യുവജ​നങ്ങൾ ചോദി​ക്കു​ന്നു. . .

അവിവാ​ഹിത മാതാ​ക്കൾക്ക്‌ തങ്ങളുടെ സാഹച​ര്യം ഏററവും മെച്ചമാ​യി എങ്ങനെ കൈകാ​ര്യം ചെയ്യാൻ കഴിയും?

നടുക്കം, അവഗണ​നാ​ബോ​ധം, ഭയം, കോപം, നിരാശ, മോഹ​ഭം​ഗം—എന്നിങ്ങനെ വിവി​ധ​ങ്ങ​ളാ​യി​രു​ന്നു ലിൻഡ​യു​ടെ വികാ​രങ്ങൾ.a പരി​ശോ​ധന അവളുടെ ഏററവും വലിയ ഭയത്തെ ഉറപ്പാക്കി—അവൾ മൂന്നു മാസം ഗർഭി​ണി​യാ​യി​രു​ന്നു. അവിവാ​ഹി​ത​യായ വെറും 15 വയസ്സു​കാ​രി ലിൻഡ. അവൾ ഐക്യ​നാ​ടു​ക​ളിൽ ഓരോ​വർഷ​വും ഗർഭി​ണി​ക​ളാ​യി​ത്തീ​രുന്ന ഒരു ലക്ഷം കൗമാ​ര​പ്രാ​യ​ക്കാ​രി​ക​ളിൽ ഒരുവൾ മാത്ര​മാണ്‌. എന്നിരു​ന്നാ​ലും കൗമാര ഗർഭധാ​രണം ഒരു ആഗോള പ്രശ്‌ന​മാണ്‌. അത്‌ എല്ലാ വർഗങ്ങ​ളി​ലേ​ക്കും സാമൂ​ഹിക സാമ്പത്തിക വിഭാ​ഗ​ങ്ങ​ളി​ലേ​ക്കും കടന്നു​ചെ​ല്ലു​ന്നു.

ഗർഭധാ​ര​ണം അസന്തു​ഷ്ട​മായ കുടുംബ ജീവി​ത​ത്തിൽനിന്ന്‌ തങ്ങളെ രക്ഷപെ​ടു​ത്തു​മെന്ന്‌ അല്ലെങ്കിൽ കാമു​ക​നു​മാ​യുള്ള ബന്ധം സുദൃ​ഢ​മാ​ക്കു​മെന്ന്‌ ചില കൗമാ​ര​ക്കാ​രി​കൾ വിഭാവന ചെയ്യുന്നു. മററു​ചി​ലർ അന്തസ്സിന്റെ ഒരു പ്രതീ​ക​മാ​യോ സ്വന്ത​മെന്നു പറഞ്ഞു കൊണ്ടു​ന​ട​ക്കാ​നും സ്‌നേഹം പകരാ​നു​മുള്ള ഒന്നായോ കുഞ്ഞിനെ കാണുന്നു. എന്നാൽ ഒററയ്‌ക്കുള്ള മാതൃ​ത്വ​ത്തി​ന്റെ ഞെട്ടി​പ്പി​ക്കുന്ന യാഥാർഥ്യം അത്തരം ഭാവന​കളെ ഉടൻതന്നെ കാററിൽപ്പ​റ​ത്തും. വിഷമ​ക​ര​വും പലപ്പോ​ഴും വേദനാ​ക​ര​വു​മായ തിര​ഞ്ഞെ​ടു​പ്പു​കൾ എടുക്കാൻ അവിവാ​ഹി​ത​യായ ഒരു മാതാവ്‌ നിർബ​ന്ധി​ത​യാ​കു​ന്നു. സാമ്പത്തിക പ്രശ്‌നങ്ങൾ, വൈകാ​രിക നൈരാ​ശ്യ​ങ്ങൾ, ഏകാന്തത, ഒരു ഇണയുടെ സഹായ​മി​ല്ലാ​തെ കുഞ്ഞിനെ വളർത്തി​ക്കൊ​ണ്ടു​വ​രു​ന്ന​തി​ലെ സമ്മർദങ്ങൾ എന്നിവ​യോട്‌ അവൾക്ക്‌ മല്ലി​ടേണ്ടി വന്നേക്കാം. വിവാ​ഹ​ത്തി​നു​മു​മ്പുള്ള ലൈം​ഗി​ക​ത​യുൾപ്പെ​ടെ​യുള്ള “ദുർന്ന​ടപ്പു വിട്ടു ഓടാ”ൻ നമ്മുടെ സ്രഷ്ടാവ്‌ ക്രിസ്‌ത്യാ​നി​ക​ളോ​ടു കൽപ്പി​ക്കു​ന്നത്‌ അപ്പോൾ നല്ല കാരണ​ത്തോ​ടെ​യാണ്‌.—1 കൊരി​ന്ത്യർ 6:18; യെശയ്യാ​വു 48:17.

യഹോ​വ​യു​ടെ സാക്ഷി​ക​ളു​ടെ​യി​ട​യിൽ ലൈം​ഗിക അധാർമി​കത അനുവ​ദ​നീ​യമല്ല. (1 കൊരി​ന്ത്യർ 5:11-13) എങ്കിലും, ചെറു​പ്പ​ക്കാ​രായ അവിവാ​ഹിത മാതാക്കൾ അവരു​ടെ​യി​ട​യി​ലുണ്ട്‌. ചിലർ ദൈവിക നിലവാ​ര​ങ്ങ​ളെ​ക്കു​റിച്ച്‌ പഠിക്കു​ന്ന​തി​നു​മുമ്പ്‌ ഗർഭി​ണി​ക​ളാ​യി​ത്തീർന്ന​വ​രാണ്‌. ചിലർ ക്രിസ്‌ത്യാ​നി​ക​ളാ​യി വളർത്ത​പ്പെ​ട്ടിട്ട്‌ അധാർമി​ക​ത​യി​ലേക്കു വഴുതി​വീ​ണ​വ​രാണ്‌. സഭയിൽനി​ന്നു ശിക്ഷണം ലഭിക്കു​മ്പോൾ ചിലർ തങ്ങളുടെ തെററു​കൾ സംബന്ധിച്ച്‌ അനുത​പി​ക്കു​ന്നു. ദൈവ​വ​ചനം അത്തരം ചെറു​പ്പ​ക്കാർക്കു വേണ്ടി എന്തു സഹായ​വും മാർഗ​നിർദേ​ശ​വു​മാണ്‌ നൽകു​ന്നത്‌?b

ഞാൻ പിതാ​വി​നെ വിവാഹം ചെയ്യണ​മോ?

ഗർഭച്ഛി​ദ്രം ദൈവ​നി​യ​മ​ത്തി​നെ​തി​രാ​ണെന്ന്‌ ബൈബിൾ വ്യക്തമാ​ക്കു​ന്നു. (പുറപ്പാ​ടു 20:13; താരത​മ്യം ചെയ്യുക: പുറപ്പാ​ടു 21:22, 23; സങ്കീർത്തനം 139:14-16.) കുട്ടിയെ ഗർഭം ധരിച്ചി​രി​ക്കു​ന്നത്‌ അനഭി​ല​ഷ​ണീ​യ​മായ സാഹച​ര്യ​ങ്ങ​ളി​ലാ​ണെ​ങ്കി​ലും തന്റെ കുഞ്ഞി​നു​വേണ്ടി കരുതാ​നുള്ള ഉത്തരവാ​ദി​ത്വം ഒററയ്‌ക്കുള്ള ഒരു മാതാ​വി​നു​ണ്ടെ​ന്നും ബൈബിൾ പഠിപ്പി​ക്കു​ന്നു. (1 തിമൊ​ഥെ​യൊസ്‌ 5:8) കുട്ടിയെ ദത്തു​കൊ​ടു​ക്കു​ന്ന​തി​നു പകരം പെൺകു​ട്ടി​തന്നെ അതിനെ വളർത്തി​യെ​ടു​ക്കു​ന്ന​താണ്‌ മിക്ക കേസു​ക​ളി​ലും ഏററവും അഭികാ​മ്യ​മാ​യി​രി​ക്കുന്ന സംഗതി.c

തന്നെത്താൻ ഒരു കുട്ടിയെ വളർത്തി​ക്കൊ​ണ്ടു​വ​രു​ന്ന​തി​ലെ ബുദ്ധി​മു​ട്ടു​ക​ളെ​ക്കു​റിച്ച്‌ ഓർക്കു​മ്പോൾ കുട്ടി​യു​ടെ പിതാ​വി​നെ വിവാഹം കഴിക്കു​ന്നത്‌ ബുദ്ധി​യാ​യി​രി​ക്കു​മെന്ന്‌ ചില മാതാക്കൾ വിചാ​രി​ച്ചേ​ക്കാം. എന്നാൽ പല കൗമാര പിതാ​ക്കൻമാർക്കും അമ്മയോ​ടോ കുഞ്ഞി​നോ​ടോ ഒരു കടപ്പാ​ടും തോന്നാ​റില്ല. മാത്രമല്ല, മിക്ക യുവ പിതാ​ക്കൻമാ​രും ഇപ്പോ​ഴും സ്‌കൂൾ പ്രായ​ക്കാ​രാണ്‌, തൊഴിൽര​ഹി​ത​രു​മാണ്‌. “വിവാ​ഹ​ത്തി​നു മുമ്പുള്ള പ്രസവം ഒഴിവാ​ക്കു​ന്ന​തി​നു വേണ്ടി മാത്രം നടത്തുന്ന, കെട്ടു​റ​പ്പു​ള്ള​താ​കാൻ സാധ്യ​ത​യി​ല്ലാത്ത ഒരു വിവാഹം” എന്ന്‌ ഒരു ഗവേഷകൻ വിളി​ക്കു​ന്ന​തി​ലേക്കു കടക്കു​ന്നത്‌ കാര്യ​ങ്ങളെ ഒന്നുകൂ​ടി വഷളാ​ക്കു​കയേ ഉള്ളൂ. “കർത്താ​വിൽ വിശ്വ​സി​ക്കു​ന്ന​വ​നു​മാ​യി മാത്രമേ” വിവാഹം കഴിക്കാ​വൂ എന്നു ബൈബിൾ ക്രിസ്‌ത്യാ​നി​കളെ ഉപദേ​ശി​ക്കു​ന്നു എന്ന കാര്യ​വും ഓർമി​ക്കുക. (1 കൊരി​ന്ത്യർ 7:39) ഇതു മനസ്സി​ലാ​ക്കി​ക്കൊണ്ട്‌ (തുടക്ക​ത്തിൽ പരാമർശി​ച്ചി​രി​ക്കുന്ന) ലിൻഡ തന്റെ കുട്ടി​യു​ടെ 18 വയസ്സുള്ള പിതാ​വി​നെ വിവാഹം കഴിക്കു​ന്നില്ല എന്നു തീരു​മാ​നി​ച്ചു. അവൾ ഇപ്രകാ​രം വിശദീ​ക​രി​ക്കു​ന്നു: “അദ്ദേഹ​ത്തിന്‌ ദൈവ​ത്തി​ലോ ബൈബി​ളി​ലോ യാതൊ​രു താത്‌പ​ര്യ​വു​മില്ല.”

യുവ പിതാ​വി​നെ രംഗത്തു​നിന്ന്‌ തീർത്തും പുറന്ത​ള്ള​ണ​മെന്ന്‌ ഇത്‌ അവശ്യം അർഥമാ​ക്കു​ന്നില്ല. കുട്ടി വലുതാ​കു​മ്പോൾ തനിക്കു ജൻമം നൽകിയ പിതാ​വാ​രാ​ണെ​ന്ന​റി​യാൻ ആഗ്രഹി​ച്ചേ​ക്കാം. അതല്ലെ​ങ്കിൽ കുട്ടി​യു​മാ​യി ഒരു ബന്ധം സ്ഥാപി​ക്കാ​നോ അവന്‌ കുറച്ചു സാമ്പത്തിക പിന്തുണ നൽകാ​നോ ഉള്ള ഏതെങ്കി​ലും ധാർമിക കടപ്പാട്‌ യുവ പിതാ​വി​നോ അയാളു​ടെ മാതാ​പി​താ​ക്കൾക്കോ തോന്നി​യേ​ക്കാം. എന്നാൽ, തങ്ങളുടെ മകൾക്ക്‌ ആ ചെറു​പ്പ​ക്കാ​ര​നു​മാ​യി കൂടു​ത​ലായ യാതൊ​രു ഇടപാ​ടും വേണ്ട എന്നു പെൺകു​ട്ടി​യു​ടെ മാതാ​പി​താ​ക്കൾ ഒരുപക്ഷേ തീരു​മാ​നി​ച്ചേ​ക്കാം. (1 തെസ്സ​ലൊ​നീ​ക്യർ 4:3) എന്നിരു​ന്നാ​ലും, ചില രാജ്യ​ങ്ങ​ളിൽ കോട​തി​കൾ, ജൻമം നൽകിയ അവിവാ​ഹി​ത​രായ പിതാ​ക്കൻമാർക്ക്‌ വിവാ​ഹി​ത​രായ പിതാ​ക്കൻമാർക്കു​ള്ള​തു​പോ​ലെ നിയമാ​വ​കാ​ശങ്ങൾ അനുവ​ദി​ച്ചു​കൊ​ടു​ത്തി​ട്ടുണ്ട്‌. അതു​കൊണ്ട്‌ അവിവാ​ഹി​ത​നായ പിതാ​വും അയാളു​ടെ കുടും​ബ​വും തമ്മിൽ മര്യാ​ദാ​പൂർവ​ക​മായ ഒരു ബന്ധം നിലനിർത്തു​ന്നത്‌ കുഞ്ഞിന്റെ അവകാശി ആരെന്നതു സംബന്ധിച്ച ഒരു കടുത്ത പോരാ​ട്ടം ഒഴിവാ​ക്കി​യേ​ക്കാം.d യുവ പിതാ​വു​മാ​യി കുറെ​യൊ​ക്കെ ഇടപാ​ടു​കൾ പുലർത്തു​ന്നത്‌ ആവശ്യ​മാ​യി​രു​ന്നേ​ക്കാ​മെ​ങ്കി​ലും അത്‌ ശൃംഗാ​ര​പ​ര​മോ ധാർമി​ക​നി​ല​വാ​രങ്ങൾ വിട്ടു​വീഴ്‌ച ചെയ്യ​പ്പെ​ടാൻ സാധ്യ​ത​യു​ള്ള​തോ ആയ രീതി​യി​ലാ​യി​രി​ക്ക​രുത്‌. പക്വത​യുള്ള ഒരാളു​ടെ മേൽനോ​ട്ടം പൊതു​വേ നല്ലതാണ്‌.

സഹായം ലഭിക്കൽ

കൗമാര ഗർഭധാ​ര​ണത്തെ അതിജീ​വി​ക്കൽ (ഇംഗ്ലീഷ്‌) എന്ന പുസ്‌തകം ഇപ്രകാ​രം പറയുന്നു: “കുഞ്ഞിനെ വളർത്താൻ തീരു​മാ​നി​ക്കു​മ്പോൾ നിങ്ങൾ പെട്ടെന്ന്‌ പ്രായ​പൂർത്തി​യായ അവസ്ഥ തിര​ഞ്ഞെ​ടു​ക്കു​ക​യാണ്‌. . . . കടപ്പാ​ടു​ക​ളോ ഉത്തരവാ​ദി​ത്വ​ങ്ങ​ളോ താരത​മ്യേന കുറവാ​യി​രുന്ന, ഉത്‌ക​ണ്‌ഠകൾ കുറവാ​യി​രുന്ന നിങ്ങളു​ടെ ഒരു ഭാഗം കൈവി​ടു​ക​യാണ്‌.” അതു​കൊണ്ട്‌ ഒരു കൗമാര മാതാ​വിന്‌ സഹായ​വും പിന്തു​ണ​യും ആവശ്യ​മാണ്‌. അനു​യോ​ജ്യ​മായ വൈദ്യ സാഹി​ത്യ​ങ്ങൾ (പബ്ലിക്ക്‌ ലൈ​ബ്ര​റി​യിൽ അനായാ​സേന ലഭ്യമാ​യി​രു​ന്നേ​ക്കാ​വു​ന്നവ) വായി​ക്കു​ന്നത്‌ തന്റെ ശിശു​സം​രക്ഷണ വൈദ​ഗ്‌ധ്യ​ങ്ങ​ളിൽ ആത്മവി​ശ്വാ​സം വളർത്തി​യെ​ടു​ക്കാൻ ഭീരു​വായ ഒരു യുവമാ​താ​വി​നെ വളരെ​യ​ധി​കം സഹായി​ച്ചേ​ക്കാം.

മാതാ​പി​താ​ക്ക​ളു​ടെ പിന്തുണ വിശേ​ഷാൽ വില​യേ​റി​യ​താണ്‌. ശിശു​വ​ളർത്തൽ സംബന്ധിച്ച അനുഭ​വ​പ​രി​ച​യ​ത്തി​ന്റെ ഒരു യഥാർഥ സ്വർണ ഖനിത​ന്നെ​യാ​യി​രി​ക്കാം ഒരുവ​ളു​ടെ മാതാവ്‌. സഹായം ചോദി​ക്കു​ന്നത്‌ അത്ര പന്തിയാ​യി തോന്നു​ക​യി​ല്ലാ​യി​രി​ക്കാ​മെ​ന്നതു സത്യം​തന്നെ. പെൺകു​ട്ടി​യു​ടെ മാതാ​പി​താ​ക്കൾ അപ്പോ​ഴും വ്രണി​ത​രും കുപി​ത​രു​മാ​യി​രു​ന്നേ​ക്കാം. അവർക്ക്‌ ഗർഭധാ​രണം തങ്ങളുടെ സ്വന്തം ജീവി​ത​ശൈ​ലി​യിൽ ഒരു പ്രതി​കൂല ഫലം ഉളവാ​ക്കി​യേ​ക്കു​മോ എന്ന ഭയവും കാണും. “എന്റെ മാതാ​പി​താ​ക്കളെ അത്‌ അലോ​സ​ര​പ്പെ​ടു​ത്തി. എന്തു​കൊ​ണ്ടെ​ന്നാൽ അവർക്ക്‌ ഒത്തിരി കാര്യങ്ങൾ ചെയ്യാ​നു​ണ്ടാ​യി​രു​ന്നു. എന്നാൽ ഇപ്പോൾ എന്റെ കുഞ്ഞു കാരണം അതൊ​ന്നും ചെയ്യാൻ കഴിയു​ന്നി​ല്ലെന്ന്‌ അവർ പറയുന്നു,” 17 വയസ്സു​കാ​രി ഡോണ അനുസ്‌മ​രി​ക്കു​ന്നു. എന്നാൽ കാല​ക്ര​മ​ത്തിൽ മിക്ക മാതാ​പി​താ​ക്ക​ളും അവരുടെ വേദനാ​ക​ര​മായ വികാ​ര​ങ്ങളെ തരണം​ചെ​യ്‌ത്‌ ഏതെങ്കി​ലും തരത്തി​ലുള്ള സഹായ​ത്തി​നു മുതി​രു​ന്നു. താൻ വരുത്തി​വെച്ച വേദന സമ്മതി​ച്ചു​പ​റ​ഞ്ഞു​കൊ​ണ്ടും ആത്മാർഥ​മാ​യി മാപ്പു ചോദി​ച്ചു​കൊ​ണ്ടും അനുതാ​പി​യായ ഒരു യുവതിക്ക്‌ പിരി​മു​റു​ക്കം കുറയ്‌ക്കാൻ വളരെ​യ​ധി​കം ചെയ്യാൻ കഴിയും.—താരത​മ്യം ചെയ്യുക: ലൂക്കൊസ്‌ 15:21.

പെൺകു​ട്ടി​യു​ടെ മാതാ​പി​താ​ക്കൾ സഹായി​ക്കാൻ വിസമ്മ​തി​ക്കു​ന്ന​വ​രോ അല്ലെങ്കിൽ തങ്ങളോ​ടൊ​പ്പം മകളെ താമസി​പ്പി​ക്കാൻ ഗതിയി​ല്ലാ​ത്ത​വ​രോ ആണെങ്കി​ലെന്ത്‌? പൊതു​ജന സഹായം ലഭ്യമാ​യി​ട്ടുള്ള രാജ്യ​മാ​ണെ​ങ്കിൽ അവിവാ​ഹിത മാതാ​വിന്‌ അതു പ്രയോ​ജ​ന​പ്പെ​ടു​ത്തു​ക​യ​ല്ലാ​തെ ഗത്യന്ത​ര​മില്ല—കുറഞ്ഞത്‌ ആരംഭ​ത്തി​ലെ​ങ്കി​ലും. അത്തരം കരുത​ലു​കൾ പ്രയോ​ജ​ന​പ്പെ​ടു​ത്താൻ ബൈബിൾ ക്രിസ്‌ത്യാ​നി​കളെ അനുവ​ദി​ക്കു​ന്നു. എന്നാൽ ഇതു കഷ്ടി വരുമാ​ന​ത്തിൽ കഴിയു​ന്ന​തി​നെ അർഥമാ​ക്കും. “എന്റെ ഏററവും വലിയ പ്രശ്‌നം പണമാണ്‌. ആഹാര​വും കുഞ്ഞിന്റെ നാപ്‌കി​നു​ക​ളും എനിക്കു വാങ്ങാം, എന്നാൽ പിന്നൊ​ന്നി​നും പണമില്ല,” 17 വയസ്സു​കാ​രി ഷാരോൻ പറയുന്നു. കാല​ക്ര​മ​ത്തിൽ നിങ്ങൾക്ക്‌ പുറ​ത്തൊ​രു ജോലി കണ്ടെത്താൻ കഴി​ഞ്ഞേ​ക്കാം. മാതൃ​ത്വം, ജോലി, ആത്മീയ പ്രവർത്ത​നങ്ങൾ ഇവയെ​ല്ലാം സമനി​ല​യിൽ കൊണ്ടു​പോ​കു​ന്നത്‌ എളുപ്പ​മാ​യി​രി​ക്കില്ല. എന്നാൽ അതു ചെയ്‌തി​ട്ടു​ള്ള​വ​രുണ്ട്‌.

ഒരുമി​ച്ചു താമസി​ക്കു​മ്പോൾ ജ്ഞാനവും വകതി​രി​വും ഉപയോ​ഗി​ക്കൽ

സ്വന്തം കാലിൽ നിൽക്കാ​നാ​യി ഇറങ്ങി​ത്തി​രി​ച്ചു​കൊണ്ട്‌ സാഹസം കാട്ടു​ന്ന​തി​നു പകരം മാതാ​പി​താ​ക്കൾ സമ്മതി​ക്കു​ന്നെ​ങ്കിൽ, വീട്ടിൽ കഴിയു​ന്നത്‌ യഥാർഥ പ്രയോ​ജ​നങ്ങൾ തന്നെ കൈവ​രു​ത്തി​യേ​ക്കാം. വീട്ടി​ലുള്ള താമസ​ത്തിന്‌ സാധാ​ര​ണ​മാ​യി ചെലവു കുറവാണ്‌. മാത്രമല്ല, വീട്ടിലെ പരിചി​ത​മായ ചുററു​പാ​ടു​കൾ സുരക്ഷി​തത്വ ബോധ​വും ഭദ്രത​യും പ്രദാനം ചെയ്യുന്നു. വീട്ടിൽ താമസി​ക്കു​ന്നത്‌ തന്റെ സ്‌കൂൾ പഠനം തുടർന്നു​കൊ​ണ്ടു​പോ​കു​ന്നതു പെൺകു​ട്ടിക്ക്‌ ഏറെ എളുപ്പ​മാ​ക്കു​ന്നു. സെക്കണ്ടറി സ്‌കൂൾ പാസ്സാ​കു​ന്ന​തു​മൂ​ലം ദരി​ദ്ര​ജീ​വി​ത​ത്തിൽനിന്ന്‌ കരകയ​റാ​നുള്ള ഒരു പെൺകു​ട്ടി​യു​ടെ സാധ്യ​തകൾ വളരെ​യ​ധി​കം വർധി​ക്കു​ന്നു.e

മൂന്നു തലമു​റകൾ ഒരു വീട്‌ പങ്കിടു​മ്പോൾ അവി​ടെ​യുള്ള ഏവർക്കും സമ്മർദ​വും പിരി​മു​റു​ക്ക​വും ഉളവാ​കു​ന്നു. ഇടുങ്ങിയ മുറി​ക​ളിൽ ഒററയ്‌ക്കുള്ള മാതാ​വിന്‌ കഴി​യേ​ണ്ടി​വ​ന്നേ​ക്കാം. കുഞ്ഞിന്റെ കരച്ചിൽ തങ്ങളുടെ ഉറക്കത്തെ തടസ്സ​പ്പെ​ടു​ത്തു​മ്പോൾ മാതാ​പി​താ​ക്കൾക്കും ഉടപ്പി​റ​ന്നോർക്കും അതി​നോ​ടു പരിച​യി​ക്കേ​ണ്ടി​വ​ന്നേ​ക്കാം. കുടും​ബ​ത്തി​ന്റെ ചിട്ട തകരാ​റി​ലാ​യേ​ക്കാം. എന്നാൽ സദൃശ​വാ​ക്യ​ങ്ങൾ 24:3 ഇപ്രകാ​രം പറയുന്നു: “ജ്ഞാനം​കൊ​ണ്ടു ഭവനം പണിയു​ന്നു; വിവേ​കം​കൊ​ണ്ടു അതു സ്ഥിരമാ​യി​വ​രു​ന്നു.” അതെ, ഉൾപ്പെ​ട്ടി​രി​ക്കുന്ന എല്ലാവ​രും നിസ്വാർഥ സ്‌നേ​ഹ​വും പരിഗ​ണ​ന​യും പ്രകട​മാ​ക്കു​ന്നെ​ങ്കിൽ കുടും​ബ​ത്തിൽ ഉരസൽ ലഘൂക​രി​ക്കാം.

സ്വന്തം ഉത്തരവാ​ദി​ത്വ​ത്തിൽനിന്ന്‌ ഒഴിഞ്ഞു​മാ​റി​ക്കൊണ്ട്‌ എല്ലാ ജോലി​യും വല്യമ്മ ചെയ്‌തു​കൊ​ള്ളു​മെന്ന്‌ യുവമാ​താവ്‌ പ്രതീ​ക്ഷി​ച്ചാ​ലും പ്രശ്‌നങ്ങൾ തലപൊ​ക്കും. (താരത​മ്യം ചെയ്യുക: ഗലാത്യർ 6:5.) അല്ലെങ്കിൽ ക്ഷേമത​ത്‌പ​ര​യായ വല്യമ്മ തന്റെ പേരക്കി​ടാ​വി​ന്റെ സംരക്ഷണം വാസ്‌ത​വ​ത്തിൽ നിർബ​ന്ധ​മാ​യി ഏറെറ​ടു​ത്തെ​ന്നും വരാം. കൗമാര ഗർഭധാ​ര​ണത്തെ നേരിടൽ (ഇംഗ്ലീഷ്‌) എന്ന പുസ്‌തകം ഇപ്രകാ​രം സൂചി​പ്പി​ക്കു​ന്നു: “അവിവാ​ഹി​ത​യായ ഒരു മകളുടെ കുഞ്ഞിനെ തങ്ങളുടെ സ്വന്തം കുഞ്ഞെ​ന്ന​പോ​ലെ വളർത്തി​ക്കൊ​ണ്ടു​വ​രുന്ന വല്യമ്മ​വ​ല്യ​പ്പൻമാർ കുടുംബ കലഹവും കുഴച്ചി​ലും വർധി​പ്പി​ച്ചേ​ക്കാം.” ഒരു വല്യമ്മ​യു​ടെ സഹായ​വും പിന്തു​ണ​യും വിലതീ​രാ​ത്ത​താ​ണെ​ങ്കി​ലും കുട്ടിയെ വളർത്തു​ന്ന​തി​നുള്ള ഉത്തരവാ​ദി​ത്വം തിരു​വെ​ഴു​ത്തു​കൾ മാതാ​പി​താ​ക്ക​ളെ​യാണ്‌ ഭരമേൽപ്പി​ക്കു​ന്നത്‌. (എഫെസ്യർ 6:1, 4) അതു​കൊണ്ട്‌ തെററി​ദ്ധാ​ര​ണകൾ ഒഴിവാ​ക്കു​ന്ന​തിന്‌ തുറന്ന ആശയവി​നി​മ​യ​വും സഹകര​ണ​വും വളരെ​യ​ധി​കം സഹായി​ക്കു​ന്നു.—സദൃശ​വാ​ക്യ​ങ്ങൾ 15:22.

നിങ്ങൾ ഒററയ്‌ക്കല്ല

വിവാ​ഹ​ത്തി​നു വെളി​യിൽ ഒരു കുഞ്ഞു​ണ്ടാ​യി​രി​ക്കു​ന്നത്‌ വിഷമ​ക​ര​മായ സംഗതി​യാ​ണെ​ങ്കി​ലും ജീവിതം അതു​കൊണ്ട്‌ അവസാ​നി​ക്കു​ന്നില്ല. തെററു​കൾ സംബന്ധിച്ച്‌ അനുത​പി​ക്കു​ന്ന​വ​രോട്‌ ദൈവം ‘ധാരാളം ക്ഷമിക്കു’ന്നു. (യെശയ്യാ​വു 55:7) ഇതി​നെ​ക്കു​റി​ച്ചു ധ്യാനി​ക്കു​ന്നത്‌ ഇടയ്‌ക്കി​ട​യ്‌ക്കു പൊന്തി​വ​രുന്ന ആത്മനി​ന്ദാ​പ​ര​മായ വികാ​ര​ങ്ങളെ തരണം ചെയ്യാൻ ഒററയ്‌ക്കുള്ള ഒരു മാതാ​വി​നെ സഹായി​ക്കു​ന്നു. നിരാശ തോന്നു​മ്പോൾ അവൾക്ക്‌ യഹോ​വയെ ആശ്രയി​ക്കാ​നും പ്രാർഥ​ന​യിൽ അവനെ സമീപി​ക്കാ​നും കഴിയും. കുട്ടിയെ വളർത്തി​ക്കൊ​ണ്ടു​വ​രു​ന്ന​തിന്‌ അവൾക്ക്‌ യഹോ​വ​യോ​ടു സഹായം അഭ്യർഥി​ക്കാൻ കഴിയും.—താരത​മ്യം ചെയ്യുക: ന്യായാ​ധി​പൻമാർ 13:8.

യഹോവ ക്രിസ്‌തീയ സഭയി​ലൂ​ടെ​യും പിന്തുണ നൽകുന്നു. യഹോ​വ​യു​ടെ സാക്ഷികൾ അധാർമി​കത പൊറു​ക്കു​ന്നി​ല്ലെ​ങ്കി​ലും ദൈവത്തെ പ്രസാ​ദി​പ്പി​ക്കാ​നാ​യി തങ്ങളുടെ ജീവി​ത​ത്തിൽ അനുതാ​പ​പൂർവം മാററം വരുത്തു​ന്ന​വ​രോട്‌ അവർ പരിഗണന കാണി​ക്കു​ന്നു. (റോമർ 15:7; കൊ​ലൊ​സ്സ്യർ 1:10) ഒററയ്‌ക്കുള്ള ഒരു മാതാ​വിന്‌ പ്രാ​യോ​ഗി​ക​മായ കുറെ സഹായം നൽകു​ന്ന​തി​നാ​യി വിവേ​ച​നാ​പൂർവ​ക​മായ വഴികൾ ആരായാൻ സഭയി​ലുള്ള ചിലർ പ്രേരി​ത​രാ​യേ​ക്കാം. (താരത​മ്യം ചെയ്യുക: ആവർത്ത​ന​പു​സ്‌തകം 24:17-20; യാക്കോബ്‌ 1:27.) ആവശ്യ​മാ​യി​രി​ക്കു​മ്പോൾ കുറഞ്ഞ​പക്ഷം ഒരു സുഹൃ​ത്തും ഒരു നല്ല ശ്രോ​താ​വും ആയിരി​ക്കാൻ കഴിയും. (സദൃശ​വാ​ക്യ​ങ്ങൾ 17:17) മാതാ​പി​താ​ക്കൾ ഗുരു​ത​ര​മായ ഒരു പാപം ചെയ്‌തെ​ങ്കി​ലും കുട്ടി നിരപ​രാ​ധി​യാണ്‌. അതു​കൊണ്ട്‌ മാതാവ്‌ ശരിയായ ഒരു മനോ​ഭാ​വം കാണി​ക്കു​ന്ന​പക്ഷം സഭയ്‌ക്ക്‌ സഹായ​ഹ​സ്‌തം നീട്ടാ​വു​ന്ന​താണ്‌.

ദൈവ​നി​യ​മ​ങ്ങൾ ആദ്യം​തന്നെ ലംഘി​ക്കാ​തി​രു​ന്നി​രു​ന്നെ​ങ്കിൽ എത്രയോ മെച്ചമാ​യി​രു​ന്നു! എന്നാൽ തങ്ങളുടെ പിഴച്ച ഗതി നിമിത്തം അനുത​പി​ക്കു​ക​യും അനുതാ​പ​പൂർവം പ്രവർത്തി​ക്കു​ക​യും ചെയ്‌തി​ട്ടുള്ള തെററു​കാർക്ക്‌ തങ്ങളുടെ സാഹച​ര്യം ഏററവും മെച്ചമാ​യി കൈകാ​ര്യം ചെയ്യു​ന്ന​തിന്‌ യഹോ​വ​യു​ടെ സഹായം ഉറപ്പാ​യും ഉണ്ടായി​രി​ക്കും.

[അടിക്കു​റി​പ്പു​കൾ]

[23-ാം പേജിലെ ചിത്രം]

ഒരു അവിവാ​ഹിത മാതാ​വിന്‌ സഹായ​വും പിന്തു​ണ​യും ആവശ്യ​മാണ്‌