വ്യാവ​സാ​യിക രാസവ​സ്‌തു​ക്ക​ളു​ടെ വികൃ​ത​വ​ശം

ചരി​ത്ര​ത്തി​ലെ ഏറ്റവും ദാരു​ണ​മായ വ്യാവ​സാ​യിക അപകടം സംഭവി​ച്ചത്‌ 1984 ഡിസം​ബ​റിൽ ഒരു ശീതള രാത്രി​യി​ലെ അർദ്ധരാ​ത്രി​ക്കു​ശേഷം ഉടനെ​യാ​യി​രു​ന്നു. ഇൻഡ്യാ​റി​പ്പ​ബ്ലി​ക്കിൽനിന്ന്‌ അകലെ​യുള്ള ഒരു ലോക​ത്തിൽ ഈ രാജ്യ​ത്തി​ന്റെ മിക്കവാ​റും കേന്ദ്ര​ത്തിൽതന്നെ സ്ഥിതി​ചെ​യ്യുന്ന 8,00,000-ത്തിൽപരം വരുന്ന ജനസം​ഖ്യ​യോ​ടു​കൂ​ടിയ ഒരു വ്യാവ​സാ​യിക നഗരമായ ഭോപ്പാൽ അധികം​പേർക്കു പരിചി​ത​മാ​യി​രു​ന്നില്ല. ഉറക്കത്തി​ലാ​യി​രുന്ന അതിലെ നിവാ​സി​കൾ ഒരു കല്ലേറു ദൂരത്തിൽ വികാ​സം​പ്രാ​പി​ച്ചു​കൊ​ണ്ടി​രുന്ന സംഭവങ്ങൾ അറിഞ്ഞി​രു​ന്നില്ല.

ഭോപ്പാ​ലി​ലെ യു.എസ്‌. യൂണിയൻ കാർ​ബൈഡ്‌ ശാലയിൽ 45 ടൺ മീതൈൽ ഐസോ​സ​യ​നൈ​റ്റ്‌ (MIC) ഉണ്ടായി​രുന്ന ഒരു സംഭരണ ടാങ്കിൽ അപകട​ക​ര​മാം​വി​ധം സമ്മർദ്ദം കൂടി. ഈ വാതകം കീടനാ​ശി​നി​കൾ നിർമ്മി​ക്കു​ന്ന​തി​നു​പ​യോ​ഗി​ക്കുന്ന മാരക​മായ ഒരു രാസവ​സ്‌തു ആയിരു​ന്നു. പെട്ടെന്ന്‌ കേടു​ണ്ടാ​യി​രുന്ന ഒരു വാൽവിൽനി​ന്നു വിഷവാ​ത​ക​ത്തി​ന്റെ ഒരു മേഘം ശാന്തമാ​യി​രുന്ന നഗരത്തിൽ മരണവും വേദന​യും പരത്താൻതു​ടങ്ങി. അത്‌ പുരു​ഷൻമാ​രും സ്‌ത്രീ​ക​ളും കുട്ടി​ക​ളു​മാ​യി 2,500-ൽപരം പേരുടെ ജീവൻ ഒടുക്കി. പതിനാ​യി​ര​ത്തി​ല​ധി​കം പേരെ അത്‌ അംഗഭം​ഗ​പ്പെ​ടു​ത്തി.

കന്നുകാ​ലി​ക​ളും നായ്‌ക്ക​ളു​മാ​യി ആയിര​ക്ക​ണ​ക്കി​നു മൃഗങ്ങ​ളു​ടെ മരണം ഗ്രാമ​പ്ര​ദേ​ശ​ങ്ങ​ളിൽ മൃതശ​രീ​രങ്ങൾ ചിതറി​ക്കി​ട​ക്കാ​നി​ട​യാ​ക്കി. അവ റോഡു​ക​ളെ​യും നഗരവീ​ഥി​ക​ളെ​യും സ്‌തം​ഭി​പ്പി​ച്ചു. ഭോപ്പാൽ ഒരു ബൃഹത്തായ കൃത്രിമ ശവദാ​ഹ​സ്ഥ​ല​മാ​യി​ത്തീർന്നു, അഹോ​രാ​ത്രം ദഹനം നടത്തി​ക്കൊ​ണ്ടി​രു​ന്നു. ഒന്നിനു​മീ​തെ ഒന്നായി 25 ശവങ്ങൾവീ​തം അടുക്കി പല ചിതക​ളിൽ മൃത​ദേ​ഹങ്ങൾ ദഹിപ്പി​ച്ചു​കൊ​ണ്ടി​രു​ന്നു. മറ്റു ചിലത്‌ തിടു​ക്ക​ത്തിൽ കുഴിച്ച സമൂഹ ശവക്കു​ഴി​ക​ളിൽ അടക്കി—ഒരേ സമയം ബഹുദ​ശങ്ങൾ വീതം.

പിന്നീട്‌ യൂറോ​പ്പിൽ മറ്റൊ​രു വിപത്തു പ്രഹരി​ച്ചു. അത്‌ “റൈനി​ലെ ഭോപ്പാൽ” എന്നു വിളി​ക്ക​പ്പെട്ടു. സ്വിറ്റ്‌സർലണ്ട്‌ ബാസലി​നു മുകളി​ലെ ഒരു വ്യവസാ​യ​ശാ​ല​യി​ലു​ണ്ടായ ഒരു രാസ​ചോർച്ച റൈൻന​ദി​യി​ലേക്കു 40 ടൺ വിഷ മലിന​വ​സ്‌തു​ക്കൾ ചാടിച്ചു. അത്‌ “ജർമ്മൻ​ഫ്രെഞ്ച്‌ അതിർത്തി​യി​ലൂ​ടെ റൈൻലാൻഡി​ലേ​ക്കും അനന്തരം നെതർലാൻഡ്‌സി​ലൂ​ടെ നോർത്ത്‌ സീയി​ലേ​ക്കും ഒഴുകി”യപ്പോൾ ശതസഹ​സ്ര​ക്ക​ണ​ക്കി​നു മത്സ്യ​ത്തെ​യും വ്‌ളാ​ങ്കു​ക​ളെ​യും കൊന്നു. ഒരു വർത്തമാ​ന​പ്പ​ത്രം ഇങ്ങനെ മുഖ​പ്ര​സം​ഗം എഴുതി: “സ്വിറ്റ്‌സർല​ണ്ടു​കാർ ശുചി​ത്വ​മു​ള്ള​വ​രെന്നു പരിഗ​ണി​ക്ക​പ്പെ​ട്ടി​രു​ന്നു, അവരുടെ വ്യവസാ​യം ഭദ്രമാ​യി​രു​ന്നു, അവയിൽ രാസവ​സ്‌തു​വ്യ​വ​സാ​യ​വും ഉൾപ്പെ​ട്ടി​രു​ന്നു. അതെല്ലാം ഇപ്പോൾ കഴിഞ്ഞു​പോ​യി​രി​ക്കു​ന്നു.”

ഭോപ്പാ​ലി​ലെ​യും റൈൻന​ദീ​തീ​ര​ത്തെ​യും നിവാ​സി​കൾ 66,000-ത്തിലധി​കം രാസ സംയു​ക്തങ്ങൾ നിർമ്മി​ക്കു​ന്ന​തു​സം​ബ​ന്ധിച്ച്‌ വീമ്പടി​ക്കുന്ന ഒരു സാങ്കേ​തി​ക​ശാ​സ്‌ത്ര​യു​ഗ​ത്തി​ന്റെ ഇരകളാ​യി​ത്തീർന്നു. പലതും മനുഷ്യ​ജീ​വി​തത്തെ സുകര​മാ​ക്കാൻവേ​ണ്ടി​യാണ്‌ നിർമ്മി​ക്കു​ന്നത്‌. എന്നാൽ വിരോ​ധാ​ഭാ​സ​മെന്നു പറയട്ടെ, ഒട്ടനവ​ധി​യും അത്യന്തം വിഷമ​യ​വും മനുഷ്യർക്കും മുഴു​ജീ​വ​ശാ​സ്‌ത്ര​വ്യ​വ​സ്ഥി​തി​ക്കും മാരക​വും വിനാ​ശ​ക​വു​മായ പാർശ്വ​ഫ​ല​ങ്ങ​ളു​ള​വാ​ക്കാൻ കഴിയു​ന്ന​വ​യു​മാണ്‌. ഒരു വിദഗ്‌ദ്ധൻ ഈ രാസവ​സ്‌തു​ക്കളെ “ജീവനാ​ശി​നി​കൾ” എന്നു വിളിച്ചു.

അനേകർക്ക്‌ ഉച്ചരി​ക്കാൻ കഴിയാ​ത്ത​തും സൗകര്യാർത്ഥം പിസിബി, ഡിഡി​റ്റി, പിസി​ഡി​ഡി, പിസി​ഡി​എഫ്‌, റ്റിസി​ഡി​ഡി എന്നിങ്ങ​നെ​യുള്ള അക്ഷരങ്ങൾ വഹിക്കു​ന്ന​വ​യു​മായ രാസവ​സ്‌തു​ക്കൾ അനേക​മാണ്‌. ഈ വിഷമയ രാസവ​സ്‌തു​ക്ക​ളു​ടെ അക്ഷരമാ​ലാ​സൂപ്പ്‌ മനുഷ്യർക്കും മനുഷ്യൻ ജീവി​ക്കാൻവേണ്ടി ആശ്രയി​ക്കേണ്ട ഭൂമി​യി​ലെ വിഭവ​ങ്ങൾക്കും മാരക​മായ വിപത്താണ്‌. ഓരോ​വർഷ​വും “പരിസ​ര​ത്തി​ലേ​ക്കുള്ള ആയിര​ക്ക​ണ​ക്കി​നു വിഷവ​സ്‌തു​ക്ക​ളു​ടെ തള്ളൽ” നടക്കുന്നു എന്ന്‌ യു.എസ്‌. പരിസ​ര​സം​രക്ഷണ ഏജൻസി​യു​ടെ ഒരു വക്താവ്‌ പറയു​ക​യു​ണ്ടാ​യി. അങ്ങനെ​യുള്ള മലിന​വ​സ്‌തു​ക്കൾ വായു​വി​ന്റെ​യും ഉപരി​ത​ല​ജ​ല​ത്തി​ന്റെ​യും ഗുണത്തി​നു ഭീഷണി​യാണ്‌, അവ വരാനുള്ള ദശകങ്ങ​ളി​ലേക്ക്‌ മണ്ണിനെ വിഷലി​പ്‌ത​മാ​ക്കു​ന്നു.

ഐക്യ​നാ​ടു​ക​ളിൽ മാത്രം ഓരോ വർഷവും അപകട​ക​ര​ങ്ങ​ളായ 1.5 ട്രില്യൻ ഗ്യാലൻ രാസമാ​ലി​ന്യ​ങ്ങൾ ഭൂഗർഭ​ജ​ല​പ​ദ്ധ​തി​ക​ളിൽ ചെന്നെ​ത്തു​ന്നു​വെന്ന്‌ യു.എസ്‌. പരിസര സംരക്ഷണ ഏജൻസി കണക്കാ​ക്കു​ന്നു.a ഒരൊറ്റ ഗ്യാലൻ ലായകം സുരക്ഷി​ത​ല​വ​ലു​കളെ അതി​ക്ര​മിച്ച്‌ 2 കോടി ഗ്യാലൻ ഭൂജലത്തെ മലിന​പ്പെ​ടു​ത്തു​ന്നു​വെ​ന്ന​റി​യു​മ്പോൾ 1.5 ട്രില്യൻ ഗ്യാലൻ വിഷരാ​സ​വ​സ്‌തു​ക്കൾ എത്ര വിപൽക്ക​ര​മായ നാശം വരുത്തി​ക്കൂ​ട്ടു​മെന്നു കണക്കാ​ക്കു​ന്നതു അമ്പരപ്പി​ക്കും.

ഹാനി​ക​ര​മാ​യ വിഷരാ​സ​വ​സ്‌തു​ക്ക​ളും പാഴ്‌വ​സ്‌തു​ക്ക​ളും അവയുടെ അശ്രദ്ധ​മായ തള്ളലും നിമിത്തം നദിക​ളും അരുവി​ക​ളും ദുഷി​ക്കു​ക​യാണ്‌. മത്സ്യം ചത്തൊ​ടു​ങ്ങു​ന്നു. നദിക​ളും അരുവി​ക​ളും സമു​ദ്ര​ത്തി​ലെ​ത്തു​മ്പോൾ മാരക​ങ്ങ​ളായ രാസവ​സ്‌തു​ക്ക​ളും അവയോ​ടൊത്ത്‌ ഒഴുകി​യെ​ത്തു​ന്നു. പ്രസിദ്ധ സമു​ദ്ര​ശാ​സ്‌ത്ര​ജ്ഞ​നായ ജാക്വസ്‌ കോസ്‌റ്റ്യൂ പറയു​ന്ന​പ്ര​കാ​രം ഒരു കാലത്ത്‌ സമു​ദ്ര​ജീ​വി​കൾ ധാരാ​ള​മു​ണ്ടാ​യി​രുന്ന ചില സ്ഥലങ്ങളിൽ മത്സ്യം കാണാ​നേ​യില്ല.

മലിനീ​ക​ര​ണ​ത്താൽ പക്ഷിജാ​ല​ങ്ങ​ളും മൃഗജാ​ല​ങ്ങ​ളും ഭീഷണി​യെ നേരി​ടു​ക​യാണ്‌. വന്യമൃ​ഗ​സ​ങ്കേ​തങ്ങൾ പോലും അഭയമാ​യി​രി​ക്കു​ന്നില്ല. “പത്തു ദേശീ​യ​വ​ന്യ​മൃ​ഗ​സ​ങ്കേ​തങ്ങൾ വിഷരാ​സ​വ​സ്‌തു​ക്ക​ളാൽ ദുഷി​ക്കു​ക​യാണ്‌, വേറെ 74 എണ്ണത്തി​നും അപകട​മു​ണ്ടാ​യേ​ക്കാം. . . .സെലീ​നി​യ​വും മറ്റു രാസവ​സ്‌തു​ക്ക​ളും​സ​ഹി​തം ഒഴുകി​യെ​ത്തിയ മലിന​വ​സ്‌തു​ക്കൾ സങ്കേത​ത്തിൽ നിരവധി ജലപക്ഷി​കളെ കൊന്നു”വെന്ന്‌ 1986 ഫെബ്രു​വരി 4-ലെ ദി ന്യൂ​യോർക്ക്‌ റ്റൈംസ്‌ റിപ്പോർട്ടു ചെയ്‌തു.

ലോക​വി​ദ​ഗ്‌ദ്ധൻമാർ ഭാവി​സം​ബ​ന്ധിച്ച്‌ ഒരു ശുഭക​ര​മായ ചിത്രം വരച്ചു​കാ​ട്ടു​ന്നില്ല. ഭൂവി​ഭ​വ​ങ്ങ​ളു​ടെ സത്വര​മായ കുറയൽ മണ്ണിന്റെ നാശ​ത്തോ​ടും വായു​വി​ന്റെ​യും വെള്ളത്തി​ന്റെ​യും മലിനീ​ക​ര​ണ​ത്തോ​ടും കൂടെ അവസാ​നി​ക്കു​ന്നില്ല. സഹസ്രാ​ബ്ദ​ങ്ങ​ളിൽ വായു​വി​ലേക്കു നൂറു​ക​ണ​ക്കി​നടി ഉയരത്തിൽ ഇല​ക്കൈ​ക​ളു​യർത്തിയ വലിയ ഉഷ്‌ണ​മേ​ഖ​ലാ​മ​ഴ​വ​ന​ങ്ങ​ളെ​സം​ബന്ധി​ച്ചെന്ത്‌? ഇവയും നമ്മുടെ കൺമു​മ്പിൽ കുറഞ്ഞു​കൊ​ണ്ടി​രി​ക്കുന്ന മറ്റു വിഭവ​ങ്ങ​ളു​ടെ വഴിയേ പോകു​ന്ന​തി​ന്റെ അപകട​ത്തി​ലാ​ണോ? നാം തിരി​ച്ച​റി​ഞ്ഞാ​ലും ഇല്ലെങ്കി​ലും നമ്മുടെ ജീവി​തങ്ങൾ യഹോ​വ​യു​ടെ ഈ സമൃദ്ധ​മായ കൈ​വേ​ല​ക​ളാൽ ബാധി​ക്ക​പ്പെ​ടു​ന്നുണ്ട്‌. അടുത്ത ലേഖനം അത്‌ പ്രകട​മാ​ക്കും. (g87 7/22)

[അടിക്കു​റി​പ്പു​കൾ]