കാനറി​പ്പ​ക്ഷി​കൾ ചാകു​മ്പോൾ

കാനറി​പ്പ​ക്ഷി​കൾ മനുഷ്യ​രെ അപേക്ഷിച്ച്‌ വിഷവാ​ത​ക​ങ്ങ​ളോട്‌ കൂടുതൽ സംവേ​ദ​ക​ത്വ​മു​ള്ള​വ​യാണ്‌. ഈ കാരണ​ത്താൽ കഴിഞ്ഞ കാലങ്ങ​ളിൽ കൽക്കരി​ഖ​ന​ന​ക്കാർ അപകട​ക​ര​മായ വിഷവാ​ത​ക​ങ്ങ​ളു​ടെ സാന്നി​ദ്ധ്യം കണ്ടുപി​ടി​ക്കു​ന്ന​തി​നുള്ള മാർഗ്ഗ​മെ​ന്ന​നി​ല​യിൽ കൂട്ടി​ലടച്ച ഒരു കാനറി​യെ ഖനിയി​ലേക്കു കൊണ്ടു​പോ​കു​മാ​യി​രു​ന്നു. കാനറി​പ്പ​ക്ഷി​യു​ടെ മരണത്താൽ ജാഗരൂ​ക​രാ​ക്ക​പ്പെട്ട്‌, ഖനി യഥോ​ചി​തം വായൂ​സ​ഞ്ചാ​ര​യോ​ഗ്യ​മാ​ക്കു​ന്ന​തു​വരെ ആപത്തൊ​ഴി​വാ​ക്കാൻ ഖനനക്കാർക്ക്‌ കഴിഞ്ഞു. ഈ പശ്ചാത്തലം മനസ്സിൽവെച്ച്‌ ഒരുവന്‌ കാനഡാ​യി​ലെ ഒരു വിഖ്യാത ശാസ്‌ത്ര​ജ്ഞ​നായ ഡോ. ഡേവിഡ്‌ സുസു​ക്കി​യു​ടെ നിരീ​ക്ഷ​ണങ്ങൾ മെച്ചമാ​യി ഗ്രഹി​ക്കാൻ കഴിയും.

നമ്മുടെ ഭൂഗ്ര​ഹ​ത്തി​ന്റെ, പ്രത്യ​ക്ഷ​ത്തിൽ ആസന്നമായ മരണ​ത്തോ​ടുള്ള ബന്ധത്തിൽ അദ്ദേഹം പിൻവ​രുന്ന ദൃഷ്ടാന്തം ഉപയോ​ഗി​ച്ചു: “ഒരു കൽക്കരി​ഖ​ന​ന​ക്കാ​രൻ കാനറി​പ്പ​ക്ഷി​യെ ഖനിയി​ലേക്ക്‌ കൊണ്ടു​പോ​കു​ക​യും കാനറി ചത്തുവീ​ഴു​ക​യും ചെയ്‌ത​പ്പോൾ അയാൾ ഇങ്ങനെ പറഞ്ഞില്ല: ‘ഓ, ആ പക്ഷി ചത്തെ​ന്നേ​യു​ള്ളു, എന്നാൽ ഞാനൊ​രു പക്ഷിയ​ല്ല​ല്ലൊ.’ കാനറി​പ്പക്ഷി ചത്തുവീ​ണ​തി​ന്റെ കാരണം അത്‌ അതേ വായു പങ്കിടു​ക​യാ​യി​രു​ന്നു എന്നതാണ്‌.”

അദ്ദേഹം തുടർന്ന്‌ ഇങ്ങനെ കൂട്ടി​ച്ചേർത്തു: “22 വെള്ള തിമിം​ഗ​ലങ്ങൾ സെൻറ്‌ ലോറൻസ്‌ കടലി​ടു​ക്കിൽ ചാകു​ന്ന​തും അവയെ സ്‌പർശി​ക്കു​ന്ന​തിന്‌ നിങ്ങൾ കൈയു​റ​ക​ളും മുഖം​മൂ​ടി​യും ധരി​ക്കേ​ണ്ട​താ​വ​ശ്യ​മാ​ക്കി​ത്തീർക്കത്തക്ക​വി​ധം വിഷജന്യ രാസപ​ദാർത്ഥ​ങ്ങൾകൊണ്ട്‌ അവ അത്ര നിറഞ്ഞി​രി​ക്കു​ന്ന​തും നിങ്ങൾ കാണു​മ്പോൾ, 10 വർഷങ്ങൾക്കു​ള്ളിൽ ക്യൂബ​ക്കി​ലെ പഞ്ചസാര മരക്കാ​ടു​കൾ മൃതമാ​യി​ത്തീ​രും എന്ന്‌ ആളുകൾ നമ്മോടു പറയു​മ്പോൾ, മണിക്കൂ​റിൽ രണ്ടു ജീവഗ​ണ​ങ്ങൾവീ​തം വംശവി​ച്‌ഛേ​ദ​ന​ത്തി​ലേക്ക്‌ പോകു​ന്നു എന്നും 10,000 കടൽനാ​യ്‌ക്കൾ ഉത്തര കടലിൽ ചത്തടി​ഞ്ഞ​തെ​ന്തു​കൊ​ണ്ടെന്ന്‌ അവർക്ക​റി​ഞ്ഞു​കൂ​ടെ​ന്നും ആളുകൾ നമ്മോടു പറയു​മ്പോൾ തീർച്ച​യാ​യും . . . അവ കാനറി​പ്പ​ക്ഷി​ക​ളാണ്‌. നാം ആ ജീവി​ക​ളെ​പ്പോ​ലെ അതേ പരിസ്ഥി​തി​യി​ലല്ല എന്ന്‌ നമ്മൾ ചിന്തി​ച്ചാൽ നാം മണ്ടൻമാ​രാണ്‌.”

ഈ “കാനറി​കൾക്ക്‌” രാഷ്‌ട്രീ​യ​ക്കാർ ഒട്ടും ശ്രദ്ധ കൊടു​ക്കു​ക​യി​ല്ലെ​ന്നും വൻതോ​തിൽ കുട്ടികൾ മരിക്കാൻ തുടങ്ങു​ന്ന​തു​വരെ സാഹച​ര്യ​ത്തി​ന്റെ ഗൗരവം കാണു​ക​യി​ല്ലെ​ന്നു​മുള്ള വസ്‌തു​ത​യെ​ക്കു​റിച്ച്‌ ഡോ. സുസുക്കി വിലപി​ക്കു​ന്നു. അദ്ദേഹം പറയുന്നു: “അപ്പോൾ നാം നമ്മുടെ കുട്ടികൾ കാനറി​പ്പ​ക്ഷി​ക​ളാ​യി​രി​ക്കു​ന്ന​തിന്‌ അനുവ​ദി​ക്കാൻ പോകു​ക​യാ​ണോ?”

സത്യ​ക്രി​സ്‌ത്യാ​നി​കൾ തല്‌പ​ര​രാ​ണെ​ങ്കി​ലും നിരാ​ശ​പ്പെ​ടു​ന്നില്ല. യഹോവ, ഭൂമി​യു​ടെ സ്രഷ്ടാവ്‌, “അതിനെ വെറുതെ വ്യർത്ഥ​മാ​യിട്ട്‌ സൃഷ്ടി​ക്കാ​ത്തവൻ നിവസി​ക്ക​പ്പെ​ടു​ന്ന​തിന്‌ അതിനെ രൂപ​പ്പെ​ടു​ത്തി​യവൻ,” നമ്മുടെ പരിസ്ഥി​തി​യെ ചവുട്ടി മെതി​ക്കു​ന്ന​തിൽ തുടരാൻ ഹ്രസ്വ​ദൃ​ക്കു​ക​ളും അത്യാ​ഗ്ര​ഹി​ക​ളു​മായ മനുഷ്യ​രെ അനിശ്ചി​ത​കാ​ല​ത്തോ​ളം അനുവ​ദി​ക്കു​ക​യില്ല. അവന്റെ വചനമായ ബൈബി​ളിൽ, “ഭൂമിയെ നശിപ്പി​ക്കു​ന്ന​വരെ നശിപ്പി​ക്കു”മെന്ന്‌ അവൻ വാഗ്‌ദാ​നം ചെയ്യുന്നു.—യെശയ്യാവ്‌ 45:18; വെളി​പ്പാട്‌ 11:18. NW. (g91 1/22)