ലോകത്തെ വീക്ഷിക്കൽ

എലികളെ ആരാധി​ക്കു​ന്നു​വെ​ന്നോ?

ദിവസ​വും 1,000-ത്തോളം ഭക്തജന​ങ്ങ​ളും 70-ഓളം വിനോ​ദ​യാ​ത്രി​ക​രും ഇൻഡ്യ​യിൽ ദേശ്‌നോ​ക്കി​ലെ കാർണീ​ദേവീ ക്ഷേത്രം സന്ദർശി​ക്കു​ന്നു. എന്തിന്‌? ആ ക്ഷേത്ര​ത്തിൽ ഭക്തൻമാർ വിഗ്ര​ഹ​ങ്ങൾക്കു തങ്ങളുടെ വഴിപാ​ടു​കൾ അർപ്പി​ക്കു​മ്പോൾ 300-ഓളം എലികൾ സ്വത​ന്ത്ര​മാ​യി ചുററി​ത്തി​രി​യു​ന്നു​ണ്ടാ​വും. അതിവത്സല ഭക്തൻമാർ എലികളെ പൂജി​ക്കു​ക​യും അവയുടെ എല്ലാ ആവശ്യ​ങ്ങ​ളും പാലി​ക്കു​ക​യും ചെയ്യുന്നു എന്ന്‌ ന്യൂസി​ലൻഡി​ലെ ഈവനിങ്‌ പോസ്‌ററ്‌ പറയുന്നു. ക്ഷേത്ര പൂജാ​രി​മാ​രും എലിക​ളും ഒരേ തളിക​യിൽ നിന്നു തിന്നു​ക​യും വെള്ളം കുടി​ക്കു​ക​യും ചെയ്യുന്നു. “ഇവ എലികളല്ല, ദൈവ​ത്തി​ന്റെ ദൂതൻമാ​രാണ്‌, ഞങ്ങൾക്കു ദേവി തന്ന ഒരു സമ്മാന​മാണ്‌” എന്ന്‌ അതിൽ ഒരു പൂജാരി അവകാ​ശ​പ്പെ​ടു​ന്നു. ക്ഷേത്ര പൂജാ​രി​മാർ മരിക്കു​മ്പോൾ എലിക​ളാ​യി പുനർജൻമം പ്രാപിച്ച്‌ അവർ രക്ഷപ്രാ​പി​ക്കു​ന്നു​വെ​ന്നും എലികൾ ചാകു​മ്പോൾ അവ പൂജാ​രി​മാ​രാ​യി പുനർജൻമം പ്രാപി​ക്കു​ന്നു​വെ​ന്നും പൂജാരി പ്രസ്‌താ​വി​ച്ച​താ​യി പോസ്‌ററ്‌ പറയുന്നു. (g93 11/8)

ബൈബിൾ ഭാഗങ്ങൾ 2,000-ത്തിലധി​കം ഭാഷക​ളിൽ

1992-ൽ ബൈബി​ളി​ന്റെ ഭാഗങ്ങൾ കൂടു​ത​ലായ 31 ഭാഷക​ളി​ലേ​ക്കും കൂടി പരിഭാ​ഷ​പ്പെ​ടു​ത്തി​യെന്ന്‌ ദ യു​ണൈ​റ​റഡ്‌ ബൈബിൾ സൊ​സൈ​റ​റീസ്‌ (യുബി​എസ്‌) അറിയി​ച്ചു; അങ്ങനെ, ബൈബി​ളി​ന്റെ ഒരു പുസ്‌ത​ക​മെ​ങ്കി​ലും ലഭ്യമാ​യി​രി​ക്കുന്ന ഭാഷക​ളു​ടെ എണ്ണം ആകെ 2,009 ആയി. പെട്ടെ​ന്നു​തന്നെ ഈ സംഖ്യ ഇനിയും വർധി​ക്കും. എന്തു​കൊ​ണ്ടെ​ന്നാൽ യുബി​എസ്‌ ബൈബി​ളി​ന്റെ ഭാഗങ്ങൾ കൂടു​ത​ലായ 419 ഭാഷക​ളി​ലേ​ക്കും കൂടി പരിഭാ​ഷ​പ്പെ​ടു​ത്തി​ക്കൊ​ണ്ടി​രി​ക്കു​ക​യാണ്‌. പൂർണ​ബൈ​ബി​ളു​കൾ ഇപ്പോൾ 329 ഭാഷക​ളി​ലും “പുതിയ നിയമം” 770 മററു​ഭാ​ഷ​ക​ളി​ലും ലഭ്യമാണ്‌. “ലോക​ത്തി​ലെ ഭാഷക​ളു​ടെ എണ്ണം ആകെ 5,000 മുതൽ 6,500 വരെ ആണെന്നു കണക്കാ​ക്ക​പ്പെ​ടു​ന്നു” എന്ന്‌ ഇക്യു​മെ​നി​ക്കൽ പ്രസ്സ്‌ സർവിസ്‌ എഴുതു​ന്നു. രസാവ​ഹ​മാ​യി, 1993 വരെ വാച്ച്‌ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി ഓഫ്‌ ന്യൂ​യോർക്ക്‌ ഉൽപ്പാ​ദി​പ്പിച്ച മുഴു​വ​നോ ഭാഗി​ക​മോ ആയ ബൈബി​ളു​ക​ളു​ടെ എണ്ണം ആകെ 8.3 കോടി​യി​ല​ധി​കം വരും. (g93 10/22)

ഉപയോ​ഗ​പ്ര​ദ​മായ പഴയ റബർ ടയറുകൾ

ബ്രസീ​ലിൽ വർഷം​തോ​റും 1.7 കോടി കാർ ടയറുകൾ മാററി​വ​യ്‌ക്കേണ്ടി വരുന്നു. എന്നിരു​ന്നാ​ലും, റബർ പുനഃ​സം​സ്‌ക​രിച്ച്‌ മൺകീ​ലു​മാ​യി (asphalt) ചേർത്ത്‌ ഹൈ​വേ​ക​ളു​ടെ ഉപരി​തലം മിനു​ക്കു​ന്ന​തിന്‌ ഉപയോ​ഗി​ച്ചു​കൊണ്ട്‌ അത്തരം പഴയ ടയറു​ക​ളു​ടെ നല്ല ഉപയോ​ഗം നടത്താ​മെന്ന്‌ സൂപ്പറി​ന്റെ​റെ​സാ​ന്റെ എന്ന മാഗസിൻ റിപ്പോർട്ടു ചെയ്യുന്നു. റബർ ടയറു​ക​ളു​ടെ പുനഃ​സം​സ്‌ക​രണം എന്ന സങ്കൽപ്പം പുതി​യ​ത​ല്ലെ​ങ്കി​ലും ടയറുകൾ മൺകീ​ലു​മാ​യി ചേർത്തു​പ​യോ​ഗി​ക്കുന്ന സങ്കൽപ്പം പുതി​യ​താണ്‌. “ഭൂഗ്ര​ഹ​ത്തിൽ കുമി​ഞ്ഞു​കൂ​ടുന്ന വലിയ ചപ്പുച​വറു കൂനകൾ ഒരു വലിയ അളവു​വരെ കുറയ്‌ക്കുന്ന”തിന്‌ ഈ നടപടി സഹായ​ക​മാ​കും എന്നു നമുക്ക്‌ ആശിക്കാം. (g93 10/22)

കോള​റാ​യോ​ടു പൊരു​തു​ന്നു

ബ്രസീ​ലി​യൻ മാഗസിൻ മാൻഷെ​ററീ പറയു​ന്ന​ത​നു​സ​രിച്ച്‌ ചുമന്ന വീഞ്ഞിൽ നിന്നു​ണ്ടാ​ക്കുന്ന വിന്നാ​ഗി​രി കോള​റാ​യു​ടെ വ്യാപ​നത്തെ തടയുന്നു. രോഗം ബാധിച്ച പച്ചക്കറി​കൾക്കു രോഗാ​ണു​നാ​ശം നടത്തു​ന്ന​തിന്‌ ഉപയോ​ഗി​ക്കുന്ന ബ്ലീച്ചി​നെ​ക്കാൾ ചുമന്ന വീഞ്ഞിൽനി​ന്നു​ണ്ടാ​ക്കുന്ന വിന്നാ​ഗി​രി നൂറു​മ​ടങ്ങു പ്രവർത്ത​ന​ക്ഷ​മ​മാ​ണെന്ന്‌ ഫുഡ്‌ ഇൻസ്‌റ​റി​റ​റ്യൂട്ട്‌ ഓഫ്‌ ദ സെക്ര​ട്ടറി ഓഫ്‌ അഗ്രി​ക്കൾച്ച​റും സപ്ലൈസ്‌ ഓഫ്‌ സാവോ പോ​ളോ​യും നടത്തിയ ഒരു പരി​ശോ​ധന വെളി​പ്പെ​ടു​ത്തി. ക്ലോറിൻ ചേർത്ത വെള്ളം ഉവർച്ചീ​ര​യിൽ കോളറാ ബാക്ടീ​രി​യ​യു​ടെ അളവു 100-ൽ ഒന്നായി കുറച്ച​പ്പോൾ വിന്നാ​ഗി​രി കോളറാ ബാക്ടീ​രി​യ​യു​ടെ അളവു 10,000-ത്തിൽ ഒന്നായി കുറച്ചു​വെന്ന്‌ മാഗസിൻ റിപ്പോർട്ടു ചെയ്‌തു. ഓരോ ലിററർ വെള്ളത്തി​ലും അഞ്ചു ടേബിൾസ്‌പൂൺ വിന്നാ​ഗി​രി​യു​ടെ ഒരു മിശ്രി​ത​മാണ്‌ ശുപാർശ​ചെയ്‌ത ലായനി. (g93 11/8)

പേപ്പട്ടി​വി​ഷ​ബാധ വീണ്ടും വരുന്നു

ദക്ഷിണാ​ഫ്രി​ക്ക​യു​ടെ നേററൽ പ്രവി​ശ്യ​യിൽ നിന്ന്‌ ഒരിക്കൽ പിഴു​തെ​റി​യ​പ്പെട്ട പേപ്പട്ടി​വി​ഷ​ബാധ ഇപ്പോൾ വ്യാപി​ച്ചു​വ​രി​ക​യാണ്‌. നേററ​ലി​ലും അയൽപ്ര​ദേ​ശ​മായ മൊസാ​മ്പി​ക്കി​ലും, അനേകർ ഗ്രാമ​പ്ര​ദേ​ശങ്ങൾ വിട്ട്‌ പട്ടണ​പ്ര​ദേ​ശ​ങ്ങ​ളി​ലേക്കു കുടി​യേ​റി​പ്പാർത്തു. അവർ തങ്ങളോ​ടൊ​പ്പം ഓമന​മൃ​ഗ​ങ്ങ​ളെ​യും കൊണ്ടു​വന്നു. സ്ഥലംമാ​റിയ ഈ എല്ലാ ആളുക​ളു​ടെ​യും അടുക്കൽ വാക്‌സിൻ പദ്ധതി എത്തിക്കാൻ കഴിഞ്ഞില്ല. 1992-ൽ ഈ പ്രദേ​ശത്ത്‌ പേപ്പട്ടി​വി​ഷ​ബാ​ധ​യു​ടെ 300-ലധികം കേസുകൾ റിപ്പോർട്ടു ചെയ്യ​പ്പെട്ടു. അതിൽ മരണമടഞ്ഞ 29 പേരിൽ അധിക​വും കുട്ടി​ക​ളാ​യി​രു​ന്നു. മൃഗചി​കി​ത്സാ പ്രവി​ശ്യാ ഡയറക്ട​റായ പോൾ ക്ലുക്ക്‌ ദാരു​ണ​മാ​യി ഇപ്രകാ​രം സൂചി​പ്പി​ക്കു​ന്നു: “നിയമ​വി​രു​ദ്ധ​മാ​യി കുടി​യേ​റി​പ്പാർക്കുന്ന അനവധി ആളുക​ളു​ടെ അടുക്കൽ എത്തി​ച്ചേ​രുക എന്നത്‌ അങ്ങേയ​ററം ദുഷ്‌ക​ര​മാണ്‌.” അദ്ദേഹം പറയുന്നു: “രാഷ്‌ട്രീയ അക്രമ​വും സാംസ്‌കാ​രിക തടസ്സങ്ങ​ളും കൂടി​വ​രാ​നുള്ള ഭീതി​യും ഞങ്ങളുടെ പരിപാ​ടി​കൾക്കു വിഘാതം സൃഷ്ടി​ക്കു​ന്നു.” (g93 10/22)

ജാസ്സ്‌ സംഗീ​ത​ത്തോ​ടു​കൂ​ടിയ ബുദ്ധമതം

വിചി​ത്ര​ക​ര​മെന്നു പറയട്ടെ, ടോക്കി​യോ​യി​ലെ ഭീമാ​കാ​ര​മായ നിപ്‌പോൺ ബൂഡോ​കാ​നിൽ ഷോ​മ്യോ​യും ജാസ്സും കൂട്ടി​ക്ക​ലർത്തി ഒരു സംഗീ​ത​ക്ക​ച്ചേരി നടത്താൻ വലിയ ജാസ്സ്‌ സംഗീത വിദഗ്‌ധ​രോ​ടൊ​പ്പം മുഴു ജപ്പാനി​ലും നിന്ന്‌ ആയിരം ബുദ്ധമത പുരോ​ഹി​തൻമാർ സമ്മേളി​ച്ചു. ഷോ​മ്യോ അടിസ്ഥാ​ന​പ​ര​മാ​യി പാശ്ചാത്യ സംഗീ​ത​ത്തിൽനി​ന്നു വളരെ വ്യത്യ​സ്‌ത​മായ, ഇന്ത്യൻ രീതി​യി​ലുള്ള, സൂക്തങ്ങ​ളു​ടെ തത്‌ക്ഷ​ണ​മുള്ള പാട്ടോ സ്വരതാ​ള​മേ​ള​ങ്ങ​ളോ​ടെ​യുള്ള ആലാപ​ന​മോ ആണ്‌. ബുദ്ധമ​ത​ക്കാർക്കു വ്യത്യസ്‌ത രീതി​ക​ളി​ലുള്ള സംഗീ​ത​മാ​ണു​ള്ള​തെ​ങ്കി​ലും ജാസ്സ്‌ സംഗീ​ത​ജ്ഞർക്കു തങ്ങളുടെ സംഗീതം അവരുടെ സൂക്തങ്ങ​ളോ​ടു ലയിപ്പി​ക്കു​ന്ന​തിൽ ഒരു വിഷമ​വും ഉണ്ടായി​രു​ന്നില്ല. “തത്‌ക്ഷണ ആലാപനം മതത്തിലെ ആത്മീയ ഉണർവി​നോട്‌ എന്തു​കൊ​ണ്ടോ അടുത്തു ബന്ധപ്പെ​ട്ടി​രി​ക്കു​ന്നു​വെന്നു ഞാൻ വിചാ​രി​ക്കു​ന്നു” എന്ന്‌ പ്രസി​ദ്ധ​നായ ഒരു ജാസ്സ്‌ പിയാ​നി​സ്‌ററ്‌ പറയു​ന്ന​താ​യി ദ ഡെയ്‌ലി യോമീ​യു​രീ ഉദ്ധരിച്ചു. “ഞാനല്ല പിയാ​നോ വായി​ക്കു​ന്നത്‌, പിന്നെ​യോ വേറൊ​രു ലോക​ത്തു​നി​ന്നുള്ള ഏതോ വിചിത്ര ശക്തിയാണ്‌ എന്ന്‌ എനിക്കു ചില​പ്പോൾ തോന്നി​പ്പോ​കു​ന്നു” എന്ന്‌ അദ്ദേഹം കൂട്ടി​ച്ചേർത്തു. (g93 10/22)

“കൊല​പാ​ത​ക​ത്തി​ന്റെ ലോകാ​സ്ഥാ​നം”

“ജോഹാ​നെ​സ്‌ബർഗ്‌ കൊല​പാ​ത​ക​ത്തി​ന്റെ ലോകാ​സ്ഥാ​നം എന്ന കുപ്ര​സിദ്ധ സ്ഥാനം തീർച്ച​യാ​യും കരസ്ഥമാ​ക്കി​യി​രി​ക്കു​ന്നു” എന്ന്‌ ദക്ഷിണാ​ഫ്രി​ക്കൻ വർത്തമാ​ന​പ​ത്ര​മായ ദ സ്‌ററാർ പ്രസ്‌താ​വി​ക്കു​ന്നു. “പൊലീ​സി​ന്റെ സ്ഥിതി​വി​വ​ര​ക്ക​ണ​ക്ക​നു​സ​രിച്ച്‌ ജോഹാ​നെ​സ്‌ബർഗി​ലും സൊ​വെ​റേ​റാ​യി​ലു​മാ​യി 1992-ൽ 3 402 കൊല​പാ​ത​കങ്ങൾ നടന്നു. അതായത്‌ ഒരു ദിവസം 9,3 പേർ, അല്ലെങ്കിൽ ഓരോ 2 1⁄2 മണിക്കൂ​റി​ലും ഒരാൾ വീതം.” ഇതു പഴയ “കൊല​പാ​തക ആസ്ഥാന”മായ റിയോ ഡി ജനീ​റോ​യെ രണ്ടാം സ്ഥാന​ത്തേക്കു തള്ളിമാ​ററി. റിയോ​യി​ലെ കൊല​പാ​ത​ക​ങ്ങ​ളു​ടെ ശരാശരി എണ്ണം കഴിഞ്ഞ ദശകത്തിൽ ഓരോ വർഷവും 8,722 ആയിരു​ന്നു. എന്നിരു​ന്നാ​ലും ജോഹാ​നെ​സ്‌ബർഗി​ന്റെ​യും സൊ​വെ​റ​റാ​യു​ടെ​യും മൊത്തം ജനസംഖ്യ 22 ലക്ഷമാ​യി​രി​ക്കു​മ്പോൾ റിയോ​യു​ടെ ജനസംഖ്യ 1 കോടി​യി​ല​ധി​ക​മാണ്‌. ജോഹാ​നെ​സ്‌ബർഗി​ന്റെ ജനസം​ഖ്യക്ക്‌ ഏകദേശം തുല്യ​മായ ജനസം​ഖ്യ​യുള്ള പാരീ​സിന്‌ ഒരു വർഷം 153 കൊല​പാ​ത​ക​ങ്ങ​ളു​ടെ ഒരു ശരാശ​രി​യുണ്ട്‌. കൊല​ചെ​യ്യ​പ്പെ​ടു​ന്ന​തി​നുള്ള സാധ്യ​തകൾ താഴെ​പ്പ​റ​യു​ന്ന​തു​പോ​ലെ​യാ​ണു നൽക​പ്പെ​ട്ടി​രു​ന്നത്‌: ജോഹാ​നെ​സ്‌ബർഗിൽ 647-ൽ ഒരാൾ; റിയോ ഡി ജനീ​റോ​യിൽ 1,158-ൽ ഒരാൾ; ലോസാ​ഞ്ച​ല​സിൽ 3,196-ൽ ഒരാൾ; ന്യൂ​യോർക്കിൽ 4,303-ൽ ഒരാൾ; മിയാ​മി​യിൽ 6,272-ൽ ഒരാൾ; മോസ്‌കോ​യിൽ 10,120-ൽ ഒരാൾ; പാരീ​സിൽ 14,065-ൽ ഒരാൾ. (g93 11/8)

കുട്ടി​കളെ കാണാ​തെ​പോ​കു​ന്നു

ഇററലി​യിൽ ഓരോ വർഷവും നൂറു​ക​ണ​ക്കി​നു കുട്ടികൾ ഒരു സൂചന​യും ഇല്ലാതെ അപ്രത്യ​ക്ഷ​മാ​കു​ന്നു. പലരും രാവിലെ വീടു​വി​ട്ടു സ്‌കൂ​ളിൽ പോകു​ന്നു. എന്നാൽ ഒരിക്ക​ലും തിരി​ച്ചു​വ​രു​ന്നില്ല. 1992-ൽ മാത്രം, പ്രായ​പൂർത്തി​യെ​ത്താത്ത 734 കുട്ടി​കളെ കാണാ​താ​യി. തലേവർഷ​ത്തെ​ക്കാൾ 245 പേർ കൂടുതൽ. ഇററലി​യി​ലെ ആഭ്യന്തര മന്ത്രി​സ​ഭ​യു​ടെ ഒരു റിപ്പോർട്ട​നു​സ​രിച്ച്‌ പുതു​താ​യി ലഭിച്ച കേസുകൾ മൊത്തം 3,063 ആയിരു​ന്നു. ആൺകു​ട്ടി​ക​ളെ​ക്കാ​ള​ധി​കം പെൺകു​ട്ടി​ക​ളെ​യാ​ണു കൂടുതൽ കാണാ​തെ​പോ​കു​ന്നത്‌. (g93 10/22)

നിങ്ങളെ സന്തുഷ്ട​രാ​ക്കു​ന്നത്‌ എന്താണ്‌?

ഏറെ പണം ഉണ്ടായി​രി​ക്കു​ന്നത്‌ ആളുകളെ ഏറെ സന്തുഷ്ട​രാ​ക്കു​ന്നില്ല എന്നതു സ്‌പഷ്ട​മാണ്‌. “ഒരുവന്റെ വരുമാ​നം ദാരി​ദ്ര്യ​രേ​ഖ​യ്‌ക്കു മുകളി​ലാ​ണെ​ങ്കിൽ അതിശ​യ​ക​ര​മെ​ന്നു​പ​റ​യട്ടെ, വരുമാ​ന​ത്തി​ലുള്ള വർധന​വിന്‌ വ്യക്തി​ക​ളു​ടെ സന്തോ​ഷ​വു​മാ​യി ഒരു ബന്ധവു​മില്ല” എന്ന്‌ സൈ​ക്കോ​ളജി ററുഡേ എന്ന മാഗസിൻ പറയുന്നു. പിൻവ​രുന്ന ഘടകങ്ങൾ സന്തുഷ്ടി​ക്കു സുപ്ര​ധാ​ന​മാ​യി​രി​ക്കു​ന്ന​താ​യി പറയ​പ്പെ​ട്ടി​രി​ക്കു​ന്നു: ശുഭാ​പ്‌തി​വി​ശ്വാ​സ​ത്തോ​ടെ​യുള്ള, എന്നാൽ യഥാർഥ​മായ ഒരു വീക്ഷണ​ഗതി; ഇടപെ​ടു​ക​യും കൂട്ടു​കൂ​ടു​ക​യും ചെയ്യുന്ന രീതി; “സമയം ഫലപ്ര​ദ​മാ​യി ഉപയോ​ഗി​ക്കു​ന്നു” എന്നതുൾപ്പെടെ ജീവിതം നിയ​ന്ത്ര​ണ​ത്തി​ലാ​ണെന്ന തോന്നൽ; “സജീവ​മായ ഒരു മതവി​ശ്വാ​സം.” (g93 10/22)

ഉപേക്ഷി​ക്കാൻ ഒട്ടും വൈകി​പ്പോ​യി​ട്ടില്ല

നിങ്ങൾ എത്ര​വേഗം പുകവലി ഉപേക്ഷി​ക്കു​ന്നു​വോ ശ്വാസ​കോ​ശാർബു​ദ​ത്താൽ മരണമ​ട​യു​ന്ന​തി​നുള്ള നിങ്ങളു​ടെ സാധ്യത അത്രകണ്ടു കുറവാണ്‌. 9,00,000 അമേരി​ക്ക​ക്കാ​രെ​ക്കു​റി​ച്ചു നടത്തിയ അടുത്ത​കാ​ലത്തെ ഒരു പഠനം പിൻവ​രുന്ന സംഗതി വെളി​പ്പെ​ടു​ത്തി​യ​താ​യി ദ ലാൻസെ​ററ്‌ റിപ്പോർട്ടു ചെയ്യുന്നു. പുകവ​ലി​ക്കാ​ത്ത​വ​രു​ടെ ഇടയിൽ 75 വയസ്സാ​കു​ന്ന​തി​നു മുമ്പ്‌ ശ്വാസ​കോ​ശാർബു​ദ​ത്താൽ മരണമ​ട​ഞ്ഞ​വ​രു​ടെ എണ്ണം 1,00,000-ത്തിന്‌ 50-ൽ താഴെ​യാ​യി​രു​ന്നു. തങ്ങളുടെ 30-കളിൽ പുകവലി നിർത്തി​യ​വ​രു​ടെ മരണനി​രക്ക്‌ 1,00,000-ത്തിന്‌ ഏതാണ്ട്‌ 100 പേർ എന്നതി​ലേക്ക്‌ ഉയർന്നു. തങ്ങളുടെ 60-കളിൽ പുകവലി നിർത്തി​യ​വ​രു​ടെ മരണനി​രക്ക്‌ 1,00,000-ത്തിൽ 550 എന്ന കണക്കി​ലേക്ക്‌ ഉയർന്നു. പുകവലി ഒരിക്ക​ലും ഉപേക്ഷി​ക്കാ​ഞ്ഞ​വ​രു​ടെ ഇടയിൽ ശ്വാസ​കോ​ശാർബു​ദം കൊണ്ടുള്ള മരണസം​ഖ്യ 1,00,000-ത്തിന്‌ 1,250 എന്ന നിരക്കി​ലാ​യി​രു​ന്നു. ശ്വാസ​കോ​ശാർബു​ദ​ത്താ​ലുള്ള സ്‌ത്രീ​ക​ളു​ടെ മരണനി​രക്ക്‌ കുറവാ​യി​രു​ന്നു. എങ്കിലും സമാന​മായ ഒരു പ്രകൃ​ത​മു​ണ്ടാ​യി​രു​ന്നു. (g93 10/22)

ലബോ​റ​ട്ട​റി​യി​ലെ കൈയ​ബ​ദ്ധ​ങ്ങൾ

മെഡിക്കൽ ലബോ​റ​ട്ട​റി​ക​ളി​ലെ അബദ്ധങ്ങൾ നിമിത്തം ഓരോ വർഷവും ശതസഹ​സ്ര​ക്ക​ണ​ക്കി​നാ​ളു​കൾ മരണമ​ട​യു​ക​യോ ഗുരു​ത​ര​മാ​യി രോഗ​ബാ​ധി​ത​രാ​കു​ക​യോ ചെയ്യുന്നു എന്ന്‌ ലോകാ​രോ​ഗ്യ സംഘടന പ്രസ്‌താ​വി​ക്കു​ന്നു. രോഗങ്ങൾ കണ്ടുപി​ടി​ക്കു​ന്ന​തി​നും ഉറപ്പു​വ​രു​ത്തു​ന്ന​തി​നും ആയി രക്തവും മനുഷ്യ​ക​ല​യും പരി​ശോ​ധി​ക്കു​ന്ന​തിൽ ലാബുകൾ ഒരു സുപ്ര​ധാന പങ്കു വഹിക്കു​ന്നു. തെററായ പരി​ശോ​ധനാ ഫലങ്ങൾക്ക്‌ തെററായ രോഗ​നിർണ​യ​ത്തി​ലേ​ക്കും ചികി​ത്സ​യി​ലേ​ക്കും നയിക്കാൻ കഴിയും. ഈ പ്രശ്‌നം ചർച്ച​ചെ​യ്യു​ന്ന​തി​നാ​യി കഴിഞ്ഞ വർഷം ഏപ്രി​ലിൽ ലോക​ത്തി​നു ചുററു​നി​ന്നും 90-ലധികം വിദഗ്‌ധർ സ്വിറ​റ്‌സർലൻഡി​ലെ ജനീവ​യിൽ സമ്മേളി​ച്ചു. (g93 10/22)

“മഹാന​ഗ​രങ്ങൾ”

“ഈ നൂററാ​ണ്ടി​ന്റെ ഒടുവിൽ 1 കോടി​യോ അതില​ധി​ക​മോ ജനസംഖ്യ വരുന്ന 21 ‘മഹാന​ഗ​രങ്ങൾ’ ഉണ്ടായി​രി​ക്കും” എന്ന്‌ ടൈം മാസിക പ്രസ്‌താ​വി​ക്കു​ന്നു. “ഇവയിൽ 18 എണ്ണം ലോക​ത്തി​ലെ ഏററവും ദരി​ദ്ര​രാ​ജ്യ​ങ്ങ​ളിൽ ചിലതുൾപ്പെടെ വികസ്വര രാജ്യ​ങ്ങ​ളി​ലാ​യി​രി​ക്കും.” 1 കോടി​യോ അതില​ധി​ക​മോ ആളുകൾ മുഖ്യ​ന​ഗ​ര​പ്ര​ദേ​ശ​ങ്ങ​ളിൽ ഇപ്പോൾത്തന്നെ ഉള്ള 13 രാജ്യങ്ങൾ പട്ടിക​യി​ലുണ്ട്‌. ഏകദേശം 2.6 കോടി ജനങ്ങളുള്ള ടോക്കി​യോ​യാ​ണു മുന്നിൽ. സാവോ പോളോ, ന്യൂ​യോർക്ക്‌ നഗരം, മെക്‌സി​ക്കോ നഗരം, ഷാൻഹായ്‌, ബോംബെ, ലോസാ​ഞ്ച​ലസ്‌, ബ്യൂനസ്‌ എയേഴ്‌സ്‌, സിയോൾ, ബെയ്‌ജിങ്‌, റിയോ ഡി ജനീറോ, കൽക്കട്ട, ജക്കാർത്ത എന്നീ നഗരങ്ങൾ തൊട്ടു​പി​ന്നി​ലും. ആഫ്രി​ക്ക​യി​ലെ ചില നഗരങ്ങൾ പ്രതി​വർഷം 10 ശതമാനം വച്ച്‌ വർധി​ക്കു​ന്നു—രേഖ​പ്പെ​ടു​ത്തി​യി​ട്ടു​ള്ള​തിൽ വച്ച്‌ ഏററവും വേഗത്തി​ലുള്ള നഗരവ​ത്‌കരണ നിരക്കാ​ണിത്‌—എന്ന്‌ ലോക​ബാങ്ക്‌ പറയുന്നു. മിക്ക​പ്പോ​ഴും വലിയ ജനസം​ഖ്യ​ക​ളോ​ടൊ​പ്പം വർധിച്ച മലിനീ​ക​ര​ണ​വും രോഗ​ഭീ​ഷ​ണി​യും ഉണ്ടായി​രി​ക്കും. (g93 10/22)

ശിശു ഘാതകർ

ഓരോ വർഷവും വികസ്വര രാജ്യ​ങ്ങ​ളി​ലെ കുട്ടി​ക​ളു​ടെ ഇടയിൽ ഉണ്ടാകുന്ന 1.3 കോടി മരണങ്ങ​ളിൽ ഏതാണ്ട്‌ മൂന്നിൽ രണ്ടിനും ഇടയാ​ക്കു​ന്നതു മൂന്നു രോഗ​ങ്ങ​ളാ​ണെന്ന്‌ ലെസോ​ത്തോ ററുഡേ എന്ന ആഫ്രിക്കൻ പത്രം സൂചി​പ്പി​ച്ചു. ന്യൂ​മോ​ണിയ, അതിസാ​രം, അഞ്ചാം​പനി എന്നിവ​യാണ്‌ ഈ രോഗങ്ങൾ. പിടി​യി​ലൊ​തു​ങ്ങു​ന്ന​തും ലഭ്യവു​മായ മാർഗ​ങ്ങ​ളി​ലൂ​ടെ ചികി​ത്സി​ക്കാ​നോ പ്രതി​രോ​ധി​ക്കാ​നോ കഴിയു​ന്ന​താണ്‌ ഈ രോഗങ്ങൾ എന്ന്‌ റിപ്പോർട്ടു കൂട്ടി​ച്ചേർക്കു​ന്നു. ഉദാഹ​രണം പറഞ്ഞാൽ, ഏററവും വലിയ ശിശു ഘാതക​നായ ന്യൂ​മോ​ണിയ ഒരു വർഷം 35 ലക്ഷം കുട്ടി​ക​ളു​ടെ മരണത്തിന്‌ ഉത്തരവാ​ദി​യാണ്‌. മിക്ക​പ്പോ​ഴും ബാക്ടീ​രി​യ​യാ​ണു കാരണം. 25 സെൻറു വിലവ​രുന്ന ആൻറി​ബ​യോ​ട്ടി​ക്കു​ക​ളു​ടെ 5 ദിവസത്തെ ഒരു കോഴ്‌സു​കൊണ്ട്‌ ഇതു നിയ​ന്ത്രി​ക്കാൻ കഴിയും. അതിസാ​രം ഓരോ വർഷവും മുപ്പതു ലക്ഷം കൊച്ചു കുട്ടി​ക​ളു​ടെ മരണത്തിന്‌ ഇടയാ​ക്കു​ന്നു. വായി​ലൂ​ടെ നടത്തുന്ന ചെലവു കുറഞ്ഞ ഒരു റി​ഹൈ​ഡ്രേഷൻ തെറാപ്പി മാതാ​പി​താ​ക്കൾ കുട്ടി​കൾക്കു​വേണ്ടി നടത്തി​യി​രു​ന്നെ​ങ്കിൽ ആ മരണങ്ങ​ളിൽ പകുതി​യോ​ളം തടയാ​മാ​യി​രു​ന്നു. അഞ്ചാം​പനി ഓരോ വർഷവും 8,00,000 ശിശു​മ​ര​ണ​ങ്ങൾക്കു കാരണ​മാ​കു​ന്നു. പ്രതി​രോധ കുത്തി​വ​യ്‌പി​ലൂ​ടെ ഇതു തടയാ​മാ​യി​രു​ന്നെന്നു റിപ്പോർട്ടു സൂചി​പ്പി​ക്കു​ന്നു. ഒരു കുട്ടി​ക്കുള്ള അഞ്ചാം​പ​നി​യു​ടെ പ്രതി​രോധ കുത്തി​വ​യ്‌പിന്‌ 50 സെൻറു പോലും വില വരില്ല. (g93 11/8)