ദൈവം സ്‌പോർട്‌സിൽ പക്ഷം പിടി​ക്കു​ന്നു​വോ?

വിജയം വരിച്ച ഒരു ഓട്ടക്കാ​രി താൻ കൈവ​രിച്ച നേട്ടത്തി​നു മുട്ടു​കു​ത്തി നന്ദി പറഞ്ഞു​കൊ​ണ്ടു പ്രാർഥ​നാ​പൂർവ​ക​മായ ഒരു വിധത്തിൽ ആംഗ്യങ്ങൾ കാണി​ക്കു​ന്നു. എന്നാൽ മത്സരത്തിൽ പങ്കെടുത്ത മററു പല ഓട്ടക്കാ​രും വിജയ​ത്തി​നു വേണ്ടി ദൈവ​ത്തോ​ടു പ്രാർഥി​ച്ചി​ട്ടും തോറ​റു​പോ​യി എന്നു നാം മനസ്സി​ലാ​ക്കണം.

രണ്ടു ബോക്‌സർമാർ തങ്ങളുടെ പോരാ​ട്ട​ത്തി​ന്റെ ആദ്യ റൗണ്ടിനു മുമ്പ്‌ ബോക്‌സിങ്‌ റിങ്ങിന്റെ എതിർകോ​ണു​ക​ളിൽ മുട്ടു​കു​ത്തി​നിൽക്കു​ന്നു. വിജയി​ക്കാൻ ദൈവ​ത്തോ​ടുള്ള നിശബ്ദ പ്രാർഥ​ന​യു​ടെ ഒരു രൂപ​മെ​ന്ന​നി​ല​യിൽ ഇരുവ​രും കുരിശു വരയ്‌ക്കു​ന്നു. എന്നിട്ട്‌ ഒരുവൻ മറേറ​വനെ ഇടിച്ചു തോൽപ്പി​ക്കു​ന്നു. എന്നാൽ മററു ചില പോരാ​ട്ട​ങ്ങ​ളിൽ വിജയം വരിക്കാൻ ഒരു പോരാ​ളി മാത്രമേ ദൈവ​ത്തോ​ടു പ്രാർഥി​ക്കു​ന്നു​ള്ളാ​യി​രി​ക്കാം, എന്നാലും അവൻ വിജയി​ക്കുന്ന അത്രയും പ്രാവ​ശ്യം​തന്നെ തോ​റെ​റ​ന്നും വരാം.

ടീമുകൾ പങ്കെടു​ക്കുന്ന സ്‌പോർട്‌സിൽ കളിക്കു മുമ്പും കളി നടക്കുന്ന സമയത്തും കളിക്കു​ശേഷം പോലും കളിക്കാ​രു​ടെ സംഘങ്ങൾ പ്രാർഥി​ച്ചേ​ക്കാം. ഉദാഹ​ര​ണ​ത്തിന്‌, ഒരു അമേരി​ക്കൻ സൂപ്പർ ബൗൾ ഫുട്‌ബോൾ കളിയു​ടെ അവസാന നിമി​ഷ​ങ്ങ​ളിൽ നിർണാ​യ​ക​മായ ഒരു ഫീൽഡ്‌ ഗോൾ അടിക്കാൻ ഒരു കളിക്കാ​രൻ തയ്യാറാ​യി നിന്നു. ആ ഗോള​ടി​ക്കാൻ കഴിഞ്ഞാൽ അദ്ദേഹ​ത്തി​ന്റെ ടീം ജയിക്കു​മാ​യി​രു​ന്നു, ഇല്ലെങ്കിൽ തോൽക്കു​മാ​യി​രു​ന്നു. ആ കളിക്കാ​രൻ പിന്നീട്‌ ഇങ്ങനെ പറഞ്ഞു: “ഞാൻ അതി​നെ​ക്കു​റി​ച്ചു പ്രാർഥി​ക്കു​ക​യാ​യി​രു​ന്നു.” എന്നാൽ എതിർ ടീമിലെ ചിലരും അതേക്കു​റി​ച്ചു പ്രാർഥി​ക്കു​ക​യാ​യി​രു​ന്നു—വിപരീത ഫലത്തിനു വേണ്ടി.

ഇരുപ​ക്ഷ​വും പ്രാർഥി​ച്ചേ​ക്കാ​മെ​ങ്കി​ലും ഒരു പക്ഷം തോറ​റു​പോ​കു​മെന്ന കാര്യ​ത്തിൽ തർക്കമില്ല. വിജയി​ക്കുന്ന ടീം ജയിക്കാൻ പ്രാർഥി​ച്ചാൽപ്പോ​ലും അടുത്ത മത്സരത്തിൽ അവർ പരാജ​യ​പ്പെ​ടാം. ഔദ്യോ​ഗിക മത്സരക്കാ​ല​ത്തി​ന്റെ അവസാനം ഫലത്തിൽ മറെറല്ലാ ടീമു​ക​ളും പരാജ​യ​പ്പെ​ടു​മെ​ന്നതു തീർച്ച, കാരണം പല ടീമുകൾ ഉണ്ടെങ്കി​ലും ടീമു​ക​ളിൽ ഓവ​റോൾ ചാമ്പ്യ​നാ​കു​ന്നത്‌ ഒരു ടീം മാത്ര​മാണ്‌. എന്നാൽ തോറ​റു​പോ​കുന്ന മിക്ക ടീമു​ക​ളി​ലെ​യും കളിക്കാ​രും വിജയ​ത്തി​നു വേണ്ടി പ്രാർഥി​ച്ച​വ​രാ​യി​രു​ന്നു.

“ദയവായി നിങ്ങളു​ടെ പ്രാർഥ​നകൾ കേൾക്കേ​ണമേ” എന്നൊരു ലേഖന​ത്തിൽ ഒരു സ്‌പോർട്‌സ്‌ കോള​മെ​ഴു​ത്തു​കാ​രൻ ഇപ്രകാ​ര​മെ​ഴു​തി: “ദൈവ​ത്തോ​ടു നിങ്ങൾക്ക്‌ എത്രമാ​ത്രം അടുപ്പ​മു​ണ്ടെന്നു വീരവാ​ദം മുഴക്കി​യാ​ലും അവശ്യം അത്‌ സത്യമാ​യി​രി​ക്ക​ണ​മെ​ന്നില്ല. . . . രണ്ടാം ലോക​മ​ഹാ​യു​ദ്ധ​ത്തിൽ ജർമൻ പട്ടാള​ക്കാ​രു​ടെ ബെൽററ്‌ ബക്കിളിൽ ഒരു വാചകം എഴുതി​യി​രു​ന്നു: ഡോട്ട്‌ മിററ്‌ ഊൺസ്‌. ‘ദൈവം നമ്മോ​ടു​കൂ​ടെ ഉണ്ട്‌’ എന്നതാണ്‌ അതിന്റെ പരിഭാഷ.” മറെറാ​രു സ്‌പോർട്‌സ്‌ എഴുത്തു​കാ​രൻ ഇങ്ങനെ അഭി​പ്രാ​യ​പ്പെട്ടു: “ദൈവം ഫുട്‌ബോൾ കളിക​ളിൽ പക്ഷം പിടി​ക്കു​ന്നില്ല. ഇത്തരം ക്ഷണിക കാര്യ​ങ്ങ​ളിൽ സ്‌ത്രീ​പു​രു​ഷൻമാ​രാ​ണു തീരു​മാ​നി​ക്കു​ന്നത്‌, അല്ലാതെ സർവശ​ക്തനല്ല.”

അപ്പോ​സ്‌ത​ല​നാ​യ പത്രോസ്‌ ഇങ്ങനെ എഴുതി: ‘ദൈവ​ത്തി​ന്നു മുഖപ​ക്ഷ​മില്ല, ഏതു ജാതി​യി​ലും അവനെ ഭയപ്പെട്ടു നീതി പ്രവർത്തി​ക്കു​ന്ന​വനെ അവൻ അംഗീ​ക​രി​ക്കു​ന്നു.’ അക്രമാ​സ​ക്ത​മായ സ്‌പോർട്‌സിൽ ഏർപ്പെ​ടു​ന്നതു ‘നീതി പ്രവർത്തി​ക്കൽ’ അല്ല. (പ്രവൃ​ത്തി​കൾ 10:34, 35; റോമർ 14:19) വിജയ​ത്തി​നു വേണ്ടി പ്രാർഥി​ക്കു​ന്ന​വ​രു​ടെ പ്രാർഥ​നകൾ ദൈവം യഥാർഥ​ത്തിൽ കേൾക്കു​ക​യും അതേസ​മ​യം​തന്നെ മത്സരി​ക്കുന്ന ഒരുവന്‌ പരി​ക്കേൽക്കു​ക​യും അല്ലെങ്കിൽ അവൻ മരിക്കു​ക​യും ചെയ്യു​ന്നെ​ങ്കിൽ അതിനു ദൈവത്തെ കുററ​പ്പെ​ടു​ത്താ​നാ​കു​മോ?

ദൈവ​വ​ച​നം ഇങ്ങനെ പ്രസ്‌താ​വി​ക്കു​ന്നു: “അവന്റെ ഇഷ്ടപ്ര​കാ​രം നാം എന്തെങ്കി​ലും അപേക്ഷി​ച്ചാൽ അവൻ നമ്മുടെ അപേക്ഷ കേൾക്കു​ന്നു.” [ചെരി​ച്ചെ​ഴുത്ത്‌ ഞങ്ങളു​ടേത്‌. (1 യോഹ​ന്നാൻ 5:14)] പ്രാർഥ​ന​കൾക്ക്‌ ഉത്തരം കിട്ടണ​മെ​ങ്കിൽ ഒരുവൻ ദൈവ​ത്തി​ന്റെ ഇഷ്ടവും ഉദ്ദേശ്യ​ങ്ങ​ളും അറിയണം, മാത്രമല്ല അവന്റെ പ്രവർത്ത​നങ്ങൾ അവയ്‌ക്കു ചേർച്ച​യി​ലു​മാ​യി​രി​ക്കണം.—താരത​മ്യം ചെയ്യുക: മത്തായി 6:9, 10.

ഇല്ല, ദൈവ​ത്തി​ന്റെ ഇഷ്ടവും ഉദ്ദേശ്യ​ങ്ങ​ളും സ്‌പോർട്‌സ്‌ ഇനങ്ങളു​മാ​യി ബന്ധപ്പെ​ട്ടി​രി​ക്കു​ന്നില്ല. അതു​കൊണ്ട്‌, സ്‌പോർട്‌സ്‌ ഇനങ്ങളിൽവെച്ച്‌ വിജയ​ത്തി​നു വേണ്ടി പ്രാർഥി​ച്ചാൽ ദൈവം കേൾക്കു​മോ? ഇല്ല, നിശ്ചയം.

[14-ാം പേജിലെ ചിത്ര​ത്തിന്‌ (ങ്ങൾക്ക്‌) കടപ്പാട്‌]

UPI/Bettmann