വേദന​യി​ല്ലാത്ത ജീവിതം സമീപം!

നമ്മെ അപകട​ത്തിൽനി​ന്നു സംരക്ഷി​ക്കുന്ന ശരീര​ത്തി​ന്റെ സങ്കീർണ​മായ ജൈവ​പ്ര​ക്രി​യകൾ തീർച്ച​യാ​യും ഒരത്ഭു​ത​മാണ്‌. അവയെ​ക്കു​റി​ച്ചുള്ള ഒരു പഠനം സങ്കീർത്ത​ന​ക്കാ​രൻ ചെയ്‌ത​തു​പോ​ലെ സ്രഷ്ടാ​വി​നെ സ്‌തു​തി​ക്കാൻ നമ്മെ പ്രേരി​പ്പി​ക്കണം. അദ്ദേഹം ഇപ്രകാ​രം എഴുതി: “ഭയാന​ക​മായ ഒരു വിധത്തിൽ അത്ഭുത​ക​ര​മാ​യി എന്നെ സൃഷ്ടി​ച്ചി​രി​ക്ക​യാൽ ഞാൻ നിന്നെ സ്‌തു​തി​ക്കും.” (സങ്കീർത്തനം 139:14) തീർച്ച​യാ​യും, ജീവി​തത്തെ വേദനാ​ര​ഹി​ത​മാ​ക്കി​ത്തീർക്കാൻ ദൈവ​ത്തി​നു മാത്രമേ കഴിയു​ക​യു​ള്ളൂ! എന്നാൽ അത്‌ എങ്ങനെ സാധി​ക്കും?

വേദന​യും കണ്ണുനീ​രും നീക്കം ചെയ്യ​പ്പെ​ടു​ന്ന​തി​നെ​ക്കു​റി​ച്ചുള്ള വാഗ്‌ദ​ത്ത​ത്തി​നു തൊട്ടു​മുമ്പ്‌ “ഒരു പുതിയ ആകാശ​ത്തെ​യും ഒരു പുതിയ ഭൂമി”യെയും കുറിച്ചു ബൈബിൾ സംസാ​രി​ക്കു​ന്നു, “എന്തെന്നാൽ മുമ്പത്തെ ആകാശ​വും മുമ്പത്തെ ഭൂമി​യും നീങ്ങി​പ്പോ​യി​രി​ക്കു​ന്നു.” (വെളി​പാട്‌ 21:1, 4, NW) നിശ്ചയ​മാ​യും, ബൈബിൾ നമ്മുടെ അക്ഷരീയ ആകാശ​ത്തെ​യും ഭൂമി​യെ​യും കുറിച്ചല്ല സംസാ​രി​ക്കു​ന്നത്‌. ഇപ്പോ​ഴത്തെ വ്യവസ്ഥി​തി​യു​ടെ സ്ഥാനത്ത്‌ തികച്ചും പുതു​തായ ഒരു വ്യവസ്ഥി​തി വരുന്ന​തി​നെ​ക്കു​റി​ച്ചാണ്‌ അതു പറയു​ന്നത്‌. അതേ, പുതിയ, മനുഷ്യാ​തീ​ത​മായ ഒരു ഗവൺമെൻറ്‌ ഇവിടെ ഭൂമി​യിൽ വേദനാ​ര​ഹി​ത​മായ ഒരു ജീവിതം ആസ്വദി​ക്കുക സാധ്യ​മാ​ക്കി​ത്തീർക്കും.

ഈ ഗവൺമെൻറി​നെ​ക്കു​റി​ച്ചു വർണി​ക്കു​മ്പോൾ ബൈബിൾ ഇപ്രകാ​രം പറയുന്നു: “സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം സ്ഥാപി​ക്കും. . . . അതു ഈ രാജത്വ​ങ്ങളെ ഒക്കെയും തകർത്തു നശിപ്പി​ക്കു​ക​യും എന്നേക്കും നിലനി​ല്‌ക്ക​യും ചെയ്യും.” (ദാനീ​യേൽ 2:44) യേശു​ക്രി​സ്‌തു ഭൂമി​യി​ലാ​യി​രു​ന്ന​പ്പോൾ, “നിങ്ങൾ ഈവണ്ണം പ്രാർഥി​പ്പിൻ: സ്വർഗ​സ്ഥ​നായ ഞങ്ങളുടെ പിതാവേ, അങ്ങയുടെ നാമം വാഴ്‌ത്ത​പ്പെ​ടേ​ണമേ. അങ്ങയുടെ രാജ്യം വരേണമേ. അങ്ങയുടെ ഇഷ്ടം സ്വർഗ​ത്തി​ലെ​പ്പോ​ലെ ഭൂമി​യി​ലും നടക്കേ​ണമേ” എന്നു പറഞ്ഞ​പ്പോൾ ഈ രാജ്യ​ഗ​വൺമെൻറി​നു വേണ്ടി പ്രാർഥി​ക്കാൻ അവൻ നമ്മെ പഠിപ്പി​ക്കു​ക​യാ​ണു ചെയ്‌തത്‌.—മത്തായി 6:9, 10, ജയിംസ്‌ രാജാ​വി​ന്റെ ഭാഷാ​ന്തരം.

എന്നിരു​ന്നാ​ലും, ആ പ്രാർഥ​ന​യു​ടെ നിവൃ​ത്തി​ക്കു നിങ്ങളെ സംബന്ധി​ച്ചി​ട​ത്തോ​ളം വേദന​യി​ല്ലാത്ത ഒരു ജീവി​തത്തെ എങ്ങനെ അർഥമാ​ക്കാൻ കഴിയും?

മനുഷ്യാ​തീത ശക്തിയുള്ള ഒരു ഭരണാ​ധി​പൻ

തന്റെ ഗവൺമെൻറി​ന്റെ ഭരണം വഹിക്കാൻ ദൈവം തിര​ഞ്ഞെ​ടു​ത്തി​രി​ക്കു​ന്ന​വന്റെ ജ്ഞാനത്തി​ലും ശക്തിയി​ലു​മാണ്‌ അത്‌ ആശ്രയി​ച്ചി​രി​ക്കു​ന്നത്‌. അവനെ​ക്കു​റിച്ച്‌ ഒരു ബൈബിൾ പ്രവചനം ഇങ്ങനെ പറയുന്നു: “ഭരണം അവന്റെ തോളി​ലാ​യി​രി​ക്കും . . . അവന്റെ ഭരണത്തി​ന്റെ​യും സമാധാ​ന​ത്തി​ന്റെ​യും വർധന​യ്‌ക്ക്‌ യാതൊ​രു അവസാ​ന​വും ഉണ്ടായി​രി​ക്ക​യില്ല.”—യെശയ്യാവ്‌ 9:6, 7, ജയിംസ്‌ രാജാ​വി​ന്റെ ഭാഷാ​ന്തരം.

ഇപ്പോൾ സ്വർഗ​ത്തി​ലാ​യി​രി​ക്കുന്ന യേശു​വി​ന്റെ ജ്ഞാനം ഭൂമി​യി​ലെ എല്ലാ ഡോക്ടർമാ​രെ​ക്കാ​ളും വളരെ കവിഞ്ഞ​താണ്‌. അപകട​ത്തിൽനി​ന്നു നമ്മെ സംരക്ഷി​ക്കാ​നുള്ള വ്യവസ്ഥകൾ ഉൾപ്പെടെ നമ്മുടെ ശരീര​ത്തി​ന്റെ പ്രവർത്ത​ന​ങ്ങളെ അവൻ പൂർണ​മാ​യി മനസ്സി​ലാ​ക്കു​ന്നു. 1,900 വർഷങ്ങൾക്കു മുമ്പു ഭൂമി​യിൽ ഒരു മനുഷ്യ​നാ​യി​രു​ന്ന​പ്പോൾ ഭേദമാ​ക്കാൻ അവനു കഴിയാ​തി​രുന്ന യാതൊ​രു അസുഖ​മോ വ്യാധി​യോ ഉണ്ടായി​രു​ന്നില്ല. അപ്രകാ​രം ദൈവ​രാ​ജ്യ​ത്തി​ന്റെ ഭരണാ​ധി​കാ​രി​യെന്ന നിലയിൽ താൻ എന്താണു ചെയ്യാൻ പോകു​ന്ന​തെന്ന്‌ അവൻ പ്രകട​മാ​ക്കു​ക​യാ​ണു ചെയ്‌തത്‌. അത്തര​മൊ​രു സന്ദർഭ​ത്തെ​ക്കു​റി​ച്ചു ബൈബിൾ ഇപ്രകാ​രം പറയുന്നു:

“വളരെ പുരു​ഷാ​രം മുടന്തർ, കുരുടർ, ഊമർ, കൂനർ മുതലായ പലരെ​യും അവന്റെ അടുക്കൽ കൊണ്ടു​വന്നു അവന്റെ കാല്‌ക്കൽ വെച്ചു; അവൻ അവരെ സൌഖ്യ​മാ​ക്കി; ഊമർ സംസാ​രി​ക്കു​ന്ന​തും കൂനർ സൌഖ്യ​മാ​കു​ന്ന​തും മുടന്തർ നടക്കു​ന്ന​തും കുരുടർ കാണു​ന്ന​തും പുരു​ഷാ​രം കണ്ടിട്ടു ആശ്ചര്യ​പ്പെട്ടു.” (മത്തായി 15:30, 31) തന്റെ രാജ്യ​ഭ​ര​ണ​ക്കാ​ലത്തു യേശു സുഖ​പ്പെ​ടു​ത്താൻ പോകുന്ന വ്യാധി​ക​ളു​ടെ കൂട്ടത്തിൽ ഭയാന​ക​മായ ആ വിട്ടു​മാ​റാത്ത വേദന​യും ഉണ്ടായി​രി​ക്കും.

തീർച്ച​യാ​യും അത്‌ എന്തൊരു അനു​ഗ്ര​ഹ​മാ​യി​രി​ക്കും! അത്‌ ഏതാനും പേർക്കു വേണ്ടി മാത്ര​മാ​യി​രി​ക്കില്ല. ഇതാണ്‌ സ്രഷ്ടാ​വി​ന്റെ വാഗ്‌ദത്തം: “എനിക്കു ദീനം എന്നു യാതൊ​രു നിവാ​സി​യും പറകയില്ല.” (യെശയ്യാ​വു 33:24) അപ്പോൾ ദൈവ​രാ​ജ്യ ഭരണത്തിൻ കീഴിൽ ഈ വാഗ്‌ദത്തം നിവർത്തി​ക്ക​പ്പെ​ടും: “മേലാൽ . . . വേദന ഉണ്ടായി​രി​ക്ക​യില്ല.” (ചെരി​ച്ചെ​ഴുത്ത്‌ ഞങ്ങളു​ടേത്‌.)—വെളി​പ്പാ​ടു 21:4.

ക്രിസ്‌തു​വി​ന്റെ മഹത്തായ രാജ്യ​ഭ​ര​ണ​ത്തിൻ കീഴിൽ, ഉപദ്ര​വ​ത്തിൽനി​ന്നു നമ്മെ സംരക്ഷി​ക്കാ​നു​ള്ള​തുൾപ്പെടെ, നമ്മുടെ ശരീര​ത്തി​ന്റെ ജൈവ​പ്ര​ക്രി​യകൾ പൂർണ​മാ​യി പ്രവർത്തി​ക്കും. കാരണം അവകാ​ശ​പ്പെ​ടു​ത്തിയ പാപം നീക്കം ചെയ്യ​പ്പെ​ടും. നമ്മുടെ ശരീര​ത്തി​ലെ മുന്നറി​യി​പ്പിൻ സംവി​ധാ​നം ഒരിക്ക​ലും ഒരു ഉപദ്ര​വ​കാ​രി​യാ​യി​ത്തീ​രു​ക​യില്ല. സന്തോ​ഷ​ക​ര​മെന്നു പറയട്ടെ ഇപ്പോൾ നിവൃ​ത്തി​യേ​റി​ക്കൊ​ണ്ടി​രി​ക്കുന്ന ബൈബിൾ പ്രവച​ന​ങ്ങ​ള​നു​സ​രിച്ച്‌ നാമി​പ്പോൾ പുതിയ ലോക​ത്തി​ന്റെ കവാട​ത്തി​ങ്ക​ലാണ്‌. ആ പുതിയ ലോക​ത്തിൽ വേദന ഒരിക്ക​ലും ദുരിതം കൈവ​രു​ത്തു​ക​യില്ല.—മത്തായി 24:3-14, 36-39; 2 തിമൊ​ഥെ​യൊസ്‌ 3:1-5; 2 പത്രൊസ്‌ 3:11-13.

ഇപ്പോൾ ദശലക്ഷ​ങ്ങളെ കാർന്നു​തി​ന്നു​ന്ന​തരം വേദന ഒരിക്ക​ലും ഉണ്ടായി​രി​ക്ക​യി​ല്ലാത്ത ദൈവ​രാ​ജ്യ​ത്തിൻ കീഴിലെ ജീവിതം നിങ്ങൾക്ക്‌ ആസ്വദി​ക്കാ​നാ​കും. എന്നാൽ നിങ്ങൾ ഒരു സംഗതി ചെയ്യേ​ണ്ട​തുണ്ട്‌. ദൈവ​ത്തോ​ടു പ്രാർഥി​ച്ച​പ്പോൾ യേശു​ക്രി​സ്‌തു ഒരു അടിസ്ഥാന നിബന്ധന ചൂണ്ടി​ക്കാ​ട്ടി: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.”—യോഹ​ന്നാൻ 17:3.

ജീവത്‌പ്ര​ധാ​ന​മായ ഈ അറിവു നേടാൻ നിങ്ങളെ സഹായി​ക്കു​ന്ന​തിൽ യഹോ​വ​യു​ടെ സാക്ഷികൾ സന്തോ​ഷ​മു​ള്ള​വ​രാ​യി​രി​ക്കും. നിങ്ങളു​ടെ പ്രദേ​ശ​ത്തുള്ള അവരിൽപ്പെട്ട ഒരാ​ളോ​ടു ചോദി​ക്കുക. അല്ലെങ്കിൽ നിങ്ങളു​ടെ ഭവനത്തിൽവെ​ച്ചോ സൗകര്യ​പ്ര​ദ​മായ മറേറ​തെ​ങ്കി​ലും സ്ഥലത്തു​വെ​ച്ചോ ഒരു ബൈബി​ള​ധ്യ​യനം ഉണ്ടായി​രി​ക്കാ​നുള്ള നിങ്ങളു​ടെ ആഗ്രഹം പ്രകട​മാ​ക്കി​ക്കൊണ്ട്‌ ഈ മാസി​ക​യു​ടെ പ്രസാ​ധ​കർക്ക്‌ എഴുതുക. വേദന​യി​ല്ലാത്ത ഒരു ജീവിതം മനുഷ്യർ ആസ്വദി​ക്കു​ന്ന​തി​നുള്ള ദൈ​വോ​ദ്ദേ​ശ്യ​ങ്ങ​ളെ​ക്കു​റി​ച്ചു കൂടുതൽ പഠിക്കാ​നുള്ള ക്രമീ​ക​ര​ണങ്ങൾ നിങ്ങൾക്കു വേണ്ടി ചെയ്യു​ന്ന​താ​യി​രി​ക്കും.