ലോകത്തെ വീക്ഷിക്കൽ

മതമാ​ച​രി​ക്കാത്ത കത്തോ​ലി​ക്കർ

പാരീസ്‌ പത്രമായ ലേ ഫിഗറോ പറയു​ന്ന​ത​നു​സ​രിച്ച്‌ “ഫ്രഞ്ചു​കാ​രു​ടെ ഇടയിൽ മതാരാ​ധന തുടർന്ന​ധഃ​പ​തി​ക്കു​ക​യാണ്‌”എന്ന്‌ അടുത്ത കാലത്തെ ഒരു പഠനം വെളി​പ്പെ​ടു​ത്തി. ഫ്രഞ്ച്‌ ജനസം​ഖ്യ​യു​ടെ 82 ശതമാനം കത്തോ​ലി​ക്ക​രാ​ണെന്ന്‌ അവകാ​ശ​വാ​ദം​ചെ​യ്യു​ന്നു​വെ​ങ്കി​ലും അവരിൽ 12 ശതമാനം—ഏറെയും പ്രായം​ചെന്ന സ്‌ത്രീ​കൾ—മാത്രമേ ക്രമമാ​യി പള്ളിശു​ശ്രൂ​ഷ​യിൽ സംബന്ധി​ക്കു​ന്നു​ള്ളു. മാത്ര​വു​മല്ല, കത്തോ​ലി​ക്ക​രാ​ണെന്ന്‌ അവകാ​ശ​പ്പെ​ടു​ന്ന​വ​രിൽ 44 ശതമാനം തങ്ങൾ “മതാച​രണം നടത്താത്ത കത്തോ​ലി​ക്ക​രാണ്‌” എന്നു പറയു​ക​യും 83 ശതമാനം തങ്ങൾ “ഒരിക്ക​ലും പള്ളിക്ക​കത്ത്‌ കാലു​കു​ത്തി​യി​ട്ടില്ല” എന്ന്‌ അവകാ​ശ​പ്പെ​ടു​ക​യും ചെയ്യുന്നു. ഫ്രഞ്ചു​കാർ മതാച​രണം നടത്താത്ത കത്തോ​ലി​ക്ക​രു​ടെ ഒരു ജനതയാ​ണെന്ന്‌ തോന്നു​ന്ന​താ​യി ലേ ഫിഗറോ കുറി​ക്കൊ​ള്ളു​ന്നു. അവരുടെ മതബന്ധം സജീവ വിശ്വാ​സ​ത്തെ​ക്കാൾ സ്‌നാ​പനം, വിവാഹം, ശവസം​സ്‌കാ​രം എന്നിങ്ങനെ തങ്ങിനിൽക്കുന്ന സാമൂ​ഹി​കാ​ചാ​ര​ങ്ങ​ളിൽനി​ന്നുൽഭ​വി​ക്കു​ന്ന​താ​യി കാണ​പ്പെ​ടു​ന്നു. (g90 6⁄22)

സ്വവർഗ്ഗ​സം​ഭോഗ തൊടു​ന്യാ​യം

ബലാൽസം​ഗ​ത്തി​ന്റെ​യും നിന്ദ്യ​മായ കൈ​യേ​റ​റ​ത്തി​ന്റെ​യും തികഞ്ഞ ആക്രമ​ണ​ത്തി​ന്റെ​യും നിയമ​ര​ഹി​ത​മായ ഞെരു​ക്ക​ലി​ന്റെ​യും ആരോ​പ​ണ​ങ്ങളെ അഭിമു​ഖീ​ക​രിച്ച ഒരു ചെറു​പ്പ​ക്കാ​രൻ ഒരു അപ്രതീ​ക്ഷിത സാക്ഷി പറഞ്ഞ മൊഴി ഒരു തൊടു​ന്യാ​യം പ്രദാ​നം​ചെ​യ്‌ത​ശേഷം കോട​തി​ക​ളാൽ വെറു​തെ​വി​ട​പ്പെട്ടു. പ്രസ്‌തുത സാക്ഷി യു.എസ്‌.എയിലെ പെൻസിൽവേ​നി​യാ പിററ്‌സ്‌ബർഗ്ഗ്‌ നഗര ഇടവക​യിൽ നിയോ​ഗി​ക്ക​പ്പെ​ട്ടി​രുന്ന ഒരു കത്തോ​ലി​ക്കാ പുരോ​ഹി​ത​നാ​യി​രു​ന്നു. നാഷനൽ കാത്തലിക്ക്‌ റിപ്പോർട്ടർ പറയു​ന്ന​ത​നു​സ​രിച്ച്‌ “അദ്ദേഹ​വും പ്രതി​യും കാമു​ക​രാ​ണെ​ന്നും ആരോ​പിത ബലാൽസം​ഗം നടന്ന​പ്പോൾ അവർ ഒരുമി​ച്ചാ​യി​രു​ന്നു​വെ​ന്നും പുരോ​ഹി​തൻ സാക്ഷി​പ​റഞ്ഞു.” സ്വവർഗ്ഗ​ര​തി​യു​ടെ ഈ ഞെട്ടി​ക്കുന്ന പരസ്യ​സ​മ്മ​ത​ത്തി​ന്റെ ഫലമായി സ്വവർഗ്ഗ​സം​ഭോ​ഗി​യായ പുരോ​ഹി​തൻ അനിശ്ചി​ത​കാല അവധി​യിൽ പ്രവേ​ശി​പ്പി​ക്ക​പ്പെട്ടു. (g90 7⁄8)

കാർറാ​ഞ്ച​ലു​കൾ

അനേകം കാറു​ക​ളിൽ ഇപ്പോൾ മോഷ​ണ​നി​രോ​ധന ഉപാധി​കൾ സ്ഥാപി​ച്ചി​ട്ടു​ള്ള​തി​നാൽ മോഷ്‌ടാ​ക്കൾ മറെറാ​രു മാർഗ്ഗ​മാണ്‌ അവലം​ബി​ക്കു​ന്നത്‌. നോട്ട​മി​ല്ലാ​തെ കിടക്കുന്ന ഒരു കാറിന്റെ ജനാല തകർത്ത്‌ അത്‌ ഓടി​ച്ചു​കൊ​ണ്ടു​പോ​കാൻ മേലാൽ കഴിയാ​ത്ത​തു​കൊണ്ട്‌ അനേകം കാർമോ​ഷ്ടാ​ക്കൾ സഞ്ചരി​ക്കു​ക​യോ വാഹന​ങ്ങ​ളി​ലി​രി​ക്കു​ക​യോ ചെയ്യുന്ന സംശയ​ര​ഹി​ത​രായ മോ​ട്ടോർവാ​ഹ​ന​ക്കാ​രെ റാഞ്ചാ​നാണ്‌ ഇപ്പോൾ കൂടു​ത​ലി​ഷ്ട​പ്പെ​ടു​ന്നത്‌” എന്ന്‌ സൗത്താ​ഫ്രി​ക്കാ ജോഹാ​ന്നാ​സ്‌ബർഗ്ഗി​ലെ സാററർഡേ സ്‌ററാർ റിപ്പോർട്ടു​ചെ​യ്യു​ന്നു. മോഷ്‌ടാ​ക്കൾ ഉജ്ജ്വല​മായ നീല ലൈറ​റു​ക​ളോ​ടു​കൂ​ടിയ കാറു​ക​ളിൽ പോലീസ്‌ ഓഫീ​സർമാ​രാ​യി ചമഞ്ഞി​രി​ക്കു​ന്നു. തങ്ങളുടെ ഇരകളെ നിർത്തിച്ച ശേഷം അവർ തോക്കു​ചൂ​ണ്ടി കാർ മോഷ്‌ടി​ക്കു​ന്നു. ട്രാഫിക്ക്‌ ലൈറ​റു​കൾക്കു​വേണ്ടി ഡ്രൈ​വർമാർ കാർനിർത്തി​യ​പ്പോ​ഴോ തങ്ങളുടെ കാറുകൾ തുറന്നു​കൊ​ണ്ടി​രു​ന്ന​പ്പോ​ഴോ ആണ്‌ മററു ചില കാറുകൾ മോഷ്ടി​ക്ക​പ്പെ​ട്ടത്‌. അകത്തെ സാധന​ങ്ങ​ളും വാഹനം​ത​ന്നെ​യും മോഷ്‌ടി​ക്കു​ക​യെന്ന ഉദ്ദേശ്യ​ത്തി​ലാണ്‌ വാണി​ജ്യ​വാ​ഹ​നങ്ങൾ തട്ടി​യെ​ടു​ക്ക​പ്പെ​ട്ട​തെന്ന്‌ പോലീസ്‌ റിപ്പോർട്ടു​ചെ​യ്യു​ന്നു. (g90 7⁄8)

അന്യാ​യ​മായ മത്സരം!

കാലി​ഫോർണി​യാ​യി​ലെ കാലവ​റാസ്‌ കൗണ്ടി 1928 മുതൽ അസാധാ​ര​ണ​മായ ഒരു തവളചാ​ട്ട​മ​ത്സരം നടത്തി​യി​രി​ക്കു​ന്നു. മത്സരത്തിൽ ചേർന്ന മിക്ക തവളക​ളും കാലി​ഫോർണി​യാ ബുൾ​ഫ്രോ​ഗ്‌സ്‌ ആയിരു​ന്നു. അവക്ക്‌ അപൂർവ​മാ​യി മാത്രമേ ഒരു റാത്തലിൽകൂ​ടു​തൽ തൂക്കം​വെ​ക്കു​ന്നു​ള്ളു. എന്നാൽ വിദേ​ശ​ജ​ന്തു​ക്കളെ ഇറക്കു​മതി ചെയ്യുന്ന ഒരാൾ തന്റെ സ്വന്തം തവളകളെ—വെസ്‌ററ്‌ ആഫ്രി​ക്ക​യിൽനി​ന്നുള്ള ഗോലി​യാത്ത്‌ തവളകളെ—മത്സരത്തി​നി​റ​ക്കാൻ ശ്രമി​ച്ചി​രി​ക്കു​ന്നു. അവക്ക്‌ 15 റാത്ത​ലോ​ളം തൂക്കം​വ​രും, മൂന്നടി​യോ​ളം നീളവും വെക്കുന്നു. മത്സരത്തി​ലെ ഇപ്പോ​ഴത്തെ റക്കോർഡ്‌ മൂന്ന്‌ കുതി​പ്പി​ലൂ​ടെ ചാടുന്ന 21.5 അടിയാണ്‌. തന്റെ തവളകൾക്ക്‌ ഒരൊററ കുതി​പ്പിന്‌ ആ ദൂരം ചാടാൻ കഴിയു​മെന്ന്‌ ഗോലി​യാ​ത്തു​കളെ ഇറക്കു​മതി ചെയ്യു​ന്ന​യാൾ പറയുന്നു. മത്സരം സംഘടി​പ്പി​ച്ചവർ മത്സരത്തിൽ പ്രവേ​ശി​ക്കു​ന്ന​തിൽനിന്ന്‌ ഗോലി​യാ​ത്തു​കളെ തടയാൻ ശ്രമിച്ചു, അതിനെ അന്യാ​യ​മായ മത്‌സരം എന്നു വിളി​ച്ചു​കൊ​ണ്ടു​തന്നെ. ഗോലി​യാ​ത്തു​കൾ ചെറിയ തവളകളെ തിന്നേ​ക്കാ​മെ​ന്നും 35 അടി ആഴമുള്ള മത്സരക്ക​ള​ത്തിൽനിന്ന്‌ ചിലത്‌ വെളി​ക്കു​ചാ​ടി ഒരു പ്രേക്ഷ​കനെ പ്രഹരി​ച്ചേ​ക്കാ​മെ​ന്നു​മുള്ള തടസ്സവാ​ദ​വും അവർ ഉന്നയിച്ചു. (g90 7⁄8)

കുരങ്ങു​കൾ കൂലി​പ്പ​ണിക്ക്‌

കൂലി​പ്പ​ണി​ക്കാ​രു​ടെ ഗുരു​ത​ര​മായ കുറവു​നി​മി​ത്തം സോളി​നു തൊട്ടു​പു​റത്തു വസിക്കുന്ന ഒരു കൊറി​യൻ കർഷകൻ തന്റെ കൃഷി​ക്ക​ള​ത്തിൽ പൈൻകു​രു പെറു​ക്കാൻ കുരങ്ങു​കളെ പണിക്കു​നിർത്തി​യി​രി​ക്കു​ന്നു. നിയമി​ക്ക​പ്പെട്ട 20 കുരങ്ങൻമാർ “ചുരു​ങ്ങിയ കാലഘ​ട്ട​ത്തി​ലെ പരിശീ​ല​ന​ത്തി​നു​ശേഷം ഒരു ദിവസം അഞ്ചുകൂ​ലി​ക്കാ​രു​ടേ​തി​നു തുല്യ​മായ പണി ഓരോ കുരങ്ങും ചെയ്യത്ത​ക്ക​വണ്ണം അത്ര ഉത്‌സാ​ഹ​പൂർവം പണി​യെ​ടു​ക്കു​ന്ന​താ​യി കാണ​പ്പെട്ടു” എന്ന്‌ ജപ്പാനി​ലെ മാഞ്ചസ്‌ററർ ഡെയ്‌ലി ന്യൂസ്‌ റിപ്പോർട്ടു​ചെ​യ്‌തു. മററു കൃഷി​യി​ട​ങ്ങ​ളി​ലെ ജോലിക്ക്‌ തങ്ങൾ ഈ വർഷം തായ്‌ല​ണ്ടിൽനിന്ന്‌ കൂടുതൽ കുരങ്ങൻമാ​രെ ഇറക്കു​മതി ചെയ്യു​മെന്ന്‌ തദ്ദേശ ഗവൺമെൻറ്‌ ഉദ്യോ​ഗ​സ്ഥൻമാർ പറയുന്നു. കൊറി​യാ റിപ്പബ്ലി​ക്കിൽ വിദേ​ശ​കൂ​ലി​പ്പ​ണി​ക്കാർ നിരോ​ധി​ക്ക​പ്പെ​ട്ടി​രി​ക്കു​ക​യാ​ണെ​ങ്കി​ലും പ്രസ്‌പ​ഷ്ട​മാ​യി വിദേ​ശ​കു​ര​ങ്ങൻമാർ നിരോ​ധി​ക്ക​പ്പെ​ട്ടി​ട്ടില്ല. (g90 8⁄8)

അവരുടെ ചെവി​ക​ളിൽ ‘കണ്ണുകൾ’ പതിപ്പി​ക്കു​ന്നു

സിനി​മ​യിൽനി​ന്നും റെറലി​വി​ഷ​നിൽനി​ന്നും വേദി​യിൽനി​ന്നും കൂടുതൽ ആസ്വാ​ദനം കിട്ടാൻ അന്ധരെ പ്രാപ്‌ത​രാ​ക്കാൻ ഒരു പുതിയ വിനോ​ദ​പ​ദ്ധതി സംവി​ധാ​നം​ചെ​യ്യ​പ്പെ​ട്ടി​രി​ക്കു​ന്നു. ഈ പദ്ധതി “ചിത്ര​രീ​തി​യിൽ സംസാ​രി​ക്കുന്ന” കലയാണ്‌ ഉപയോ​ഗി​ക്കു​ന്ന​തെന്ന്‌ യൂറോ​പ്പി​ലെ പ്രാരംഭ ശ്രമം റിപ്പോർട്ടു​ചെ​യ്‌തു​കൊണ്ട്‌ പാരീ​സി​ലെ ഇൻറർനാ​ഷനൽ ഹെറൾഡ്‌ ട്രിബ്യൂൺ പറയുന്നു. സാധാ​ര​ണ​യുള്ള ശ്രാവ്യ​പ​രി​പാ​ടി​ക്കു പുറമേ, സംഭാ​ഷ​ണ​ങ്ങൾക്കി​ട​യിൽ അഭിനയം വിവരി​ക്ക​പ്പെ​ടുന്ന രണ്ടാമത്തെ ഒരു തുല്യ​കാല സൗണ്ട്‌ ട്രാക്ക്‌ കേൾക്കാൻ ദർശന​വൈ​ക​ല്യ​മു​ള്ള​വരെ പ്രത്യേ​ക​ഹെ​ഡ്‌ഫോ​ണു​കൾ അനുവ​ദി​ക്കു​ന്നു. അത്‌ കഥാപാ​ത്ര​ങ്ങ​ളെ​യും അവരുടെ വേഷ​ത്തെ​യും അവരുടെ ആംഗ്യ​ങ്ങ​ളെ​യും അവരുടെ ഭാവങ്ങ​ളെ​യും​കൂ​ടെ വർണ്ണി​ക്കു​ക​യും അങ്ങനെ തങ്ങൾക്കു കാണാൻ കഴിയാ​ത്ത​തി​നെ വിഭാ​വ​ന​ചെ​യ്യാൻ അന്ധരെ സഹായി​ക്കു​ക​യും ചെയ്യുന്നു. ഈ പദ്ധതി പ്രത്യേ​കം സജ്ജീക​രി​ച്ചി​രി​ക്കുന്ന തീയറ​റ​റു​ക​ളിൽ ലഭ്യമാ​ക്ക​പ്പെ​ടു​ക​യും റെറലി​വി​ഷൻപ​രി​പാ​ടി​യോ​ടൊ​പ്പം എഫ്‌എം റേഡി​യോ​യാൽ പ്രക്ഷേ​പ​ണം​ചെ​യ്യ​പ്പെ​ടു​ക​യും ചെയ്യും. (g90 8⁄8)

ഏററവും ചെലവു​കൂ​ടിയ വിമാനം

ഐക്യ​നാ​ടു​ക​ളു​ടെ പ്രസി​ഡണ്ട്‌ അടുത്തു​തന്നെ “ഉല്‌പാ​ദി​പ്പി​ക്ക​പ്പെ​ട്ടി​ട്ടു​ള്ള​തി​ലേ​ക്കും ചെല​വേ​റിയ ട്രാൻസ്‌പോർട്ട്‌ വിമാനം” ഉപയോ​ഗി​ക്കു​ന്ന​താ​യി​രി​ക്കു​മെന്ന്‌ റൈറം മാസിക റിപ്പോർട്ടു​ചെ​യ്യു​ന്നു. പല വർഷങ്ങൾക്കു മുമ്പ്‌ ഓർഡർചെ​യ്യ​പ്പെട്ട എയർഫോ​ഴ്‌സ്‌ വൺ ഏററവും സ്ഥലസൗ​ക​ര്യ​മു​ള്ള​തും ഏററവും സുരക്ഷി​ത​വും ഏററവും നല്ലതും “നിർമ്മി​ക്ക​പ്പെ​ട്ടി​ട്ടുള്ള മറേറ​തൊ​രു വിമാ​ന​ത്തെ​ക്കാ​ളും കൂടുതൽ സ്വയം​പ​ര്യാ​പ്‌താ​വ്യാ​പ്‌തി​യു​ള്ള​തും (7,140 മൈൽ) സുഖവും സൗകര്യ​വു​മു​ള്ളതു”മായി​രി​ക്കാ​നാണ്‌ രൂപസം​വി​ധാ​നം​ചെ​യ്യ​പ്പെ​ട്ടി​രിക്കു​ന്നത്‌. ഇരട്ടക്കി​ട​ക്ക​ക​ളും ഷവർട​ബ്ബും കൂടു​ത​ലാ​യി ആറ്‌ കക്കൂസു​ക​ളും 85 റെറലി​ഫോ​ണു​ക​ളും ഒരു ചെറിയ ആശുപ​ത്രി​ക്കുള്ള കരുത​ലു​ക​ളും ആറു ഘനയടി വരുന്ന ഒരു സേഫും ജനക്കൂ​ട്ട​ങ്ങളെ വീക്ഷി​ക്കു​ന്ന​തിന്‌ എട്ടു ചാനലു​കൾ ഒരേസ​മയം കാണാൻക​ഴി​യുന്ന ഒരു ടെലി​വി​ഷൻ സിസ്‌റ​റ​വും 23 ജോലി​ക്കാർക്കും 70 യാത്ര​ക്കാർക്കും ഒരാഴ്‌ച​ത്തേ​ക്കുള്ള സാധനങ്ങൾ സംഭരി​ച്ചു​വെ​ക്കാ​വുന്ന റഫ്രി​ജ​റേ​ററർ ഫ്രീസർ സഹിത​മുള്ള രണ്ട്‌ അടുക്ക​ള​ക​ളും ഏററവും ആധുനി​ക​മായ മി​സൈൽവേധക സംവി​ധാ​ന​ങ്ങ​ളും വാർത്താ​വി​നി​മയ സജ്ജീക​ര​ണ​ങ്ങ​ളും മററ​നേകം കാര്യ​നിർവഹണ സൗകര്യ​ങ്ങ​ളും ഏർപ്പെ​ടു​ത്തി​യി​രി​ക്കുന്ന ഒരു മുറി പ്രസി​ഡ​ണ്ടി​നു​വേണ്ടി ക്രമീ​ക​രി​ച്ചി​രി​ക്കു​ന്നു. “അമേരി​ക്ക​ക്കാർ തങ്ങളുടെ പ്രസി​ഡ​ണ്ടി​നെ വായു​വിൽ നിർത്താൻ ഇരുപ​ത്ത​യ്യാ​യി​രം കോടി രൂപയു​ടെ അധിക​പ​ങ്കും ചെലവ​ഴി​ക്കു​ന്നു. പിന്നീട്‌ അദ്ദേഹത്തെ ഉയർത്തി​നിർത്താൻ മണിക്കൂ​റിൽ ഏതാണ്ട്‌ 1,50,000 രൂപാ​യും ചെലവു​വ​രു​ന്നു”വെന്ന്‌ റൈറം പറയുന്നു. “അത്‌ ഗ്രീൻലാൻഡി​ന്റെ മൊത്തം ദേശീ​യോ​ത്‌പാ​ദ​ന​ത്തെ​ക്കാൾ കൂടു​ത​ലാണ്‌.” (g90 8⁄8)

നായ്‌ക്കൾക്ക്‌ നിറം കാണാൻ കഴിയു​മോ?

സാൻറാ ബാർബ​റാ​യി​ലുള്ള കാലി​ഫോർണി​യാ യൂണി​വേ​ഴ്‌സി​റ​റി​യി​ലെ ഗവേഷകർ നായ്‌ക്കൾക്ക്‌ പരിമി​ത​മാ​യി മാത്രമേ നിറം കാണാ​നാ​വൂ എന്ന്‌ നിഗമ​നം​ചെ​യ്യു​ന്നു. ഒരു വർഷം നീണ്ട പഠനത്തി​നു​ശേഷം, നായ്‌ക്കൾക്ക്‌ വർണ്ണരാ​ജി​യി​ലെ വിപരീത വർണ്ണങ്ങ​ളായ ചുവപ്പും നീലയും തമ്മിൽ തിരി​ച്ച​റി​യാൻ കഴിയു​മെ​ന്നും മഞ്ഞയും പച്ചയും ഓറഞ്ചും തമ്മിൽ തിരി​ച്ച​റി​യാൻ കഴിക​യി​ല്ലെ​ന്നും ശാസ്‌ത്ര​ജ്ഞൻമാർ കണ്ടെത്തി. (g90 8⁄8)

ഇൻഡ്യ​യിൽ എയ്‌ഡ്‌സ്‌

ഇൻഡ്യ​യിൽ 1990ന്റെ തുടക്ക​ത്തിൽ പൂർണ്ണ​വി​ക​സിത എയ്‌ഡ്‌സി​ന്റെ 41 കേസു​കളേ ഉള്ളു​വെന്ന്‌ റിപ്പോർട്ടു​ചെ​യ്‌തു. എന്നാൽ ദി റെറാ​റൊ​ണ്ടോ സ്‌ററാർ പറയു​ന്ന​ത​നു​സ​രിച്ച്‌ ഒരു വലിയ എയ്‌ഡ്‌സ്‌ സാം​ക്ര​മിക വ്യാധി അനുഭ​വി​ക്കുന്ന ഏഷ്യയി​ലെ ആദ്യത്തെ രാഷ്‌ട്രം അതായി​രി​ക്കാം. ബോം​ബേ​യി​ലുള്ള 1,00,000 വേശ്യ​മാ​രിൽ 10,000 പേർക്ക്‌ ഇപ്പോൾത്തന്നെ മാരക​മായ വൈറസ്‌ ബാധി​ച്ചി​ട്ടു​ണ്ടെന്ന്‌ ഇൻഡ്യൻ ഗവൺമെൻറ്‌ കണക്കാ​ക്കു​ന്നു. ആ കൂട്ടത്തി​നു​തന്നെ ഒരൊററ വർഷം 2,00,000 പുരു​ഷൻമാർക്ക്‌ രോഗാ​ണു​ബാ​ധ​യു​ള​വാ​ക്കാൻ പ്രാപ്‌തി​യു​ണ്ടാ​യി​രി​ക്കാം. തങ്ങൾക്ക്‌ രോഗാ​ണു​ബാ​ധ​യു​ള്ള​താ​യി മനസ്സി​ലാ​ക്കി​യ​ശേ​ഷ​വും അനേകം വേശ്യ​മാർ ജീവസ​ന്ധാ​ര​ണ​ത്തിന്‌ മററു യാതൊ​രു മാർഗ്ഗ​വു​മി​ല്ലെന്ന്‌ പറഞ്ഞു​കൊണ്ട്‌ തങ്ങളുടെ തൊഴിൽ നിർത്താൻ വിസമ്മ​തി​ക്കു​ക​യാണ്‌. രക്തം വിൽക്കുന്ന തൊഴിൽക്കാ​രായ ഇൻഡ്യ​യി​ലെ നൂറു​ക​ണ​ക്കി​നാ​ളു​ക​ളും എയ്‌ഡ്‌സ്‌ വൈറസ്‌ വഹിക്കു​ന്ന​വ​രാണ്‌; എന്നിട്ടും അനേകർ ഉപജീ​വ​ന​ത്തി​നു​വേണ്ടി രക്തം വിൽക്കു​ന്ന​തിൽ തുടരു​ക​യാണ്‌. രാജ്യ​മാ​സ​കലം വൈറസ്‌ വ്യാപി​ക്കു​മ്പോൾ “ഇത്‌ പ്രവർത്ത​ന​ക്ഷ​മ​മായ ഒരു റൈറം​ബോം​ബാണ്‌” എന്ന്‌ ബോം​ബെ​യി​ലെ ഒരു മെഡിക്കൽ ഉദ്യോ​ഗസ്ഥൻ സംഗ്ര​ഹി​ച്ചു​പ​റഞ്ഞു. (g90 6⁄8)

രക്തപ്പകർച്ചകൾ സംബന്ധി​ച്ചൊ​രു പുനർവി​ചി​ന്ത​നം

ജീവനു ഭീഷണി​യാ​യി​രി​ക്കുന്ന വിളർച്ച ബാധിച്ച യുവ മലേറി​യാ​രോ​ഗി​കളെ ചികി​ത്‌സി​ക്കാൻ വികസ്വര രാജ്യ​ങ്ങ​ളിൽ രക്തപ്പകർച്ചകൾ വർദ്ധി​ത​മാ​യി ഉപയോ​ഗി​ക്ക​പ്പെ​ട്ടി​രി​ക്കു​ന്നു. ദൃഷ്‌ടാ​ന്ത​ത്തിന്‌, 1986ൽ സേയർ, കിൻഷാ​സാ​യി​ലെ മാമാ​യെ​മോ ആശുപ​ത്രി​യിൽ അത്തരം 16,352 രക്തപ്പകർച്ചകൾ കൊടു​ക്ക​പ്പെട്ടു. എന്നിരു​ന്നാ​ലും, 1987ൽ രക്തപ്പകർച്ച​ക​ളു​ടെ എണ്ണം കുറഞ്ഞു. എന്തു​കൊണ്ട്‌? മലേറി​യാ​യിക്ക്‌ രക്തപ്പകർച്ച നടത്തിയ കുട്ടി​ക​ളു​ടെ ഒരു കൂട്ടത്തി​ന്റെ 13 ശതമാ​ന​ത്തിന്‌ എയ്‌ഡ്‌സ്‌വാ​ഹി​വൈ​റ​സായ എച്ച്‌ഐവി ബാധി​ച്ച​താ​യി മാമാ യെമോ​യി​ലെ ഡോക്ടർമാർ കണ്ടുപി​ടിച്ച ശേഷം “വിളർച്ച ബാധിച്ച കുട്ടി​കൾക്ക്‌ സ്വതേ രക്തപ്പകർച്ച നടത്തുന്ന” നയം ആശുപ​ത്രി​യി​ലെ മെഡിക്കൽ സ്‌ററാഫ്‌ മാററി​യ​താ​യി ലണ്ടനിലെ പാനോ​സ്‌കോപ്പ്‌ മാസിക റിപ്പോർട്ടു​ചെ​യ്യു​ന്നു. പകരം, കിൻഷാ​സാ ആശുപ​ത്രി​യി​ലെ ചില യുവ​രോ​ഗി​കൾക്ക്‌ അവരുടെ രക്തം വർദ്ധി​പ്പി​ക്കു​ന്ന​തിന്‌ ഇരുമ്പു​പോ​ഷ​കങ്ങൾ കൊടു​ക്ക​പ്പെട്ടു. ആ വിധത്തിൽ രക്തപ്പകർച്ച​ക​ളു​ടെ എണ്ണം 73 ശതമാനം കുറച്ച്‌ 4,531 ആക്കി—ഒരൊററ കുട്ടി​യു​ടെ​യും ജീവൻ നഷ്ടപ്പെ​ട്ടു​മില്ല.” (g90 6⁄8)

“വ്യാജ മൂല്യങ്ങൾ”

ബോറിസ്‌ ബെക്കർ 22-ാം വയസ്സിൽ ലോക​ത്തി​ലെ പ്രമുഖ റെറന്നി​സ്‌ക​ളി​ക്കാ​രിൽ ഒരുവ​നാണ്‌; അയാൾ 75 ദശലക്ഷം ഡോള​റി​ന്റെ (യു.എസ്‌.) സ്വത്തോ​ടെ ലോക​ത്തി​ലെ അതിധ​നി​ക​രാ​യ​വ​രിൽ ഒരുവ​നു​മാണ്‌. അയാളു​ടെ ധനം റെറന്നിസ്‌ മത്സരക്ക​ളി​ക​ളിൽ പടുത്തു​യർത്തി​യ​താണ്‌. എന്നിരു​ന്നാ​ലും തനിക്ക്‌ അമിത​മായ പ്രതി​ഫ​ല​മാണ്‌ കിട്ടു​ന്ന​തെന്ന്‌ യുവ ജർമ്മൻ അത്‌ല​ററ്‌ വിശ്വ​സി​ക്കു​ന്നു: “നിങ്ങൾ അതി​നെ​ക്കു​റിച്ച്‌ ചിന്തി​ക്കു​മ്പോൾ അത്‌ ഒരു തമാശ​യാണ്‌—വലയുടെ മീതെ ഒരു റെറന്നി​സ്‌ബോൾ അടിച്ചു​വി​ടു​ന്ന​തിന്‌ എനിക്ക്‌ എത്രയ​ധി​ക​മാണ്‌ കിട്ടു​ന്നത്‌.” പരേഡ്‌ മാഗസിൻ പറയു​ന്ന​ത​നു​സ​രിച്ച്‌ “ഇന്നത്തെ സമുദാ​യ​ത്തിൽ ആരും പട്ടിണി​കി​ട​ക്കു​ക​യോ ഭവനര​ഹി​ത​രാ​യി​രി​ക്കു​ക​യോ ചെയ്യേ​ണ്ട​തി​ല്ലാ​ത്ത​വി​ധം വളരെ​യ​ധി​കം പണമുണ്ട്‌. ആളുകൾ വ്യാജ​മൂ​ല്യ​ങ്ങൾക്ക്‌ വളരെ​യ​ധി​കം ശ്രദ്ധ​കൊ​ടു​ക്കു​ന്നു” എന്ന്‌ അയാൾ പറഞ്ഞു. (g90 5⁄22)