വംശനാ​ശത്തെ അഭിമു​ഖീ​ക​രി​ക്കുന്ന വർഗങ്ങൾ—പ്രശ്‌ന​ത്തി​ന്റെ വപ്‌തി

ഡോ​ഡോ​കൾ വംശനാ​ശ​ത്തി​ന്റെ ഒരു പ്രതീ​ക​മാ​യി​ത്തീർന്നി​രി​ക്കു​ന്നു. 1680-തോടെ മൗറീ​ഷ്യസ്‌ ദ്വീപിൽവെ​ച്ചാ​ണു പറക്കാൻ കഴിയാത്ത ഈ പക്ഷിക​ളിൽ അവസാ​ന​ത്തേത്‌ അപ്രത്യ​ക്ഷ​മാ​യത്‌. ഇപ്പോൾ വംശനാ​ശത്തെ അഭിമു​ഖീ​ക​രി​ക്കുന്ന ഒട്ടേറെ ജീവി​വർഗങ്ങൾ ജീവി​ക്കു​ന്ന​തും ദ്വീപു​ക​ളിൽതന്നെ. കഴിഞ്ഞ 400 വർഷം​കൊണ്ട്‌ അപ്രത്യ​ക്ഷ​മാ​യി​രി​ക്കുന്ന 94 പക്ഷിവർഗ​ങ്ങ​ളിൽ 85 എണ്ണം ദ്വീപു​ക​ളിൽ കഴിഞ്ഞി​രുന്ന പക്ഷിക​ളാ​യി​രു​ന്നു.

വിസ്‌തൃ​ത ഭൂഖണ്ഡ​ങ്ങ​ളി​ലുള്ള മൃഗങ്ങ​ളും വംശനാ​ശ​ത്തി​ന്റെ അപകട​ത്തി​ലാണ്‌. ഒരിക്കൽ റഷ്യയി​ലെ​മ്പാ​ടും വിഹരി​ച്ചി​രുന്ന കടുവ​ക​ളെ​ക്കു​റി​ച്ചു പരിചി​ന്തി​ക്കുക. ഇപ്പോൾ ആമുർ ഉപവർഗങ്ങൾ മാത്രമേ സൈബീ​രി​യ​യിൽ അവശേ​ഷി​ക്കു​ന്നു​ള്ളൂ. മാത്രമല്ല, അതിന്റെ എണ്ണം 180-നും 200-നും ഇടയ്‌ക്കാ​യി ചുരു​ങ്ങി​യി​രി​ക്കു​ന്നു. റിപ്പോർട്ടു​ക​ള​നു​സ​രിച്ച്‌, തെക്കൻ ചൈന​യി​ലെ കടുവ​ക​ളു​ടെ എണ്ണം വെറും 30-നും 80-നും ഇടയ്‌ക്കാണ്‌. ഇൻഡോ​ചൈ​ന​യിൽ, ഈ മൃഗങ്ങൾക്കു “പത്തുവർഷ​ത്തി​നകം” വംശനാ​ശം സംഭവി​ക്കു​മെന്ന്‌ ലണ്ടനിലെ ദ ടൈംസ്‌ റിപ്പോർട്ടു ചെയ്യുന്നു. അതു​പോ​ലെ​തന്നെ ലോകത്തെ മൂന്നിൽ രണ്ടുഭാ​ഗ​ത്തോ​ളം കടുവ​ക​ളു​ടെ ആവാസ​മായ ഇന്ത്യയിൽ, ഈ ഗംഭീര ജന്തുക്കൾ ഒരു ദശകത്തി​നു​ള്ളിൽ നാമാ​വ​ശേ​ഷ​മാ​യേ​ക്കാ​മെന്ന്‌ അധികാ​രി​കൾ കണക്കാ​ക്കു​ന്നു.

കാണ്ടാ​മൃ​ഗ​ങ്ങ​ളു​ടെ​യും ചീറ്റപ്പു​ലി​ക​ളു​ടെ​യും എണ്ണം കുറഞ്ഞു​വ​രി​ക​യാണ്‌. ചൈന​യിൽ കൂറ്റൻ പാൻഡകൾ വെറും പത്തെണ്ണ​മ​ട​ങ്ങുന്ന കൂട്ടങ്ങ​ളാ​യാ​ണു വിഹരി​ക്കു​ന്നത്‌. വെയിൽസിൽ, പൈൻ മാർട്ടെൻ ഏതാണ്ടു നാമാ​വ​ശേ​ഷ​മാ​യി​രി​ക്കു​ന്നു. കൂടാതെ, ചെമന്ന അണ്ണാൻ “വൻകര​ക​ളായ ഇംഗ്ലണ്ടിൽനി​ന്നും വെയിൽസിൽനി​ന്നും അടുത്ത 10 മുതൽ 20 വരെ വർഷത്തി​നു​ള്ളിൽ അപ്രത്യ​ക്ഷ​മാ​യേ​ക്കാം,” ദ ടൈംസ്‌ അവകാ​ശ​പ്പെ​ടു​ന്നു. അറ്റ്‌ലാൻറി​ക്കി​ന​പ്പു​റത്തെ ഐക്യ​നാ​ടു​ക​ളിൽ ഏറ്റവു​മ​ധി​കം വംശനാ​ശ​ഭീ​ഷണി നേരി​ടുന്ന കരയിലെ സസ്‌തനി വാവലു​ക​ളാണ്‌.

ലോക​ത്തി​ലെ സമു​ദ്ര​ങ്ങ​ളി​ലെ സ്ഥിതി​യും ആശയറ്റ​തു​തന്നെ. ദി അറ്റ്‌ലസ്‌ ഓഫ്‌ എൻഡേ​ഞ്ചേർഡ്‌ സ്‌പീ​ഷീസ്‌ സമു​ദ്ര​ജീ​വി​ക​ളിൽ “ഒരുപക്ഷേ ഏറ്റവു​മ​ധി​കം വംശനാ​ശ​ഭീ​ഷണി നേരി​ടുന്ന വർഗം” എന്ന്‌ കടലാ​മ​കളെ വിശേ​ഷി​പ്പി​ക്കു​ന്നു. ഉഭയജീ​വി​കൾ മെച്ചമാ​യി അതിജീ​വി​ക്കു​ന്ന​താ​യി കാണ​പ്പെ​ടു​ന്നു. എങ്കിലും, ന്യൂ സയൻറിസ്റ്റ്‌ മാഗസിൻ പറയു​ന്ന​ത​നു​സ​രിച്ച്‌, കഴിഞ്ഞ 25 വർഷമാ​യി ഉഭയജീ​വി​ക​ളി​ലെ 89 വർഗങ്ങൾ “വംശനാശ ഭീഷണി”യിലാണ്‌. ലോക​ത്തി​ലെ 11 ശതമാ​ന​ത്തോ​ളം പക്ഷിവർഗ​ങ്ങ​ളും വംശനാ​ശത്തെ അഭിമു​ഖീ​ക​രി​ക്കു​ന്നു.a

പക്ഷേ, ചിത്ര​ശ​ല​ഭങ്ങൾ പോലെ ചെറിയ ജീവി​ക​ളു​ടെ കാര്യ​മോ? സാഹച​ര്യം വ്യത്യ​സ്‌തമല്ല. യൂറോ​പ്പി​ലെ 400 ചിത്ര​ശലഭ വർഗങ്ങ​ളിൽ കാൽഭാ​ഗ​ത്തി​ലേറെ അപകട​ത്തി​ലാണ്‌—19 വർഗം ആസന്നമായ വംശനാ​ശ​ഭീ​ഷ​ണി​യി​ലാണ്‌. 1993-ൽ ബ്രിട്ടന്റെ വലിയ ആമത്തോ​ടൻ ചിത്ര​ശ​ലഭം ഡോ​ഡോ​യോ​ടൊ​പ്പം വംശനാ​ശം സംഭവിച്ച വർഗങ്ങ​ളു​ടെ പട്ടിക​യിൽ സ്ഥാനം പിടിച്ചു.

വർധി​ച്ചു​വ​രുന്ന ഉത്‌ക​ണ്‌ഠ

ഓരോ വർഷവും ജീവി​ക​ളു​ടെ എത്ര വർഗങ്ങൾക്കു വംശനാ​ശം സംഭവി​ക്കു​ന്നുണ്ട്‌? ഉത്തരം, ഏതു വിദഗ്‌ധ​നോ​ടാ​ണു നിങ്ങൾ ചോദി​ക്കു​ന്നത്‌ എന്നതിനെ ആശ്രയി​ച്ചി​രി​ക്കു​ന്നു. ശാസ്‌ത്ര​ജ്ഞ​ന്മാർ വിയോ​ജി​ക്കു​ന്നു​വെ​ങ്കി​ലും ഒട്ടേറെ വർഗങ്ങൾ വംശനാ​ശ​ഭീ​ഷ​ണി​യി​ലാ​ണെന്ന്‌ എല്ലാവ​രും അംഗീ​ക​രി​ക്കു​ന്നു. പരിസ്ഥി​തി ശാസ്‌ത്ര​ജ്ഞ​നായ സ്റ്റുവാർട്ട്‌ പിം പറയുന്നു: “എത്ര​വേ​ഗ​ത്തിൽ [വർഗങ്ങൾ] നാമാ​വ​ശേ​ഷ​മാ​കു​ന്നു എന്നതി​നെ​ക്കു​റി​ച്ചുള്ള വിവാദം അടിസ്ഥാ​ന​പ​ര​മാ​യി നമ്മുടെ ഭാവി​യെ​ക്കു​റി​ച്ചുള്ള ഒരു തർക്കമാണ്‌.” അദ്ദേഹം കൂട്ടി​ച്ചേർക്കു​ന്നു: “കഴിഞ്ഞ നൂറ്റാ​ണ്ടു​ക​ളി​ലാ​യി നാം, വംശനാ​ശ​ത്തി​ന്റെ നിരക്ക്‌ സ്വാഭാ​വിക നിരക്കി​നെ​ക്കാൾ എത്രയോ അധിക​മാ​യി ത്വരി​ത​പ്പെ​ടു​ത്തി​യി​രി​ക്കു​ന്നു. ഇതിന്റെ ഫലമായി മോശ​മായ ഭാവി​യാ​ണു നമുക്കു​ള്ളത്‌.”

നമ്മുടെ ഗ്രഹമായ ഭൂമി ഒരു വീടു​പോ​ലെ​യാണ്‌. വംശനാ​ശത്തെ അഭിമു​ഖീ​ക​രി​ക്കുന്ന വർഗങ്ങളെ പരിര​ക്ഷി​ക്കുന്ന ആളുകൾ പരിസ്ഥി​തി​ശാ​സ്‌ത്രം പഠിക്കു​ന്നു. 19-ാം നൂറ്റാ​ണ്ടി​ന്റെ അവസാ​ന​ത്തിൽ, “ഒരു വീട്‌” എന്നർഥ​മുള്ള ഓയ്‌കോസ്‌ എന്ന ഗ്രീക്ക്‌ പദത്തിൽനിന്ന്‌ ഉരുത്തി​രിഞ്ഞ ഒരു പദമാ​ണിത്‌. ഈ പഠനരം​ഗം, ജീവജാ​ല​ങ്ങ​ളും അവയുടെ പരിസ്ഥി​തി​യും തമ്മിലുള്ള ബന്ധത്തി​ന്മേൽ ശ്രദ്ധ കേന്ദ്രീ​ക​രി​ക്കു​ന്നു. 19-ാം നൂറ്റാ​ണ്ടിൽ പരിര​ക്ഷ​ണ​ത്തി​ന്റെ കാര്യ​ത്തിൽ വർധിച്ച താത്‌പ​ര്യം കണ്ടു. വംശനാ​ശ​ങ്ങ​ളു​ടെ റിപ്പോർട്ടു​കൾമൂ​ല​മാ​യി​രു​ന്നു ഇത്‌ ഉന്നതി​യി​ലെ​ത്തി​യത്‌ എന്നതിൽ സംശയ​മില്ല. ഐക്യ​നാ​ടു​ക​ളിൽ, ജന്തുക്കൾക്കു സങ്കേതം പ്രദാനം ചെയ്യുന്ന ദേശീയ പാർക്കു​ക​ളും സംരക്ഷ​ണ​മേ​ഖ​ല​ക​ളും സ്ഥാപി​ക്ക​പ്പെ​ടു​ന്ന​തി​ലേക്ക്‌ ഇതു നയിച്ചു. ഇപ്പോൾ ലോക​വ്യാ​പ​ക​മാ​യി, സാർവ​ദേ​ശീ​യ​മാ​യി അംഗീ​ക​രി​ക്ക​പ്പെട്ട 8,000 വന്യജീ​വി സംരക്ഷ​ണ​മേ​ഖ​ല​ക​ളു​ണ്ടെന്നു കണക്കാ​ക്ക​പ്പെ​ടു​ന്നു. ആവാസം സംരക്ഷി​ക്കാൻ സഹായി​ക്കുന്ന വേറെ 40,000 മേഖല​ക​ളോ​ടൊ​പ്പം ഇവയിൽ ലോക​ത്തി​ന്റെ 10 ശതമാ​ന​ത്തോ​ളം കരപ്ര​ദേശം ഉൾപ്പെ​ടു​ന്നു.

ഉത്‌ക​ണ്‌ഠാ​കു​ല​രായ ഒട്ടേറെ ആളുകൾ, വംശനാ​ശ​ത്തി​ന്റെ ഭീഷണി​കളെ പരസ്യ​പ്പെ​ടു​ത്തു​ക​യോ ജീവന്റെ പരസ്‌പര ബന്ധത്തെ​ക്കു​റിച്ച്‌ ആളുകളെ അഭ്യസി​പ്പി​ക്കു​ക​യോ ചെയ്യുന്ന പ്രസ്ഥാ​ന​ങ്ങ​ളി​ലൂ​ടെ ഹരിത​പ​ക്ഷങ്ങൾ എന്നു വിളി​ക്ക​പ്പെ​ടു​ന്ന​തി​നെ ഇപ്പോൾ പിന്താ​ങ്ങു​ന്നു. 1992 റിയോ ഭൗമ ഉച്ചകോ​ടി​യെ​ത്തു​ടർന്ന്‌, ഗവൺമെൻറി​ന്റെ ചിന്താ​ഗ​തി​ക​ളിൽ പരിസ്ഥി​തി വിഷയ​ങ്ങ​ളെ​ക്കു​റി​ച്ചുള്ള വർധിച്ച ബോധം നിഴലി​ക്കു​ന്നു.

വംശനാ​ശ​ത്തെ അഭിമു​ഖീ​ക​രി​ക്കുന്ന ജീവി​കളെ സംബന്ധിച്ച പ്രശ്‌നം ആഗോ​ള​വ്യാ​പ​ക​മാണ്‌, അത്‌ വളർന്നു​കൊ​ണ്ടു​മി​രി​ക്കു​ന്നു. പക്ഷേ എന്തു​കൊണ്ട്‌? വംശനാ​ശം തടയു​ന്ന​തി​നു നിലവി​ലുള്ള ഏതെങ്കി​ലും ശ്രമങ്ങൾ വിജയി​ക്കു​ന്നു​ണ്ടോ? ഭാവിയെ സംബന്ധി​ച്ചെന്ത്‌? നിങ്ങൾ എപ്രകാ​രം ഉൾപ്പെ​ട്ടി​രി​ക്കു​ന്നു? ഞങ്ങളുടെ അടുത്ത ലേഖനങ്ങൾ ഉത്തരങ്ങൾ നൽകുന്നു.

[അടിക്കു​റിപ്പ്‌]