വിടപ​റ​യാൻ സമയമാ​യോ?

ആഫ്രി​ക്ക​യിൽ ഒരു അസാധാ​രണ യുദ്ധത്തിന്‌ ചൂടേ​റി​വ​രു​ക​യാണ്‌. അത്‌ പ്രദേശം സംബന്ധി​ച്ചോ രാഷ്‌ട്രീയ ആദർശങ്ങൾ സംബന്ധി​ച്ചോ മതവി​ശ്വാ​സങ്ങൾ സംബന്ധി​ച്ചോ ഉള്ള ഒരു തർക്കമല്ല. അതു വരുത്തുന്ന മാനു​ഷ​ജീ​വന്റെ നഷ്ടം മിക്ക യുദ്ധങ്ങ​ളോ​ടും താരത​മ്യ​പ്പെ​ടു​ത്തു​മ്പോൾ ദാരു​ണ​മെ​ങ്കി​ലും ചെറു​താണ്‌. എന്നിരു​ന്നാ​ലും ഈ യുദ്ധം ലോക​ത്തി​നു ചുററു​മുള്ള രാഷ്‌ട്ര​ങ്ങ​ളു​ടെ ശ്രദ്ധയെ ആകർഷി​ച്ചി​രി​ക്കു​ന്നു. അത്‌ ആനകളെ സംബന്ധി​ക്കുന്ന ഒരു യുദ്ധമാണ്‌.

ഈ യുദ്ധത്തിൽ റേഞ്ചർമാ​രും മൃഗസം​ര​ക്ഷ​ക​രും മൃഗ​മോ​ഷ്ടാ​ക്കൾക്കെ​തി​രെ നില​കൊ​ള്ളു​ന്നു. റേഞ്ചർമാർക്കും വാർഡൻമാർക്കും നിയമ​ത്തി​ന്റെ​യും ഗവൺമെൻറു​ക​ളു​ടെ​യും സംരക്ഷ​ണ​പ്രി​യ​രു​ടെ​യും പിൻബ​ല​മുണ്ട്‌. മൃഗ​മോ​ഷ്ടാ​ക്കൾക്ക്‌ ആധുനിക ആയുധ​ങ്ങ​ളു​ടെ പിൻബ​ല​മുണ്ട്‌. അവർ ആവശ്യ​ത്താ​ലും അത്യാ​ഗ്ര​ഹ​ത്താ​ലും തള്ളിവി​ട​പ്പെ​ടു​ന്നു. ആനക്കൊ​മ്പു​ക​ളു​ടെ അർത്ഥം കൂടുതൽ പണമെ​ന്നാണ്‌, മിക്ക​പ്പോ​ഴും അത്‌ കൂടുതൽ ദരി​ദ്ര​മായ രാജ്യ​ങ്ങ​ളിൽ സ്വപ്‌നം കാണാൻക​ഴി​യാ​ത്ത​യ​ള​വി​ലുള്ള ധനമാണ്‌ നേടി​ക്കൊ​ടു​ക്കു​ന്നത്‌. ഇരുപ​ക്ഷ​ങ്ങ​ളും കൊല്ലാൻവേണ്ടി വെടി​വെ​ക്കു​ന്നു. ആനക​ളോട്‌ ഇത്രയ​ധി​കം താത്‌പ​ര്യം എന്തു​കൊണ്ട്‌? അവക്കെ​തി​രായ ഭീഷണി യഥാർത്ഥ​ത്തിൽ അത്ര ഗുരു​ത​ര​മാ​ണോ?

മൃഗ​മോ​ഷണം ജീവഹാ​നി വരുത്തു​ന്നു

ശരി ഇതു പരിചി​ന്തി​ക്കുക: 1930കളിൽ ആഫ്രി​ക്ക​യിൽ ഏതാണ്ട്‌ ഒരു കോടി ആനകളു​ണ്ടാ​യി​രു​ന്നു. 1979 ആയപ്പോ​ഴേക്ക്‌ 13 ലക്ഷമേ ഉണ്ടായി​രു​ന്നു​ള്ളു. ഇപ്പോൾ, പത്തുവർഷം കഴിഞ്ഞ്‌, ആ സംഖ്യ പകുതി​യാ​യി കുറഞ്ഞി​രി​ക്കു​ന്നു. ഇന്ന്‌ ആഫ്രിക്കൻ ആനകളു​ടെ എണ്ണത്തിന്റെ കണക്ക്‌ ഏതാണ്ട്‌ 6,25,000 എന്നാണ്‌. ഈ കുത്ത​നെ​യുള്ള കുറ​വെ​ന്തു​കൊണ്ട്‌? മൃഗ​മോ​ഷ​ണ​ത്തെ​യാണ്‌ പരക്കെ കുററ​പ്പെ​ടു​ത്തു​ന്നത്‌. അത്‌ സാങ്കേ​തി​ക​വി​ദ്യ​യു​ടെ സഹായ​ത്താൽ ആധുനി​ക​കാ​ല​ങ്ങ​ളിൽ പെരു​കി​വ​രുന്ന ഒരു പുരാതന കുററ​കൃ​ത്യ​മാണ്‌.

കഴിഞ്ഞ കാലങ്ങ​ളിൽ, ആഫ്രി​ക്ക​യി​ലെ മൃഗ​മോ​ഷ്ടാ​ക്കൾ അമ്പും വില്ലും അല്ലെങ്കിൽ കുന്തം ധരിച്ച ഗോ​ത്ര​വാ​സി​ക​ളാ​യി​രു​ന്നു. അവർ നിരാ​യു​ധ​നായ ഒരു വാർഡനെ കാണു​മ്പോ​ഴേ ഓട്ടമി​ടു​ന്ന​വ​രാ​യി​രു​ന്നു. ഇന്ന്‌, വാർഡൻമാർക്കും മോഷ്ടാ​ക്കൾക്കും ആയുധ​ങ്ങ​ളുണ്ട്‌, മോഷ്ടാ​ക്കൾക്കു കൂടു​ത​ലു​മുണ്ട്‌. ആഫ്രി​ക്ക​യിൽ വർഷങ്ങ​ളോ​ളം നീണ്ടു​നിന്ന ആഭ്യന്ത​ര​വി​പ്ലവം ധാരാളം തോക്കു​കൾ അവശേ​ഷി​പ്പി​ച്ചു. അവ കുററ​പ്പു​ള്ളി​കൾക്കു അനായാ​സം ലഭ്യമാ​യി​രു​ന്നു. ഇക്കാലത്തെ മൃഗ​മോ​ഷ്ടാ​ക്കൾ സംഘം​ചേർന്ന്‌ സഞ്ചരി​ക്കു​ക​യും ഉയർന്ന ശക്തിയുള്ള ഓട്ടൊ​മാ​റ​റിക്ക്‌ ആയുധ​ങ്ങൾകൊണ്ട്‌ ആനകളെ വേട്ടയാ​ടു​ക​യും ചെയ്യുന്നു. മിനി​റ​റു​കൾക്കു​ള്ളിൽ അവർക്ക്‌ പല ആനകളെ വെടി​വെ​ച്ചു​വീ​ഴി​ക്കാ​നും ഒരു അറപ്പു​വാൾകൊണ്ട്‌ മസ്‌ത​ക​ത്തി​ന്റെ മുൻഭാ​ഗം പിളർന്ന്‌ കൊമ്പു​കൾ ഊരി​യെ​ടു​ക്കാ​നും കഴിയും, പിന്നെ​യും വേട്ട തുടരു​ക​യും ചെയ്യുന്നു. ലോക​വ്യാ​പ​ക​മാ​യി ആനക്കൊ​മ്പി​ന്റെ വില കുതി​ച്ചു​യ​രു​ന്ന​തി​നാൽ മൃഗ​മോ​ഷ്ടാ​ക്കൾക്ക്‌ ഒരൊററ ദിവസം​തന്നെ ആയിര​ക്ക​ണ​ക്കി​നു ഡോള​റു​കൾ സമ്പാദി​ക്കാൻ കഴിയും; അവരുടെ ചുമട്ടു​കാർക്കു പോലും നൂറു​ക​ണ​ക്കി​നു ഡോളർ ഉണ്ടാക്കാൻ കഴിയും. യു. എസ. ന്യൂസ ആൻഡ വേൾഡ റിപ്പോർട്ട പ്രസ്‌താ​വി​ക്കു​ന്ന​തു​പോ​ലെ: “ഇവർ തദ്ദേശ​ഗോ​ത്ര​വാ​സി​കളല്ല, പിന്നെ​യോ പരിഷ്‌കൃ​ത​രും നിർദ്ദ​യ​രും ഉയർന്ന സാമ്പത്തി​ക​നേ​ട്ട​മുള്ള ബിസി​ന​സ്‌വി​ദ​ഗ്‌ദ്ധ​രു​മാണ്‌.”

ബിസി​നസ്‌ അത്ര നല്ലതല്ലാ​യി​രു​ന്നു. 1973 മുതൽ കെനി​യ​യിൽ ആനകളു​ടെ സംഖ്യ 85 ശതമാ​ന​വും ററാൻസ​നി​യ​യിൽ 53 ശതമാ​ന​വും ഉഗാണ്ട​യിൽ 89 ശതമാ​ന​വും കുറഞ്ഞി​രി​ക്കു​ന്നു. യഥാർത്ഥ​ത്തിൽ ആനക്കൊ​മ്പി​നു​വേണ്ടി ഓരോ വർഷവും 70,000 ആഫ്രിക്കൻ ആനകൾ കൊല്ല​പ്പെ​ടു​ന്നുണ്ട്‌. സിംബാ​ബ്വേ​യും കെനി​യ​യും മോഷ്ടാ​ക്കളെ കണ്ടാലു​ടനെ വെടി​വെ​ക്കാൻ അടുത്ത കാലത്ത്‌ പാർക്ക്‌ വാർഡൻമാ​രെ അധികാ​ര​പ്പെ​ടു​ത്തി​യി​ട്ടുണ്ട്‌. മോഷ്ടാ​ക്കൾ തിരി​ച്ചു​വെ​ടി​വെ​ക്കു​ന്നു​വെ​ന്ന​താ​ണു കുഴപ്പം—കൂടുതൽ ശക്തി​യോ​ടെ. അവർ വളരെ മനസ്സോ​ടെ റേഞ്ചർമാ​രെ​യും പൗരൻമാ​രെ​യും കൊന്നി​രി​ക്കു​ന്നു. 1988ന്റെ ശരൽക്കാ​ലത്ത്‌, ഒരു കൂട്ടം മോഷ്ടാ​ക്കൾ ഒരു ഗെയിം വാർഡന്റെ ഹെഡ്‌ക്വാർട്ടേ​ഴ്‌സ്‌ ആക്രമി​ക്കു​ക​യും റേഞ്ചർമാ​രെ പിടി​ച്ചു​കെട്ടി അടിക്കു​ക​യും പിന്നീട്‌ പാർക്കി​ലെ അഞ്ച്‌ വെള്ള കാണ്ടാ​മൃ​ഗ​ങ്ങളെ കൊല്ലു​ക​യും​ചെ​യ്‌തു, കെനി​യ​യി​ലെ പാർക്കു​ക​ളിൽ ആ വർഗ്ഗത്തിൽ അവശേ​ഷി​ച്ചി​രുന്ന അവസാ​ന​ത്തേ​താ​യി​രു​ന്നു അവ. തീർച്ച​യാ​യും, മോഷ്ടാ​ക്കൾ കൊമ്പു​കൾ മാത്രമേ എടുത്തു​ള്ളു. അവർ ആ അപൂർവ മൃഗങ്ങ​ളു​ടെ കൂററൻ ഉടലുകൾ അഴുകാൻ വിട്ടി​ട്ടു​പോ​യി.

ആനകളെ രക്ഷിക്കു​ന്ന​തെ​ന്തിന്‌?

ആനകളെ സംരക്ഷി​ക്കാ​നുള്ള ശ്രമത്തിൽ റേഞ്ചർമാർ മരിക്കു​ക​യാണ്‌. അതേസ​മയം, ഈ നൂററാ​ണ്ട​വ​സാ​നി​ക്കു​ന്ന​തി​നു​മുമ്പ്‌ ആനകൾക്കു നേരി​ടാ​വുന്ന വംശനാ​ശത്തെ നീട്ടി​വെ​ക്കാൻ ഒരു അന്താരാ​ഷ്‌ട്ര സംരക്ഷ​ണ​ശ്രമം നടന്നു​വ​രു​ക​യാണ്‌. ‘എന്നാൽ ആനകളെ പ്രതി ഈ ബഹള​മെ​ല്ലാ​മെ​ന്തിന്‌?’ എന്ന്‌ അനേകർ അതിശ​യി​ച്ചേ​ക്കാം. ഏതായാ​ലും ഈ ഗ്രഹത്തിൽ വംശനാ​ശം പുത്തരി​യല്ല. ഡൈ​നോ​സ​റു​കൾ ഒരു ഉദാഹ​ര​ണ​മാണ്‌. എന്നാൽ ആനകൾക്ക്‌ വംശനാ​ശം​ഭ​വി​ക്കു​ന്ന​തി​നെ​ക്കു​റിച്ച്‌ ഉൽക്കണ്‌ഠ​പ്പെ​ടു​ന്ന​തെ​ന്തിന്‌?

അനേകരെ സംബന്ധി​ച്ചി​ട​ത്തോ​ളും ഈ മൃഗത്തി​ന്റെ പ്രതാ​പ​ത്തിൽത്ത​ന്നെ​യാണ്‌ ഉത്തരം സ്ഥിതി​ചെ​യ്യു​ന്നത്‌. അത്‌ വിദഗ്‌ദ്ധ​രൂ​പ​ക​ല്‌പ​ന​യാണ്‌. കാട്ടിൽ ഒരു ആനക്കൂ​ട്ടത്തെ നിരീ​ക്ഷി​ച്ചി​ട്ടുള്ള ഏതൊ​രു​വ​നും അവയുടെ വംശനാ​ശ​ത്തി​ന്റെ സാദ്ധ്യ​ത​യിൽ നഷ്ടവേദന അനുഭ​വ​പ്പെ​ടും. അവ കുഞ്ഞു​ങ്ങളെ പരിശീ​ലി​പ്പി​ക്കു​ക​യും സംരക്ഷി​ക്കു​ക​യും ചെയ്യുന്ന വിധം, അവയുടെ തുമ്പി​ക്കൈ​യു​ടെ അത്ഭുതാ​വ​ഹ​മായ നിപുണത, അവയുടെ ഭയങ്കര വലിപ്പം, ഇതൊ​ക്കെ​യും നിസ്‌തു​ല​ജ്ഞാ​നി​യായ ഒരു രൂപസം​വി​ധാ​യ​കന്റെ തിളക്ക​മുള്ള തെളി​വു​ക​ളാണ്‌.

എന്നാൽ അതിലു​മ​ധി​ക​മുണ്ട്‌. ആനകൾ അവ ജീവി​ക്കുന്ന പരിസ്ഥി​തി​വ്യ​വ​സ്ഥ​യിൽ ഒരു നിർണ്ണാ​യ​ക​പ​ങ്കും വഹിക്കു​ന്നുണ്ട്‌. മനുഷ്യ​നൊ​ഴി​ച്ചുള്ള മറേറ​തൊ​രു ജീവി​യെ​ക്കാ​ളു​മ​ധി​ക​മാ​യി ആന അതിന്റെ പരിസ്ഥി​തി​ക്കു മാററം വരുത്തു​ക​യും രൂപം​കൊ​ടു​ക്കു​ക​യും ചെയ്യുന്നു. എന്നിരു​ന്നാ​ലും, മനുഷ്യ​നിൽനി​ന്നു വ്യത്യ​സ്‌ത​മാ​യി ആനകൾ പരിസ്ഥി​തി​യെ സഹജീ​വി​കൾക്കു കൂടുതൽ ആവാസ​യോ​ഗ്യ​മാ​ക്കു​ന്നു. എങ്ങനെ? അവയുടെ അത്യാർത്തി​യോ​ടു​കൂ​ടിയ വിശപ്പി​ലാണ്‌ താക്കോൽ സ്ഥിതി​ചെ​യ്യു​ന്നത്‌. ഒരു ആന ഓരോ ദിവസ​വും ഏതാണ്ട്‌ 300 റാത്തൽ സസ്യങ്ങൾ തിന്നുന്നു!

ഇടതൂർന്നു​വ​ള​രുന്ന വനങ്ങളിൽ ആനകൾ കൊമ്പു​ക​ളും ചെറു​മ​ര​ങ്ങ​ളും ഒടിച്ചി​ടു​ക​യും ഇലകൾ നിറഞ്ഞ ഇടതൂർന്ന വിതാ​ന​ത്തി​ലൂ​ടെ കൂടുതൽ വെളിച്ചം തുളച്ചി​റ​ങ്ങാൻ അനുവ​ദി​ക്കു​ക​യും​ചെ​യ്യു​ന്നു. വെളിച്ചം നില​ത്തോ​ട​ടു​ത്തുള്ള സസ്യവ​ളർച്ചക്ക്‌ ഉത്തേജനം നൽകു​ക​യും കാട്ടു​പോ​ത്തു​കൾ മുതൽ ഗൊറി​ല്ലാ​ക​ളും കാട്ടു​പ​ന്നി​ക​ളും വരെയുള്ള ചെറു​മൃ​ഗ​ങ്ങൾക്ക്‌ തീററി പ്രദാ​നം​ചെ​യ്യു​ക​യും ചെയ്യുന്നു. വിശാ​ല​മായ ആഫ്രി​ക്കൻസ​മ​ത​ല​ങ്ങ​ളിൽ അഥവാ സാവന്നാ​ക​ളിൽ ആനകൾ സമാന​മായ ഒരു സേവന​മ​നു​ഷ്‌ഠി​ക്കു​ന്നു: അവയുടെ തീററി പുൽമേ​ടു​ക​ളു​ടെ​യും കാടു​ക​ളു​ടെ​യും ഒരു സങ്കലന​വ​ളർച്ചയെ പ്രോൽസാ​ഹി​പ്പി​ക്കു​ന്നു. അത്‌ ജിറാ​ഫു​ക​ളും സീബ്രാ​ക​ളും മുതൽ ചെറു​ക​ല​മാ​നും പുള്ളി​മാ​നു​ക​ളും വരെ ചെടികൾ തിന്നുന്ന വിവി​ധ​യി​ന​ത്തിൽപ്പെട്ട ഒട്ടേറെ ജീവി​കളെ പോറ​റു​ന്നു, മററു പ്രകാ​ര​ത്തിൽ ഇവ ഇവിടെ ഇത്ര​ത്തോ​ളം പെരു​കു​മാ​യി​രു​ന്നില്ല.

ഈ പരസ്‌പ​രാ​ശ്ര​യ​ത്തി​ന്റെ സങ്കീർണ്ണ​ശൃം​ഖല ദുർബ്ബ​ല​മാണ്‌. ഒരു പ്രദേ​ശത്ത്‌ വളരെ​യ​ധി​കം ആനകളെ നഷ്ടപ്പെ​ടു​മ്പോ​ഴോ അല്ലെങ്കിൽ അവയിൽ വളരെ​യ​ധി​കം എണ്ണം ഒരു പ്രദേ​ശത്തു കേന്ദ്രീ​ക​രി​ക്കു​മ്പോ​ഴോ അതു പൊട്ടി​പ്പോ​കാം. മനുഷ്യ​രാ​ശി രണ്ടും ചെയ്യു​ന്നുണ്ട്‌—അത്‌ പാർക്കു​കൾക്കു വെളി​യിൽ അവയെ കൊന്നു​തീർക്കു​ക​യും അവക്കു​ള്ളിൽ അവയുടെ അമിത​വർദ്ധ​ന​വി​നെ പ്രോൽസാ​ഹി​പ്പി​ക്കു​ക​യും ചെയ്യുന്നു. അങ്ങനെ ആനകളു​ടെ ദുരവസ്ഥ മനുഷ്യൻ വരുത്തി​ക്കൂ​ട്ടുന്ന വംശനാ​ശ​ങ്ങ​ളു​ടെ വ്യത്യാ​സത്തെ ചിത്രീ​ക​രി​ക്കു​ന്നു: അവ ഒരു വലിയ ഉദ്ദേശ്യ​ത്തി​ന്റെ അഥവാ ലക്ഷ്യത്തി​ന്റെ ഭാഗമല്ല. പകരം അവ പരിണ​ത​ഫ​ല​ങ്ങ​ളോട്‌ ഒട്ടും ആദരവി​ല്ലാ​തെ സ്വാർത്ഥ​ത​മൂ​ല​മാണ്‌ വരുത്ത​പ്പെ​ടു​ന്നത്‌. അപൂർണ്ണ​നും സ്വാർത്ഥ​നു​മായ മനുഷ്യന്‌ ഈ ഗ്രഹത്തെ നയിക്കാൻ യോഗ്യ​ത​യി​ല്ലെന്ന്‌ അവ കൂടു​ത​ലാ​യി പ്രകട​മാ​ക്കു​ന്നു.

അവയെ രക്ഷിക്കാ​നുള്ള പോരാ​ട്ടം

സംഹാ​ര​ത്തി​ന്റെ വേലി​യേ​റ​റത്തെ തടയാൻ പോരാ​ടു​ന്ന​വ​രുണ്ട്‌. സംരക്ഷ​ണ​സ്ഥാ​പ​ന​ങ്ങ​ളും ഒരു ഡസനോ​ളം ഗവൺമെൻറു​ക​ളും ആനയെ രക്ഷിക്കാൻ അവസാ​നത്തെ ശ്രമങ്ങൾ നടത്തു​ക​യാണ്‌. എന്നാൽ അത്‌ എങ്ങനെ വേണ​മെ​ന്നു​ള്ള​തിൽ അവരെ​ല്ലാം യോജി​ക്കു​ന്നില്ല. അന്താരാ​ഷ്‌ട്ര ആനക്കൊ​മ്പു​വ്യാ​പാ​ര​നി​രോ​ധനം ആ വ്യാപാ​രത്തെ ഒളിവിൽ വിടു​ക​യും അതിനെ നിയ​ന്ത്രി​ക്കുക കൂടുതൽ പ്രയാ​സ​ക​ര​മാ​ക്കു​ക​യും മാത്രമേ ചെയ്യു​ക​യു​ള്ളു​വെന്നു വിചാ​രി​ച്ചു​കൊണ്ട്‌ നിരോ​ധ​ന​ത്തി​നു ശ്രമി​ക്കേ​ണ്ട​തി​ല്ലെന്ന്‌ ഒരു സംഘം തീരു​മാ​നി​ച്ചി​രി​ക്കു​ന്നു. ഏതായാ​ലും കാണ്ടാ​മൃ​ഗ​ത്തി​ന്റെ കൊമ്പി​ന്റെ വ്യാപാ​ര​ത്തിൽ ഏർപ്പെ​ടു​ത്തിയ നിരോ​ധനം വംശനാ​ശ​ത്തി​ലേ​ക്കുള്ള അവയുടെ കുത്ത​നെ​യുള്ള പോക്കി​നെ മന്ദീഭ​വി​പ്പി​ക്കാൻ യാതൊ​ന്നും ചെയ്‌തി​ട്ടില്ല. എന്നിരു​ന്നാ​ലും, 1989 ജൂണിൽ പല സംരക്ഷ​ണ​സം​ഘങ്ങൾ ആനക്കൊ​മ്പു​വ്യാ​പാ​ര​ത്തിന്‌ അറുതി​വ​രു​ത്താൻ ആവശ്യ​പ്പെട്ടു. മൂന്നു ദിവസം​ക​ഴിഞ്ഞ്‌ യു. എസ്‌. പ്രസി​ഡണ്ട്‌ ജോർജ്ജ്‌ ബുഷ്‌ ആനക്കൊ​മ്പി​ന്റെ ഇറക്കു​മതി നിയമ​വി​രു​ദ്ധ​മാ​ക്കി. ആനക്കൊ​മ്പു​വ്യാ​പാ​ര​ത്തി​ന്റെ ഒരു ആഗോള നിരോ​ധനം ആസന്നമാ​ണെന്നു തോന്നു​ന്നു.

സംരക്ഷ​ണ​ത്തിന്‌ ചുരു​ക്കം​ചില പ്രദേ​ശങ്ങൾ എന്ന ലക്ഷ്യം വെച്ചു​കൊണ്ട്‌ 2,00,000മോ 3,00,000മോ മാത്രം ആനകളെ സംരക്ഷി​ക്കാൻ ഒരു സംരക്ഷ​ണ​സം​ഘം പ്രത്യാ​ശി​ക്കു​ന്നു. അത്‌ മനുഷ്യ​രു​ടെ സ്വതാൽപ്പ​ര്യ​ത്തോ​ടുള്ള അഭ്യർത്ഥ​ന​ക​ളാൽ ആനക്കൊ​മ്പു​വ്യാ​പാ​രത്തെ തടയാ​മെന്ന്‌ ആശിക്കു​ക​യും മോഷണം തടയ​പ്പെ​ടു​മ്പോൾ ആനകൾക്ക്‌ ഒരു പ്രദേ​ശ​ത്തേക്ക്‌ കൂടുതൽ പണം എത്തിക്കാൻ കഴിയു​മെന്ന്‌ തദ്ദേശ​വാ​സി​കളെ ബോദ്ധ്യ​പ്പെ​ടു​ത്തു​ക​യും ചെയ്യുന്നു. ഈ പരിപാ​ടി വിജയ​ത്തി​ന്റെ ചില ലക്ഷണങ്ങൾ കാണി​ച്ചി​ട്ടുണ്ട്‌.

എന്നാൽ ആനകളു​ടെ അതിജീ​വനം മനുഷ്യ​രു​ടെ സ്വതാൽപ്പ​ര്യ​ത്തെ ആശ്രയി​ച്ചാ​ണി​രി​ക്കു​ന്ന​തെ​ങ്കിൽ, അവ എത്ര സുരക്ഷി​ത​മാണ്‌? ഒന്നാമ​തു​തന്നെ മനുഷ്യ​രെ ഭീഷണി​പ്പെ​ടു​ത്തു​ന്നത്‌ മനുഷ്യ​രു​ടെ സ്വതാൽപ്പ​ര്യ​മല്ലേ? ഏതായാ​ലും ആനക്കൊ​മ്പു​വ്യാ​പാ​രം തഴച്ചു​വ​ള​രു​ന്ന​തിൽ തുടരു​ക​യാണ്‌, ലോക​ത്തിന്‌ മുദ്ര​ക​ളും ചെറു​ആ​ഭ​ര​ണ​ങ്ങ​ളും അലങ്കാ​ര​സാ​ധ​ന​ങ്ങ​ളും പ്രദാ​നം​ചെ​യ്യാൻ ഈ ഭീമാ​കാ​ര​മൃ​ഗ​ങ്ങളെ ബലി​ചെ​യ്‌തു​കൊ​ണ്ടു​തന്നെ. കണക്കനു​സ​രിച്ച്‌ അവയിൽ 80 ശതമാനം നിയമ​വി​രു​ദ്ധ​മാ​യി കിട്ടുന്ന ആനക്കൊ​മ്പു​കൊ​ണ്ടാണ്‌ നിർമ്മി​ക്ക​പ്പെ​ടു​ന്നത്‌. ആരോ​പി​ക്ക​പ്പെ​ട്ട​പ്ര​കാ​രം ആ പണത്തി​ന്റെ​യെ​ല്ലാം പ്രലോ​ഭ​നത്തെ ചെറു​ത്തു​നിൽക്കാ​നാ​വാ​തെ രഹസ്യ​മാ​യി മോഷ്ടാ​ക്ക​ളോ​ടു സഹകരിച്ച നാലു ഡസനോ​ളം റേഞ്ചർമാ​രെ​യും മൃഗവാർഡൻമാ​രെ​യും കെനി​യാ​ഗ​വൺമെൻറി​നു സസ്‌പെൻഡു​ചെ​യ്യു​ക​യോ പിരി​ച്ചു​വി​ടു​ക​യോ ചെയ്യേ​ണ്ടി​വന്നു. മനുഷ്യ​രാ​ശി സ്വതാ​ല്‌പ​ര്യ​ത്തി​ന്റെ പുതിയ ആഴങ്ങളി​ലെ​ത്തു​ന്നത്‌ ഈ തലമുറ കണ്ടിരി​ക്കു​ന്നു​വെ​ന്ന​തി​നെ ആർ നിഷേ​ധി​ക്കും? മനുഷ്യ​വർഗ്ഗം പൂർവാ​ധി​കം വ്യാ​മോ​ഹം വെച്ചു​പു​ലർത്തു​മ്പോൾ ലോകം എന്നും ഏറെ അരക്ഷി​ത​മാ​യി​ത്തീ​രു​ക​യാണ്‌.

ബൈബിൾ നമ്മുടെ ഗ്രഹത്തി​നും അതിലെ വന്യജീ​വി​കൾക്കും വളരെ മെച്ചമായ ഒരു പ്രത്യാശ വെച്ചു​നീ​ട്ടു​ന്നത്‌ അനു​ഗ്ര​ഹം​തന്നെ. സ്രഷ്ടാവ്‌ ആദിയിൽ ഭൂമി​ക്കു​വേണ്ടി ഉദ്ദേശിച്ച അവസ്ഥയിൽതന്നെ—ഒരു ആഗോ​ള​പ​റു​ദീ​സ​യാ​യി—അതിനെ പുനഃ​സ്ഥി​തീ​ക​രി​ക്കു​മെന്ന്‌ അതു നമ്മോടു പറയുന്നു. അവിടെ സമാധാ​നം കളിയാ​ടും. ഒടുവിൽ ആനക​ളോ​ടു​മാ​ത്രമല്ല പരിസ്ഥി​തി​യി​ലെ സകല അത്ഭുത​ങ്ങ​ളോ​ടു​മുള്ള മമനു​ഷ്യ​ന്റെ യുദ്ധം അവസാ​നി​ക്കും.—യെശയ്യാവ്‌ 11:6-9. (g89 11⁄22)