ഉപയോ​ഗ​പ്ര​ദ​മായ ആ സാങ്കൽപ്പിക രേഖകൾ

ബ്രിട്ടനിലെ ഉണരുക! ലേഖകൻ

ഒരു ലോക ഭൂപട​ത്തിൽ അല്ലെങ്കിൽ ഗ്ലോബിൽ നോക്കുക. അതിൽ ആസകലം വരച്ചി​രി​ക്കുന്ന ലംബവും തിരശ്ചീ​ന​വു​മായ രേഖക​ളു​ടെ ജാലിക നിങ്ങൾ കാണു​ന്നു​വോ? ഭൂപട​ത്തി​ന്റെ മദ്ധ്യത്തി​ലൂ​ടെ ഭൂമദ്ധ്യ​രേഖ എന്ന പേരിൽ തിരശ്ചീ​ന​മാ​യി പോകുന്ന ഒന്നു നിങ്ങൾ പെട്ടെന്നു തിരി​ച്ച​റി​യു​മെ​ന്നു​ള്ള​തി​നു സംശയ​മില്ല. എന്നാൽ മററു രേഖകൾസം​ബ​ന്ധി​ച്ചെന്ത്‌? അവ എന്താണ്‌?

അവയാണ്‌ അക്ഷാം​ശ​രേ​ഖ​ക​ളും രേഖാം​ശ​രേ​ഖ​ക​ളും എന്നു വിളി​ക്ക​പ്പെ​ടു​ന്നവ. ഭൂപട​ത്തിൽ തിരശ്ചീ​ന​മാ​യി പോകുന്ന അക്ഷാം​ശ​രേ​ഖകൾ അല്ലെങ്കിൽ സമാന്ത​ര​രേ​ഖകൾ ഭൂമദ്ധ്യ​രേ​ഖ​യിൽനിന്ന്‌ ഒരേ അകലത്തി​ലുള്ള ഭൂപ്ര​ത​ല​ത്തി​ലെ ബിന്ദു​ക്കളെ യോജി​പ്പി​ക്കു​ന്നു. മറിച്ച്‌, രേഖാം​ശ​രേ​ഖകൾ അഥവാ ധ്രുവ​രേ​ഖകൾ ഒരു ധ്രുവ​ത്തിൽനി​ന്നു മറേറ​തി​ലേക്ക്‌, വടക്കു​നി​ന്നു തെക്കോ​ട്ടു വരയ്‌ക്കുന്ന രേഖക​ളാണ്‌. നിങ്ങളു​ടെ സ്‌കൂ​ളി​ലെ ഭൂമി​ശാ​സ്‌ത്ര പാഠത്തിൽനിന്ന്‌ അത്ര​ത്തോ​ളം നിങ്ങൾക്ക്‌ ഓർമ​യു​ണ്ടാ​യി​രി​ക്കാം. എന്നാൽ ഈ രേഖാ​വ്യൂ​ഹ​ത്തി​ന്റെ ഉദ്ദേശ്യ​മെ​ന്താണ്‌? അത്‌ എങ്ങനെ പ്രാവർത്തി​ക​മാ​കു​ന്നു? അത്‌ എങ്ങനെ ഉത്ഭവിച്ചു?

നിങ്ങൾ എവി​ടെ​യാ​ണെന്നു ചൂണ്ടി​ക്കാ​ണി​ക്കൽ

അക്ഷാം​ശ​രേ​ഖ​ക​ളു​ടെ​യും രേഖാം​ശ​രേ​ഖ​ക​ളു​ടെ​യും ഈ പരസ്‌പ​ര​ബ​ന്ധിത ശൃംഖ​ല​യാൽ ഭൂപ്ര​ത​ല​ത്തി​ലെ ഏതു സ്ഥാനവും നിർദേ​ശാ​ങ്കങ്ങൾ എന്നു വിളി​ക്ക​പ്പെ​ടുന്ന രണ്ട്‌ അളവുകൾ ഉപയോ​ഗി​ച്ചു കണ്ടുപി​ടി​ക്കാൻ കഴിയും. ദൃഷ്ടാ​ന്ത​ത്തിന്‌, ഉത്തര അക്ഷാംശം 40°42’, പശ്ചിമ രേഖാം​ശം 74°0’ എന്ന പരാമർശ​ത്താൽ ഭൂപട​ത്തിൽ നിങ്ങൾക്കു ന്യൂ​യോർക്കു നഗരം കണ്ടുപി​ടി​ക്കാൻ കഴിയും. അതിന്റെ അർഥം ആ നഗരം ഭൂമദ്ധ്യ​രേ​ഖക്ക്‌ 40 ഡിഗ്രി 42 മിനി​ററ്‌ വടക്കും ഇംഗ്ലണ്ടി​ലെ ലണ്ടനി​ലുള്ള ഒരു ചെറു​പ​ട്ട​ണ​മായ ഗ്രീനി​ച്ചി​ലൂ​ടെ കടന്നു​പോ​കുന്ന രേഖാം​ശ​രേ​ഖ​യായ, അന്താരാ​ഷ്‌ട്ര അംഗീ​കാ​ര​മുള്ള പ്രധാന ധ്രുവ​രേ​ഖക്ക്‌ 74 ഡിഗ്രി പടിഞ്ഞാ​റും സ്ഥിതി​ചെ​യ്യു​ന്നു എന്നാണ്‌.a ഈ നിർദേ​ശാ​ങ്ക​ങ്ങ​ളോ​ടു സെക്കണ്ടു​കൾ കൂട്ടു​ന്നു​വെ​ങ്കിൽ ഒരു നഗരത്തി​നു​ള്ളി​ലെ കെട്ടി​ട​ങ്ങൾപോ​ലും കണ്ടുപി​ടി​ക്കാൻ കഴിയും. ഉദാഹ​ര​ണ​ത്തിന്‌, ന്യൂ​യോർക്ക്‌ നഗരത്തി​ലെ നഗരശാല ഉത്തര അക്ഷാംശം 40°42’45”-ലും പശ്ചിമ രേഖാം​ശം 74°0’23”-ലുമാണ്‌.

ഈ രേഖക​ളോ​ടുള്ള സംബന്ധ​ത്തിൽ ദൂരങ്ങ​ളും കണക്കാ​ക്ക​പ്പെ​ടു​ന്നു. ദൃഷ്ടാ​ന്ത​ത്തിന്‌, ഒരു നാവിക മൈലി​ന്റെ ദൈർഘ്യം ഒരു ധ്രുവ​രേ​ഖ​യി​ലൂ​ടെ അളക്കുന്ന ഒരു അക്ഷാം​ശ​മി​നി​റ​റാണ്‌. ഒരു ധ്രുവം ഭൂമദ്ധ്യ​രേ​ഖ​യിൽനിന്ന്‌ 90 ഡിഗ്രി അല്ലെങ്കിൽ 5,400 മിനി​ററ്‌ (90 X 60 = 5,400) അക്ഷാം​ശ​ത്തിൽ ആകയാൽ ഒരു നാവി​ക​മൈൽ ധ്രുവ​ത്തിൽനി​ന്നു ഭൂമദ്ധ്യ​രേ​ഖ​യി​ലേ​ക്കുള്ള ദൂരത്തി​ന്റെ 1⁄5,400 ആണ്‌. അങ്ങനെ ശരാശരി നാവി​ക​മൈൽ 1.8532 കിലോ​മീ​റ​റ​റാണ്‌.

ഏതു സ്ഥാന​ത്തെ​യും കൃത്യ​മാ​യി ചൂണ്ടി​ക്കാ​ണി​ക്കാ​നുള്ള പ്രാപ്‌തി തീർച്ച​യാ​യും ഒരു വലിയ അനു​ഗ്ര​ഹ​മാണ്‌, വിശേ​ഷാൽ നാവി​കർക്ക്‌. എന്നിരു​ന്നാ​ലും അത്തര​മൊ​രു പദ്ധതി പ്രാവർത്തി​ക​മാ​കു​ന്ന​തിന്‌ അതിനു ചില പ്രാമാ​ണി​ക​സ്ഥാ​നങ്ങൾ ഉണ്ടായി​രി​ക്കണം. അക്ഷാംശ അളവു​ക​ളു​ടെ അടിസ്ഥാ​ന​രേ​ഖ​യെന്ന നിലയിൽ ഭൂമദ്ധ്യ​രേഖ ന്യായ​യു​ക്ത​മായ ഒരു തെര​ഞ്ഞെ​ടു​പ്പാണ്‌. എന്നാൽ പ്രധാന ധ്രുവ​രേ​ഖാ​സ്ഥാ​ന​മാ​യി, അതായത്‌, കിഴക്കു-പടിഞ്ഞാറ്‌ രേഖാംശ അളവു​ക​ളു​ടെ പ്രാമാ​ണിക സ്ഥാനമാ​യി ഗ്രീനിച്ച്‌ തിര​ഞ്ഞെ​ടു​ത്തത്‌ എന്തു​കൊണ്ട്‌? യഥാർഥ​ത്തിൽ, മനുഷ്യൻ തന്റെ ഭൂപട​ങ്ങ​ളിൽ ഏർപ്പെ​ടു​ത്തി​യി​രി​ക്കുന്ന ഈ സാങ്കൽപ്പി​ക​രേ​ഖ​ക​ളു​ടെ മുഴു ആശയവും വികാസം പ്രാപി​ച്ചത്‌ എങ്ങനെ​യാണ്‌?

ഒരു ചരി​ത്ര​മുള്ള രേഖകൾ

പൊ.യു.മു. രണ്ടാം നൂററാ​ണ്ടോ​ളം മുമ്പ്‌ ഗ്രീക്ക്‌ വാനശാ​സ്‌ത്ര​ജ്ഞ​നായ ഹിപ്പാർക്കസ്‌ ഭൂപ്ര​ത​ല​ത്തി​ലെ സ്ഥലങ്ങളു​ടെ സ്ഥാനനിർണ​യ​ത്തി​നു സാങ്കൽപ്പി​ക​രേ​ഖ​ക​ളു​ടെ ആശയം ഉപയോ​ഗി​ച്ചു. അദ്ദേഹം കിഴ​ക്കോ​ട്ടും പടിഞ്ഞാ​റോ​ട്ടു​മുള്ള സ്ഥാനങ്ങൾ കണക്കു​കൂ​ട്ടാ​നുള്ള പ്രാമാ​ണിക സ്ഥാനമാ​യി റോഡ്‌സ്‌ എന്ന ഗ്രീക്ക്‌ ദ്വീപി​ലൂ​ടെ​യുള്ള ഒരു രേഖ തെര​ഞ്ഞെ​ടു​ത്തു. പൊ.യു. രണ്ടാം നൂററാ​ണ്ടി​ലെ ഗ്രീക്ക്‌ വാനശാ​സ്‌ത്ര​ജ്ഞ​നായ ക്ലൗദ്യസ്‌ റേറാ​ള​മി​ക്കാ​ണു പൊതു​വേ ഇന്ന്‌ ഉപയോ​ഗി​ക്ക​പ്പെ​ടു​ന്ന​തി​നോ​ടു സമാന​മായ ഒരു പദ്ധതി​യു​മാ​യി മുമ്പോ​ട്ടു​വന്ന ആദ്യത്തെ ആളെന്ന ബഹുമതി. അദ്ദേഹ​ത്തി​ന്റെ അക്ഷാം​ശ​രേ​ഖകൾ ഭൂമദ്ധ്യ​രേ​ഖക്കു സമാന്ത​ര​മാ​യി വരക്ക​പ്പെട്ടു. രേഖാം​ശ​ത്തിന്‌ അദ്ദേഹ​ത്തി​ന്റെ തുടക്ക​സ്ഥാ​നം തന്റെ നാളിൽ അറിയ​പ്പെ​ട്ടി​രുന്ന ലോക​ത്തി​ന്റെ പടിഞ്ഞാ​റേ അററമായ ഫോർച്ചു​ന​ററ്‌ ഐൽസി​ലൂ​ടെ​യുള്ള ഒരു രേഖയാ​യി​രു​ന്നു—അന്നു കാനറി ദ്വീപു​ക​ളു​ടെ പേര്‌ അങ്ങനെ​യാ​യി​രു​ന്നു.

1884-ൽ ആണു കിഴക്കും പടിഞ്ഞാ​റു​മുള്ള സ്ഥാനങ്ങൾ അളക്കു​ന്ന​തി​നുള്ള തുടക്ക​സ്ഥാ​ന​മാ​യി ഒരു പ്രധാന രേഖാം​ശ​രേ​ഖ​യു​ടെ തിര​ഞ്ഞെ​ടു​പ്പു​സം​ബ​ന്ധി​ച്ചു ലോക​വ്യാ​പ​ക​മായ യോജി​പ്പി​ലെ​ത്തി​യത്‌. ആ വർഷത്തിൽ വാഷിം​ഗ്‌ടൺ ഡി.സി.യിലെ ഇൻറർനാ​ഷനൽ മെറി​ഡി​യൻ കോൺഫ​റൻസിൽ 25 രാജ്യ​ങ്ങ​ളിൽനി​ന്നുള്ള 41 പ്രതി​നി​ധി​കൾ പങ്കെടു​ത്തു. പ്രധാന ധ്രുവ​രേ​ഖ​യി​ങ്കൽ നടത്തേണ്ട അവശ്യ വാനനി​രീ​ക്ഷ​ണ​ങ്ങൾക്കു​വേണ്ടി സുസജ്ജ​മായ ഒരു നിരീ​ക്ഷ​ണാ​ല​യ​ത്തി​ലൂ​ടെ കടന്നു​പോ​കുന്ന രേഖയെ പ്രതി​നി​ധി​കൾ അനുകൂ​ലി​ച്ചു. അവർ ഇംഗ്ലണ്ടി​ലെ ഗ്രീനി​ച്ചി​ലൂ​ടെ കടന്നു​പോ​കുന്ന രേഖ ബഹുഭൂ​രി​പ​ക്ഷ​ത്തോ​ടെ തിര​ഞ്ഞെ​ടു​ത്തു.

സഞ്ചാര, സമയ മേഖലകൾ

പ്രധാന ധ്രുവ​രേ​ഖാ​സ്ഥാ​ന​മെന്ന നിലയിൽ ഗ്രീനിച്ച്‌ തെര​ഞ്ഞെ​ടു​ത്തതു യാദൃ​ച്ഛി​ക​സം​ഭ​വ​മാ​യി​രു​ന്നില്ല. 18-ാം നൂററാ​ണ്ടു​മു​തൽ തിരക്കുള്ള ലണ്ടൻതു​റ​മു​ഖ​ത്തു​നി​ന്നു കപ്പലേ​റിയ കപ്പിത്താൻമാർ അററ്‌ലാൻറി​ക്കി​ലൂ​ടെ പടിഞ്ഞാ​റോ​ട്ടു സമു​ദ്ര​യാ​ത്ര നടത്തി​യ​പ്പോൾ ഓരോ ദിവസ​വും സൂര്യൻ താമസിച്ച്‌ ഉച്ചസ്ഥാ​ന​ത്തെ​ത്തു​ന്ന​താ​യി ശ്രദ്ധി​ച്ചി​രു​ന്നു. ഭൂമി ഓരോ 24 മണിക്കൂ​റി​ലും 360 ഡിഗ്രി കറങ്ങു​ന്ന​തി​നാൽ ഒരു മണിക്കൂർ വരുന്ന ഒരു സമയവ്യ​ത്യാ​സം ഗ്രീനി​ച്ചിൽനിന്ന്‌ 15 രേഖാംശ ഡിഗ്രി​കളെ പ്രതി​നി​ധാ​നം​ചെ​യ്‌ത​താ​യി അവർ മനസ്സി​ലാ​ക്കി. അങ്ങനെ, ഗ്രീനിച്ച്‌ നക്ഷത്ര​ബം​ഗ്ലാ​വി​ലെ മാസ്‌ററർ ഘടികാ​ര​ത്തി​ന​നു​സൃ​ത​മാ​യി ക്രമീ​ക​രിച്ച സമയമാ​പി​നി​കൾ ഉപയോ​ഗി​ച്ചു ഗ്രീനിച്ച്‌ സമയവും അവരുടെ തദ്ദേശ​സ​മ​യ​വും തമ്മിലുള്ള വ്യത്യാ​സം നിരീ​ക്ഷി​ച്ചു​കൊ​ണ്ടു​മാ​ത്രം അവർക്കു പുറങ്ക​ട​ലി​ലെ സ്ഥാനം കണക്കു​കൂ​ട്ടി കണ്ടുപി​ടി​ക്കാൻ കഴിയു​മാ​യി​രു​ന്നു. ദൃഷ്ടാ​ന്ത​ത്തിന്‌, സൂര്യൻ ഗ്രീനി​ച്ച്‌സ​മയം 3:30 p.m.ന്‌ അതിന്റെ ഉച്ചസ്ഥാ​നത്ത്‌ എത്തുന്ന ഒരു സ്ഥാനത്താ​ണെ​ങ്കിൽ (തദ്ദേശ​സ​മയം ഉച്ചയ്‌ക്കു 12:00) അപ്പോൾ ലളിത​മായ ഒരു കണക്കു​കൂ​ട്ട​ലി​നാൽ അവർക്കു തങ്ങളുടെ സ്ഥാനം ഗ്രീനി​ച്ചിന്‌ 52.5 ഡിഗ്രി (15 X 3.5) പടിഞ്ഞാറ്‌ എന്നു നിശ്ചയി​ക്കാൻ കഴിയു​മാ​യി​രു​ന്നു, അതായത്‌, അവർ അതേ അക്ഷാം​ശ​ത്തിൽ നിന്നി​രു​ന്നെ​ങ്കിൽ, ന്യൂഫൗ​ണ്ട്‌ലാൻഡി​ന്റെ കിഴക്കേ തീര​ത്തോ​ട​ടു​ത്താ​യി​രി​ക്കു​മാ​യി​രു​ന്നു.

അതേ അക്ഷാം​ശ​ത്തിൽ നിൽക്കു​ന്നത്‌ അല്ലെങ്കിൽ സമാന്തര സഞ്ചാരം ലളിത​മായ ജോലി​യാ​യി​രു​ന്നു. നൂററാ​ണ്ടു​ക​ളിൽ ഉത്തരാർദ്ധ​ഗോ​ള​ത്തി​ലെ നാവികർ ധ്രുവ​ന​ക്ഷ​ത്രം അല്ലെങ്കിൽ പോളാ​രിസ്‌ മററു മിക്ക നക്ഷത്ര​ങ്ങ​ളു​ടെ​യും രാത്രി​യി​ലെ ചലന​ത്തോ​ടു താരത​മ്യ​പ്പെ​ടു​ത്തു​മ്പോൾ ഫലത്തിൽ നിശ്ചല​മാ​യി കാണ​പ്പെ​ടു​ന്ന​താ​യി നിരീ​ക്ഷി​ച്ചു. ചക്രവാ​ള​ത്തി​നു മുകളി​ലുള്ള ആ നക്ഷത്ര​ത്തി​ന്റെ ഉയരം അളന്നു​കൊണ്ട്‌ അവർ എത്ര വടക്കും തെക്കു​മാ​ണെന്നു കണക്കു​കൂ​ട്ടി​ത്തു​ടങ്ങി. പുറങ്ക​ട​ലിൽ അകലെ​യാ​യി​രു​ന്ന​പ്പോൾ ആ നക്ഷത്രം ഒരേ ഉയരത്തിൽ നിന്നട​ത്തോ​ളം നേരം അവർ നേരേ കിഴ​ക്കോ​ട്ടോ പടിഞ്ഞാ​റോ​ട്ടോ സഞ്ചരി​ക്കു​ക​യാ​ണെന്ന്‌ അവർ മനസ്സി​ലാ​ക്കി.

ഗ്രീനി​ച്ചി​നെ ഒരു പ്രാമാ​ണി​ക​മാ​യി തിര​ഞ്ഞെ​ടു​ത്തത്‌ ഇംഗ്ലണ്ടി​നു മററു പ്രയോ​ജ​നങ്ങൾ നൽകി. അവിടത്തെ തീവണ്ടി​യാ​ത്ര​യു​ടെ ആഗമന​ത്തോ​ടെ രാജ്യ​ത്തി​നു​ള്ളിൽ സമയത്തെ പ്രാമാ​ണി​ക​മാ​ക്കുന്ന ഒരു പദ്ധതി ആവശ്യ​മാ​യി​വന്നു. ഇംഗ്ലണ്ടി​ലെ എക്‌സെ​ററർ റെയിൽവേ സ്‌റേ​റ​ഷ​നിൽ 11:33-ന്റെ തീവണ്ടി​യിൽ കയറാൻ വന്ന യാത്ര​ക്കാ​രൻ അത്‌ 14 മിനി​റ​റു​മു​മ്പേ വിട്ടു​വെന്നു കണ്ടെത്തി​യത്‌ എത്ര നിരാ​ശാ​ജ​ന​ക​മാ​യി​രു​ന്നു! പ്രശ്‌ന​മെ​ന്താ​യി​രു​ന്നു? അയാൾ എക്‌സെ​ററർ സമയമാ​യി​രു​ന്നു ഉപയോ​ഗി​ച്ചത്‌; റെയിൽവേ ലണ്ടൻ സമയം ഉപയോ​ഗി​ച്ചു. ദേശത്തു​ട​നീ​ളം ഗ്രീനിച്ച്‌ മധ്യമാ​ന​സ​മ​യ​ത്തി​ന്റെ അംഗീ​ക​രണം ആ പ്രയാ​സ​ങ്ങൾക്ക്‌ അറുതി​വ​രു​ത്തി.

ഐക്യ​നാ​ടു​ക​ളിൽ ഇതിലും വലിയ പ്രശ്‌നങ്ങൾ പോലും ഉണ്ടായി​രു​ന്നു. വ്യത്യസ്‌ത റെയിൽവേകൾ വ്യത്യസ്‌ത സമയങ്ങൾ പാലിച്ചു. ഈ സാഹച​ര്യം 1883-ൽ നടത്തിയ റെയിൽവേ​ക​ളു​ടെ ഒരു പൊതു സമയ കൺ​വെൻ​ഷ​നി​ലേക്കു നയിച്ചു. ഏതാണ്ട്‌ 15 രേഖാംശ ഡിഗ്രി​ക​ളു​ടെ അല്ലെങ്കിൽ ഒരു മണിക്കൂർ സമയത്തി​ന്റെ വ്യത്യാ​സ​ത്തിൽ ഐക്യ​നാ​ടു​കളെ മുഴുവൻ ഉൾപ്പെ​ടു​ത്തുന്ന നാലു സമയ​മേ​ഖ​ലകൾ അംഗീ​ക​രി​ക്ക​പ്പെട്ടു. ഒരു മേഖല​ക്കു​ള്ളി​ലെ സകല പട്ടണങ്ങ​ളും ഒരേ സമയം പാലി​ക്ക​ണ​മാ​യി​രു​ന്നു.

ഒടുവിൽ ഈ മേഖലാ ക്രമീ​ക​രണം ലോക​വ്യാ​പ​ക​മാ​യി അംഗീ​കാ​രം​നേടി. ലോകം 24 സമയ​മേ​ഖ​ല​ക​ളാ​യി വിഭജി​ക്ക​പ്പെട്ടു. ഈ പദ്ധതി​യു​ടെ കേന്ദ്രം 0 മേഖല​യാ​യി​രു​ന്നു, അതു ഗ്രീനി​ച്ച്‌രേ​ഖ​യു​ടെ ഇരുവ​ശ​ത്തും 7 1⁄2 ഡിഗ്രി വ്യാപി​ച്ചു​കി​ടന്നു. ആരെങ്കി​ലും കിഴ​ക്കോ​ട്ടു യാത്ര ചെയ്യവേ, അയാൾ ഓരോ മേഖല​യി​ലൂ​ടെ​യും കടന്നു​പോ​യ​പ്പോൾ തന്റെ വാച്ച്‌ ഒരു മണിക്കൂർ മുന്നോട്ട്‌ തിരി​ച്ചു​വെ​ക്കു​മാ​യി​രു​ന്നു. പടിഞ്ഞാ​റോ​ട്ടാ​ണെ​ങ്കിൽ അയാൾ തന്റെ വാച്ച്‌ ഒരു മണിക്കൂർ പിറ​കോട്ട്‌ ഇറക്കി​വെ​ക്കും.

ഗ്രീനി​ച്ചിൽനി​ന്നു ലോക​ത്തി​ന്റെ പാതി​ദൂ​രം സഞ്ചരി​ച്ചു​ക​ഴി​യു​മ്പോൾ ഒരു കൗതു​ക​ക​ര​മായ സാഹച​ര്യം ഉടലെ​ടു​ക്കു​ന്നു. ഇവിടെ 180 ഡിഗ്രി​രേ​ഖാം​ശ​ത്തിൽ രേഖയു​ടെ ഒരു വശത്തു​നി​ന്നു മറേറ വശംവരെ 24 മണിക്കൂ​റി​ന്റെ വ്യത്യാ​സ​മുണ്ട്‌. തത്‌ഫ​ല​മാ​യി, 180 ഡിഗ്രി ധ്രുവ​രേഖ, ദേശീയ അതിർത്തി​കളെ ക്രമ​പ്പെ​ടു​ത്താ​നുള്ള നിസ്സാ​ര​മാ​റ​റ​ങ്ങ​ളോ​ടെ അന്താരാ​ഷ്‌ട്ര ദിനാ​ങ്ക​രേ​ഖ​യാ​യി​ത്തീർന്നു. പശ്ചിമ​ദി​ശ​യിൽ ഈ രേഖ കടക്കു​മ്പോൾ ഒരു യാത്രി​കന്‌ ഒരു ദിവസം നഷ്ടപ്പെ​ടു​ന്നു. മറിച്ച്‌, കിഴ​ക്കോട്ട്‌ ഈ രേഖ കടന്നു​പോ​കു​മ്പോൾ യാത്രി​കന്‌ ഒരു ദിവസ​ത്തി​ന്റെ നേട്ടമു​ണ്ടാ​കു​ന്നു.

ഇപ്പോ​ഴും അനു​പേ​ക്ഷ​ണീ​യം

രേഖാം​ശം കണക്കു​കൂ​ട്ടാൻ സമയമാ​പി​നി​കൾ ഗ്രീനി​ച്ചിൽ പരി​ശോ​ധന നടത്തി​യ​ശേഷം കടലി​ലേക്കു കൊണ്ടു​പോ​കുന്ന നാളുകൾ കഴിഞ്ഞു​പോ​യി​രി​ക്കു​ന്നു. ആധുനിക സാങ്കേ​തി​ക​വി​ദ്യ അതി​നെ​ല്ലാം മാററം​വ​രു​ത്തി​യി​രി​ക്കു​ന്നു. റേഡി​യോ മാർഗ​ദീ​പങ്ങൾ, റഡാർ, ഇൻറർനാ​ഷനൽ ടെലി​ക​മ്മ്യൂ​ണി​ക്കേ​ഷൻസ്‌ എന്നിവ കൂടുതൽ കൃത്യ​മായ വിവരങ്ങൾ നൽകുന്നു. എന്നിരു​ന്നാ​ലും, ഒരു ചാർട്ടിൽ അല്ലെങ്കിൽ ഭൂപട​ത്തിൽ നിങ്ങളു​ടെ സ്ഥാനത്തെ നിർണ​യി​ക്കു​ന്നത്‌ ഇപ്പോ​ഴും ആ സാങ്കൽപ്പിക അക്ഷാം​ശ​രേ​ഖ​ക​ളെ​യും രേഖാം​ശ​രേ​ഖ​ക​ളെ​യും ആശ്രയി​ച്ചാണ്‌. വളരെ ഉപയോ​ഗ​പ്ര​ദ​മായ ആ സാങ്കൽപ്പി​ക​രേ​ഖ​കൾക്കാ​യി നമുക്കു നന്ദിയു​ള്ള​വ​രാ​യി​രി​ക്കാം.

[അടിക്കു​റി​പ്പു​കൾ]

[20-ാം പേജിലെ ചതുരം/ചിത്രങ്ങൾ]

ഗ്രീനിച്ച്‌ മധ്യമാന സമയം

1675-ൽ ഇംഗ്ലണ്ടി​ലെ ചാൾസ്‌ II-ാമൻ രാജാവ്‌ “കപ്പലോ​ട്ട​ത്തി​നും വാനശാ​സ്‌ത്ര​ത്തി​നും പൂർണത നൽകാൻ സ്ഥലങ്ങളു​ടെ രേഖാം​ശം കണ്ടുപി​ടി​ക്കു​ന്ന​തിന്‌” ഇപ്പോൾ ലണ്ടനിലെ ഗ്രീനിച്ച്‌ എന്ന ചെറു​പ​ട്ട​ണ​മാ​യി​രി​ക്കു​ന്ന​ടത്ത്‌ “ഒരു ചെറിയ നക്ഷത്ര​ബം​ഗ്ലാവ്‌” പണിയാൻ നിയോ​ഗം കൊടു​ത്തു. ഭൂമി​യു​ടെ കറക്കം കൃത്യ​മാ​യി കണക്കു​കൂ​ട്ടാൻ 4 മീററർ നീളമുള്ള ദോല​ക​ങ്ങ​ളോ​ടെ പുതു​താ​യി കണ്ടുപി​ടിച്ച രണ്ടു ഘടികാ​രങ്ങൾ സ്ഥാപി​ക്ക​പ്പെട്ടു.

രാജകീയ നക്ഷത്ര​ബം​ഗ്ലാ​വി​ലെ ശാസ്‌ത്ര​ജ്ഞൻമാർ ഭൂമി​യു​ടെ കറക്കം സമകാ​ലി​കം അല്ലെന്ന്‌ അല്ലെങ്കിൽ സ്ഥിര​വേ​ഗ​ത്തിൽ അല്ലെന്നു താമസി​യാ​തെ കണ്ടുപി​ടി​ച്ചു. അതിനു​കാ​രണം സൂര്യനെ ചുററി​യുള്ള ഭൂമി​യു​ടെ ഭ്രമണ​പഥം ഒരു പൂർണ​വൃ​ത്ത​മ​ല്ലെ​ന്നു​ള്ള​തും ഭൂമി​യു​ടെ അച്ചുതണ്ടു ചെരി​ഞ്ഞ​താ​ണെ​ന്നു​ള്ള​തു​മാണ്‌. അതു​കൊണ്ട്‌, സൗര്യ​ദി​ന​ത്തിന്‌—ഉച്ചമുതൽ ഉച്ചവ​രെ​യുള്ള ഇടവേ​ളക്ക്‌—വർഷത്തി​ലു​ട​നീ​ളം ദൈർഘ്യ​വ്യ​ത്യാ​സം ഉണ്ടാകു​ന്നു. ഗ്രീനിച്ച്‌ ക്ലോക്കു​കൾ പ്രവർത്തി​ച്ച​തു​കൊ​ണ്ടു ദിവസ​ത്തിന്‌ ഒരു മധ്യമാന അഥവാ ശരാശരി ദൈർഘ്യം സ്ഥാപി​ക്കു​ന്ന​തി​നുള്ള കണക്കു​കൂ​ട്ട​ലു​കൾ സാധ്യ​മാ​യി​രു​ന്നു.

ഗ്രീനിച്ച്‌ മധ്യമാന ഉച്ചസമയം ഗ്രീനിച്ച്‌ രേഖാം​ശ​രേ​ഖ​യി​ലെ അഥവാ ധ്രുവ​രേ​ഖ​യി​ലെ (ലാററിൻ, മെറി​ഡി​യാ​നസ്‌, ദിവസ​മ​ദ്ധ്യം) ഏതു സ്ഥാനത്തിൻമീ​തെ​യും സൂര്യൻ ഉച്ചസ്ഥാ​ന​ത്തെ​ത്തുന്ന നിമി​ഷ​മാണ്‌. ഈ ലാററിൻ പദത്തെ അടിസ്ഥാ​ന​പ്പെ​ടു​ത്തി ഉച്ചക്കു മുമ്പുള്ള സമയം ആൻറീ മെറി​ഡി​യം (a.m.) അല്ലെങ്കിൽ ഉച്ചക്കു മുമ്പ്‌ എന്നും ഉച്ചക്കു ശേഷമുള്ള സമയം പോസ്‌ററ്‌ മെറി​ഡി​യം (p.m.) എന്നും അറിയ​പ്പെ​ടാ​നി​ട​യാ​യി.

[ചിത്രങ്ങൾ]

മുകളിൽ: ഗ്രീനിച്ച്‌ രാജകീയ നക്ഷത്ര​ബം​ഗ്ലാവ്‌. വലത്ത്‌: ഉരുളൻകല്ലു പാകിയ അങ്കണത്തിൽ മുഖ്യ ധ്രുവ​രേഖ

[18-ാം പേജിലെ ഭൂപടം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

ലോക സമയ മേഖലകൾ

-11 4:00

-10 5:00

-9 6:00

-8 7:00

-7 8:00

-6 9:00

-5 10:00

-4 11:00

-3 12:00

-2 1:00

-1 2:00

0 3:00

+1 4:00

+2 5:00

+3 6:00

+4 7:00

+5 8:00

+6 9:00

+7 10:00

+8 11:00

+9 12:00

+10 1:00

+11 2:00

+12 3:00