ആയുധ​വ്യാ​പാ​രം—അതു നിങ്ങളെ എങ്ങനെ ബാധി​ക്കു​ന്നു?

“പ്രതി​രോ​ധ​ത്തി​നാ​യി ചെലവ​ഴി​ക്കു​ന്ന​തി​ലെ പ്രശ്‌നം പുറ​മെ​നി​ന്നു സംരക്ഷി​ക്കാൻ ശ്രമി​ക്കുന്ന കാര്യ​ങ്ങളെ ഉള്ളിൽ നിന്നു നശിപ്പി​ക്കാ​തെ നിങ്ങൾക്കു എത്ര​ത്തോ​ളം പോകാം എന്നു നിർണ്ണ​യി​ക്കു​ക​യാണ്‌.” മുൻ അമേരി​ക്കൻ പ്രസി​ഡണ്ട്‌ ഐസൻഹോ​വർ 1956ൽ ഇപ്രകാ​രം പറഞ്ഞ​പ്പോൾ ആഗോള സൈനി​ക​ച്ചെ​ലവ്‌ സ്ഥിരമൂ​ല്യ​ത്തിൽ ഇപ്പോ​ഴ​ത്തേ​തി​ന്റെ പകുതി​യിൽ കുറവാ​യി​രു​ന്നു. ആയുധ​ക്ക​ച്ച​വ​ട​ത്തി​ലെ ഈ ബൃഹത്തായ വളർച്ച നിങ്ങളെ എങ്ങനെ ബാധി​ച്ചി​രി​ക്കു​ന്നു? ലോക​സൈ​നിക സാമൂ​ഹി​ക​ച്ചെ​ല​വു​കൾ എന്ന പ്രസി​ദ്ധീ​ക​ര​ണ​ത്തി​ലെ ഒരു ഗവേഷ​ണ​പ​ഠനം വെളി​പ്പെ​ടു​ത്തു​ന്നു:

1. ആയുധ​ങ്ങൾക്കാ​യുള്ള ആഗോ​ള​ചെ​ല​വി​ന്റെ ഇപ്പോ​ഴത്തെ നിരക്ക​നു​സ​രിച്ച്‌ അതിനാ​യി പണം ലഭ്യമാ​ക്കാൻ ജോലി​ചെ​യ്യു​ന്ന​തി​നു ഒരു ശരാശരി വ്യക്തി ജീവി​ത​ത്തി​ന്റെ മൂന്നു​മു​തൽ നാലു​വരെ വർഷങ്ങൾ മാററി​വ​ക്കേ​ണ്ട​തുണ്ട്‌.

2. ആയുധങ്ങൾ അനിയ​ന്ത്രി​ത​മാ​യി വാങ്ങി​ക്കൂ​ട്ടു​ന്നത്‌ വരും തലമു​റ​കൾക്ക്‌ പൊതുഋണബാദ്ധ്യതയുടെ കൂമ്പാരം തന്നെ വരുത്തി​വ​ച്ചി​രി​ക്കു​ന്നു.

3. സൈനിക ബലത്തി​നാ​യുള്ള അനുധാ​വ​ന​ത്തിൽ സാമൂ​ഹി​കാ​വ​ശ്യ​ങ്ങൾക്കു​ണ്ടായ അവഗണന ജീവി​ക്കുന്ന അഞ്ചു​പേ​രിൽ ഒരാളെ ഞെരു​ക്കുന്ന ദാരി​ദ്ര്യ​ത്തിൽ എത്തിച്ചി​രി​ക്കു​ന്നു. അക്ഷരാ​ഭ്യാ​സ​ക്കു​റവ്‌, അനാ​രോ​ഗ്യം, വിട്ടു​മാ​റാത്ത വിശപ്പ്‌ ഇവ സഹിക്കു​ന്ന​വ​രു​ടെ എണ്ണം ആഗോ​ളാ​ടി​സ്ഥാ​ന​ത്തിൽ പെരു​കി​ക്കൊ​ണ്ടി​രി​ക്കു​ന്നു.

4. സൈനി​കാ​വ​ശ്യ​ങ്ങൾ ഉന്നതസാ​ങ്കേ​തിക വിദ്യക്കു ഊന്നൽ നൽകു​ന്ന​തു​കൊണ്ട്‌ തുല്യ​മാ​യ​തു​കകൾ വിദ്യാ​ഭ്യാ​സം, ആരോ​ഗ്യം, ഭവനനിർമ്മാ​ണം, മററു​സൈ​നി​കേതര ആവശ്യങ്ങൾ എന്നിവക്കു ചെലവ​ഴി​ച്ചാൽ ഉണ്ടാകു​മാ​യി​രു​ന്ന​തി​നേ​ക്കാൾ ആപേക്ഷി​ക​മാ​യി കുറച്ചു തൊഴി​ലു​കൾ മാത്രമെ സൃഷ്ടി​ക്ക​പ്പെ​ടു​ന്നു​ള്ളു. തൊഴി​ലി​ല്ലായ്‌മ ഉയരുന്നു.

5. ലോക​ത്തിൽ 43 ആളുകൾക്കു ഒരു പട്ടാള​ക്കാ​രൻ ഉള്ളപ്പോൾ 1,030 ആളുകൾക്കു ഒരു ഡോക്ടർ മാത്ര​മേ​യു​ള്ളു.

6. അനേക​വർഷ​ങ്ങ​ളി​ലെ സൈനി​കാ​ധി​പ​ത്യം മനുഷ്യ​ജീ​വനു ചരി​ത്ര​ത്തിൽ ഏതുകാ​ല​ത്തേ​ക്കാ​ളു​മ​ധി​കം അസ്ഥിര​വും കൂടുതൽ അപകട​ക​ര​വു​മായ സ്ഥിതി​വി​ശേഷം സൃഷ്ടി​ച്ചി​രി​ക്കു​ന്നു.

7. സ്‌പർശ​ന​മാ​ത്ര​യിൽ ആക്രമണം അഴിച്ചു​വി​ടാൻ കഴിയുന്ന കൂട്ടസം​ഹാ​ര​ത്തി​നുള്ള ആയുധങ്ങൾ മനുഷ്യ​കു​ല​ത്തെ​യാ​കെ പണയ​പ്പെ​ടു​ത്തി​യി​രി​ക്കു​ന്നു.

ഒരു വമ്പിച്ച “കൊള്ള”

ആയുധ​ക്ക​ച്ച​വടം ഏററവു​മ​ധി​കം ബാധി​ച്ചി​രി​ക്കു​ന്നത്‌ ലോക​ത്തി​ലെ ദരി​ദ്ര​വർഗ്ഗ​ത്തെ​യാണ്‌—സമ്പന്നരാ​ഷ്‌ട്ര​ങ്ങ​ളി​ലും ദരി​ദ്ര​രാ​ഷ്‌ട്ര​ങ്ങ​ളി​ലും. ഡ്വൈ​ററ്‌ ഡി. ഐസൻഹോ​വർ അതു ഇങ്ങനെ ചൂണ്ടി​ക്കാ​ട്ടി: “നിർമ്മി​ക്ക​പ്പെ​ടുന്ന ഓരോ തോക്കും ഓരോ യുദ്ധക്ക​പ്പ​ലും ഓരോ റോക്ക​റ​റും അന്തിമ​മാ​യി, വിശന്നി​ട്ടും ഭക്ഷണം ലഭിക്കാ​ത്ത​വ​രും തണുത്തി​ട്ടും വസ്‌ത്ര​മി​ല്ലാ​ത്ത​വ​രും ആയവരിൽനി​ന്നുള്ള കൊള്ള​യാണ്‌. ലോകം ആയുധ​മ​ണി​യു​ന്നത്‌ പണം മാത്രം ചെലവ​ഴി​ച്ചല്ല. അദ്ധ്വാ​ന​ത്തി​ന്റെ വിയർപ്പും ശാസ്‌ത്ര​ജ്ഞൻമാ​രു​ടെ ബുദ്ധി​യും മക്കളുടെ ഭവനങ്ങ​ളും ചെലവ​ഴി​ച്ചാ​ണത്‌.” ഇരകളാ​യ​വർക്ക്‌ ഈ “കൊള്ള” എന്തർത്ഥ​മാ​ക്കു​ന്നു?

അത്‌ അവരുടെ വിദ്യാ​ഭ്യാ​സം താറു​മാ​റാ​ക്കു​ന്നു:

■ ഒരേ​യൊ​രു പുതിയ ആണവഅ​ന്തർവാ​ഹി​നി​യു​ടെ വില സ്‌കൂൾപ്രാ​യ​ത്തി​ലുള്ള 16കോടിയിലധികം കുട്ടി​ക​ളുള്ള 23 വികസ്വര രാഷ്‌ട്ര​ങ്ങ​ളി​ലെ മൊത്തം വാർഷിക വിദ്യാ​ഭ്യാ​സ​ബ​ജ​റ​റി​നു തുല്യ​മാണ്‌.

■ അമേരി​ക്കൻ വ്യോ​മ​സേ​ന​യു​ടെ ബജററ്‌ ആഫ്രി​ക്ക​യി​ലും ലാററിൻ അമേരി​ക്ക​യി​ലും ജപ്പാ​നൊ​ഴി​കെ ഏഷ്യയി​ലു​മുള്ള നൂറു​കോ​ടി​യി​ല​ധി​കം കുട്ടി​ക​ളു​ടെ മൊത്തം വിദ്യാ​ഭ്യാ​സ​ബ​ജ​റ​റിൽ അധിക​മാണ്‌.

അത്‌ അവരുടെ പണം തട്ടി​യെ​ടു​ക്കു​ന്നു:

■ ഇക്കഴിഞ്ഞ വർഷങ്ങ​ളിൽ ലോക​ത്തി​ലെ ആയുധ ഇറക്കു​മ​തി​യു​ടെ 75 ശതമാനം മൂന്നാം ലോക​രാ​ജ്യ​ങ്ങ​ളാണ്‌ നടത്തി​യത്‌—വിദേ​ശ​നാ​ണ​യ​ത്തി​ന്റെ കൂസലി​ല്ലാത്ത ദുരു​പ​യോ​ഗം; ഇത്‌ അനേകർ അനിയ​ന്ത്രി​ത​മായ വിദേ​ശ​ബാ​ദ്ധ്യ​ത​യു​ടെ ഭാരം പേറാ​നി​ട​യാ​ക്കി​യി​രി​ക്കു​ന്നു.

■ 1988 ആയപ്പോ​ഴേക്ക്‌ മൂന്നാം ലോക​രാ​ഷ്‌ട്ര​ങ്ങ​ളു​ടെ മൊത്തം വിദേ​ശ​കടം ഭീമാ​കാ​ര​മായ ഒരു ലക്ഷത്തി​മു​പ്പ​തി​നാ​യി​രം കോടി ഡോളർ (13,00,00,00,00,000 ഡോളർ) ആയിത്തീർന്നു.

■ ലോക​ത്തി​ന്റെ മൊത്തം സൈനി​ക​ച്ചെ​ലവ്‌ ഓരോ വർഷവും 44 ദരി​ദ്ര​രാ​ജ്യ​ങ്ങ​ളി​ലെ 250 കോടി ജനങ്ങളു​ടെ വരുമാ​ന​ത്തി​നു തുല്യ​മാ​കു​ന്നു.

അതവരു​ടെ ആഹാരം കവർന്നു​ക​ള​യു​ന്നു:

■ ഒരു വിമാ​ന​വാ​ഹി​നി​ക്കപ്പൽ പ്രവർത്തി​ക്കു​ന്ന​തിന്‌ ഒരു ദിവസം 5,90,000 ഡോളർ ചെലവുണ്ട്‌, തൽസമയം ആഫ്രി​ക്ക​യിൽ മാത്രം ഓരോ ദിവസ​വും വിശപ്പു​കൊ​ണ്ടോ പട്ടിണി​യോ​ടു ബന്ധപ്പെട്ട കാരണ​ങ്ങൾകൊ​ണ്ടൊ 14,000 കുട്ടികൾ മരിക്കു​ന്നു.

അത്‌ അവരുടെ ആരോ​ഗ്യ​വും ജീവനും നശിപ്പി​ക്കു​ന്നു

■ ഓരോ മിനി​ട്ടി​ലും ലോക​ത്തിൽ സാധാരണ രോഗ​ങ്ങ​ളാൽ ശരാശരി മുപ്പതു കുട്ടികൾ മരിക്കു​ന്നു. സൈനിക ശക്തി​യേ​ക്കാൾ സാമൂ​ഹി​ക​വും ആരോ​ഗ്യ​പ​ര​വു​മായ ആവശ്യ​ങ്ങൾക്കു ഊന്നൽ കൊടു​ത്താൽ കുത്തി​വ​യ്‌പ്പു​ക​ളും ശുചീ​കരണ നടപടി​ക​ളും നല്ലപോ​ഷ​ണ​വും കൊണ്ട്‌ ഈ മരണങ്ങൾ തടയാ​വു​ന്ന​താണ്‌.

■ പകർച്ച​വ്യാ​ധി​കൾക്കെ​തി​രെ 75 കോടി കുട്ടി​കളെ സംരക്ഷി​ക്കാ​വുന്ന ഒരു കുത്തി​വ​യ്‌പ്പ്‌ പരിപാ​ടിക്ക്‌ ആയുധ​ങ്ങൾക്കാ​യി ലോകം ചെലവാ​ക്കുന്ന കേവലം രണ്ടു ദിവസത്തെ പണം മതി​യെന്നു കണക്കാ​ക്കു​ന്നു.

■ ദരി​ദ്ര​രാ​ജ്യ​ങ്ങ​ളി​ലെ ആയുർ​ദൈർഘ്യം സമ്പന്നരാ​ഷ്‌ട്ര​ങ്ങ​ളി​ലേ​തി​നേ​ക്കാൾ 30 വർഷം കുറവാണ്‌. കൂടുതൽ ആയുധ​ങ്ങൾക്കാ​യുള്ള അനുധാ​വ​ന​ത്തിൽ ആരോഗ്യ ആവശ്യങ്ങൾ അവഗണി​ക്കു​ന്നു​വെ​ന്ന​താണ്‌ ഒരു കാരണം.

നിശ്ചയ​മാ​യും ലോക​ത്തി​ലെ കഷ്‌ട​പ്പാ​ടു​കൾക്കു ആയുധ​വ്യാ​പാ​രി​കൾ കനത്ത ഉത്തരവാ​ദി​ത്തം വഹിക്കു​ന്നു. ഈ കഷ്‌ടാ​വ​സ്ഥ​ക​ളെ​ക്കു​റിച്ച്‌ അവർക്കു എന്തു തോന്നു​ന്നു? “ഞങ്ങൾക്കു മന:സാക്ഷി​യു​ടെ പ്രശ്‌നങ്ങൾ ഒന്നുമില്ല. ഞങ്ങൾ സ്വന്തം വളർച്ച​ക്കാ​യി പ്രവർത്തി​ക്കു​ന്നു,” ആയുധ​മുൽപ്പാ​ദി​പ്പി​ക്കുന്ന ഒരു പ്രമു​ഖ​രാ​ജ്യ​ത്തി​ലെ വിദേ​ശ​കാ​ര്യ ഉപമന്ത്രി പറയുന്നു. എന്നാൽ ഒരു സാധാ​ര​ണ​ക്കാ​രൻ ചോദി​ച്ചേ​ക്കാം, ‘ഇതു നിർത്താൻ കഴിയു​മോ?’ അടുത്ത രണ്ടു ലേഖന​ങ്ങ​ളിൽ നമുക്കു ആ ചോദ്യം പരിചി​ന്തി​ക്കാം. (g89 6/8)