യഥാർത്ഥ​ത്തി​ലുള്ള നിങ്ങളെ കണ്ടെത്തൽ

ഒരു മുഖക്ക​ണ്ണാ​ടി​യിൽ നോക്കു​മ്പോൾ നിങ്ങൾ എന്താണ്‌ കാണു​ന്നത്‌? നിങ്ങളു​ടെ​തന്നെ പ്രതി​ബിം​ബം. എന്നാൽ യഥാർത്ഥ​ത്തിൽ നിങ്ങൾ ആരാ​ണെന്ന്‌ അതു നിങ്ങ​ളോ​ടു പറയു​ന്നു​വോ? ഒരു വ്യക്തി​യെന്ന നിലയിൽ മററു​ള്ളവർ നിങ്ങളെ അറിയു​ന്ന​തെ​ങ്ങ​നെ​യാ​യി​രു​ന്നേക്കാ​മെന്ന്‌ അതു നിങ്ങ​ളോ​ടു പറയു​ന്നു​ണ്ടോ? നിങ്ങൾ ആരാ​ണെന്ന്‌ നിങ്ങൾക്ക്‌ യഥാർത്ഥ​ത്തിൽ അറിയാ​മോ? തുടക്ക​ത്തിൽ നിങ്ങളു​ടെ വ്യക്തി​പ​ര​മായ പെരു​മാ​റ​റ​രീ​തി സ്ഥിരീ​ക​രി​ക്ക​പ്പെ​ട്ടത്‌ എങ്ങനെ​യാ​ണെന്ന്‌ നിങ്ങൾക്ക​റി​യാ​മോ? അതെ, ഒരു വ്യക്തി​യെന്ന നിലയിൽ നിങ്ങൾ എങ്ങനെ​യാണ്‌ വികാസം പ്രാപി​ച്ചത്‌?

നിങ്ങളു​ടെ വ്യക്തി​ത്വ​ത്തെ രൂപ​പ്പെ​ടു​ത്തിയ എല്ലാ ഘടകങ്ങ​ളും ഒന്ന്‌ അപഗ്ര​ഥി​ക്കാൻ നിങ്ങൾ ഒരു നിമി​ഷ​മെ​ടു​ക്കു​ക​യാ​ണെ​ങ്കിൽ മററു വ്യക്തി​ക​ളാ​ലോ മററു ഘടകങ്ങ​ളാ​ലോ അനേകം സ്വാധീ​നങ്ങൾ നിങ്ങളു​ടെ​മേൽ അടി​ച്ചേൽപ്പി​ക്ക​പ്പെട്ടു എന്ന്‌ നിങ്ങൾ തിരി​ച്ച​റി​ഞ്ഞേ​ക്കാം. ബാല്യ​കാ​ല​ത്തി​ലെ നമ്മുടെ വളർച്ച​യു​ടെ വർഷങ്ങ​ളിൽ നമ്മുടെ സ്വന്തം ശീലങ്ങ​ളും രീതി​ക​ളും സ്ഥാപി​ക്കുന്ന കാര്യ​ത്തിൽ നമുക്ക്‌ കാര്യ​മാ​യി ഒന്നും തന്നെ ചെയ്യാ​നി​ല്ലാ​യി​രു​ന്നു. അതു​കൊണ്ട്‌ നമ്മു​ടെ​മേൽ കെട്ടി​യേൽപ്പി​ക്ക​പ്പെട്ട വ്യക്തിത്വ രൂപീ​ക​ര​ണ​ത്തി​ന്റെ ഈ സ്വാധീ​നങ്ങൾ നമുക്ക്‌ ഒന്നു പരി​ശോ​ധി​ക്കാം—അവയിൽ ചിലതാ​കട്ടെ നിങ്ങളു​ടെ സ്വന്തം പെരു​മാ​ററം സംബന്ധിച്ച്‌ എന്തെങ്കി​ലും ചെയ്യാൻ നിങ്ങൾക്ക്‌ അവസരം ലഭിക്കു​ന്ന​തിന്‌ വളരെ മുമ്പേ​യു​ള്ള​വ​യാ​യി​രു​ന്നു.

പാരമ്പ​ര്യ​ഗു​ണങ്ങൾ വലിയ പങ്കുവ​ഹി​ക്കു​ന്നു

പാരമ്പ​ര്യ​ഗു​ണങ്ങൾ നിങ്ങളെ എത്ര​ത്തോ​ളം ബാധി​ച്ചി​ട്ടുണ്ട്‌? പരമ്പരാ​ഗത സവി​ശേ​ഷ​തകൾ കൈമാ​ററം ചെയ്യുന്ന ക്രോ​മോ​സോ​മു​ക​ളിൽ കാണ​പ്പെ​ടുന്ന ഡിഎൻഎ രൂപരേഖ ഓരോ വ്യക്തി​യു​ടെ​യും വികസ​ന​ത്തി​നാ​വ​ശ്യ​മായ വിവര​ണ​ങ്ങ​ളും രഹസ്യ നിർദ്ദേ​ശ​ങ്ങ​ളും സംവഹി​ക്കു​ന്നു. അതു​കൊണ്ട്‌ നിങ്ങളു​ടെ വ്യക്തി​പ​ര​മായ പെരു​മാ​റ​റ​ത്തിൽ നിങ്ങൾ എത്ര​ത്തോ​ളം പാരമ്പര്യ ഗുണങ്ങ​ളാൽ സ്വാധീ​നി​ക്ക​പ്പെ​ട്ടി​ട്ടുണ്ട്‌? ജീനു​ക​ളും വ്യക്തി​ത്വ​വും തമ്മിൽ വ്യക്തമായ ഒരു ബന്ധം സ്ഥാപി​ക്കാൻ ഇപ്പോ​ഴും പ്രയാ​സ​മു​ള്ള​താ​യി തോന്നു​ന്നു. എന്നിരു​ന്നാ​ലും ചില ഗവേഷണ പഠനങ്ങൾക്ക്‌ മൂല്യ​മു​ള്ള​താ​യി കാണ​പ്പെ​ടു​ന്നു. ഉദാഹ​ര​ണ​ത്തിന്‌ പരമ്പരാ​ഗ​ത​മാ​യി ലഭിച്ച ഒട്ടേറെ ശാരീ​രിക പ്രകൃ​തങ്ങൾ നിങ്ങളു​ടെ പെരു​മാ​റ​റത്തെ നേരിട്ട്‌ സ്വാധീ​നി​ക്കു​ന്നു. അപ്രകാ​രം ചിലയാ​ളു​കൾക്ക്‌ ത്വക്കിന്‌ ഒരു പ്രത്യേ​ക​നി​റ​മു​ള്ള​വ​രെ​പ്പ​ററി അല്ലെങ്കിൽ ഒരു പ്രത്യേക വംശത്തിൽപെ​ട്ട​വ​രെ​പ്പ​ററി മുൻവി​ധി​ക​ളും മുന്നമേ രൂപ​പ്പെ​ടു​ത്തിയ ആശയങ്ങ​ളു​മുണ്ട്‌.

ഒരു ഗർഭി​ണി​യായ സ്‌ത്രീക്ക്‌ തന്റെ സ്വന്തം പ്രവർത്ത​ന​ങ്ങ​ളാ​ലും ചിന്തക​ളാ​ലും വികാ​ര​ങ്ങ​ളാ​ലും തന്റെ അജാത​ശി​ശു​വിന്‌ പ്രയോ​ജ​ന​മോ ദോഷ​മോ ചെയ്യാൻ കഴിയും. നിങ്ങൾ അമ്മയുടെ ഗർഭാ​ശ​യ​ത്തി​ലാ​യി​രു​ന്ന​പ്പോൾ എത്ര​ത്തോ​ളം സമാധാ​ന​മോ ക്ഷോഭ​മോ നിങ്ങളു​ടെ​മേൽ അടി​ച്ചേൽപ്പി​ക്ക​പ്പെട്ടു? നിങ്ങളു​ടെ മാതാ​പി​താ​ക്ക​ളു​ടെ ശബ്ദ സവി​ശേ​ഷ​ത​യിൽനിന്ന്‌, അവർ ശ്രവിച്ച സംഗീ​ത​ത്തിൽനിന്ന്‌ നിങ്ങൾ എത്ര​ത്തോ​ളം പഠിച്ചു? നിങ്ങളു​ടെ അമ്മ കഴിച്ച ആഹാര​ത്താൽ നിങ്ങൾ എത്ര​ത്തോ​ളം സ്വാധീ​നി​ക്ക​പ്പെട്ടു. അവർ ലഹരി​പാ​നീ​യങ്ങൾ കുടി​ക്കു​ക​യും മയക്കു​മ​രു​ന്നു​കൾ ഉപയോ​ഗി​ക്കു​ക​യും ചെയ്‌തി​രു​ന്നെ​ങ്കിൽ അവർ എത്ര​ത്തോ​ളം അവയാൽ ബാധി​ക്ക​പ്പെട്ടു? നിങ്ങൾ ജനിച്ച​പ്പോ​ഴേ​ക്കും നിങ്ങളു​ടെ പ്രവണ​തകൾ പലതും സ്ഥാപി​ക്ക​പ്പെട്ടു, അവക്കു മാററം വരുത്തുക ഒരുപക്ഷേ പ്രയാ​സ​വു​മാണ്‌.

ഭക്ഷണ​ക്രമം, അലെർജി​കൾ, ചുററു​പാ​ടു​കൾ എന്നിവ സംബന്ധി​ച്ചെന്ത്‌?

നിങ്ങൾ ബാല്യ​പ്രാ​യ​ത്തി​ലേക്ക്‌ കടന്ന​പ്പോൾ നിങ്ങളു​ടെ ഭക്ഷണത്തി​ന്റെ ഭാഗമായ ചില വസ്‌തു​ക്കൾ നിങ്ങളു​ടെ പെരു​മാ​റ​റത്തെ സ്വാധീ​നി​ച്ചി​ട്ടു​ണ്ടാ​യി​രി​ക്കാം. മധുരം പകരാ​നും കൃത്രി​മ​നി​റം ചേർക്കാ​നും കേടു​വ​രാ​തി​രി​ക്കാ​നും മററും ഉപയോ​ഗി​ക്കുന്ന വസ്‌തു​ക്കൾക്കു പെരു​മാ​റ​റ​ത്തിൻമേൽ ഒരു അദൃശ്യ സ്വാധീ​നം ചെലു​ത്താൻ കഴിയും. അമിത ചുറു​ചു​റുക്ക്‌, വർദ്ധിച്ച സമ്മർദ്ദം, ക്ഷോഭം, നാഡി​വേദന, അമിത​വും അനിയ​ന്ത്രി​ത​വു​മായ പ്രവർത്ത​നങ്ങൾ എന്നിവ​യാണ്‌ ചില ഫലങ്ങൾ. മോ​ട്ടോർ വാഹന​ങ്ങ​ളു​ടെ പുക, വ്യവസാ​യ​ശാ​ല​യിൽനി​ന്നുള്ള വാതകങ്ങൾ, ചുററു​പാ​ടു​ക​ളി​ലെ മററ്‌ വിഷാം​ശങ്ങൾ എന്നിവ​യാ​ലുള്ള മലിനീ​ക​ര​ണ​വും പെരു​മ​റ​റത്തെ രൂപ​പ്പെ​ടു​ത്തു​ന്നു. അല്ലെങ്കിൽ വ്യക്തി​പ​ര​മായ ഒരു തലത്തിൽ, നിങ്ങളെ ഗുരു​ത​ര​മാ​യി ബാധി​ക്കു​ന്ന​തും ചുററു​മുള്ള മററു​ള്ള​വ​രു​ടെ​മേൽ ദോഷ​ക​ര​മായ യാതൊ​രു ഫലവു​മി​ല്ലാ​ത്ത​തു​മായ ഒരു അലെർജി നിങ്ങൾക്കു​ണ്ടാ​യി​രു​ന്നേ​ക്കാം.

ഈ സ്വാധീ​ന​ങ്ങൾക്കു​പു​റമേ നിങ്ങളു​ടെ മാതാ​പി​താ​ക്ക​ളു​ടെ പെരു​മാ​ററം, നിങ്ങൾ ശൈശവം മുതൽ കണ്ടു വളർന്ന അവരുടെ ഇഷ്ടാനി​ഷ്ടങ്ങൾ, മുൻവി​ധി​കൾ എന്നിവ നിങ്ങളെ ബാധി​ക്കു​ക​യും ഒരു പരിധി​വരെ നിങ്ങളു​ടെ വ്യക്തി​ത്വ​ത്തെ രൂപ​പ്പെ​ടു​ത്തു​ക​യും ചെയ്‌തി​ട്ടുണ്ട്‌. ഫലമോ, നിങ്ങളു​ടെ പല രീതി​ക​ളും ജീവി​തത്തെ സംബന്ധി​ച്ചുള്ള നിങ്ങളു​ടെ പൊതു​വായ വീക്ഷണ​വും കേവലം അവരു​ടേ​തി​ന്റെ പ്രതി​ഫ​ല​ന​മാണ്‌. അവരെ അസ്വസ്ഥ​രാ​ക്കിയ കാര്യങ്ങൾ സംബന്ധിച്ച്‌ അസ്വസ്ഥ​രാ​കാൻ നിങ്ങൾ ചായ്‌വു​ള്ള​വ​രാണ്‌. അവർ വെച്ചു​പൊ​റു​പ്പിച്ച കാര്യങ്ങൾ വെച്ചു​പൊ​റു​പ്പി​ക്കാൻ നിങ്ങളും തയ്യാറാണ്‌. നിങ്ങൾ നിങ്ങളു​ടെ പിതാ​വി​നെ​യോ മാതാ​വി​നെ​യോ പോലെ തന്നെയാണ്‌ എന്ന്‌ ആരെങ്കി​ലും നിങ്ങ​ളോട്‌ പറയു​ന്ന​തു​വരെ നിങ്ങൾ അവരുടെ പെരു​മാ​ററം പകർത്തു​ന്ന​താ​യി നിങ്ങൾ തിരി​ച്ച​റി​യാ​റേ​യില്ല. അവരുടെ സാമ്പത്തി​ക​വും സാമൂ​ഹ്യ​വു​മായ നിലയും അതു​പോ​ലെ അയൽപ​ക്ക​ത്തെ​യും സ്‌കൂ​ളി​ലെ​യും ചുററു​പാ​ടു​ക​ളും നിങ്ങളെ സ്വാധീ​നി​ച്ചു. നിങ്ങളു​ടെ സുഹൃ​ത്തു​ക്കൾക്കും സഹപ്ര​വർത്ത​കർക്കും​കൂ​ടെ നിങ്ങളു​ടെ​മേൽ ഒരു വലിയ സ്വാധീ​നം ഉണ്ടായി​രു​ന്നി​ട്ടുണ്ട്‌. ഒരു പക്ഷേ ഒരു മോശ​മായ അപകടം (നിങ്ങൾക്കോ നിങ്ങളു​ടെ ഒരു അടുത്ത സുഹൃ​ത്തി​നോ), പ്രാ​ദേ​ശി​ക​മായ ചില വിപത്തു​കൾ അല്ലെങ്കിൽ അസ്വസ്ഥ​ത​യു​ള​വാ​ക്കുന്ന ലോക​സം​ഭ​വങ്ങൾ എന്നിവ നിങ്ങളെ ബാധി​ച്ചി​ട്ടുണ്ട്‌. അതുമ​ല്ലെ​ങ്കിൽ വിവാ​ഹ​മോ​ച​ന​മോ ഗുരു​ത​ര​മായ ഒരു രോഗ​മോ​പോ​ലുള്ള എന്തെങ്കി​ലും ഒരു വിപത്ത്‌ നിങ്ങളു​ടെ വ്യക്തി​ത്വ​ത്തിൻമേൽ ഒരു വടു അവശേ​ഷി​പ്പി​ച്ചി​ട്ടുണ്ട്‌ എന്നുവ​രാം.

പിന്തി​രി​ഞ്ഞു​നോ​ക്കു​മ്പോൾ നിങ്ങൾക്ക്‌ അത്തരം എന്തെങ്കി​ലും സ്വാധീ​നങ്ങൾ തിരി​ച്ച​റി​യാൻ കഴിയു​ന്നു​ണ്ടോ?

മതം എന്തു പങ്കു വഹിക്കു​ന്നു?

സൈദ്ധാ​ന്തി​ക​മാ​യി, നിങ്ങളു​ടെ ധാർമ്മിക പെരു​മാ​റ​റ​വും ധർമ്മശാ​സ്‌ത്ര​വും ദിനച​ര്യ​യും മെച്ച​പ്പെ​ടു​ത്തി​ക്കൊണ്ട്‌ കൂടുതൽ മെച്ചപ്പെട്ട ഒരു വ്യക്തി​യാ​യി​രി​ക്കാൻ മതം നിങ്ങളെ സഹായി​ക്കേ​ണ്ട​താണ്‌. നിങ്ങളു​ടെ മൂല്യ​ങ്ങ​ളി​ലും പ്രവർത്ത​ന​ങ്ങ​ളി​ലും എത്ര​യെണ്ണം മതത്താൽ സ്വാധീ​നി​ക്ക​പ്പെ​ട്ടി​ട്ടുണ്ട്‌? നിരു​ത്ത​ര​വാ​ദ​പ​ര​വും കുററ​ക​ര​വു​മായ പ്രവർത്ത​ന​ത്തിൻമേൽ മതം ഒരു നിയ​ന്ത്ര​ണ​മാ​യി​രി​ക്കേ​ണ്ട​താ​ണെ​ങ്കി​ലും മതവു​മാ​യുള്ള അവരുടെ ബന്ധത്തിൽ അനേകർ വ്യത്യ​സ്‌ത​മായ ഒരു വിധത്തിൽ ബാധി​ക്ക​പ്പെ​ട്ടി​രി​ക്കു​ന്നു. സഭകളിൽ അവർ വളരെ​യ​ധി​കം കപടഭ​ക്തി​യും ആത്മീയ മൂല്യ​ങ്ങൾക്കു പകരം ഭൗതി​ക​തക്ക്‌ നൽക​പ്പെ​ടുന്ന ഊന്നലും തിരി​ച്ച​റി​യു​ക​യും തൽഫല​മാ​യി രോഷാ​കു​ല​രാ​യി​ത്തീ​രു​ക​യും ചെയ്‌തി​രി​ക്കു​ന്നു. ആത്മീയ​ത​യും പ്രത്യാ​ശ​യും കവർന്നെ​ടു​ക്ക​പ്പെട്ട അവർ മതവി​രു​ദ്ധ​രാ​യി​ത്തീ​രു​ക​പോ​ലും ചെയ്‌തേ​ക്കാം.

പെരു​മാ​റ​റ​ത്തെ രൂപ​പ്പെ​ടു​ത്തുന്ന മററ്‌ ബാഹ്യ സ്വാധീ​ന​ങ്ങ​ളെ​പ്പ​റ​റി​യും നിങ്ങൾക്ക്‌ ചിന്തി​ക്കാൻ കഴിയും. ഇന്നോളം നിങ്ങളെ ബാധി​ച്ചി​ട്ടുള്ള ഏതെങ്കി​ലും കാര്യ​ത്തെ​പ്പ​ററി ചിന്തി​ക്കാൻ ഏതാനും നിമി​ഷങ്ങൾ ചെലവ​ഴി​ക്കുക. നിങ്ങൾക്ക്‌ അവയിൽ ചിലത്‌ പട്ടിക​പ്പെ​ടു​ത്താൻ കഴിയു​മോ? വസ്‌തു​നി​ഷ്‌ഠ​മാ​യി ഈ വിധത്തിൽ ചിന്തി​ക്കുക എളുപ്പമല്ല. എന്നാൽ അത്‌ ആ ശ്രമത്തി​നു തക്ക മൂല്യ​മു​ള്ള​താണ്‌, നിങ്ങൾക്ക്‌ സഹായ​ക​ര​വു​മാ​യി​രു​ന്നേ​ക്കാം. എങ്ങനെ?

കൊള്ളാം, ഏതെങ്കി​ലും ഒരു സ്വാധീ​നം അഥവാ നിങ്ങളു​ടെ പെരു​മാ​റ​റ​ത്തി​ലെ ഒരു നിഷേ​ധാ​ത്മ​ക​പ്ര​വ​ണ​ത​യു​ടെ കാരണം തിരി​ച്ച​റി​യാൻ കഴിയു​മെ​ങ്കിൽ, അതു നിയ​ന്ത്രി​ക്കു​ന്ന​തിന്‌ ഒരു പക്ഷേ അതിനു മാററം വരുത്തു​ന്ന​തി​നു​പോ​ലും നിങ്ങൾ കൂടുതൽ മെച്ചപ്പെട്ട ഒരു സ്ഥാനത്താ​യി​രി​ക്കും. അനഭി​കാ​മ്യ​മായ ഒരു സ്വാധീ​നം നിയ​ന്ത്രി​ക്കാ​നോ അല്ലെങ്കിൽ തള്ളിക്ക​ള​യാൻപോ​ലു​മോ കഴിയു​മെ​ങ്കിൽ മററു​ള്ള​വ​രോട്‌ കൂടുതൽ ക്രിയാ​ത്മ​ക​മാ​യി പെരു​മാ​റി​ക്കൊണ്ട്‌ നിങ്ങൾക്ക്‌ വ്യത്യ​സ്‌ത​നായ ഒരു വ്യക്തി​യാ​യി​ത്തീ​രാൻ കഴിയും.

തീർച്ച​യാ​യും അതൊരു വെല്ലു​വി​ളി​യാണ്‌. എന്നാൽ നിങ്ങളു​ടെ പെരു​മാ​റ​റ​ത്തിൻമേ​ലുള്ള സ്വാധീ​ന​ങ്ങ​ളിൽ അധിക​വും നിങ്ങൾക്കു നിയ​ന്ത്രി​ക്കാൻ കഴിയാഞ്ഞ മററു മനുഷ്യ​രാ​ലോ ചുററു​പാ​ടു​ക​ളാ​ലോ നിങ്ങളു​ടെ മേൽ അടി​ച്ചേൽപ്പി​ക്ക​പ്പെ​ട്ട​വ​യാ​യ​തി​നാൽ എന്തു​കൊണ്ട്‌ നിങ്ങൾതന്നെ മുൻകൈ എടുക്കു​ക​യും സ്വന്തനി​ല​യിൽ ആ സാഹച​ര്യം സംബന്ധിച്ച്‌ എന്തെങ്കി​ലും ചെയ്യു​ക​യും ചെയ്‌തു​കൂ​ടാ? അതു നിങ്ങളെ മെച്ച​പ്പെ​ടു​ത്തു​മെ​ന്നു​ണ്ടെ​ങ്കിൽ നിങ്ങൾ എന്തായി​രി​ക്കു​ന്നു​വോ അതിൽനിന്ന്‌ എന്തു​കൊണ്ട്‌ മാററം വരുത്തി​ക്കൂ​ടാ? (g91 7/8)

[4-ാം പേജിലെ ആകർഷ​ക​വാ​ക്യം]

ഒരു ഗർഭി​ണി​യു​ടെ പ്രവർത്ത​ന​ങ്ങ​ളും വികാ​ര​ങ്ങ​ളും അവളുടെ അജാത​ശി​ശു​വി​നെ ബാധി​ച്ചേ​ക്കാം