വർഗ്ഗത്തെ സംബന്ധിച്ച്‌ നമുക്ക​റി​യാ​വു​ന്നത്‌

ഏതാണ്ട്‌ 500 വർഷം മുമ്പ്‌ യൂറോ​പ്യൻമാർ ഭൂപര്യ​വേ​ക്ഷ​ണ​ത്തി​നാ​യി കപ്പലോ​ട്ടം നടത്തി​യ​പ്പോൾ തങ്ങൾ ഏതു തരം ആളുകളെ കണ്ടെത്തു​മെന്ന്‌ അവർ അതിശ​യി​ച്ചു. സമു​ദ്ര​ത്തി​ലൂ​ടെ ഇറങ്ങി​ച്ചെന്ന്‌ ഒററക്കൈ കൊണ്ട്‌ ഒരു കപ്പൽ ഞെരി​ച്ചു​ക​ള​യാൻ കഴിവുള്ള രാക്ഷസൻമാ​രെ​ക്കു​റി​ച്ചുള്ള ഐതീ​ഹ്യ​ങ്ങൾ ഉണ്ടായി​രു​ന്നു. തീ ഊതി​വി​ടുന്ന പട്ടിത്ത​ല​യുള്ള മനുഷ്യ​രെ​ക്കു​റി​ച്ചുള്ള കഥകളു​ണ്ടാ​യി​രു​ന്നു. കഥയിൽ പച്ചമാം​സം തിന്നു​ന്ന​വ​രും വെയി​ലേൽക്കാ​തി​രി​ക്കാൻ തണൽനൽകുന്ന ഉന്തിനിൽക്കുന്ന വലിയ ചിറി​യു​ള്ള​വ​രു​മായ “സാമൂ​ഹ്യ​വി​രു​ദ്ധരെ” അവർ കാണു​മോ? അല്ലെങ്കിൽ ആപ്പിളു​കൾ മണത്തു​കൊണ്ട്‌ ജീവിച്ച വായി​ല്ലാത്ത മനുഷ്യ​രെ അവർ കാണു​മോ? ചിറകു​ക​ളാ​യി ഉതകാൻ തക്ക വലിപ്പ​മുള്ള ചെവി​ക​ളു​ള്ള​വ​രോ തങ്ങളുടെ വലിയ ഒരു പാദത്തി​ന്റെ തണലിൽ മലർന്നു​കി​ട​ക്കു​ന്ന​വ​രോ ആയവരെ സംബന്ധി​ച്ചെന്ത്‌?

മനുഷ്യർ സമു​ദ്ര​സ​ഞ്ചാ​ര​വും പർവതാ​രോ​ഹ​ണ​വും നടത്തു​ക​യും കാടു​ക​ളി​ലൂ​ടെ നടന്നു​നീ​ങ്ങു​ക​യും ചെയ്‌തി​ട്ടുണ്ട്‌. എന്നാൽ അവർ ഒരിട​ത്തും അത്തരം വിചി​ത്ര​ജീ​വി​കളെ കണ്ടെത്തി​യി​ട്ടില്ല. പകരം, ഏറെയും തങ്ങളേ​പ്പോ​ലെ​യുള്ള ആളുകളെ കണ്ടെത്തി​യ​തിൽ പര്യ​വേ​ക്ഷകർ അതിശ​യി​ച്ചു​പോ​യി. ക്രിസ്‌റ​റഫർ കൊളം​ബസ്‌ ഇങ്ങനെ എഴുതി: “ഈ ദ്വീപു​ക​ളിൽ [വെസ്‌റ​റിൻഡീസ്‌] ഞാൻ അനേകർ പ്രതീ​ക്ഷി​ച്ച​തു​പോ​ലെ മനുഷ്യ രാക്ഷസൻമാ​രെ ഇതുവരെ കണ്ടെത്തി​യില്ല, മറിച്ച്‌, ഈ ആളുക​ളു​ടെ​യെ​ല്ലാ​മി​ട​യിൽ സൗന്ദര്യം വിലമ​തി​ക്ക​പ്പെ​ടു​ന്നുണ്ട്‌. . . . അങ്ങനെ മനുഷ്യ​മാം​സം തിന്നുന്ന ഒരു ജനത്തെ​യൊ​ഴിച്ച്‌. . .രാക്ഷസൻമാ​രെ കണ്ടെത്തു​ക​യോ അവരെ​ക്കു​റി​ച്ചുള്ള ശ്രുതി കേൾക്കു​ക​യോ ചെയ്‌തില്ല. . . അവർ മററു​ള്ള​വ​രെ​ക്കാൾ വിരൂ​പരല്ല.”

മനുഷ്യ​വർഗ്ഗത്തെ വർഗ്ഗീ​ക​രി​ക്കൽ

അങ്ങനെ, ഭൂപര്യ​വേ​ക്ഷ​ണ​ത്തോ​ടെ മനുഷ്യ വൈവി​ദ്ധ്യം യക്ഷിക്ക​ഥ​യു​ടെ​യും മിത്തി​ന്റെ​യും മണ്ഡലത്തിൽനിന്ന്‌ നീക്കം​ചെ​യ്യ​പ്പെട്ടു. മനുഷ്യ​രെ നിരീ​ക്ഷി​ക്കാ​നും പഠിക്കാ​നും കഴിഞ്ഞു. കാല​ക്ര​മ​ത്തിൽ ശാസ്‌ത്ര​ജ്ഞൻമാർ അവരെ വർഗ്ഗീ​ക​രി​ക്കാൻ ശ്രമിച്ചു.

സ്വീഡിഷ്‌ ജന്തുശാ​സ്‌ത്ര​ജ്ഞ​നായ കാരലസ്‌ ലിന്നയൂസ്‌ 1735-ൽ തന്റെ സിസ്‌റ​റമാ നാച്ചുറെ പ്രസി​ദ്ധ​പ്പെ​ടു​ത്തി. അതിൽ മനുഷ്യൻ ഹോമോ സാപ്യൻസ്‌ എന്ന്‌ നാമക​രണം ചെയ്യ​പ്പെട്ടു, അതിന്റെ അർത്ഥം “ജ്ഞാനി​യായ മനുഷ്യൻ” എന്നാണ്‌, അത്‌ ഏതെങ്കി​ലും ജാതിക്ക്‌ കൊടു​ക്ക​പ്പെ​ട്ടി​ട്ടു​ള്ള​തി​ലേ​ക്കും ഏററം ചപലമായ ഔദ്ധത്യ​ത്തോ​ടെ കൊടു​ക്ക​പ്പെട്ട നിർവ​ച​ന​മാ​യി​രി​ക്കാ​നാണ്‌ സാദ്ധ്യ​ത​യെന്ന്‌ ഒരു എഴുത്തു​കാ​രൻ പറയു​ക​യു​ണ്ടാ​യി! ലിന്നയൂസ്‌ മനുഷ്യ​വർഗ്ഗത്തെ അഞ്ച്‌ കൂട്ടങ്ങ​ളാ​യി പിരിച്ചു. അവയെ അദ്ദേഹം പിൻവ​രുന്ന പ്രകാരം വർണ്ണിച്ചു:

ആഫ്രിക്കൻ: കറുത്തവർ, കഫപ്ര​കൃ​ത​മു​ള്ളവർ, വിശ്ര​മ​പ്രി​യർ, കറുത്ത ചുരു​ളൻമു​ടി​യു​ള്ളവർ; പട്ടു​പോ​ലുള്ള ത്വക്ക്‌; പരന്ന മൂക്ക്‌ ; വീർത്ത ചുണ്ടുകൾ; ഉപായി​കൾ; അലസർ; അശ്രദ്ധർ; കൊഴു​പ്പു തേക്കുന്നു; ചാപല്യ​ത്താൽ ഭരിക്ക​പ്പെ​ടു​ന്നു.

അമേരി​ക്കൻ: ചെമ്പു​നി​റ​മു​ള്ളവർ, പിത്ത​പ്ര​കൃ​ത​മു​ള്ളവർ, നേരെ നിൽക്കു​ന്നവർ; കറുത്ത, നേരെ നിൽക്കുന്ന, ഇടതൂർന്ന മുടി​യു​ള്ളവർ; വിസ്‌തൃ​ത​മായ നാസാ​ര​ന്ധ്ര​മു​ള്ളവർ; പരുക്കൻ മുഖം; തുച്ഛമായ താടി​മീശ; ശാഠ്യ​ക്കാർ; സംതൃപ്‌ത സ്വതന്ത്രർ; നേർത്ത ചുവന്ന രേഖകൾ ശരീര​ത്തിൽ വരക്കുന്നു; ആചാര​ങ്ങ​ളാൽ ക്രമവൽക്ക​രി​ക്ക​പ്പെ​ടു​ന്നു.

ഏഷ്യാ​റ​റിക്ക്‌: ദുഃഖ​ഭാ​വ​മു​ള്ളവർ; കടുപ്പ​ക്കാർ; കറുത്ത മുടി​യു​ള്ളവർ; ഇരുണ്ട കണ്ണുക​ളു​ള്ളവർ; കഠിനർ; ഉദ്ധതർ; അത്യാ​ഗ്ര​ഹി​കൾ; അയഞ്ഞ അങ്കികൾ ഇടുന്നവർ; അഭി​പ്രാ​യ​ങ്ങ​ളാൽ ഭരിക്ക​പ്പെ​ടു​ന്നവർ.

യൂറോ​പ്യൻമാർ: സുന്ദരർ, രക്തവർണ്ണ​മു​ള്ളവർ, ദൃഢാം​ഗി​കൾ; മഞ്ഞ, തവിട്ട്‌, നിറത്തിൽ നീണ്ട മുടി​യു​ള്ളവർ; നീലക്ക​ണ്ണു​ള്ളവർ; ശാന്തർ, സൂക്ഷ്‌മ​ബു​ദ്ധി​യു​ള്ളവർ, കണ്ടുപി​ടു​ത്ത​ത്തിൽ സമർത്ഥർ. ഒതുങ്ങിയ വസ്‌ത്രം ധരിക്കു​ന്നവർ; നിയമ​ങ്ങ​ളാൽ ഭരിക്ക​പ്പെ​ടു​ന്നവർ.

കാട്ടു​മ​നു​ഷ്യൻ: നാൽക്കാ​ലി​കൾ, മൂകർ, രോമാ​വൃ​തർ.

ലിന്നയൂസ്‌ മനുഷ്യ​വർഗ്ഗത്തെ ജനിത​ക​മാ​യി ആർജ്ജിച്ച ലക്ഷണങ്ങ​ള​നു​സ​രിച്ച്‌ (ത്വക്കിന്റെ നിറം, മുടി​യു​ടെ ഘടന മുതലാ​യവ) വർഗ്ഗീ​ക​രി​ച്ചു​വെ​ന്നി​രി​ക്കെ, അദ്ദേഹം മുൻവി​ധി​യോ​ടു​കൂ​ടിയ വ്യക്തി​ത്വ​വി​ല​യി​രു​ത്ത​ലും നടത്തി​യ​താ​യി ശ്രദ്ധി​ക്കുക. യൂറോ​പ്യൻമാർ “ശാന്തരും സൂക്ഷ്‌മ​ബു​ദ്ധി​ക​ളും കണ്ടുപി​ടു​ത്ത​ത്തിൽ സമർത്ഥരു”മാണെന്ന്‌ തറപ്പി​ച്ചു​പ​റ​യു​ക​യും അതേസ​മയം ഏഷ്യാ​റ​റി​ക്കു​കളെ “കഠിന​രും ഉദ്ധതരും അത്യാ​ഗ്ര​ഹി​കളു”മായും ആഫ്രി​ക്ക​ക്കാ​രെ “ഉപായി​ക​ളും അലസരും അശ്രദ്ധരു”മായും വരച്ചു​കാ​ട്ടു​ക​യും ചെയ്‌തു!

എന്നാൽ ലിന്നയൂ​സിന്‌ തെററു​പ​റ​റി​യി​രു​ന്നു. അങ്ങനെ​യുള്ള വ്യക്തിത്വ ലക്ഷണങ്ങൾക്ക്‌ ആധുനിക വർഗ്ഗീ​ക​ര​ണ​ത്തിൽ സ്ഥാനമില്ല, കാരണം ഓരോ മനുഷ്യ ജനസമൂ​ഹ​ത്തി​ലും പ്രകൃ​ത​ങ്ങ​ളു​ടെ ഒരേ വൈവി​ദ്ധ്യ​വും അതു​പോ​ലെ​തന്നെ ബുദ്ധി​ശ​ക്തി​യു​ടെ സമാന​മായ വ്യാപ്‌തി​യു​മു​ണ്ടെന്ന്‌ ഗവേഷണം പ്രകട​മാ​ക്കി​യി​രി​ക്കു​ന്നു. മററു വാക്കു​ക​ളിൽ പറഞ്ഞാൽ, നാം ഓരോ ജനവർഗ്ഗ​ത്തി​ലും ഗുണപ​ര​വും നിഷേ​ധാ​ത്മ​ക​വു​മായ ഗുണങ്ങൾ കണ്ടെത്തു​ന്നു.

ആധുനിക രീതികൾ മിക്ക​പ്പോ​ഴും മനുഷ്യ​രെ കർശന​മാ​യി ശാരീ​രിക വ്യത്യാ​സ​ങ്ങളെ അടിസ്ഥാ​ന​പ്പെ​ടു​ത്തി മൂന്നു കൂട്ടങ്ങ​ളാ​യി തരംതി​രി​ക്കു​ന്നു: (1) വെള്ളക്കാർ, സുന്ദര​മായ ത്വക്കും നേരെ​യു​ള്ള​തോ തരംഗി​ത​മോ ആയ മുടി​യു​മു​ള്ളവർ; (2) മംഗോ​ളി​യൻവർഗ്ഗം, മഞ്ഞനി​റ​മുള്ള ത്വക്കും കണ്ണുകൾക്കു ചുററും നേത്ര​പ​ര്യ​ന്തോ​പരി മടക്കു​ക​ളു​മു​ള്ളവർ; (3) നീഗ്രോ വർഗ്ഗം, കറുത്ത ത്വക്കും കമ്പിളി​പോ​ലുള്ള മുടി​യു​മു​ള്ളവർ. എന്നാൽ എല്ലാവ​രും ഈ വർഗ്ഗങ്ങ​ളി​ലൊ​ന്നി​നോട്‌ ഭംഗി​യാ​യി യോജി​ക്കു​ന്നില്ല.

ദൃഷ്ടാ​ന്ത​ത്തിന്‌, ദക്ഷിണാ​ഫ്രി​ക്ക​യി​ലെ സാനി​നും കോയ്‌കോ​യി​ക്കും ചെമ്പു​നി​റ​മുള്ള ത്വക്കും കമ്പിളി​പോ​ലുള്ള മുടി​യും മംഗോ​ളി​യൻമാ​തൃ​ക​യി​ലുള്ള മുഖ ലക്ഷണങ്ങ​ളു​മുണ്ട്‌. ചില ഇൻഡ്യൻ ജനവർഗ്ഗ​ങ്ങൾക്ക്‌ കറുത്ത ത്വക്കും എന്നാൽ വെള്ളക്കാ​രു​ടെ മുഖസ​വി​ശേ​ഷ​ത​ക​ളു​മാ​ണു​ള്ളത്‌. ആസ്‌​ത്രേ​ലി​യൻ ആദിവാ​സി​കൾക്ക്‌ കറുത്ത ത്വക്കുണ്ട്‌, എന്നാൽ അവരുടെ കമ്പിളി​പോ​ലുള്ള മുടിക്ക്‌ മിക്ക​പ്പോ​ഴും ധവളവർണ്ണ​മാ​ണു​ള്ളത്‌. ചില മംഗോ​ളി​യൻ വർഗ്ഗക്കാർക്ക്‌ വെള്ളക്കാ​രു​ടേ​തു​പോ​ലെ​യുള്ള കണ്ണാണു​ള്ളത്‌. വ്യക്തമായ വിഭജ​ന​രേഖ സ്ഥിതി​ചെ​യ്യു​ന്നില്ല.

ഈ പ്രശ്‌നങ്ങൾ ചില നരവംശ ശാസ്‌ത്ര​ജ്ഞൻമാർ മനുഷ്യ​വർഗ്ഗത്തെ തരംതി​രി​ക്കാ​നുള്ള ശ്രമങ്ങൾ ഉപേക്ഷി​ക്കാ​നും “വർഗ്ഗം” എന്ന പദത്തിന്‌ ശാസ്‌ത്രീ​യ​മായ അർത്ഥമോ മൂല്യ​മോ ഇല്ലെന്ന്‌ തറപ്പി​ച്ചു​പറ​യാ​നു​മി​ട​യാ​ക്കി​യി​രി​ക്കു​ന്നു.

യുനെ​സ്‌ക്കോ പ്രഖ്യാ​പ​ന​ങ്ങൾ

ഒരുപക്ഷേ വർഗ്ഗത്തെ സംബന്ധിച്ച ഏററവും പ്രാമാ​ണി​ക​മായ ശാസ്‌ത്രീയ പ്രഖ്യാ​പ​നങ്ങൾ യൂനെ​സ്‌ക്കോ (ഐക്യ​രാ​ഷ്‌ട്ര, വിദ്യാ​ഭ്യാ​സ, ശാസ്‌ത്രീയ, സാംസ്‌കാ​രിക സംഘടന) വിളി​ച്ചു​കൂ​ട്ടിയ ഒരു കൂട്ടം വിദഗ്‌ദ്ധർ നടത്തി​യ​വ​യാണ്‌. 1950, 1951, 1964, 1967, എന്നീ വർഷങ്ങ​ളിൽ മീററിം​ഗു​കൾ നടത്ത​പ്പെട്ടു, അവയിൽ നരവംശ ശാസ്‌ത്ര​ജ്ഞൻമാ​രു​ടെ​യും ജന്തുശാ​സ്‌ത്ര​ജ്ഞൻമാ​രു​ടെ​യും ഡോക്ടർമാ​രു​ടെ​യും ശരീര ശാസ്‌ത്ര​ജ്ഞൻമാ​രു​ടെ​യും ഒരു അന്താരാ​ഷ്‌ട്ര ഗണവും മററു ചിലരും സംയു​ക്ത​മാ​യി വർഗ്ഗത്തെ സംബന്ധിച്ച്‌ നാലു പ്രസ്‌താ​വ​ന​ക​ളി​റക്കി. ഒടുവി​ലത്തെ പ്രസ്‌താ​വന ചുവടെ ചേർക്കുന്ന മൂന്ന്‌ പോയിൻറു​കൾ ഊന്നി​പ്പ​റഞ്ഞു:

എ ഇന്നു ജീവി​ക്കുന്ന സകല മനുഷ്യ​രും ഒരേ ജാതി​യിൽ പെട്ടവ​രും ഒരേ കുടും​ബ​ത്തിൽനിന്ന്‌ ഉത്ഭവി​ക്കു​ന്ന​വ​രു​മാണ്‌.” ഈ പോയിൻറ്‌ അതി​നെ​ക്കാൾ പ്രമു​ഖ​മായ ഒരു പ്രമാ​ണ​ത്താൽ സ്ഥിരീ​ക​രി​ക്ക​പ്പെ​ട്ടി​രി​ക്കു​ന്നു. ബൈബിൾ പറയുന്നു: “മുഴു ഭൂതല​ത്തി​ലും വസിക്കു​ന്ന​തിന്‌ [ദൈവം] ഒരു മനുഷ്യ​നിൽനിന്ന്‌ [ആദാം] സകല മനുഷ്യ ജനത​യെ​യും നിർമ്മി​ച്ചു.”—പ്രവൃ​ത്തി​കൾ 17:26.

യുനെ​സ്‌ക്കോ പ്രസ്‌താ​വന ഇങ്ങനെ തുടരു​ന്നു:

ബി മനുഷ്യ​ജാ​തി​യു​ടെ വർഗ്ഗങ്ങ​ളാ​യുള്ള തിരിക്കൽ ഭാഗി​ക​മാ​യി പരമ്പരാ​ഗ​ത​വും ഭാഗി​ക​മാ​യി സ്വേച്ഛാ​പ​ര​വു​മാണ്‌, ഏതെങ്കി​ലും സ്ഥാനാ​നു​ക്ര​മത്തെ സൂചി​പ്പി​ക്കു​ന്നു​മില്ല. . . .

സി “നിലവി​ലുള്ള ജീവശാ​സ്‌ത്ര​പ​ര​മായ അറിവ്‌ സാംസ്‌കാ​രി​ക​നേ​ട്ടങ്ങൾ ജനിത​ക​പ്രാ​പ്‌തി​യി​ലെ വ്യത്യാ​സങ്ങൾ നിമി​ത്ത​മാ​ണെന്ന്‌ ആരോ​പി​ക്കാൻ നമ്മെ അനുവ​ദി​ക്കു​ന്നില്ല. വ്യത്യ​സ്‌ത​ജ​ന​ങ്ങ​ളു​ടെ നേട്ടങ്ങ​ളി​ലെ വ്യത്യാ​സങ്ങൾ മുഴു​വ​നാ​യും അവരുടെ സാംസ്‌കാ​രിക ചരി​ത്ര​ത്തി​ന്റേ​താ​യി ആരോ​പി​ക്ക​പ്പെ​ടേ​ണ്ട​താണ്‌. ഇന്നത്തെ ലോക​ത്തി​ലെ ജനങ്ങൾക്ക്‌ നാഗരി​ക​ത​യു​ടെ ഏതു തലത്തി​ലു​മെ​ത്തു​ന്ന​തിന്‌ ജീവശാ​സ്‌ത്ര​പ​ര​മായ തുല്യ​പ്രാ​പ്‌തി​ക​ളു​ള്ള​താ​യി കാണ​പ്പെ​ടു​ന്നു.”

വർഗ്ഗീ​യ​ത​യാ​കുന്ന ബാധ

ഏതെങ്കി​ലും വർഗ്ഗത്തിന്‌ മറെറാ​ന്നി​നെ ഭരിക്കാൻ അവകാ​ശ​മു​ണ്ടെ​ന്നോ ഒന്നു മറെറാ​ന്നി​നെ​ക്കാൾ സഹജമാ​യി മികച്ച​താ​ണെ​ന്നോ വിശ്വ​സി​ക്കു​ന്ന​തിന്‌ അടിസ്ഥാ​ന​മില്ല. എന്നാൽ ആളുകൾ എല്ലായ്‌പ്പോ​ഴും വസ്‌തു​ത​കൾക്ക​നു​യോ​ജ്യ​മാ​യി പ്രവർത്തി​ച്ചി​ട്ടില്ല. ദൃഷ്ടാ​ന്ത​ത്തിന്‌, ആഫ്രിക്കൻ അടിമ​വ്യാ​പാ​ര​ത്തി​ന്റെ കാര്യം പരിഗ​ണി​ക്കുക.

യൂറോ​പ്യൻ രാഷ്‌ട്രങ്ങൾ കൊ​ളോ​ണി​യൽ സാമ്രാ​ജ്യ​ങ്ങൾ കെട്ടി​പ്പ​ടു​ക്കാൻ തുടങ്ങി​യ​പ്പോൾ അവർക്ക്‌ നാട്ടു​കാ​രെ ചൂഷണം​ചെ​യ്യു​ന്നത്‌ സാമ്പത്തി​ക​മാ​യി ലാഭക​ര​മാ​യി​രു​ന്നു. എന്നാൽ ഇവിടെ ഒരു വിരോ​ധാ​ഭാ​സ​മു​ണ്ടാ​യി​രു​ന്നു. ദശലക്ഷ​ക്ക​ണ​ക്കിന്‌ ആഫ്രി​ക്ക​ക്കാർ തങ്ങളുടെ ഭവനങ്ങ​ളിൽനിന്ന്‌ വലിച്ചി​ഴ​ക്ക​പ്പെ​ടു​ക​യും തങ്ങളുടെ പ്രിയ​പ്പെ​ട്ട​വ​രിൽനിന്ന്‌ പറിച്ചു​മാ​റ​റ​പ്പെ​ടു​ക​യും ചങ്ങലയി​ട​പ്പെ​ടു​ക​യും ചാട്ട​കൊണ്ട്‌ അടിക്ക​പ്പെ​ടു​ക​യും ചൂടി​രു​മ്പു​കൊണ്ട്‌ പൊള്ളി​ച്ച​ട​യാ​ള​മി​ട​പ്പെ​ടു​ക​യും മൃഗങ്ങ​ളെ​പ്പോ​ലെ വിൽക്ക​പ്പെ​ടു​ക​യും അവർ മരിക്കുന്ന ദിവസം വരെയും യാതൊ​രു ശമ്പളവും കൊടു​ക്കാ​തെ പണി​ചെ​യ്യാൻ നിർബ​ന്ധി​ക്ക​പ്പെ​ടു​ക​യും ചെയ്‌തു. ക്രിസ്‌തീ​യ​മെന്ന്‌ അവകാ​ശ​പ്പെ​ട്ട​തും തങ്ങളുടെ അയൽക്കാ​രനെ തങ്ങളെ​പ്പോ​ലെ​തന്നെ സ്‌നേ​ഹി​ക്കു​ന്ന​താ​യി സങ്കൽപ്പി​ക്ക​പ്പെ​ട്ട​തു​മായ രാഷ്‌ട്ര​ങ്ങൾക്ക്‌ ഇതിനെ ധാർമ്മി​ക​മാ​യി എങ്ങനെ ന്യായീ​ക​രി​ക്കാൻ കഴിയു​മാ​യി​രു​ന്നു?—ലൂക്കോസ്‌ 10:27

അവർ തെര​ഞ്ഞെ​ടുത്ത പരിഹാ​രം തങ്ങളുടെ ഇരകളെ നിർമാ​ന​വീ​ക​രി​ക്കു​യെ​ന്ന​താ​യി​രു​ന്നു. ഇത്‌ 1840കളിലെ ഒരു നരവംശ ശാസ്‌ത്ര​ജ്ഞന്റെ ന്യായ​വാ​ദ​മാ​യി​രു​ന്നു.

“നീ​ഗ്രോ​യും ആസ്‌​ത്രേ​ലി​യ​നും നമ്മുടെ സഹജീ​വി​ക​ളും നമ്മുടെ ഏക കുടും​ബ​ത്തിൽപെ​ട്ട​വ​രു​മാ​യി​രി​ക്കാ​തെ ഒരു ഹീനവർഗ്ഗ​ത്തിൽപ്പെ​ട്ട​വ​രാ​ണെ​ങ്കിൽ, ക്രിസ്‌തീയ ലോക​ത്തി​ന്റെ ധാർമ്മി​കത അടിസ്ഥാ​ന​പ്പെ​ട്ടി​രി​ക്കുന്ന ക്രിയാ​ത്മക കല്‌പ​ന​ക​ളി​ലൊ​ന്നി​ലും . . . അവരോ​ടുള്ള നമ്മുടെ കടമകൾ വിചി​ന്തനം ചെയ്യ​പ്പെ​ടു​ന്നു​മി​ല്ലെ​ങ്കിൽ, ഈ ഗോ​ത്ര​ങ്ങ​ളോ​ടുള്ള നമ്മുടെ ബന്ധങ്ങൾ നമ്മളും വാലി​ല്ലാ​ക്കു​ര​ങ്ങു​ക​ളു​ടെ ഒരു വർഗ്ഗവു​മാ​യു​ള്ള​താ​യി സങ്കൽപ്പി​ക്ക​പ്പെ​ടാ​വുന്ന ബന്ധങ്ങളിൽനിന്ന്‌ വളരെ വ്യത്യാ​സ​മി​ല്ലാ​ത്ത​താ​യി തോന്നും.”

വെള്ളക്കാ​ര​ല്ലാ​ത്ത ആളുകൾ അധമ മനുഷ്യ​രാ​ണെ​ന്നുള്ള ആശയത്തിന്‌ പിന്തുണ തേടി​യവർ ഡാർവി​ന്റെ പരിണാമ സിദ്ധാ​ന്തത്തെ കയറി​പ്പി​ടി​ച്ചു. കോള​ണി​ക​ളി​ലെ ആളുകൾ പരിണാമ ഗോവ​ണി​യിൽ വെള്ളക്കാ​രെ​ക്കാൾ താണ ഒരു പടിയി​ലാ​ണെന്ന്‌ അവർ വാദിച്ചു. വെള്ളക്കാ​ര​ല്ലാ​ത്തവർ ഒരു വ്യത്യസ്‌ത പരിണാമ പ്രക്രി​യ​യു​ടെ ഫലമാ​ണെ​ന്നും പൂർണ്ണ​മാ​യും മനുഷ്യ​ര​ല്ലെ​ന്നും മററു ചിലർ അവകാ​ശ​പ്പെട്ടു. മററു ചിലർ തങ്ങളുടെ വർഗ്ഗീയ വീക്ഷണ​ങ്ങളെ പിന്താ​ങ്ങു​ന്ന​തിന്‌ തിരു​വെ​ഴു​ത്തു​കളെ വളച്ചൊ​ടി​ച്ചു​കൊണ്ട്‌ ബൈബി​ളി​നെ ഉദ്ധരിച്ചു.

തീർച്ച​യാ​യും, അനേകർ ഈ ചിന്തയെ അപ്പാടെ വിഴു​ങ്ങി​യില്ല. ലോക​ത്തി​ലെ മിക്ക രാഷ്‌ട്ര​ങ്ങ​ളി​ലും അടിമ​ത്വം നിർത്ത​ലാ​ക്ക​പ്പെ​ട്ടി​രു​ന്നു. എന്നാൽ വിവേ​ച​ന​വും മുൻവി​ധി​യും വർഗ്ഗീയ വാദവും തുടരു​ക​യും ആളുക​ളു​ടെ ഭാവന​യിൽ മാത്രം വർഗ്ഗങ്ങ​ളാ​യി​രുന്ന വംശീയ സമൂഹ​ങ്ങ​ളി​ലേക്ക്‌ പടരു​ക​യും ചെയ്‌തു. ഒരു ജന്തുശാ​സ്‌ത്ര പ്രൊ​ഫസ്സർ ഇങ്ങനെ പറഞ്ഞു: “തന്റെ മോഹ​ചി​ന്തക്ക്‌ അനു​യോ​ജ്യ​മാ​കു​മാറ്‌ വർഗ്ഗങ്ങൾ സൃഷ്ടി​ക്കാൻ ഏതൊ​രാൾക്കും അവകാ​ശ​മു​ണ്ടെന്ന്‌ തോന്നു​മെ​ന്നു​ള്ള​തി​നാൽ രാഷ്‌ട്രീ​യ​ക്കാ​രും പ്രത്യേക അഭിഭാ​ഷ​ക​രും ശുദ്ധ സാഹസി​ക​രും വർഗ്ഗ തരംതി​രി​ക്ക​ലിൽ ഏർപ്പെ​ട്ടി​രി​ക്കു​ന്നു. തങ്ങളുടെ ഇഷ്ടധാ​ര​ണ​കൾക്കും മുൻവി​ധി​കൾക്കും ‘ശാസ്‌ത്രീയ മാന്യ​ത​യു​ടെ ഒരു പ്രഭ കൊടു​ക്കു​ന്ന​തിന്‌ അവർ പുറം​പ​കി​ട്ടുള്ള വർഗ്ഗീയ ലേബലു​കൾ കണ്ടുപി​ടി​ച്ചു.”

നാസി ജർമ്മനി​യു​ടെ വർഗ്ഗീയ നയങ്ങൾ ഒരു മുഖ്യ ദൃഷ്ടാ​ന്ത​മാ​യി നില​കൊ​ള്ളു​ന്നു. അഡോൾഫ്‌ ഹിററ്‌ലർ ആര്യൻവർഗ്ഗത്തെ പ്രകീർത്തി​ച്ചെ​ങ്കി​ലും ജീവശാ​സ്‌ത്ര​പ​ര​മാ​യി അങ്ങനെ​യൊ​ന്നില്ല. ഒരിക്ക​ലും ഉണ്ടായി​രു​ന്നി​ട്ടു​മില്ല. സ്വീഡ​നിൽ ധവളനി​റ​വും നീലനി​റ​വു​മുള്ള കണ്ണുക​ളോ​ടു​കൂ​ടിയ യഹൂദൻമാ​രുണ്ട്‌, എത്യോ​പ്യ​യിൽ കറുത്ത യഹൂദൻമാ​രുണ്ട്‌. ചൈന​യിൽ മംഗോ​ളി​യൻസ​മാന യഹൂദൻമാ​രുണ്ട്‌. എന്നിരു​ന്നാ​ലും, യഹൂദൻമാ​രും മററു ചിലരും ഒരു വർഗ്ഗീയ നയത്തിന്റെ ഇരകളാ​യി​രു​ന്നു. ആ നയം തടങ്കൽപാ​ള​യ​ങ്ങ​ളി​ലേ​ക്കും ഗാസ്‌ ചേമ്പറു​ക​ളി​ലേ​ക്കും അറുപതു ലക്ഷം യഹൂദൻമാ​രു​ടെ​യും പോള​ണ്ടിൽനി​ന്നും സോവ്യ​ററ്‌ യൂണി​യ​നിൽനി​ന്നു​മുള്ള സ്ലാവുകൾ പോ​ലെ​യുള്ള മററു ജനങ്ങളു​ടെ​യും മരണത്തി​ലേ​ക്കും നയിച്ചു. (g90 12⁄8)

[5-ാം പേജിലെ ആകർഷ​ക​വാ​ക്യം]

ഓരോ മനുഷ്യ സമൂഹ​ത്തി​ലും ബുദ്ധി​ശ​ക്തി​യു​ടെ ഒരേ വൈവി​ദ്ധ്യ​മു​ണ്ടെന്ന്‌ ശാസ്‌ത്രീയ ഗവേഷണം തെളി​യി​ച്ചി​ട്ടുണ്ട്‌.

[6-ാം പേജിലെ ആകർഷ​ക​വാ​ക്യം]

‘രാഷ്‌ട്രീ​യ​ക്കാ​രും പ്രത്യേക അഭിഭാ​ഷ​ക​രും ശുദ്ധ സാഹസി​ക​രും തങ്ങളുടെ ഇഷ്ടധാ​ര​ണ​കൾക്കും മുൻവി​ധി​കൾക്കും “ശാസ്‌ത്രീയ” മാന്യ​ത​യു​ടെ ഒരു പ്രഭ കൊടു​ക്കു​ന്ന​തിന്‌ പുറം​പ​കി​ട്ടുള്ള വർഗ്ഗീയ ലേബലു​കൾ കണ്ടുപി​ടി​ച്ചു.’

[7-ാം പേജിലെ ചിത്രങ്ങൾ]

ഈ നോട്ടീ​സു​കൾ പ്രകട​മാ​ക്കുന്ന പ്രകാരം, ആഫ്രി​ക്ക​ക്കാർ കന്നുകാ​ലി​ക​ളാ​യി​രി​ക്കു​ന്ന​തു​പോ​ലെ, പരസ്യം ചെയ്യ​പ്പെ​ടു​ക​യും വിൽക്ക​പ്പെ​ടു​ക​യും​ചെ​യ്‌തു