ഞങ്ങളുടെ വായന​ക്കാ​രിൽനിന്ന്‌

പുകയില വ്യവസാ​യം “ലക്ഷങ്ങളു​ണ്ടാ​ക്കാൻ ലക്ഷങ്ങളെ കൊല്ലു​ന്നു” (മേയ്‌ 22, 1995) എന്ന ലേഖന പരമ്പര വിജ്ഞാ​ന​പ്ര​ദ​വും പ്രതി​ഭാ​സ​മ്പ​ന്ന​വും ആയിരു​ന്നു. വിൻസെൻറ്‌ വാൻ ഗോഫ്‌ വരച്ച പുറം​പേ​ജി​ലെ ചായച്ചി​ത്രം (തലയോ​ട്ടി ഒരു സിഗര​റ്റു​മാ​യി) ഭയാന​കം​തന്നെ! ചിലർക്കു പുകവലി നിർത്തു​ന്ന​തിന്‌ അല്ലെങ്കിൽ അതു തുടങ്ങു​ന്ന​തിൽനി​ന്നു ചിലരെ തടയു​ന്ന​തിന്‌ ഒരുപക്ഷേ ഈ ചിത്രം മാത്രം മതിയാ​കും.

എം. ബി., ഐക്യ​നാ​ടു​കൾ

ഞാൻ അമേരി​ക്കൻ കാൻസർ സൊ​സൈ​റ്റി​ക്കു വേണ്ടി പ്രവർത്തി​ക്കു​ന്ന​തി​നാൽ ഈ ലേഖനങ്ങൾ വായി​ക്കു​വാൻ പ്രത്യേ​കി​ച്ചും ഉത്സാഹ​മു​ള്ള​വ​ളാ​യി​രു​ന്നു. പുകയില-വിമുക്ത സമാജ​ത്തി​ന്റെ പ്രാ​ദേ​ശിക ശാഖയിൽ അധ്യക്ഷ​സ്ഥാ​നം വഹിക്കുന്ന സ്‌ത്രീക്ക്‌ ഒരു പ്രതി ഞാൻ അയച്ചു കൊടു​ത്തു. രചനയു​ടെ​യും ഗവേഷ​ണ​ത്തി​ന്റെ​യും ഗുണ​മേ​ന്മ​യിൽ അവർക്കു മതിപ്പു​ള​വാ​കു​ക​യും തന്റെ സഹപ്ര​വർത്ത​കർക്കു വേണ്ടി 35 പ്രതികൾ ആവശ്യ​പ്പെ​ടു​ക​യും ചെയ്‌തു.

ജെ. ഒ., ഐക്യ​നാ​ടു​കൾ

ഞാനും ഭർത്താ​വും പുകവലി ഉപേക്ഷി​ച്ചി​ട്ടു മൂന്നു മാസ​ത്തോ​ള​മാ​യെ​ങ്കി​ലും ഇപ്പോ​ഴും എനിക്കു സിഗര​റ്റി​നു​വേ​ണ്ടി​യുള്ള അതിയായ വാഞ്‌ഛ​യുണ്ട്‌. അങ്ങനെ​യി​രി​ക്കെ​യാണ്‌ ഞാൻ ഈ ലേഖനം വായി​ക്കു​ന്നത്‌. സിഗര​റ്റി​ലെ ചില ഘടകങ്ങൾ വളരെ വിഷമു​ള്ള​താ​യ​തു​കൊ​ണ്ടു മണ്ണു നികത്തി​യെ​ടു​ക്കു​മ്പോൾ പോലും അവ മണ്ണിന​ടി​യിൽ തള്ളുന്നത്‌ നിയമ​വി​രു​ദ്ധ​മാ​ണെന്ന്‌ അത്‌ എനിക്കു മനസ്സി​ലാ​ക്കി​ത്തന്നു! ചീത്തയാ​യ​തി​നെ വെറു​ക്കു​ന്ന​തിന്‌ ഇത്‌ എന്നെ ശക്‌തീ​ക​രി​ച്ചു.

എൽ. റ്റി., ദക്ഷിണ ആഫ്രിക്ക

ലൂപ്പസ്‌ ക്ലേശിത “ഇനി മിയയും യഹോ​വ​യും മാത്രം” (ഫെബ്രു​വരി 22, 1995) എന്ന ലേഖന​ത്തി​ലെ ലൂപ്പസ്‌ രോഗത്തെ കുറി​ച്ചുള്ള വിവര​ത്തി​നു വളരെ നന്ദി. എനിക്കു 18 വയസ്സുണ്ട്‌, രണ്ടു വർഷമാ​യി ഞാൻ ഈ രോഗ​ത്താൽ കഷ്ടപ്പെ​ടു​ക​യാണ്‌. ലോക​ത്തി​ന്റെ മറ്റു ഭാഗങ്ങ​ളി​ലുള്ള സഹോ​ദരീ സഹോ​ദ​രൻമാർ കഷ്ടപ്പാട്‌ എങ്ങനെ സഹിക്കു​ന്നു എന്ന്‌ അറിയു​ന്ന​തും നമ്മുടെ സ്രഷ്ടാവ്‌ എപ്രകാ​രം നമ്മെ എല്ലായ്‌പോ​ഴും സ്‌നേ​ഹ​പൂർവം പിന്താ​ങ്ങു​ന്നു എന്ന്‌ അറിയു​ന്ന​തും പ്രോ​ത്സാ​ഹ​ജ​ന​ക​മാണ്‌.

ജെ. എ. വൈ., ഇറ്റലി

പ്രശ്‌ന​ക്കാ​രായ മാതാ​പി​താ​ക്കൾ “യുവജ​നങ്ങൾ ചോദി​ക്കു​ന്നു . . . എന്റെ മാതാ​പി​താ​ക്കൾ അപര്യാ​പ്‌ത​രാ​കു​ന്നെ​ങ്കി​ലോ?” (മേയ്‌ 22, 1995) എന്നതു​പോ​ലുള്ള ഒരു ലേഖന​ത്തി​നു വേണ്ടി ഞാൻ പ്രാർഥി​ച്ചി​ട്ടുണ്ട്‌. എന്റെ മാതാവു ക്രിസ്‌തീയ സഭയിൽനി​ന്നു പുറത്താ​ക്ക​പ്പെ​ട്ട​പ്പോൾ ഞാൻ എത്ര ദുഃഖി​ത​യും വ്രണി​ത​യും ആയിരു​ന്നെ​ന്നോ! ഞാൻ മുഴു​സമയ സുവി​ശേ​ഷ​വേ​ല​യായ പയനി​യ​റിങ്‌ ഏതാണ്ടു നിർത്തി​യ​തു​പോ​ലെ​യാ​യി. യഹോ​വ​യു​മാ​യുള്ള മമ്മിയു​ടെ ബന്ധത്തെ സംബന്ധിച്ച്‌ അമിത​മാ​യി ഉത്‌ക​ണ്‌ഠ​പ്പെ​ടു​ന്ന​തി​നു പകരം ‘എന്റെ സ്വന്തം രക്ഷക്കായി ഭയത്തോ​ടും വിറയ​ലോ​ടും കൂടെ’ പ്രവർത്തി​ക്കു​വാൻ പ്രസ്‌തുത ലേഖനം എന്നെ ശക്തീക​രി​ച്ചു. (ഫിലി​പ്പി​യർ 2:12) വളരെ നന്ദി.

ജെ. പി., ഫിലി​പ്പൈൻസ്‌

ഞാൻ സ്‌നാ​പ​ന​മേറ്റ ഒരു ക്രിസ്‌ത്യാ​നി ആണ്‌, എന്നാൽ ദിവസ​വും കുടി​ച്ചു​മ​ത്ത​നാ​യി വീട്ടിൽ വരുന്ന എന്റെ പിതാ​വി​നെ ബഹുമാ​നി​ക്കു​ന്നതു വളരെ ബുദ്ധി​മു​ട്ടാ​ണെന്ന്‌ എനിക്കു മനസ്സി​ലാ​യി. ഈ ലേഖനം വായി​ക്കു​ക​യിൽ എനിക്കു കരച്ചിൽ അടക്കാൻ കഴിഞ്ഞില്ല. ഇതു വായി​ച്ച​തി​നാൽ ഇപ്പോൾ പിതാ​വി​നോ​ടുള്ള എന്റെ നിഷേ​ധാ​ത്മക വികാ​ര​ങ്ങ​ളും ചിന്തയും കാര്യ​മാ​യി കുറഞ്ഞി​രി​ക്കു​ന്നു, എനിക്കു കൂടുതൽ ആശ്വാ​സ​വും തോന്നു​ന്നു.

എൻ. എം., ജപ്പാൻ

കിസ്റ്റ്യൻ സയൻസ്‌ “ഡോക്ടർമാ​രും യഹോ​വ​യു​ടെ സാക്ഷി​ക​ളും തമ്മിലുള്ള ബന്ധങ്ങൾ മെച്ച​പ്പെ​ടു​ത്താ​നുള്ള സെമി​നാ​റു​കൾ” (മാർച്ച്‌ 22, 1995) എന്ന ലേഖന​ത്തിൽ രോഗ​ങ്ങ​ളോ​ടുള്ള ക്രിസ്റ്റ്യൻ സയൻസി​ന്റെ സമീപനം സംബന്ധിച്ച്‌ ഒരു അഭി​പ്രാ​യ​പ്ര​ക​ടനം ഉണ്ടായി​രു​ന്ന​ല്ലോ. നമ്മുടെ വിശ്വാ​സങ്ങൾ തമ്മിൽ പരസ്‌പര ധാരണ കെട്ടു​പണി ചെയ്യു​വാ​നുള്ള ഉദ്ദേശ്യ​ത്തോ​ടെ ഒരു കാര്യം സംബന്ധി​ച്ചു നിങ്ങളു​ടെ വായന​ക്കാർക്ക്‌ ഉറപ്പു​നൽകാൻ ഞാൻ ആഗ്രഹി​ക്കു​ന്നു. അതായത്‌ ആത്മീയ രോഗ​ശാ​ന്തി​യിൽ ആശ്രയി​ക്കു​ക​വഴി ക്രിസ്റ്റ്യൻ സയൻറി​സ്‌റ​റു​കൾ ചെയ്യു​ന്നത്‌ മനുഷ്യ ജീവനെ വിലമ​തി​ക്കു​ക​യും സംരക്ഷി​ക്കു​ക​യു​മാണ്‌. ഇങ്ങനെ പ്രവർത്തി​ക്കാ​നാ​ണു യേശു നമുക്കു കാണി​ച്ചു​ത​ന്നി​രി​ക്കു​ന്ന​തെ​ന്നാ​ണു ഞങ്ങളുടെ വിശ്വാ​സം. ഞങ്ങളുടെ ആനുകാ​ലിക പ്രസി​ദ്ധീ​ക​ര​ണ​ങ്ങ​ളിൽ ഒരു നൂററാ​ണ്ടിൽപ​ര​മാ​യി പ്രസി​ദ്ധീ​ക​രി​ച്ചി​ട്ടുള്ള രോഗ​ശാ​ന്തി​ക​ളു​ടെ സ്ഥിരീ​ക​രി​ക്ക​പ്പെട്ട രേഖ ദൈവാ​രാ​ധ​ന​യാ​ണു ഞങ്ങളുടെ ആന്തരോ​ദ്ദേ​ശ്യം എന്നു വ്യക്തമാ​ക്കു​ന്നു, അല്ലാതെ രക്തസാ​ക്ഷി​ത്വ​മല്ല. ആത്മീക​വും ധാർമീ​ക​വും ശാരീ​രി​ക​വും ആയ ക്ഷേമമാ​ണു സ്ഥിരമായ ഫലം.

എം. വി. ഡബ്ലിയൂ., പ്രസി​ദ്ധീ​കരണ കമ്മിറ​റി​ക​ളു​ടെ മാനേജർ, ക്രിസ്‌തു​വി​ന്റെ ആദിമ സഭ, സയൻറി​സ്‌ററ്‌, ഐക്യ​നാ​ടു​കൾ

ഈ അഭി​പ്രാ​യ​പ്ര​ക​ട​ന​ങ്ങൾക്കു നന്ദി. ഒരു വൈദ്യ​ശാ​സ്‌ത്ര ഡോക്ട​റു​ടെ വാക്കുകൾ ഉദ്ധരി​ച്ച​തിൽ ഞങ്ങളുടെ ഉദ്ദേശ്യം യഹോ​വ​യു​ടെ സാക്ഷികൾ വൈദ്യ ചികിത്സ സ്വീക​രി​ക്കും എന്ന യാഥാർഥ്യ​ത്തെ വിശേ​ഷ​വൽക്ക​രി​ക്കുക എന്നതാ​യി​രു​ന്നു. തങ്ങൾ ആഗ്രഹി​ക്കു​ന്ന​തു​പോ​ലെ വിശ്വ​സി​ക്കാ​നുള്ള മററു​ള്ള​വ​രു​ടെ അവകാ​ശത്തെ ഞങ്ങൾ ആദരി​ക്കു​ന്നു. എന്നാൽ “ദീനക്കാർക്ക​ല്ലാ​തെ സൌഖ്യ​മു​ള്ള​വർക്കു വൈദ്യ​നെ​ക്കൊ​ണ്ടു ആവശ്യ​മില്ല”ന്നു യേശു​ക്രി​സ്‌തു പറയു​ക​തന്നെ ചെയ്‌തു. (മത്തായി 9:12) കൂടാതെ തിമോ​ത്തി​യു​ടെ കൂടെ​ക്കൂ​ടെ​യുള്ള രോഗ​ത്തെ​ക്കു​റി​ച്ചു ചർച്ച​ചെ​യ്‌ത​പ്പോൾ പൗലോസ്‌ ആത്മീയ രോഗ​ശാ​ന്തി​യല്ല മറിച്ച്‌ ഒരു സാധാരണ വൈദ്യ​ശാ​സ്‌ത്ര ചികി​ത്സ​യാ​ണു ശുപാർശ​ചെ​യ്‌തത്‌. (1 തിമൊ​ഥെ​യൊസ്‌ 5:23) തന്മൂലം വൈദ്യ​ശാ​സ്‌ത്ര ചികിത്സ സംബന്ധിച്ച ബൈബി​ളി​ന്റെ വീക്ഷണം ക്രിസ്റ്റ്യൻ സയൻസി​ന്റെ പഠിപ്പി​ക്ക​ലു​ക​ളു​മാ​യി വൈരു​ദ്ധ്യ​ത്തി​ലാണ്‌.—പത്രാ​ധി​പർ.