മികച്ച വിദ്യാ​ഭ്യാ​സ​ത്തി​നു വേണ്ടി​യുള്ള അന്വേ​ഷ​ണം

മികച്ച​രീ​തി​യി​ലുള്ള ഒരു വിദ്യാ​ഭ്യാ​സം ഇന്നത്തെ സമൂഹ​ത്തി​ലെ ജീവി​ത​ത്തിൽ വിജയ​ക​ര​മാ​യി പിടി​ച്ചു​നിൽക്കാൻ കുട്ടി​കളെ ഒരുക്കു​ന്നു. അതവർക്കു നന്നായി എഴുതാ​നും വായി​ക്കാ​നും കണക്കു​കൂ​ട്ടാ​നു​മുള്ള കഴിവു​ക​ളുൾപ്പെ​ടെ​യുള്ള വിദ്യാ​ഭ്യാ​സ​യോ​ഗ്യ​തകൾ നേടി​ക്കൊ​ടു​ക്കു​ന്നു. കൂടാതെ, അതു മറ്റുള്ള​വ​രു​മാ​യുള്ള അവരുടെ ഇടപെ​ട​ലു​കളെ സ്വാധീ​നി​ക്കു​ക​യും നല്ല സാന്മാർഗി​ക​നി​ല​വാ​ര​ങ്ങളെ ശക്തി​പ്പെ​ടു​ത്തു​ക​യും ചെയ്യുന്നു.

എന്നാലും ഇതു ദുർഘ​ട​സ​മ​യ​ങ്ങ​ളാ​യ​തി​നാൽ അത്തരം വിദ്യാ​ഭ്യാ​സം കൊടു​ക്കുക എന്നതു വളരെ ബുദ്ധി​മു​ട്ടാണ്‌. പരിച​യ​സ​മ്പ​ന്ന​നായ ഒരു സ്‌കൂ​ള​ധ്യാ​പ​കന്റെ പരി​ദേ​വനം ശ്രദ്ധിക്കൂ: “ആക്രമ​ണോ​ന്മു​ഖ​രാ​യവർ, ദ്രോ​ഹ​ക​ര​മായ വൃത്തി​കെട്ട ഭാഷ സംസാ​രി​ക്കു​ന്നവർ, ഉറക്കമി​ള​ച്ചി​രു​ന്നു ടിവി കണ്ടു ക്ഷീണത​രാ​യവർ, വികല​പോ​ഷി​ത​രോ വിശന്നി​രി​ക്കു​ന്ന​വ​രോ ആയവർ, അച്ചടക്ക​മി​ല്ലാ​ത്ത​വ​രാ​യി വളർത്ത​പ്പെ​ട്ടവർ എന്നിങ്ങ​നെ​യുള്ള കുട്ടി​ക​ളാ​ണു ക്ലാസി​ലു​ള്ളത്‌.” “പരുക്കൻ കുട്ടി​കളെ പഠിപ്പി​ക്കുക അസാധ്യ​മാ​ണെ”ന്ന്‌ അധ്യാ​പകർ നിങ്ങ​ളോ​ടു പറയും.

അമേരി​ക്കൻ അധ്യാപക ഫെഡ​റേ​ഷന്റെ പ്രസി​ഡ​ണ്ടായ ആൽബർട്ട്‌ ശങ്കർ അധ്യാ​പ​ക​രു​ടെ സന്ദിഗ്‌ധാ​വ​സ്ഥയെ ഇങ്ങനെ വർണിച്ചു: “അവർക്ക്‌, മദ്യ​ത്തെ​യും മയക്കു​മ​രു​ന്നി​നെ​യും​കു​റി​ച്ചുള്ള ബോധ​വ​ത്‌ക​രണം, ലൈം​ഗി​ക​ബോ​ധ​വ​ത്‌ക​രണം, . . . കുട്ടി​ക​ളിൽ ആത്മാഭി​മാ​നം വളർത്താ​നുള്ള പരിശീ​ലനം, സാമൂ​ഹി​ക​വി​രു​ദ്ധരെ തിരി​ച്ച​റി​യാ​നു​ള്ള​മാർഗം പഠിപ്പി​ക്കൽ, . . . തുടങ്ങി​യ​വ​യും മറ്റനേകം കാര്യ​ങ്ങ​ളും നടത്തണം. യഥാർഥ അധ്യാ​പനം ഒഴികെ മറ്റെല്ലാം. . . . സാമൂ​ഹി​ക​പ്ര​വർത്തകർ, അമ്മമാർ, അച്ഛന്മാർ, ചികി​ത്സകർ, പൊലീ​സു​കാർ, പോഷ​കാ​ഹാ​ര​വി​ദ​ഗ്‌ധർ, പൊതു​ജ​നാ​രോ​ഗ്യ​പ്ര​വർത്തകർ, വൈദ്യ​ശാ​സ്‌ത്ര​വി​ദ​ഗ്‌ധർ എന്നിവ​രാ​യി​രി​ക്കുക എന്നതാണ്‌ വാസ്‌ത​വ​ത്തിൽ അവരിൽനി​ന്നാ​വ​ശ്യ​പ്പെ​ടു​ന്നത്‌.”

എന്തു​കൊ​ണ്ടാണ്‌ അധ്യാ​പകർ ഇതു ചെയ്യേ​ണ്ടി​വ​രു​ന്നത്‌? ഉത്തരപൂർവ ഐക്യ​നാ​ടു​ക​ളി​ലെ ഏതെങ്കി​ലു​മൊ​രു വൻനഗ​ര​ത്തി​ലെ ക്ലാസു​മു​റി​ക​ളു​ടെ സംക്ഷി​പ്‌ത​മായ ഒരവ​ലോ​കനം, അതെന്തു​കൊ​ണ്ടാ​ണെന്നു സൂചി​പ്പി​ക്കു​ന്നു. ശരാശരി 23 വിദ്യാർഥി​ക​ളുള്ള ഒരു ക്ലാസി​നെ​പ്പ​റ്റി​യുള്ള ഒരു വിദഗ്‌ധന്റെ പ്രസ്‌താ​വന ദ ന്യൂ​യോർക്ക്‌ ടൈംസ്‌ റിപ്പോർട്ടു ചെയ്‌തു. അദ്ദേഹം പറഞ്ഞതി​താണ്‌: “8 മുതൽ 15 വരെ പേർ ദാരി​ദ്ര്യ​ത്തിൽ ജീവി​ക്കു​ന്ന​വ​രാ​യി​രി​ക്കും; 3 പേർ മയക്കു​മ​രു​ന്നി​ന​ടി​മ​ക​ളായ അമ്മമാർക്കു ജനിച്ച​വ​രും 15 പേർ മാതാ​പി​താ​ക്ക​ളിൽ ഒരാൾ മാത്രം കൂടെ​യു​ള്ള​വ​രു​മാ​യി​രി​ക്കും.”

അതേ, വ്യക്തമാ​യി പറഞ്ഞാൽ കുടും​ബം വിഘടി​ച്ചു​കൊ​ണ്ടി​രി​ക്കു​ക​യാണ്‌. ഐക്യ​നാ​ടു​ക​ളിൽ ഓരോ മൂന്നു ജനനങ്ങ​ളി​ലും ഒന്നുവീ​തം അവിഹി​ത​ജ​ന​ന​ങ്ങ​ളാണ്‌. രണ്ടു വിവാ​ഹ​ങ്ങ​ളിൽ ഒന്നുവീ​തം വിവാ​ഹ​മോ​ച​ന​ത്തിൽ കലാശി​ക്കു​ക​യും ചെയ്യുന്നു. എന്നാൽ, ഡന്മാർക്ക്‌, ഫ്രാൻസ്‌, ഗ്രേറ്റ്‌ ബ്രിട്ടൻ, സ്വീഡൻ എന്നീ രാജ്യ​ങ്ങ​ളിൽ അവിഹി​ത​ജ​ന​ന​ങ്ങ​ളു​ടെ നിരക്ക്‌ ഇതിലും കൂടു​ത​ലാണ്‌. വിദ്യാ​ല​യ​ങ്ങ​ളിൽ ഈ സാഹച​ര്യം സംജാ​ത​മാ​ക്കുന്ന പ്രതി​സ​ന്ധി​യെ തരണം ചെയ്യാൻ എന്തെല്ലാം ശ്രമങ്ങ​ളാ​ണു നടന്നു​കൊ​ണ്ടി​രി​ക്കു​ന്നത്‌?

പരിഹാ​രങ്ങൾ തേടുന്നു

പരീക്ഷ​ണാർഥ​മോ പകരമാ​യോ നിരവധി വിദ്യാ​ല​യങ്ങൾ സ്ഥാപി​ക്ക​പ്പെ​ട്ടി​ട്ടുണ്ട്‌. കുട്ടി​ക​ളു​ടെ​മേൽ കൂടുതൽ അടുത്ത മേൽനോ​ട്ടം ഉണ്ടായി​രി​ക്ക​ത്ത​ക്ക​വി​ധം, ഇവ സാധാ​ര​ണ​മാ​യി താരത​മ്യേന ചെറു​താണ്‌. കുട്ടി​ക​ളു​ടെ ആവശ്യങ്ങൾ കൂടുതൽ മെച്ചമാ​യി നിർവ​ഹി​ക്കു​ന്ന​തിന്‌ മിക്കവ​യ്‌ക്കും സ്വന്തം പാഠ്യ​പ​ദ്ധ​തി​യാ​ണു​ള്ളത്‌. 1993-നു ശേഷം ന്യൂ​യോർക്ക്‌ നഗരത്തിൽ അത്തരം 48 ചെറിയ വിദ്യാ​ല​യങ്ങൾ സ്ഥാപി​ക്ക​പ്പെട്ടു, ഇനിയും 50 എണ്ണത്തിനു കൂടി പദ്ധതി​യി​ട്ടു​കൊ​ണ്ടി​രി​ക്കു​ന്നു. “[വിദ്യാ​ലയ] അക്രമ​മാണ്‌ ഈ പരീക്ഷ​ണ​ത്തി​നു തുടക്ക​മിട്ട”തെന്ന്‌ ദ ന്യൂ​യോർക്ക്‌ ടൈംസ്‌ അഭി​പ്രാ​യ​പ്പെ​ടു​ന്നു. 1992-ാമാണ്ടാ​യ​പ്പോ​ഴേ​ക്കും റഷ്യയിൽ 3,33,000-ത്തിലേറെ വിദ്യാർഥി​കൾ പഠിക്കുന്ന 500-ലധികം പകരം വിദ്യാ​ല​യങ്ങൾ ആരംഭി​ച്ചു​ക​ഴി​ഞ്ഞി​രു​ന്നു.

അതേസ​മ​യം, “അനവധി​യാ​ളു​കൾ തങ്ങളുടെ കുട്ടി​കളെ ചെല​വേ​റിയ പ്രത്യേക സ്വകാ​ര്യ​വി​ദ്യാ​ല​യ​ങ്ങ​ളി​ലേക്കു മാറ്റി​ക്കൊ​ണ്ടി​രി​ക്കു​ന്നു” എന്ന്‌ ദ ടൊറ​ന്റോ സ്റ്റാർ റിപ്പോർട്ടു ചെയ്യുന്നു. കാനഡ​യി​ലെ ഒൺടേ​റി​യോ പ്രവി​ശ്യ​യിൽ മാത്രം ഏറെക്കു​റെ 75,000 കുട്ടികൾ സ്വകാ​ര്യ​വി​ദ്യാ​ല​യ​ങ്ങ​ളിൽ പോകു​ന്നുണ്ട്‌. സ്വകാ​ര്യ​വി​ദ്യാ​ല​യങ്ങൾ ഇപ്പോൾ റഷ്യയി​ലു​ട​നീ​ള​വും സ്ഥാപി​ക്ക​പ്പെ​ട്ടി​ട്ടുണ്ട്‌. “പുതു​മ​ഴക്കു കുരുത്ത മുളങ്കൂ​മ്പു​കൾപോ​ലെ അവ ചൈന​യി​ലാ​കെ പൊട്ടി​മു​ള​ച്ചി​രി​ക്കു​ന്നു”വെന്ന്‌ ചൈനാ ടുഡേ എന്ന മാസിക പറയുന്നു. സ്വകാ​ര്യ​വി​ദ്യാ​ല​യ​ങ്ങ​ളു​ടെ ഹാൻഡ്‌ബുക്ക (ഇംഗ്ലീഷ്‌)-ൽനിന്ന്‌ ഐക്യ​നാ​ടു​ക​ളി​ലുള്ള അത്തരം ഏകദേശം 1,700 വിദ്യാ​ല​യ​ങ്ങ​ളു​ടെ ഒരു പട്ടിക സൗജന്യ​മാ​യി ലഭിക്കു​ന്നു. അവി​ടെ​യൊ​ക്കെ വാർഷിക റ്റ്യൂഷൻ ഫീസ്‌ 20,000 ഡോള​റോ അതിൽകൂ​ടു​ത​ലോ ആകാം.

മറ്റുചില മാതാ​പി​താ​ക്കൾ തങ്ങളുടെ കുട്ടി​കളെ വീട്ടി​ലി​രു​ത്തി പഠിപ്പി​ക്കുക എന്ന മാർഗം തിര​ഞ്ഞെ​ടു​ത്തി​രി​ക്കു​ന്നു. ഐക്യ​നാ​ടു​ക​ളിൽ മാത്രം വീട്ടി​ലി​രു​ന്നു പഠിക്കു​ന്ന​വ​രു​ടെ എണ്ണം 1970-ൽ 15,000 ആയിരു​ന്നത്‌ 1995 ആയപ്പോ​ഴേക്കു പത്തുല​ക്ഷ​മാ​യി വർധി​ച്ചു​വെന്നു കണക്കാ​ക്ക​പ്പെ​ടു​ന്നു.

വ്യത്യസ്‌ത ഫലങ്ങൾ

ലോക​ത്തി​ലെ എല്ലാ വിദ്യാ​ല​യ​വ്യ​വ​സ്ഥ​ക​ളും താരത​മ്യം ചെയ്യാ​വുന്ന ഫലങ്ങളല്ല നേടു​ന്നത്‌. 1993 ജൂ​ലൈ​യിൽ ശങ്കർ യു.എസ്‌-ലെ വിദ്യാ​ഭ്യാ​സ​വി​ദ​ഗ്‌ധ​രു​ടെ ഒരു സംഘ​ത്തോട്‌ ഇങ്ങനെ പറഞ്ഞു: “മറ്റു രാജ്യ​ങ്ങ​ളും വിദ്യാ​ല​യങ്ങൾ നടത്തു​ന്നുണ്ട്‌. അവർക്കു നമ്മെക്കാൾ തികച്ചും മെച്ചപ്പെട്ട ഫലങ്ങൾ ലഭിക്കു​ന്നു​മുണ്ട്‌.” ഇതു തെളി​യി​ക്കാൻവേണ്ടി അദ്ദേഹം റഷ്യയിൽനിന്ന്‌ ഐക്യ​നാ​ടു​ക​ളി​ലേക്കു മാറി​ത്താ​മ​സിച്ച ഒരു ദമ്പതി​കളെ കണ്ടുമു​ട്ടിയ കഥ പറഞ്ഞു. അദ്ദേഹം ഇങ്ങനെ വിവരി​ച്ചു: “ഇപ്പോൾ എട്ടാം​ത​ര​ത്തിൽ പഠിക്കുന്ന അവരുടെ കുട്ടിയെ വളരെ നല്ലനി​ല​വാ​ര​മുള്ള ഒരു സ്വകാര്യവിദ്യാലയത്തിലാണയയ്‌ക്കുന്നതെങ്കിലും റഷ്യയിൽ മൂന്നാം​ത​ര​ത്തിൽ പഠിച്ചു​ക​ഴിഞ്ഞ കാര്യ​ങ്ങ​ളാണ്‌ അവൾ ഇപ്പോൾ പഠിച്ചു​കൊ​ണ്ടി​രി​ക്കു​ന്ന​തെന്ന്‌ അവർ പറഞ്ഞു.”

മുൻ സോവി​യറ്റ്‌ യൂണിയൻ രാജ്യത്തെ ജനങ്ങളെ മുഴു​വ​നും എഴുതാ​നും വായി​ക്കാ​നും പഠിപ്പി​ക്കുന്ന ഒരു വിദ്യാ​ല​യ​വ്യ​വ​സ്ഥ​യാ​ണു വികസി​പ്പി​ച്ചെ​ടു​ത്തത്‌. അതേസ​മയം അമേരി​ക്കൻ വിദ്യാ​ഭ്യാ​സ വകുപ്പി​ന്റെ ഒരു കണക്കനു​സ​രിച്ച്‌, ഒരു സ്‌ട്രീറ്റ്‌ ബോർഡോ ബസിലെ നമ്പരോ വായിച്ചു മനസ്സി​ലാ​ക്കാൻ കഴിയാ​ത്ത​വ​രാ​യി 2.7 കോടി അമേരി​ക്ക​ക്കാ​രുണ്ട്‌. ഓസ്‌​ട്രേ​ലി​യ​യി​ലെ കാൻബറാ ടൈംസ്‌ ഇങ്ങനെ റിപ്പോർട്ടു​ചെ​യ്‌തു: “പ്രൈ​മ​റി​സ്‌കൂൾ വിദ്യാർഥി​ക​ളിൽ 25 ശതമാ​ന​വും ഹൈസ്‌കൂ​ളി​ലേക്കു പോകു​ന്നത്‌ എഴുതാ​നും വായി​ക്കാ​നും അറിയാ​ത്ത​വ​രാ​യി​ട്ടാ​യി​രു​ന്നു.”

മിക്കവാ​റും എല്ലായി​ട​ത്തും​തന്നെ ഒരു പരിധി​വരെ സ്‌കൂ​ളു​ക​ളി​ലെ പ്രതി​സന്ധി നിലവി​ലുണ്ട്‌. 1994-ൽ പുറത്തി​റ​ങ്ങിയ, നവറഷ്യ​യി​ലെ വിദ്യാ​ഭ്യാ​സ​വും സമൂഹ​വും (ഇംഗ്ലീഷ്‌) എന്ന ഗ്രന്ഥം പറയു​ന്നതു ശ്രദ്ധിക്കൂ: “അഭിമു​ഖം നടത്തപ്പെട്ട സ്‌കൂ​ള​ധ്യാ​പ​ക​രിൽ 72.6 ശതമാ​ന​വും വിദ്യാ​ല​യ​വ്യ​വസ്ഥ കടുത്ത പ്രതി​സ​ന്ധി​യി​ലാ​ണെ​ന്ന​തി​നോ​ടു യോജി​ച്ചു.” മോസ്‌കോ​യി​ലുള്ള, താനിയാ എന്ന പരിച​യ​സ​മ്പ​ന്ന​യായ ഒരു അധ്യാ​പി​ക​യു​ടെ അഭി​പ്രാ​യ​ത്തിൽ “മാതാ​പി​താ​ക്ക​ളും വിദ്യാർഥി​കൾ തന്നെയും മേലാൽ വിദ്യാ​ഭ്യാ​സ​ത്തി​നു വില കല്‌പി​ക്കു​ന്നില്ല.” ഉദാഹ​ര​ണ​ത്തിന്‌, “ഒരു സാധാരണ ബസ്‌ ഡ്രൈ​വ​റു​ടെ വരുമാ​ന​ത്തി​ന്റെ പകുതി​യോ​ള​മോ അതിലും കുറവോ ആണ്‌ ഒരധ്യാ​പ​കന്റെ വരുമാന”മെന്ന്‌ അവർ ചൂണ്ടി​ക്കാ​ട്ടി.

മികച്ച വിദ്യാ​ഭ്യാ​സം അത്യന്താ​പേ​ക്ഷി​തം

മനുഷ്യ​സ​മൂ​ഹം മുമ്പെ​ന്ന​ത്തെ​ക്കാ​ളു​മേറെ സങ്കീർണ​മാ​യി​ക്കൊ​ണ്ടി​രി​ക്കേ, മികച്ച വിദ്യാ​ഭ്യാ​സ​ത്തി​നു വലിയ പ്രാധാ​ന്യ​മുണ്ട്‌. പല സ്ഥലങ്ങളി​ലും ഒരു പ്രായ​പൂർത്തി​യായ ഒരു യുവാ​വിന്‌ സ്വന്തം ചെലവു​കൾ നടത്താ​നും ഭാവി​യിൽ ഒരു കുടും​ബത്തെ പോറ്റാ​നും കൂടി പര്യാ​പ്‌ത​മായ ഒരു തൊഴിൽ കണ്ടുപി​ടി​ക്കാൻ ആവശ്യ​മായ സ്‌കൂൾവി​ദ്യാ​ഭ്യാ​സ​ത്തി​ന്റെ അളവു വർധി​ച്ചി​ട്ടുണ്ട്‌. അതു​കൊണ്ട്‌ അടിസ്ഥാന വിദ്യാ​ഭ്യാ​സ​യോ​ഗ്യ​തകൾ നേടി​യെ​ടു​ത്തി​ട്ടു​ള്ള​വർക്കു കൂടുതൽ മെച്ചപ്പെട്ട തൊഴി​ല​വ​സ​ര​ങ്ങ​ളുണ്ട്‌. തൊഴിൽദാ​താ​ക്കൾ പ്രാഥ​മി​ക​സം​ഗ​തി​കൾക്കാ​ണു മുൻതൂ​ക്കം കൊടു​ക്കു​ന്നത്‌. അതായത്‌, ഉദ്യോ​ഗാർഥി​ക്കു ജോലി എത്ര നന്നായി ചെയ്യാൻ കഴിയു​മെന്ന്‌.

ഹൈസ്‌കൂൾ വിദ്യാ​ഭ്യാ​സം സിദ്ധിച്ച അനേക​രെ​ക്കു​റി​ച്ചും ഒരു തൊഴിൽസേ​വ​ന​സ്ഥാ​പ​ന​ത്തി​ന്റെ മാനേജർ ഇപ്രകാ​രം നിരീ​ക്ഷി​ച്ചു: “അവരെ ജോലി ചെയ്യാൻ പഠിപ്പി​ച്ചി​ട്ടില്ല.” അദ്ദേഹം ഇങ്ങനെ കൂട്ടി​ച്ചേർക്കു​ക​യും ചെയ്‌തു: “ചെറു​പ്പ​ക്കാ​രു​ടെ കാര്യ​ത്തിൽ തൊഴിൽദാ​താ​ക്കൾ എന്നോടു പതിവാ​യി പറയാ​റുള്ള ഒരു പ്രശ്‌നം അവർക്കു നന്നായി എഴുതാ​നും വായി​ക്കാ​നും അറിയി​ല്ലെ​ന്നു​ള്ള​താണ്‌. അവർക്ക്‌ ജോലി​ക്കുള്ള ഒരപേക്ഷ പൂരി​പ്പി​ക്കാൻ കഴിയില്ല.”

തങ്ങളുടെ കുട്ടി​കൾക്കു മികച്ച വിദ്യാ​ഭ്യാ​സം വേണ​മെന്നു മാതാ​പി​താ​ക്കൾ ആഗ്രഹി​ക്കു​മെ​ന്നതു തീർച്ച​യാണ്‌. അതു​പോ​ലെ​തന്നെ കുട്ടി​കൾക്കും തങ്ങൾക്കതു ലഭിക്ക​ണ​മെന്ന ആഗ്രഹ​മു​ണ്ടാ​വും. എന്നാൽ അവർ അതു നേടി​യെ​ടു​ക്കാൻ ആവശ്യ​മായ അടിസ്ഥാന സംഗതി​കൾ പ്രയോ​ഗ​ത്തിൽ വരുത്തണം. ഈ അടിസ്ഥാന സംഗതി​കൾ എന്തൊ​ക്കെ​യാണ്‌, അവ എങ്ങനെ പ്രയോ​ഗ​ത്തിൽ വരുത്താം?

[6-ാം പേജിലെ ആകർഷ​ക​വാ​ക്യം]

റഷ്യയിൽ “ഒരു സാധാരണ ബസ്‌ ഡ്രൈ​വ​റു​ടെ പകുതി വരുമാ​നമേ ഒരധ്യാ​പ​ക​നു​ള്ളൂ”