ഞങ്ങളുടെ വായന​ക്കാ​രിൽ നിന്ന്‌

ഇരട്ട ജീവിതം യുവജ​നങ്ങൾ ചോദി​ക്കു​ന്നു . . . ഇരട്ട ജീവിതം—അറി​യേ​ണ്ട​താ​രാണ്‌?” (ജനുവരി 8, 1994, ഇംഗ്ലീഷ്‌) 16 വയസ്സു​ണ്ടാ​യി​രു​ന്ന​പ്പോൾ ഞാൻ മാതാ​പി​താ​ക്കളെ കാണാതെ മദ്യപി​ക്കാ​നും പുകവ​ലി​ക്കാ​നും ഡേററി​ങ്ങി​ലേർപ്പെ​ടാ​നും തുടങ്ങി. ദൈവ​ത്തി​ന്റെ ശ്രദ്ധാ​നി​ര​ത​മായ നേത്ര​ങ്ങൾക്ക്‌ ഒന്നും മറഞ്ഞി​രി​ക്കു​ന്നില്ല എന്നു മനസ്സി​ലാ​ക്കാൻ ഈ ലേഖനങ്ങൾ യഥാർഥ​ത്തിൽ എന്നെ സഹായി​ച്ചു.

ററി. ററി., ഫിജി

പണത്തിനു പിന്നാ​ലെ​യുള്ള ഓട്ടം “പണത്തിനു പിന്നാ​ലെ​യുള്ള ഓട്ടം—അത്‌ എവി​ടെ​ച്ചെന്ന്‌ അവസാ​നി​ക്കും?” (1994, മാർച്ച്‌ 22, ഇംഗ്ലീഷ്‌) എന്ന പരമ്പര ഞാൻ വായി​ച്ചു​ക​ഴി​ഞ്ഞ​തേ​യു​ള്ളൂ. ആ ലേഖനങ്ങൾ വിഷയത്തെ വളരെ ഭംഗി​യാ​യി വിവരി​ച്ചു. അത്തരം മോശ​മായ സാഹച​ര്യ​ങ്ങൾ കുടി​യേ​റ​റ​ക്കാ​രായ ജോലി​ക്കാർക്കും അവരുടെ കുടും​ബ​ങ്ങൾക്കും ഇപ്പോ​ഴും ബാധക​മാ​ണെന്ന്‌ എനിക്ക​റി​യി​ല്ലാ​യി​രു​ന്നു. എനിക്ക്‌ അവരെ​ക്കു​റി​ച്ചോർത്തിട്ട്‌ വല്ലാത്ത വിഷമം തോന്നു​ന്നു.

ജി. എം., ഐക്യ​നാ​ടു​കൾ

മോശ​മായ ജോലി സാഹച​ര്യ​ങ്ങ​ളെ​ക്കു​റി​ച്ചും താഴ്‌ന്ന വേതന​ങ്ങ​ളെ​ക്കു​റി​ച്ചും നിങ്ങൾ വിശദീ​ക​രിച്ച രീതി കൃത്യ​മാ​യി​രു​ന്നു. നമ്മെ​പ്പോ​ലെ വികാ​ര​ങ്ങ​ളുള്ള മനുഷ്യ​ജീ​വി​ക​ളാ​യിട്ട്‌ ചിലർ ഈ ജോലി​ക്കാ​രെ വീക്ഷി​ക്കാത്ത വിധം സംബന്ധിച്ച ദുഃഖ​ക​ര​മായ ഒരു വിവര​ണ​മാണ്‌ അത്‌. അതേ, “മനുഷ്യൻ മനുഷ്യ​ന്റെ​മേൽ അവന്റെ ദോഷ​ത്തി​നാ​യി അധികാ​രം നടത്തി​യി​രി​ക്കു​ന്നു”!—സഭാ​പ്ര​സം​ഗി 8:9, NW.

കെ. വി., ഐക്യ​നാ​ടു​കൾ

സ്‌തനാർബു​ദം “സ്‌തനാർബു​ദം—ഏതൊരു സ്‌ത്രീ​യു​ടെ​യും ഭയം” (ഏപ്രിൽ 8, 1994) എന്ന പരമ്പര​യിൽ മുലയൂ​ട്ടൽ സ്‌തനാർബു​ദ​ത്തി​നുള്ള സാധ്യത കുറ​ച്ചേ​ക്കാം എന്നു സൂചി​പ്പി​ക്കുന്ന പഠനങ്ങ​ളെ​ക്കു​റി​ച്ചൊ​ന്നും നിങ്ങൾ പരാമർശി​ച്ചി​ല്ല​ല്ലോ.

ബി. ജെ. എം., ജർമനി

അതു പരാമർശി​ക്കാൻ വിട്ടു​പോ​യ​തിൽ ഞങ്ങൾ ഖേദി​ക്കു​ന്നു. എങ്കിലും, 1994, ജനുവരി 8 ലക്കത്തിൽ വന്ന “അമ്മയുടെ പാലിനെ അനുകൂ​ലി​ക്കുന്ന തെളി​വു​കൾ” എന്ന ലേഖന​ത്തിൽ ഈ ആശയം ഉൾപ്പെ​ടു​ത്തി​യി​രു​ന്നു.—പത്രാ​ധി​പർ

സ്‌തന​ങ്ങ​ളി​ലൊന്ന്‌ നീക്കം ചെയ്യപ്പെട്ട ഒരു ക്രിസ്‌തീയ സഹോ​ദ​രി​യോ​ടൊത്ത്‌ ഞാൻ കുറച്ചു സമയം ചെലവ​ഴി​ക്കു​ക​യു​ണ്ടാ​യി. 62 വയസ്സു പ്രായ​മുള്ള അവർക്കു തികച്ചും നിരാ​ശ​യാണ്‌. ആശ്വാ​സ​ത്തി​നാ​യി എന്തു പറയണ​മെ​ന്ന​റി​യാ​തെ വിഷമി​ച്ചത്‌ ഞാൻ ഓർക്കു​ന്നു. ലേഖന​ത്തിൽ ഉദ്ധരിച്ച അഭി​പ്രാ​യ​ങ്ങൾക്കു നന്ദി. ഇനിയി​പ്പോൾ, അവർക്കു മർമ​പ്ര​ധാ​ന​മായ പിന്തുണ നൽകാൻ എനിക്കു കഴിയും.

ഡി. എച്ച്‌., ഐക്യ​നാ​ടു​കൾ

ഏതാണ്ട്‌ രണ്ടു വർഷം മുമ്പ്‌ എനിക്ക്‌ സ്‌തനാർബുദ ശസ്‌ത്ര​ക്രിയ നടത്തി. ഈ വിഷയ​ത്തെ​പ്പ​റ​റി​യുള്ള വിവര​ങ്ങൾക്കാ​യി ഞാനൊ​രു വൈദ്യ വിജ്ഞാ​ന​കോ​ശം വാങ്ങി. എന്നാൽ എനിക്ക്‌ അതിൽ വളരെ​യ​ധി​ക​മൊ​ന്നും കണ്ടെത്താൻ കഴിഞ്ഞില്ല. എന്നാൽ, നിങ്ങളു​ടെ ലേഖനം എന്റെ ചോദ്യ​ങ്ങൾക്ക്‌ ഉത്തരം നൽകി. അത്‌ എന്നെ യഥാർഥ​ത്തിൽ സമാശ്വ​സി​പ്പി​ച്ചു.

എം. ജി., ഇററലി

ഒൻപതു വർഷം മുമ്പ്‌ എന്റെ അമ്മ സ്‌തനാർബു​ദം മൂലം മരണമ​ടഞ്ഞു. അന്ന്‌ വെറും ഒൻപതു വയസ്സു​മാ​ത്രം ഉണ്ടായി​രുന്ന എനിക്ക്‌ അമ്മ അനുഭ​വിച്ച കഷ്ടപ്പാ​ടു​ക​ളൊ​ന്നും മനസ്സി​ലാ​യി​രു​ന്നില്ല. ആ ലേഖനങ്ങൾ വായി​ക്കു​ക​യും അമ്മയെ​ക്കു​റി​ച്ചോർക്കു​ക​യും ചെയ്‌ത​പ്പോൾ എനിക്കു കരയാ​തി​രി​ക്കാ​നാ​യില്ല. അമ്മയുടെ ജീവി​ത​ത്തി​ലെ അവസാ​നത്തെ ഏതാനും വർഷങ്ങ​ളെ​ക്കു​റിച്ച്‌ നിങ്ങൾ എനിക്കു തന്ന ഉൾക്കാ​ഴ്‌ച​യ്‌ക്ക്‌ എത്ര നന്ദി പറഞ്ഞാ​ലും മതിയാ​വില്ല.

കെ. എഫ്‌., ഐക്യ​നാ​ടു​കൾ

എയ്‌ഡ്‌സ്‌ ഇരകൾ “എയ്‌ഡ്‌സു​കാ​രെ സഹായി​ക്കൽ” (1994, മാർച്ച്‌ 22, ഇംഗ്ലീഷ്‌) എന്ന ലേഖനം ഞാൻ വായിച്ചു. ഞാൻ എച്ച്‌ഐവി പോസി​റ​റീവ്‌ ആണ്‌. ആ ലേഖനം അംഗീ​ക​രി​ക്കാൻ എനിക്കു വല്ലാത്ത വിഷമം തോന്നി. അതേൽപ്പിച്ച ക്ഷതവും നിരാ​ക​ര​ണ​ത്തി​ന്റെ വികാ​ര​ങ്ങ​ളും നിമിത്തം എന്റെ കുടും​ബം കരഞ്ഞു.

ബി. ജെ., ഐക്യ​നാ​ടു​കൾ

ഞങ്ങളുടെ ഇടയിലെ അത്തരം എല്ലാ ക്ലേശബാ​ധി​ത​രോ​ടും ഞങ്ങൾക്കു തീർച്ച​യാ​യും സഹതാ​പ​മാ​ണു​ള്ളത്‌. അവരുടെ ആവശ്യ​ങ്ങളെ ഭൂരി​പ​ക്ഷ​ത്തി​ന്റെ ഉത്‌ക​ണ്‌ഠ​ക​ളു​മാ​യി തുലനം ചെയ്യാൻ ശ്രമി​ക്കു​ക​യാ​യി​രു​ന്നു ഞങ്ങളുടെ ലേഖനം. ഇസ്രാ​യേ​ലി​നുള്ള ദൈവ​ത്തി​ന്റെ ന്യായ​പ്ര​മാ​ണം മുഴു ജനതയു​ടെ​യും ആരോഗ്യ സംരക്ഷ​ണ​ത്തി​നു​വേണ്ടി ശക്തമായ പടികൾ സ്വീക​രി​ച്ച​തു​കൊണ്ട്‌ ന്യായ​മായ ആരോഗ്യ പ്രതി​രോ​ധ​ന​ട​പ​ടി​കൾ ശുപാർശ​ചെ​യ്യു​ന്നത്‌ ഉചിത​മാ​ണെന്നു ഞങ്ങൾക്കും തോന്നി. (താരത​മ്യം ചെയ്യുക: ലേവ്യ​പു​സ്‌തകം 13:21, 33.) “എയ്‌ഡ്‌സു​കാ​രു​ടെ നടുവിൽ ആയിരി​ക്കു​ന്ന​തു​കൊണ്ട്‌ ഒരാൾ അനാവ​ശ്യ​മാ​യി ഭയപ്പെ​ടേ​ണ്ട​തില്ല” എന്ന്‌ ഞങ്ങൾ സമ്മതിച്ചു. എന്നാൽ ഡോക്ട​മാർ ഉറപ്പു​നൽകി​യാ​ലും പലർക്കും പിന്നെ​യും ഭയമാണ്‌. അതു​കൊണ്ട്‌ ശാരീ​രി​ക​മായ സ്‌നേ​ഹ​പ്ര​ക​ട​നങ്ങൾ അസുഖ​ക​ര​മാ​യി തോന്നി​യേ​ക്കാ​വുന്ന മററാ​ളു​ക​ളു​ടെ വികാ​ര​ങ്ങളെ ആദരി​ക്കാൻ ഞങ്ങൾ എയ്‌ഡ്‌സ്‌ രോഗി​കളെ പ്രോ​ത്സാ​ഹി​പ്പി​ച്ചു. ഇത്തരു​ണ​ത്തിൽ രോഗ​ബാ​ധി​ത​ര​ല്ലാ​ത്തവർ എന്തു ചെയ്യു​ന്നു​വെ​ന്നത്‌ അവരുടെ വ്യക്തി​പ​ര​മായ തീരു​മാ​ന​മാണ്‌. എന്തായാ​ലും, ക്ലേശി​ത​രോട്‌ ദയയും കരുണ​യും കാണി​ക്കാ​നുള്ള ഹൃദയം​ഗ​മ​മായ ആഗ്രഹം എല്ലാ ക്രിസ്‌ത്യാ​നി​കൾക്കും ഉണ്ടായി​രി​ക്കണം.—പത്രാ​ധി​പർ

കരുണാർദ്ര​വും നന്നായി തയ്യാർ ചെയ്‌ത​തു​മായ അത്തരം ലേഖനം പ്രദാനം ചെയ്‌ത​തിൽ ഞാൻ വളരെ പ്രോ​ത്സാ​ഹി​ത​യാണ്‌. “സാർവ​ത്രി​ക​മായ പ്രതി​രോധ നടപടി​കൾ” എടുക്കു​മ്പോൾതന്നെ നാം കരുണ പ്രകട​മാ​ക്ക​ണ​മെ​ന്നും സഹതാ​പ​പൂർവ​മായ സഹായം പ്രദാനം ചെയ്യണ​മെ​ന്നും ഉള്ള നിർദേ​ശങ്ങൾ ഞാൻ വിശേ​ഷാൽ വിലമ​തി​ച്ചു.

എം. എച്ച്‌., ഐക്യ​നാ​ടു​കൾ