്രിൽ 30-ാം തീയതി ബർലി​നി​ലെ തന്റെ രക്ഷാസ​ങ്കേ​ത​ത്തി​നു​ള്ളിൽ ആത്മഹത്യ ചെയ്‌തു. അയാളു​ടെ നിർദ്ദേ​ശാ​നു​സ​രണം ചാൻസ​ല​റു​ടെ ഭവനവ​ള​പ്പി​ലെ പൂന്തോ​ട്ട​ത്തിൽ അയാളെ ദഹിപ്പി​ച്ചു. ഉയർന്നു പൊങ്ങിയ പുകയിൽ ഹിറ്റ്‌ല​റും അയാളു​ടെ ഘനഗം​ഭീ​ര​മായ വ്യാ​മോ​ഹ​ങ്ങ​ളും പറന്നു പോയി.

ഡ്രെസ്‌ഡ​നെ​ക്കാൾ മോശ​മായ ചിലത്‌

ഇതിനി​ട​യിൽ, ജപ്പാ​നെ​തി​രായ യുദ്ധത്തിൽ സഖ്യക​ക്ഷി​കൾ സാരവ​ത്തായ നേട്ടങ്ങൾ ഉണ്ടാക്കി​ക്കൊ​ണ്ടി​രു​ന്നു. ജപ്പാന്റെ മുഖ്യ പ്രദേ​ശ​ത്തേ​ക്കുള്ള തങ്ങളുടെ വഴിയിൽ ദ്വീപു—ചാട്ടത്തി​നുള്ള അവരുടെ ആസൂ​ത്രണം ലളിത​മാ​യി​രു​ന്നു. എന്നാൽ അതു പ്രാ​യോ​ഗി​ക​മാ​ക്കു​ന്നത്‌ പ്രയാ​സ​മു​ള്ള​തും, കൂടാതെ, അങ്ങേയ​റ്റം ചെല​വേ​റി​യ​തും ആയിരു​ന്നു. കൂടാതെ, ആന്തരിക ദ്വീപു​കൾതന്നെ ആക്രമി​ക്കു​ന്ന​തി​നാൽ കുറഞ്ഞത്‌ സഖ്യക​ക്ഷി​ക​ളു​ടെ അഞ്ചുലക്ഷം പേരു​ടെ​യും സാദ്ധ്യ​ത​യ​നു​സ​രിച്ച്‌ ജപ്പാ​ന്റെ​യും അതിലു​മ​ധി​കം പേരു​ടെ​യും മരണത്തെ അർത്ഥമാ​ക്കു​മെന്ന്‌ കണക്കാ​ക്ക​പ്പെട്ടു. കൂടുതൽ വേഗത്തിൽ യുദ്ധം അവസാ​നി​പ്പി​ക്കു​ന്ന​തി​നുള്ള ഏതെങ്കി​ലും വിധം ഉണ്ടായി​രു​ന്നെ​ങ്കിൽ! അപ്രകാ​രം ചെയ്യു​ന്ന​തിൽ ഐക്യ​നാ​ടു​കൾ വികസി​പ്പി​ച്ചെ​ടുത്ത രഹസ്യാ​യു​ധം വിജയി​ക്കു​മോ?

രണ്ടാം ലോക​മ​ഹാ​യു​ദ്ധം പൊട്ടി​പ്പു​റ​പ്പെ​ടു​ന്ന​തി​നു തൊട്ടു​മുമ്പ്‌, ജർമ്മൻ ശാസ്‌ത്ര​ജ്ഞൻമാർ ആണവ ഊർജ്ജത്തെ ആയുധ​ങ്ങൾക്കു​വേണ്ടി ഉപയോ​ഗി​ക്കു​ന്ന​തി​ന്റെ സാദ്ധ്യത പരീക്ഷി​ച്ചു​കൊ​ണ്ടി​രി​ക്ക​യാ​ണെന്ന്‌ ആൽബർട്ട്‌ ഐൻസ്‌റ്റീൻ യു. എസ്‌. പ്രസി​ഡൻറി​നെ അറിയി​ച്ചി​രു​ന്നു. ഇതു നിവർത്തി​ക്കു​ന്ന​തിൽ അവർ വിജയി​ക്കു​മോ, അയാൾ ഇങ്ങനെ മുന്നറി​യി​പ്പു നൽകി, അവരുടെ ലക്ഷ്യം നേടു​ന്ന​തിന്‌ സൈന്യ​ത്തി​നു​പ​യോ​ഗി​ക്കാൻ കഴിയുന്ന ഗംഭീര ശക്തി അവർ വിദഗ്‌ദ്ധ​മാ​യി കൈകാ​ര്യം ചെയ്യും. ഈ അപകട​ത്തി​നു പരിഹാ​ര​മാ​യി, യു. എസ്‌. യുദ്ധവ​കുപ്പ്‌ 1942-ൽ ഒരു അണു​ബോംബ്‌ വികസി​പ്പി​ച്ചെ​ടു​ക്കുക എന്ന ലക്ഷ്യത്തിൽ മാൻഹാ​ട്ടൻ പദ്ധതി എന്ന്‌ പിന്നീട്‌ അറിയ​പ്പെട്ട ഒരു പരിപാ​ടി പ്രവർത്തി​പ​ഥ​ത്തിൽ കൊണ്ടു​വന്നു.

ആദ്യമാ​യി, 1945 ജൂലൈ 16-ാം തീയതി അത്തരം ഒരു ബോംബ്‌ ന്യൂ​മെ​ക്‌സി​ക്കോ​യിൽ വിജയ​ക​ര​മാ​യി സ്‌ഫോ​ടനം ചെയ്യിച്ചു. ഈ രഹസ്യാ​യു​ധം യൂറോ​പ്പിൽ ഉപയോ​ഗി​ക്കു​ന്ന​തി​നു വളരെ വൈകി, എന്നാൽ ഏഷ്യയിൽ അപ്രകാ​ര​മാ​യി​രു​ന്നില്ല.a അതു​കൊണ്ട്‌, ആഗസ്‌റ്റ്‌ 6-ാം തീയതി ജപ്പാനി​ലെ ഹിറോ​ഷി​മാ​യിൽ ഒരു ആറ്റം ബോം​ബി​ട്ടു, മൂന്നു ദിവസ​ങ്ങൾക്കു​ശേഷം ഒന്ന്‌ നാഗസാ​ക്കി​യി​ലും ഇട്ടു. ഡ്രെസ്‌ഡൻ ആക്രമണം വിവാ​ദാ​ത്മ​ക​മാ​യി​രു​ന്നെ​ങ്കിൽ ഈ രണ്ട്‌ ആക്രമ​ണ​ങ്ങ​ളും എത്രയ​ധി​കം അപ്രകാ​ര​മാ​യി​രു​ന്നി​രി​ക്കണം! സാദ്ധ്യ​ത​യ​നു​സ​രിച്ച്‌ വിദൂര ഭാവി​യിൽ ശതസഹ​സ്ര​ക്ക​ണ​ക്കി​നാ​ളു​ക​ളു​ടെ ജീവൻ രക്ഷിച്ചു​കൊണ്ട്‌ അവ നീതീ​ക​രി​ക്ക​പ്പെട്ടു എന്ന്‌ ചിലർ വാദി​ക്കു​ന്നു. എന്നിരു​ന്നാ​ലും, ജപ്പാൻ കീഴട​ങ്ങു​ന്ന​തി​നു നിർബ​ന്ധി​ത​മാ​ക്കി​ത്തീർക്കു​ന്ന​തിന്‌ ജനവാ​സ​മി​ല്ലാ​തി​രുന്ന ഒരു സ്ഥലത്ത്‌ ഒരു പരീക്ഷണ സ്‌ഫോ​ടനം മതിയാ​കു​മാ​യി​രു​ന്നു എന്ന്‌ മറ്റു​ചി​ലർ അഭി​പ്രാ​യ​പ്പെട്ടു. ഏതു വിധേ​ന​യും, സാഹച​ര്യം ആശയറ്റ​താ​യി​രു​ന്നു എന്ന്‌ തിരി​ച്ച​റിഞ്ഞ ജപ്പാൻ ആയുധം വെച്ചു​കീ​ഴ​ടങ്ങി. യുദ്ധം അവസാ​നി​ച്ചു—യഥാർത്ഥ​ത്തിൽ അവസാ​നി​ച്ചു!

“എന്തു​കൊണ്ട്‌?” എന്ന ചോദ്യ​ത്തി​നു​ത്തരം

യുദ്ധം പൊട്ടി​പ്പു​റ​പ്പെ​ട്ട​തി​നും അതു തുടർന്ന​തി​നും മുഖ്യ ഉത്തരവാ​ദി​ക​ളെന്നു സഖ്യക​ക്ഷി​കൾ പരിഗ​ണി​ച്ചവർ യുദ്ധ കുറ്റ​കൃ​ത്യ​ങ്ങൾക്ക്‌ വിചാരണ ചെയ്യ​പ്പെട്ടു. കുറ്റം ചെയ്‌ത​താ​യി തെളി​ഞ്ഞ​വരെ ശിക്ഷിച്ചു.b നാസ്സിസം മുഴു​ച​രി​ത്ര​ത്തി​ലും വെച്ച്‌ ഏറ്റവും ഭയാന​ക​മായ നീചകൃ​ത്യ​ങ്ങ​ളിൽ ചിലതു ചെയ്‌തു. എന്നാൽ ഇവയി​ലേ​ക്കെ​ല്ലാം ഏതു വസ്‌തു​തകൾ നയിച്ചി​രു​ന്നി​രി​ക്കാം? നാസ്സി​സ​ത്തി​ന്റെ ഉദയത്തെ സംബന്ധി​ച്ചു സംസാ​രി​ക്ക​യിൽ, സ്വിസ്സ്‌ ചരി​ത്ര​കാ​ര​നായ പ്രൊ​ഫസ്സർ വാൽത്തെർ ഹോഫെർ ഇപ്രകാ​രം വാദി​ക്കു​ന്നു, “ചരി​ത്ര​പ​ര​മായ ചോദ്യ​ങ്ങൾക്കുള്ള വളരെ ലളിത​മായ എല്ലാ ഉത്തരങ്ങ​ളും പൊതു​വേ ദുർവ്യാ​ഖ്യാ​നം ചെയ്യ​പ്പെ​ടു​ന്നു, ഈ സംഗതി​യിൽ അതു പ്രത്യേ​കി​ച്ചും അങ്ങനെ​യാണ്‌. അയാൾ ഇപ്രകാ​രം തുടർന്നു വിശദീ​ക​രി​ക്കു​ന്നു: “മൊത്തം യുദ്ധവും സൈനിക ചുറ്റു​പാ​ടു​ക​ളും മൂലം 1914 മുതൽ 1918 വരെ അനുഭ​വിച്ച തീവ്ര​മായ അനന്തര ഫലങ്ങളെ കൂടാതെ, ദേശീയ സോഷ്യ​ലി​സ​ത്തി​ന്റെ ആദർശ​വും നിയമ​വും ദുർജ്ഞേ​യ​മാ​യി​രി​ക്കു​മാ​യി​രു​ന്നു.”

ഇത്‌, ഈ നൂറ്റാ​ണ്ടി​ല​ധി​ക​വും നിലനി​ന്നി​രുന്ന കൊടും യാതന​ക​ളു​ടെ ലോകാ​വ​സ്ഥ​ക​ളു​ടെ ഉത്ഭവം 1914-നും 1918-നും ഇടയ്‌ക്കു സംഭവിച്ച കാര്യ​ങ്ങ​ളിൽ ആയിരു​ന്നു എന്ന്‌ കണ്ടെത്താൻ കഴിയും എന്ന വാദഗ​തി​യെ പിന്താ​ങ്ങു​ന്നു. ബൈബിൾ കാലക്ക​ണ​ക്ക​നു​സ​രിച്ച്‌, “മുഴു ഭൂമി​യെ​യും വഴി​തെ​റ്റി​ച്ചു​കൊ​ണ്ടി​രി​ക്കുന്ന പിശാ​ചും സാത്താ​നും എന്നു വിളി​ക്ക​പ്പെ​ടു​ന്ന​വനെ” രാഷ്‌ട്ര​ങ്ങ​ളു​ടെ മേൽ വിഘാ​ത​മി​ല്ലാ​തെ ഭരിച്ചു​കൊ​ണ്ടി​രുന്ന തന്റെ സ്വർഗ്ഗീയ സ്ഥാനത്തു​നി​ന്നും പുറം​ത​ള്ളു​ന്ന​തി​നുള്ള സമയം ഇതായി​രു​ന്നു. “അവനെ ഭൂമി​യി​ലേക്കു ചുഴറ്റി​യെ​റി​ഞ്ഞു” എന്നു പറയുന്ന ബൈബിൾ എഴുത്തു​കാ​രൻ പിന്നീട്‌ ഇപ്രകാ​രം മുന്നറി​യി​പ്പു​നൽകു​ന്നു: “ഭൂമിക്കു. . . . അയ്യോ കഷ്ടം, എന്തു​കൊ​ണ്ടെ​ന്നാൽ പിശാച്‌ തനിക്ക്‌ അല്‌പ​കാ​ലമേ ഉള്ളു എന്നറി​ഞ്ഞു​കൊണ്ട്‌ മഹാ​ക്രോ​ധ​ത്തോ​ടെ നിങ്ങളു​ടെ അടുക്കൽ ഇറങ്ങി​വ​ന്നി​രി​ക്കു​ന്നു.”—വെളി​പ്പാട്‌ 12:9, 12; 11:18 താരത​മ്യ​പ്പെ​ടു​ത്തുക.

രണ്ടാം ലോക​മ​ഹാ​യു​ദ്ധം പോലെ ഒന്നാം ലോക​മ​ഹാ​യു​ദ്ധ​വും പിശാ​ചി​ന്റെ ക്രോ​ധ​ത്തി​ന്റെ ഒരു പ്രകട​ന​മാ​യി​രു​ന്നു. അങ്ങനെ രണ്ടു യുദ്ധങ്ങ​ളു​ടെ​യും അവ ഉല്‌പാ​ദി​പ്പിച്ച മുഴു ദുരി​ത​ത്തി​ന്റെ​യും മൂലകാ​ര​ണ​ക്കാ​രൻ അവനാണ്‌. ആഷ്‌വി​റ്റ്‌സ്‌ മൂലം ജർമ്മൻകാ​രോ​ടും പേൾഹാർബർ മൂലം ജപ്പാൻകാ​രോ​ടും ചില ആളുകൾക്കുള്ള കോപം അമർത്തു​ന്ന​തിന്‌ പ്രയാ​സ​മാ​ണെന്നു കണ്ടെത്തു​ന്നു എന്നത്‌ മനസ്സി​ലാ​ക്കാ​വു​ന്ന​താണ്‌. നേരെ മറിച്ച്‌ ഡ്രെസ്‌ഡൻ മൂലം ബ്രിട്ടീ​ഷു​കാ​രോ​ടും ഹിറോ​ഷി​മാ മൂലം അമേരി​ക്ക​ക്കാ​രോ​ടും ചിലർക്ക്‌ കോപം തോന്നു​ന്നു. ദേശീ​യ​വും വ്യക്തി​പ​ര​വു​മായ വിദ്വേ​ഷം ഒരു വിഷമ​മേ​റിയ മരണം മരിച്ചു. എന്നാൽ കൂടുതൽ ഉചിത​മാ​യി തങ്ങളുടെ കോപം പിശാ​ചായ സാത്താ​നി​ലേക്കു തിരിച്ചു വിടുന്ന ക്രിസ്‌ത്യാ​നി​ക​ളു​ടെ ചിന്തയെ അവ നിയ​ന്ത്രി​ക്കു​ക​യില്ല.

പെട്ടെ​ന്നു​ത​ന്നെ ദൈവ​രാ​ജ്യം പിശാ​ചി​നെ നശിപ്പി​ക്ക​യും മുഴു​മ​നു​ഷ്യ​വർഗ്ഗ​ത്തി​ന്റെ​യും പ്രശ്‌ന​ങ്ങളെ പരിഹ​രി​ക്ക​യും ചെയ്യും. യഹോ​വ​യു​ടെ സാക്ഷികൾ, 1939-ൽ 71,509 ആയിരു​ന്ന​തിൽ നിന്ന്‌ 1945-ൽ 1,41,609 ആയി വളർന്ന തങ്ങളുടെ നിരകൾ, രണ്ടാം ലോക​മ​ഹാ​യു​ദ്ധം അവസാ​നിച്ച അവസര​ത്തിൽ ഒരു വിപു​ല​മായ രീതി​യിൽ പ്രസം​ഗി​ക്ക​പ്പെ​ടാൻ ആഗ്രഹിച്ച സുവാർത്ത ഇതാണ്‌. “നാസ്‌തി​യായ ഒരു സമാധാ​ന​ത്തിൻ മദ്ധ്യേ വഞ്ചകമായ സമൃദ്ധി” അപ്രകാ​രം ചെയ്യു​ന്ന​തിൽ നിന്ന്‌ അവരെ തടഞ്ഞില്ല. ഞങ്ങളുടെ അടുത്ത ലക്കത്തിൽ അതി​നെ​ക്കു​റിച്ച്‌ വായി​ക്കുക. (g87 5/8)

[അടിക്കു​റി​പ്പു​കൾ]

[11-ാം പേജിലെ ചതുരം]

അഗ്നിജ്വാലയുടെ ഒരു ബൃഹത്തായ സമുദ്രം

“മുഴു ഡ്രെസ്‌ഡൻ നഗരവും പ്രകമ്പനം കൊള്ളു​ക​യാ​യി​രു​ന്നു. സ്‌ഫോ​ട​ന​ബോം​ബു​കൾ പെ​ട്രോ​ളും ഫോസ്‌ഫ​റ​സും പോലുള്ള മഴ ഛർദ്ദി​ച്ചു​കൊ​ണ്ടി​രു​ന്നു. കെട്ടി​ട​ങ്ങ​ളിൽനിന്ന്‌ തെരു​വു​ക​ളി​ലേക്ക്‌ തീജ്വാ​ലകൾ കുതിച്ചു ചാടി, അത്‌ റോഡി​ലെ കറുത്ത കീലിന്‌ തീപി​ടി​പ്പി​ക്ക​യും ചൂടു​പി​ടിച്ച്‌ ചുമക്കു​ന്ന​തി​നി​ട​യാ​ക്കു​ക​യും ചെയ്‌തു. അത്‌ നാലു കിലോ​മീ​റ്റർ വീതി​യും ഏഴു കിലോ​മീ​റ്റർ നീളവും ഉള്ള അഗ്നിജ്വാ​ല​യു​ടെ ഒരു ബൃഹത്തായ സമു​ദ്ര​മാ​യി​രു​ന്നു. എഴുപ​തി​നാ​യി​രം ആളുകൾ ജീവ​നോ​ടെ ദഹിപ്പി​ക്ക​പ്പെട്ടു, ബോം​ബു​ക​ളാൽ ചീന്ത​പ്പെട്ടു, ഭിത്തികൾ വീണ്‌ തകർക്ക​പ്പെട്ടു, പുകമൂ​ലം ശ്വാസം​മു​ട്ടി മരിച്ചു. അനന്തര​ഫ​ല​മാ​യു​ണ്ടായ ഭയങ്കര അഗ്നി​ക്കൊ​ടു​ങ്കാ​റ്റ്‌ സകലതി​നെ​യും വായു​വി​ലേക്ക്‌ എറിഞ്ഞു—ഗൃഹോ​പ​ക​ര​ണങ്ങൾ, ഉവ്വ്‌ ആളുകൾ പോലും അഗ്നിച്ചു​ഴി​യിൽ ചുറ്റി​ക്ക​റ​ങ്ങി​ക്കൊ​ണ്ടി​രു​ന്നു. പഴയ ചന്തയിൽ മൂന്നു മീറ്റർ ചുറ്റ​ള​വുള്ള ഒരു വാട്ടർ ടാങ്കു​ണ്ടാ​യി​രു​ന്നു. സംഭ്രാ​ന്ത​രായ ആളുകൾ സംരക്ഷ​ണ​ത്തി​നു​വേണ്ടി വെള്ളത്തിൽ കുതിച്ചു ചാടി, അവിടെ അവർ മുങ്ങി​ച്ചാ​വു​ക​യോ ശ്വാസം​മു​ട്ടി​മ​രി​ക്കു​ക​യോ ചെയ്‌തു; ചുരു​ക്കം​പേർ ജീവ​നോ​ടെ പുറത്തു​വന്നു. കരിഞ്ഞ ശവശരീ​രങ്ങൾ മാത്ര​മാണ്‌ കണ്ടെടു​ക്ക​പ്പെ​ട്ടത്‌. മരിച്ച​വരെ അടക്കം ചെയ്യു​ന്നത്‌ അസാദ്ധ്യ​മാ​യി​രു​ന്നു; അവ കേവലം കൂനകൂ​ട്ടു​ക​യും പെ​ട്രോൾ ഒഴിച്ച്‌ കത്തിക്കു​ക​യും ചെയ്‌തു, ഈ കൂനകൾ തുടർച്ച​യാ​യി ദിവസ​ങ്ങ​ളോ​ളം കത്തി​ക്കൊ​ണ്ടി​രു​ന്നു. ഞങ്ങളുടെ ഭവനം പൂർണ്ണ​മാ​യി ദഹിപ്പി​ക്ക​പ്പെട്ടു. ഞങ്ങൾക്ക്‌ ഞങ്ങളുടെ പ്രിയ​പ്പെട്ട ജോസി​യെ​യും അവളുടെ അഞ്ചു വയസ്സു​ണ്ടാ​യി​രുന്ന കൊച്ചു കുഞ്ഞി​നെ​യും നഷ്ടപ്പെട്ടു.”—ഡ്രെസ്‌ഡൻ വാസി​ക​ളായ എച്ച്‌., എസ്‌. എം.

“ആകാശ​ത്തു​നിന്ന്‌ നഗരം വളരെ മനോ​ഹ​ര​മാ​യി ദീപാ​ലം​കൃ​ത​മാ​യി കാണ​പ്പെട്ടു . . . മദ്ധ്യത്തിൽ വിവിധ നിറങ്ങ​ളോ​ടു​കൂ​ടിയ തീകൊണ്ട്‌ . . . അതിന്റെ ബീഭത്സ​മായ മനോ​ഹാ​രിത നിമിത്തം ആ ഭീകര​ത​യെ​ല്ലാം ഉണ്ടായി​രു​ന്നി​ട്ടും അത്‌ യഥാർത്ഥ​ത്തിൽ എന്നെ ഞെട്ടി​ച്ചില്ല.”—പേർ വെളി​പ്പെ​ടു​ത്താത്ത റോയൽ എയർഫോ​ഴ്‌സ്‌ ബോംബർ പൈല​റ്റ്‌

[14-ാം പേജിലെ ചതുരം]

വാർത്ത ഉളവാ​ക്കിയ മറ്റ്‌ ഇനങ്ങൾ

1944—പോപ്പ്‌ യുദ്ധം ചെയ്‌തു​കൊ​ണ്ടി​രുന്ന രാഷ്‌ട്ര​ങ്ങ​ളോട്‌ ബോം​ബാ​ക്ര​മ​ണ​ത്തിൽനിന്ന്‌ റോമി​നെ ഒഴിവാ​ക്ക​ണ​മെന്ന്‌ അഭ്യർത്ഥി​ക്കു​ന്നു

1945—അന്തർദ്ദേ​ശീയ സമാധാ​ന​വും സുരക്ഷി​ത​ത്വ​വും കാത്തു​സൂ​ക്ഷി​ക്കു​ന്ന​തിന്‌ ഐക്യ രാഷ്‌ട്ര സംഘടന സ്ഥാപിച്ചു

കരിഞ്ചന്ത വ്യാപ​ക​മാ​യ​പ്പോൾ യൂറോ​പ്പി​ലേക്ക്‌ ആഹാര​വും വസ്‌ത്ര​വും മരുന്നു​ക​ളും അയയ്‌ക്കു​ന്ന​തിന്‌ കെയർ (CARE) [Cooperative for American Relief to Everywhere] സ്ഥാപിച്ചു

രണ്ടാം ലോക​മ​ഹാ​യു​ദ്ധ​ത്തി​ന്റെ അവസാ​ന​മാ​സ​ങ്ങ​ളിൽ കൂടു​ത​ലാ​യി 13 രാജ്യങ്ങൾ, അവയിൽ 7 എണ്ണം തെക്കെ അമേരി​ക്ക​യി​ലു​ള്ളവ, ജർമ്മനി​യോട്‌ യുദ്ധം പ്രഖ്യാ​പി​ച്ചു

ഫ്രാൻസിൽ സ്‌ത്രീ​കൾക്ക്‌ വോട്ട​വ​കാ​ശം നിയമ​മാ​യി​ത്തീ​രു​ന്നു

രക്തരഹി​ത​വി​പ്ലവം ബ്രസീ​ലി​ന്റെ പ്രസി​ഡ​ണ്ടാ​യി​രുന്ന ഗെട്ടു​ലി​യൊ വാർഗാ​സി​ന്റെ 15 വർഷത്തെ ഭരണം മറിച്ചി​ട്ടു

[12-ാം പേജിലെ ചിത്രങ്ങൾ]

ജർമ്മൻ V-1 മി​സൈ​ലും (വലത്ത്‌) V-2 റോക്ക​റ്റും (താഴെ) രണ്ടാം ലോക മഹായു​ദ്ധ​ത്തിൽ ഉപയോ​ഗി​ച്ച​പ്പോൾ

[കടപ്പാട്‌]

Imperial War Museum, London

[13-ാം പേജിലെ ചിത്ര​ത്തിന്‌ കടപ്പാട്‌]

U.S. Air Force photo