യുവജ​നങ്ങൾ ചോദി​ക്കു​ന്നു. . .

ഭ്രമങ്ങൾ—ഞാൻ അവയുടെ തേരി​ലേ​റ​ണ​മോ?

‘അതാണ്‌ ഇപ്പോ​ഴത്തെ ഫാഷൻ!’ ‘ഇപ്പോൾ അതിന്റെ കാലമാണ്‌!’ നിങ്ങൾ ഏററവും പുതിയ ഫാഷൻ അനുവർത്തി​ക്കു​ന്നതു കൂട്ടു​കാർ കാണു​മ്പോൾ പിന്നെ അഭിന​ന്ദ​ന​ങ്ങ​ളു​ടെ കളിയാ​യി​രി​ക്കും. അതേ, ഭ്രമങ്ങൾക്കു ശ്രദ്ധപി​ടി​ച്ചെ​ടു​ക്കുന്ന, ശക്തമായ പ്രതി​ക​ര​ണങ്ങൾ ഉതിർത്തു​വി​ടുന്ന ഒരു രീതി​യുണ്ട്‌.

എന്നിരു​ന്നാ​ലും, ഭ്രമങ്ങൾ കാലാവസ്ഥ മാറു​ന്ന​തു​പോ​ലെ മാറു​ന്ന​തും ഒട്ടും നിലനിൽക്കാ​ത്ത​തു​മാണ്‌. ഒരു മാർക്ക​റ​റിങ്‌ സർവേ പറയു​ന്ന​ത​നു​സ​രിച്ച്‌ ഒരു ഭ്രമം ആദ്യം ഒന്നിനും മടിയി​ല്ലാത്ത സാധാ​ര​ണ​ക്കാ​ര​ല്ലാത്ത യുവാ​ക്ക​ളു​ടെ ചെറിയ സംഘങ്ങൾക്കി​ട​യിൽ കാലു​റ​പ്പി​ക്കു​ന്നു. എന്നാൽ അതു വ്യാപി​ച്ചു തുടങ്ങു​മ്പോൾ നിർമാ​താ​ക്ക​ളും പരസ്യ​ക്കാ​രും മാസി​ക​യി​ലൂ​ടെ​യും ടിവി​യി​ലൂ​ടെ​യും റേഡി​യോ പരസ്യ​ങ്ങ​ളി​ലൂ​ടെ​യും അതിനെ പ്രോ​ത്സാ​ഹി​പ്പി​ച്ചു തുടങ്ങു​ന്നു. അംഗീ​കാ​രം കൊടു​ത്തു​കൊണ്ട്‌ അതിന്‌ ആദരണീ​യ​ത​യും പ്രശസ്‌തി​യും പകരാൻ സംഗീ​ത​ജ്ഞർക്കും പ്രശസ്‌ത​രായ ആളുകൾക്കും പണം കൊടു​ക്കു​ന്നു. വലിയ ഉത്സാഹ​ത്തോ​ടെ യുവാക്കൾ തന്നെ അതിനെ പ്രോ​ത്സാ​ഹി​പ്പി​ച്ചേ​ക്കാം. ആളുകൾക്കു പിടി​ക്കുന്ന പക്ഷം അത്‌ “കൗമാ​ര​ക്കാ​രു​ടെ വൻ ഭൂരിപക്ഷ”ത്തിനി​ട​യിൽ ഒരു അഭിനി​വേശം ആയി മാറു​ക​യാ​യി.

എന്നിരു​ന്നാ​ലും, അവസാനം ആ ഭ്രമം ആകർഷണം നശിച്ചു മങ്ങി​പ്പോ​കു​ന്നു. (അമേരി​ക്കൻ ഡെമോ​ഗ്രാ​ഫി​ക്‌സ്‌) എന്നാൽ അപ്പോ​ഴേ​ക്കും ഒരു പുതിയ സ്‌​റൈ​റ​ലോ ഡാൻസോ ഉപകര​ണ​മോ രംഗത്തി​റ​ങ്ങി​യി​രി​ക്കും. പിന്നെ അതി​നോട്‌ ഇഴുകി​ച്ചേ​രാൻ നിങ്ങൾക്കു കടുത്ത സമ്മർദം തോന്നു​ക​യാ​യി. പലർക്കും 15 വയസ്സു​കാ​ര​നായ കിമ്മി​നെ​പ്പോ​ലെ​യാ​ണു തോന്നു​ന്നത്‌: “വ്യത്യ​സ്‌ത​നാ​യി നിന്നാൽ ഒരു ജാതി​ഭ്ര​ഷ്ട​നെ​പ്പോ​ലെ​യാണ്‌ ആളുകൾ നമ്മെ കാണുക.”

ഭ്രമങ്ങ​ളു​ടെ തേരി​ലേ​റു​ന്നതു ചെല​വേ​റിയ ഒരു സംരം​ഭ​മാ​യി​രു​ന്നേ​ക്കാം. ഉദാഹ​ര​ണ​ത്തിന്‌, ഏതാനും വർഷങ്ങൾക്കു മുമ്പ്‌ ഫ്രഞ്ചു യുവാ​ക്ക​ളു​ടെ​യി​ട​യിൽ പൊട്ടി​പ്പു​റ​പ്പെട്ട മൊട്ടു​സൂ​ചി ഭ്രമത്തി​ന്റെ കാര്യ​മെ​ടു​ക്കുക. ദ ന്യൂ​യോർക്ക്‌ ടൈം​സി​ന്റെ 1991-ലെ ഒരു ലേഖനം ഇപ്രകാ​രം പറയുന്നു: “നിങ്ങളു​ടെ ബേസ്‌ബോൾ തൊപ്പി​യി​ലോ വസ്‌ത്ര​ത്തി​ന്റെ ചുരു​ക്കു​ക​ളി​ലോ ഡോമി​നോ കളിയി​ലെ പൊട്ടി​ന്റെ വലിപ്പ​ത്തി​ലു​ള്ള​തും നിറപ്പ​കി​ട്ടു​ള്ള​തു​മായ തിളങ്ങുന്ന പരന്ന മൊട്ടു​ക​ളോ​ടു​കൂ​ടിയ മൊട്ടു​സൂ​ചി​കൾ പതി​ക്കേ​ണ്ടത്‌ ഡെ റിഗ്യുർ (ഒഴിച്ചു​കൂ​ടാൻ വയ്യാത്തത്‌) ആണ്‌.” ഈ ഭ്രമം അത്ര ഉപദ്ര​വ​ക​ര​മ​ല്ലാ​ത്ത​താ​യി തോന്നി. എന്നാൽ രൂപഭം​ഗി​യുള്ള ആ മൊട്ടു​സൂ​ചിക്ക്‌ തീ വിലയാ​യി​രു​ന്നു, ഒരെണ്ണ​ത്തിന്‌ 12 ഡോളർ.

“ഫാഷനു”ള്ളവനാ​യി​രി​ക്കു​ന്ന​തിൽ കേവലം പണം വാരി​യെ​റി​യു​ന്ന​തി​ല​ധി​കം ഉൾപ്പെ​ട്ടി​രി​ക്കു​ന്നു​വെ​ന്നും ഒരു യുവാവ്‌ കണ്ടെത്തി​യേ​ക്കാം. ബേസ്‌ബോൾ തൊപ്പി ധരിക്കു​ന്നതു ഫാഷനാ​യി​രി​ക്കുന്ന ചില സംഘങ്ങളെ സംബന്ധി​ച്ചി​ട​ത്തോ​ളം ശരിയായ ടീമിനെ പ്രതി​നി​ധീ​ക​രി​ക്കുന്ന ശരിയായ നിറത്തി​ലുള്ള തൊപ്പി തിര​ഞ്ഞെ​ടു​ക്കേ​ണ്ട​തുണ്ട്‌. തൊപ്പി ധരിക്കുന്ന വിധം​തന്നെ ഭ്രമത്തി​ന്റെ ഒരു ഭാഗമാണ്‌.

മിക്ക യുവാ​ക്കൾക്കും ഇതു ഗൗരവ​മേ​റിയ സംഗതി​യാണ്‌. ചില ഭ്രമങ്ങൾ അനുവർത്തി​ക്കു​ന്നതു പദവി​യും അംഗീ​കാ​ര​വും നേടാ​നുള്ള താക്കോ​ലാ​യി അവർ കാണുന്നു. എന്നിരു​ന്നാ​ലും, ഭ്രമങ്ങ​ളു​ടെ തേരി​ലേ​റു​ന്നതല്ല എല്ലായ്‌പോ​ഴും മിടു​ക്കാ​യി​രി​ക്കു​ന്നത്‌ എന്നു നാം കാണാൻ പോകു​ക​യാണ്‌.

നിങ്ങളു​ടെ നടപ്പു സൂക്ഷിക്കൽ

ഭ്രമങ്ങളെ ബൈബിൾ ഒന്നടങ്കം കുററം​വി​ധി​ക്കു​ന്നില്ല. ജനപ്രീ​തി​യാർജിച്ച ചില പ്രവർത്ത​നങ്ങൾ സ്വതേ ഭ്രമങ്ങ​ളാ​യി​രു​ന്നേ​ക്കാ​മെ​ങ്കി​ലും അവ ഉചിത​മാ​യി​രു​ന്നേ​ക്കാം. ഉദാഹ​ര​ണ​ത്തിന്‌, പതു​ക്കെ​യുള്ള ഓട്ടം (jogging) കുറച്ചു വർഷങ്ങൾക്കു മുമ്പ്‌ ജനപ്രീ​തി​യാർജി​ച്ച​പ്പോൾ ചിലർ അതിനെ ഒരു ഭ്രമമാ​യി കണക്കാ​ക്കി​യി​രു​ന്നു. എന്നാൽ ആരോ​ഗ്യാ​വ​ഹ​വും മിതവു​മായ വ്യായാ​മ​ത്തി​ന്റെ പ്രയോ​ജ​ന​ങ്ങളെ ആർക്കു നിരസി​ക്കാ​നാ​വും?—താരത​മ്യം ചെയ്യുക: 1 തിമൊ​ഥെ​യൊസ്‌ 4:8.

എന്നിരു​ന്നാ​ലും, നിസ്സാരം തുടങ്ങി തികച്ചും അപകട​ക​ര​ങ്ങ​ളാ​യവ വരെയുള്ള ഭ്രമങ്ങ​ളുണ്ട്‌. അങ്ങനെ ഒരു പുരാതന സദൃശ​വാ​ക്യം തരുന്ന ഈ മുന്നറി​യിപ്പ്‌ ഉചിത​മാണ്‌: “അല്‌പ​ബു​ദ്ധി ഏതു വാക്കും വിശ്വ​സി​ക്കു​ന്നു; സൂക്ഷ്‌മ​ബു​ദ്ധി​യോ തന്റെ നടപ്പു സൂക്ഷി​ച്ചു​കൊ​ള്ളു​ന്നു.” (സദൃശ​വാ​ക്യ​ങ്ങൾ 14:15) സൂക്ഷ്‌മ​ബു​ദ്ധി​യു​ള്ള​യാൾ ബുദ്ധി​മാ​നാണ്‌, വകതി​രി​വു​ള്ള​വ​നാണ്‌. ജനപ്രീ​തി​യു​ള്ള​തു​കൊ​ണ്ടു മാത്രം അയാൾ ഏതെങ്കി​ലും ഒരു പുതിയ പ്രവണ​തയെ അന്ധമായി പിന്തു​ട​രു​ന്നില്ല. പിന്നെ​യോ തന്റെ നടപടി​ക​ളു​ടെ പരിണ​ത​ഫ​ലങ്ങൾ അയാൾ ജ്ഞാനപൂർവം തൂക്കി​നോ​ക്കു​ന്നു.

പരിഗ​ണി​ക്കേണ്ട മറെറാ​രു സംഗതി​യാ​യി​രു​ന്നേ​ക്കാം ചെലവ്‌. ഒരു ഫാസ്‌ററ്‌-ഫുഡ്‌ റെസ്‌റ​റ​റൻറിൽ ജോലി​നോ​ക്കുന്ന കൗമാ​ര​പ്രാ​യ​ക്കാ​രി​യായ ഒരു പെൺകു​ട്ടി​യെ​ക്കു​റി​ച്ചു കാനഡ​യി​ലെ ഒരു മാസിക പറയുന്നു. എല്ലുമു​റി​യെ പണി​ചെ​യ്‌തു സമ്പാദി​ക്കുന്ന പണത്തിന്റെ പകുതി​യി​ല​ധി​ക​വും ചെലവ​ഴി​ക്കു​ന്നത്‌ ഏററവും ആധുനി​ക​മായ വസ്‌ത്ര ഭ്രമങ്ങൾക്കു​വേ​ണ്ടി​യാണ്‌. ‘ദ്രവ്യം ഒരു ശരണ’മാണെന്ന്‌, അതായത്‌ അത്‌ ആവശ്യ​മുള്ള, ഉപയോ​ഗ​പ്ര​ദ​മായ ഒരു ഉപകര​ണ​മാ​ണെന്ന്‌ ബൈബിൾ പറയുന്നു. (സഭാ​പ്ര​സം​ഗി 7:12) “ഒന്നോ രണ്ടോ സീസണു​കൾക്കു​ള്ളിൽ കാലഹ​ര​ണ​പ്പെ​ട്ടു​പോ​കാൻ രൂപകൽപ്പ​ന​ചെ​യ്യ​പ്പെ​ട്ടി​രി​ക്കുന്ന”തെന്ന്‌ ഒരു എഴുത്തു​കാ​രൻ വിവരിച്ച ഇനങ്ങൾക്കു​വേണ്ടി പണം ധൂർത്ത​ടി​ക്കാൻ നിങ്ങൾക്കു​ണ്ടോ?

ശാരീ​രി​ക അപകടം പരിചി​ന്തി​ക്കേണ്ട മറെറാ​രു ഘടകമാണ്‌. കുറച്ചു​കാ​ലം മുമ്പ്‌ ബ്രേക്ക്‌ ഡാൻസ്‌ വലിയ ജനപ്രീ​തി​യാർജി​ച്ചി​രു​ന്നു. എന്നാൽ അത്‌ അനേകം പേർക്ക്‌ നടുവി​നു ക്ഷതമേൽപ്പി​ച്ചു. ഇന്നാ​ണെ​ങ്കി​ലോ? റോളിങ്‌ സ്‌റേ​റാൺ എന്ന മാഗസി​നി​ലെ ഒരു ലേഖനം “സ്‌റേ​റ​ജിൽനി​ന്നുള്ള ഡൈവിങ്‌” (സന്തോ​ഷി​ച്ചാർക്കുന്ന ആരാധ​ക​രു​ടെ കരങ്ങളി​ലേക്ക്‌ സ്‌റേ​റ​ജിൽനി​ന്നുള്ള ചാട്ടം), “ഇടിക്കൽ,” “കൂട്ടി​മു​ട്ടൽ” എന്നിങ്ങനെ ഡാൻസു ക്ലബ്ബുക​ളി​ലും പാട്ടു​ക​ച്ചേ​രി​ക​ളി​ലും നടക്കുന്ന ക്രൂര​മായ കോമാ​ളി​ച്ചേ​ഷ്ട​ക​ളെ​ക്കു​റി​ച്ചു പറയുന്നു. അതായത്‌, സംഗീ​ത​താ​ള​ല​യ​ത്തി​നൊ​ത്തുള്ള, യഥാർഥ​ത്തിൽ അക്രമം തന്നെയായ “നൃത്ത” ക്രിയകൾ. “ഈ സംഗതി വല്ലാതെ പിടി​വി​ട്ടു​പോ​യി​രി​ക്ക​യാണ്‌. ഞാൻ കാര്യ​മാ​യി​ട്ടാണ്‌ പറയു​ന്നത്‌,” ഒരു യുവതി​യു​ടെ പരാതി. “നൃത്ത​വേ​ദി​യി​ലേക്കു പെട്ടെന്നു കയറി​വന്ന്‌, നിർഭാ​ഗ്യ​വ​ശാൽ അടു​ത്തെ​ങ്ങാ​നും ആരെങ്കി​ലും നിൽപ്പു​ണ്ടെ​ങ്കിൽ അയാളെ നിർദ​യ​മാ​യി ഇടിച്ചു​വീ​ഴ്‌ത്തി​ക്കൊണ്ട്‌, ഏററവും ഭയങ്കര​മായ നീർച്ചു​ഴി​പോ​ലെ ഇളകി​മ​റി​ഞ്ഞു തകർത്തു​വാ​രുന്ന” ഭ്രാന്തൻ “തുള്ളൽക്കാ​രെ”ക്കുറിച്ച്‌ അവൾ വിശദീ​ക​രി​ക്കു​ന്നു. അത്തരം പെരു​മാ​ററം നിങ്ങളു​ടെ കൂട്ടു​കാ​രിൽ ചിലർക്ക്‌ ഇഷ്ടപ്പെ​ട്ടേ​ക്കാം. എന്നാൽ അത്തരം സ്ഥലങ്ങളിൽ ആയിരി​ക്കു​ന്ന​തോ അത്തരം കാര്യങ്ങൾ ചെയ്യു​ന്ന​തോ “ഭക്തി​കേ​ടും പ്രപഞ്ച​മോ​ഹ​ങ്ങ​ളും വർജ്ജി​ച്ചി​ട്ടു . . . സുബോ​ധ​ത്തോ”ടുകൂടി ജീവി​ക്കാൻ ക്രിസ്‌ത്യാ​നി​ക​ളോ​ടു കൽപ്പി​ക്കുന്ന ദൈവ​ത്തി​ന്റെ പ്രീതി സമ്പാദി​ക്കു​ന്നു​വോ?—തീത്തൊസ്‌ 2:13.

യുവാ​ക്കൾക്കി​ട​യിൽ ജനപ്രീ​തി​യാർജി​ക്കുന്ന ശരീരം കുത്തി​ത്തു​ള​യ്‌ക്ക​ലി​ന്റെ​യും പച്ചുകു​ത്തി​ന്റെ​യും ആരോ​ഗ്യ​വി​പ​ത്തു​കൾ സംബന്ധി​ച്ചെന്ത്‌? ആരോ​ഗ്യ​സം​ര​ക്ഷണം സംബന്ധിച്ച നടപടി​കൾ സ്വീക​രി​ച്ചി​ല്ലെ​ങ്കിൽ പച്ചകു​ത്തിന്‌ ഹെപ്പാ​റൈ​റ​റ​റി​സും ഒരുപക്ഷേ എയ്‌ഡ്‌സും പോ​ലെ​യുള്ള ആരോ​ഗ്യാ​പ​ക​ടങ്ങൾ ഉണ്ടാക്കാൻ കഴിയു​മെന്നു ഡോക്ടർമാർ പറയുന്നു. കൂടാതെ, ശരീരത്തെ സ്ഥിരമാ​യി അലങ്കരി​ച്ചു​വ​യ്‌ക്കുന്ന ഈ ഭ്രമം മേലാൽ ഫാഷന​ല്ലാ​തി​രി​ക്കുന്ന ഒരു കാലവും ഉണ്ടാ​യേ​ക്കാം. ചിലതരം പച്ചകു​ത്തു​കൾ ലേസർ ഉപയോ​ഗി​ച്ചു നീക്കം ചെയ്യാ​മെ​ന്നു​ള്ളതു സത്യമാണ്‌. എന്നാൽ ആയിര​ക്ക​ണ​ക്കി​നു രൂപവീ​തം ചെലവു വരുന്ന പലതവ​ണത്തെ വേദനാ​ക​ര​മായ ലേസർ ചികിത്സ നടത്തേ​ണ്ട​തുണ്ട്‌.

ഇതി​ലെ​ല്ലാം വെച്ച്‌ ഏററവും മാരകം ചില ഭ്രമങ്ങൾ അനുവർത്തി​ക്കു​ന്ന​തു​കൊ​ണ്ടു​ണ്ടാ​കുന്ന ആത്മീയ ക്ഷതമാണ്‌. അവയിൽ പലതും നടീന​ടൻമാർ, സ്‌പോർട്‌സു​കാർ, സംഗീ​തജ്ഞർ എന്നിങ്ങനെ പ്രശസ്‌ത​രായ ആളുകളെ കേന്ദ്രീ​ക​രി​ച്ചു​ള്ള​താണ്‌. അപ്പപ്പോൾ പൊതു​ജ​ന​ശ്ര​ദ്ധാ​കേ​ന്ദ്ര​മാ​യി​രി​ക്കുന്ന ആരെ​യെ​ങ്കി​ലും പോലെ വസ്‌ത്ര​ധാ​രണം ചെയ്യു​ന്ന​തും പ്രവർത്തി​ക്കു​ന്ന​തും “ഫാഷനാ”യിത്തീ​രു​ന്നു. എന്നാൽ അത്തരം വീരക​ഥാ​പാ​ത്ര​ങ്ങളെ ആരാധി​ക്കു​ന്ന​തി​നെ യഹോ​വ​യാം ദൈവം എങ്ങനെ വീക്ഷി​ക്കും? വിഗ്ര​ഹാ​രാ​ധ​ന​യു​ടെ ഒരു രൂപമാ​യിട്ട്‌. ബൈബിൾ ഇപ്രകാ​രം മുന്നറി​യി​പ്പു നൽകുന്നു: “വിഗ്ര​ഹാ​രാ​ധന വിട്ടോ​ടു​വിൻ.” (1 കൊരി​ന്ത്യർ 10:14) ബൈബി​ളി​ന്റെ ധാർമിക നിലവാ​രങ്ങൾ എന്തുത​ന്നെ​യാ​യി​രു​ന്നാ​ലും പ്രശസ്‌ത​രായ അനേകർക്കും അവയോട്‌ ഒരു ആദരവു​മില്ല. (1 കൊരി​ന്ത്യർ 6:9-11) സംഗതി അങ്ങനെ​യാ​യി​രി​ക്കു​മ്പോൾ, ഫലത്തിൽ അത്തരം ആളുകൾക്ക്‌ ആരാധന കൊടു​ക്കുന്ന രീതി​ക​ളിൽ നിങ്ങൾ പ്രവർത്തി​ക്കു​ക​യോ വസ്‌ത്രം ധരിക്കു​ക​യോ ചെയ്യു​ന്നതു ദൈവ​ത്തിന്‌ ഇഷ്ടമാ​യി​രി​ക്കു​മോ?

നിങ്ങൾ മററു​ള്ള​വർക്കു നൽകുന്ന ധാരണ

മാതാ​പി​താ​ക്കളെ ബഹുമാ​നി​ക്കാ​നും ബൈബിൾ യുവാ​ക്ക​ളോ​ടു കൽപ്പി​ക്കു​ന്നു. (എഫെസ്യർ 6:2) ശരീരം മുഴു​വ​നും ആഭരണ​ങ്ങ​ളും പച്ചകു​ത്തു​ക​ളു​മാ​യി നിങ്ങൾ വീട്ടിൽ വന്നുക​യ​റു​മ്പോൾ അത്‌ അവരെ അനാദ​രി​ക്കു​ക​യല്ലേ? നിങ്ങളു​ടെ സഹപാ​ഠി​കളെ പോ​ലെ​യുള്ള മററു​ള്ള​വരെ സംബന്ധി​ച്ചെന്ത്‌? നിങ്ങ​ളൊ​രു ക്രിസ്‌ത്യാ​നി​യാ​ണെ​ങ്കിൽ പിന്നീടു നിങ്ങൾ അവരു​മാ​യി വിശ്വാ​സം പങ്കു​വെ​യ്‌ക്കു​മ്പോൾ നിങ്ങൾ പറയു​ന്നതു ഗൗരവ​മാ​യെ​ടു​ക്കാൻ അവർക്കു പ്രയാസം തോന്നു​മോ?—താരത​മ്യം ചെയ്യുക: 2 കൊരി​ന്ത്യർ 6:3.

റാപ്പ്‌ സംഗീ​ത​ജ്ഞ​രി​ലൂ​ടെ ജനപ്രീ​തി​യാർജിച്ച ചില സ്‌​റൈ​റ​ലു​കൾ സ്വീക​രി​ക്കു​ന്നതു സംബന്ധി​ച്ചും ഇതുതന്നെ പറയാം. പല സ്ഥലങ്ങളി​ലും ബേസ്‌ബോൾ തൊപ്പി തലമൂ​ടു​ന്ന​തി​നു​വേണ്ടി മാത്ര​മു​ള്ള​താണ്‌ എന്നതു വാസ്‌തവം തന്നെ. എന്നാൽ ചില അയൽ നഗരങ്ങ​ളിൽ “സാമൂ​ഹിക രാഷ്‌ട്രീ​യം ചില തൊപ്പി​ക​ളു​ടെ പ്രചാ​ര​ത്തിൽ ഇപ്പോൾ മുഖ്യ​പങ്കു വഹിക്കു​ന്നു.” (വിനോദ വാരിക, ഇംഗ്ലീഷ്‌) ചിലതരം തൊപ്പി​ക​ളും ജാക്കറ​റു​ക​ളും സ്‌പോർട്‌സ്‌ ഷൂകളും മററ്‌ ഹിപ്പ്‌-ഹോപ്പ്‌ ആടയാ​ഭ​ര​ണ​ങ്ങ​ളും ധരിക്കു​മ്പോൾ അത്‌, നിങ്ങൾ റാപ്പ്‌ ജീവി​ത​രീ​തി അവലം​ബി​ക്കു​ന്നു എന്ന ധാരണ നൽകി​യേ​ക്കു​മോ? ക്രിസ്‌തീയ സ്‌നേഹം “അയോ​ഗ്യ​മാ​യി” അഥവാ ഹീനമായ രീതി​യിൽ “നടക്കു​ന്നില്ല” എന്നോർമി​ക്കുക.—1 കൊരി​ന്ത്യർ 13:5.

നാട്ടു​കാ​രു​ടെ വികാ​ര​ങ്ങളെ നിന്ദി​ച്ചു​കൊണ്ട്‌ “ഹിപ്പ്‌-ഹോപ്പ്‌ സ്‌​റൈ​റ​ലി​ലുള്ള വസ്‌ത്രങ്ങൾ” ധരിച്ച്‌ സ്‌കൂ​ളിൽ പോയ യാഥാ​സ്ഥി​തിക പട്ടണത്തി​ലെ ഒരു കൂട്ടം കൗമാ​ര​പ്രാ​യ​ക്കാ​രായ പെൺകു​ട്ടി​കൾക്ക്‌ എന്തു സംഭവി​ച്ചു​വെന്നു പരിചി​ന്തി​ക്കുക. ഒരു പെൺകു​ട്ടി ഇപ്രകാ​രം വിശദീ​ക​രി​ച്ചു: “ഞങ്ങൾ ഈ വസ്‌ത്രങ്ങൾ എംടി​വി​യിൽ (മ്യൂസിക്‌ വീഡി​യോ​കൾ വിശേ​ഷ​വ​ത്‌ക​രി​ക്കുന്ന ഒരു കേബിൾ ടിവി സ്‌റേ​റഷൻ) കാണാ​റുണ്ട്‌. അവ കാണാൻ നല്ലതാ​ണെന്നു ഞാൻ വിചാ​രി​ച്ചു.” എന്നിരു​ന്നാ​ലും ആ അങ്ങേയ​റ​റത്തെ ഫാഷൻ വസ്‌ത്രം വിവാ​ദ​ത്തി​നും വർഗീയ അക്രമ​ത്തി​നും തിരി​കൊ​ളു​ത്തി.

അതു​കൊണ്ട്‌ ക്രിസ്‌ത്യാ​നി​ക​ളെന്ന നിലയിൽ നാം ‘ലജ്ജാശീ​ല​ത്തോ​ടും സുബോ​ധ​ത്തോ​ടും​കൂ​ടെ സ്വയം അലങ്കരി​ക്കേണം.’ (1 തിമൊ​ഥെ​യൊസ്‌ 2:9) മററു​ള്ള​വ​രു​ടെ വികാ​ര​ങ്ങ​ളും മനോ​ഭാ​വ​ങ്ങ​ളും പരിഗ​ണി​ക്കു​ന്ന​തും സ്വന്തം തിര​ഞ്ഞെ​ടു​പ്പിന്‌ ഊന്നൽ നൽകാ​തി​രി​ക്കു​ന്ന​തും ഇതിലുൾപ്പെ​ടു​ന്നു. മററു​ള്ളവർ അതിരു​ക​ട​ന്ന​താ​യി വീക്ഷി​ക്കുന്ന രീതി​യി​ലുള്ള വസ്‌ത്ര​വും പെരു​മാ​റ​റ​വും ഒഴിവാ​ക്കു​ന്ന​തി​നെ​യും ഇത്‌ അർഥമാ​ക്കു​ന്നു.

ജാഗ്ര​ത​യു​ടെ ആവശ്യം

തീർച്ച​യാ​യും, ഓരോ ഭ്രമ​ത്തെ​യും അതി​ന്റേ​തായ സവി​ശേ​ഷ​ത​ക​ളു​ടെ അടിസ്ഥാ​ന​ത്തിൽ വിലയി​രു​ത്തേ​ണ്ട​തുണ്ട്‌. എന്നിരു​ന്നാ​ലും, പിശാ​ചായ സാത്താ​നാണ്‌ ഈ ലോക​ത്തി​ന്റെ ഭരണാ​ധി​കാ​രി​യെ​ന്നും “ആരെ വിഴു”ങ്ങണമെ​ന്നു​ള്ള​താണ്‌ അവന്റെ ലക്ഷ്യ​മെ​ന്നും ഓർമി​ക്കുക. (1 പത്രൊസ്‌ 5:8; യോഹ​ന്നാൻ 12:31; 1 യോഹ​ന്നാൻ 5:19) യുവാ​ക്കളെ ദൈവ​ത്തിൽനി​ന്നു വ്യതി​ച​ലി​പ്പി​ക്കാ​നും അകററാ​നു​മാ​യി സാത്താൻ ജനപ്രീ​തി​യുള്ള ചില ഭ്രമങ്ങൾ ഉപയോ​ഗി​ച്ചി​രി​ക്കു​ന്നു​വെ​ന്ന​തിന്‌ ഒരു സംശയ​വു​മില്ല. അതു​കൊണ്ട്‌ ജാഗ്രത ഉചിത​മാണ്‌.

ഏതെങ്കി​ലും പുതിയ പ്രവണ​ത​യോ ഭ്രമമോ ആദ്യം പിൻപ​റ​റു​ന്ന​വ​രിൽ പെടു​ന്നതു സാധാ​ര​ണ​മാ​യി ബുദ്ധിയല്ല. യാഥാ​സ്ഥി​തിക ചായ്‌വു​ള്ള​താണ്‌ ഏറെ സുരക്ഷി​തം. അതേസ​മയം “അതിനീ​തി​മാ​നാ​യി​രി”ക്കുന്നതി​നെ​തി​രെ​യും ബൈബിൾ മുന്നറി​യി​പ്പു നൽകുന്നു. (സഭാ​പ്ര​സം​ഗി 7:16) തീർച്ച​യാ​യും അങ്ങേയ​ററം പഴഞ്ചനാ​യും വിചി​ത്ര​മാ​യും ഭ്രാന്ത​മാ​യും കാണ​പ്പെ​ട​ത്ത​ക്ക​വി​ധം നിങ്ങൾ സ്‌​റൈ​റ​ലി​ലുള്ള മാററ​ങ്ങളെ അത്രമാ​ത്രം തള്ളിക്ക​ള​യേ​ണ്ട​തില്ല.

ഒരു ഭ്രമം ബൈബിൾ തത്ത്വങ്ങ​ളെ​യോ സുബോ​ധ​ത്തെ​യോ വ്യക്തമാ​യി അതിലം​ഘി​ക്കു​മ്പോൾ അത്‌ ഒഴിവാ​ക്കു​ന്ന​താ​ണു ബുദ്ധി. നിങ്ങളു​ടെ കൂട്ടു​കാ​രിൽനി​ന്നു വ്യത്യ​സ്‌ത​രാ​യി​രി​ക്കു​ന്നത്‌ എളുപ്പമല്ല എന്നതു സത്യം തന്നെ. എന്നാൽ വേണ്ട എന്നു പറയു​ക​യും നിങ്ങളു​ടെ സുഹൃ​ത്തു​ക്കളെ നിലനിർത്തു​ക​യും ചെയ്യേണ്ട വിധം (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ എഴുത്തു​കാ​രി ഷാരൻ സ്‌കോട്ട്‌ ഇപ്രകാ​രം ചോദി​ക്കു​ന്നു: “നിങ്ങൾക്കു​വേണ്ടി തീരു​മാ​ന​ങ്ങ​ളെ​ടു​ക്ക​ത്ത​ക്ക​വി​ധം അത്ര ബുദ്ധി​മാൻമാ​രും നിങ്ങളെ അത്ര നന്നായി അറിയാ​വു​ന്ന​വ​രു​മായ ഏതെങ്കി​ലും സുഹൃ​ത്തു​ക്കൾ നിങ്ങൾക്കു​ണ്ടോ? ഉണ്ടാകാൻ സാധ്യ​ത​യില്ല!” നിങ്ങളു​ടെ മാതാ​പി​താ​ക്ക​ളു​ടെ അഭീഷ്ട​ങ്ങ​ളാ​ലും നിങ്ങളു​ടെ ബൈബിൾ പരിശീ​ലിത മനസ്സാ​ക്ഷി​യാ​ലും നയിക്ക​പ്പെ​ടു​ന്ന​താ​യി​രി​ക്കി​ല്ലേ മെച്ചം? അങ്ങനെ ചെയ്യു​ന്നത്‌ നിങ്ങളു​ടെ കൂട്ടു​കാ​രു​ടെ​യെ​ല്ലാം അംഗീ​കാ​രം നേടി​ത്ത​രു​ക​യി​ല്ലാ​യി​രി​ക്കാം. എന്നാൽ അത്‌ യഹോ​വ​യു​ടെ അംഗീ​കാ​രം നേടി​ത്ത​രും. അത്‌ ഒരു കൂട്ടം ഭ്രമങ്ങ​ളെ​പ്പോ​ലെയല്ല, നിലനിൽക്കു​ന്ന​താണ്‌!—സങ്കീർത്തനം 41:12; സദൃശ​വാ​ക്യ​ങ്ങൾ 12:2.

[16-ാം പേജിലെ ചിത്രം]

ഒരു പ്രത്യേക ഭ്രമം പിൻപ​റ​റു​ന്നെ​ങ്കിൽ നിങ്ങളു​ടെ മാതാ​പി​താ​ക്കൾ എങ്ങനെ പ്രതി​ക​രി​ക്കും?