ദത്തെടു​ക്കൽ—ഞാൻ അതെങ്ങനെ വീക്ഷി​ക്കണം?

ദത്തെടുത്ത മാതാ​പി​താ​ക്കൾ വിവാ​ഹ​മോ​ചനം നേടു​ക​യോ അല്ലെങ്കിൽ പങ്കാളി​ക​ളി​ലൊ​രാൾ മരിക്കു​ക​യോ ചെയ്‌താൽ പ്രശ്‌നങ്ങൾ പൊന്തി​വ​ന്നേ​ക്കാ​മെ​ന്നത്‌ എടുത്തു​പ​റ​യേ​ണ്ട​തി​ല്ല​ല്ലോ. എന്നാൽ സമ്മർദം കൂടുതൽ അനുഭ​വ​പ്പെ​ടു​ന്നതു ദത്തെടു​ക്ക​പ്പെട്ട കുട്ടി​ക്കാ​യി​രി​ക്കും. എന്തു​കൊണ്ട്‌?

നമ്മിൽ ഭൂരി​പക്ഷം ആളുകൾക്കും നമ്മുടെ യഥാർഥ മാതാ​പി​താ​ക്കൾ ആരെന്ന്‌ അറിയാം. ജീവി​ത​ത്തിൽ നേര​ത്തെ​തന്നെ അവരെ നഷ്ടമാ​യി​ട്ടു​ണ്ടെ​ങ്കി​ലും, കണ്ണികൾ മുഴു​മി​പ്പി​ക്കാൻ ഓർമ​ക​ളോ അല്ലെങ്കിൽ മിക്കവാ​റും ഏതാനും ഫോ​ട്ടോ​ക​ളോ നമുക്കു​ണ്ടാ​യി​രി​ക്കും. എന്നാൽ ജനിച്ച​യു​ടൻ ദത്തെടു​ക്ക​പ്പെട്ട ഒരു കുഞ്ഞിനെ സംബന്ധി​ച്ചോ? അമ്മയെ​ക്കു​റി​ച്ചുള്ള വിവരങ്ങൾ ദത്തെടു​പ്പു സൊ​സൈറ്റി സൂക്ഷി​ച്ചു​വ​യ്‌ക്കു​ന്നു​ണ്ടെ​ങ്കി​ലും, ആ വിവരങ്ങൾ കുട്ടി പ്രായ​പൂർത്തി​യാ​കു​ന്ന​തു​വരെ ലഭ്യമാ​ക്കു​ന്നില്ല. മറ്റു ചില സാഹച​ര്യ​ങ്ങ​ളിൽ, ജനനസർട്ടി​ഫി​ക്ക​റ്റിൽ മാതാവു തന്റെ സ്വന്തം പേര്‌ എഴുതു​ക​യും പിതാ​വി​ന്റെ പേര്‌ ഒഴിവാ​ക്കു​ക​യും ചെയ്യുന്നു. ചില ശിശുക്കൾ—അജ്ഞാത​രായ തങ്ങളുടെ മാതാ​പി​താ​ക്ക​ളാൽ ഉപേക്ഷി​ക്ക​പ്പെ​ട്ട​തി​നു​ശേഷം കണ്ടെത്ത​പ്പെട്ട—അനാഥ​ശി​ശു​ക്ക​ളാണ്‌. ഈ സാഹച​ര്യ​ങ്ങ​ളി​ലുള്ള കുട്ടി​ക​ളെ​ല്ലാം​തന്നെ ജഡിക​ബ​ന്ധ​ങ്ങ​ളി​ല്ലാ​ത്ത​വ​രാണ്‌—തങ്ങളുടെ പശ്ചാത്ത​ല​ത്തിൽനി​ന്നോ ഉത്ഭവസ്ഥ​ല​ത്തു​നി​ന്നോ തങ്ങളെ വിച്ഛേ​ദി​ച്ച​തു​പോ​ലെ അവർക്കു തോന്നി​യേ​ക്കാം.

എത്ര​ത്തോ​ളം സ്ഥിരത​യു​ള്ളത്‌?

ഉറപ്പോ​ടെ നിൽക്ക​ണ​മെ​ങ്കിൽ മരങ്ങൾക്കു നല്ല ഒരു വേരു​പ​ടലം ആവശ്യ​മാണ്‌. മൂത്ത ഒരു തടിയി​ലേക്ക്‌ ഒട്ടിച്ചു​ചേർത്ത ഒരു ഇളം​കൊ​മ്പു നന്നായി തഴച്ചു​വ​ളർന്നേ​ക്കാ​മെ​ങ്കി​ലും ചില​പ്പോൾ അതു വാടി​പ്പോ​വു​ക​യോ ഫലം കായ്‌ക്കാ​തി​രി​ക്കു​ക​യോ ചെയ്‌തേ​ക്കാം. അതു​പോ​ലെ​തന്നെ ദത്തെടുത്ത മാതാ​പി​താ​ക്കൾ സാധ്യ​മാ​കു​ന്നി​ട​ത്തോ​ളം ശ്രദ്ധയും സ്‌നേ​ഹ​പൂർവ​മായ പരിച​ര​ണ​വും നൽകി​യേ​ക്കാ​മെ​ങ്കി​ലും, തങ്ങളുടെ യഥാർഥ ജഡിക​ബ​ന്ധ​ങ്ങ​ളിൽനിന്ന്‌ അടർത്തി​മാ​റ്റി​യ​തി​ന്റെ നടുക്ക​ത്തിൽനി​ന്നു ചില കുട്ടികൾ ഒരിക്ക​ലും വിമു​ക്ത​രാ​കു​ക​യില്ല.

കെയ്‌റ്റി​ന്റെ കാര്യ​മെ​ടു​ക്കുക.a വെസ്റ്റ്‌ ഇന്ത്യൻ മാതാ​പി​താ​ക്ക​ളിൽനി​ന്നു ജനിച്ച കൊച്ചു കെയ്‌റ്റി​നെ, സ്‌നേ​ഹ​സ​മ്പ​ന്ന​രും കരുത​ലു​ള്ള​വ​രു​മായ വെള്ളക്കാ​രായ ഒരു ദമ്പതികൾ ദത്തെടു​ത്തു. എന്നാൽ തന്റെ പുതിയ പരിതഃ​സ്ഥി​തി​യു​മാ​യി ഇഴുകി​ച്ചേ​രാൻ അവൾക്കാ​യില്ല. 16-ാം വയസ്സിൽ അവൾ എന്നെ​ന്നേ​ക്കു​മാ​യി വീടു​വി​ട്ടു. പാരു​ഷ്യം അപ്പോ​ഴേ​ക്കും അകാര​ണ​മായ വിദ്വേ​ഷ​മാ​യി മാറി​യി​രു​ന്നു. “എന്റെ അമ്മ എന്തിനാണ്‌ എന്നെ നിങ്ങൾക്കു തന്നത്‌?” ധിക്കാ​ര​ത്തോ​ടെ അവൾ ചോദി​ച്ചു. ദുഃഖ​ക​ര​മെന്നു പറയട്ടെ, ഈ കുടും​ബ​ത്തിന്‌ ആ വിടവു നികത്താ​നാ​യില്ല.

മെർവിൻ, ജനനസ​മ​യത്തു പ്രാ​ദേ​ശിക അധികൃ​ത​രു​ടെ പക്കലും പിന്നീടു വളർത്തു​മാ​താ​പി​താ​ക്ക​ളു​ടെ പക്കലും ഏൽപ്പി​ക്ക​പ്പെട്ടു. ഒമ്പതു മാസം പ്രായ​മു​ള്ള​പ്പോൾ അവൻ ദത്തെടു​ക്ക​പ്പെട്ടു. അരക്ഷി​ത​മായ അവന്റെ ആദ്യ പശ്ചാത്ത​ല​വും അതോ​ടൊ​പ്പം സമ്മി​ശ്ര​വർഗ​ത്തിൽപെ​ട്ട​തി​ലുള്ള വിദ്വേ​ഷ​വും, ഒരു മത്സര മനോ​ഭാ​വ​മാ​യി വികാ​സം​കൊ​ണ്ടു. ഇത്‌ അവന്റെ​മേൽ ഏറെ വിനവ​രു​ത്തി​വ​ച്ചെ​ന്നു​മാ​ത്രമല്ല, അവനു​വേണ്ടി വളരെ​യ​ധി​കം ചെയ്‌ത അവന്റെ വളർത്തു​മാ​താ​പി​താ​ക്കൾക്ക്‌ ഏറെ ദുഃഖ​വും കൈവ​രു​ത്തി. “ദത്തെടു​ക്കു​ന്ന​തി​നെ​ക്കു​റിച്ച്‌ ആരെങ്കി​ലും എന്നോട്‌ ഉപദേശം ആരാഞ്ഞാൽ, ‘അതി​നെ​ക്കു​റിച്ച്‌ രണ്ടാം​വട്ടം ചിന്തി​ക്ക​ണ​മെന്ന്‌’ ഇപ്പോൾ ഞാൻ പറയും,” അവന്റെ അമ്മ പറഞ്ഞു.

ഇതിൽനി​ന്നു വ്യത്യ​സ്‌ത​മാ​യി, റോബർട്ടി​ന്റെ​യും സിൽവി​യ​യു​ടെ​യും കാര്യ​മെ​ടു​ക്കുക. അവർക്ക്‌ ഒരു മകൻ ഉണ്ടായി​രു​ന്നെ​ങ്കി​ലും പിന്നീടു കുട്ടികൾ ഉണ്ടാകാ​തെ വന്നു. “മറ്റൊരു രാജ്യത്തെ ഒരു കുട്ടി​യു​ണ്ടാ​യി​രി​ക്കു​ന്ന​തി​നെക്കു​റി​ച്ചു നിങ്ങൾ ചിന്തി​ച്ചി​ട്ടു​ണ്ടോ?,” അവരോ​ടു ചോദി​ച്ചു. താമസി​യാ​തെ അവർ ഹോ​ങ്കോം​ഗിൽനി​ന്നു മക്ക്‌ ചൈ എന്ന ഒമ്പതു മാസം പ്രായ​മുള്ള ഒരു കൊച്ചു പെൺകു​ട്ടി​യെ ദത്തെടു​ക്കു​ക​യാ​യി. “ഞാൻ എന്തു​കൊണ്ട്‌ ഉപേക്ഷി​ക്ക​പ്പെ​ട്ടെ​ന്നും എനിക്ക്‌ സഹോ​ദ​രീ​സ​ഹോ​ദ​ര​ന്മാ​രു​ണ്ടോ​യെ​ന്നും ഞാൻ പലപ്പോ​ഴും ചിന്തി​ക്കാ​റുണ്ട്‌,” മക്ക്‌ ചൈ പറയുന്നു. “എന്നാൽ ഒട്ടുമിക്ക കുട്ടി​കൾക്കും തങ്ങളുടെ യഥാർഥ മാതാ​പി​താ​ക്ക​ളോ​ടു​ള്ള​തി​നേ​ക്കാൾ ഏറെ അടുപ്പം എനി​ക്കെന്റെ വളർത്തു​മാ​താ​പി​താ​ക്ക​ളോ​ടു​ണ്ടെ​ന്നാ​ണു ഞാൻ കരുതു​ന്നത്‌. എന്റെ യഥാർഥ മാതാ​പി​താ​ക്കൾ ആരായി​രു​ന്നെന്നു ഞാൻ അറിഞ്ഞി​രു​ന്നെ​ങ്കിൽത​ന്നെ​യും, എന്റെ ഏതാനും സ്വഭാ​വ​വി​ശേ​ഷങ്ങൾ ഒരുപക്ഷേ എനിക്ക്‌ അൽപ്പം നന്നായി മനസ്സി​ലാ​കു​മാ​യി​രു​ന്നെ​ന്ന​തൊഴി​ച്ചാൽ അത്‌ ഏറെ വ്യത്യാ​സ​മൊ​ന്നും ഉളവാ​ക്കു​മാ​യി​രു​ന്നില്ല.” അവളെ ദത്തെടുത്ത മാതാ​പി​താ​ക്കൾ ദത്തെടു​ക്കൽ ശുപാർശ ചെയ്യു​ന്നു​ണ്ടോ? “ഉവ്വ്‌,” അവർ പറയുന്നു, “കാരണം, ഞങ്ങൾക്കത്‌ ഏറെ വിശി​ഷ്ട​മായ ഒരു അനുഭ​വ​മാ​യി​രു​ന്നു!”

ജാഗ്ര​ത​യു​ണ്ടാ​യി​രി​ക്കേ​ണ്ട​തി​ന്റെ കാരണങ്ങൾ

ഗ്രഹാ​മും രൂത്തും, തങ്ങളുടെ സ്വന്തം മകനോ​ടും മകളോ​ടും ഒപ്പം വളർത്താൻ, രണ്ടു കുഞ്ഞു​ങ്ങളെ, ഒരാൺകു​ട്ടി​യെ​യും പെൺകു​ട്ടി​യെ​യും, ദത്തെടു​ത്തു. നാലു കുട്ടി​ക​ളെ​യും, ഒരു കുടും​ബ​മെ​ന്ന​പോ​ലെ സന്തുഷ്ട​മായ ഒരു അന്തരീ​ക്ഷ​ത്തി​ലാ​ണു വളർത്തി​ക്കൊ​ണ്ടു​വ​ന്നത്‌. “വർഷങ്ങൾക്കു മുമ്പ്‌, ഞങ്ങളുടെ നാലു മക്കളും വീടു​വിട്ട്‌ വേറെ താമസി​ക്കാൻ തുടങ്ങി. ഞങ്ങൾ അവരു​മാ​യി ക്രമമായ സമ്പർക്കം പുലർത്തു​ന്നു, അവർ നാലു​പേ​രെ​യും ഞങ്ങൾ സ്‌നേ​ഹി​ക്കു​ന്നു,” രൂത്ത്‌ പറയുന്നു. എന്നാൽ ദുഃഖ​ക​ര​മെന്നു പറയട്ടെ ദത്തെടു​ക്ക​പ്പെട്ട രണ്ടു കുട്ടി​കൾക്കും ഗുരു​ത​ര​മായ പ്രശ്‌ന​ങ്ങ​ളു​ണ്ടാ​യി​രു​ന്നു. എന്തു​കൊണ്ട്‌?

“ഒരു കുട്ടിയെ സംബന്ധി​ച്ചി​ട​ത്തോ​ളം സാഹച​ര്യ​മാണ്‌ ഏറ്റവും മുഖ്യ​മെന്നു ഞങ്ങളുടെ ഡോക്ടർ പറഞ്ഞു,” ഗ്രഹാം പറയുന്നു. പാരമ്പ​ര്യ​മാ​യി ലഭിക്കുന്ന സ്വഭാ​വ​വി​ശേ​ഷങ്ങൾ ഒരു മുഖ്യ ഘടകമാ​ണെന്ന്‌ അദ്ദേഹ​ത്തിന്‌ ഇപ്പോൾ തോന്നു​ന്നു. അദ്ദേഹം ഇങ്ങനെ കൂട്ടി​ച്ചേർക്കു​ന്നു: “മാത്രമല്ല, ഗർഭി​ണി​യാ​യി​രുന്ന സമയത്തെ അമ്മയുടെ ആരോ​ഗ്യ​ത്തെ സംബന്ധി​ച്ചെന്ത്‌? മയക്കു​മ​രുന്ന്‌, മദ്യം, പുകയില എന്നിവ അജാത ശിശു​വി​നെ ബാധി​ക്കു​മെന്നു നമുക്കി​പ്പോൾ അറിയാം. ദത്തെടു​ക്കു​ന്ന​തി​നു​മുമ്പ്‌, മാതാ​പി​താ​ക്ക​ളെ​യും സാധ്യ​മെ​ങ്കിൽ അമ്മൂമ്മ​യ​പ്പൂ​പ്പ​ന്മാ​രെ​യും ഒരു സമ്പൂർണ പരി​ശോ​ധന നടത്തണ​മെന്നു ഞാൻ ശുപാർശ ചെയ്യുന്നു.”

പീറ്ററി​ന്റെ അമ്മ പുനർവി​വാ​ഹം ചെയ്‌തു. രണ്ടാന​പ്പ​നിൽനി​ന്നു പീറ്ററി​നു ശാരീ​രി​ക​വും മാനസി​ക​വു​മായ ദുഷ്‌പെ​രു​മാ​റ്റം സഹി​ക്കേ​ണ്ടി​വന്നു. മൂന്നാം വയസ്സിൽ അവനെ ദത്തു നൽകി. “കോട​തി​യു​ടെ പടിയി​റ​ങ്ങിയ ഉടനെ ദത്തെടുത്ത മാതാ​പി​താ​ക്ക​ളോ​ടു ഞാൻ നിഷേ​ധ​പൂർവം പെരു​മാ​റി,” പീറ്റർ പറഞ്ഞു. അവൻ ഇങ്ങനെ കൂട്ടി​ച്ചേർത്തു: “എന്റെ കൈയിൽകി​ട്ടി​യ​തെ​ല്ലാം ഞാൻ നശിപ്പി​ച്ചു. ഉറങ്ങു​മ്പോൾ ഞാൻ പേടി​പ്പെ​ടു​ത്തുന്ന ദുഃസ്വ​പ്‌നങ്ങൾ കണ്ടു. ഇപ്പോൾ പുറ​കോ​ട്ടു നോക്കു​മ്പോൾ, ഞാൻ എത്രമാ​ത്രം അസ്വസ്ഥ​നാ​യി​രു​ന്നെന്ന്‌ എനിക്കു കാണാൻ കഴിയു​ന്നു. എന്നെ ദത്തെടുത്ത മാതാ​പി​താ​ക്ക​ളും വിവാ​ഹ​മോ​ചനം നേടി​യ​പ്പോൾ—മയക്കു​മ​രു​ന്നു​കൾ, മോഷണം, റൗഡി​ത്തരം ദിവ​സേ​ന​യുള്ള ലഹരി​ക്കൂ​ത്തു​കൾ എന്നിങ്ങനെ—കാര്യങ്ങൾ ഒന്നുകൂ​ടി വഷളായി.

27-ാം വയസ്സിൽ ജീവിതം തുടരാൻ ഒരു കാരണ​വും കാണാ​ഞ്ഞ​തി​നാൽ ഞാൻ ആത്മഹത്യ​യെ​ക്കു​റി​ച്ചു ചിന്തിച്ചു. അങ്ങനെ​യി​രി​ക്കെ ഒരു ദിവസം ഒരപരി​ചി​തൻ, ഈ ഭൂമി മുഴുവൻ ഒരു പറുദീ​സ​യാ​കു​മെന്നു പറയുന്ന ഒരു ബൈബി​ള​ധി​ഷ്‌ഠിത ലഘുലേഖ, എനിക്കു നൽകി. സന്ദേശം എനിക്കു ബോധി​ച്ചു. അതിനു സത്യത്തി​ന്റെ ധ്വനി​യു​ണ്ടാ​യി​രു​ന്നു. ഞാൻ ബൈബിൾ വായി​ക്കാ​നും പഠിക്കാ​നും എന്റെ ജീവി​ത​ത്തി​ലും സ്വഭാ​വ​ത്തി​ലും മാറ്റങ്ങൾ വരുത്താ​നും തുടങ്ങി. എന്നാൽ കൂടെ​ക്കൂ​ടെ എന്റെ പഴയ ജീവി​ത​ച​ര്യ​യി​ലേക്കു ഞാൻ വഴുതി​വീ​ണു​കൊ​ണ്ടി​രു​ന്നു. ഏറെ പ്രോ​ത്സാ​ഹ​ന​ത്തി​നും സഹായ​ക​മായ ക്രിസ്‌തീയ സഹവാ​സ​ത്തി​നും​ശേഷം, ഏതാനും വർഷങ്ങൾക്കു​മുമ്പ്‌ എനിക്കു സ്വപ്‌നം കാണാ​മാ​യി​രു​ന്ന​തി​ല​ധി​കം സന്തോ​ഷ​വും സുരക്ഷി​ത​ത്വ​വും ഇപ്പോൾ ദൈവത്തെ സേവി​ക്കു​ന്ന​തിൽ ഞാൻ അനുഭ​വി​ക്കു​ന്നു. ഏറെ ആനന്ദം പകരു​ന്ന​വി​ധം എന്റെ അമ്മയു​മാ​യി സ്‌നേ​ഹ​ബന്ധം പുനഃ​സ്ഥാ​പി​ക്കാ​നും എനിക്കു കഴിഞ്ഞി​ട്ടുണ്ട്‌.”

യാഥാർഥ്യ​ത്തെ അഭിമു​ഖീ​ക​രി​ക്കൽ

ദത്തെടു​പ്പി​ന്റെ കാര്യ​ത്തിൽ വികാ​രങ്ങൾ തീവ്ര​മാണ്‌. പാരു​ഷ്യ​ത്തി​ന്റെ​യും കൃതഘ്‌ന​ത​യു​ടെ​യും കൂട്ടത്തിൽ അതീവ സ്‌നേ​ഹ​വും കൃതജ്ഞ​ത​യും കാണ​പ്പെ​ടു​ന്നു. ദൃഷ്ടാ​ന്ത​ത്തിന്‌, തന്നെ ഉപേക്ഷി​ച്ച​തിന്‌ എഡ്‌ഗർ വാലസ്‌ തന്റെ അമ്മയ്‌ക്ക്‌ ഒരിക്ക​ലും മാപ്പു​നൽകി​യില്ല. അങ്ങനെ​യാണ്‌ അദ്ദേഹം അവരുടെ പ്രവൃ​ത്തി​യെ വിലയി​രു​ത്തി​യത്‌. അവരുടെ അവസാന വർഷത്തിൽ സാമ്പത്തിക സഹായം തേടി അവർ മനസ്സി​ല്ലാ​മ​ന​സ്സോ​ടെ അദ്ദേഹത്തെ കാണാൻ ചെന്നു. അപ്പോ​ഴേ​ക്കും സമ്പന്നനാ​യി​ത്തീർന്നി​രുന്ന എഡ്‌ഗർ അവരെ പരുഷ​മാ​യി തിരി​ച്ച​യച്ചു. ചില സുഹൃ​ത്തു​ക്കൾ ശവസം​സ്‌ക്കാ​ര​ത്തി​നാ​യി പണം നൽകി​യി​ല്ലാ​യി​രു​ന്നെ​ങ്കിൽ, തന്റെ അമ്മയെ പൊതു​ശ്‌മ​ശാ​ന​ത്തിൽ അടക്കു​മാ​യി​രു​ന്നെന്നു താമസി​യാ​തെ അദ്ദേഹം അറിഞ്ഞ​പ്പോൾ, തന്റെ നിസ്സം​ഗ​ത​യെ​ക്കു​റി​ച്ചോർത്ത്‌ അദ്ദേഹം ആഴമായി ദുഃഖി​ച്ചു.

ദത്തെടു​പ്പി​നെ​ക്കു​റി​ച്ചു ചിന്തി​ക്കുന്ന ആളുകൾ, ഉയർന്നു​വ​ന്നേ​ക്കാ​വുന്ന പ്രശ്‌ന​ങ്ങ​ളും വെല്ലു​വി​ളി​ക​ളും അഭിമു​ഖീ​ക​രി​ക്കാൻ വാസ്‌ത​വി​ക​ബോ​ധ​ത്തോ​ടെ തയ്യാറാ​യി​രി​ക്കണം. തങ്ങളുടെ മാതാ​പി​താ​ക്കൾ—ദത്തെടു​ത്ത​വ​രോ ജന്മം നൽകി​യ​വ​രോ ആരായാ​ലും—കഴിവി​ന്റെ പരമാ​വധി പോലും തങ്ങൾക്കു​വേണ്ടി ചെയ്യുന്ന കാര്യ​ങ്ങ​ളോ​ടു കുട്ടികൾ എപ്പോ​ഴും നന്ദിയു​ള്ള​വരല്ല. യഥാർഥ​ത്തിൽ, നമ്മുടെ നാളു​ക​ളി​ലെ വ്യക്തി​കളെ, “വാത്സല്യ​മി​ല്ലാ​ത്ത​വ​രും,” “നന്ദി​കെ​ട്ട​വ​രും,” “അവിശ്വ​സ്‌ത​രും” [NW] ആയി ബൈബിൾ പരാമർശി​ക്കു​ന്നു.—2 തിമൊ​ഥെ​യൊസ്‌ 3:1-5.

അതേസ​മ​യം, മാതാ​പി​താ​ക്കളെ ആവശ്യ​മായ ഒരു കുട്ടിക്കു നിങ്ങളു​ടെ ഭവനവും—ഹൃദയ​വും—തുറന്നു​കൊ​ടു​ക്കു​ന്നത്‌, നല്ലതും ഫലദാ​യ​ക​വു​മായ ഒരനു​ഭ​വ​മാ​യി​രു​ന്നേ​ക്കാം. ഉദാഹ​ര​ണ​ത്തിന്‌, തനിക്ക്‌ ഒരു ക്രിസ്‌തീയ ഭവനം പ്രദാനം ചെയ്‌ത​തി​നും തന്റെ ഭൗതി​ക​വും ആത്മീയ​വും ആയ ആവശ്യ​ങ്ങൾക്കു കരുതൽ നൽകു​ന്ന​തി​നും, കേത്തി തന്നെ ദത്തെടുത്ത മാതാ​പി​താ​ക്ക​ളോ​ടു വളരെ​യേറെ കൃതജ്ഞ​ത​യു​ള്ള​വ​ളാണ്‌.—8-ാം പേജിലെ “അതു ഞങ്ങളുടെ കാര്യ​ത്തിൽ വിജയി​ച്ചു,” എന്ന ചതുരം കാണുക.

തങ്ങൾ ദത്തെടുത്ത ആൺമക്ക​ളെ​യും പെൺമ​ക്ക​ളെ​യും​കു​റി​ച്ചു തങ്ങൾക്കെന്തു തോന്നു​ന്നു എന്നതു വിവരി​ക്കു​മ്പോൾ, അത്തരത്തി​ലുള്ള കുട്ടി​ക​ളു​ടെ മാതാ​പി​താ​ക്കൾ സങ്കീർത്ത​ന​ക്കാ​രന്റെ ഈ വാക്യങ്ങൾ ഓർമി​ച്ചേ​ക്കാം: “മക്കൾ, യഹോ​വ​യിൽനി​ന്നുള്ള ഒരു ദാനമാണ്‌; അവർ യഥാർഥ​ത്തിൽ ഒരു അനു​ഗ്ര​ഹ​മാണ്‌.”—സങ്കീർത്തനം 127:3, റ്റുഡെ​യ്‌സ്‌ ഇംഗ്ലീഷ്‌ വേർഷൻ.

[അടിക്കു​റിപ്പ്‌]