ഉത്തേജക ഔഷധങ്ങൾ—അവ നിങ്ങൾക്കു​വേ​ണ്ടി​യും നിങ്ങ​ളോ​ടും ചെയ്യു​ന്നത്‌

ഉത്തേജ​കൗ​ഷ​ധങ്ങൾ! ആ പദങ്ങൾ തന്നെ കൊറി​യൻ റിപ്പബ്‌ളി​ക്കി​ലെ സിയോ​ളിൽ നടന്ന 1988 ഒളിമ്പിക്‌ മൽസര​ങ്ങ​ളു​ടെ​മേൽ ദുഷ്‌പ്പേ​രി​ന്റെ ഒരു കരിനി​ഴൽ വീഴ്‌ത്തി. ഔഷധം ഉപയോ​ഗി​ച്ചു എന്ന ആരോ​പ​ണ​ത്തി​ന്റെ അടിസ്ഥാ​ന​ത്തിൽ അന്താരാ​ഷ്‌ട്ര ഒളിമ്പിക്‌ കമ്മററി വിജയ​പ്ര​തീ​ക്ഷ​യു​ണ്ടാ​യി​രുന്ന പല കായിക താരങ്ങ​ളെ​യും മൽസര​ത്തിൽനിന്ന്‌ പുറത്താ​ക്കി. നൂറു​മീ​ററർ ഓട്ടത്തി​ന്റെ ഫൈന​ലി​ലെ, ലോക​ത്തി​ലെ ഏററം വേഗത​യേ​റിയ ഓട്ടക്കാ​രൻ തന്റെ സ്വർണ്ണ മെഡലി​ന്റെ പ്രഭയിൽ വിളങ്ങി—എന്നാൽ അൽപ്പ സമയ​ത്തേക്കു മാത്രം. മൽസര​ത്തി​നു​ശേഷം നടത്തിയ പരി​ശോ​ധ​ന​യിൽ അയാൾ ഉത്തേജക ഔഷധം ഉപയോ​ഗി​ച്ചി​രു​ന്ന​താ​യി തെളിഞ്ഞു. അയാൾക്ക്‌ തന്റെ മെഡലും ലോക റെക്കാർഡും നഷ്ടമായി.

എന്നാൽ ഇതു കായിക ലോകത്തെ ആശ്ചര്യ​പ്പെ​ടു​ത്തേ​ണ്ട​തി​ല്ലാ​യി​രു​ന്നു. കാനഡ​യി​ലെ കൽഗാ​രി​യിൽ 1988ൽ നടന്ന ശീതകാല ഒളിമ്പി​ക്‌സിൽ ഒരു കായി​ക​താ​രം ഉത്തേജക ഔഷധം ഉപയോ​ഗി​ച്ച​താ​യി തെളി​ഞ്ഞ​തി​നാൽ മൽസര​ത്തിൽ നിന്ന്‌ മാററി നിറു​ത്ത​പ്പെ​ട്ടി​രു​ന്നു. സ്വിറ​റ്‌സർല​ണ്ടി​ലെ സൂറി​ച്ചിൽ 1987ൽ നടന്ന പ്രസി​ദ്ധ​മായ ലോക കായിക മൽസര​ങ്ങ​ളിൽ—ഷോട്ട്‌പുട്ട്‌, ഹാമർ, ജാവലിൻ, ഡിസ്‌ക്കസ്‌ എന്നീ ഇനങ്ങളിൽ—മൽസരി​ക്കാ​നി​രുന്ന 28 താരങ്ങ​ളിൽ പകുതി​പ്പേർ ഉത്തേജക ഔഷധം സംബന്ധിച്ച പരി​ശോ​ധ​ന​ക​ളെ​പ്പ​ററി അറിഞ്ഞ​പ്പോൾ മൽസര​ത്തിന്‌ ഹാജരാ​യ​തേ​യില്ല എന്ന്‌ റിപ്പോർട്ടു ചെയ്യ​പ്പെ​ടു​ന്നു.

വെനി​സ്വേ​ല​യി​ലെ കാരക്കാ​സ്സിൽ 1983ൽ നടന്ന പാൻ-അമേരി​ക്കൻ മൽസര​ങ്ങ​ളിൽ ഉത്തേജക ഔഷധങ്ങൾ ഉപയോ​ഗി​ച്ച​തി​ന്റെ ഫലമായി 15 കായിക താരങ്ങൾ പുറത്താ​ക്ക​പ്പെട്ടു. ആയിര​ത്തി​ത്തൊ​ള്ളാ​യി​രത്തി എൺപത്തി​നാ​ലി​ലെ ഒളിമ്പി​ക്‌സ്‌ മൽസര​ങ്ങ​ളി​ലും ഉത്തേജക ഔഷധം ഉപയോ​ഗി​ച്ച​തി​ന്റെ ഫലമായി ചില വിജയി​കൾക്ക്‌ അവരുടെ മെഡൽ നഷ്ടമായി.

കായിക രംഗത്തി​ന്റെ എല്ലാ മണ്ഡലങ്ങൾക്കും—ഓട്ടം, ശരീര​സൗ​ന്ദ​ര്യം, ഭാരോ​ദ്വ​ഹനം, ഫുട്ട്‌ബോൾ—അതി​ന്റെ​തായ ദുഷ്‌പേ​രി​ന്റെ ചരി​ത്ര​മുണ്ട്‌. ഐക്യ​നാ​ടു​ക​ളി​ലെ പല യൂണി​വേ​ഴ്‌സി​റ​റി​ക​ളിൽനി​ന്നാ​യി ഇരുപ​തി​ലേറെ ഫുട്ട്‌ബോൾ കളിക്കാർ ഉത്തേജക ഔഷധങ്ങൾ ഉപയോ​ഗി​ച്ച​തി​ന്റെ പേരിൽ മൽസര​ങ്ങ​ളിൽ നിന്ന്‌ മാററി നിറു​ത്ത​പ്പെട്ടു. പതിനാ​ലു​കൊ​ല്ല​മാ​യി ദേശീയ തലത്തിൽ കീർത്തി​പ്പെട്ട പഴമക്കാ​രൻ, പ്രൊ​ഫ​ഷണൽ കളിക്കാ​രൻ ഇപ്രകാ​രം പറഞ്ഞതാ​യി ഉദ്ധരി​ക്ക​പ്പെട്ടു: “ചില ററീമു​ക​ളിൽ 75 മുതൽ 90 വരെ ശതമാനം കളിക്കാർ ഉത്തേജക ഔഷധങ്ങൾ ഉപയോ​ഗി​ക്കു​ന്നു.” സൈ​ക്കോ​ളജി ററുഡേ എന്ന മാസിക ഇപ്രകാ​രം റിപ്പോർട്ടു ചെയ്‌തു: “അഭിമുഖ സംഭാ​ഷ​ണ​ത്തിൽ ഉൾപ്പെട്ട മിക്കവ​രും ശരീര സൗന്ദര്യ മൽസര​ത്തിൽ ഏർപ്പെ​ടുന്ന 100 ശതമാനം പേരും ഉത്തേജക ഔഷധങ്ങൾ ഉപയോ​ഗി​ക്കു​ന്ന​താ​യി അഭി​പ്രാ​യ​പ്പെട്ടു.”

മാത്രമല്ല, ഉത്തേജക ഔഷധ​ങ്ങ​ളു​ടെ ദുരു​പ​യോ​ഗം കായിക മൽസരം തൊഴി​ലാ​ക്കി​യി​രി​ക്കു​ന്ന​വ​രു​ടെ​യും കോ​ളേജ്‌ കായിക താരങ്ങ​ളു​ടെ​യു​മി​ട​യിൽ മാത്രം പരിമി​ത​പ്പെ​ട്ടി​രി​ക്കു​ന്നില്ല. ഇന്ന്‌, ശരീര​ശേഷി മെച്ച​പ്പെ​ടു​ത്താൻ ശ്രമി​ക്കുന്ന സ്‌ത്രീ​പു​രു​ഷൻമാ​രും കായി​ക​താ​ര​ങ്ങ​ളും കൗമാ​ര​പ്രാ​യ​ത്തി​ലേക്ക്‌ കാലൂ​ന്നി​യി​ട്ടി​ല്ലാത്ത ആൺകു​ട്ടി​ക​ളും പോലും ഉത്തേജക ഔഷധങ്ങൾ വ്യാപ​ക​മാ​യി ഉപയോ​ഗി​ക്കു​ന്നു.

യു. എസ്സ്‌. ഒളിമ്പിക്‌ ഔഷധ നിയന്ത്രണ പരിപാ​ടി​യി​ലെ ഒരംഗ​മായ ഡോ. വില്യം എൻ. ടെയിലർ ഔഷധ​ങ്ങ​ളു​ടെ ഉപയോ​ഗം ഒരു “പകർച്ച വ്യാധി​യാ​യി മാറി​യി​രി​ക്കു​ന്നു” എന്ന്‌ മുന്നറി​യിപ്പ്‌ നൽകുന്നു. ഈ പകർച്ച വ്യാധി എത്ര വ്യാപ​ക​മാണ്‌? കായി​ക​താ​ര​ങ്ങളെ കൂടാതെ ക്ലാർക്കു​മാ​രും കോ​ളേജ്‌ അദ്ധ്യാ​പ​ക​രും സാധാരണ തൊഴി​ലാ​ളി​ക​ളും പൊലീസ്‌ ഓഫീ​സർമാ​രും പോലും ഉത്തേജക ഔഷധങ്ങൾ ദുരു​പ​യോ​ഗി​ക്കു​ന്ന​താ​യി ടെയിലർ കുറി​ക്കൊ​ണ്ടു. “അതു മേലാൽ കായിക രംഗത്തെ മാത്രം ഒരു പ്രശ്‌നമല്ല, അതു ഒരു സാമൂഹ്യ പ്രശ്‌ന​മാണ്‌. അത്‌ ഉപയോ​ഗി​ക്കു​ന്നവർ ഡൈനാ​മൈ​റ​റു​കൊ​ണ്ടാണ്‌ കളിക്കു​ന്നത്‌” എന്ന്‌ അദ്ദേഹം പറഞ്ഞു.

ഈ ഉത്തേജക ഔഷധങ്ങൾ ശക്തവും കൃത്രി​മ​മാ​യി നിർമ്മി​ക്ക​പ്പെ​ട്ട​തു​മായ പുരു​ഷ​ഹോർമോ​ണു​ക​ളാണ്‌. കഴിഞ്ഞ​കാ​ല​ങ്ങ​ളിൽ താരു​ണ്യാ​രം​ഭം വൈകു​ന്ന​തിന്‌ പ്രതി​വി​ധി​യാ​യും രോഗ​ത്താ​ലോ ശസ്‌ത്ര​ക്രി​യ​യു​ടെ ഫലമാ​യോ ശോഷി​ച്ചു​പോയ പേശികൾ വളർത്തു​ന്ന​തി​നും റേഡി​യേ​ഷ​നോ കെമോ​തെ​റ​പ്പി​യോ നടത്തു​മ്പോൾ ശ്വേതാ​ണു​ക്ക​ളു​ടെ സംരക്ഷ​ണ​ത്തി​നാ​യി​ട്ടും ഡോക്ടർമാ​രു​ടെ ശ്രദ്ധാ​പൂർവ്വ​ക​മായ മേൽനോ​ട്ട​ത്തിൻകീ​ഴിൽ ഉത്തേജക ഔഷധങ്ങൾ ആശുപ​ത്രി​ക​ളിൽ ഉപയോ​ഗി​ക്ക​പ്പെ​ട്ടി​ട്ടുണ്ട്‌. ഇവക്കും ഡോക്ടർമാർക്ക്‌ നിരീ​ക്ഷി​ക്കാൻ കഴിയുന്ന മററതു​പോ​ലുള്ള ശാരീ​രിക പ്രശ്‌ന​ങ്ങൾക്കും ഉത്തേജക ഔഷധങ്ങൾ വൈദ്യ​ശാ​സ്‌ത്ര​ജ്ഞൻമാ​രു​ടെ കൈക​ളിൽ ശക്തമായ ഒരു ഉപകര​ണ​മാ​യി​രു​ന്നി​ട്ടുണ്ട്‌.

കായി​ക​താ​ര​ങ്ങൾക്ക്‌ പുരു​ഷ​ഹോർമോ​ണു​കൾ കൂടിയ അളവിൽ നൽകു​ന്ന​തി​നാൽ തൂക്കവും പേശി​ക​ളു​ടെ ബലവും വർദ്ധി​പ്പി​ക്കാൻ കഴിയു​മെ​ന്നും അതുവഴി അവരുടെ പ്രകടനം മെച്ച​പ്പെ​ടു​ത്താൻ കഴിയു​മെ​ന്നും 1950കളിൽ റഷ്യൻ ഡോക്‌ടർമാ​രും ശാസ്‌ത്ര​ജ്ഞൻമാ​രും ന്യായ​വാ​ദം ചെയ്‌തു. കൂടുതൽ വേഗത്തിൽ ഓടാ​നും കൂടുതൽ ഉയരത്തിൽ ചാടാ​നും ഡിസ്‌ക്ക​സും ജാവലി​നും കൂടുതൽ ദൂര​ത്തേക്ക്‌ എറിയാ​നും കൂടുതൽ ഭാരം ഉയർത്താ​നും കായി​ക​താ​ര​ങ്ങളെ പ്രാപ്‌ത​രാ​ക്കി​ക്കൊണ്ട്‌ കായബലം ആവശ്യ​മുള്ള ഇനങ്ങളിൽ മെച്ചപ്പെട്ട പ്രകടനം നടത്തി​ക്കുക എന്നതാ​യി​രു​ന്നു അവരുടെ ലക്ഷ്യം. തൽഫല​മാ​യി അക്കാലത്ത്‌ മിക്ക ഇനങ്ങളി​ലും ആധിപ​ത്യം സ്ഥാപി​ച്ചു​കൊണ്ട്‌ റഷ്യൻകാ​യി​ക​താ​രങ്ങൾ അന്താരാ​ഷ്‌ട്ര കായി​ക​മൽസര രംഗ​ത്തേക്ക്‌ സൗകര്യ​പൂർവ്വം കടന്നു വന്നു.

ദേശീയത അതിന്റെ വികൃ​ത​മായ തല ഉയർത്തി. സ്‌പോർട്ട്‌സ്‌ രംഗത്ത്‌ സമനില കൈവ​രു​ത്താൻ ഒരു അമേരി​ക്കൻ ഡോക്ടർ തീരു​മാ​നി​ച്ചു. പുരു​ഷ​ഹോർമോൺ ഉപയോ​ഗി​ച്ചു നിർമ്മി​ച്ച​തും ഗുളി​ക​രൂ​പ​ത്തി​ലോ കുത്തി​വ​യ്‌പ്പ്‌ രൂപത്തി​ലോ സ്വീക​രി​ക്കാ​വു​ന്ന​തു​മായ ഒരു ഔഷധം അദ്ദേഹം കണ്ടുപി​ടി​ച്ചു. ആ ഫോർമുല ഭീതി​ജ​ന​ക​മാം​വണ്ണം വിജയ​ക​ര​മെന്ന്‌ തെളിഞ്ഞു. ഇപ്പോൾ രസത​ന്ത്ര​ശാ​സ്‌ത്ര​ത്തി​ലൂ​ടെ വലിപ്പ​മേ​റിയ ശരീര​ങ്ങ​ളും മെച്ചപ്പെട്ട കായിക പ്രകട​ന​ങ്ങ​ളും സാദ്ധ്യ​മാ​യി​ത്തീർന്നു. അതു കായിക രംഗത്തെ യുദ്ധത്തിന്‌ തുടക്കം കുറിച്ചു!

അഹംഭാ​വം നിമിത്തം ഇത്തരം ഔഷധങ്ങൾ ഉപയോ​ഗി​ക്കു​ന്ന​വ​രു​മുണ്ട്‌. യു. എസ്സ്‌. ഫുഡ്‌ ആൻഡ്‌ ഡ്രഗ്ഗ്‌ അഡ്‌മി​നി​സ്‌​റ്രേ​റ​ഷ​നി​ലെ ഒരു ഉദ്യോ​ഗസ്ഥൻ ഇപ്രകാ​രം പറഞ്ഞു: “കൊഴു​ത്തു തടിച്ച മാംസ​പേ​ശി​കൾ ഇന്ന്‌ ജനപ്രീ​തി നേടി​യി​രി​ക്കു​ന്നു. ബീച്ചിൽ ആകർഷ​ക​മാം​വണ്ണം പ്രത്യ​ക്ഷ​പ്പെ​ടാൻ ആളുകൾ ആഗ്രഹി​ക്കു​ന്നു. ഒരു കായിക സ്‌കോ​ളർഷിപ്പ്‌ നേടു​ന്ന​തി​നോ സ്‌കൂൾ ററീമിൽ കടന്നു​കൂ​ടു​ന്ന​തി​നോ പ്രേമി​ക്കുന്ന പെൺകു​ട്ടി​യെ സ്വന്തമാ​ക്കു​ന്ന​തി​നോ ഉള്ള പ്രാപ്‌തി ഉത്തേജക ഔഷധങ്ങൾ വർദ്ധി​പ്പി​ക്കു​മെന്ന്‌ ഹൈസ്‌കൂൾ വിദ്യാർത്ഥി​കൾ വിചാ​രി​ക്കു​ന്നു.” ഒക്‌ടോ​ബർ 4, 1988ലെ ദി വോൾസ്‌റ്ര​റീ​ററ്‌ ജേർണൽ ഇപ്രകാ​രം റിപ്പോർട്ടു ചെയ്‌തു: “മെച്ച​പ്പെ​ട്ട​വി​ധ​ത്തിൽ കളിക്കു​ന്ന​തി​നോ കൂടുതൽ ആകൃഷ്ട​മാം വിധം കാണ​പ്പെ​ടു​ന്ന​തി​നോ വേണ്ടി ലക്ഷക്കണ​ക്കിന്‌ അമേരി​ക്കൻ കൗമാ​ര​പ്രാ​യ​ക്കാർ ഉത്തേജ​ക​ഔ​ഷ​ധങ്ങൾ ഉപയോ​ഗി​ക്കു​ന്നു.”

സമ്മർദ്ദം അനുഭ​വ​പ്പെ​ടു​ന്നു

കായി​ക​താ​ര​ങ്ങ​ളാ​യി ഉയർന്നു​വ​രാൻ ആഗ്രഹി​ക്കുന്ന ഹൈസ്‌കൂൾ കുട്ടി​കൾക്കും അവരുടെ പരിശീ​ല​കർക്കും ഒരുപക്ഷേ അവരുടെ മാതാ​പി​താ​ക്കൾക്കും അറിയാം ഏതാനും പൗണ്ട്‌ ഭാരവും ഉചിത​മായ സ്ഥാനത്തുള്ള ഏതാനും പേശി​ക​ളു​മാണ്‌ താരപ​ദ​വി​യും ഒരു സാധാ​ര​ണ​ക​ളി​ക്കാ​ര​നും തമ്മിലുള്ള വ്യത്യാ​സ​മെന്ന്‌. താരപ​ദ​വി​യിൽ എത്തി​ച്ചേ​രു​ന്ന​വർക്കു ലഭിക്കുന്ന, ആറക്കവും ഏഴക്കവും വരുന്ന ശമ്പളവും സ്‌കൂ​ളി​നും കോ​ളേ​ജി​നും അവരുടെ പരിശീ​ല​കർക്കും കിട്ടുന്ന പ്രശസ്‌തി​യും മാതാ​പി​താ​ക്കൾക്കു കരഗത​മാ​കുന്ന സൽപ്പേ​രും എല്ലാം ഉത്തേജക ഔഷധ​ങ്ങ​ളി​ലേക്ക്‌ തിരി​യാൻ കായി​ക​താ​ര​ങ്ങ​ളു​ടെ​മേൽ സമ്മർദ്ദം ചെലു​ത്തു​ന്നു.

“സാധാരണ വലിപ്പ​മുള്ള തങ്ങളുടെ കുട്ടി​ക​ളു​ടെ വലിപ്പം വർദ്ധി​പ്പി​ക്കാൻ ആഗ്രഹി​ക്കുന്ന മാതാ​പി​താ​ക്ക​ളിൽ നിന്ന്‌ എനിക്ക്‌ ഡസൻ കണക്കിന്‌ ഫോൺ സന്ദേശങ്ങൾ ലഭിച്ചി​ട്ടുണ്ട്‌” എന്ന്‌ സൈ​ക്കോ​ളജി ററുഡേ എന്ന മാസി​ക​യിൽ എഴുതു​ക​യിൽ ഡോക്ടർ ടെയിലർ പറഞ്ഞു. “രസത​ന്ത്ര​ശാ​സ്‌ത്ര​ത്തി​ലൂ​ടെ കുട്ടി​ക​ളു​ടെ വളർച്ച മെച്ച​പ്പെ​ടു​ത്താൻ പതിനാ​യി​ര​ക്ക​ണ​ക്കിന്‌ ഡോളർ എനിക്ക്‌ വച്ചു നീട്ട​പ്പെ​ട്ടി​ട്ടുണ്ട്‌.” ഹൈസ്‌കൂൾ കായി​ക​താ​ര​ങ്ങൾക്ക്‌ ഉത്തേജക ഔഷധങ്ങൾ ഉപയോ​ഗി​ക്കു​ന്ന​തിൽ അവരുടെ മാതാ​പി​താ​ക്ക​ളു​ടെ​യും പരിശീ​ല​ക​രു​ടെ​യും പിന്തു​ണ​യുണ്ട്‌ എന്ന്‌ ഒരു കായിക പരിശീ​ല​ന​വി​ദ​ഗ്‌ദ്‌ധൻ അവകാ​ശ​പ്പെട്ടു.

ഉത്തേജക ഔഷധ​ങ്ങൾകൊണ്ട്‌ പ്രയോ​ജ​ന​മുണ്ട്‌—അത്‌ ഉറപ്പു നൽകു​ന്ന​തു​പോ​ലെ പേശി​ക​ളും ശക്തിയും പ്രദാനം ചെയ്യുന്നു, എന്ന്‌ ഉപഭോ​ക്താ​ക്കൾ സമ്മതി​ക്കു​ന്നു. ഒരു മുൻഗു​സ്‌തി​ക്കാ​രൻ പറയുന്നു: “ഒരു ദിവസം 15 മില്ലി​ഗ്രാം എന്ന കണക്കിൽ ഞാൻ ഉത്തേജക ഔഷധങ്ങൾ കഴിച്ചി​രു​ന്നു. മുപ്പതു​ദി​വ​സം​കൊണ്ട്‌ എനിക്കു പ്രയോ​ഗി​ക്കാ​വുന്ന സമ്മർദ്ദം 315 റാത്തലിൽ നിന്ന്‌ 390 റാത്തലാ​യി വർദ്ധിച്ചു. സാധാ​ര​ണ​യാ​യി അതിന്‌ 6 മാസം വേണ്ടി​വ​രു​ന്നു.” കൂടുതൽ ഭാരം ഉയർത്താ​നും കൂടുതൽ സമയ​ത്തേക്ക്‌ അങ്ങനെ ചെയ്യാ​നും കഴിയു​മെ​ന്നും ക്ഷീണം മാറാൻ ആവശ്യ​മായ സമയം വളരെ കുറയു​ന്നു​വെ​ന്നും ഭാരോ​ദ്വ​ഹ​ന​ക്കാർ അവകാ​ശ​പ്പെ​ടു​ന്നു.

മററു രാജ്യ​ങ്ങ​ളി​ലും കായി​ക​ശേഷി വളർത്തൽ വളർന്നു വരുന്ന ഒരു ഭ്രമമാണ്‌. ഉദാഹ​ര​ണ​ത്തിന്‌ ചൈന​യിൽ 1987 ആഗസ്‌റ​റി​ലെ വിമൻസ്‌ സ്‌പോർട്ട്‌സ്‌ ആൻഡ്‌ ഫിററ്‌നസ്സ്‌ മാസിക പറയും പ്രകാരം കായി​ക​ശേഷി വർദ്ധി​പ്പി​ക്ക​ലും ശരീരം പുഷ്ടി​പ്പെ​ടു​ത്ത​ലും “ദേശത്ത്‌ ആഞ്ഞു വീശു​ക​യാണ്‌. . .ശരീര പുഷ്ടി സംബന്ധിച്ച മാസി​കകൾ ഇന്ന്‌ എല്ലാ വൻനഗ​ര​ങ്ങ​ളി​ലും ലഭ്യമാണ്‌.”

ലോക​ത്തി​ന്റെ മറുവ​ശത്ത്‌, കിഴക്കൻ ജർമ്മനി​യിൽ കായിക താരങ്ങ​ളു​ടെ ജീവി​ത​ത്തിൽ ഉത്തേജക ഔഷധ​ങ്ങൾക്ക്‌ ഒരു വലിയ സ്ഥാനമുണ്ട്‌. അതിന്റെ തെളി​വി​ലേക്ക്‌ ദി വോൾസ്‌റ്ര​റീ​ററ്‌ ജേർണ​ലിൽ നിന്നുള്ള ഈ ഉദ്ധരണി മാത്രം മതിയാ​കും: “‘കിഴക്കൻ ജർമ്മനി​യു​ടെ ഉത്തേജക ഔഷധ​ങ്ങ​ളാണ്‌ ഏററവും നല്ലത്‌’ എന്ന്‌ കാലി​ഫോർണി​യ​യിൽ നിന്നുള്ള ഒരു നിയമജ്ഞൻ പറഞ്ഞു. ‘അവരുടെ കായിക താരങ്ങൾ കൂടുതൽ മെച്ച​പ്പെ​ട്ട​വ​രും വലിപ്പ​മേ​റി​യ​വ​രും ശക്തരു​മാണ്‌.’”

എന്തു വില ഒടു​ക്കേ​ണ്ടി​വ​രു​ന്നു?

കായിക താരങ്ങ​ളോ​ടൊ​പ്പം പ്രവർത്തി​ക്കുന്ന പ്രശസ്‌ത​നായ ഒരു പ്രകൃതി ചികിൽസാ​വി​ദ​ഗ്‌ദ്‌ധൻ പറഞ്ഞു: “കൊ​ക്കെ​യിൻ ഉപയോ​ഗി​ക്കു​ന്നത്‌ ഒരു വലിയ പ്രശ്‌ന​മാ​ണെന്ന്‌ ആളുകൾ വിചാ​രി​ക്കു​ന്നു. എന്നാൽ അതു ഉത്തേജക ഔഷധ​ങ്ങ​ളു​ടെ ഉപയോ​ഗം പോലെ ഗുരു​ത​രമല്ല. കുട്ടി​കൾക്കി​ട​യിൽ ഇത്‌ ഒരു പകർച്ച​വ്യാ​ധി​യാ​യി​രി​ക്കു​ന്നു.” ലോക​വ്യാ​പ​ക​മായ യുവജ​നങ്ങൾ ഉത്തേജക ഔഷധങ്ങൾ ഉപയോ​ഗി​ച്ചു തുടങ്ങി​യി​രി​ക്കു​ന്നു. ശരീര പുഷ്ടി​ക്കു​വേണ്ടി അവർ അപകട​ക​ര​മായ ഒരു കളിയി​ലാണ്‌ ഏർപ്പെ​ട്ടി​രി​ക്കു​ന്നത്‌. അതിന്‌ അവർ വലിയ വില ഒടു​ക്കേ​ണ്ട​താ​യി വന്നേക്കാം.

“ചിത്ത​ഭ്ര​മ​വും മതി​ഭ്ര​മ​വും മിഥ്യാ​ബോ​ധ​വും അക്രമ​വാ​സ​ന​യും എവിടെ പ്രത്യ​ക്ഷ​പ്പെ​ട്ടാ​ലും അവ ഭയജന​ക​മാണ്‌” എന്ന്‌ സൈ​ക്കോ​ളജി ററുഡേ പറഞ്ഞു. ശരീര പുഷ്ടി​മ​ക്കു​വേണ്ടി ഉത്തേജക ഔഷധങ്ങൾ ഉപയോ​ഗി​ക്കു​ന്നവർ ചിത്ത​ഭ്ര​മ​ത്തി​ന്റെ​തായ ലക്ഷണങ്ങൾ കാണി​ച്ചേ​ക്കാം എന്നാണ്‌ മാസച്ചു​സെ​ററ്‌ ബെൽമ​ണ്ടി​ലെ മാക്‌ലീൻ ഹോസ്‌പി​റ​റ​ലിൽ നടക്കുന്ന ഗവേഷ​ണങ്ങൾ സൂചി​പ്പി​ക്കു​ന്നത്‌.

ഈ പാർശ്വ​ഫ​ല​ങ്ങൾക്കൊ​പ്പം പുരു​ഷൻമാ​രിൽ വൃഷണം ക്ഷയിക്കു​ന്ന​തി​നും ചില​പ്പോൾ ശസ്‌ത്ര​ക്രിയ ആവശ്യ​മാ​യി​ത്തീ​ര​ത്ത​ക്ക​വണ്ണം സ്‌തനങ്ങൾ വികസി​ക്കു​ന്ന​തി​നും പുനരുൽപ്പാ​ദ​ന​ശേഷി നഷ്‌ട​മാ​കു​ന്ന​തി​നും അത്തരം ഔഷധങ്ങൾ ഇടയാ​ക്കി​യേ​ക്കാം. കരളിൽ നീർക്കെട്ട്‌, വൃക്കകൾക്ക്‌ തകരാറ്‌, തളർച്ച, ഹൃ​ദ്രോ​ഗം, അക്രമ​പ്ര​വർത്ത​ന​ത്തി​ലേക്ക്‌ നയിക്കാ​വു​ന്ന​തും ആത്മഹത്യക്ക്‌ ചായ്‌വ്‌ കാണി​ക്കു​ന്ന​തു​മായ വ്യക്തി​ത്വ​മാ​ററം എന്നിവ സംഭവി​ക്കു​ന്ന​തി​ന്റെ അപകട​വു​മുണ്ട്‌.

ഉത്തേജക ഔഷധ​ങ്ങ​ളു​ടെ പാർശ്വ​ഫലം എന്ന നിലയിൽ സ്‌ത്രീ​ക​ളിൽ പരിഹ​രി​ക്കാ​നാ​വാ​ത്ത​വി​ധം പുരു​ഷ​ല​ക്ഷ​ണങ്ങൾ പ്രത്യ​ക്ഷ​മാ​യേ​ക്കാം—ശരീര​ത്തി​ന്റെ വളർച്ച, മുഖത്ത്‌ രോമം, പുരുഷ സ്വരം, സ്‌തന​ങ്ങ​ളു​ടെ ചുരുങ്ങൽ, മാസമുറ നിന്നു​പോ​കൽ മുതലാ​യവ.

വലിപ്പ​മേ​റി​യ​തും കൂടുതൽ കരുത്തു​ള്ള​തു​മായ ശരീരം വളർത്തി​യെ​ടു​ക്കാ​നുള്ള ആവേശ​ത്തിൽ ഉത്തേജക ഔഷധങ്ങൾ ഉപയോ​ഗി​ക്കു​ന്ന​വരെ കണക്കി​ലെ​ടു​ക്കു​മ്പോൾ അവർ വാസ്‌ത​വ​ത്തിൽ കഴിവു​ററ ശരീരം വളർത്തി​യെ​ടു​ക്കു​ന്നു​ണ്ടോ അതോ അതു വെറും മിഥ്യാ​ധാ​ര​ണ​യാ​ണോ എന്ന്‌ ചോദി​ക്കേ​ണ്ടി​യി​രി​ക്കു​ന്നു. അവരുടെ പ്രതാപം കെട്ടട​ങ്ങി​ക്ക​ഴി​യു​മ്പോൾ കഴിവു​ററ ആ ശരീര​ത്തിന്‌ എന്തു സംഭവി​ക്കു​ന്നു? കായിക താര നിരയി​ലെ​ത്തു​ന്ന​തി​നോ നർസ്സീ​സ്സ​സി​ന്റെ​തു​പോ​ലുള്ള പൊങ്ങ​ച്ച​ത്തി​നോ വേണ്ടി അവർ കൊടു​ക്കേണ്ടി വന്ന വില എത്ര വലുതാ​ണെന്ന്‌ അവ തങ്ങളുടെ യുവജീ​വി​ത​ത്തി​ലേക്ക്‌ തിരി​ഞ്ഞു​നോ​ക്കി തിട്ട​പ്പെ​ടു​ത്തു​മോ? ഹ്രസ്വ​കാ​ല​ത്തേ​ക്കുള്ള പ്രശസ്‌തി​ക്കും ഈ വ്യവസ്ഥി​തി​യി​ലെ ആളുക​ളു​ടെ ആദരവി​നും​വേണ്ടി ഒരുവന്റെ ശരീരത്തെ ബലിക​ഴി​ക്കു​ന്നത്‌ വാസ്‌ത​വ​ത്തിൽ കാററി​നെ കൈയ്യി​ലൊ​തു​ക്കാ​നുള്ള ശ്രമമാ​ണെന്ന്‌ ജ്ഞാനി​ക​ളായ യുവജ​നങ്ങൾ തീർച്ച​യാ​യും തിരി​ച്ച​റി​യും. (g89 3/22)