സംഭാ​ഷ​ണത്തെ ഉണർത്തി​വി​ടുന്ന ഒരു ഭക്ഷണസാ​ധ​നം

മധുര​പ​ല​ഹാ​രം? . . . മധുര​പ​ല​ഹാ​രം! . . . എപ്പോ​ഴെ​ങ്കി​ലും ഒരു വിരുന്നു സത്‌കാ​ര​ത്തി​നാ​യി പ്ലാൻ ചെയ്‌തിട്ട്‌ ‘മധുര​പ​ല​ഹാ​ര​മാ​യി ഞാൻ എന്താണു കൊടു​ക്കുക’ എന്നു നിങ്ങൾ സ്വയം ചോദി​ച്ചി​ട്ടു​ണ്ടോ? സാധാരണ ഉണ്ടാകാ​റുള്ള ഈ പ്രശ്‌നം ഒരുപക്ഷേ പാചക​ക്കു​റി​പ്പു​ക​ളു​ടെ​യും പുസ്‌ത​ക​ങ്ങ​ളു​ടെ​യും താളുകൾ തോറും തിരച്ചിൽ നടത്താൻ നിങ്ങളെ പ്രേരി​പ്പി​ച്ചി​രി​ക്കും, നിങ്ങളു​ടെ കൂടി​വ​ര​വിന്‌ ഏററവും പററിയ ഒരു മധുര​പ​ല​ഹാ​രം തിരഞ്ഞു​കൊണ്ട്‌.

ഒരു ഫോണ്ട്യു പരീക്ഷി​ച്ചു​നോ​ക്കാൻ നിങ്ങൾക്ക്‌ ഇഷ്ടമാ​ണോ? അതു കാണു​മ്പോൾത്തന്നെ നാം അതി​നെ​പ്പ​ററി സംസാ​രി​ക്കാൻ തുടങ്ങും. മാത്രമല്ല വേഗത്തി​ലും എളുപ്പ​ത്തി​ലും ഉണ്ടാക്കാ​വു​ന്ന​തു​മാണ്‌. എന്താണ്‌ ഈ ഫോണ്ട്യു? ഏററവും ലളിത​മാ​യി​പ്പ​റ​ഞ്ഞാൽ, അത്‌ ഒരു കലത്തിൽ ചില ചേരു​വകൾ ഉരുക്കി​യു​ണ്ടാ​ക്കുന്ന ഒരു മിശ്രി​ത​മാണ്‌. പിന്നെ “ഡിപ്പറു​കൾ” എന്നു വിളി​ക്കാ​വുന്ന മററു ചില സാധനങ്ങൾ നാം ആ മിശ്രി​ത​ത്തിൽ മുക്കി കഴിക്കു​ന്നു. “ഉരുക്കുക” എന്നർഥ​മുള്ള ഫോൺഡ്രി എന്ന ഫ്രഞ്ച്‌ പദത്തിൽ നിന്നാണ്‌ ഫോണ്ട്യു എന്ന പദം ഉണ്ടായത്‌. ഉദാഹ​ര​ണ​ത്തിന്‌, ചോ​ക്ലേ​ററ്‌ ഫോണ്ട്യു മധുര​പ​ല​ഹാ​ര​ത്തി​ലെ മിശ്രി​തം ചോ​ക്ലേ​ററ്‌ ഉരുക്കി​യ​താണ്‌. അതിൽ ബേക്കു​ചെയ്‌ത പലഹാ​ര​ങ്ങ​ളും പഴങ്ങളും മുക്കി കഴിക്കു​ന്നു.

ചോ​ക്ലേ​ററ്‌ ഫോണ്ട്യു മധുര​പ​ല​ഹാ​രം

ചോ​ക്ലേ​ററ്‌ ഫോണ്ട്യു മധുര​പ​ല​ഹാ​ര​ത്തി​ന്റെ ഒരു പാചക​ക്കു​റിപ്പ്‌ ഇതാ ഇടതു​വ​ശത്തു കൊടു​ത്തി​രി​ക്കു​ന്നു. നിങ്ങൾ ഇതുവരെ അത്‌ പരീക്ഷി​ച്ചു നോക്കി​യി​ട്ടി​ല്ലെ​ങ്കിൽ ഇതാ ആഹ്ലാദ​ക​ര​മായ ഒരു ആശ്ചര്യാ​നു​ഭൂ​തി നിങ്ങളെ കാത്തി​രി​ക്കു​ന്നു!

ഒരു സോസ്‌പാ​നിൽ ചോ​ക്ലേ​ററ്‌ ഉരുക്കുക. ബാക്കി​യുള്ള ചേരു​വകൾ അതി​ലേക്കു ചേർക്കുക. എന്നിട്ട്‌ മിശ്രി​തം കട്ടിയാ​കു​ന്ന​തു​വരെ ഇളക്കുക. ഈ മിശ്രി​തം പിന്നീട്‌ ഒരു ഫോണ്ട്യു കലത്തി​ലേക്കു പകർന്ന്‌ ചെറു​തീ​യിൽ ചൂടാ​ക്കുക.

ഫോണ്ട്യു​വിൽ മുക്കാൻ തുടങ്ങു​ന്ന​തി​നു മുമ്പ്‌ നിങ്ങൾ രണ്ട്‌ ററീസ്‌പൂൺ ഇൻസ്‌റ​റൻറ്‌ കോഫി​യോ കാൽ ററീസ്‌പൂൺ കറുവാ​പ്പ​ട്ട​യോ ചേർത്ത്‌ ആ മിശ്രി​തം ഇളക്കി​യേ​ക്കാം. ഡിപ്പറു​ക​ളാ​യി ഉപയോ​ഗി​ക്കുന്ന പഴങ്ങൾ കറുത്തു​പോ​കാ​തി​രി​ക്കാൻ നാരങ്ങാ​നീര്‌ വെള്ളം ചേർത്ത്‌ അവയിൽ തളിക്കുക. ചോ​ക്ലേ​ററ്‌ മിശ്രി​തം തീരെ നേർത്തു​പോ​യെ​ങ്കിൽ കൂടുതൽ ചോ​ക്ലേ​ററ്‌ ചേർക്കുക. അത്‌ തീരെ കട്ടിയാ​യെ​ങ്കിൽ പാലു ചേർത്ത്‌ നേർപ്പി​ക്കുക.

നിങ്ങൾ ഒരു ഇലക്‌ട്രിക്ക്‌ ഫോണ്ട്യു കലമോ സ്‌ററൗ​വി​ന്റെ പുറത്തു​വ​യ്‌ക്കുന്ന സുരക്ഷി​ത​മായ ഫോണ്ട്യു കലമോ ആണ്‌ ഉപയോ​ഗി​ക്കു​ന്ന​തെ​ങ്കിൽ നിങ്ങൾക്ക്‌ അതേ കലത്തിൽ തന്നെ പാകം​ചെ​യ്‌ത്‌ വിളമ്പാൻ കഴിയും. എല്ലാവർക്കും എടുക്ക​ത്ത​ക്ക​വി​ധം ഫോണ്ട്യു കലം മേശയു​ടെ നടുവിൽ വയ്‌ക്കുക. ഒരു കലം കൊണ്ട്‌ ആറുമു​തൽ എട്ടുവരെ പേർക്കു വിളമ്പാം.

ചോ​ക്ലേ​ററ്‌ മിശ്രി​തം കുറച്ചു ബാക്കി​വ​രു​ന്നെ​ങ്കിൽ ഫ്രിഡ്‌ജിൽ സൂക്ഷി​ക്കാം. ഐസ്‌ക്രീ​മി​നു നല്ല ഒന്നാന്തരം റേറാ​പ്പിങ്‌ ആയി ഉപയോ​ഗി​ക്കു​ക​യും ചെയ്യാം.

സ്വിസ്സ്‌ പാൽക്കട്ടി ഫോണ്ട്യു

ഒരു പാൽക്കട്ടി (cheese) ഫോണ്ട്യു പരീക്ഷി​ച്ചു​നോ​ക്കാൻ നിങ്ങളി​ഷ്ട​പ്പെ​ടു​ന്നോ? അതിന്റെ പാചക​ക്കു​റിപ്പ്‌ ഇതാ വലതു​വ​ശത്തു കൊടു​ക്കു​ന്നു. ഇത്‌ ഒന്നുകിൽ വിശപ്പു​ള​വാ​ക്കുന്ന ഒരു വിഭവ​മാ​യോ അല്ലെങ്കിൽ ഒരു മുഖ്യ വിഭവ​മാ​യോ ഉപയോ​ഗി​ക്കാം.

സോസ്‌പാ​ന്റെ അകവശം മുറി​ച്ചെ​ടുത്ത ഒരു വെളു​ത്തു​ള്ളി​യ​ല്ലി​കൊണ്ട്‌ ഉരയ്‌ക്കുക. അല്ലി കളയുക. വീഞ്ഞും നാരങ്ങാ​നീ​രും കലത്തി​ലേക്ക്‌ പകർന്ന്‌ മിതമായ തീയിൽ ചൂടാ​ക്കുക. അത്‌ കുമി​ളി​ച്ചു​പൊ​ന്തു​ന്നു. വീഞ്ഞ്‌ തിളയ്‌ക്ക​രുത്‌.

ഒരു കോപ്പ​യിൽ ചോള​പ്പൊ​ടി​യോ മൈദ​യോ എടുത്ത്‌ പാൽക്കട്ടി ചുരണ്ടി​യ​തു​മാ​യി ചേർത്ത്‌ ഇളക്കുക.

വീഞ്ഞു മിശ്രി​തം തുടരെ ഇളക്കി​ക്കൊ​ണ്ടി​രി​ക്കവേ ഒരു പിടി പാൽക്കട്ടി അതി​ലേക്ക്‌ ഇടുക. അത്‌ ഉരുകി​ക്ക​ഴി​യു​മ്പോൾ മറെറാ​രു പിടി കൂടെ ഇടുക. അതും ഉരുകു​ന്ന​തു​വരെ ഇളക്കുക. മുഴുവൻ പാൽക്ക​ട്ടി​യും ഉരുകി​ത്തീ​രു​ന്ന​തു​വരെ ഈ രീതി തുടരുക. സ്വാദു​കൂ​ട്ടാൻ ആഗ്രഹി​ക്കു​ന്നെ​ങ്കിൽ ഒന്നുകിൽ വെളുത്ത കുരു​മു​ള​കി​ന്റെ​യും ജാതി​ക്ക​യു​ടെ​യും മിശ്രി​ത​മോ അല്ലെങ്കിൽ പാപ്പ്‌രി​ക്ക​യു​ടെ​യും പൊടിച്ച ഗ്രാമ്പു​വി​ന്റെ​യും മിശ്രി​ത​മോ ചേർക്കുക.

പാൽക്കട്ടി മിശ്രി​തം ഫോണ്ട്യു കലത്തി​ലേക്കു പകർന്ന്‌ മിതമായ തീയിൽ വെയ്‌ക്കുക. ഓരോ​രു​ത്തർക്കും നീണ്ട പിടി​യുള്ള പ്രത്യേ​കം ഫോണ്ട്യു ഫോർക്കും ഡിന്നർ പ്ലേററും ഡിന്നർ ഫോർക്കും ഉണ്ടായി​രി​ക്കും. ഒരു ഡിപ്പർ ഫോർക്കിൽ കുത്തി​യെ​ടുത്ത്‌ ഫോണ്ട്യു​വി​ലിട്ട്‌ വട്ടത്തി​ലോ എട്ടിന്റെ ആകൃതി​യി​ലോ കറക്കുക. ഡിപ്പർ ഡിന്നർ പ്ലേററിൽവെച്ച്‌ ഡിന്നർ ഫോർക്ക്‌ ഉപയോ​ഗി​ച്ചു കഴിക്കുക.

ഫോണ്ട്യു വല്ലാതെ നേർത്തു​പോ​യെ​ങ്കിൽ കൂടുതൽ പാൽക്കട്ടി ചേർക്കുക. അതു കൂടുതൽ മുറു​കി​പ്പോ​കു​ന്നെ​ങ്കിൽ കുറച്ചു വീഞ്ഞ്‌ ചൂടാ​ക്കി​യൊ​ഴിച്ച്‌ ഇളക്കുക. പാൽക്കട്ടി ഉരുക്കി​യ​തിൽനിന്ന്‌ വീഞ്ഞ്‌ വേർതി​രി​യു​ന്നെ​ങ്കിൽ സ്‌ററൗ​വി​ലെ തീ കൂട്ടി നന്നായി യോജി​പ്പി​ച്ച​ശേഷം തീ കുറയ്‌ക്കുക. ഡിപ്പർ മുക്കു​മ്പോ​ഴെ​ല്ലാം മിശ്രി​തം ഇളക്കു​ന്നെ​ങ്കിൽ അത്‌ വേർതി​രി​യില്ല.

ലഹരി​പ​ദാർഥം ചേരാത്ത ഒരു തരം ഫോണ്ട്യു​വാ​ണു വേണ്ട​തെ​ങ്കിൽ പാൽക്കട്ടി-സോസ്‌ മുഖ്യ​മാ​യുള്ള ഒരു പാചക​വി​ധി തയ്യാർ ചെയ്യുക. വെണ്ണയും മാവും നാലു ററീസ്‌പൂൺ വീതം യോജി​പ്പി​ക്കുക. മിശ്രി​തം ചെറു​തീ​യിൽ വേവി​ക്കുക. രണ്ടു കപ്പ്‌ തണുത്ത​പാൽ ചേർത്ത്‌ സാവധാ​നം തിളപ്പിച്ച്‌ മിശ്രി​തം രണ്ടു മിനി​റ​റു​നേ​ര​ത്തേക്ക്‌ വേവി​ക്കുക. പിന്നെ പാൽക്കട്ടി (ചുരണ്ടി​യത്‌) ഒന്നര കപ്പ്‌ ഇട്ട്‌ അത്‌ ഉരുകു​ന്ന​തു​വരെ ഇളക്കുക. ഉപ്പും കുരു​മു​ള​കും ഇട്ട്‌ സ്വാദു​കൂ​ട്ടുക. പിന്നെ മേൽവി​വ​രി​ച്ച​തു​പോ​ലെ മുക്കി ഉപയോ​ഗി​ക്കുക.

ഒടുവിൽ ഒരു മധുരം

മധുര​പ​ല​ഹാ​രം അടുത്ത തവണ ഒരു പ്രശ്‌ന​മാ​കു​മ്പോൾ നിങ്ങൾക്കു ചോ​ക്ലേ​ററ്‌ ഫോണ്ട്യു ഒന്നു പരീക്ഷി​ച്ചു​നോ​ക്കാം. അല്ലെങ്കിൽ സദ്യയ്‌ക്കു​വേണ്ടി നിങ്ങൾ ഇറച്ചി ഫോണ്ട്യു ഉണ്ടാക്കി​യേ​ക്കാം.

നറുമണം പകരുന്ന, സാധനങ്ങൾ ഉരുക്കു​ന്ന​തി​നുള്ള ഈ കലം നിങ്ങൾക്കും സുഹൃ​ത്തു​ക്കൾക്കും എന്നു​മെ​ന്നും പ്രിയ​ങ്ക​ര​മാ​യി​ത്തീ​രും എന്നതിനു സംശയ​മില്ല. എല്ലാവർക്കും ഒരേ കലത്തിൽനി​ന്നു മുക്കി തിന്നാൻ പററു​ന്ന​തി​ലാണ്‌ അതിന്റെ ആകർഷ​ണീ​യത. അത്‌ സൗഹൃ​ദ​ത്തി​ന്റെ ഒരു ഊഷ്‌മ​ളാ​ന്ത​രീ​ക്ഷം സൃഷ്ടി​ക്കു​ന്നു. സംഭാ​ഷ​ണത്തെ ഉണർത്തി​വി​ടുന്ന ഈ ആഹാര​പ​ദാർഥ​ത്തി​ന്റെ മുഖ്യ ചേരു​വ​യും ഇതുതന്നെ!—സംഭാ​വ​ന​ചെ​യ്‌തത്‌.

[22-ാം പേജിലെ ചതുരം]

ചോക്ലേററ്‌ ഫോണ്ട്യു മധുര​പ​ല​ഹാ​ര​ത്തി​ന്റെ പാചക​വി​ധി

മധുരം ചേർക്കാത്ത ചോ​ക്ലേ​ററ്‌ - 170 ഗ്രാം

പഞ്ചസാര - 1 1/2 കപ്പ്‌

പാൽപ്പാട നേർപ്പി​ച്ചത്‌ - 1 കപ്പ്‌

കൃത്രിമവെണ്ണയോ അല്ലാത്ത വെണ്ണയോ - 1/2 കപ്പ്‌

ഉപ്പ്‌ - 1/8 ററീസ്‌പൂൺ

അല്ലെങ്കിൽ ലളിത പാചക​വി​ധി:

പകുതി മധുരം​ചേർത്ത ചോ​ക്ലേ​ററ്‌ - 340 ഗ്രാം

ചോക്ലേററ്‌ കഷണങ്ങ​ളോ പാചക​ത്തി​നു​പ​യോ​ഗി​ക്കുന്ന മധുര​മുള്ള ചോ​ക്ലേ​റേ​റാ

(പാൽപ്പാ​ട​യും പാടനീ​ക്കാത്ത പാലും) പകുതി വീതം - 1/2 കപ്പ്‌

കേക്ക്‌ ഡിപ്പറു​കൾ:

ഏഞ്ചൽ ഫുഡ്‌ കേക്ക്‌, ലേഡി​ഫി​ങ്കേ​ഴ്‌സ്‌, ഡൗനട്ട്‌സ്‌, പൗണ്ട്‌-കേക്ക്‌ എന്നീ കേക്കു​ക​ളു​ടെ ക്യൂബാ​കൃ​തി​യി​ലുള്ള കഷണങ്ങൾ

പഴവർഗത്തിൽപ്പെട്ട ഡിപ്പറു​കൾ, ഒന്നോ എല്ലാമോ:

ആപ്പിൾ, വാഴപ്പഴം, ചെറി, ഈന്തപ്പഴം, മുന്തി​രിങ്ങ, ഓറഞ്ച്‌, മത്തങ്ങ, കപ്പളങ്ങ, പീച്ച്‌, പേയെ​ഴ്‌സ്‌, കൈതച്ചക്ക കഷണങ്ങ​ളാ​ക്കി​യത്‌, സ്‌​ട്രോ​ബെ​റി

[23-ാം പേജിലെ ചതുരം]

സ്വിസ്സ്‌ പാൽക്കട്ടി ഫോണ്ട്യു​വി​ന്റെ പാചക​വി​ധി

വെളുത്തുള്ളിയല്ലി രണ്ടായി മുറി​ച്ചത്‌ - 1

മധുരമില്ലാത്ത, വെളുത്ത വീഞ്ഞ്‌ - 1 1/2 കപ്പ്‌

നാരങ്ങാനീര്‌ - 1 ടേബിൾസ്‌പൂൺ

ചോളപ്പൊടിയോ മൈദ​യോ - 1 1/2-യോ 2-ഓ ടേബിൾസ്‌പൂൺ

സ്വിസ്സ്‌ പാൽക്കട്ടി ചുരണ്ടി​യത്‌ (അല്ലെങ്കിൽ സ്വിസ്സ്‌ പാൽക്ക​ട്ടി​യു​ടെ​യും ഗ്രുയിർ പാൽക്ക​ട്ടി​യു​ടെ​യും മിശ്രി​തം) - 435 ഗ്രാം

കീർഷ്‌ മദ്യം - 2 മുതൽ 3 വരെ ടേബിൾസ്‌പൂൺ (വേണ​മെ​ങ്കിൽമാ​ത്രം)

ഇഷ്ടമെങ്കിൽ, വെളുത്ത കുരു​മു​ള​കും ജാതി​ക്കാ​യു​മോ പാപ്പ്‌രി​ക്ക​യും വെളു​ത്തു​ള്ളി​യ​ല്ലി​യു​മോ ചേർക്കാ​വു​ന്ന​താണ്‌.

ഡിപ്പറുകൾ:

3 സെൻറി​മീ​ററർ ക്യൂബ്‌ വലിപ്പ​ത്തിൽ മുറി​ച്ചെ​ടുത്ത മൊരിഞ്ഞ 2 ഫ്രെഞ്ച്‌ ബ്രഡ്ഡിന്റെ (അല്ലെങ്കിൽ ഇററാ​ലി​യൻ ബ്രഡ്ഡി​ന്റെ​യോ ഹാർഡ്‌ റോൾസി​ന്റെ​യോ) കഷണങ്ങൾ, ഓരോ​ന്നി​ന്റെ​യും ഓരോ വശം മൊരി​ഞ്ഞ​താ​യി​രി​ക്കണം

കോഴിയിറച്ചി, പന്നിയി​റച്ചി, ചെമ്മീൻ എന്നിവ പാകം​ചെ​യ്‌തത്‌

വേവിക്കാത്തതോ വേവി​ച്ച​തോ ആയ പച്ചക്കറി​കൾ

[24-ാം പേജിലെ ചതുരം]

മുക്കി കഴിക്കു​ന്ന​തി​നുള്ള സോസു​കൾ:

ഹോഴ്‌സ്‌റാഡിഷ്‌ സോസ്‌

പാകംചെയ്‌ത ഹോഴ്‌സ്‌റാ​ഡിഷ്‌ - 3 ടേബിൾസ്‌പൂൺ

ഡയറിയിൽനിന്നു കിട്ടുന്ന പുളി​പ്പിച്ച വെണ്ണ - 1 കപ്പ്‌

നാരങ്ങാനീര്‌ - 1 ററീസ്‌പൂൺ

പാപ്പ്‌രിക്ക - 1/8 ററീസ്‌പൂൺ

ചേരുവകളെല്ലാം യോജി​പ്പി​ക്കു​ക

മേയനെയ്‌സും കറി സോസും

മേയനെയ്‌സ്‌ - 1/2 കപ്പ്‌

ഡയറിയിൽനിന്നു കിട്ടുന്ന പുളി​പ്പിച്ച വെണ്ണ - 1/2 കപ്പ്‌

നാരങ്ങാനീര്‌ - 1 ററീസ്‌പൂൺ

മസാലപ്പൊടി - 1 ററീസ്‌പൂൺ

ചേരുവകളെല്ലാം യോജി​പ്പി​ക്കു​ക

ഉപ്പും കുരു​മു​ള​കും ആവശ്യ​ത്തിന്‌

കടുകു സോസ്‌

കടുക്‌ തയ്യാർചെ​യ്‌തത്‌ - 3 ററീസ്‌പൂൺ

ഉള്ളി കഷണങ്ങ​ളാ​യി മുറി​ച്ചത്‌ - 2 ടേബിൾസ്‌പൂൺ

ഡയറിയിൽനിന്നു കിട്ടുന്ന പുളി​പ്പിച്ച വെണ്ണ - 1 കപ്പ്‌

ചേരുവകളെല്ലാം യോജി​പ്പി​ക്കു​ക

ഉപ്പും കുരു​മു​ള​കും ആവശ്യ​ത്തിന്‌

ഇറച്ചി ഫോണ്ട്യു​വി​ന്റെ പാചക​വി​ധി

ഇറച്ചി - 1 കിലോ​ഗ്രാം

സസ്യ എണ്ണ

കുറിപ്പ്‌: ഫോണ്ട്യു കലം വാർപ്പി​രു​മ്പു​കൊ​ണ്ടോ ചെമ്പു​കൊ​ണ്ടോ സ്‌ററീ​ലു​കൊ​ണ്ടോ ഉള്ളതാ​യി​രി​ക്കണം. മൺകലങ്ങൾ എണ്ണ ഫോണ്ട്യു ഉണ്ടാക്കാൻ പററി​യതല്ല. എണ്ണ നന്നായി ചൂടാ​കു​മ്പോൾ കലം പൊട്ടാൻ ഇടയാ​കു​ന്നു

[23-ാം പേജിലെ ചിത്രം]

ചോക്ലേററ്‌ ഫോണ്ട്യു മധുര​പ​ല​ഹാ​രം

[24-ാം പേജിലെ ചിത്രം]

സ്വിസ്സ്‌ പാൽക്കട്ടി ഫോണ്ട്യു