ലോകത്തെ വീക്ഷിക്കൽ

അവധി​ക്കാ​ല​സ​മ്മർദ്ദം

ചില ശീലങ്ങൾ മാററു​ന്നതു സമ്മർദ്ദ​മ​നു​ഭ​വി​ക്കുന്ന വ്യക്തിക്ക്‌ അവധി​യ്‌ക്കു പോകു​ന്ന​തി​നേ​ക്കാൾ പ്രയോ​ജനം ചെയ്‌തേ​ക്കാം. ബ്രസ്സീ​ലി​ലെ സാവോ പോളോ വൈദ്യ​ശാ​സ്‌ത്ര​സ്‌കൂ​ളി​ലെ പ്രൊ​ഫ​സ്സ​റായ ഡോ. സർജി​യോ ടഫിക്‌ ഇങ്ങനെ പറയു​ന്ന​താ​യി വാഷാ ഉദ്ധരിച്ചു: “നമ്മുടെ ജീവശ്ശാ​സ്‌ത്ര താളം ഒരു ക്ലോക്കു​പോ​ലെ പ്രവർത്തി​ക്കാൻ സംവി​ധാ​നം ചെയ്യ​പ്പെ​ട്ടി​രി​ക്കു​ന്നു. ഏതു മാററ​വും, കരീബി​യ​നി​ലെ സുഖ​ലോ​ലു​പ​ത​യി​ലുള്ള ഒരാഴ്‌ച്ച​പോ​ലും, ജൈവ​ഘ​ട​നയെ ക്ഷീണി​പ്പി​ക്കു​ന്ന​താണ്‌.” ഒരു തൊഴിൽ വെല്ലു​വി​ളി​പ​ര​മോ അല്ലാത്ത​തോ ആയാലും ദോഷ​ക​ര​മായ സമ്മർദ്ദം ഒഴിവാ​ക്കു​ന്ന​തിന്‌ അദ്ദേഹം ഇപ്രകാ​രം ശുപാർശ ചെയ്യുന്നു: “(നിങ്ങൾ) ചെയ്യു​ന്ന​തു​കൊണ്ട്‌ തൃപ്‌ത​രാ​യി​രി​ക്കുക.” ദൈനം​ദിന പരിപാ​ടി​യേ​ക്കാൾ കൂടുതൽ സമ്മർദ്ദ​മേ​റി​യ​തെ​ന്തെ​ങ്കി​ലും ചെയ്യു​ന്ന​തി​നു​പ​കരം, “ഒരുപക്ഷേ ദിവസ​വും ‘അവധി​യെ​ടു​ത്തു പോകു​ന്ന​താ​ണു’ രഹസ്യം. അതായത്‌, ജോലി​യെ കൂടാതെ സംതൃ​പ്‌തി വർദ്ധി​പ്പി​ക്കുന്ന വ്യത്യസ്‌ത പ്രവർത്ത​ന​ങ്ങ​ളിൽ ഏർപ്പെ​ടു​ക​യെ​ന്ന​താണ്‌,” എന്ന്‌ ആ ഡോക്ടർ നിർദ്ദേ​ശി​ക്കു​ന്നു. (g92 10⁄8)

മാതാ​പി​താ​ക്കളെ ശാരീ​രി​ക​മാ​യി ദ്രോ​ഹി​ക്കു​ന്നു

മാതാ​പി​താ​ക്ക​ളു​ടെ​മേൽ ഏൽപ്പി​ക്ക​പ്പെ​ടുന്ന “കൗമാ​ര​കോ​പ​ത്തി​ന്റെ ഗുപ്‌ത​മായ കൊടും​ഭീ​തി” എന്നു വിളി​ക്ക​പ്പെ​ടു​ന്നത്‌ ആസ്‌​ട്രേ​ലി​യാ​യിൽ കുതി​ച്ചു​യ​രു​ക​യാണ്‌. ഈ രാജ്യത്തു തങ്ങളുടെ മാതാ​പി​താ​ക്കളെ തല്ലുന്ന കൗമാര പ്രായ​ക്കാ​രു​ടെ എണ്ണം അത്യധി​കം വർദ്ധി​ച്ചു​വ​രി​ക​യാ​ണെന്നു പോലീ​സും ക്ഷേമകാ​ര്യ​വി​ഭാ​ഗ​ങ്ങ​ളും റിപ്പോർട്ടു ചെയ്യുന്നു. മിക്ക​പ്പോ​ഴും ആക്രമണ ഇരകൾ അമ്മമാ​രാ​ണെ​ങ്കി​ലും അപ്പൻമാ​രും വല്ല്യമ്മ​വ​ല്ല്യ​പ്പൻമാർ പോലും ക്രൂര​മാ​യി ആക്രമി​ക്ക​പ്പെ​ട്ടി​ട്ടുണ്ട്‌. ഒരു ക്ഷേമകാ​ര്യ സ്ഥാപന​ത്തി​ന്റെ ഡയറക്ടർ ഇങ്ങനെ പറയു​ന്ന​താ​യി സിഡ്‌നി സൺഡേ ടെല​ഗ്രാഫ്‌ എന്ന വർത്തമാ​ന​പ​ത്രം ഉദ്ധരി​ക്കു​ന്നു: “പത്തു വയസ്സോ​ളം പ്രായ​മുള്ള ചെറിയ കുട്ടികൾ ശാരീ​രിക അക്രമ​ത്തി​നു—തങ്ങളുടെ അമ്മയെ​യും മററു കുട്ടി​ക​ളെ​യും ഭീഷണി​പ്പെ​ടു​ത്തി​ക്കൊണ്ട്‌—പ്രാപ്‌ത​രാ​ണെന്നു കേൾക്കു​മ്പോൾ ആളുകൾ ആശ്ചര്യ​പ്പെ​ടു​ന്നു.” ഇരകൾക്കും കുററ​വാ​ളി​കൾക്കും വേണ്ടി ഒരു പ്രത്യേക പരിപാ​ടി ആസൂ​ത്രണം ചെയ്യാൻ ഇടയാ​ക്ക​ത്ത​ക്ക​വണ്ണം, ദ്രോ​ഹി​ക്ക​പ്പെട്ട മാതാ​പി​താ​ക്ക​ളിൽനിന്ന്‌ ഒരു സാമു​ദാ​യിക ക്ഷേമകാ​ര്യ​വി​ഭാ​ഗ​ത്തി​നു തുരു​തു​രാ ഫോൺകോ​ളു​കൾ ലഭിക്കു​ന്നു. (g92 10⁄8)

പട്ടാള ബലാത്സം​ഗം

രണ്ടാം ലോക​മ​ഹാ​യു​ദ്ധ​കാ​ലത്ത്‌, യുദ്ധനി​ര​ക​ളി​ലുള്ള പട്ടാള​ക്കാ​രു​ടെ ലൈം​ഗി​കോ​പ​യോ​ഗ​ത്തി​നാ​യി ജപ്പാൻ സൈനി​കർ പൂർവ്വേ​ഷ്യൻ രാജ്യ​ങ്ങ​ളിൽനിന്ന്‌ ആയിര​ക്ക​ണ​ക്കി​നു പെൺകു​ട്ടി​ക​ളെ​യും ചെറു​പ്പ​ക്കാ​രി​ക​ളെ​യും പിടിച്ചു. പ്രി​യോ​ക്‌തി​പ​ര​മാ​യി അവരെ “ആശ്വാ​സ​സ്‌ത്രീ​കൾ” എന്നു വിളി​ച്ചി​രു​ന്നു. പട്ടാള​ക്കാർ മടങ്ങി​പ്പോ​യ​പ്പോൾ ഗുഹ്യ​രോ​ഗ​ങ്ങ​ളാൽ മരിക്കാത്ത സ്‌ത്രീ​കൾ മരിക്കാ​നാ​യി ഉപേക്ഷി​ക്ക​പ്പെട്ടു. അൻപതു വർഷങ്ങൾക്കു​ശേഷം തന്റെ ഉൾപ്പെടൽ പരസ്യ​മാ​യി സമ്മതി​ക്കാ​നും മാപ്പു ചോദി​ക്കാ​നും ഒരു മനുഷ്യൻ മുമ്പോ​ട്ടു വന്നു. “ജപ്പാനി​ലെ സാമ്രാ​ജ്യ​ത്വ സൈന്യ​ത്തി​ന്റെ ലൈം​ഗിക അടിമ​ക​ളാ​യി​ത്തീ​രാൻ തങ്ങളുടെ അമ്മമാരെ അയാളു​ടെ ആൾക്കാർ പററമാ​യി ട്രക്കു​ക​ളി​ലേക്കു നടത്തി​യ​പ്പോൾ, നിലവി​ളി​ക്കു​ക​യും ഇറുകെ പുണരു​ക​യും ചെയ്യുന്ന കുട്ടി​കളെ തൊഴി​ച്ചു​മാ​റ​റുന്ന ഓർമ്മകൾ” 78 വയസ്സുള്ള സാഷീ യോഷീ​ഡാ​യ്‌ക്കു തുടച്ചു​നീ​ക്കാൻ കഴിയു​ന്നില്ല എന്നു മൈനീ​ച്ചി ഡെയ്‌ലി ന്യൂസ്‌ പറയുന്നു. ആ സമയത്ത്‌ എന്തു വികാരം അനുഭ​വ​പ്പെ​ട്ടു​വെന്നു ചോദി​ച്ച​പ്പോൾ, “ഞങ്ങൾ കേവലം ആജ്ഞകൾ നിറ​വേ​ററി. ഞങ്ങൾ മനഃശാ​സ്‌ത്ര​പ​ര​മാ​യി ഏററവും താഴ്‌ന്ന നിലവാ​ര​ത്തിൽ ആയിരു​ന്നു. അതു കേവലം തൊഴിൽ ആയിരു​ന്നു. ഒരു വ്യത്യസ്‌ത പ്രത്യ​യ​ശാ​സ്‌ത്രം സാധ്യ​മാ​യി​രു​ന്നില്ല. എനി​ക്കൊ​ന്നും തോന്നി​യില്ല. ഞാൻ തിരക്കു​ള്ള​വ​നാ​യി​രു​ന്നു, ഞാൻ നിരാ​ശ​നാ​യി​രു​ന്നു, ഞാൻ വികാ​ര​ഗ്ര​സ്‌ത​നാ​യി​രു​ന്നു”, എന്നു യോഷീഡ പറഞ്ഞതാ​യി ആ വർത്തമാ​ന​പ​ത്രം റിപ്പോർട്ടു ചെയ്‌തു. സ്‌ത്രീ​കളെ അപഹരി​ച്ചോ ശമ്പളം പററുന്ന വേശ്യ​കളെ ഉപയോ​ഗി​ച്ചോ തങ്ങളുടെ സൈന്യ​ങ്ങൾക്കു സ്‌ത്രീ​കൾ പ്രദാനം ചെയ്യ​പ്പെ​ടു​ന്നു​വെന്ന്‌ അനേക​രാ​ജ്യ​ങ്ങ​ളി​ലെ പട്ടാള ഉദ്യോ​ഗ​സ്ഥൻമാർ ഉറപ്പു​വ​രു​ത്തി​യി​രു​ന്നു. (g92 10⁄8)

നല്ല ഭൂമി—അപ്രത്യ​ക്ഷ​പ്പെ​ടു​ന്നു

സയൻസ്‌ എന്ന പ്രസി​ദ്ധീ​ക​ര​ണ​ത്തി​ലെ ഒരു റിപ്പോർട്ട​നു​സ​രി​ച്ചു ലോക​ത്തി​ലെ കൃഷി​യോ​ഗ്യ​മായ മണ്ണ്‌, “അതി​വേഗം ഒഴുക്കി​ക്കൊ​ണ്ടു​പോ​കു​ക​യോ കാററിൽ പൊടി​യാ​യി​ത്തീ​രു​ക​യോ” ചെയ്യു​ന്നതു നിമിത്തം ക്ഷയിച്ചു​കൊ​ണ്ടി​രി​ക്കു​ന്നു. രണ്ടാം ലോക​മ​ഹാ​യു​ദ്ധ​ത്തി​നു​ശേഷം മണ്ണിന്റെ അവസ്ഥകൾ എത്ര​ത്തോ​ളം മാറി​യി​രി​ക്കു​ന്നു​വെന്നു പുനര​വ​ലോ​കനം ചെയ്‌ത, നൂറു​ക​ണ​ക്കി​നു വിദഗ്‌ദ്ധൻമാർ ഉൾപ്പെട്ട ഒരു ത്രിവത്സര പഠനത്തി​ന്റെ ഫലങ്ങൾ വാഷിം​ഗ്‌ടൺ ഡി. സിയിലെ ഡബ്ലിയു. ആർ. ഐ (ലോക വിഭവ സ്ഥാപനം) മാർച്ചിൽ വെളി​പ്പെ​ടു​ത്തി. ഫലങ്ങ​ളെ​ന്തൊ​ക്കെ​യാണ്‌? മനുഷ്യ​വർഗ്ഗം മണ്ണിനെ ദുരു​പ​യോ​ഗം ചെയ്യു​ന്ന​തു​കൊണ്ട്‌—അധിക​വും വനനശീ​ക​ര​ണ​ത്തി​ലൂ​ടെ​യും അമിത കാലി​മേ​യ​ലി​ലൂ​ടെ​യും ദോഷ​ക​ര​മായ കൃഷി​സ​മ്പ്ര​ദാ​യ​ങ്ങ​ളി​ലൂ​ടെ​യും—മുൻപു ഫലഭൂ​യി​ഷ്ട​മാ​യി​രുന്ന, ചൈന​യും ഇന്ത്യയും ചേരു​ന്നത്ര സ്ഥലം ഇപ്പോൾ ഗൗരവാ​വ​ഹ​മാ​യി നശിച്ചു​കൊ​ണ്ടി​രി​ക്കു​ക​യാണ്‌. പെരു​കി​വ​രുന്ന ജനസം​ഖ്യ​യെ പോറ​റു​ന്ന​തിന്‌, വരുന്ന അൻപതു വർഷങ്ങ​ളിൽ ലോകം അതിന്റെ ഭക്ഷ്യോ​ത്‌പാ​ദനം മൂന്നു​മ​ട​ങ്ങാ​യി വർദ്ധി​പ്പി​ക്കേ​ണ്ടി​വ​രു​മെന്നു ഡബ്ലിയു. ആർ. ഐ പ്രസി​ഡൻറ്‌ കണക്കാ​ക്കു​ന്ന​തി​നാൽ ഈ പ്രവണത അശുഭ​സൂ​ച​ക​മാ​യി തോന്നു​ന്നു. (g92 10⁄8)

“കുട്ടി​കളേ ഞങ്ങൾ നിങ്ങളെ തെററി​ച്ചു”

ശിശു​ദ്രോ​ഹ​മോ? സാധാരണ അർത്ഥത്തിൽ അല്ല. ചെങ്കു​ത്തായ പർവ്വത​ശി​ഖ​ര​ത്തിൽനി​ന്നു തൂങ്ങി​ക്കി​ട​ക്കവേ സിഗര​ററു വലിക്കുന്ന ഒരു പർവ്വതാ​രോ​ഹ​ക​നാ​യി വിൻസ്‌ററൺ സിഗര​റ​റി​ന്റെ പരസ്യ​ങ്ങൾക്കു​വേണ്ടി പോസു​ചെയ്‌ത ഒരു നടനായ ഡേവിഡ്‌ ഗർലി​ഡ്‌സി​ന്റെ വാക്കു​ക​ളാ​ണു മേലു​ദ്ധ​രി​ച്ചത്‌. ഗർലി​ഡ്‌സും വെയ്‌നി മാക്‌ലാ​ര​നും (മാൾബ​റോ സിഗര​റ​റി​ന്റെ പരസ്യ​ത്തിൽ പ്രത്യ​ക്ഷ​പ്പെ​ട്ട​യാൾ) പുകവലി പാടില്ല എന്നു സ്‌കൂൾകു​ട്ടി​കളെ ബോധ്യ​പ്പെ​ടു​ത്തു​ന്ന​തിന്‌ അവരുടെ മുമ്പാകെ പ്രത്യ​ക്ഷ​പ്പെ​ടു​ക​യാ​ണെന്നു ദ ബോസ്‌ററൺ ഗ്ലോബ്‌ റിപ്പോർട്ടു ചെയ്യുന്നു. “ആൺകു​ട്ടി​ക​ളായ നിങ്ങൾ പുകവ​ലി​ക്കു​ക​യാ​ണെ​ങ്കിൽ നിങ്ങൾ അതിശക്തർ ആയിത്തീ​രു​മെന്നു ഞങ്ങൾ നിങ്ങളെ വിശ്വ​സി​പ്പി​ച്ചു,” ഗർലി​ഡ്‌സ്‌ വിശദീ​ക​രി​ച്ചു. “ഞാൻ പുകവ​ലി​ക്കാൻ ഇഷ്ടപ്പെ​ട്ട​തു​കൊണ്ട്‌ എന്റെ ജീവിതം വളരെ ഹ്രസ്വ​മാ​യി​ത്തീർന്നി​രി​ക്കു​ന്നു,” എന്നു ക്യാൻസർ ബാധയാൽ ഒരു ശ്വാസ​കോ​ശം നഷ്ടപ്പെ​ട്ട​ശേഷം മാക്‌ലാ​റെൻ ദുഃഖ​പൂർവ്വം ഏററു പറഞ്ഞു. (g92 10⁄8)

ഉൻമത്ത​മായ ആകർഷണം

യരുശ​ലേ​മി​ലെ പഴയ നഗരം ആയിര​ക്ക​ണ​ക്കി​നു വിനോ​ദ​സ​ഞ്ചാ​രി​കളെ മാത്രമല്ല തങ്ങൾ ബൈബി​ളി​ലെ കഥാപാ​ത്ര​ങ്ങ​ളാ​ണെന്നു വിശ്വ​സി​ക്കു​ക​യും അല്ലെങ്കിൽ ലോക​സ​മാ​ധാ​ന​ത്തി​ന്റെ താക്കോൽ തങ്ങൾക്കു​ണ്ടെ​ന്നും അതു യരുശ​ലേം മതിലി​ങ്കൽ വെളി​പ്പെ​ടു​ത്ത​ണ​മെ​ന്നും ഉറച്ചു​വി​ശ്വ​സി​ക്കുന്ന മാനസി​ക​മാ​യി ക്രമം തെററിയ ആളുക​ളെ​യും ആകർഷി​ക്കു​ന്നു. “ക്രിസ്‌ത്യാ​നി​കൾ യേശു​വോ കന്യാ​മ​റി​യ​മോ ഏററവും സാധാ​ര​ണ​യാ​യി യോഹ​ന്നാൻ സ്‌നാ​പ​ക​നോ ആയി തങ്ങളേ​ത്തന്നെ തിരി​ച്ച​റി​യി​ക്കാൻ പ്രവണത കാട്ടുന്നു. വീയ ഡോ​ളോ​റോസ, ഗാർഡൻ ററൂം എന്നിവ പോലുള്ള യേശു​വി​നോ​ടു ബന്ധപ്പെട്ട സ്ഥലങ്ങളിൽ അവർ മിക്ക​പ്പോ​ഴും വികാ​രാ​ധീ​ന​രാ​യി​ത്തീ​രു​ന്നു”, എന്ന്‌ ദ ന്യൂ​യോർക്ക്‌ ടൈംസ്‌ പറയുന്നു. “യഹൂദൻമാർ തങ്ങളെ മോശ​യോ ദാവീ​ദു​രാ​ജാ​വോ മററു പഴയനി​യ​മ​ക​ഥാ​പാ​ത്ര​ങ്ങ​ളോ ആയി തിരി​ച്ച​റി​യി​ക്കാൻ പ്രവണത കാട്ടു​ക​യും ഒലിവു മലയി​ലോ പശ്ചിമ മതിലി​ങ്ക​ലോ വികാ​രാ​ധീ​ന​രാ​യി​ത്തീ​രു​ക​യും ചെയ്യുന്നു.” ഒരു തീർത്ഥാ​ടകൻ ഈയിടെ ഹോളി സെപ്പുൽക്കെർ പള്ളിയി​ലേക്കു കോപാ​ക്രാ​ന്ത​നാ​യി ഓടി​ക്ക​യറി, ഒരു കുരിശ്‌ മറിച്ചി​ട്ടും വിളക്കു​കൾ തകർത്തും ഒരു പ്രതി​മയെ തകർക്കാൻ ശ്രമി​ച്ചും​കൊ​ണ്ടു വിഗ്ര​ഹ​ങ്ങളെ ആരാധി​ക്ക​രു​തെന്നു വിളി​ച്ചു​പ​റഞ്ഞു. മനോ​രോ​ഗ​വി​ദ​ഗ്‌ദ്ധർ യരുശ​ലേം സിൻ​ഡ്രോം എന്നു വിളി​ക്കുന്ന രോഗ​ത്താൽ ദുരി​ത​മ​നു​ഭ​വി​ക്കുന്ന 50 മുതൽ 200 വരെ രോഗി​കൾ ഓരോ വർഷവും ക്‌ഫർ ഷൽ മനോ​രോ​ഗാ​ശു​പ​ത്രി​യിൽ പ്രവേ​ശി​പ്പി​ക്ക​പ്പെ​ടു​ന്നു. മാനസിക രോഗ​ത്തി​ന്റെ ഒരു ചരി​ത്ര​മു​ണ്ടാ​യി​രു​ന്ന​വർക്കും അതില്ലാ​തി​രു​ന്ന​വർക്കു​മി​ട​യി​ലെ രോഗ​ബാധ ഒരാൾക്കു നാലു പേർ എന്ന അനുപാ​ത​ത്തി​ലും പുരു​ഷൻമാർക്കും സ്‌ത്രീ​കൾക്കു​മി​ട​യിൽ ഒന്നിനു രണ്ട്‌ എന്ന അനുപാ​ത​ത്തി​ലു​മാണ്‌. (g92 9⁄22)

ഏക​ദൈവം “യാഹ്‌വെ”യാണെന്നു പാപ്പാ പ്രഖ്യാ​പി​ക്കു​ന്നു

“ദൈവം തന്റെ നാമം മനുഷ്യ​വർഗ്ഗ​ത്തി​നു വെളി​പ്പെ​ടു​ത്തു​ന്നു.” ലൊസർവാ​റേ​റാ​റേ റോമാ​നോ എന്ന വത്തിക്കാൻ വാർത്താ​പ്ര​സി​ദ്ധീ​ക​ര​ണ​ത്തി​ന്റെ മുകളി​ലെ തടിച്ച അക്ഷരത്തി​ലുള്ള തലക്കെട്ട്‌ അപ്രകാ​രം വായി​ക്ക​പ്പെട്ടു. അതിനു​കീ​ഴിൽ റോമി​ലെ സെൻറ്‌ ലിയോ​ണാഡ്‌ മൂരി​യൽഡോ ഇടവക സന്ദർശി​ക്കു​മ്പോൾ പോപ്പ്‌ നടത്തിയ ഒരു മതപ്ര​ഭാ​ഷ​ണ​ത്തി​ന്റെ മുഖ്യ​ഭാ​ഗം കൊടു​ത്തി​രു​ന്നു. “പുറപ്പാ​ടി​ലെ ഒരു ഭാഗത്തു ദൈവം തന്റെ നാമം നമ്മെ അറിയി​ക്കു​ന്നു”, പോപ്പ്‌ പ്രസം​ഗി​ച്ചു​തു​ടങ്ങി. ഇസ്ര​യേ​ല്യ​രോ​ടു പറയാൻ ദൈവം മോശ​യോട്‌ ആവശ്യ​പ്പെട്ട “ഞാൻ ആകുന്നവൻ എന്നെ നിങ്ങളു​ടെ അടുക്കൽ അയച്ചി​രി​ക്കു​ന്നു,” എന്നു കാണുന്ന പുറപ്പാട്‌ 3-ാം അദ്ധ്യാ​യ​ത്തി​ലെ 13-ഉം 14-ഉം വാക്യങ്ങൾ ഉദ്ധരി​ച്ച​ശേഷം പാപ്പ ഇങ്ങനെ കൂട്ടി​ച്ചേർത്തു: “യാഹ്‌വെ എന്ന പദത്തി​ലും സൂചി​പ്പി​ക്ക​പ്പെ​ടുന്ന ‘ഞാൻ ആകുന്നവൻ’ എന്ന ഈ പദം, ദൈവം സ്ഥിതി​ചെ​യ്യു​ന്ന​വ​നും സർവാ​തി​ശാ​യി​യായ ഒരുവൻ ആണെന്നും പറയുന്നു. . . യാഹ്‌വെ ഏകസത്യ​ദൈ​വ​മ​ല്ലാ​തെ മററാ​രു​മല്ല എന്ന്‌ ഇതിൽനി​ന്നു നാം മനസ്സി​ലാ​ക്കാൻ ഇടയാ​കു​ന്നു.” (g92 9⁄22)

കുപ്പയിൽ സ്വർണ്ണം

ആധുനിക സാങ്കേ​തി​ക​വി​ദ്യ​യ്‌ക്കു നന്ദി, ഇററലി​യി​ലെ ഒരു സ്ഥാപനം വ്യാവ​സാ​യിക അവശി​ഷ്ട​ങ്ങ​ളിൽനി​ന്നു വിലപ്പെട്ട ലോഹങ്ങൾ വേർതി​രി​ച്ചെ​ടു​ക്കു​ന്നു. ഈൽ മെസ്സ​ജേ​റോ പറയു​ന്ന​ത​നു​സ​രിച്ച്‌ ഇററലി​യി​ലെ അരെസ്സോ നഗത്തിലെ ഒരു ഫാക്ടറി ലോക​ത്തി​ന്റെ വിവിധ ഭാഗങ്ങ​ളിൽനി​ന്നു ലഭിക്കുന്ന അവശി​ഷ്ട​ങ്ങ​ളിൽനി​ന്നു സ്വർണ്ണ​വും വെള്ളി​യും മററു വിലപ്പെട്ട മൂലക​ങ്ങ​ളും വേർതി​രി​ച്ചെ​ടു​ക്കു​ന്നു. വിലപ്പെട്ട മൂലകങ്ങൾ നൽകുന്ന ഈ വസ്‌തു​ക്ക​ളിൽ ഫോ​ട്ടോ​ഗ്രാ​ഫിക്‌ പേപ്പർ, കനം കുറഞ്ഞ ലോഹ​പാ​ളി​കൾ, മൈ​ക്രോ​ചി​പ്പു​കൾ, ഉപേക്ഷി​ക്ക​പ്പെട്ട ക്യാമ​റകൾ, കമ്പ്യൂ​ട്ട​റു​കൾ, മററ്‌ ഇലക്‌​ട്രോ​ണിക്‌ ഉപകര​ണങ്ങൾ തുടങ്ങി​യവ ഉൾപ്പെ​ടു​ന്നു. അരെ​സ്സൊ​യി​ലെ ഈ ഒരു ഫാക്ടറി മാത്രം ഒരു വർഷം 120 ടൺ സ്വർണ്ണ​വും 200 ടൺ വെള്ളി​യും 4 ടൺ പല്ലേഡി​യ​വും ഒരു ടൺ പ്ലാററി​ന​വും 100 കിലോ​ഗ്രാം റോഡി​യ​വും ഇറിഡി​യ​ത്തി​ന്റെ​യും റുഥേ​നി​യ​ത്തി​ന്റെ​യും ചെറിയ അളവു​ക​ളും വീണ്ടെ​ടു​ക്കു​ന്നു. (g92 9⁄22)

വർഗ്ഗീ​യ​വാ​ദ​ത്തിന്‌ അടിസ്ഥാ​ന​മി​ല്ല

ജനിത​ക​ശാ​സ്‌ത്ര​ത്തി​ലെ നൂതന​നേ​ട്ട​ങ്ങ​ളു​ടെ സഹായ​ത്തോ​ടെ, ദീർഘ​നാ​ളാ​യി മമനു​ഷ്യ​ന്റെ ജനിത​ക​സം​ഹി​ത​യിൽ ഒളിഞ്ഞു​കി​ട​ന്നി​രുന്ന വിവര​ങ്ങളെ ശാസ്‌ത്ര​ജ്ഞൻമാർ അനാവ​രണം ചെയ്‌തു​തു​ട​ങ്ങി​യി​രി​ക്കു​ന്നു. അവർ കണ്ടുപി​ടി​ച്ചി​രി​ക്കു​ന്നതു വർഗ്ഗത്തെ സംബന്ധിച്ച പരമ്പരാ​ഗ​ത​മായ ആശയഗ​തി​കളെ തുടച്ചു​നീ​ക്കി​യി​രി​ക്കു​ന്നു എന്ന്‌ ഫ്രെഞ്ച്‌ വർത്തമാ​ന​പ​ത്ര​മായ ലാ ഫീഗൊ​റോ എഴുതു​ന്നു. ഉയരം, തൊലി​യു​ടെ നിറം, മററു സവി​ശേ​ഷ​തകൾ തുടങ്ങിയ ദൃശ്യ​വ്യ​ത്യാ​സ​ങ്ങ​ളോ​ടൊ​പ്പം മനുഷ്യ​വർഗ്ഗ​ത്തി​നി​ട​യിൽ അസംഖ്യം വൈവി​ധ്യ​ങ്ങൾ ഉണ്ടെങ്കി​ലും, ഭൂമി​യി​ലെ സകല ആളുക​ളും നിസ്സം​ശ​യ​മാ​യും ഒരു അനതി​വി​ദൂര പൂർവ്വ​കാ​ലത്തു പൊതു​മാ​താ​പി​താ​ക്കൻമാ​രിൽനി​ന്നും ഒരു പൊതു​സ്ഥാ​ന​ത്തു​നി​ന്നും ഉത്ഭവി​ച്ച​താ​ണെന്ന്‌ ഇപ്പോൾ ജനിത​ക​ശാ​സ്‌ത്ര​ജ്ഞൻമാർ സമ്മതി​ക്കു​ന്നു. “വർഗ്ഗീ​യ​വാ​ദത്തെ ന്യായീ​ക​രി​ക്കു​ന്ന​തി​നുള്ള കൃത്രിമ വിശദീ​ക​ര​ണ​ങ്ങ​ളെ​ല്ലാം ഇല്ലാതാ​ക്ക​പ്പെ​ട്ടി​രി​ക്കു​ന്നു” എന്ന്‌ ലാ ഫീഗൊ​റോ പറയുന്നു. (g92 9⁄22)

സൗന്ദര്യ​വും പോഷ​ണ​വും

“പോഷ​ണ​വും ചർമ്മത്തി​ന്റെ മാർദ്ദ​വ​വും ആളുകൾ കഴിക്കുന്ന ആഹാര​ത്തി​ന്റെ ഗുണത്തെ ആശ്രയി​ച്ചി​രി​ക്കു​ന്നു. ഇപ്പോ​ഴും പ്രധാന സൗന്ദര്യ​വർദ്ധ​ക​വ​സ്‌തു ശരിയാ​യി ആഹാരം കഴിക്കു​ന്ന​താണ്‌,” എന്നു ബ്രസ്സീ​ലി​ലെ സവോ പോളോ സർവ്വക​ലാ​ശാ​ല​യി​ലെ ഔഷധ​ശാ​സ്‌ത്ര വിഭാഗം പ്രൊ​ഫസ്സർ ഇഡ കരമി​ക്കോ അവകാ​ശ​പ്പെ​ടു​ന്നു. ഗ്ലോബു സ്‌യെൻസി എന്ന ബ്രസ്സീ​ലി​യൻ മാസിക പറയു​ന്ന​പ്ര​കാ​രം മലിനീ​ക​രണം, വിഷലിപ്‌ത ഭക്ഷണം, വൈകാ​രിക പ്രശ്‌നങ്ങൾ, അമിത സൂര്യ​പ്ര​കാ​ശം, വിരോ​ധാ​ഭാ​സ​മാ​യി, സൗന്ദര്യ​വർദ്ധ​ക​വ​സ്‌തു​ക്ക​ളു​ടെ അനുചിത ഉപയോ​ഗ​വും ചർമ്മം ജീർണ്ണി​ക്കാൻ ഇടയാ​ക്കും. ചർമ്മത്തെ പുതു​ക്കു​ന്ന​തി​നും മൃദു​വാ​ക്കു​ന്ന​തി​നും പഴങ്ങളു​ടെ​യും പച്ചക്കറി​ക​ളു​ടെ​യും ധാന്യ​ങ്ങ​ളു​ടെ​യും മതിയായ അളവ്‌ ഉൾപ്പെട്ട ഒരു ഭക്ഷണ​ക്ര​മ​ത്തോ​ടൊ​പ്പം ദിവസ​വും ചുരു​ങ്ങി​യത്‌ എട്ടു ഗ്ലാസ്സു വെള്ളം കുടി​ക്കാൻ ആ മാസിക നിർദ്ദേ​ശി​ക്കു​ന്നു. അത്‌ ഇങ്ങനെ കൂട്ടി​ച്ചേർക്കു​ന്നു: “ഏതു ബാഹ്യ​പ​രി​ച​ര​ണ​വും ആകാര​സൗ​ഷ്ട​വത്തെ മെച്ച​പ്പെ​ടു​ത്താൻ ഉതകി​യേ​ക്കാം, എന്നാൽ യാതൊ​രു ഉത്‌പ​ന്ന​വും—സ്വാഭാ​വി​ക​മോ കൃത്രി​മ​മോ ആയാലും—നല്ല പോഷ​കാ​ഹാ​ര​ത്തി​ന്റെ ഫലങ്ങളെ കവച്ചു​വ​യ്‌ക്കു​ന്നില്ല.” (g92 9⁄22)

“കണ്ണിനു പകരം കണ്ണ്‌”

സാധാ​ര​ണ​യാ​യി കഠിന​രായ കുററ​വാ​ളി​കൾക്കു ജയിൽ ശിക്ഷകൾ ഒരു പ്രശ്‌ന​മേ​യ​ല്ലാ​ത്ത​തി​നാൽ റെറന​സി​യി​ലെ മെംഫി​സി​ലുള്ള ജഡ്‌ജി ജോസ്‌ ബി. ബ്രൗൺ തന്റെ മുൻപിൽ വിചാ​ര​ണ​ക്കാ​യി മോഷ്ടാ​ക്കൾ വരു​മ്പോൾ ഒരു വ്യത്യസ്‌ത നയം സ്വീക​രി​ച്ചി​രി​ക്കു​ന്നു. ദ വാൾ സ്‌ട്രീ​ററ്‌ ജേർണൽ റിപ്പോർട്ടു ചെയ്‌ത​തു​പോ​ലെ, “കള്ളന്റെ വീടു സന്ദർശി​ച്ചു തിരികെ എന്തെങ്കി​ലും ‘മോഷ്ടി​ക്കാൻ’, നഷ്ടം നേരി​ട്ട​വരെ അദ്ദേഹം ക്ഷണിക്കു​ന്നു. സമീപ​കാ​ലത്തെ അനേകം കേസു​ക​ളിൽ കണ്ണിനു പകരം കണ്ണ്‌ എന്ന ബൈബിൾ വാക്യത്തെ, ഒരു സ്വർണ്ണ​റോ​ള​ക്‌സ്‌ വാച്ചിനു പകരം രണ്ടു ശീതകു​പ്പാ​യങ്ങൾ എന്നും ഒരു ജോടി സൈക്കി​ളി​നു പകരം സ്‌ററീ​രി​യോ സ്‌പീ​ക്ക​റു​കൾ എന്നും ക്രിമി​നൽ കോട​തി​യി​ലെ ഈ ജഡ്‌ജി ഭാഷാ​ന്തരം ചെയ്‌തി​രി​ക്കു​ന്നു. ഒരു മോഷ്ടാ​വു രക്ഷപെ​ടാ​നാ​യി തന്റെ സ്വന്തം കാർ ഉപയോ​ഗി​ക്കു​ന്നു​വെ​ങ്കിൽ വസ്‌ത്ര​ങ്ങ​ളോ​ടും ആഭരണ​ങ്ങ​ളോ​ടും മററു വിലപ്പെട്ട വസ്‌തു​ക്ക​ളോ​ടും കൂടെ അതും ലഭ്യമാണ്‌.” നഷ്ടം പരിഹ​രി​ക്ക​പ്പെ​ടു​ന്ന​തു​വരെ രാത്രി​യി​ലോ പകലോ, ഏതു സമയത്തും കൂടെ​ക്കൂ​ടെ മോഷ്ടാ​വി​ന്റെ വീട്ടിൽ പോകാൻ അദ്ദേഹ​ത്തി​ന്റെ നിയമങ്ങൾ കുററ​കൃ​ത്യ​ത്തി​ന്റെ ഇരകളെ അനുവ​ദി​ക്കു​ന്നു. എന്നാൽ, വ്യക്തമായ മാർഗ്ഗ​നിർദ്ദേശക തത്ത്വങ്ങ​ളുണ്ട്‌. തിരികെ എടുക്കുന്ന വസ്‌തു​ക്കൾ മററു​ള്ള​വ​രിൽനി​ന്നു മോഷ്ടി​ച്ച​വയല്ല എന്ന്‌ ഉറപ്പു​വ​രു​ത്താൻ ഒരു പോലീസ്‌ പ്രതി​നി​ധി കൂടെ​പ്പോ​കു​ന്നു. (g92 9⁄22)