ഭവനത്തി​ലെ സംസാര സ്വാത​ന്ത്ര്യം—പൊട്ടാൻപോ​കുന്ന ഒരു ടൈം​ബോം​ബോ?

ആളുകൾ തിങ്ങി​നി​റഞ്ഞ ഒരു തീയേ​റ്റ​റിൽ ഒരുവൻ “തീ!” എന്നു വെറുതേ വിളി​ച്ചു​കൂ​വു​ക​യും അതിന്റെ ഫലമായി പുറത്തു​ക​ട​ക്കാ​നുള്ള ശ്രമത്തി​നി​ട​യിൽ ചിലർ ചവി​ട്ടേറ്റു മരിക്കു​ക​യും ചെയ്യു​മ്പോൾ സംഭവിച്ച മരണങ്ങ​ളു​ടെ​യും അത്യാ​ഹി​ത​ങ്ങ​ളു​ടെ​യും ഉത്തരവാ​ദി​ത്വം വിളി​ച്ചു​കൂ​വിയ വ്യക്തി വഹി​ക്കേ​ണ്ട​തല്ലേ? “താങ്കൾ പറയു​ന്ന​തി​നോട്‌ എനിക്ക്‌ യോജി​പ്പില്ല, എന്നാൽ അതു പറയാ​നുള്ള താങ്കളു​ടെ അവകാ​ശത്തെ ഞാൻ സംരക്ഷി​ക്കും” എന്ന്‌ ആരെങ്കി​ലും പറയു​മ്പോൾ, പൂർണ​വി​വേ​ച​നാ​ധി​കാ​രം അല്ലെങ്കിൽ ഭവിഷ്യ​ത്തു​കൾ എന്തുത​ന്നെ​യാ​യാ​ലും പരസ്യ​മാ​യി നിങ്ങൾക്കി​ഷ്ട​മു​ള്ള​തൊ​ക്കെ പറയാ​നുള്ള അതിരി​ല്ലാത്ത സ്വാത​ന്ത്ര്യം, ലഭിച്ചി​രി​ക്കു​ന്നു എന്നാണോ അതിനർഥം? അങ്ങനെ വിചാ​രി​ക്കു​ന്ന​വ​രും ഇല്ലാതില്ല.

ഉദാഹ​ര​ണ​ത്തിന്‌, ഫ്രാൻസിൽ റാപ്പ്‌ സംഗീ​ത​ജ്ഞ​ന്മാർ പൊലീ​സു​കാ​രെ വധിക്കു​ന്നതു പ്രോ​ത്സാ​ഹി​പ്പി​ച്ച​പ്പോൾ, ഈ സംഗീതം ശ്രവിച്ച ചിലർ പൊലീ​സു​കാ​രെ വധിച്ച​പ്പോൾ, അക്രമം ചെയ്യാൻ പ്രേരി​പ്പി​ച്ച​തിന്‌ റാപ്പ്‌ സംഗീ​ത​ജ്ഞ​ന്മാ​രെ ഉത്തരവാ​ദി​ക​ളാ​ക്ക​ണ​മോ? അതോ ഒരവകാ​ശ​പ​ത്രി​ക​യ്‌ക്കു കീഴിൽ അവർ സംരക്ഷി​ക്ക​പ്പെ​ട​ണ​മോ? റേഡി​യോ ടെലി​വി​ഷൻ പ്രക്ഷേ​പ​ക​രും കമ്പ്യൂട്ടർ നെറ്റ്‌വർക്കു​ക​ളും കുട്ടി​കൾക്കു ലഭ്യമാ​ക​ത്ത​ക്ക​വി​ധം അക്രമ​ത്തി​ന്റെ​യും അശ്ലീല​ത്തി​ന്റെ​യും സുവ്യ​ക്ത​മായ രംഗങ്ങൾ പ്രദർശി​പ്പി​ക്കു​മ്പോൾ—കുട്ടി​ക​ളിൽ ചിലർ തങ്ങൾക്കും മറ്റുള്ള​വർക്കും ദോഷം​ചെ​യ്യ​ത്ത​ക്ക​വി​ധം ഈ രംഗങ്ങൾ അഭിന​യി​ക്കു​ന്നു—ഇത്തരത്തി​ലുള്ള വിവരങ്ങൾ ഒരുക്കി​ക്കൊ​ടു​ക്കുന്ന വ്യക്തികൾ ഉത്തരവാ​ദി​ത്വ​ത്തി​ന്റെ പങ്കുവ​ഹി​ക്ക​ണ​മോ?

അമേരി​ക്കൻ സൈക്ക​ളോ​ജി​ക്കൽ അസോ​സി​യേഷൻ നടത്തിയ ഒരു പഠനം, “ആഴ്‌ച​യിൽ 27 മണിക്കൂർ ടിവി കാണുന്ന ഒരു കുട്ടി, 3 വയസ്സു​മു​തൽ 12 വയസ്സു​വരെ 8,000 കൊല​പാ​ത​ക​ങ്ങ​ളും 1,00,000 അക്രമ​പ്ര​വൃ​ത്തി​ക​ളും കാണു​മെന്നു കണക്കാ”ക്കിയതാ​യി യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ മാഗസിൻ റിപ്പോർട്ടു ചെയ്‌തു. തങ്ങളുടെ മക്കളെ ഇത്‌ അശേഷം ബാധി​ക്കി​ല്ലെന്നു പറഞ്ഞ്‌ മാതാ​പി​താ​ക്കൾക്ക്‌ ഇത്‌ അവഗണി​ക്കാ​നാ​കു​മോ? അതോ “വ്യക്തവും നിലവി​ലു​ള്ള​തു​മായ അപകടം” ഇതിൽ അടങ്ങി​യി​ട്ടു​ണ്ടോ? ഒരു വരവര​യ്‌ക്കേ​ണ്ടത്‌ അല്ലെങ്കിൽ സംസാര സ്വാത​ന്ത്ര്യ​ത്തിന്‌ ഒരു പരിധി​യേർപ്പെ​ടു​ത്തേ​ണ്ടത്‌ ഇവി​ടെ​യാ​ണോ?

സർവക​ലാ​ശാ​ലാ മനശ്ശാ​സ്‌ത്ര വിദഗ്‌ധർ നടത്തിയ ഒരു പഠനമ​നു​സ​രിച്ച്‌, നാലു വയസ്സുള്ള കുട്ടി​ക​ളു​ടെ ഒരു സംഘത്തെ “സ്റ്റണ്ട്‌ വീരന്മാ​രായ സൂപ്പർഹീ​റോ”കളുടെ കാർട്ടൂ​ണു​ക​ളും മറ്റൊരു സംഘത്തെ “തണുപ്പൻ” കാർട്ടൂ​ണു​ക​ളും പതിവാ​യി കാണി​ച്ച​പ്പോൾ, പിന്നീട്‌ വസ്‌തു​ക്കൾ ഇടിച്ചു​ത​കർക്കാ​നും വലി​ച്ചെ​റി​യാ​നും കൂടുതൽ പ്രവണത കാണി​ച്ചത്‌ സ്റ്റണ്ട്‌ ഹീറോ​കളെ കണ്ടവരാ​യി​രു​ന്നു​വെന്നു വെളി​പ്പെ​ടു​ത്തി. ടിവി അക്രമ​ത്തി​ന്റെ അനന്തര​ഫ​ലങ്ങൾ ശൈശ​വ​ത്തി​നു​ശേഷം മാഞ്ഞു​പോ​കു​ന്നു​മില്ല. 1960-നും 1995-നും ഇടയ്‌ക്ക്‌ 650 കുട്ടി​കളെ, അവർ വീക്ഷി​ക്കുന്ന കാര്യ​ങ്ങ​ളു​ടെ​യും അവരുടെ പെരു​മാ​റ്റ​ത്തി​ന്റെ​യും അടിസ്ഥാ​ന​ത്തിൽ നിരീ​ക്ഷി​ച്ച​പ്പോൾ, കുട്ടി​ക​ളാ​യി​രി​ക്കെ ഏറ്റവും അക്രമാ​സ​ക്ത​മായ ടെലി​വി​ഷൻ പരിപാ​ടി​കൾ വീക്ഷി​ച്ചി​രു​ന്ന​വ​രാണ്‌ വളർന്നു​വ​രവേ വിവാഹ പങ്കാളി​യോ​ടുള്ള ദുഷ്‌പെ​രു​മാ​റ്റ​വും മദ്യപി​ച്ചു​കൊ​ണ്ടുള്ള ഡ്രൈ​വി​ങ്ങു​മുൾപ്പെടെ ഏറ്റവും അക്രമാ​സ​ക്ത​മായ സ്വഭാ​വ​ങ്ങ​ളിൽ ഏർപ്പെ​ട്ട​തെന്നു മറ്റൊരു സർവക​ലാ​ശാ​ലാ പഠനം കണ്ടെത്തി.

ചില കുട്ടികൾ, ടെലി​വി​ഷ​നും ചലച്ചി​ത്ര​ങ്ങൾക്കും തങ്ങളുടെ മേലുള്ള സ്വാധീ​നം സമ്മതി​ച്ചു​ത​രി​ല്ലെ​ങ്കി​ലും മറ്റുചി​ലർ അതു സമ്മതി​ക്കും. 1995-ൽ, കുട്ടികൾ ഇപ്പോൾ എന്ന ഒരു കാലി​ഫോർണിയ സഹായ ഗ്രൂപ്പ്‌, 10-നും 16-നും ഇടയ്‌ക്കുള്ള 750 കുട്ടി​ക​ളു​ടെ അഭി​പ്രായ വോ​ട്ടെ​ടു​പ്പു നടത്തി. അവരിൽ ഓരോ പത്തിലും ആറു പേർ വെച്ച്‌, നന്നേ ചെറു​പ്രാ​യ​ത്തിൽതന്നെ ലൈം​ഗി​ക​വേഴ്‌ച നടത്താൻ തക്കവണ്ണം ടിവി-യിലെ ലൈം​ഗി​കത കുട്ടി​കളെ സ്വാധീ​നി​ക്കു​ന്നെന്നു പറഞ്ഞതാ​യി പഠനം വെളി​പ്പെ​ടു​ത്തി.

ടെലി​വി​ഷ​നി​ലെ​യും ചലച്ചി​ത്ര​ങ്ങ​ളി​ലെ​യും അക്രമങ്ങൾ കുട്ടികൾ അക്ഷരീ​യ​മാ​യി​ട്ടെ​ടു​ക്കി​ല്ലെ​ന്നും ആ ഭീകര​ചി​ത്ര​ങ്ങ​ളൊ​ന്നും കുട്ടി​കളെ സ്വാധീ​നി​ക്കി​ല്ലെ​ന്നും ചിലർ വാദി​ച്ചേ​ക്കാം. “അങ്ങനെ​യെ​ങ്കിൽ, മധ്യ പശ്ചിമ അമേരി​ക്ക​യി​ലുള്ള ഒരു ഗവൺമെൻറ്‌ സ്‌കൂൾ ഏജൻസിക്ക്‌ ആയിര​ക്ക​ണ​ക്കി​നു കുട്ടി​ക​ളോട്‌ ആ പ്രദേ​ശത്തെ അഴുക്കു​ചാ​ലു​ക​ളിൽ കൗമാ​ര​പ്രാ​യ​ത്തി​ലുള്ള രൂപ​ഭേദം വന്ന നിൻജ ആമകൾ ഇല്ലെന്നു പറയേണ്ടി വന്നതെ​ന്തു​കൊ​ണ്ടാ​യി​രു​ന്നു? ആമ ആരാധ​ക​രായ കൊച്ചു​കു​ട്ടി​കൾ അവയെ തേടി അഴുക്കു​ചാ​ലു​ക​ളി​ലേക്ക്‌ ഇഴഞ്ഞു​ചെ​ന്ന​താ​യി​രു​ന്നു കാരണം,” ഒരു ബ്രിട്ടീഷ്‌ വർത്തമാ​ന​പ​ത്രം അഭി​പ്രാ​യ​പ്പെട്ടു.

ഐക്യ​നാ​ടു​ക​ളി​ലെ പലയി​ട​ങ്ങ​ളി​ലും, ഗർഭച്ഛി​ദ്ര​ത്തി​നെ​തി​രെ നടത്തിയ പ്രസം​ഗ​ങ്ങ​ളു​ടെ ഫലമാ​യി​ട്ടു​ണ്ടായ അക്രമ​ങ്ങൾക്കും സംസാര സ്വാത​ന്ത്ര്യ​ത്തി​നും ഇടയ്‌ക്കുള്ള നേർത്ത അന്തര​ത്തെ​ച്ചൊ​ല്ലി ചൂടു​പി​ടിച്ച വാഗ്വാ​ദങ്ങൾ ഇക്കാല​ങ്ങ​ളിൽ നടന്നു​കൊ​ണ്ടി​രി​ക്കു​ന്നു. ഗർഭച്ഛി​ദ്ര​ത്തി​നെ​തി​രെ വാദി​ക്കു​ന്നവർ, ഗർഭച്ഛി​ദ്രം നടത്തുന്ന ഡോക്ടർമാ​രും ക്ലിനിക്ക്‌ സ്റ്റാഫും കൊല​പാ​ത​കി​ക​ളാ​ണെ​ന്നും അവർക്കു ജീവി​ക്കാൻ അവകാ​ശ​മി​ല്ലെ​ന്നും പരസ്യ​മാ​യി വിളി​ച്ചു​പ​റ​യു​ന്നു. തീക്ഷ്‌ണ​ത​യുള്ള ഏതാനും പേർ ഡോക്ടർമാ​രെ​യും അവരുടെ സഹായി​ക​ളെ​യും വധിക്കാൻ ആഹ്വാനം നൽകുന്നു. അവരുടെ വാഹന​ത്തി​ന്റെ ലൈസൻസ്‌-പ്ലേറ്റ്‌ നമ്പറുകൾ ലഭിക്കാൻ ചാരന്മാ​രെ രഹസ്യ​ത്തിൽ ഏർപ്പാടു ചെയ്യുന്നു, അവരുടെ പേരും മേൽവി​ലാ​സ​വും കൈമാ​റു​ന്നു. ഇതിന്റെ ഫലമായി ഡോക്ടർമാ​രെ​യും ക്ലിനിക്ക്‌ സ്റ്റാഫ്‌ അംഗങ്ങ​ളെ​യും വെടി​വെച്ചു കൊന്നി​ട്ടുണ്ട്‌.

“ഇത്‌ പ്രസംഗ സ്വാത​ന്ത്ര്യ​സം​ബ​ന്ധ​മായ ഒരു വിഷയമല്ല, ‘തീ!’ എന്ന്‌ ജനത്തി​ര​ക്കുള്ള ഒരു തീയേ​റ്റ​റിൽ വിളി​ച്ചു​കൂ​വു​ന്ന​തി​നു തുല്യ​മാ​ണിത്‌. ജനത്തി​ര​ക്കുള്ള ഒരു തീയേ​റ്റ​റി​നോട്‌ ഉപമി​ക്കാ​വുന്ന ഒരു സാഹച​ര്യ​മാണ്‌ നമുക്കു​ള്ളത്‌; കഴിഞ്ഞ ഏതാനും വർഷങ്ങ​ളാ​യി ക്ലിനി​ക്കു​ക​ളിൽ വർധി​ച്ചു​വ​രുന്ന കൊല​പാ​ത​ക​ങ്ങ​ളു​ടെ സംഖ്യ നോക്കുക,” പ്ലാൻഡ്‌ പേരൻറ്‌ഹുഡ്‌ ഫെഡ​റേഷൻ ഓഫ്‌ അമേരി​ക്ക​യു​ടെ പ്രസി​ഡൻറ്‌ ഉത്‌​ക്രോ​ശി​ച്ചു. ഈ അക്രമത്തെ പ്രോ​ത്സാ​ഹി​പ്പി​ക്കു​ന്നവർ, അമേരി​ക്ക​യു​ടെ ഒന്നാമത്തെ ഭേദഗ​തി​യിൽ വാഗ്‌ദാ​നം ചെയ്‌ത തങ്ങളുടെ അവകാശം—സംസാര സ്വാത​ന്ത്ര്യം—നടപ്പി​ലാ​ക്കുക മാത്ര​മാണ്‌ ചെയ്യു​ന്ന​തെന്നു വാദി​ക്കു​ന്നു. അങ്ങനെ പോകു​ന്നു അവരുടെ വാദം. ഈ അവകാ​ശ​ത്തെ​ച്ചൊ​ല്ലി​യുള്ള പടവെട്ട്‌ പൊതു വേദി​യിൽ ഇനിയും തുടരും. കോട​തി​കൾക്ക്‌ ഈ വിവാ​ദ​ത്തി​നു തീർപ്പു കൽപ്പി​ക്കേ​ണ്ടി​വ​രും. എന്നാൽ ഖേദക​ര​മെന്നു പറയട്ടെ, എല്ലാവ​രെ​യും തൃപ്‌തി​പ്പെ​ടു​ത്തുന്ന തരത്തി​ലാ​യി​രി​ക്കി​ല്ലെന്നു മാത്രം.

മാതാ​പി​താ​ക്കൾക്കു ചെയ്യാൻ കഴിയു​ന്നത്‌

ഭവനങ്ങൾ കുട്ടി​കൾക്കു രക്ഷാ​കേ​ന്ദ്ര​മാ​യി​രി​ക്കണം അല്ലാതെ തങ്ങളെ ചൂഷണം ചെയ്യു​ക​യും ദ്രോ​ഹി​ക്കു​ക​യും ചെയ്യു​ന്ന​വർക്ക്‌ എളുപ്പ​ത്തിൽ ഇരയാ​യി​ത്തീർന്നേ​ക്കാ​വുന്ന അല്ലെങ്കിൽ ശാന്തർ അക്രമാ​സക്ത ഭാവ​ഭേ​ദങ്ങൾ പ്രകട​മാ​ക്കാൻ പ്രേരി​ത​രാ​കുന്ന ഒരു സ്ഥലമാ​യി​രി​ക്ക​രുത്‌. “സ്ഥിരമാ​യി അക്രമാ​സ​ക്ത​മായ ടിവി പരിപാ​ടി​കൾ കണ്ടാലും നിങ്ങളു​ടെ കുട്ടി ഒരിക്ക​ലും ആക്രമ​ണ​കാ​രി​യാ​കി​ല്ലെന്നു നിങ്ങൾക്ക്‌ ഉറപ്പു​ണ്ടാ​യി​രി​ക്കാം,” മാതാ​പി​താ​ക്കളെ സംബോ​ധന ചെയ്‌തു​കൊണ്ട്‌ ഒരു യു.എസ്‌. സർവക​ലാ​ശാ​ലാ പ്രൊ​ഫസർ പറഞ്ഞു. “എന്നാൽ, അത്തരത്തി​ലുള്ള പരിപാ​ടി​കൾ പതിവാ​യി കണ്ടു​കൊ​ണ്ടി​രുന്ന മറ്റാരു​ടെ​യെ​ങ്കി​ലും കുട്ടി നിങ്ങളു​ടെ കുട്ടിയെ കൊല​പ്പെ​ടു​ത്തു​ക​യോ ഗുരു​ത​ര​മാ​യി പരി​ക്കേൽപ്പി​ക്കു​ക​യോ ചെയ്യി​ല്ലെന്നു നിങ്ങൾക്ക്‌ ഉറപ്പി​ക്കാ​നാ​വില്ല.” എന്നിട്ട്‌ അദ്ദേഹം ഇപ്രകാ​രം പ്രോ​ത്സാ​ഹി​പ്പി​ച്ചു: “കുട്ടികൾ അക്രമാ​സ​ക്ത​മായ ടിവി പരിപാ​ടി​കൾ കാണു​ന്ന​തി​നെ നിയ​ന്ത്രി​ക്കു​ന്നത്‌, സേഫ്‌റ്റി സീറ്റുകൾ, സൈക്കിൾ ഹെൽമ​റ്റു​കൾ, പ്രതി​രോധ കുത്തി​വെ​പ്പു​കൾ, പോഷ​ക​സ​മ്പ​ന്ന​മായ ആഹാരം എന്നിവ​യോ​ടൊ​പ്പം പൊതു ആരോഗ്യ കാര്യ​പ​രി​പാ​ടി​യു​ടെ ഭാഗമാ​കണം.”

ഒരപരി​ചി​തൻ നിങ്ങളു​ടെ വീട്ടി​ലേക്കു കയറി​വന്ന്‌ നിങ്ങളു​ടെ കുട്ടി​യോട്‌, വൃത്തി​കെട്ട ഭാഷ ഉപയോ​ഗി​ക്കാ​നും ലൈം​ഗി​ക​ത​യെ​യും അക്രമ​ത്തെ​യും കുറിച്ച്‌ നിർലജ്ജം സംസാ​രി​ക്കാ​നും നിങ്ങൾ അനുവ​ദി​ക്കി​ല്ലെ​ങ്കിൽ, ആ അപരി​ചി​ത​നാ​കാൻ റേഡി​യോ​യെ​യും ടെലി​വി​ഷ​നെ​യും അനുവ​ദി​ക്ക​രുത്‌. അത്‌ എപ്പോൾ ഓഫാ​ക്ക​ണ​മെ​ന്നും ചാനൽ എപ്പോൾ മാറ്റണ​മെ​ന്നും അറിഞ്ഞി​രി​ക്കണം. നിങ്ങളു​ടെ കുട്ടി, അവന്റെ മുറി​യു​ടെ സ്വകാ​ര്യ​ത​യിൽപോ​ലും, ടെലി​വി​ഷ​നി​ലും കമ്പ്യൂ​ട്ട​റി​ലും വീക്ഷി​ച്ചു​കൊ​ണ്ടി​രി​ക്കു​ന്ന​തെ​ന്താ​ണെന്നു നിങ്ങൾ അറിഞ്ഞി​രി​ക്കണം. കമ്പ്യൂട്ടർ എങ്ങനെ ഉപയോ​ഗി​ക്ക​ണ​മെ​ന്നും ലഭ്യമാ​യി​രി​ക്കുന്ന നെറ്റ്‌വർക്കു​കൾ എപ്രകാ​രം ഉപയോ​ഗി​ക്കാ​മെ​ന്നും അവന്‌ അറിയാ​മെ​ങ്കിൽ, രാത്രി​തോ​റും അവൻ ഉൾക്കൊ​ണ്ടു​കൊ​ണ്ടി​രി​ക്കു​ന്നത്‌ എന്താ​ണെന്നു മനസ്സി​ലാ​ക്കു​മ്പോൾ നിങ്ങൾ ഞെട്ടി​ത്തെ​റി​ച്ചു​പോ​യേ​ക്കാം. നിങ്ങളു​ടെ കുട്ടി വീക്ഷി​ച്ചു​കൊ​ണ്ടി​രി​ക്കു​ന്ന​തി​നെ നിങ്ങൾ ശരിവ​യ്‌ക്കു​ന്നി​ല്ലെ​ങ്കിൽ, വേണ്ട എന്നു പറയുക, എന്തു​കൊ​ണ്ടാ​ണെന്നു വിശദീ​ക​രി​ക്കുക. അവനെ നിയ​ന്ത്രി​ച്ചാൽ അവൻ മരിച്ചു​പോ​വു​ക​യൊ​ന്നു​മില്ല.

അന്തിമ​മാ​യി, അസഭ്യ​വും അക്രമാ​സ​ക്ത​വു​മായ സംസാ​ര​ത്തോ​ടും പ്രവൃ​ത്തി​ക​ളോ​ടും​കൂ​ടിയ ഈ ദുഷ്ടവ്യ​വ​സ്ഥി​തി​യു​ടെ ശീലങ്ങൾക്കു ചേർച്ച​യി​ല​ല്ലാ​തെ ദൈവി​ക​മായ തത്ത്വങ്ങൾക്കു ചേർച്ച​യിൽ ജീവി​ക്കാൻ നിങ്ങളു​ടെ കുട്ടിയെ പഠിപ്പി​ക്കുക. (സദൃശ​വാ​ക്യ​ങ്ങൾ 22:6; എഫെസ്യർ 6:4) അപ്പോ​സ്‌ത​ല​നായ പൗലോസ്‌ ക്രിസ്‌ത്യാ​നി​കൾക്കു സമയോ​ചി​ത​മായ ഏതാനും ബുദ്ധ്യു​പ​ദേശം നൽകു​ക​യു​ണ്ടാ​യി, നാമെ​ല്ലാ​വ​രും അതിനു ചേർച്ച​യിൽ ജീവി​ക്കേ​ണ്ട​താണ്‌. “ദുർന്ന​ട​പ്പും യാതൊ​രു അശുദ്ധി​യും അത്യാ​ഗ്ര​ഹ​വും നിങ്ങളു​ടെ ഇടയിൽ പേർ പറക​പോ​ലും അരുതു; അങ്ങനെ ആകുന്നു വിശു​ദ്ധ​ന്മാർക്കു ഉചിതം. ചീത്തത്തരം, പൊട്ട​ച്ചൊൽ, കളിവാ​ക്കു ഇങ്ങനെ ചേർച്ച​യ​ല്ലാ​ത്തവ ഒന്നും അരുതു; സ്‌തോ​ത്ര​മ​ത്രേ വേണ്ടതു.”—എഫെസ്യർ 5:3, 4.

[10-ാം പേജിലെ ചിത്രങ്ങൾ]

ചില ടിവി പരിപാ​ടി​കൾ അക്രമ​ത്തി​ലേ​ക്കും അധാർമി​ക​ത​യി​ലേ​ക്കും നയി​ച്ചേ​ക്കാം