ദത്തെടു​ക്കൽ—എന്തിന്‌, എങ്ങനെ?

കഴിഞ്ഞ 20 വർഷക്കാ​ലത്തു ബ്രിട്ട​നിൽ ദത്തെടു​ക്ക​പ്പെ​ടുന്ന കുട്ടി​ക​ളു​ടെ സംഖ്യ ഇത്രമാ​ത്രം കുറഞ്ഞത്‌ എന്തു​കൊ​ണ്ടാണ്‌? രണ്ടു കാരണങ്ങൾ സൂചി​പ്പി​ക്ക​പ്പെ​ട്ടി​ട്ടുണ്ട്‌—നിയമാ​നു​സൃത ഗർഭച്ഛി​ദ്രം നടത്താ​നുള്ള സൗകര്യ​വും ഭർത്താ​വി​ല്ലാ​തെ​തന്നെ ഒരമ്മ തന്റെ കുഞ്ഞിനെ വളർത്തി​ക്കൊ​ണ്ടു​വ​രു​ന്ന​തി​നു ലഭിക്കുന്ന വർധിച്ച അംഗീ​കാ​ര​വും. മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​മാ​യി​രി​ക്കു​ന്നത്‌, ആധുനിക സമൂഹ​ത്തിൽ വിജയ​പ്ര​ദ​മാ​യി നേരി​ടാ​നാ​വുന്ന ഒരു വെല്ലു​വി​ളി​യാ​യി​ട്ടാണ്‌ ഇപ്പോൾ കാണ​പ്പെ​ടു​ന്നത്‌.

എന്നാൽ, വെറും 100 വർഷങ്ങൾക്കു മുമ്പു കാര്യങ്ങൾ വ്യത്യ​സ്‌ത​മാ​യി​രു​ന്നു. ഇംഗ്ലീഷ്‌ കുറ്റകൃ​ത്യ-നോവ​ലു​കൾ എഴുതുന്ന എഡ്‌ഗർ വാലസി​ന്റെ അമ്മ പോളി, തന്റെ യജമാ​ന​പു​ത്രൻ മുഖാ​ന്തരം ഗർഭി​ണി​യാ​യ​പ്പോൾ, ദൂരെ​പ്പോ​യി രഹസ്യ​മാ​യി പ്രസവി​ച്ചു. എഡ്‌ഗ​റിന്‌ ഒമ്പതു ദിവസം പ്രായ​മു​ണ്ടാ​യി​രു​ന്ന​പ്പോൾ, വയറ്റാട്ടി അവന്റെ സംരക്ഷ​ണ​ച്ചു​മതല ലണ്ടനിലെ ബിലി​ങ്‌സ്‌ഗേറ്റ്‌ മീൻച​ന്ത​യി​ലെ ചുമട്ടു​കാ​ര​നായ ജോർജ്‌ ഫ്രീമാ​ന്റെ ഭാര്യയെ ഏൽപ്പിച്ചു. അപ്പോൾതന്നെ ഫ്രീമാൻ ദമ്പതി​കൾക്കു തങ്ങളു​ടേ​താ​യി പത്തു മക്കളു​ണ്ടാ​യി​രു​ന്നു. അങ്ങനെ എഡ്‌ഗർ, ഡിക്ക്‌ ഫ്രീമാൻ എന്ന പേരിൽ വളർന്നു​വന്നു. തന്റെ കുഞ്ഞിന്റെ പരിപാ​ല​ന​ത്തി​നാ​യി പോളി ക്രമമാ​യി പണം നൽകി​യി​രു​ന്നു. എന്നാൽ പിതാവു തന്റെ മകന്റെ അസ്‌തി​ത്വ​ത്തെ​ക്കു​റിച്ച്‌ ഒരിക്ക​ലും അറിഞ്ഞു​മില്ല.

ഇക്കാലത്ത്‌, ആർക്കും വേണ്ടാത്ത ശിശു​ക്ക​ളു​ടെ ഉത്തരവാ​ദി​ത്വം പലപ്പോ​ഴും ദേശീയ അധികൃ​തർ ഏറ്റെടു​ക്കു​ന്നു. പല കുട്ടി​ക​ളെ​യും ഏറ്റെടു​ക്കു​ന്നത്‌, അവർക്കു ദുഷ്‌പ്പെ​രു​മാ​റ്റ​ത്തിൽനി​ന്നു സംരക്ഷ​ണ​മാ​വ​ശ്യ​മാ​യ​തി​നാ​ലാണ്‌, അല്ലെങ്കിൽ മാനസി​ക​മോ ശാരീ​രി​ക​മോ ആയ വൈക​ല്യ​ങ്ങ​ളു​ള്ള​തി​നാ​ലാണ്‌. യുദ്ധത്തി​ന്റെ കൊടും​ഭീ​ക​ര​ത​കൾമൂ​ലം അനാഥ​രാ​ക്ക​പ്പെ​ട്ട​വ​രും ബലാൽസം​ഗ​ത്തി​ന്റെ ഫലമായി ജനിക്കുന്ന ശിശു​ക്ക​ളു​മു​ള്ള​തു​കൊണ്ട്‌ മാതാ​പി​താ​ക്ക​ളു​ടെ വാത്സല്യ​ത്തി​നും സംരക്ഷ​ണ​ത്തി​നു​മാ​യി—ഒറ്റവാ​ക്കിൽ പറഞ്ഞാൽ ദത്തെടു​ക്ക​പ്പെ​ടാ​നാ​യി—കേഴുന്ന കുട്ടി​ക​ളു​ടെ എണ്ണം നിരന്തരം വർധി​ക്കു​ന്നു.

ദത്തെടു​ക്ക​ണ​മോ വേണ്ടയോ?

ഒരു കുട്ടിയെ ദത്തെടു​ക്കുക എന്നത്‌ ഒരിക്ക​ലും എളുപ്പമല്ല. മാത്രമല്ല അതേപ്പറ്റി ആലോ​ചി​ക്കു​മ്പോൾ തിടു​ക്ക​ത്തിൽ ഒരു തീരു​മാ​ന​മെ​ടു​ക്കു​ന്നത്‌ ഒരിക്ക​ലും ബുദ്ധി​പൂർവ​മാ​യി​രി​ക്കില്ല. നിങ്ങൾക്ക്‌ ഒരു കുഞ്ഞു നഷ്ടമാ​യി​ട്ടു​ണ്ടെ​ങ്കിൽ, ദത്തെടു​ക്കു​ന്ന​തു​സം​ബ​ന്ധിച്ച്‌ അന്തിമ തീരു​മാ​നം കൈ​ക്കൊ​ള്ളു​ന്ന​തി​നു മുമ്പ്‌, ആ നടുക്ക​ത്തിൽനിന്ന്‌ അല്ലെങ്കിൽ ദുഃഖ​ത്തിൽനി​ന്നു വിമു​ക്ത​മാ​വു​ന്ന​തു​വരെ കാത്തി​രി​ക്കു​ന്ന​താണ്‌ ഉത്തമം. വന്ധ്യരാ​ണെന്നു പറയ​പ്പെ​ട്ടി​ട്ടുള്ള ദമ്പതി​ക​ളു​ടെ കാര്യ​ത്തി​ലും ഇതു ബാധക​മാ​യി​രി​ക്കാം.

ഓരോ കുട്ടി​യും തനതായ ജനിതക സ്വഭാ​വ​വി​ശേ​ഷങ്ങൾ അവകാ​ശ​മാ​ക്കു​ന്നു. മാതാ​പി​താ​ക്കൾ സ്വന്തം കുട്ടി​ക​ളു​ടെ പ്രവണ​ത​ക​ളിൽ വിസ്‌മയം കൊള്ളാ​റുണ്ട്‌. എന്നാൽ ഒരു കുഞ്ഞിന്റെ മാതാ​പി​താ​ക്കൾ ആരെന്നത്‌ അറിയി​ല്ലെ​ങ്കിൽ അതിന്റെ മാനസി​ക​വും വൈകാ​രി​ക​വു​മായ കഴിവു​കൾ വിലയി​രു​ത്താൻ ബുദ്ധി​മു​ട്ടാണ്‌.

വിദ്യാ​ലയ നേട്ടങ്ങൾക്കു നിങ്ങൾ ഏറെ മൂല്യം കൽപ്പി​ക്കു​ന്നു​ണ്ടോ? അങ്ങനെ​യെ​ങ്കിൽ നിങ്ങൾ ദത്തെടുത്ത കുട്ടി, നിങ്ങളു​ടെ പ്രതീ​ക്ഷ​കൾക്കൊത്ത്‌ ഉയരു​ന്നി​ല്ലെ​ങ്കിൽ നിങ്ങൾക്കെന്തു തോന്നും? നിങ്ങൾ കൈകാ​ര്യം ചെയ്‌തേ​ക്കാ​വുന്ന ഒരു വെല്ലു​വി​ളി​യാ​യി, മാനസി​ക​മാ​യോ ശാരീ​രി​ക​മാ​യോ വൈക​ല്യ​ങ്ങ​ളുള്ള ഒരു കുട്ടിയെ നിങ്ങൾ കാണു​മോ?

ദത്തെടു​ക്കൽ ഏജൻസി​ക​ളി​ലെ പരിശീ​ലിത വ്യക്തി​ക​ളോ ഗവൺമെൻറ്‌ സാമൂ​ഹിക പ്രവർത്ത​ക​രിൽപ്പെ​ട്ട​വ​രോ ദത്തെടു​പ്പി​നു മുമ്പായി നിങ്ങ​ളോട്‌ ഇത്തരത്തി​ലുള്ള ചോദ്യ​ങ്ങൾ ചോദി​ക്കും. അവരുടെ അതിരു​കടന്ന ഉത്‌കണ്‌ഠ, കുട്ടി​യു​ടെ സുരക്ഷി​ത​ത്വ​ത്തെ​യും സന്തോ​ഷ​ത്തെ​യും പ്രതി​യാ​യി​രി​ക്കണം.

നിങ്ങൾ ദത്തെടു​ക്കാൻ തീരു​മാ​നി​ക്കു​ന്നു​വെ​ങ്കിൽ . . .

ഓരോ രാജ്യ​ത്തി​നും അതി​ന്റേ​തായ ദത്തെടു​ക്കൽ നിയമ​ങ്ങ​ളും ചട്ടങ്ങളും ഉണ്ട്‌. ഇവ പഠി​ക്കേ​ണ്ടത്‌ ആവശ്യ​മാണ്‌. ബ്രിട്ട​നിൽ നൂറു​ക​ണ​ക്കി​നു ദത്തെടു​ക്കൽ സൊ​സൈ​റ്റി​ക​ളുണ്ട്‌. സാധാ​ര​ണ​മാ​യി അവ സ്ഥലത്തെ ഗവൺമെൻറ്‌ അധികൃ​ത​രു​മാ​യി സഹകരി​ച്ചാ​ണു പ്രവർത്തി​ക്കു​ന്നത്‌. എല്ലാ സൊ​സൈ​റ്റി​കൾക്കും അവയു​ടേ​തായ നിയമ​ങ്ങ​ളുണ്ട്‌.

പ്രത്യേ​കി​ച്ചും ബ്രിട്ട​നിൽ പ്രചാ​ര​ത്തി​ലു​ള്ള​താണ്‌ ദത്തെടു​ക്കൽ പാർട്ടി​കൾ. ഇവിടെ അസംഖ്യം ഭാവി​മാ​താ​പി​താ​ക്കൾക്ക്‌, ഒറ്റയ്‌ക്കൊ​റ്റ​യ്‌ക്കുള്ള കൂടി​ക്കാ​ഴ്‌ച​യിൽനി​ന്നു​ള​വാ​കുന്ന വൈകാ​രിക സംഘർഷ​മി​ല്ലാ​തെ​തന്നെ ദത്തെടു​ക്ക​ലി​നുള്ള കുട്ടി​ക​ളു​മാ​യി ഇടപഴ​കാ​വു​ന്ന​താണ്‌. ആയാസ​ര​ഹി​ത​മായ അന്തരീക്ഷം, ഭാവി​മാ​താ​പി​താ​ക്കൾക്കു വേണ്ടെന്നു തീരു​മാ​നി​ക്കു​ന്നതു കൂടുതൽ എളുപ്പ​മാ​ക്കി​ത്തീർക്കു​ന്നു. മാത്രമല്ല, ഏവരു​ടേ​യും ശ്രദ്ധ കേന്ദ്രീ​ക​രി​ക്കുന്ന വിധം കുട്ടി​കളെ വ്യക്തി​ഗ​ത​മാ​യി മാറ്റി​നിർത്തു​ന്നി​ല്ലാ​ത്ത​തി​നാൽ അവർ നിരാ​ശ​രാ​കാ​നുള്ള സാധ്യ​ത​യും കുറവാണ്‌.

ദത്തെടു​ക്കാ​നാ​ഗ്ര​ഹി​ക്കു​ന്ന​വർക്കു പ്രായ​പ​രി​ധി വയ്‌ക്കാ​റുണ്ട്‌, അതായത്‌ മുപ്പത്ത​ഞ്ചി​നോ നാൽപ്പ​തി​നോ അടുത്ത പ്രായം. എന്നാൽ ഇതു പലപ്പോ​ഴും ശിശു​ക്കളെ ദത്തെടു​ക്കുന്ന കാര്യ​ത്തിൽ മാത്രമേ ബാധക​മാ​കു​ന്നു​ള്ളൂ, മുതിർന്ന കുട്ടി​ക​ളു​ടെ കാര്യ​ത്തിൽ ഇത്‌ ആവശ്യമല്ല. ഭാവി​മാ​താ​പി​താ​ക്ക​ളു​ടെ ആയുർപ്ര​തീക്ഷ കണക്കി​ലെ​ടു​ത്താ​ണു പ്രായ​പ​രി​ധി നിശ്ചയി​ക്കു​ന്ന​തെന്നു ദത്തെടു​ക്കൽ സൊ​സൈ​റ്റി​കൾ പറയുന്നു. എങ്കിലും, പ്രായ​മേ​റു​ന്തോ​റും വില​യേ​റിയ അനുഭ​വ​പ​രി​ച​യ​ങ്ങ​ളും ഏറു​മെന്ന്‌ അവർക്ക​റി​യാം.

വർഷങ്ങൾക്കു മുമ്പ്‌, വിവാ​ഹി​ത​രായ ദമ്പതി​ക​ളു​മാ​യി മാത്രമേ ദത്തെടു​ക്ക​ലി​നുള്ള ക്രമീ​ക​രണം ചെയ്യാ​നാ​കു​മാ​യി​രു​ന്നു​ള്ളൂ. ഇക്കാലത്ത്‌ അവിവാ​ഹി​ത​രാ​യ​വർക്കും ചില കുട്ടി​കളെ ദത്തെടു​ക്കു​ന്ന​തി​നു വിജയ​പ്ര​ദ​മാ​യി അപേക്ഷി​ക്കാം. കൂടാതെ, തൊഴി​ലി​ല്ലാ​യ്‌മ​യോ വൈക​ല്യ​മോ ഭാവി​മാ​താ​പി​താ​ക്കളെ പിന്തള്ളാ​നുള്ള കാരണ​ങ്ങ​ളാ​യി​രി​ക്ക​ണ​മെ​ന്നില്ല. ഈ ക്രമീ​ക​രണം കുട്ടിക്ക്‌ എന്തു വാഗ്‌ദാ​നം ചെയ്യു​മെ​ന്ന​താണ്‌ അടിസ്ഥാന ചോദ്യം.

ഒടുവിൽ ഒരു ദത്തെടു​ക്കൽ തീരു​മാ​നി​ച്ചു​റ​പ്പി​ച്ചെ​ങ്കിൽപോ​ലും, കാര്യങ്ങൾ നന്നായി പോകു​ന്നു​വെന്ന്‌ ഉറപ്പു​വ​രു​ത്താൻ മാതാ​പി​താ​ക്കളെ കൂടെ​ക്കൂ​ടെ നിരീ​ക്ഷി​ക്കാ​വു​ന്ന​താണ്‌.

മറ്റൊരു വർഗത്തിൽനി​ന്നോ?

മുപ്പതു വർഷങ്ങൾക്കു മുമ്പ്‌, ബ്രിട്ട​നി​ലെ കറുത്ത​വം​ശ​ജ​രായ കുട്ടി​കളെ കറുത്ത​വം​ശ​ത്തിൽപെട്ട കുടും​ബ​ങ്ങൾക്കു ദത്തു നൽകുക പ്രയാ​സ​ക​ര​മാ​യി​രു​ന്ന​തി​നാൽ ഒട്ടുമി​ക്ക​വ​രെ​യും വെള്ളക്കാ​രായ മാതാ​പി​താ​ക്ക​ളാ​ണു ദത്തെടു​ത്തത്‌. 1989 മുതൽ കുട്ടി​കളെ ഒരേ വർഗീയ പശ്ചാത്ത​ല​ത്തിൽനി​ന്നുള്ള മാതാ​പി​താ​ക്കൾക്കു ദത്തു നൽകു​ന്നതു ബ്രിട്ട​നിൽ ഒരു ദേശീ​യ​ന​യ​മാ​യി​ത്തീർന്നി​രി​ക്കു​ന്നു. ഇപ്രകാ​രം ഒരു കുട്ടി തന്റെ വംശവു​മാ​യും സംസ്‌ക്കാ​ര​വു​മാ​യും കൂടുതൽ നന്നായി പൊരു​ത്ത​പ്പെ​ടു​മെന്നു കരുതു​ന്നു. എങ്കിലും ഇതു വിരോ​ധാ​ഭാ​സ​പ​ര​മായ ചില സാഹച​ര്യ​ങ്ങ​ളി​ലേക്കു നയിച്ചി​ട്ടുണ്ട്‌.

ഒരു കറുത്ത കുട്ടിയെ ദത്തെടു​ക്കാൻ പ്രാപ്‌ത​രാ​ക്കു​ന്ന​തി​നു വെള്ളക്കാ​രായ ചില മാതാ​പി​താ​ക്കളെ “‘കറുത്ത​വം​ശ​ജരാ’യി പുനഃ​വർഗീ​ക​രണം ചെയ്‌തു”വെന്നു ദ സൺഡെ ടൈംസ്‌ ഈയിടെ റിപ്പോർട്ടു ചെയ്‌തു. വെള്ളക്കാ​രായ മാതാ​പി​താ​ക്കൾ ഒരു കറുത്ത കുട്ടിയെ പരിപാ​ലി​ക്ക​ന്നത്‌ അസാധാ​ര​ണമല്ല, ഒരു താത്‌കാ​ലിക അടിസ്ഥാ​ന​ത്തി​ലാണ്‌ അവർ കുട്ടിയെ സംരക്ഷി​ക്കു​ന്ന​തെ​ന്നർഥം. എന്നാൽ, പിന്നീട്‌ ആ കുട്ടിയെ സ്ഥിരമാ​യി ദത്തെടു​ക്കു​ന്ന​തി​നുള്ള അവകാശം നിഷേ​ധി​ക്ക​പ്പെ​ടു​മ്പോ​ഴുള്ള പരിണ​ത​ഫലം കുട്ടി​ക്കും മാതാ​പി​താ​ക്കൾക്കും ഒരു​പോ​ലെ ഉണ്ടാകുന്ന വൈകാ​രിക ക്ഷതമാണ്‌.

ഇന്ത്യാ​ക്കാ​രാ​യ രണ്ടു കുട്ടി​കളെ ആറു വർഷ​ത്തോ​ളം വളർത്തി​ക്കൊ​ണ്ടു​വന്ന ഒരു സ്‌ക്കോ​ട്ടിഷ്‌ ദമ്പതി​കൾക്ക്‌ ഇത്തരത്തി​ലുള്ള സമ്മി​ശ്ര​വർഗ ദത്തെടു​ക്ക​ലി​ന്റെ പ്രശ്‌നം നേരി​ടേണ്ടി വന്നു. മാതാ​പി​താ​ക്കൾ “കുട്ടി​കളെ തങ്ങളുടെ [വംശീയ] താദാ​ത്‌മ്യ​ത്തെ​പ്പറ്റി ബോധ​മു​ള്ള​വ​രാ​ക്കു​മെ​ന്നും അവരുടെ വംശീയ ഉത്‌പ​ത്തി​യെ​യും പാരമ്പ​ര്യ​ങ്ങ​ളെ​യും സംബന്ധിച്ച ധാരണ​യോ​ടെ വളർത്തി​ക്കൊ​ണ്ടു​വ​രാൻ തങ്ങളാൽ കഴിയു​ന്ന​തെ​ല്ലാം ചെയ്യു​മെന്നു”മുള്ള ധാരണ​യി​ന്മേൽ കോടതി ദത്തെടുപ്പ്‌ അനുവ​ദി​ച്ച​താ​യി ദ ടൈംസ്‌ റിപ്പോർട്ടു ചെയ്യുന്നു. ഈ സംഗതി​യിൽ ദത്തെടുത്ത മാതാ​പി​താ​ക്കൾ മുമ്പു​തന്നെ അപ്രകാ​രം ചെയ്യു​ന്നു​ണ്ടാ​യി​രു​ന്നു. കുട്ടി​കളെ പഞ്ചാബി പഠിപ്പി​ച്ചി​രു​ന്ന​തി​നു​പു​റമേ ചില​പ്പോൾ അവരെ തങ്ങളുടെ ദേശീയ വേഷഭൂ​ഷാ​ദി​കൾ അണിയി​ച്ചി​രു​ന്നു.

സമ്മി​ശ്ര​വർഗ ദത്തെടു​ക്കൽ കൂടുതൽ ഉദാര​മാ​യി അനുവ​ദി​ക്ക​ണ​മെന്നു പറഞ്ഞ ഒരു ബ്രിട്ടീഷ്‌ സാമൂ​ഹിക സേവന​വി​ഭാ​ഗ​ത്തി​ന്റെ വനിതാ വക്താവി​ന്റെ വീക്ഷണ​ഗ​തി​ക​ളോ​ടു പലരും യോജി​ക്കും. “നമ്മൾ ബഹുമു​ഖ​സം​സ്‌ക്കാ​ര​മുള്ള ഒരു സമൂഹ​ത്തി​ലാ​ണു ജീവി​ക്കു​ന്നത്‌, ദത്തെടു​ക്ക​ലും പരിപാ​ല​ന​വും അതു പ്രതി​ഫ​ലി​പ്പി​ക്കണം,” അവർ പറഞ്ഞു.

വിദേ​ശ​ത്തു​നി​ന്നോ?

ദി ഇൻഡി​പ്പെ​ന്റൻറ്‌ പത്രം പറയു​ന്ന​ത​നു​സ​രിച്ച്‌, വിദേ​ശ​രാ​ജ്യ​ങ്ങ​ളിൽനി​ന്നുള്ള കുട്ടി​ക​ളു​ടെ ദത്തെടു​ക്കൽ, തഴച്ചു​വ​ള​രുന്ന ഒരു വാണി​ജ്യ​മാണ്‌. ചില ഇടപാ​ടു​കൾ നിയമാ​നു​സൃ​ത​മ​ല്ലാ​ത്ത​വ​യാ​യി​രി​ക്കാ​മെന്നു റിപ്പോർട്ടു​കൾ സൂചി​പ്പി​ക്കു​ന്നു​ണ്ടെ​ങ്കി​ലും, കിഴക്കൻ യൂറോ​പ്പിൽനി​ന്നാണ്‌ ബ്രിട്ടൻ കൂടു​ത​ലാ​യും കുട്ടി​കളെ ദത്തെടു​ക്കു​ന്നത്‌.

ദൃഷ്ടാ​ന്ത​ത്തിന്‌, മുൻ യുഗോ​സ്ലാ​വ്യ​യു​ടെ തകർച്ച​യു​ടെ സമയത്തു ബലാൽസം​ഗ​ത്തി​ന്റെ ഫലമായി ജനിച്ച ശിശുക്കൾ ഉപേക്ഷി​ക്ക​പ്പെ​ട്ടി​ട്ടുണ്ട്‌. മാസം തികഞ്ഞു കുട്ടിയെ പ്രസവി​ക്കു​ന്ന​പക്ഷം ദത്തെടു​ക്കൽ വാഗ്‌ദാ​നം ചെയ്യുന്ന ഒരു “ശിശു ദല്ലാളി”ന്റെ ഇടപെ​ട​ലി​ല്ലാ​യി​രു​ന്നെ​ങ്കിൽ മറ്റുചില ശിശുക്കൾ ഗർഭച്ഛി​ദ്ര​ത്തിന്‌ ഇരയാ​കു​മാ​യി​രു​ന്നു എന്ന്‌ അവകാ​ശ​പ്പെ​ടു​ന്നു. എന്നാൽ പാശ്ചാ​ത്യ​രാ​ജ്യ​ങ്ങ​ളി​ലെ ഗവൺമെൻറു​കൾക്ക്‌, ഇവയിൽ ചില ദത്തെടു​ക്ക​ലു​കൾ ശരിയാ​ക്കു​ന്ന​തി​നു നൽകുന്ന പണത്തെ സംബന്ധി​ച്ചാണ്‌ ഉത്‌കണ്‌ഠ.

കൂടുതൽ ഉത്‌ക​ണ്‌ഠ​യ്‌ക്കു വകനൽകുന്ന മറ്റൊരു സംഗതി, ജനനസ​മ​യത്തു ഡോക്ടർമാർ നടത്തുന്ന വ്യാജ​പ്ര​സ്‌താ​വ​ന​ക​ളാണ്‌. ഉക്രെ​യി​നി​ലെ ചില അമ്മമാ​രോട്‌, അവർ പ്രസവി​ച്ചതു ചാപി​ള്ള​ക​ളാ​യി​രു​ന്നു​വെന്നു പറഞ്ഞതാ​യുള്ള ആരോ​പ​ണ​ങ്ങ​ളെ​ക്കു​റിച്ച്‌ ദി യൂറോ​പ്യൻ എന്ന വർത്തമാ​ന​പ​ത്രം റിപ്പോർട്ടു ചെയ്‌തു. ഈ ശിശു​ക്കളെ പിന്നീടു വിറ്റതാ​യും പറയ​പ്പെ​ടു​ന്നു. മറ്റു ചില അമ്മമാ​രോ​ടു പറഞ്ഞത്‌ അവരുടെ കുട്ടികൾ മാനസിക വൈക​ല്യ​മു​ള്ള​വ​രാ​യി​രു​ന്നു​വെ​ന്നാ​യി​രി​ക്കാം. ഇത്തരത്തി​ലുള്ള സമ്മർദ​ത്തിൻകീ​ഴിൽ, പരി​ഭ്രാ​ന്ത​രായ അമ്മമാർ തങ്ങളുടെ മക്കളെ ഒപ്പിട്ടു ദത്തു നൽകാൻ സ്വാധീ​നി​ക്ക​പ്പെ​ടു​ന്നു. ഇനിയും മറ്റുചില കുട്ടി​ക​ളാ​കട്ടെ, തങ്ങൾ അയയ്‌ക്ക​പ്പെട്ട അനാഥാ​ല​യ​ങ്ങ​ളിൽ എത്തുന്ന​തി​നു​പ​കരം വിദേ​ശ​രാ​ജ്യ​ങ്ങ​ളി​ലാ​യി​രി​ക്കാം എത്തി​പ്പെ​ടു​ന്നത്‌.

വികസ്വ​ര​രാ​ഷ്ട്ര​ങ്ങ​ളിൽ അമർഷം നുരഞ്ഞു​പൊ​ങ്ങു​ന്നു. സമ്പത്‌സ​മൃ​ദ്ധ​മായ പടിഞ്ഞാറ്‌, ദത്തെടുത്ത്‌ കുട്ടി​കളെ ഒരു വിദേ​ശ​സം​സ്‌ക്കാ​ര​ത്തി​ലേക്കു കൊണ്ടു​പോ​കു​ന്ന​തി​നു​പ​കരം അവരെ സ്വരാ​ജ്യ​ത്തെ പരിസ്ഥി​തി​യിൽതന്നെ സംരക്ഷി​ക്കു​ന്ന​തി​നാ​യി തദ്ദേശ കുടും​ബ​ങ്ങളെ കൂടുതൽ സഹായി​ക്കു​ക​യാ​ണു വേണ്ടതെന്ന അവകാ​ശ​വാ​ദം അവർ ഉന്നയി​ക്കു​ന്നു.

ഒട്ടുമിക്ക സംസ്‌ക്കാ​ര​ങ്ങ​ളി​ലും, സമുദാ​യ​ത്തി​ന്റെ നട്ടെല്ലായ വിസ്‌തൃ​ത​കു​ടും​ബ​മെന്ന യുഗങ്ങ​ളോ​ളം പഴക്കമുള്ള സമ്പ്രദാ​യ​വും പാശ്ചാ​ത്യ​രാ​ജ്യ​ങ്ങൾ മനസ്സി​ലാ​ക്കണം. മാതാ​പി​താ​ക്കൾ മരിച്ചാ​ലും സ്വജാ​തി​ക്കാർക്കി​ട​യിൽ ജീവി​ക്കു​മ്പോൾ, സാധാ​ര​ണ​നി​ല​യിൽ കുട്ടി ഒരിക്ക​ലും സംരക്ഷി​ക്ക​പ്പെ​ടാ​തി​രി​ക്കില്ല. അടുത്ത കുടും​ബാം​ഗ​ങ്ങ​ളായ അപ്പൂപ്പ​നും അമ്മൂമ്മ​യ്‌ക്കും​പു​റമെ, അമ്മായി​മാ​രും അമ്മാവൻമാ​രും ഉൾപ്പെട്ട വലിയ കുടും​ബം കുട്ടിയെ തങ്ങളു​ടേ​താ​യി കരുതും. മാത്രമല്ല, ദത്തെടു​ക്ക​ലി​നാ​യുള്ള എന്തെങ്കി​ലും അഭ്യർഥ​നകൾ തെറ്റി​ദ്ധ​രി​ക്ക​പ്പെ​ടാ​നും ഒരു അനാവശ്യ ഇടപെ​ട​ലാ​യി വീക്ഷി​ക്ക​പ്പെ​ടാ​നും ഇടയുണ്ട്‌.a

ഒരു ദത്തെടു​ക്കൽ ക്രമീ​ക​രി​ക്കു​ന്നത്‌ എളുപ്പമല്ല. അതു തീരു​മാ​നി​ച്ചു​റ​പ്പി​ച്ചെ​ങ്കിൽപോ​ലും, അതു വിജയ​പ്ര​ദ​മാ​ക്കാൻ കഠിനാ​ധ്വാ​നം ആവശ്യ​മാണ്‌. എന്നാൽ നമ്മൾ കാണാൻപോ​കു​ന്ന​തു​പോ​ലെ ഏറെ സന്തോ​ഷ​ങ്ങ​ളും അതിലുണ്ട്‌.

[അടിക്കു​റിപ്പ്‌]

[5-ാം പേജിലെ ചതുരം]

എന്റെ മകൻ എന്നെ അന്വേ​ഷി​ക്കു​മോ?

എനിക്കു 11 വയസ്സു​ണ്ടാ​യി​രു​ന്ന​പ്പോൾ എന്റെ മാതാ​പി​താ​ക്കൾ വിവാ​ഹ​മോ​ചനം നേടി. സ്‌നേ​ഹ​ത്തി​നാ​യി ഞാൻ ഉഴന്നു. കോ​ളേ​ജി​ലാ​യി​രു​ന്ന​പ്പോൾ ഞാൻ ഒരു പ്രണയ​ബ​ന്ധ​ത്തി​ലേർപ്പെട്ടു; സ്‌നേഹം സമ്പാദി​ക്കാ​നുള്ള എന്റെ മാർഗ​മാ​യി​രു​ന്നു അത്‌. എന്റെ മനോ​വ്യ​ഥക്ക്‌ ആക്കംകൂ​ട്ടു​ന്ന​വി​ധം ഞാൻ ഗർഭി​ണി​യാ​ണെന്നു കണ്ടെത്തി. അത്‌ ഏറെ ആക്ഷേപ​ക​ര​മാ​യി​രു​ന്നു. ഞാനും എന്റെ സഹവി​ദ്യാർഥി​യും പക്വത​യെ​ത്താ​ത്ത​വ​രാ​യി​രു​ന്നു. ഞാൻ ഒരിക്ക​ലും മയക്കു​മ​രു​ന്നോ മദ്യമോ പുകയി​ല​യോ ഉപയോ​ഗി​ച്ചി​രു​ന്നില്ല. എന്നാൽ എന്റെ കാമുകൻ എൽഎസ്‌ഡി ഉപയോ​ഗി​ച്ച​നാൾമു​തൽ വഷളാ​യി​ത്തീർന്നി​രു​ന്നു.

ഗർഭച്ഛി​ദ്രം നടത്താ​നുള്ള ഉപദേശം എനിക്കു ലഭിച്ചു. എന്നാൽ എന്റെ പിതാവ്‌ അതിൽനി​ന്നും എന്നെ പറഞ്ഞു പിന്തി​രി​പ്പി​ച്ചു. ഗർഭവ​തി​യാ​കാൻ എനിക്ക്‌ ഇഷ്ടമി​ല്ലാ​യി​രു​ന്നു, ഒപ്പം ഒരു ജീവൻ നശിപ്പി​ക്കാ​നും. 1978-ൽ എന്റെ മകൻ ജനിച്ച​പ്പോൾ, അവന്റെ ജനനസർട്ടി​ഫി​ക്ക​റ്റിൽ പിതാ​വി​ന്റെ പേരു നൽകി​ല്ലെന്നു ഞാൻ തീർച്ച​യാ​ക്കി. പിതാ​വിന്‌ അവനു​മാ​യി ബന്ധമു​ണ്ടാ​യി​രി​ക്ക​രു​തെന്ന്‌ ഉറപ്പു​വ​രു​ത്താ​നാ​യി​രു​ന്നു അത്‌. യഥാർഥ​ത്തിൽ, ജനിച്ച​യു​ടൻ കുട്ടിയെ ദത്തുനൽകാ​മെന്നു ഞാൻ സമ്മതിച്ചു. അതു​കൊണ്ട്‌ അവനെ ഉടൻതന്നെ എന്റെയ​ടു​ക്കൽനി​ന്നു​മാ​റ്റി നേരെ ഒരു താത്‌കാ​ലി​ക​സം​ര​ക്ഷ​ണ​കേ​ന്ദ്ര​ത്തിൽ ഏൽപ്പിച്ചു. ഞാൻ അവനെ കണ്ടതു​പോ​ലു​മില്ല. പിന്നെ ഞാൻ എന്റെ മനസ്സു​മാ​റ്റി. എന്റെ കുഞ്ഞിനെ സംരക്ഷ​ണ​കേ​ന്ദ്ര​ത്തിൽനി​ന്നും കൊണ്ടു​വന്ന്‌ സ്വയം അവനെ വളർത്തി​ക്കൊ​ണ്ടു​വ​രാൻ ഞാൻ കഠിന​മാ​യി ശ്രമിച്ചു. എന്നാൽ എനിക്ക​തി​നാ​യില്ല. ഞാൻ വൈകാ​രി​ക​മാ​യി തകരു​മെന്ന ഘട്ടത്തോ​ള​മെത്തി.

ദത്തെടു​ക്ക​ലിന്‌ ഉത്തരവി​ട്ട​പ്പോൾ എന്റെ മകന്‌ ആറു മാസ​ത്തോ​ട​ടു​ത്തു പ്രായ​മാ​ണു​ണ്ടാ​യി​രു​ന്നത്‌. അങ്ങനെ എനിക്ക്‌ അവനെ വിട്ടു​കൊ​ടു​ക്കേണ്ടി വന്നു. ആരോ എന്നെ ഒരു കഠാര​കൊ​ണ്ടു കുത്തി​യ​തു​പോ​ലെ അനുഭ​വ​പ്പെ​ട്ട​താ​യി ഞാനോർക്കു​ന്നു. വൈകാ​രി​ക​മാ​യി ഞാൻ മരിച്ചു. വിദഗ്‌ധ ബുദ്ധ്യു​പ​ദേശം ലഭിച്ച​തി​നു​ശേഷം മാത്രമേ, കഴിഞ്ഞ രണ്ടുവർഷ​ത്തോ​ള​മാ​യി എനിക്ക്‌ അർഥപൂർണ​മായ ബന്ധങ്ങൾ കെട്ടി​പ്പ​ടു​ക്കാൻ സാധി​ച്ചു​ള്ളൂ. എനിക്കു ദുഃഖി​ക്കാ​നാ​കു​മാ​യി​രു​ന്നില്ല, കാരണം എന്റെ മകൻ മരിച്ചി​ട്ടു​ണ്ടാ​യി​രു​ന്നില്ല. എന്നാൽ അവനെ​ക്കു​റി​ച്ചോർക്കാ​നും എനിക്കാ​കു​മാ​യി​രു​ന്നില്ല—അങ്ങനെ ചെയ്യാൻ ഞാൻ സ്വയം വിസമ്മ​തി​ച്ചു. അതു വല്ലാത്ത ഒന്നായി​രു​ന്നു.

“നിങ്ങളു​ടെ കുഞ്ഞിനെ ദത്തുനൽകു​ക​യാ​ണെ​ങ്കിൽ, നിങ്ങൾ കുഞ്ഞിനെ സ്‌നേ​ഹി​ക്കു​ന്നി​ല്ലെ​ന്നാണ്‌ അർഥം” എന്നൊക്കെ ആളുകൾ പറയു​ന്ന​താണ്‌ ഏറ്റവും മുറി​പ്പെ​ടു​ത്തു​ന്നത്‌. എന്നാൽ എന്റെ കാര്യ​ത്തിൽ അതു സത്യമാ​യി​രു​ന്നില്ല! എന്റെ മകനെ സ്‌നേ​ഹി​ച്ചി​രു​ന്ന​തു​കൊ​ണ്ടാണ്‌ ഞാൻ അവനെ വിട്ടു​കൊ​ടു​ത്തത്‌! ‘ഞാൻ ഇനി എന്തു​ചെ​യ്യും? എനി​ക്കെ​ന്തു​ചെ​യ്യാൻ കഴിയും?’ എന്ന്‌ അവസാ​ന​നി​മി​ഷം​വരെ ഞാൻ സ്വയം ചോദി​ച്ചു​കൊ​ണ്ടി​രു​ന്നു. വേറൊ​രു മാർഗ​വു​മി​ല്ലാ​യി​രു​ന്നു. എനിക്കു പോരാ​ടി ജയിക്കാ​നാ​വി​ല്ലെ​ന്നും ഞാൻ അവനെ വെച്ചു​കൊ​ണ്ടി​രി​ക്കാൻ ശ്രമി​ച്ചാൽ എന്റെ കുഞ്ഞ്‌ കഷ്ടപ്പെ​ടേ​ണ്ടി​വ​രു​മെ​ന്നും എനിക്ക​റി​യാ​മാ​യി​രു​ന്നു.

ഇംഗ്ലണ്ടി​ലെ സമൂഹം ഇപ്പോൾ മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ങ്ങളെ സ്വീക​രി​ക്കു​ന്നു—എന്നാൽ ഞാൻ കുട്ടിക്കു ജന്മം നൽകിയ കാലത്ത്‌ അങ്ങനെ​യ​ല്ലാ​യി​രു​ന്നു. എന്റെ മകനെ ശരിയാ​യ​വി​ധം സംരക്ഷി​ക്കാ​നാ​യി​രു​ന്നെ​ങ്കിൽ എന്നു ഞാൻ ആശിക്കു​ന്നു. ഈയിടെ എനിക്കു ലഭിച്ച ബുദ്ധ്യു​പ​ദേശം സഹായ​ക​ര​മാ​യേനെ എന്നു ഞാൻ വിചാ​രി​ക്കു​ന്നു, എന്നാൽ ഇപ്പോൾ അതു വളരെ വൈകി​യി​രി​ക്കു​ന്നു. എന്റെ മകൻ ഇപ്പോ​ഴും ജീവി​ച്ചി​രി​പ്പു​ണ്ടാ​യി​രി​ക്കു​മോ? അവൻ വളർന്ന്‌ ഇപ്പോൾ ഏതുത​ര​ക്കാ​ര​നാ​യി​രി​ക്കും? 18 വയസ്സാ​യാൽ കുട്ടി​കൾക്കു തങ്ങളുടെ മാതാ​പി​താ​ക്കളെ അന്വേ​ഷി​ക്കാൻ നിയമ​പ​ര​മാ​യി അവകാ​ശ​മുണ്ട്‌. എന്റെ മകൻ എന്നെ അന്വേ​ഷി​ക്കു​മോ​യെന്നു പലപ്പോ​ഴും ഞാൻ ചിന്തി​ക്കാ​റുണ്ട്‌.—സംഭാവന ചെയ്യ​പ്പെ​ട്ടത്‌.

[8-ാം പേജിലെ ചതുരം/ചിത്രം]

അതു ഞങ്ങളുടെ കാര്യ​ത്തിൽ വിജയി​ച്ചു

കൗമാ​ര​പ്രാ​യ​ക്കാ​രായ രണ്ട്‌ ആൺമക്ക​ളുള്ള, സംതൃ​പ്‌ത​വും ഒരുമ​യു​ള്ള​തു​മായ ഒരു ഇംഗ്ലീഷ്‌ കുടും​ബ​മാ​യി​രു​ന്നു ഞങ്ങളു​ടേത്‌. ഒരു മകൾ—അതും ഒരു വ്യത്യസ്‌ത വംശത്തിൽപെ​ട്ടവൾ—ഉണ്ടായി​രി​ക്കു​ക​യെന്ന ആശയം ഒരിക്ക​ലും ഞങ്ങളുടെ മനസ്സി​ലു​ദി​ച്ചി​രു​ന്നില്ല. പിന്നീടു കേത്തി ഞങ്ങളുടെ ജീവി​ത​ത്തി​ലേക്കു കടന്നു​വന്നു. ഇംഗ്ലണ്ടിൽ ലണ്ടനി​ലാ​ണു കേത്തി ജനിച്ചത്‌. ഒരു റോമൻ കത്തോ​ലി​ക്ക​യാ​യാണ്‌ അവളെ വളർത്തി​ക്കൊ​ണ്ടു​വ​ന്നത്‌. എന്നാൽ ഒരു ചെറി​യ​കു​ട്ടി​യാ​യി​രി​ക്കു​മ്പോൾതന്നെ തന്റെ അമ്മയോ​ടൊ​പ്പം യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളിൽ അവൾ ഏതാനും യോഗ​ങ്ങ​ളിൽ സംബന്ധി​ച്ചി​ട്ടുണ്ട്‌. 10 വയസ്സു​ള്ള​പ്പോൾ അവളെ കുട്ടി​കൾക്കാ​യുള്ള ഒരു പരിപാ​ല​ന​കേ​ന്ദ്ര​ത്തി​ലാ​ക്കി.

അവിടെ കാര്യങ്ങൾ ഏറെ പ്രയാ​സ​ക​ര​മാ​യി​രു​ന്നെ​ങ്കി​ലും, തനിച്ച്‌ രാജ്യ​ഹാ​ളി​ലെ യോഗ​ങ്ങ​ളിൽ സംബന്ധി​ക്കാൻ എങ്ങനെ​യോ അവൾക്കു സാധി​ച്ചി​രു​ന്നു. അവി​ടെ​വെ​ച്ചാ​ണു ഞങ്ങൾ അവളെ കണ്ടുമു​ട്ടു​ന്ന​തും. കേത്തി നല്ല വിവേ​ക​മുള്ള ഒരു പെൺകു​ട്ടി​യാ​യി​രു​ന്നു. ഞാനും എന്റെ ഭാര്യ​യും കുട്ടി​കൾക്കുള്ള പരിപാ​ല​ന​കേ​ന്ദ്ര​ത്തിൽ അവളെ സന്ദർശി​ച്ച​പ്പോൾ, മറ്റു പെൺകു​ട്ടി​കൾ ഒട്ടിച്ചു​വെ​ച്ചി​ട്ടുള്ള പോപ്‌താ​ര​ങ്ങ​ളു​ടെ പോസ്റ്റ​റു​ക​ളിൽനി​ന്നു വ്യത്യ​സ്‌ത​മാ​യി അവളുടെ കിടക്ക​യ്‌ക്ക​രി​കി​ലുള്ള ചുവർ, മൃഗങ്ങ​ളു​ടെ പടങ്ങളും ഗ്രാമീണ ദൃശ്യ​ങ്ങ​ളും​കൊ​ണ്ടു നിറഞ്ഞി​രു​ന്ന​താ​യി ഞങ്ങൾ ശ്രദ്ധിച്ചു.

കുറച്ചു​നാൾ കഴിഞ്ഞ​പ്പോൾ കേത്തിക്ക്‌ ഒരു കമ്മിറ്റി​യു​ടെ മുമ്പാകെ ഹാജരാ​കേ​ണ്ടി​വന്നു. പരിപാ​ല​ന​കേ​ന്ദ്രം​വിട്ട്‌ ഒരു കുടും​ബ​ത്തോ​ടൊ​പ്പം കഴിയാൻ താത്‌പ​ര്യ​മു​ണ്ടോ എന്ന്‌ അവർ അവളോ​ടു ചോദി​ച്ചു. “യഹോ​വ​യു​ടെ സാക്ഷി​ക​ളു​ടെ ഒരു കുടും​ബ​ത്തോ​ടൊ​പ്പം​മാ​ത്രം,” അവൾ മറുപടി നൽകി. കേത്തി ഇതേക്കു​റി​ച്ചും അവൾ പറഞ്ഞതി​നെ​ക്കു​റി​ച്ചും ഞങ്ങളെ അറിയി​ച്ച​പ്പോൾ അതു ഞങ്ങൾക്കു ചിന്തി​ക്കാൻ വകനൽകി. ഞങ്ങൾക്ക്‌ ഒരു കിടപ്പു​മു​റി അധിക​മു​ണ്ടാ​യി​രു​ന്നു. ഇത്തരത്തി​ലുള്ള ഒരു ചുമതല ഞങ്ങൾക്ക്‌ ഏറ്റെടു​ക്കാ​നാ​വു​മോ? കുടും​ബം ഒത്തൊ​രു​മി​ച്ചു ഞങ്ങൾ ഇതി​നെ​ക്കു​റി​ച്ചു സംസാ​രി​ക്കു​ക​യും പ്രാർഥി​ക്കു​ക​യും ചെയ്‌തു. ഈ സമീപനം—കുട്ടി​യു​ടെ അഭി​പ്രാ​യം ആരായുക എന്നത്‌—സാമൂ​ഹിക സേവന​വി​ഭാ​ഗ​ത്തി​ന്റെ പക്ഷത്തു​നി​ന്നുള്ള ഒരു പുതിയ ശ്രമമാ​യി​രു​ന്നെന്ന്‌ ഏറെക്ക​ഴി​ഞ്ഞാ​ണു ഞങ്ങൾക്കു മനസ്സി​ലാ​യത്‌. അന്ന്‌, ഈ രീതി പരീക്ഷിച്ച്‌ ഫലങ്ങൾ രേഖയി​ലാ​ക്കി​ക്കൊ​ണ്ടി​രി​ക്കു​ക​യാ​യി​രു​ന്നു.

സാമൂ​ഹിക സേവന​വി​ഭാ​ഗം പോലീ​സി​നോ​ടും ഞങ്ങളുടെ ഡോക്ട​റോ​ടും ഞങ്ങളെ​ക്കു​റിച്ച്‌ അന്വേ​ഷിച്ച്‌ വ്യക്തിഗത വിവരങ്ങൾ മനസ്സി​ലാ​ക്കി. താമസി​യാ​തെ, ഒരു കരാർ രൂപീ​ക​രി​ക്ക​പ്പെട്ടു. ഞങ്ങൾക്കു കേത്തിയെ ഒരു പരീക്ഷ​ണാ​ടി​സ്ഥാ​ന​ത്തിൽ കൊണ്ടു​പോ​കാ​മെ​ന്നും അവളെ ഇഷ്ടമി​ല്ലാ​തെ​വ​രു​ന്ന​പക്ഷം തിരി​ച്ച​യ​യ്‌ക്കാ​മെ​ന്നും ഞങ്ങളോ​ടു പറഞ്ഞു! ഇതു ഞങ്ങളെ സംഭ്ര​മി​പ്പി​ച്ചു. ഞങ്ങൾ അതൊ​രി​ക്ക​ലും ചെയ്യി​ല്ലെന്നു തറപ്പിച്ചു പറഞ്ഞു. ഞങ്ങൾ ഔദ്യോ​ഗി​ക​മാ​യി കേത്തിയെ വീട്ടി​ലേക്കു കൊണ്ടു​പോ​കു​മ്പോൾ അവൾക്കു 13 വയസ്സാ​യി​രു​ന്നു.

ഞങ്ങൾക്കേ​വർക്കു​മി​ട​യി​ലുള്ള അതിവി​ശി​ഷ്ട​മായ സ്‌നേ​ഹ​ബന്ധം ശക്തി​പ്പെ​ട്ടു​കൊ​ണ്ടേ​യി​രി​ക്കു​ന്നു. കേത്തി ഇപ്പോൾ ലണ്ടന്റെ വടക്കു​ഭാ​ഗത്തു യഹോ​വ​യു​ടെ സാക്ഷി​ക​ളു​ടെ ഒരു ഫ്രഞ്ച്‌ സഭയോ​ടൊ​ത്തു പയനി​യ​റാ​യി (ഒരു മുഴു​സമയ സുവി​ശേ​ഷ​ക​യാ​യി) സേവന​മ​നു​ഷ്‌ഠി​ക്കു​ന്നു. പയനി​യ​റി​ങ്ങി​നാ​യി വീടു വിട്ട​പ്പോൾ, അവൾ ഞങ്ങൾക്കു ഹൃദയ​സ്‌പർശി​യായ ഒരു കുറി​പ്പെ​ഴു​തി: “‘നിങ്ങളു​ടെ കുടും​ബം നിങ്ങൾക്കു തിര​ഞ്ഞെ​ടു​ക്കാ​നാ​വില്ല’ എന്ന ഒരു ചൊല്ലുണ്ട്‌. എങ്കിലും എന്നെ തിര​ഞ്ഞെ​ടു​ത്ത​തിൽ ഹൃദയ​പൂർവം ഞാൻ നിങ്ങൾക്കു നന്ദി പറയുന്നു.”

കേത്തി വന്നു​ചേർന്ന​തിൽ ഞങ്ങൾ ഏറെ കൃതാർഥ​രാണ്‌! അവളെ ഞങ്ങളുടെ കുടും​ബ​ത്തി​ന്റെ ഒരു ഭാഗമാ​ക്കി​യത്‌, ഞങ്ങളുടെ ജീവി​തത്തെ പരിപു​ഷ്ടി​പ്പെ​ടു​ത്തി. അതു ഞങ്ങളുടെ കാര്യ​ത്തിൽ വിജയി​ച്ചു!—സംഭാവന ചെയ്യ​പ്പെ​ട്ടത്‌.

[ചിത്രം]

കേത്തി അവളുടെ വളർത്തു മാതാ​പി​താ​ക്ക​ളോ​ടും സഹോ​ദ​ര​ങ്ങ​ളോ​ടു​മൊത്ത്‌

[7-ാം പേജിലെ ചിത്രം]

ഒട്ടേറെ കുട്ടികൾ മാതാ​പി​താ​ക്ക​ളിൽനി​ന്നുള്ള വാത്സല്യ​ത്തി​നും സംരക്ഷ​ണ​ത്തി​നു​മാ​യി കേഴുന്നു