ലോകത്തെ വീക്ഷിക്കൽ

പുകയി​ല​യു​ടെ ഉപഭോ​ഗം

ചില രാജ്യ​ങ്ങ​ളിൽ പുകയി​ല​യു​ടെ ഉപഭോ​ഗം ഗണ്യമാ​യി കുറ​ഞ്ഞെ​ങ്കി​ലും, മിക്ക രാജ്യ​ങ്ങ​ളും കഴിഞ്ഞ രണ്ടു ദശകങ്ങ​ളി​ലാ​യി വർധനവു കാണി​ക്കു​ന്നു. ഉദാഹ​ര​ണ​മാ​യി, 297 ശതമാനം വർധന​വുള്ള ചൈന​യാണ്‌ ഇപ്പോ​ഴും ലോക​ത്തി​ലെ ഏറ്റവും വലിയ ഉപഭോ​ക്താവ്‌. 27 ശതമാ​ന​വും 50 ശതമാ​ന​വും വർധന​വു​വീ​തം കാണി​ച്ചു​കൊണ്ട്‌ ഐക്യ​നാ​ടു​ക​ളും ഇന്ത്യയും ഉപഭോ​ക്താ​ക്ക​ളെന്ന നിലയിൽ യഥാ​ക്രമം രണ്ടും മൂന്നും സ്ഥാനങ്ങൾ നിലനിർത്തി. പിൻവ​രുന്ന മറ്റു ചില രാജ്യ​ങ്ങ​ളും വലിയ വർധനവു കാണിച്ചു—റുവാണ്ട, 388 ശതമാനം; ഗ്രീസ്‌, 331 ശതമാനം; ഉത്തര കൊറിയ, 325 ശതമാനം; ടാൻസാ​നിയ, 227 ശതമാനം; ഹോ​ങ്കോംഗ്‌, 214 ശതമാനം; ഇന്തോ​നേഷ്യ, 193 ശതമാനം; സിംഗ​പ്പൂർ, 186 ശതമാനം; ടർക്കി, 185 ശതമാനം. ഏഷ്യാ​വീ​ക്കിൽ അച്ചടി​ച്ചു​വന്ന ഈ സംഖ്യകൾ 1970-നും 1993-നും ഇടയി​ലു​ണ്ടായ ശതമാന വ്യത്യാ​സം കാണി​ക്കു​ന്നു. പട്ടിക​യി​ലുള്ള 138 രാജ്യ​ങ്ങ​ളിൽ 26 എണ്ണം മാത്രമേ പുകയി​ല​യു​ടെ ഉപഭോ​ഗ​ത്തിൽ കുറവു കാണി​ച്ചു​ള്ളൂ.

യുവജ​ന​ങ്ങ​ളും തോക്കു​ക​ളും

മറ്റേതു കൂട്ടത്തി​ന്റെ ഇടയി​ലു​മു​ള്ള​തി​നേ​ക്കാൾ 10-നും 19-നും ഇടയ്‌ക്കു പ്രായ​മുള്ള അമേരി​ക്കൻ യുവജ​ന​ങ്ങ​ളു​ടെ ഇടയിൽ വെടി​വെപ്പു നിമി​ത്ത​മുള്ള മരണങ്ങൾ വർധി​ച്ചു​വ​രു​ന്ന​താ​യി കുട്ടി​ക​ളു​ടെ ഉപരോധ നിധി എന്ന സംഘട​ന​യു​ടെ ഒരു റിപ്പോർട്ടു പറയുന്നു. ഇപ്പോൾ, മരണത്തി​നി​ട​യാ​ക്കുന്ന രണ്ടാമത്തെ കാരണ​മാ​യി മുന്നി​ട്ടു​നിൽക്കു​ന്നതു തോക്കു​ക​ളാണ്‌. അപകടങ്ങൾ, പ്രധാ​ന​മാ​യും വാഹനങ്ങൾ നിമി​ത്ത​മു​ള്ളത്‌, ആണു പ്രമുഖ കാരണം. 1993-ൽ, 20 വയസ്സിനു താഴെ​യുള്ള അമേരി​ക്കൻ യുവജ​ന​ങ്ങ​ളിൽ ഒരാൾ വീതം ഓരോ 92 മിനി​ട്ടി​ലും വെടി​യേ​റ്റു​മ​രി​ച്ചു—മുൻവർഷ​ത്തെ​ക്കാൾ 7 ശതമാനം വർധനവ്‌. ഒരു താരത​മ്യ​മെന്ന നിലയിൽ എല്ലാ പ്രായ​ക്കൂ​ട്ട​ങ്ങ​ളു​ടെ​യും ഇടയി​ലു​ള്ളതു നോക്കു​മ്പോൾ വർധനവ്‌ വെറും 4.8 ശതമാ​ന​മാണ്‌. കുട്ടി​ക​ളിൽനി​ന്നും സ്‌കൂ​ളു​ക​ളിൽനി​ന്നും തോക്കു​കൾ അകറ്റി​നിർത്തു​ന്ന​തി​നു കാര്യ​മാ​യി ഒന്നും ചെയ്യാ​ത്ത​തിന്‌ ഉപരോധ നിധി ഗവൺമെൻറി​നെ അപലപി​ച്ചു. യു.എസ്‌. നീതി​ന്യാ​യ വകുപ്പി​ന്റെ കണക്കുകൾ അതി​നോട്‌ ഒത്തുവ​രു​ന്ന​താ​യി പറയ​പ്പെ​ടു​ന്നു: കഴിഞ്ഞ ദശകത്തിൽ യുവ​പ്രാ​യ​ത്തി​ലുള്ള ഘാതക​രു​ടെ എണ്ണം മൂന്നു​മ​ട​ങ്ങാ​യി​രി​ക്കു​ന്നു, 1994-ൽ 26,000 കവിഞ്ഞു. മറ്റ്‌ ആയുധങ്ങൾ കൊല​യ്‌ക്കു​പ​യോ​ഗി​ക്കു​ന്ന​വ​രു​ടെ എണ്ണത്തിനു മാറ്റമി​ല്ലെ​ങ്കി​ലും കൊല്ലാ​നുള്ള ആയുധ​മാ​യി തോക്കു​പ​യോ​ഗി​ക്കു​ന്ന​വ​രു​ടെ എണ്ണം നാലു​മ​ട​ങ്ങാ​യി​ത്തീർന്നു. ഈ കണക്കു​ക​ളെ​ല്ലാം വെടി​ക്കോ​പ്പു​ക​ളു​ടെ ലഭ്യത നിമി​ത്ത​മു​ണ്ടാ​കുന്ന നഷ്ടങ്ങളെ അടിവ​ര​യി​ട്ടു​കാ​ണി​ക്കു​ന്നു.

ആത്മഹത്യാ പ്രവണ​ത​കൾ

“ഏകദേശം 30,000 അമേരി​ക്ക​ക്കാർ ഓരോ വർഷവും ആത്മഹത്യ ചെയ്യുന്നു, അതിൽതന്നെ, പുരു​ഷ​ന്മാർ സ്‌ത്രീ​ക​ളെ​ക്കാൾ സ്വന്തം ജീവ​നൊ​ടു​ക്കാൻ നാലു മടങ്ങു സാധ്യത കൂടു​ത​ലു​ള്ള​വ​രാണ്‌” എന്ന്‌ സയൻറി​ഫിക്‌ അമേരി​ക്കൻ അഭി​പ്രാ​യ​പ്പെ​ടു​ന്നു. മോശ​മായ ആരോ​ഗ്യ​ത്തി​ന്റെ​യും മങ്ങിയ​പ്ര​തീ​ക്ഷ​ക​ളു​ടെ​യും സമ്മർദ​ങ്ങളെ പ്രതി​ഫ​ലി​പ്പി​ച്ചു​കൊണ്ട്‌, പ്രായ​മേ​റും​തോ​റും ആത്മഹത്യാ​നി​ര​ക്കും വർധി​ക്കു​ന്നു. 75-ഓ അതിനു മുകളി​ലോ പ്രായ​മു​ള്ള​വ​രു​ടെ ഇടയി​ലുള്ള ആത്മഹത്യാ​നി​രക്കു കൗമാ​ര​പ്രാ​യ​ക്കാ​രു​ടെ ഇടയി​ലു​ള്ള​തി​നെ​ക്കാൾ നാലു മടങ്ങ്‌ അധിക​മാണ്‌. ഒരു വ്യക്തി യഥാർഥ​മാ​യും ആത്മഹത്യ​ചെ​യ്‌തേ​ക്കു​മോ എന്നു നിർണ​യി​ക്കുന്ന ഘടകങ്ങൾ ഏവയാണ്‌? പട്ടിക​പ്പെ​ടു​ത്തി​യി​രി​ക്കുന്ന പ്രമു​ഖ​കാ​രണം കുടും​ബ​ത്തി​ന്റെ​യും സമൂഹ​ത്തി​ന്റെ​യും പിന്തു​ണ​യു​ടെ അഭാവ​വും മതകാ​ര്യ​ങ്ങ​ളി​ലുള്ള കുറഞ്ഞ പങ്കുപ​റ്റ​ലു​മാണ്‌. മറ്റു രാജ്യ​ങ്ങ​ളോ​ടുള്ള താരത​മ്യ​ത്തിൽ, യു.എസ്‌.-ലെ ആത്മഹത്യാ​നി​രക്ക്‌ ഓരോ 1,00,000 ആളുക​ളി​ലും 11 പേരെന്ന തോതിൽ മധ്യസ്ഥാ​നത്തു നിൽക്കു​ന്നു.

അക്രമ​ത്തി​നുള്ള പരിശീ​ല​നം

◼ “ടെലി​വി​ഷൻ പരിപാ​ടി​ക​ളെ​ക്കു​റി​ച്ചു നാലു യൂണി​വേ​ഴ്‌സി​റ്റി​ക​ളിൽ നിന്നുള്ള ഗവേഷകർ നടത്തിയ ഒരു മുഴു​വർഷ പഠനം സം​പ്രേ​ക്ഷ​ണ​ങ്ങ​ളി​ലും കേബിൾ ടിവി പരിപാ​ടി​ക​ളി​ലും ‘മനശ്ശാ​സ്‌ത്ര​പ​ര​മാ​യി ദ്രോ​ഹ​ക​ര​മായ’ അക്രമം വ്യാപി​ച്ചി​രി​ക്കു​ന്നു എന്ന നിഗമ​ന​ത്തി​ലെത്തി” എന്ന്‌ ദ വാഷി​ങ്‌ടൺ പോസ്റ്റ്‌ പറയുന്നു. മിക്കവാ​റു​മെല്ലാ പരിപാ​ടി​ക​ളി​ലും തന്നെ എന്തെങ്കി​ലും അക്രമം ഉൾക്കൊ​ണ്ടി​രു​ന്നു എന്നു മാത്രമല്ല, അത്‌ അവതരി​പ്പി​ക്കുന്ന രീതി​യും കാഴ്‌ച​ക്കാ​രു​ടെ​മേൽ ദ്രോ​ഹ​ക​ര​മായ പരിണ​ത​ഫ​ല​ങ്ങ​ളു​ള​വാ​ക്കി എന്ന്‌ ആ പഠനം കണ്ടെത്തി. അതിൽ, “അക്രമാ​സ​ക്ത​മാ​യി പെരു​മാ​റാൻ പഠിക്കു​ന്ന​തും അക്രമ​ത്തി​ന്റെ ദ്രോ​ഹ​ക​ര​മായ ഭവിഷ്യ​ത്തു​ക​ളോ​ടുള്ള സംവേ​ദ​ന​ക്ഷമത നഷ്ടപ്പെ​ടു​ന്ന​തും ആക്രമി​ക്ക​പ്പെ​ടു​ന്ന​തി​നെ സംബന്ധി​ച്ചു കൂടുതൽ ഭയപ്പെ​ടു​ന്ന​തും ഉൾപ്പെ​ടു​ന്നു.” ടിവി-യിൽ, 73 ശതമാനം കേസു​ക​ളി​ലും “അക്രമം ഫലപ്രദ”മാണെന്ന സന്ദേശം കൊടു​ത്തു​കൊണ്ട്‌ അക്രമ​പ്ര​വർത്ത​ന​ങ്ങ​ളി​ലേർപ്പെ​ടു​ന്നവർ ശിക്ഷി​ക്ക​പ്പെ​ടാ​തെ പോകു​ന്നു എന്നതാണ്‌ ഒരു കാരണം. മിക്ക ചിത്രീ​ക​ര​ണ​ങ്ങ​ളും ഇരയാ​യ​വ​ര​നു​ഭ​വി​ക്കുന്ന പരിണ​ത​ഫ​ലങ്ങൾ, വേദന, അല്ലെങ്കിൽ വൈകാ​രി​ക​മോ സാമ്പത്തി​ക​മോ ആയ നഷ്ടം തുടങ്ങി​യവ കാണി​ക്കു​ന്നില്ല. ടിവി-യിലെ അക്രമ​സം​ഭ​വ​ങ്ങ​ളി​ലുള്ള കൈ​ത്തോ​ക്കു​ക​ളു​ടെ കൂടെ​ക്കൂ​ടെ​യുള്ള ഉപയോ​ഗ​ത്തിന്‌ “അക്രമ​സ്വ​ഭാ​വ​മുള്ള ചിന്തകൾക്കും പെരു​മാ​റ്റ​ങ്ങൾക്കും വഴിമ​രു​ന്നി​ടാൻ കഴിയും” എന്നും പഠനം പറയുന്നു.

◼ ഇളം പ്രായ​ത്തിൽ ധാരാളം ടിവി അക്രമങ്ങൾ വീക്ഷി​ച്ചി​ട്ടുള്ള ഒരാൾ, 30 വയസ്സാ​കു​മ്പോ​ഴേ​ക്കും “കൂടു​തൽതവണ അക്രമ​പ്ര​വർത്ത​ന​ങ്ങ​ളു​ടെ​പേ​രിൽ കുറ്റം ചുമത്ത​പ്പെ​ട്ടി​രി​ക്കും, മദ്യപി​ച്ചു വാഹന​മോ​ടി​ക്കു​ന്ന​തി​നു വളരെ​പ്രാ​വ​ശ്യം അറസ്റ്റു​ചെ​യ്യ​പ്പെ​ട്ടി​രി​ക്കും. ലഹരി​പ​ദാർഥ​ങ്ങ​ളു​ടെ സ്വാധീ​ന​ത്തിൻകീ​ഴിൽ കൂടുതൽ അക്രമ സ്വഭാ​വ​മു​ള്ള​വ​രാ​യി​രി​ക്കു​ക​യും ഇണയെ കൂടുതൽ ദ്രോ​ഹി​ക്കു​ന്ന​വ​രാ​യി​രി​ക്കു​ക​യും കൂടുതൽ അക്രമ സ്വഭാവം കാണി​ക്കുന്ന കുട്ടി​ക​ളു​ണ്ടാ​യി​രി​ക്കു​ക​യും ചെയ്യും” എന്ന്‌ മിഷി​ഗൻസ്‌ സർവക​ലാ​ശാ​ല​യി​ലെ സാമൂ​ഹിക ഗവേഷണ സ്ഥാപന​ത്തി​ലുള്ള മനശ്ശാ​സ്‌ത്ര പ്രൊ​ഫ​സ​റും ഗവേഷണ ശാസ്‌ത്ര​ജ്ഞ​നു​മായ ലെൻ എറൻ അവകാ​ശ​പ്പെ​ടു​ന്നു. വീഡി​യോ​ക​ളി​ക​ളും സമാന​മായ പ്രശ്‌ന​ങ്ങ​ളു​ണ്ടാ​ക്കു​ന്നു. ദ റ്റൊറ​ന്റൊ സ്റ്റാർ എന്ന വർത്തമാ​ന​പ​ത്രം റിപ്പോർട്ടു​ചെ​യ്യു​ന്ന​ത​നു​സ​രിച്ച്‌, വീഡി​യോ​ഗെ​യി​മു​ക​ളു​മാ​യി ബന്ധപ്പെട്ട അപകട​മെ​ന്തെ​ന്നാൽ അവ പരസ്‌പരം പ്രതി​പ്ര​വർത്ത​ക​മാണ്‌ എന്നതാ​ണെന്ന്‌ എറൻ പറഞ്ഞു. കളിക്കാർ “ഒരു ലിവർ മാറ്റു​ക​യോ ഒരു ബട്ടൺ അമർത്തു​ക​യോ ചെയ്യു​മ്പോൾ അവർ തന്നെയാണ്‌ ഈ ഭയങ്കര​മായ, അക്രമാ​സ​ക്ത​മായ പ്രവർത്തനം—ആരെ​യെ​ങ്കി​ലും കൊല്ലു​ന്നത്‌—നടത്തു​ന്നത്‌.” മാതാ​പി​താ​ക്കൾ കൂടുതൽ മേൽനോ​ട്ടം വഹിക്കേണ്ട ആവശ്യ​മു​ണ്ടെ​ന്നാണ്‌ പ്രൊ​ഫസർ എറനു തോന്നു​ന്നത്‌. എങ്കിലും, “വളരെ​യേറെ മാതാ​പി​താ​ക്കൾ അതു ശ്രദ്ധി​ക്കാ​റേ​യില്ല” എന്ന്‌ അദ്ദേഹം വിലപി​ക്കു​ന്നു.

ഫ്രാൻസി​ലെ പുരോ​ഹി​ത​ക്ഷാ​മം വർധി​ക്കു​ന്നു

ഫ്രാൻസി​ലെ കത്തോ​ലി​ക്കാ വൈദി​ക​രു​ടെ ക്ഷാമം കൂടി​വ​രു​ന്നു. മുഴു ഫ്രാൻസി​ലു​മാ​യി 1995-ൽ 96-ഉം, 1994-ൽ 121-ഉം പുരോ​ഹി​ത​ന്മാർക്കേ പട്ടം കൊടു​ത്തി​ട്ടു​ള്ളൂ​വെന്നു പാരീസ്‌ വർത്തമാ​ന​പ​ത്ര​മായ ല മോൺട്‌ റിപ്പോർട്ടു ചെയ്യുന്നു. 1995-ൽ ജെസ്യൂ​ട്ടു​കൾക്കു പുതു​താ​യി 7-ഉം ഡൊമി​നി​ക്ക​ന്മാർക്ക്‌ 25-ഉം പുരോ​ഹി​ത​ന്മാ​രാ​ണു​ണ്ടാ​യി​രു​ന്നത്‌. കത്തോ​ലി​ക്കാ കന്യാ​സ്‌ത്രീ​ക​ളു​ടെ നിയമ​ന​ത്തി​ന്റെ കാര്യ​ത്തി​ലും ഇതുത​ന്നെ​യാണ്‌ അവസ്ഥ. “1970-കൾ മുതൽ കന്യാ​സ്‌ത്രീ​ക​ളു​ടെ എണ്ണം ചുരു​ങ്ങി​യി​രി​ക്കു​ന്നു. 1977-ൽ 92,326 ഉണ്ടായി​രു​ന്നതു കഴിഞ്ഞ​വർഷം വെറും 51,164 ആയി” എന്ന്‌ ല മോൺട്‌ പറയുന്നു. ഭൂരി​പക്ഷം വൈദി​ക​രു​ടെ കൂടി​ക്കൊ​ണ്ടി​രി​ക്കുന്ന പ്രായ​ത്തി​ന്റെ​യും പുതു​താ​യി നിയമി​ത​രാ​കാൻ താത്‌പ​ര്യ​മു​ള്ള​വരെ ആകർഷി​ക്കു​ന്ന​തി​ലുള്ള സഭയുടെ പരാജ​യ​ത്തി​ന്റെ​യും വീക്ഷണ​ത്തിൽ 2005-ാമാ​ണ്ടോ​ടെ ഫ്രാൻസിൽ ഏകദേശം 9,000 ഇടവക പുരോ​ഹി​ത​ന്മാ​രേ ഉണ്ടാവൂ എന്നാണു പ്രവച​നങ്ങൾ. “വൈദി​കർക്കു സമൂഹ​ത്തി​ലുള്ള സ്ഥാനത്തി​നു വന്ന കുറവ്‌, ദീർഘ​കാല പ്രതി​ബ​ദ്ധ​തയെ സംബന്ധിച്ച ആളുക​ളു​ടെ ഭയം, വൈദി​ക​രു​ടെ അനാകർഷ​ക​മായ പ്രതി​ച്ഛായ, സഭാ​നേ​താ​ക്ക​ന്മാ​രി​ലുള്ള വിശ്വാ​സ​നഷ്ടം” ഇതൊ​ക്കെ​യാണ്‌ ഈ കുറവി​നു കാരണം എന്ന്‌ ല മോൺട്‌ ചൂണ്ടി​ക്കാ​ണി​ക്കു​ന്നു.

ലോക​ത്തി​ലെ ഏറ്റവും കൃത്യ​ത​യുള്ള ഘടികാ​രം

അംഗീ​കൃത അന്താരാ​ഷ്‌ട്ര മാനക സമയം കണക്കാ​ക്കാ​നു​പ​യോ​ഗി​ക്കുന്ന ഇംഗ്ലണ്ടി​ലെ ആണവ ഘടികാ​ര​ങ്ങ​ളെ​ക്കാൾ ആയിരം മടങ്ങു കൃത്യ​ത​യുള്ള ഒരു ഘടികാ​രം പശ്ചിമ ഓസ്‌​ട്രേ​ലി​യ​യി​ലെ പെർത്തി​ലുള്ള ശാസ്‌ത്ര​ജ്ഞൻമാർ ഉണ്ടാക്കി​യെ​ടു​ത്തി​രി​ക്കു​ന്നു. ഇന്ദ്രനീ​ല​ഘ​ടി​കാ​രം എന്നറി​യ​പ്പെ​ടുന്ന ഇതിന്റെ വില ഏകദേശം 2,00,000 ഡോള​റാണ്‌, കുറേ​യെണ്ണം ഇപ്പോൾത്തന്നെ ഉണ്ടാക്കി​ക്ക​ഴി​യു​ക​യും ചെയ്‌തു. അതിനു ക്ഷണത്തിൽ കടന്നു​പോ​കുന്ന ഫെം​റ്റോ​സെ​ക്കൻറ്‌, അതായത്‌ ഒരു സെക്കൻറി​ന്റെ 10,00,00,000,00,00,000-ലൊരു ഭാഗം അളക്കാ​നുള്ള കഴിവുണ്ട്‌! ഇതിന്റെ പ്രയോ​ജ​ന​മെ​ന്താണ്‌? ഐൻസ്റ്റീ​ന്റെ പൊതു ആപേക്ഷിക സിദ്ധാ​ന്ത​മ​നു​സ​രിച്ച്‌ ഒരുവൻ ഭൂമി​യിൽ നിന്ന്‌ ഉയരത്തി​ലേക്കു പോകു​ന്ന​ത​നു​സ​രിച്ച്‌ സമയത്തി​ന്റെ വേഗവും കൂടുന്നു. “ഞങ്ങളുടെ ലക്ഷ്യം ഏകദേശം ഒരു മീറ്റർ ഉയരത്തിൽ—മറ്റു വാക്കു​ക​ളിൽ പറഞ്ഞാൽ നിങ്ങളു​ടെ പാദത്തി​ന്റെ​യും തലയു​ടെ​യും ഇടക്കു​ള്ളത്‌—ഉണ്ടാകുന്ന വേഗത്തി​ലെ വ്യത്യാ​സം കണ്ടുപി​ടി​ക്കുക എന്നതാണ്‌” എന്നു ക്ലോക്കു വികസി​പ്പി​ച്ചെ​ടു​ക്കു​ന്ന​തി​നാ​യി പ്രവർത്തിച്ച ഭൗതി​ക​ശാ​സ്‌ത്ര​ജ്ഞ​നായ ഡേവിഡ്‌ ബ്ലെയർ പറഞ്ഞു. എന്നുവ​രി​കി​ലും, അതിന്റെ കൃത്യത ഒരു സമയത്തു വെറും അഞ്ചു മിനിട്ടേ നിലനിൽക്കു​ക​യു​ള്ളൂ.

സർവസാ​ധാ​ര​ണ​മായ സാൻഡ്‌വിച്ച്‌

1762-ൽ, ഒരു ചൂതു​കളി ആസക്തനാ​യി​രുന്ന സാൻഡ്‌വിച്ച്‌ എന്ന ബ്രിട്ടീഷ്‌ പ്രഭു 24 മണിക്കൂ​റു​കൾ കളിക്കാ​നുള്ള ഒരു മേശയി​ങ്കൽ ചെലവ​ഴി​ച്ചു. തന്റെ വിശപ്പ​ട​ക്കാൻ അദ്ദേഹം ഒരു കഷണം ഇറച്ചി നടുവിൽ വെച്ച രണ്ടു കഷണം റൊട്ടി കൊണ്ടു​വ​രാൻ പറഞ്ഞു. ഈ പുതിയ ലഘുഭ​ക്ഷ​ണ​ത്തിന്‌—സാൻഡ്‌വിച്ച്‌—മിക്കവാ​റും അദ്ദേഹ​ത്തി​ന്റെ പേരു ലഭിക്കു​ക​യും ചെയ്‌തു. ബ്രിട്ടീ​ഷു​കാർ ഇപ്പോൾ ഓരോ ദിവസ​വും സാൻഡ്‌വി​ച്ചു​കൾക്കാ​യി 79 ലക്ഷം ഡോള​റാ​ണു ചെലവ​ഴി​ക്കു​ന്നത്‌, കഴിഞ്ഞ അഞ്ചു വർഷ​ത്തെ​ക്കാൾ 75 ശതമാനം വർധന​വാ​ണിത്‌. ലണ്ടനിലെ ദ ടൈംസ്‌ റിപ്പോർട്ടു ചെയ്യുന്ന പ്രകാരം “മുഴു തത്‌ക്ഷണ ആഹാര (fast-food) വിൽപ​ന​യു​ടെ​യും മൂന്നി​ലൊ​രു ഭാഗം സാൻഡ്‌വി​ച്ചു​ക​ളാണ്‌,” അവ 8,000 സാൻഡ്‌വിച്ച്‌ ബാറു​ക​ളിൽ നിന്നാണു വിതരണം ചെയ്യ​പ്പെ​ടു​ന്നത്‌. ബ്രിട്ട​നിൽ ഏകദേശം 130 കോടി റെഡി​മെ​യ്‌ഡ്‌ സാൻഡ്‌വി​ച്ചു​ക​ളാ​ണു ചെലവാ​കു​ന്നത്‌. എന്നിരു​ന്നാ​ലും, ഈ സാൻഡ്‌വി​ച്ചു​കൾ ഗ്രാമ​പ്ര​ദേ​ശ​ങ്ങ​ളി​ലോ കടൽത്തീ​ര​ങ്ങ​ളി​ലോ പിക്‌നി​ക്കി​നു പോകു​മ്പോൾ കുടും​ബങ്ങൾ ചെയ്യുന്ന ലളിത​മായ തരങ്ങളി​ലുള്ള ഭക്ഷണ​പ്പൊ​തി​ക​ളിൽനി​ന്നും വളരെ വ്യത്യ​സ്‌ത​മാണ്‌. ചില വിൽപ്പ​ന​ശാ​ലകൾ കംഗാ​രു​വി​ന്റെ​യോ മുതല​യു​ടെ​യോ ഇറച്ചി​കൊ​ണ്ടു​ണ്ടാ​ക്കി​യ​തോ, ചോക്ക​ലേറ്റ്‌ റൊട്ടി​യിൽ സ്‌​ട്രോ​ബ​റി​യും ക്രീമും വെച്ചു​ണ്ടാ​ക്കി​യ​തോ​പോ​ലെ ശ്രദ്ധേ​യ​മാം​വി​ധം വ്യത്യ​സ്‌ത​ങ്ങ​ളായ തരങ്ങൾ പ്രദാനം ചെയ്യുന്നു.

ഏഷ്യയി​ലെ ബാല​ലൈം​ഗിക വ്യാപാ​രം

ഏഷ്യയിൽ 17 വയസ്സും അതിൽ താഴെ​യു​മുള്ള പത്തുലക്ഷം ആൺകു​ട്ടി​ക​ളും പെൺകു​ട്ടി​ക​ളും വേശ്യാ​വൃ​ത്തി​യി​ലേർപ്പെ​ടു​ന്നു​ണ്ടെന്നു ഗവൺമെൻറു​ക​ളും സാമൂ​ഹ്യ​പ്ര​വർത്ത​ക​രും കണക്കാ​ക്കു​ന്ന​താ​യി ദ ന്യൂ​യോർക്ക്‌ ടൈംസ്‌ പറയുന്നു. കൃത്യ​മായ സംഖ്യ അറിവി​ല്ലാ​തി​രി​ക്കെ, കംബോ​ഡിയ, ചൈന, ഇന്ത്യ, ഫിലി​പ്പീൻസ്‌, തയ്‌വാൻ, തായ്‌ലൻഡ്‌ പോ​ലെ​യുള്ള രാജ്യ​ങ്ങ​ളി​ലെ വേശ്യാ​ല​യ​ങ്ങ​ളിൽ താരു​ണ്യ​ത്തി​ലെ​ത്താത്ത കുട്ടി​ക​ളെ​പോ​ലും കാണാൻ കഴിയും. എന്തു​കൊ​ണ്ടാണ്‌ ഇത്ര ചെറിയ കുട്ടി​കളെ ആവശ്യ​മു​ള്ളത്‌? എയ്‌ഡ്‌സി​നോ​ടുള്ള ഭയമാണ്‌ ഒരു കാരണം. “ഏഷ്യയി​ലെ​മ്പാ​ടു​മുള്ള പുരു​ഷ​ന്മാർ പ്രായ​ക്കു​റ​വുള്ള കുട്ടി​ക​ളി​ലേക്കു തിരി​യു​ന്നു, ഇതിനുള്ള ഭാഗി​ക​മായ കാരണം അവർക്ക്‌ എയ്‌ഡ്‌സു​ണ്ടാ​ക്കുന്ന വൈറ​സായ എച്ച്‌.ഐ.വി. പിടി​പെ​ടാ​നുള്ള സാധ്യത താരത​മ്യേന കുറവാ​ണെന്നു കരുത​പ്പെ​ടു​ന്ന​തി​നാ​ലാണ്‌” എന്ന്‌ ടൈംസ്‌ പറയുന്നു. എങ്കിലും, ഈ രാജ്യ​ങ്ങ​ളിൽ വേശ്യാ​വൃ​ത്തി​യിൽ ഏർപ്പെ​ടു​ന്ന​വ​രിൽ എയ്‌ഡ്‌സ്‌ വൈറസ്‌ ദ്രുത​ഗ​തി​യിൽ പരന്നു​കൊ​ണ്ടി​രി​ക്കു​ക​യാണ്‌, ഭാഗി​ക​മാ​യി അവരെ അതിർത്തി​ക​ട​ത്തു​ന്ന​തും, ഭാഗി​ക​മാ​യി ചിലർ സ്ഥലങ്ങൾതോ​റും ലൈം​ഗിക ടൂറുകൾ നടത്തു​ന്ന​തു​മാ​ണു കാരണം. ചില കുട്ടി​കളെ ബലമായി പിടി​ച്ചു​കൊ​ണ്ടു പോകു​മ്പോൾ മറ്റുള്ള​വരെ മാതാ​പി​താ​ക്കൾ സാമ്പത്തിക ലാഭത്തി​നാ​യി വിൽക്കു​ന്നു.

മാത്സര്യ​മോ ഐക്യ​മോ?

“ക്രിസ്‌തു​വി​ന്റെ ജനനത്തി​ന്റെ 2000-ാമത്തെ വാർഷി​കം സഭകളു​ടെ ഇടയിൽ വളരെ വേഗത്തിൽ ഒരു ചർച്ചാ​വി​ഷ​യ​മാ​യി​ക്കൊ​ണ്ടി​രി​ക്കു​ന്നു,” എന്ന്‌ ഇഎൻഐ (സഭൈക്യ അന്താരാ​ഷ്‌ട്ര വാർത്താ) ബുള്ളറ്റിൻ റിപ്പോർട്ടു ചെയ്യുന്നു. സഭകളു​ടെ ലോക ഉപദേശക സമിതി​യു​ടെ ജനറൽ സെക്ര​ട്ട​റി​യായ കൊൺറാഡ്‌ റൈസർ സഭക​ളോട്‌, ഈ സംഭവത്തെ “ശ്രദ്ധി​ക്ക​പ്പെ​ടു​ന്ന​തി​നു വേണ്ടി​യുള്ള മൽസര​ത്തി​ന്റെയല്ല—പകരം സഹകര​ണ​ത്തി​ന്റെ​യും ഐക്യ​ത്തി​ന്റെ​യും ഒരു അവസര​മാ​യി” വീക്ഷി​ക്കാൻ ആഹ്വാനം ചെയ്‌തു. എന്നുവ​രി​കി​ലും, സഭകൾ ആ വർഷത്തെ “സുവി​ശേ​ഷി​ക്കു​ന്ന​തി​നുള്ള, . . . പൊതു​ജ​ന​ങ്ങ​ളു​ടെ ഇടയിൽ തങ്ങൾക്കു സംഭവിച്ച വിലയി​ടി​വി​നെ അതിജീ​വി​ക്കു​ന്ന​തി​നുള്ള ഒരു അവസര​മാ​യി” ഉപയോ​ഗി​ക്കു​ന്ന​തിന്‌ ഉറച്ചി​രി​ക്കു​ന്ന​താ​യി തോന്നു​ന്നു എന്ന്‌ അദ്ദേഹം പറയുന്നു. 2000-ാമാണ്ട്‌ “ക്രിസ്‌തീയ ഐക്യം ശക്തമായി ഉറപ്പി​ക്കു​ന്ന​തി​നുള്ള ഒരു അവസര​മാ​യി​രി​ക്കണം” എന്നുള്ള പാപ്പാ​യു​ടെ ആഹ്വാ​നത്തെ ശ്ലാഘി​ക്കവേ, റൈസർ ഇങ്ങനെ കൂട്ടി​ച്ചേർത്തു: “2000-ാമാ​ണ്ടോ​ടെ ഈ സ്വപ്‌ന​ങ്ങ​ളിൽ എത്രമാ​ത്രം നിറ​വേ​റ്റ​പ്പെ​ടു​മെന്നു കാത്തി​രു​ന്നു കാണേ​ണ്ടി​യി​രി​ക്കു​ന്നു—മുൻ അനുഭ​വങ്ങൾ സംശയം വർധി​പ്പി​ക്കു​ന്നു.”