ദത്തെടു​ക്കൽ—അതു നിങ്ങൾക്കു​ള്ള​തോ?

ബ്രിട്ടനിലെ ഉണരുക! ലേഖകൻ

“ദത്തെടു​ക്കൽ കുട്ടി​കൾക്കു വേണ്ടി​യുള്ള ഒരു ഏർപ്പാ​ടാണ്‌, അല്ലാതെ കുട്ടി​ക​ളി​ല്ലാത്ത ദമ്പതി​കൾക്ക്‌ കുഞ്ഞിനെ നൽകാ​നുള്ള ഒന്നല്ല,” ഒരു ബ്രിട്ടീഷ്‌ സാമൂ​ഹിക പ്രവർത്തക അപ്പോൾപോ​ലും തറപ്പിച്ചു പറയുന്നു. തന്റെ ദത്തെടു​ക്ക​ലിൽ ഒരു കുട്ടിക്കു സാധാരണ എന്തു സ്വാധീ​ന​മാ​ണു​ള്ളത്‌?

ഒരു കുട്ടിയെ ദത്തെടു​ക്കു​ന്ന​തി​നെ​പ്പറ്റി നിങ്ങൾ പരിചി​ന്തി​ക്കു​ന്നു​വോ? എങ്കിൽ നിങ്ങൾ വൈകാ​രി​ക​മായ ഒരു തീരു​മാ​നത്തെ മാത്രമല്ല, മാറ്റം വരുത്താ​നാ​വാത്ത ഒന്നി​നെ​ക്കൂ​ടി​യാണ്‌ നേരി​ടു​ന്നത്‌. നിങ്ങളു​ടെ കുടും​ബ​വു​മാ​യി ഇഴുകി​ച്ചേ​രു​ന്ന​തിൽ കുട്ടി എത്ര​ത്തോ​ളം വിജയി​ക്കും?

നിങ്ങൾ ദത്തെടു​ക്ക​പ്പെട്ട ഒരു കുട്ടി​യാ​ണെ​ങ്കിൽ, നിങ്ങളു​ടെ യഥാർഥ മാതാ​പി​താ​ക്ക​ളാ​രാ​ണെന്നു നിങ്ങൾക്ക​റി​യാ​മോ? ഇല്ലെങ്കിൽ, അറിയു​ന്ന​പക്ഷം അത്‌ എന്തു വ്യത്യാ​സം ഉളവാ​ക്കു​മെ​ന്നാ​ണു നിങ്ങൾ കരുതു​ന്നത്‌?

നിങ്ങളു​ടെ കുട്ടിയെ ദത്തു നൽകു​ന്ന​തി​നെ​പ്പറ്റി പരിചി​ന്തി​ക്കുന്ന ഒരമ്മയാ​ണോ നിങ്ങൾ? നിങ്ങളു​ടെ കുട്ടി​യു​ടെ മികച്ച ക്ഷേമത്തിന്‌, കുട്ടിയെ ദത്തു നൽകു​ന്നതു മാത്ര​മാ​ണോ ഏകപരി​ഹാ​രം?

1995-ൽ ഐക്യ​നാ​ടു​ക​ളിൽ 50,000-ത്തിലേറെ കുട്ടികൾ ദത്തെടു​ക്ക​പ്പെട്ടു. അവരിൽ 8,000-ത്തോളം വിദേ​ശി​ക​ളാ​യി​രു​ന്നു. ആളുകൾ വിദേ​ശ​രാ​ജ്യ​ങ്ങ​ളിൽനി​ന്നു കുട്ടി​കളെ ദത്തെടു​ക്കുന്ന രീതി കൂടി​വ​രു​ന്നു. ടൈം മാഗസിൻ പറയു​ന്ന​ത​നു​സ​രിച്ച്‌, കഴിഞ്ഞ 25 വർഷം​കൊണ്ട്‌ ഐക്യ​നാ​ടു​ക​ളി​ലെ കുടും​ബങ്ങൾ വിദേ​ശി​ക​ളായ 1,40,000-ത്തിലേറെ കുട്ടി​കളെ ദത്തെടു​ത്തി​ട്ടുണ്ട്‌. യൂറോ​പ്പി​ലെ സമാന​മായ സംഖ്യ, സ്വീഡ​നിൽ 32,000-ഉം ഹോള​ണ്ടിൽ 18,000-ഉം ജർമനി​യിൽ 15,000-ഉം ഡെൻമാർക്കിൽ 11,000-ഉം ആണ്‌.

ഈ സാഹച​ര്യ​ത്തി​ലേ​തെ​ങ്കി​ലും ഒന്നി​നോ​ടു നിങ്ങളു​ടേതു യോജി​ക്കു​ന്നു​ണ്ടോ? ദത്തെടു​ക്കുക എന്നത്‌ നിങ്ങളു​ടെ ജീവി​ത​വും—കുട്ടി​യു​ടെ ജീവിതം മാത്രമല്ല—മുമ്പ​ത്തേ​തു​പോ​ലെ​യാ​യി​രി​ക്കില്ല എന്നതിനെ അർഥമാ​ക്കു​ന്നു. ദത്തെടു​ക്കുന്ന മാതാ​പി​താ​ക്കൾക്ക്‌ ഒത്തിരി​യൊ​ത്തി​രി ഉല്ലാസങ്ങൾ പ്രതീ​ക്ഷി​ക്കാൻ മതിയായ കാരണ​മുണ്ട്‌. എന്നാൽ, പലതര​ത്തി​ലുള്ള പ്രശ്‌ന​ങ്ങ​ളും ഇച്ഛാഭം​ഗ​ങ്ങ​ളും നേരി​ടാ​നും അവർ തയ്യാറാ​വണം. അതു​പോ​ലെ​തന്നെ, തന്റെ കുഞ്ഞിനെ ദത്തുനൽകു​മ്പോൾ ഒരമ്മയ്‌ക്ക്‌ അനുഭ​വ​പ്പെ​ടുന്ന ഹൃദയ​നൊ​മ്പരം, ഒരുപക്ഷേ, ഒരിക്ക​ലും പൂർണ​മാ​യി ശമിക്കു​ക​യില്ല.

ഒരു കുരുന്നു ജീവൻ സ്‌നേ​ഹ​പൂർവം കെട്ടി​പ്പ​ടു​ക്കേ​ണ്ട​തി​ന്റെ അല്ലെങ്കിൽ പുനഃ​നിർമാ​ണം ചെയ്യേ​ണ്ട​തി​ന്റെ വെല്ലു​വി​ളി​യാണ്‌ ഓരോ സാഹച​ര്യ​വും ആനയി​ക്കു​ന്നത്‌. പിൻവ​രുന്ന ലേഖനങ്ങൾ, കുട്ടിയെ ദത്തെടു​ക്കു​ന്ന​തി​ന്റെ സന്തോ​ഷ​ങ്ങ​ളെ​യും—വെല്ലു​വി​ളി​ക​ളെ​യും കുറിച്ചു പറയും.