ലോകത്തെ വീക്ഷിക്കൽ

അഗ്നിപർവ്വതം ഗ്രഹത്തെ തണുപ്പി​ക്കു​ന്നു

ആയിര​ത്തി​ത്തൊ​ള്ളാ​യി​രത്തി തൊണ്ണൂ​റെ​റാ​ന്നിൽ ഫിലി​പ്പീൻസി​ലെ മൗണ്ട്‌ പിനാ​റ​റൂ​ബോ അഗ്നിപർവ്വതം പൊട്ടി​യ​പ്പോൾ അതിന്റെ ഫലമായി നമ്മുടെ ഗ്രഹം നേരി​യ​തോ​തിൽ തണുക്കു​മെന്നു ശാസ്‌ത്ര​ജ്ഞൻമാർ മുൻകൂ​ട്ടി​പ്പ​റഞ്ഞു. സംഭവി​ച്ച​പ്ര​കാ​രം അവർ പറഞ്ഞതു ശരിയാ​യി​രു​ന്നു. ആ അഗ്നിപർവ്വതം ഏതാണ്ട്‌ 20 ദശലക്ഷം ടൺ സൾഫർ ഡൈഓ​ക്‌​സൈഡ്‌ വാതകം സമതാ​പ​മാ​ന​മ​ണ്ഡ​ല​ത്തി​ലേക്കു ശക്തിയാ​യി പായിച്ചു. ആ വാതകം സൾഫ്യൂ​റിക്‌ ആസിഡി​ന്റെ ചെറു​തു​ള്ളി​ക​ളാൽ നിർമ്മി​ത​മായ ഒരു വിസ്‌തൃ​ത​മായ മേഘം രൂപീ​ക​രി​ക്കു​ക​യും ഉയർന്ന, വേഗത്തി​ലുള്ള വായു​പ്ര​വാ​ഹ​ങ്ങ​ളാൽ ഏതാനും ആഴ്‌ച​കൾക്കു​ള്ളിൽ ഗോള​മാ​സ​കലം വ്യാപി​പ്പി​ക്കു​ക​യും ചെയ്‌തു. ഈ ചെറു​തു​ള്ളി​കൾ സൂര്യന്റെ ചില കിരണ​ങ്ങളെ പ്രകീർണ്ണനം ചെയ്യു​ക​യും തടയു​ക​യും ചെയ്‌തു, താഴെ​യുള്ള പ്രതല​ത്തിൽ താഴ്‌ന്ന ഊഷ്‌മാ​വി​നു കാരണ​മാ​ക്കി​ക്കൊ​ണ്ടു തന്നെ. സയൻസ്‌ ന്യൂസ്‌ പറയു​ന്ന​ത​നു​സ​രിച്ച്‌ ആ പൊട്ടൽമു​തൽ ഉത്താരാർദ്ധ​ഗോ​ള​ത്തി​ലെ ചില ഭാഗങ്ങ​ളിൽ ശരാശരി ഊഷ്‌മാ​വിൽ ഏതാണ്ട്‌ ഒരു ഡിഗ്രി സെൻറി​ഗ്രേഡ്‌ കുറവു കാണ​പ്പെ​ടു​ന്നു. എന്നിരു​ന്നാ​ലും ഈ ഫലം താത്‌ക്കാ​ലി​കം മാത്ര​മാണ്‌, ആഗോള താപവർദ്ധ​ന​വി​നുള്ള ഒരു പരിഹാ​ര​മാ​യി വീക്ഷി​ക്കാൻ സാധി​ക്കു​ക​യില്ല. അഗ്നിപർവ്വ​ത​ത്താൽ പ്രേരി​ത​മായ ഈ തണുക്കൽ പ്രവണത 1994 ആകുന്ന​തോ​ടെ ഇല്ലാതാ​കു​മെന്ന്‌ ഒരു കാലാവസ്ഥ വിദഗ്‌ദ്ധൻ മുൻകൂ​ട്ടി​പ്പ​റ​യു​ന്നു. (g93 1/22)

ഏഷ്യയി​ലെ അവയവ വ്യാപാ​രം

“വിതര​ണ​വും ലഭ്യത​യും നാടിന്റെ നിയമ​മാണ്‌” എന്നു മനുഷ്യ അവയവ​ങ്ങ​ളു​ടെ വ്യാപാ​രം എന്ന വിഷയ​ത്തെ​ക്കു​റി​ച്ചു ഏഷ്യാ​വീക്ക്‌ മാസിക പറയുന്നു. ആയിര​ത്തി​ത്തൊ​ള്ളാ​യി​രത്തി തൊണ്ണൂ​റ​റി​ര​ണ്ടി​ന്റെ വസന്തത്തിൽ വൃക്ക പറിച്ചു​ന​ടീ​ലി​നു​വേണ്ടി ഹോ​ങ്കോ​ങ്ങിൽ ഏതാണ്ട്‌ 600-ഓളം ജനങ്ങൾ കാത്തി​രി​ക്കു​ക​യാ​യി​രു​ന്നു, എന്നാൽ അതിൽ 50 പേർ മാത്രമെ വർഷത്തി​ന്റെ അവസാ​ന​ത്തോ​ടെ ഒരെണ്ണം ലഭിക്കാൻ പ്രതീ​ക്ഷി​ച്ചി​രു​ന്നു​ള്ളു. അതിനാൽ അനേകർ, പ്രതി​വർഷം 2 കോടി ഡോള​റി​ന്റെ വ്യാപാ​ര​ത്തിൽ വാർഷി​ക​മാ​യി 6,000 വൃക്ക പറിച്ചു​ന​ടീൽ നടക്കുന്ന ഇൻഡ്യ​പോ​ലുള്ള മററു രാജ്യ​ങ്ങ​ളി​ലേക്കു പോകു​ന്നു. ഒരു വൃക്ക കൊണ്ടു സാധാ​ര​ണ​മാ​യി ജീവിതം സാധ്യ​മാ​യ​തി​നാൽ മിക്ക​പ്പോ​ഴും ദരി​ദ്ര​രോ ചില സാമ്പത്തിക ദൗർഭാ​ഗ്യ​ങ്ങൾ അനുഭ​വി​ച്ച​വ​രോ ഒരു വൃക്ക വിൽക്കാൻ സന്നദ്ധരാണ്‌. എന്നാൽ അവയവ വ്യാപാ​രത്തെ അഴിമതി ബാധി​ച്ചി​രി​ക്കു​ന്നു​വെന്ന്‌ ഏഷ്യാ​വീക്ക്‌ കുറി​ക്കൊ​ള്ളു​ന്നു. അഴിമ​തി​ക്കാ​രായ ഇടനി​ല​ക്കാർ ചില ദാതാ​ക്ക​ളു​ടെ പണം വഞ്ചി​ച്ചെ​ടു​ത്തി​രി​ക്കു​ന്നു. ചെറിയ ഉദര​രോ​ഗം​നി​മി​ത്തം ഒരു മനുഷ്യൻ ആശുപ​ത്രി​യിൽ പോകു​ക​യും അതു ഒരു വൃക്കയു​ടെ കുറവിൽ കലാശി​ക്കു​ക​യും ചെയ്‌തു—അയാളു​ടെ അനുവാ​ദം കൂടാതെ അതു നീക്കം ചെയ്‌തി​രു​ന്നു! (g93 1/22)

നിരപ​രാ​ധി​ക​ളു​ടെ സംഹാരം

ആയിര​ത്തി​ത്തൊ​ള്ളാ​യി​രത്തി തൊണ്ണൂ​റ​റി​യൊ​ന്നിൽ ഐക്യ​നാ​ടു​ക​ളിൽ കുറഞ്ഞത്‌ 1,383 കുട്ടികൾ ദുഷ്‌പെ​രു​മാ​റ​റ​ത്താ​ലോ അവഗണ​ന​യാ​ലോ കൊല്ല​പ്പെട്ടു എന്ന്‌ ദ വാഷിം​ങ്‌ടൺ പോസ്‌ററ്‌ റിപ്പോർട്ട്‌ ചെയ്യുന്നു. ശിശു​ദ്രോ​ഹം തടയു​ന്ന​തി​നുള്ള ദേശീയ കമ്മിററി ലഭ്യമാ​ക്കിയ ഈ മിതമായ കണക്ക്‌ ഓരോ ദിവസ​വും ദ്രോ​ഹ​ത്തോ​ടു ബന്ധപ്പെട്ടു ഞെട്ടി​ക്കും​വി​ധം നാലു കുട്ടികൾ മരിക്കു​ന്ന​തി​നു തുല്യ​മാണ്‌, കഴിഞ്ഞ ആറുവർഷ​ത്തെ​ക്കാൾ 50 ശതമാനം വർദ്ധനവ്‌ ആണിത്‌. വർദ്ധന​വി​നുള്ള കാരണങ്ങൾ വ്യത്യ​സ്‌ത​ങ്ങ​ളാണ്‌. ഈ നിസ്സഹാ​യ​രായ ഇരകളു​ടെ​മേൽ തങ്ങളുടെ നിരാ​ശകൾ പ്രകട​മാ​ക്കാൻ ആളുകളെ നിർബ​ന്ധി​ക്കുന്ന സാമ്പത്തിക അവസ്ഥകളെ—ജോലി നഷ്ടങ്ങൾ, കുറഞ്ഞ വരുമാ​നങ്ങൾ, പ്രത്യാ​ശ​യി​ല്ലായ്‌മ എന്നിവയെ—ചില വിദഗ്‌ദ്ധർ പഴിചാ​രു​ന്നു. വളരെ പരസ്യ​മായ അനേകം കേസു​ക​ളി​ലും തങ്ങൾ നോക്കുന്ന കുട്ടി​കളെ ആയമാർ ദ്രോ​ഹി​ച്ചത്‌ ഉൾപ്പെ​ട്ടി​രി​ക്കു​ന്നു​വെ​ങ്കി​ലും “ഉയർന്ന നിരക്കി​ലുള്ള മരണത്തി​ന്റെ യഥാർത്ഥ കാരണം സാധാ​ര​ണ​മാ​യി ശിശു​ക്കളെ ഏററവു​മ​ധി​കം സ്‌നേ​ഹി​ക്കേണ്ട മമ്മി​യോ​ടും ഡാഡി​യോ​ടും ബന്ധപ്പെട്ടു ഭവന​ത്തോട്‌ ഏറെ അടുത്തു സ്ഥിതി​ചെ​യ്യു​ന്നു​വെന്നു വിദഗ്‌ദ്ധർക്ക്‌ അറിയാ”മെന്ന്‌ പോസ്‌ററ്‌ കുറി​ക്കൊ​ള്ളു​ന്നു. (g93 1/22)

അമിത ജനപ്പെ​രു​പ്പം—എന്തു​കൊണ്ട്‌?

ദരിദ്ര രാജ്യ​ങ്ങ​ളിൽ അമിത ജനപ്പെ​രു​പ്പം വളരെ സാധാ​ര​ണ​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? ബ്രസീ​ലി​ലെ മുൻ പരിസ്ഥി​തി സെക്ര​ട്ടറി, പൗളോ നൊഗാ​രാ നെറേറാ, വിസൗ എന്ന മാസി​ക​യിൽ ശക്തമായി ഉത്തരം തരുന്നു: “ബ്രസീ​ലിൽ പറയുന്ന ഒരു കഥയുണ്ട്‌. അയാൾക്ക്‌ എന്തു​കൊ​ണ്ടാണ്‌ ഒൻപതു കുട്ടി​ക​ളു​ള്ളത്‌ എന്നു​ചോ​ദി​ച്ച​പ്പോൾ ഒരു മനുഷ്യൻ പറയുന്നു, ‘മൂന്നു​പേർ അവർ ചെറു​താ​യി​രി​ക്കു​മ്പോൾ മരിക്കു​ന്നു; മൂന്നു​പേർ സാവോ പോ​ളോ​യി​ലേ​ക്കോ റിയോ ഡി ജാനെ​റൊ​യി​ലേ​ക്കോ ബ്രസീ​ലി​യാ​യി​ലേ​ക്കോ കുടി​യേ​ററം നടത്തുന്നു, മൂന്നു​പേർ ഞങ്ങൾ പ്രായ​മാ​കു​മ്പോൾ സംരക്ഷി​ക്കു​ന്ന​തി​നു​വേണ്ടി ഇവിടെ താമസി​ക്കു​ന്നു.’ ദരിദ്ര ജനങ്ങൾ വാർദ്ധ​ക്യ​കാ​ലത്തെ സംരക്ഷ​ണ​ത്തിന്‌ ഒരു കുട്ടിയെ ആശ്രയി​ക്കു​ന്നു.” “ലോകം മുഴുവൻ ഇതു നിരീ​ക്ഷി​ക്കുക സാദ്ധ്യ​മാണ്‌: ദാരി​ദ്ര്യം എവി​ടെ​യു​ണ്ടോ അവിടെ ജനസം​ഖ്യാ സ്‌ഫോ​ട​ന​വു​മുണ്ട്‌. ഇതു തുടരു​ന്നു​വെ​ങ്കിൽ, ഗ്രഹം നശിക്കും. പരിമിത വിഭവ​ശേ​ഷി​ക​ളോ​ടു കൂടിയ ഒരു ലോക​ത്തിൽ വികസനം ആത്മീയ​മോ ധാർമ്മി​ക​മോ ശാസ്‌ത്രീ​യ​പ​ര​മോ അല്ലെങ്കിൽ നമുക്ക്‌ അപരി​മി​ത​മായ വികസനം ഉണ്ടായി​രി​ക്കാൻ കഴിയു​ക​യില്ല” എന്ന്‌ നെറേറാ അമംഗ​ള​സൂ​ച​ക​മാ​യി കൂട്ടി​ച്ചേർക്കു​ന്നു. (g93 1/22)

വർദ്ധിച്ച ആയുർ​ദൈർഘ്യം ഒരു അനു​ഗ്ര​ഹ​മോ?

സമീപ വർഷങ്ങ​ളിൽ വൈദ്യ​ശാ​സ്‌ത്രം മമനു​ഷ്യ​ന്റെ ശരാശരി ആയുർ​ദൈർഘ്യം കുറെ വർദ്ധി​പ്പി​ച്ചി​ട്ടു​ണ്ടെ​ങ്കി​ലും, “ലോക​ത്തി​ലെ ജനങ്ങളു​ടെ ആരോ​ഗ്യ​വും ജീവി​ത​ത്തി​ന്റെ ഗുണനി​ല​വാ​ര​വും അശേഷം മെച്ച​പ്പെ​ടു​കയല്ല” എന്നു WHO-ന്റെ (വേൾഡ്‌ ഹെൽത്ത്‌ ഓർഗ​നൈ​സേഷൻ) ഡയറക്ടർ ജനറലായ ഡോ. ഹിരോ​ഷി നാകാ​ജിമ സമ്മതി​ക്കു​ന്നു. പാരീസ്‌ വർത്തമാ​ന​പ്പ​ത്ര​മായ ലീ ഫിഗാ​രോ​യു​മാ​യുള്ള ഒരു അഭിമുഖ സംഭാ​ഷ​ണ​ത്തിൽ ഡോ. നാകാ​ജിമ പറഞ്ഞു: “ഞങ്ങൾക്കുള്ള വിവര​മ​നു​സ​രിച്ച്‌, രോഗി​ക​ളോ ദുർബ്ബ​ല​രോ ആയ ആളുക​ളു​ടെ എണ്ണം, പ്രത്യേ​കി​ച്ചും പ്രായ​മാ​യ​വ​രു​ടെ​യി​ട​യിൽ, വർദ്ധി​ച്ചി​ട്ടുണ്ട്‌.” ആഗോ​ള​മാ​യി ശരാശരി ആയുർ​ദൈർഘ്യം ഇപ്പോൾ 65 വയസ്സ്‌ ആണ്‌. വ്യവസാ​യ​വൽക്കൃത രാഷ്‌ട്ര​ങ്ങ​ളിൽ അത്‌ 76 വർഷമാ​യി​രി​ക്കു​മ്പോൾ വികസ്വര രാജ്യ​ങ്ങ​ളി​ലെ ശരാശരി 62 വർഷം ആണ്‌, ഭൂമി​യി​ലെ ഏററവും കുറഞ്ഞ പുരോ​ഗ​മ​ന​മുള്ള പ്രദേ​ശ​ങ്ങ​ളിൽ അതു വെറും 50 വർഷം ആണ്‌. അടുത്ത അഞ്ചു വർഷത്തിൽ ശരാശരി ആയുർ​ദൈർഘ്യം 4 മാസം വർദ്ധി​പ്പി​ക്കാ​മെന്നു WHO പ്രത്യാ​ശി​ക്കു​ന്നു. എന്നാൽ “ആയുർ​ദൈർഘ്യ​ത്തി​ലെ വർദ്ധനവു ദൗർബ്ബ​ല്യ​മോ വിട്ടു​മാ​റാത്ത രോഗ​മോ കൂടാ​തെ​യുള്ള ജീവി​തത്തെ അവശ്യം അർത്ഥമാ​ക്കു​ന്നില്ല” എന്നു ഡോ. നാകാ​ജിമ കുറി​ക്കൊ​ണ്ടു. (g93 1/22)

ഭാഷക​ളും തലച്ചോ​റും

ഇററലി​യി​ലെ ട്രിസ്‌ററി യൂണി​വേ​ഴ്‌സി​റ​റി​യി​ലെ ഒരു ഗവേഷ​ക​നായ ഫ്രാൻകോ ഫാബ്രോ പറയു​ന്ന​ത​നു​സ​രിച്ച്‌ നമുക്ക്‌ അറിയാ​വുന്ന അല്ലെങ്കിൽ ഭാഗി​ക​മാ​യി അറിയാ​വുന്ന ഓരോ ഭാഷയും തലച്ചോ​റി​ന്റെ ഒരു പ്രത്യേക സ്ഥലത്തു സ്ഥാപി​ച്ചി​രി​ക്കു​ന്നു. അദ്ദേഹം ഈ നിഗമ​ന​ത്തിൽ എത്തി​ച്ചേർന്ന​തെ​ങ്ങനെ? തലച്ചോ​റി​നു ഹാനി സംഭവി​ച്ചി​ട്ടു​ണ്ടാ​യി​രുന്ന ബഹുഭാ​ഷാ വിദഗ്‌ദ്ധ​രാ​യി​രുന്ന ഒരു കൂട്ടം ആളുകൾക്കു മേലാൽ അവരുടെ സ്വന്തം ഭാഷയിൽ കൃത്യ​മാ​യി ആശയം​പ്ര​ക​ടനം നടത്താൻ സാധി​ച്ചി​ല്ലെ​ങ്കി​ലും തങ്ങൾക്ക്‌ അല്‌പ​മാ​യി മാത്രം അറിയാ​മെന്നു വിചാ​രി​ച്ചി​രുന്ന ഒരു വിദേശ ഭാഷയിൽ അവർ ഒഴു​ക്കോ​ടെ സംസാ​രി​ക്കാൻ തുടങ്ങി. “ആശയ​പ്ര​ക​ട​നത്തെ പരിമി​ത​പ്പെ​ടു​ത്തി​ക്കൊ​ണ്ടു മററു ഭാഷകളെ മാതൃ​ഭാഷ തടസ്സ​പ്പെ​ടു​ത്തു​ന്നു” എന്ന്‌ ഇതു സൂചി​പ്പി​ക്കു​ന്ന​താ​യി ലെസ്‌​പ്രെ​സോ മാസിക പറയുന്നു. (g93 1/22)

എയ്‌ഡ്‌സി​നോ​ടുള്ള മനോ​ഭാ​വ​ങ്ങൾ

“അനേകം ദക്ഷിണാ​ഫ്രി​ക്ക​ക്കാർ [എയ്‌ഡ്‌സി​ന്റെ] പ്രാധാ​ന്യം കാണു​ന്ന​തിൽ പരാജ​യ​പ്പെ​ടു​ക​യൊ ഈ രോഗം ആസ്‌തി​ക്യ​ത്തി​ലുണ്ട്‌ എന്നു വിശ്വ​സി​ക്കു​വാൻപോ​ലും വിസമ്മ​തി​ക്കു​ക​യോ ചെയ്യുന്നു” എന്ന്‌ ദക്ഷിണാ​ഫ്രി​ക്ക​യി​ലെ ജോഹ​ന്നാ​സ്‌ബർഗി​ന്റെ സാററർഡേ സ്‌ററാർ റിപ്പോർട്ടു​ചെ​യ്യു​ന്നു. “വർഗ്ഗീ​യ​ത​യു​ടെ​യും ദാരി​ദ്ര്യ​ത്തി​ന്റെ​യും അജ്ഞതയു​ടെ​യും ഒരു ശക്തമായ കൂടി​ക്ക​ലരൽ, ഭേദമാ​ക്കാൻ കഴിയാത്ത ഈ രോഗ​ത്തി​ന്റെ വ്യാപ​നത്തെ ത്വരി​ത​പ്പെ​ടു​ത്തു​ന്നു.” എയ്‌ഡ്‌സി​ന്റെ ആശയം ആഫ്രി​ക്കയെ അശക്തമാ​ക്കു​ന്ന​തി​നുള്ള പാശ്ചാത്യ ഗൂഢത​ന്ത്ര​മാ​ണെന്ന്‌ അല്ലെങ്കിൽ ഈ രോഗം ആഫ്രി​ക്ക​യി​ലെ കറുത്ത​വർഗ്ഗ​ക്കാ​രു​ടെ ജനനനി​രക്കു നിയ​ന്ത്രി​ക്കു​ന്ന​തി​നുള്ള വെള്ളക്കാ​രു​ടെ കണ്ടുപി​ടി​ത്ത​മാ​ണെന്നു ചില ആളുകൾ വിചാ​രി​ക്കു​ന്നു. എയ്‌ഡ്‌സി​നോ​ടുള്ള ആളുക​ളു​ടെ മനോ​ഭാ​വത്തെ ബാധി​ക്കുന്ന മറെറാ​രു വസ്‌തുത അനേക​രു​ടെ​യും ദൈനം​ദിന ജീവി​ത​ത്തി​ന്റെ ഭാഗമാ​യി തീർന്നി​രി​ക്കുന്ന അക്രമ​മാണ്‌. കലാപ​ക​ലു​ഷി​ത​മായ ഒരു പ്രദേ​ശത്തെ ദക്ഷിണാ​ഫ്രി​ക്ക​ക്കാ​ര​നായ ഒരു മനുഷ്യൻ എയ്‌ഡ്‌സ്‌ ഉപദേ​ശ​ക​രു​ടെ ഒരു കൂട്ട​ത്തോ​ടു പറഞ്ഞു: “എയ്‌ഡ്‌സി​നു പത്തുവർഷം​കൊണ്ട്‌ എന്നെ രോഗി​യാ​ക്കാൻ കഴിയു​മെന്നു നിങ്ങൾ എന്നോടു പറയുന്നു. എന്നാൽ കഴിഞ്ഞ വാരാ​ന്ത​ത്തിൽ (രാഷ്‌ട്രീയ അക്രമ​ത്താൽ) . . . ഇവിടെ 25 പേർ മരിച്ചു. എയ്‌ഡ്‌സി​നു യഥാർത്ഥ​ത്തിൽ ജീവി​തത്തെ ഇപ്പോ​ഴ​ത്തെ​ക്കാൾ കൂടുതൽ വഷളാ​ക്കാൻ കഴിയു​മോ?” വീക്ഷണങ്ങൾ മാറു​ന്നി​ല്ലെ​ങ്കിൽ, ദക്ഷിണാ​ഫ്രി​ക്ക​യിൽ വരുന്ന 10മുതൽ 15വരെ വർഷങ്ങൾക്കു​ള്ളിൽ ഈ രോഗം ഉഗ്രമാ​യി വർദ്ധി​ക്കു​മെന്നു കണക്കാ​ക്കി​യി​രി​ക്കു​ന്നു. (g93 2/8)

ചന്ദ്ര സ്വാധീ​നം

ചന്ദ്രൻ ഭൂമി​യി​ലെ സമുദ്ര തിരമാ​ല​ക​ളു​ടെ വേലി​യേ​റ​റ​ത്തി​നും വേലി​യി​റ​ക്ക​ത്തി​നും ഇടയാ​ക്കു​ന്നു​വെന്നു ദീർഘ​കാ​ല​മാ​യി അറിയ​പ്പെ​ട്ടി​രു​ന്നു. എന്നിരു​ന്നാ​ലും ചന്ദ്രനു ഭൂമി​യു​ടെ കരഭാ​ഗ​ത്തി​ന്റെ ഉപരി​ത​ല​ത്തിൻമേ​ലും സമാന​മായ ഒരു ഫലം ഉണ്ടെന്ന്‌ സിഎൻആർഎസ്‌ (ഫ്രഞ്ച്‌ നാഷനൽ സെൻററർ ഓഫ്‌ സയൻറി​ഫിക്ക്‌ റിസേർച്ച്‌)-ൽ നിന്നുള്ള ശാസ്‌ത്ര​ജ്ഞൻമാർ ഉറപ്പി​ച്ചു​പ​റ​യു​ന്ന​താ​യി ഫ്രഞ്ച്‌ മാസി​ക​യായ റേറർ സൊവാജ്‌ റിപ്പോർട്ടു​ചെ​യ്യു​ന്നു. ഭൂമി​യു​ടെ ഉപരി​ത​ല​ത്തിൽനിന്ന്‌ 1,000 മീററർ അടിയിൽ ആവരണം ചെയ്യപ്പെട്ട ഒരു ഗുഹയി​ലെ ഉപ്പു​വെ​ള്ള​ത്തിൽ നിക്ഷേ​പിച്ച ഒരു ലോഹ ഉപകരണം മുഖേന ഓരോ 12 മണിക്കൂ​റി​ലും ഗുഹയു​ടെ ഉള്ളിലു​ള്ള​വ​യ്‌ക്ക്‌ ഒരു ഉയർച്ച​യും താഴ്‌ച​യും ഉണ്ടാ​യെന്നു കണ്ടുപി​ടി​ക്കാൻ ഗവേഷ​കർക്കു കഴിഞ്ഞു. ഗുഹയു​ടെ ഭിത്തി​ക​ളു​ടെ ചെറിയ തോതി​ലുള്ള വികാ​സ​ത്തിൽനി​ന്നും സങ്കോ​ച​ത്തിൽനി​ന്നും ഉണ്ടായ ഈ ചലനം, ഭൂമിക്കു ചുററു​മുള്ള ചന്ദ്രന്റെ കറക്ക​ത്തോ​ടു ഒത്തുവ​രി​ക​യും ചന്ദ്രൻ തീർച്ച​യാ​യും “അതിശ​യ​ക​ര​മായ ഭൂഗർഭ ശ്വാ​സോ​ച്ഛ്വാ​സം” എന്നു റെറർ സൊവാജ്‌ വിളി​ക്കു​ന്ന​തി​ന്റെ ഉറവാ​ണെന്നു തെളി​യി​ക്കു​ക​യും ചെയ്യുന്നു. (g93 2/8)

ചലന രോഗ​ത്തി​ന്റെ കാരണം

മിക്ക ആളുക​ളും അവരുടെ ജീവി​ത​ത്തി​ന്റെ ചില ഘട്ടങ്ങളിൽ ചലന രോഗം അനുഭ​വി​ച്ചി​ട്ടുണ്ട്‌. ലക്ഷക്കണ​ക്കി​നാ​ളു​കൾ സഞ്ചരി​ക്കു​മ്പോൾ അതിനെ നിരന്തരം അഭിമു​ഖീ​ക​രി​ക്കു​ന്നു. സാധാരണ ഓക്കാ​ന​ത്തി​നു കാരണ​മാ​ക്കു​ന്ന​തെ​ന്തെന്ന്‌ ഇപ്പോൾ ശാസ്‌ത്ര​ജ്ഞൻമാർക്കു മനസ്സി​ലാ​കു​ന്നു​വെന്ന്‌ അവർ വിശ്വ​സി​ക്കു​ന്നു. പ്രശ്‌നം തലച്ചോ​റി​ലാണ്‌ ഉണ്ടാകു​ന്നത്‌. അവിടെ നേത്രങ്ങൾ സം​പ്രേ​ക്ഷണം ചെയ്യുന്ന വിവരങ്ങൾ ആന്തര കർണ്ണം ഗ്രഹിച്ച വിവര​ങ്ങ​ളു​മാ​യി യോജി​ക്കാ​തെ വരുന്നു. ഉദാഹ​ര​ണ​ത്തിന്‌, ശരീരം ബോട്ടി​നൊ​പ്പം നീങ്ങുന്ന ഒരു നിശ്ചല​മായ രംഗം നേത്രങ്ങൾ കാണു​മ്പോൾ ആടി​ക്കൊ​ണ്ടി​രി​ക്കുന്ന ബോട്ടി​നു​ള്ളി​ലെ ശരീര ചലനം ആന്തര കർണ്ണം തിരി​ച്ച​റി​യു​ന്നു. തലച്ചോ​റി​നു ലഭിക്കുന്ന വിരുദ്ധ സന്ദേശങ്ങൾ സമ്മർദ്ദ​ത്തോ​ടു ബന്ധപ്പെട്ട ഹോർമോ​ണു​കൾ പുറ​ത്തേ​ക്കു​വി​ടു​ക​യും ഉദര​പേ​ശി​ക​ളി​ലെ വൈദ്യു​ത​സ്‌പന്ദന നിരക്കു​കളെ വർദ്ധി​പ്പി​ക്കു​ക​യും ചെയ്യുന്നു, ക്രമേണ അതു ഓക്കാ​ന​ത്തി​നും ഛർദ്ദി​ക്കും കാരണ​മാ​ക്കു​ന്നു. ചലന രോഗം ഒഴിവാ​ക്കു​ന്ന​തി​നുള്ള മാർഗ്ഗ​ങ്ങ​ളിൽ സഞ്ചാര​ത്തി​നു മുമ്പ്‌ അല്‌പം നൂറുള്ള, കൊഴു​പ്പു കുറഞ്ഞ ആഹാരം കഴിക്കു​ന്ന​തും, ആന്തര കർണ്ണം ഗ്രഹി​ക്കു​ന്നതു കണ്ണുകൾക്കു കാണാൻ കഴിയു​ന്ന​തി​നു കാറി​ലാ​യി​രി​ക്കു​മ്പോൾ വളഞ്ഞു​തി​രിഞ്ഞ വഴിക​ളു​ടെ വളവു​ക​ളി​ലേക്കു നോക്കു​ന്ന​തും ബോട്ടി​ലാ​യി​രി​ക്കു​മ്പോൾ ചക്രവാ​ള​ത്തി​ലേക്കു നോക്കു​ന്ന​തും, തലയു​ടെ​യും ശരീര​ത്തി​ന്റെ​യും ചലനം കുറയ്‌ക്കു​ന്ന​തും മനസ്സിനെ മററു ചിന്തക​ളിൽ തിരക്കു​ള്ള​താ​യി നിർത്തു​ന്ന​തും ഉൾപ്പെ​ടു​ന്നു. (g93 2/8)

മദ്ധ്യവ​യ​സ്‌ക്കർക്കു ജോലി നഷ്ടപ്പെ​ടു​ന്നു

“നിങ്ങൾ 40 വയസ്സിനു മുകളി​ലാ​ണെ​ങ്കിൽ നിങ്ങളു​ടെ ജോലി മാറു​ന്ന​തി​നെ​ക്കു​റി​ച്ചു ചിന്തി​ക്കു​ക​പോ​ലും ചെയ്യരുത്‌” എന്ന്‌ ദക്ഷിണാ​ഫ്രി​ക്ക​യി​ലെ ജോഹ​നാ​സ്‌ബർഗി​ലുള്ള ഒരു വർത്തമാ​ന​പ്പ​ത്ര​മായ ദ സ്‌ററാർ പറയുന്നു. ഒരു സാമ്പത്തിക തകർച്ച​യു​ടെ ഫലമാ​യി​ട്ടു ദക്ഷിണാ​ഫ്രി​ക്ക​യി​ലെ അനേകം ജോലി​ക്കാർ പിരി​ച്ചു​വി​ട​പ്പെ​ടു​ക​യാണ്‌. റിട്ടയർ ചെയ്യുന്ന പ്രായ​ത്തോ​ട​ടു​ത്തു​കൊ​ണ്ടി​രി​ക്കുന്ന പ്രായ​മുള്ള ആളുക​ളാ​ണു മിക്ക​പ്പോ​ഴും ജോലി നഷ്ടപ്പെ​ടുന്ന ആദ്യത്തവർ. മനുഷ്യ​ശക്തി ഡിപ്പാർട്ടു​മെൻറിൽ നിന്നുള്ള സ്ഥിതി​വി​വ​ര​ക്ക​ണ​ക്ക​നു​സ​രിച്ച്‌ ദക്ഷിണാ​ഫ്രി​ക്ക​യിൽ 50 വയസ്സിൽ കൂടു​ത​ലുള്ള 37,500 ആളുകൾക്ക്‌ ഓരോ മാസവും ജോലി നഷ്ടപ്പെ​ട്ടു​കൊ​ണ്ടി​രി​ക്കു​ന്നു. “അൻപത്ത​ഞ്ചി​നു മുകളി​ലുള്ള സ്‌ത്രീ​പു​രു​ഷൻമാർ ജോലി​സ്ഥ​ലത്തു പെട്ടെന്ന്‌ അപകട​ത്തി​ലാ​കുന്ന ഒരു ഉപഗണം ആയിത്തീ​രുന്ന വിദേ​ശ​ങ്ങ​ളി​ലെ പ്രവണ​ത​യിൽനി​ന്നു വ്യത്യ​സ്‌തമല്ല ദക്ഷിണാ​ഫ്രി​ക്ക​യി​ലെ സ്ഥിതി​വി​ശേഷം” എന്നു ദ സ്‌ററാർ പറയുന്നു. “അൻപത്ത​ഞ്ചി​നും അതിനു മുകളി​ലും ഉള്ള സ്‌ത്രീ​പു​രു​ഷ​മാർക്കുള്ള നിയമാ​നു​സൃ​ത​മായ ജോലി ജനസമ്മി​തി​യുള്ള ഒരു പ്രവണ​തയല്ല എന്നു സാമ്പത്തിക സഹകര​ണ​ത്തി​നും വികസ​ന​ത്തി​നും വേണ്ടി​യുള്ള സ്ഥാപനം പറയുന്നു. . . പ്രായ​മു​ള്ള​വ​രിൽ അറുപതു ശതമാ​ന​വും ജോലി ചെയ്യുന്ന ജപ്പാനി​ലെ പുരു​ഷൻമാ​രാണ്‌ ഇതിന്‌ അപവാ​ദങ്ങൾ.” (g93 2/8)

യഥാർത്ഥ ധർമ്മസ്ഥാ​പ​ന​മോ?

മിത്ര​ങ്ങ​ളിൽനി​ന്നും അയൽക്കാ​രിൽനി​ന്നും സംഭാ​വ​നകൾ ശേഖരിച്ച്‌ അയച്ചു​കൊ​ടു​ക്കാൻ ആളുക​ളോട്‌ ആവശ്യ​പ്പെ​ട്ടു​കൊ​ണ്ടു കത്തുകൾ അയച്ച ഒരു ക്യാൻസർ ധർമ്മസ്ഥാ​പ​നത്തെ കൺസ്യൂ​മർ റിപ്പോർട്ട്‌ മാസിക അടുത്ത​യി​ടെ ഒററ​പ്പെ​ടു​ത്തി. ആ കത്തിന്റെ പിറകി​ലെ ചെറിയ അക്ഷരത്തി​ലുള്ള അച്ചടി​യു​ടെ വായന ചില രസകര​മായ വസ്‌തു​തകൾ വെളി​പ്പെ​ടു​ത്തു​ന്ന​താ​യി റിപ്പോർട്ടു കുറി​ക്കൊ​ള്ളു​ന്നു. ഉദാഹ​ര​ണ​ത്തിന്‌, കഴിഞ്ഞ വർഷം ആ ധർമ്മസ്ഥാ​പനം ഏതാണ്ട്‌ 25 ലക്ഷം ഡോള​റോ​ളം ശേഖരി​ച്ച​പ്പോൾ, ഓരോ ഡോള​റിൽനി​ന്നും ഒരു പെന്നി​യിൽ കുറവു മാത്രമെ ക്യാൻസർ ഗവേഷണ ഫണ്ടി​ലേക്കു പോയു​ള്ളു. “ശേഷിച്ച തുക, ധനശേ​ഖ​രണം തൊഴി​ലാ​ക്കിയ ഒരു വ്യക്തി​ക്കും ധനശേ​ഖ​ര​ണ​ത്തി​ന്റെ ചെലവു​കൾക്കു​വേ​ണ്ടി​യും ധനകാ​ര്യ​നിർവ്വാ​ഹ​ന​ത്തി​നും കഴിഞ്ഞ​ത​വ​ണത്തെ വഴി​തെ​റ​റി​ക്കുന്ന അഭ്യർത്ഥ​ന​ക​ളിൽനിന്ന്‌ ഉളവായ വ്യവഹാ​രങ്ങൾ തീർക്കു​ന്ന​തി​നും ‘പൊതു വിദ്യാ​ഭ്യാ​സ’ത്തിനും വേണ്ടി മുടക്കി” എന്നു മാസിക പ്രസ്‌താ​വി​ക്കു​ന്നു. ക്യാൻസർ തടയു​ന്ന​തി​നു “നിങ്ങളു​ടെ ജോലി​സ്ഥലം ക്യാൻസർ അപകട​ത്തിൽനി​ന്നു വിമു​ക്ത​മാ​യി സൂക്ഷി​ക്കുക” എന്നതു​പോ​ലുള്ള അങ്ങേയ​ററം ലളിത​വും സാമാ​ന്യ​വു​മായ ഉപദേ​ശത്തെ പ്രസ്‌തുത പൊതു​ജന വിദ്യാ​ഭ്യാ​സ​ത്തി​ന്റെ മാതൃ​ക​യാ​യി അത്‌ ഉദ്ധരി​ക്കു​ന്നു. (g93 2/8)