ലോകത്തെ വീക്ഷിക്കൽ

വ്യായാ​മ​വും ഉറക്കവും

“പ്രായ​മു​ള്ള​വർക്ക്‌ ഉറക്കക്കു​റ​വി​നുള്ള പരിഹാ​രം വ്യായാ​മ​മാ​യി​രു​ന്നേ​ക്കാം” എന്ന്‌ ആർ​ത്രൈ​റ​റിസ്‌ ററുഡേ എന്ന മാസിക പ്രസ്‌താ​വി​ക്കു​ന്നു. യു.എസ്‌.എ., നോർത്ത്‌ കരോ​ളി​ന​യി​ലെ അടുത്ത​കാ​ലത്തെ ഒരു പഠനത്തിൽ 60 വയസ്സു​മു​തൽ 72 വയസ്സു​വരെ പ്രായ​മുള്ള 24 ആളുക​ളു​ടെ ഒരു സമൂഹത്തെ രണ്ടു വിഭാ​ഗ​ങ്ങ​ളാ​യി തിരിച്ചു. കുറഞ്ഞത്‌ ഒരു വർഷ​ത്തേ​ക്കെ​ങ്കി​ലും, ഒരു കൂട്ടർ ആഴ്‌ച​യിൽ മൂന്നോ അതിൽക്കൂ​ടു​ത​ലോ പ്രാവ​ശ്യം നന്നായി വ്യായാ​മം ചെയ്‌തു; മറേറ വിഭാഗം ഏററവും കുറഞ്ഞ അളവി​ലും ക്രമര​ഹി​ത​മാ​യും വ്യായാ​മം ചെയ്‌തു. ക്രമമാ​യും ഊർജ​സ്വ​ല​മാ​യും വ്യായാ​മം ചെയ്‌തവർ, തങ്ങളുടെ കുത്തി​യി​രി​പ്പു​കാ​രായ ചങ്ങാതി​മാ​രു​ടെ ശരാശരി ഇരുമ​ടങ്ങു വേഗത്തിൽ ഉറങ്ങി​യ​താ​യി കണ്ടെത്ത​പ്പെട്ടു. അവരെ പരി​ശോ​ധി​ച്ചത്‌ അവർ വ്യായാ​മം ചെയ്‌തി​ട്ടു​ണ്ടാ​യി​രുന്ന ദിവസ​മാ​യാ​ലും മറെറാ​രു ദിവസ​മാ​യാ​ലും ശരി, ഇതു സത്യമാ​യി​രു​ന്നു. മാസിക ഇപ്രകാ​രം കൂട്ടി​ച്ചേർക്കു​ന്നു: “അവർ രാത്രി​യിൽ കുറച്ചു സമയം മാത്രമേ ഉണർന്നി​രു​ന്നു ചെലവ​ഴി​ച്ചു​മു​ള്ളു.”

യുവ മദ്യപാ​നി​കൾ

“ബ്രിട്ട​നി​ലെ ഏകദേശം 90,000 കുട്ടികൾ അമിത മദ്യപാ​നി​ക​ളാ​യി കണക്കാ​ക്ക​പ്പെ​ടു​ന്നു” എന്ന്‌ ദ സൺഡേ ടൈംസ്‌ റിപ്പോർട്ടു ചെയ്യുന്നു. ബ്രിട്ടീഷ്‌ ഗവൺമെൻറ്‌, പുരു​ഷൻമാർക്ക്‌ ഏററവും കൂടി​യത്‌ ആഴ്‌ച​തോ​റും 21 യൂണി​റ​റും സ്‌ത്രീ​കൾക്ക്‌ 14 യൂണി​റ​റും എന്ന തോതിൽ മദ്യത്തി​ന്റെ ഒരു പരിധി നിർണ​യി​ക്കു​ന്നു. ഒരു യൂണി​ററ്‌, ഒരു ഗ്ലാസു വീഞ്ഞോ വീര്യം​കൂ​ടിയ മദ്യത്തി​ന്റെ ഒരു അളവോ അരക്കുപ്പി ബിയറോ ആണ്‌. ബ്രിട്ട​നി​ലെ 18,000 സ്‌കൂൾ കുട്ടി​ക​ളു​ടെ അടുത്ത​കാ​ലത്തെ ഒരു പഠനം, 15 വയസ്സുള്ള ആൺകു​ട്ടി​ക​ളു​ടെ 11.5 ശതമാനം പ്രായ​പൂർത്തി​യായ ആളുകൾക്ക്‌ ആഴ്‌ച​തോ​റും നിശ്ചയി​ച്ചി​രുന്ന പരിധി​യിൽ കൂടുതൽ മദ്യപി​ച്ചി​രു​ന്ന​താ​യി കണ്ടെത്തി. പെൺകു​ട്ടി​ക​ളു​ടെ ഇടയിൽ, 14-ഉം 15-ഉം വയസ്സുള്ള 20 പേരിൽ ഒരാൾവീ​തം മുതിർന്ന സ്‌ത്രീ​കൾക്കു നിശ്ചയി​ച്ചി​ട്ടുള്ള പരിധി​യിൽ അധികം കുടി​ക്കു​ന്ന​താ​യി സമ്മതിച്ചു. ഉത്‌ക്ക​ണ്‌ഠ​യു​ള​വാ​ക്കുന്ന ഈ സ്ഥിതി​വി​വ​ര​ക്ക​ണ​ക്കു​കൾ പ്രശ്‌ന​ത്തി​ന്റെ യഥാർഥ തോതി​നെ കുറച്ചു​കാ​ണി​ക്കു​ക​യാ​ണെന്നു ഗവേഷകർ വിശ്വ​സി​ക്കു​ന്നു.

അപകട​ക​ര​മായ ഡ്രൈ​വിംഗ്‌

റോഡ്‌മാ​പ്പു​കൾ വായിക്കൽ, ടേപ്പ്‌റെ​ക്കാർഡു​ക​ളിൽ ശബ്ദലേ​ഖനം ചെയ്യൽ, കൊണ്ടു​ന​ട​ക്കാ​വുന്ന ടെലി​ഫോ​ണു​കൾ ഉപയോ​ഗി​ക്കൽ, സ്‌ത്രീ​കൾ തങ്ങളുടെ കാലു​റകൾ മാറൽ, ഒരു ദക്ഷിണാ​ഫ്രി​ക്കൻ പത്രമായ ദ സ്‌ററാർ പറയു​ന്ന​ത​നു​സ​രിച്ച്‌, ഇവയൊ​ക്കെ വണ്ടി​യോ​ടി​ക്കു​മ്പോൾ, ചില​പ്പോൾ അമിത​മായ വേഗത​യായ മണിക്കൂ​റിൽ 100 കിലോ​മീ​റ​റ​റിൽ വണ്ടി​യോ​ടി​ക്കു​മ്പോൾ ആളുകൾ ചെയ്യുന്ന കാര്യ​ങ്ങ​ളിൽ ചിലതാണ്‌. ആളുകൾ വണ്ടി​യോ​ടി​ക്കു​മ്പോൾ രണ്ടു കയ്യും ഉപയോ​ഗി​ച്ചു പല്ലിട വൃത്തി​യാ​ക്കു​ന്നതു താൻ പലപ്പോ​ഴും കാണാ​റു​ണ്ടെന്ന്‌ ഒരു സുരക്ഷാ ഉദ്യോ​ഗസ്ഥൻ സൂചി​പ്പി​ക്കു​ന്നു! ഡ്രൈ​വർമാർ പല്ലു​തേ​ക്കു​ന്ന​താ​യും കഴുകു​ന്ന​താ​യും കാണ​പ്പെ​ട്ടി​ട്ടുണ്ട്‌. ഒരു സ്‌ത്രീ തന്റെ പുത്രനെ സ്‌കൂ​ളിൽ കൊണ്ടു​പോ​കു​ന്ന​വഴി അവന്റെ മുടി​വെ​ട്ടി​ക്കൊ​ടു​ത്തു. മണിക്കൂ​റിൽ തൊണ്ണൂ​റു കിലോ​മീ​റ​റ​റിൽ വണ്ടി​യോ​ടി​ക്കവേ ഒരു അമ്മ തന്റെ കുഞ്ഞിന്റെ നാപ്‌കിൻ മാററു​ന്ന​താ​യി കാണ​പ്പെട്ടു. വണ്ടി​യോ​ടി​ക്കു​ന്നവർ ഇത്തരത്തി​ലുള്ള അപകട​സാ​ധ്യ​തകൾ എന്തിനു വഹിക്കണം? ദീർഘ​ദൂ​ര​യാ​ത്ര​ക​ളും വാഹന​ത​ട​സ്സ​ങ്ങ​ളും കാറിൽ ചെലവ​ഴി​ക്കുന്ന സമയത്തി​ന്റെ “നല്ല” ഉപയോ​ഗം നടത്താൻ ഡ്രൈ​വർമാ​രെ പ്രേരി​പ്പി​ച്ചേ​ക്കാം എന്ന്‌ ഒരു ഉദ്യോ​ഗസ്ഥൻ പറയു​ക​യു​ണ്ടാ​യി. എന്നിരു​ന്നാ​ലും, ഗുരു​ത​ര​മായ അപകട​ങ്ങ​ളിൽ കൊ​ണ്ടെ​ത്തി​ക്കാൻ ഈ ശ്രദ്ധാ​ശൈ​ഥി​ല്യ​ങ്ങൾക്കു കഴിയും എന്ന്‌ അദ്ദേഹം ചൂണ്ടി​ക്കാ​ണി​ച്ചു.

സിസേ​റി​യൻ ജനനങ്ങൾ ഏറെ സുരക്ഷി​ത​മാ​ണോ?

ശസ്‌ത്ര​ക്രിയ ഏറെ സുരക്ഷി​ത​വും വേദന കുറഞ്ഞ​തു​മാ​യി​രി​ക്കും എന്ന വിശ്വാ​സ​ത്തിൽ സിസേ​റി​യൻ വഴി ജൻമ​മേ​കു​ന്നത്‌ അനേകം സ്‌ത്രീ​കൾ ഇഷ്ടപ്പെ​ടു​ന്നു. ഷോർനൽ ഡോ ബ്രാസീൽ പറയു​ന്ന​ത​നു​സ​രിച്ച്‌, സാധാ​ര​ണ​രീ​തി​യി​ലുള്ള ഒരു “ജനനം സാധാ​ര​ണ​ഗ​തി​യിൽ ശരാശരി 8 മുതൽ 12 വരെ മണിക്കൂ​റു​കൾ എടുക്കു​ക​യും അതു സംഭവി​ക്കു​ന്ന​തിന്‌ ഒരു നിശ്ചിത തീയതി ഇല്ലാതി​രി​ക്കു​ക​യും ചെയ്യു​മ്പോൾ, ശസ്‌ത്ര​ക്രിയ മുൻകൂ​ട്ടി നിശ്ചയി​ക്കാൻ കഴിയു​ന്നു, കൂടി​വ​ന്നാൽ ഒരു മണിക്കൂ​റെ എടുക്കു​ക​യും ഉള്ളു.” എന്നിരു​ന്നാ​ലും, പ്രസവ​ചി​കി​ത്സാ​വി​ദ​ഗ്‌ധ​നായ ഫെർനാൻഡോ എസ്‌റെ​റ​ലീ​ററാ ലീൻസ്‌ ഇപ്രകാ​രം പറയു​ന്ന​താ​യി ഉദ്ധരി​ക്ക​പ്പെട്ടു: “ശസ്‌ത്ര​ക്രി​യ​മൂ​ല​മു​ണ്ടാ​കുന്ന അണുബാ​ധ​യും രക്തസ്രാ​വ​വും നിമി​ത്ത​മുള്ള അത്യാ​ഹി​ത​ങ്ങ​ളു​ടെ എണ്ണം ഒരു സിസേ​റി​യൻ നടത്ത​പ്പെ​ട്ടി​ട്ടുള്ള സ്‌ത്രീ​ക​ളു​ടെ ഇടയിൽ വളരെ കൂടു​ത​ലാണ്‌.” “സിസേ​റി​യൻ നിമി​ത്ത​മുള്ള മാതൃ​മ​രണം ലക്ഷത്തിന്‌ 95 ആയിരു​ന്ന​പ്പോൾ, യോനി​യി​ലൂ​ടെ​യുള്ള ശിശു​ജ​നനം നിമി​ത്ത​മു​ള്ളത്‌ ലക്ഷത്തിന്‌ 43 ആയിരു​ന്നു” എന്ന്‌ ബ്രസീ​ലി​യൻ ഗവേഷണം പ്രകട​മാ​ക്കി. (g93 6/22)

കൗമാ​ര​പ്രാ​യ​ക്കാർ സംഘടിത മതത്തെ നിരാ​ക​രി​ക്കു​ന്നു

കനേഡി​യൻ കൗമാ​ര​പ്രാ​യ​ക്കാർ മതനേ​താ​ക്കൻമാ​രു​ടെ ബോധ​മു​ണർത്തു​മാറ്‌ ഗുരു​ത​ര​മായ ഒരു സന്ദേശം അവരെ അറിയി​ക്കു​ന്നു: ദൈവ​വ​ച​ന​ത്തി​ന്റെ ഗുരു​ക്കൻമാർ എന്നനി​ല​യിൽ പുരോ​ഹി​ത​വർഗം പരാജ​യ​പ്പെ​ട്ടി​രി​ക്കു​ന്നു. മുമ്പെ​ന്ന​ത്തെ​ക്കാ​ളും വളരെ​ക്കു​റച്ചു കൗമാ​ര​പ്രാ​യ​ക്കാർ മാത്രമേ സംഘടിത മതത്തെ പിന്തു​ണ​ക്കു​ന്നു​ള്ളു എന്ന്‌ അടുത്ത​കാ​ലത്തെ ഒരു ദേശീയ സർവേ വെളി​പ്പെ​ടു​ത്തു​ന്നു. ഒരു മതവി​ഭാ​ഗ​വു​മാ​യുള്ള ബന്ധം തങ്ങളുടെ ജീവി​ത​ത്തിൽ പ്രധാ​ന​മാ​ണെന്നു വെറും 10 ശതമാ​നമേ വിശ്വ​സി​ക്കു​ന്നു​ള്ളു. എങ്കിലും “80 ശതമാ​ന​ത്തി​ല​ധി​കം​പേർ ജനനം, വിവാഹം, മരണം എന്നിവ​യു​മാ​യി ബന്ധപ്പെട്ട ചടങ്ങു​കൾക്കാ​യി സംഘടിത മതത്തി​ലേക്കു തിരി​യു​ന്നു” എന്ന്‌ ദ റെറാ​റൊ​ന്റോ സ്‌ററാർ റിപ്പോർട്ടു ചെയ്യുന്നു. രസാവ​ഹ​മാ​യി, 80 ശതമാനം ദൈവ​ത്തി​ന്റെ അസ്‌തി​ത്വ​ത്തിൽ വിശ്വ​സി​ക്കു​ക​കൂ​ടെ ചെയ്യു​മ്പോൾ, മരണാ​ന​ന്ത​ര​ജീ​വി​ത​ത്തിൽ വിശ്വ​സി​ക്കു​ന്നവർ 60 ശതമാനം മാത്രം. “വൈദി​ക​രെ​ക്കാ​ള​ധി​കം ചെറു​പ്പ​ക്കാ​രെ സ്വാധീ​നി​ക്കാൻ ഏറെ സാധ്യ​ത​യു​ള്ളതു സമപ്രാ​യ​ക്കാർ, വാർത്താ​മാ​ധ്യ​മങ്ങൾ, ചലച്ചി​ത്രങ്ങൾ, ജനപ്രീ​തി​നേ​ടിയ സംഗീതം എന്നിവ​യാണ്‌” എന്നു സ്‌ററാർ കൂട്ടി​ച്ചേർക്കു​ന്നു. സുപ്ര​ധാന ജീവി​ത​പ്ര​ശ്‌ന​ങ്ങൾക്കുള്ള മാർഗ​നിർദേ​ശ​ത്തി​നാ​യി കൗമാ​ര​പ്രാ​യ​ക്കാ​രു​ടെ ഒരു ചെറിയ വിഭാഗം മാത്രമേ സഭാ​നേ​താ​ക്കൻമാ​രി​ലേക്കു നോക്കു​ക​യു​ള്ളു.

മരണമു​റി​കൾ

“ചുററു​പാ​ടു​ക​ളിൽനി​ന്നുള്ള പുകയി​ല​പ്പുക മറേറ​തൊ​രു മനുഷ്യ-നിർമിത മാലി​ന്യ​കാ​രി​ക​ളെ​ക്കാ​ളും കൂടുതൽ മരണങ്ങൾക്കു കാരണ​മാ​കു​ന്നു” എന്നു ദക്ഷിണാ​ഫ്രി​ക്ക​യിൽ കേപ്പ്‌ ടൗണിലെ ആരോഗ്യ-മെഡിക്കൽ ഓഫീ​സ​റായ ഡോ. മൈക്കിൾ പോപ്പ്‌ക്കിസ്‌ പ്രസ്‌താ​വി​ക്കു​ന്നു. വായു​സ​ഞ്ചാ​രം വേണ്ടത്ര ഇല്ലാത്ത​താ​യി​രു​ന്നു പ്രശ്‌ന​മെന്ന്‌ അവകാ​ശ​പ്പെട്ട തെക്കൻ ആഫ്രി​ക്ക​യി​ലെ പുകയില ഇൻസ്‌റ​റി​റ​റ്യൂട്ട്‌ വിതരണം ചെയ്‌ത ഒരു ലഘു​ലേ​ഖ​യോ​ടു പ്രതി​ക​രി​ക്കു​ക​യാ​യി​രു​ന്നു അദ്ദേഹം. “കെട്ടി​ട​ങ്ങ​ളിൽ തങ്ങിനിൽക്കുന്ന പുകയി​ല​പ്പുക വായു​വി​ന്റെ സാമാ​ന്യ​ശു​ദ്ധി​യു​ടെ ഗുണനി​ല​വാ​ര​ങ്ങളെ സാധാ​ര​ണ​മാ​യി അതിലം​ഘി​ക്കു​ന്നു”വെന്നും അതു കുട്ടി​ക​ളി​ലെ മുരടിച്ച ശ്വാസ​കോ​ശ​വ​ളർച്ച​ക്കെ​ന്ന​പോ​ലെ ശ്വാസ​കോ​ശാർബു​ദ​ത്തി​നും ഹൃദയ​സ്‌തം​ഭ​ന​ത്തി​നും വഴി​തെ​ളി​ച്ചേ​ക്കാ​മെ​ന്നും ഡോ. പോപ്പ്‌ക്കിസ്‌ വിശദീ​ക​രി​ച്ചു. പുകയി​ല​യു​ടെ പുകയിൽനി​ന്നും പൂർണ​മാ​യി വിമു​ക്ത​മാ​ക​ത്ത​ക്ക​വണ്ണം വായു​സ​ഞ്ചാ​രം വർധി​പ്പി​ക്കു​ന്ന​തി​നോ വായു ശുദ്ധീ​ക​രി​ക്കു​ന്ന​തി​നോ മാർഗ​മൊ​ന്നു​മി​ല്ലെന്ന്‌ അദ്ദേഹം പറഞ്ഞു. അദ്ദേഹം ഇപ്രകാ​രം കൂട്ടി​ച്ചേർത്തു: “വായു​വി​നെ ശുദ്ധമാ​ക്കി നിലനിർത്തു​ന്ന​തി​നുള്ള ഏററവും ഫലപ്ര​ദ​മായ വിദ്യ വായു മാലി​ന്യ​കാ​രി​കളെ അവയുടെ ഉറവി​ട​ത്തിൽ വച്ചുതന്നെ നിയ​ന്ത്രി​ക്കു​ക​യാണ്‌.”

നിദ്രാ രോഗ​വും രക്തപ്പകർച്ച​യും

വർഷം​തോ​റും, 20,000 ബ്രസീൽകാർക്കു നിദ്രാ​രോ​ഗം പിടി​പെ​ടു​ന്നു. എന്നിരു​ന്നാ​ലും, നാഷണൽ ഹെൽത്ത്‌ ഫൗണ്ടേ​ഷന്റെ പ്രസി​ഡൻറായ ജോ കാർലസ്‌ ഡയസ്‌, ഗ്ലോബോ സിയൻഷ്യാ​യിൽ ഇപ്രകാ​രം പ്രസ്‌താ​വി​ക്കു​ന്നു: “വൻ നഗരങ്ങ​ളി​ലേ​ക്കുള്ള ഗ്രാമീണ ജനങ്ങളു​ടെ വമ്പിച്ച കുടി​യേ​റ​റ​ത്തോ​ടൊ​പ്പം രോഗ​വും നഗര​പ്രാ​ന്ത​ങ്ങ​ളി​ലേക്കു വ്യാപി​ക്കാൻ ഇടയു​ള്ള​തു​കൊണ്ട്‌ അവസ്ഥ ഇതിലും മോശ​മാ​യി​ത്തീ​രും.” ഈ രോഗ​ത്തി​നി​ട​യാ​ക്കുന്ന പരാദം ‘ഹൃദയം ഉൾപ്പെടെ ഏതവയ​വ​ത്തി​ലും തങ്ങാൻ ഇടയു​ള്ള​തി​നാൽ രോഗി അവസാനം ഹൃദയ​സം​ബ​ന്ധ​മായ ശേഷി​ക്കു​റവു നിമിത്തം മരി​ച്ചേ​ക്കാം.’ അതു വിശദീ​ക​രി​ക്കവേ, 8,000 പേർ മാത്രമേ മൂട്ടക​ടി​വഴി രോഗ​ബാ​ധി​ത​രാ​യി​ത്തീ​രു​ന്നു​ള്ളു എന്നു മാസിക കൂട്ടി​ച്ചേർക്കു​ന്നു. “രോഗ​പ്പ​കർച്ച​യു​ടെ വളരെ സാധാ​ര​ണ​മായ മറെറാ​രു രീതി രക്തപ്പകർച്ച​യി​ലൂ​ടെ​യു​ള്ള​താണ്‌. മാതാവു വഴി അല്ലെങ്കിൽ രക്തപ്പകർച്ച വഴി വർഷം​തോ​റും 12,000 പുതിയ കേസുകൾ ഉണ്ടായ​താ​യി കണക്കാ​ക്ക​പ്പെ​ടു​ന്നു.”

ദൈവ​ത്തി​നു ഫാക്‌സ്‌ സന്ദേശ​ങ്ങ​ളോ?

ദൈവ​ത്തോ​ടു ഫാക്‌സു​വഴി സമ്പർക്കം പുലർത്താൻ കഴിയു​മോ? ഇസ്ര​യേലി ടെലി​ഫോൺ കമ്പനി​യായ ബെസിക്ക്‌ അങ്ങനെ വിചാ​രി​ക്കു​ന്നു എന്നു​വേണം കരുതാൻ. ജനുവ​രി​യിൽ ബെസിക്ക്‌, യെരൂ​ശ​ലേ​മിൽ ഒരു ഫാക്‌സ്‌ നമ്പർ വഴി ദൈവ​ത്തി​നു സന്ദേശ​ങ്ങ​ള​യ​യ്‌ക്കു​ന്ന​തിന്‌ ആളുകളെ അനുവ​ദി​ക്കുന്ന ഒരു സേവന​പ​ദ്ധതി ഏർപ്പെ​ടു​ത്തി എന്ന്‌ ഇൻറർനാ​ഷണൽ ഹെറാൾഡ്‌ ട്രിബ്യൂൺ പ്രസ്‌താ​വി​ക്കു​ന്നു. ഫാക്‌സ്‌ ലഭിച്ചു​ക​ഴി​യു​മ്പോൾ, ഒരു ഉദ്യോ​ഗസ്ഥൻ ആ സന്ദേശം മടക്കി​യൊ​തു​ക്കി കൊണ്ടു​പോ​യി പൊ.യു. 70-ൽ റോമൻ സൈന്യം നശിപ്പിച്ച യഹോ​വ​യു​ടെ ആലയത്തി​ന്റെ അവശി​ഷ്ട​ങ്ങ​ളെന്നു വിശ്വ​സി​ക്ക​പ്പെ​ടുന്ന വെസ്‌റേറൺ വാളിന്റെ വിടവു​ക​ളി​ലൊ​ന്നിൽ തിരു​കി​വ​യ്‌ക്കും. ട്രിബ്യൂൺ പറയു​ന്ന​ത​നു​സ​രിച്ച്‌, പ്രാർഥ​നകൾ എഴുതി ഭിത്തി​യു​ടെ വിള്ളലു​ക​ളിൽ വയ്‌ക്കുന്ന പതിവ ഒരു വിവാഹ പങ്കാളി​യെ കണ്ടെത്താ​നോ, മെച്ചമായ ആരോ​ഗ്യ​ത്തി​നോ, മററു ലക്ഷ്യങ്ങൾക്കോ ആയി ദിവ്യ സഹായം തേടുന്ന ആരാധകർ പ്രയോ​ഗി​ച്ചു​വ​രുന്ന “ഒരു ഭാഗ്യ​പ​രീ​ക്ഷണ നടപടി”യാണ്‌. ഫാക്‌സ്‌ സേവന​പ​ദ്ധ​തി​യു​ടെ ആദ്യ ദിവസം 60 സന്ദേശങ്ങൾ എത്തി​ച്ചേ​രു​ക​യു​ണ്ടാ​യി.

ജ്യോ​തി​ശാ​സ്‌ത്ര​ജ്ഞർക്കു വീണ്ടും തെററി

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ​റി​ര​ണ്ടി​ന്റെ പ്രാരം​ഭ​ത്തിൽ ജർമനി​യി​ലെ പ്രകൃ​ത്യാ​തീത വിഷയങ്ങൾ സംബന്ധി​ച്ചു ശാസ്‌ത്രീയ ഗവേഷണം നടത്തുന്ന സംഘം ലോക​മെ​മ്പാ​ടു​മുള്ള ജ്യോ​തി​ശാ​സ്‌ത്ര​ജ്ഞ​രു​ടെ ഏകദേശം 50 പ്രവച​നങ്ങൾ സമാഹ​രി​ക്കു​ക​യും വർഷാ​വ​സാ​നം ഫലങ്ങൾ വിലയി​രു​ത്തു​ക​യും ചെയ്‌തു. ഇതു​പോ​ലൊ​രു ഉദ്യമം 1991-ൽ ആ സംഘം നടത്തി​യി​രു​ന്നു. ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ​റി​ര​ണ്ടി​ലെ നിർണ​യങ്ങൾ 1991-ലേതി​നെ​ക്കാൾ കൂടുതൽ കൃത്യ​ത​യു​ള്ള​താ​യി​രു​ന്നോ? നിശ്ശേഷം അല്ല. “അതേസ​മയം 1991-ലെ അവ്യക്ത നിർണ​യ​ങ്ങൾക്കു കുറഞ്ഞതു ഭാഗി​ക​മായ വിജയങ്ങൾ എങ്കിലും രേഖ​പ്പെ​ടു​ത്താൻ കഴിഞ്ഞു” എന്നു സുഡെച്ച്‌ സീററങ്ങ്‌ റിപ്പോർട്ടു ചെയ്യുന്നു. “ഇത്തവണ, ദീർഘ​ദർശ​ന​ങ്ങ​ളിൽ കൃത്യ​മാ​യി ഭവിച്ച കാതലായ ഒന്നും തന്നെ ഉണ്ടായി​രു​ന്നില്ല.” ആയിരത്തിത്തൊള്ളായിരത്തിത്തൊണ്ണൂററിരണ്ടിലേക്കുള്ള പ്രവച​ന​ങ്ങ​ളിൽ ജോർജ്‌ ബുഷ്‌ വീണ്ടും തെര​ഞ്ഞെ​ടു​ക്ക​പ്പെ​ടു​മെ​ന്നും വൈറ​റ്‌ഹൗസ്‌ വെന്തു​ന​ശി​ക്കു​മെ​ന്നും ഉള്ള പ്രവച​നങ്ങൾ ഉൾപ്പെ​ട്ടി​രു​ന്നു. ആയിരത്തിത്തൊള്ളായിരത്തിത്തൊണ്ണൂററിമൂന്നിലേക്ക്‌ ഉററു​നോ​ക്കി​ക്കൊ​ണ്ടു സംഘം പിന്നെ​യും ഒരു പ്രവചനം നടത്താൻ തുനിഞ്ഞു: “ജ്യോ​തി​ശാ​സ്‌ത്ര​ജ്ഞൻമാർ വീണ്ടും അടുത്ത​വർഷ​വും വലിയ പിഴവു​കൾ വരുത്തും.”

ഹാനി​ക​ര​മായ വിധത്തി​ലുള്ള ശ്വസിക്കൽ

ബ്യൂ​ണോസ്‌ എയേഴ്‌സ്‌മു​തൽ ബെയ്‌ജി​ങ്ങ്‌വ​രെ​യും സിയോൾമു​തൽ കൽക്കട്ടാ​യും കെയ്‌റോ​യും വരെയും, ലോക​ത്തി​ലെ വൻ നഗരങ്ങ​ളി​ലെ വായു ശ്വസി​ക്കാൻ പററാ​ത്ത​വി​ധം കൂടുതൽ കൂടുതൽ അപകട​കാ​രി​യാ​യി​ക്കൊ​ണ്ടി​രി​ക്കു​ന്നു. യുഎൻ പരിസ്ഥി​തി പരിപാ​ടി​യു​ടെ​യും ലോകാ​രോ​ഗ്യ സംഘട​ന​യു​ടെ​യും ഒരു റിപ്പോർട്ട്‌ ഉദ്ധരി​ച്ചു​കൊണ്ട്‌, ഫ്രഞ്ച്‌ വർത്തമാ​ന​പ​ത്ര​മായ ലി ഫിഗാ​റോ, കാർബൺ മോ​ണോ​ക്‌​സൈഡ്‌, സൾഫർ ഡയോ​ക്‌​സൈഡ്‌, ഓസോൺ, ലെഡ്‌ തുടങ്ങിയ വായു​സഹജ മാലി​ന്യ​കാ​രി​ക​ളു​ടെ സ്ഥിരം വർധി​ച്ചു​കൊ​ണ്ടി​രി​ക്കുന്ന വിഷനി​രപ്പു വൻ നഗര​പ്രാ​ന്ത​ങ്ങ​ളിൽ പാർക്കുന്ന ജനങ്ങളു​ടെ ആരോ​ഗ്യ​ത്തെ വ്യക്തമാ​യും ഹനിക്കു​ന്നു​വെ​ന്നും ചില പട്ടണവാ​സി​ക​ളു​ടെ അകാല മരണ​ത്തോ​ടു​പോ​ലും അതു ബന്ധപ്പെ​ടു​ത്താ​മെ​ന്നും പ്രസ്‌താ​വി​ക്കു​ന്നു. മലിനീ​ക​രണം കുറയ്‌ക്കു​ന്ന​തി​നും ലോക​ത്തി​ലെ നഗരവാ​സി​ക​ളു​ടെ ആരോ​ഗ്യം സംരക്ഷി​ക്കു​ന്ന​തി​നും അടിയ​ന്തിര നടപടി​കൾ എടുക്ക​ണ​മെന്ന്‌ 20 നഗരങ്ങ​ളു​ടെ ഒരു 15-വർഷ പഠനത്തി​ന്റെ അടിസ്ഥാ​ന​ത്തിൽ, സംയുക്ത പ്രസ്‌താ​വന മുന്നറി​യി​പ്പു നൽകുന്നു. രണ്ടായി​രാ​മാ​ണ്ടാ​കു​ന്ന​തോ​ടെ മനുഷ്യ​വർഗ​ത്തി​ന്റെ മിക്കവാ​റും പകുതി നഗര​പ്രാ​ന്ത​ങ്ങ​ളി​ലാ​യി​രി​ക്കും പാർക്കുക എന്ന്‌ ഐക്യ​രാ​ഷ്‌ട്രങ്ങൾ കണക്കാ​ക്കു​ന്നു.

യൂറോ​പ്യൻമാർ സമയം ചെലവ​ഴി​ക്കു​ന്ന​തെ​ങ്ങനെ?

യൂറോ​പ്പി​ലെ ദൈനം​ദിന ജീവിതം സംബന്ധിച്ച വിവരം ലഭിക്കു​ന്ന​തി​നാ​യി 1991-ന്റെ അവസാ​ന​ത്തിൽ 20 രാജ്യ​ങ്ങ​ളി​ലെ 9,700-ൽ അധികം ആളുകളെ എൻഫോർമാ​സി​യോൻ എ പൂബ്‌ളീ​സീ​റെറ എന്ന ബഹുമാ​ധ്യമ സംഘം ചോദ്യം​ചെ​യ്‌തു. ദിനച​ര്യ​കൾ രാജ്യം​തോ​റും വ്യത്യാ​സ​പ്പെ​ട്ടി​രി​ക്കു​ന്ന​തെ​ങ്ങനെ? സുഡെച്ച്‌ സീററങ്ങ്‌ ഇപ്രകാ​രം റിപ്പോർട്ടു ചെയ്യുന്നു. “ഗ്രീക്കു​കാർ ഏററവും താമസിച്ച്‌ (12:40 a.m.) ഉറങ്ങുന്നു. എന്നാൽ ഹംഗറി​ക്കാർ ഏററവും നേരത്തെ ഉണരു​ന്ന​വ​രു​ടെ കൂട്ടത്തി​ലാണ്‌ (5:45 a.m.). അയർല​ണ്ടു​കാ​രും ലക്‌സം​ബർഗു​കാ​രും മിക്കവ​രെ​ക്കാ​ളും കൂടുതൽ ഉറങ്ങുന്നു. ചെക്കു​കാ​രും സ്ലോവാ​ക്യ​ക്കാ​രും സ്വിസ്സു​കാ​രും ടിവിക്ക്‌ ഒരു താണ സ്ഥാനം കൊടു​ക്കു​ന്നു, അതായത്‌ ഒരു ദിവസം രണ്ടു മണിക്കൂർ മാത്രം പ്രവർത്തി​പ്പി​ക്കു​ന്നു. അതേസ​മയം ബ്രിട്ട​നിൽ “അത്‌ ഒരു ദിവസം മിക്കവാ​റും നാലു മണിക്കൂർ ഓടുന്നു.” സ്വീഡ​നിൽ വായി​ച്ചും റേഡി​യോ ശ്രദ്ധി​ച്ചും കൊണ്ട്‌ അഞ്ചില​ധി​കം മണിക്കൂർ ചെലവ​ഴി​ക്ക​പ്പെ​ടു​മ്പോൾ ഡെയ്‌ൻകാർ ചലച്ചി​ത്ര​ങ്ങ​ളോ തീയററർ പരിപാ​ടി​ക​ളോ അതു​പോ​ലുള്ള മറെറ​ന്തെ​ങ്കി​ലു​മോ ആസ്വദി​ച്ചു​കൊണ്ട്‌ ഒഴിവു​സ​മ​യ​ത്തിൽ ഒന്നര മണിക്കൂർ ചെലവ​ഴി​ക്കു​ന്നു. (g93 7/8)