ഫ്രാൻസി​ലെ മതയു​ദ്ധ​ങ്ങൾ

ആയിര​ത്ത​ഞ്ഞൂ​റ്റ​റു​പ​ത്തി​രണ്ട്‌ മാർച്ച്‌ 1 ഒരു ഞായറാ​ഴ്‌ച​യാ​യി​രു​ന്നു. അന്ന്‌, ഫ്രഞ്ച്‌ കത്തോ​ലി​ക്കാ മതത്തിന്റെ രണ്ടു മുന്നണി​പ്പോ​രാ​ളി​ക​ളായ ഗിസിലെ ഡ്യൂക്കും അദ്ദേഹ​ത്തി​ന്റെ സഹോ​ദ​ര​നാ​യി​രുന്ന ലൊ​റേ​നി​ലെ കർദി​നാൾ ചാൾസും സായുധ അംഗര​ക്ഷ​ക​രോ​ടൊ​പ്പം പാരീ​സി​നു കിഴക്കുള്ള വാസി ഗ്രാമ​ത്തി​ലേക്കു യാത്ര ചെയ്യു​ക​യാ​യി​രു​ന്നു. വാസി പള്ളിയിൽ കുർബാന കൂടു​ന്ന​തി​നാ​യി അവിടെ യാത്ര നിർത്താൻ അവർ തീരു​മാ​നി​ച്ചു.

പെട്ടെന്ന്‌ അവർ കീർത്ത​നാ​ലാ​പം കേട്ടു. ആരാധ​ന​യ്‌ക്കാ​യി ഒരു ധാന്യ​പ്പു​ര​യിൽ സമ്മേളിച്ച നൂറു​ക​ണ​ക്കി​നു പ്രൊ​ട്ട​സ്റ്റൻറു​കാ​രു​ടേ​താ​യി​രു​ന്നു ആ ആലാപനം. പട്ടാള​ക്കാർ അവി​ടേക്കു തള്ളിക്ക​യറി. തുടർന്നു​ണ്ടായ ബഹളത്തിൽ പരസ്‌പരം ചീത്തവി​ളി​യും കല്ലേറു​മു​ണ്ടാ​യി. പട്ടാള​ക്കാർ നിറ​യൊ​ഴി​ച്ചു. ഡസൻക​ണ​ക്കി​നു പ്രൊ​ട്ട​സ്റ്റൻറു​കാർ മരിച്ചു​വീ​ണു, നൂറു​ക​ണ​ക്കിന്‌ ആളുകൾക്കു പരി​ക്കേറ്റു.

ഈ കൂട്ട​ക്കൊ​ല​യ്‌ക്കു നിദാ​ന​മായ സംഭവങ്ങൾ എന്തൊ​ക്കെ​യാ​യി​രു​ന്നു? പ്രൊ​ട്ട​സ്റ്റൻറു​കാർ ഇതി​നോട്‌ എങ്ങനെ​യാ​ണു പ്രതി​ക​രി​ച്ചത്‌?

ചരിത്ര പശ്ചാത്തലം

16-ാം നൂറ്റാ​ണ്ടി​ന്റെ ആദ്യപ​കു​തി​യിൽ സമ്പത്‌സ​മൃ​ദ്ധ​മായ, നിരവധി ആളുകൾ പാർത്തി​രുന്ന ഒരു രാഷ്‌ട്ര​മാ​യി​രു​ന്നു ഫ്രാൻസ്‌. സാമ്പത്തി​കോ​ന്ന​മ​ന​ത്തി​നും ജനസം​ഖ്യാ​വർധ​ന​വി​നു​മൊ​പ്പം കൂടുതൽ ആത്മീയ​ത​യും സാഹോ​ദ​ര്യ​വു​മുള്ള കത്തോ​ലി​ക്കാ​മതം ആചരി​ക്കാ​നുള്ള ശ്രമങ്ങ​ളും നടക്കു​ക​യു​ണ്ടാ​യി. സമ്പന്നത കുറഞ്ഞ​തും പവിത്രത കൂടി​യ​തു​മായ ഒരു സഭയു​ണ്ടാ​യി​രി​ക്കാ​നാണ്‌ ആളുകൾ ആഗ്രഹി​ച്ചത്‌. ഉന്നതാ​ധി​കാ​ര​ത്തി​ലുള്ള ബിഷപ്പു​മാ​രു​ടെ ദുഷ്‌ചെ​യ്‌തി​ക​ളെ​യും താഴ്‌ന്ന നിലയി​ലുള്ള പുരോ​ഹി​ത​ന്മാ​രു​ടെ അയോ​ഗ്യ​ത​യെ​യും ചെറു​ക്കാൻ മതപര​മായ പരിഷ്‌കാ​രങ്ങൾ വേണ​മെന്നു ചില പുരോ​ഹി​ത​ന്മാ​രും ചരിത്ര-സാഹിത്യ പണ്ഡിത​ന്മാ​രും ആവശ്യ​പ്പെട്ടു. നവീക​ര​ണ​ത്തി​നു വേണ്ടി ഉദ്യമി​ച്ച​യാ​ളാ​യി​രു​ന്നു ഗിയോം ബ്രി​സോ​ണി എന്ന കത്തോ​ലി​ക്കാ ബിഷപ്പ്‌.

തന്റെ രൂപത​യായ മോയിൽ തിരു​വെ​ഴു​ത്തു​കൾ വായി​ക്കാൻ ബ്രി​സോ​ണി എല്ലാവ​രെ​യും പ്രോ​ത്സാ​ഹി​പ്പി​ച്ചു. ക്രിസ്‌തീയ ഗ്രീക്കു തിരു​വെ​ഴു​ത്തു​കൾ ഫ്രഞ്ച്‌ ഭാഷയി​ലേക്കു പുതു​താ​യി പരിഭാ​ഷ​പ്പെ​ടു​ത്തു​ന്ന​തിന്‌ അദ്ദേഹം സാമ്പത്തിക ചെലവു വഹിക്കു​ക​പോ​ലും ചെയ്‌തു. പെട്ടെ​ന്നു​തന്നെ, കത്തോ​ലി​ക്കാ യാഥാ​സ്ഥി​തി​ക​ത്വ​ത്തി​ന്റെ സംരക്ഷ​ക​നായ പാരീ​സി​ലെ സോർബോൺ ദൈവ​ശാ​സ്‌ത്ര സർവക​ലാ​ശാ​ല​യു​ടെ ക്രോധം അദ്ദേഹ​ത്തി​ന്റെ നേർക്കാ​യി. അങ്ങനെ അദ്ദേഹ​ത്തി​ന്റെ ഉദ്യമ​ങ്ങൾക്കു വിഘ്‌നം നേരിട്ടു. എന്നാൽ ആ ബിഷപ്പിന്‌, 1515 മുതൽ 1547 വരെ, ഫ്രാൻസി​ലെ രാജാ​വാ​യി​രുന്ന ഫ്രാൻസിസ്‌ I-ാമന്റെ സംരക്ഷ​ണ​മു​ണ്ടാ​യി​രു​ന്നു. അക്കാലത്ത്‌, ആ രാജാവ്‌ നവീക​ര​ണത്തെ അനുകൂ​ലി​ച്ചി​രു​ന്നു.

എന്നാൽ, പൊതു ക്രമസ​മാ​ധാ​ന​ത്തി​നും ദേശീയ അഖണ്ഡത​യ്‌ക്കും ഭീഷണി​യാ​കാ​തി​രുന്ന ഘട്ടത്തോ​ളം മാത്രമേ ഫ്രാൻസിസ്‌ I-ാമൻ സഭയുടെ വിമർശനം സഹിച്ചി​രു​ന്നു​ള്ളൂ. 1534-ൽ പ്രൊ​ട്ട​സ്റ്റൻറ്‌ തീവ്ര​വാ​ദി​കൾ കത്തോ​ലി​ക്കാ കുർബാ​നയെ വിഗ്ര​ഹാ​രാ​ധ​ന​യാ​യി അപലപിച്ച പോസ്റ്റ​റു​കൾ പതിക്കു​ക​യു​ണ്ടാ​യി. രാജ​കൊ​ട്ടാ​ര​ത്തി​ലെ പള്ളിയ​റ​വാ​തി​ലിൽപോ​ലും അവർ പോസ്റ്റർ പതിച്ചു. തത്‌ഫ​ല​മാ​യി, ഫ്രാൻസിസ്‌ I-ാമൻ തന്റെ മനോ​ഭാ​വ​ത്തി​നു മാറ്റം വരുത്തി ഒരു കടുത്ത അടിച്ച​മർത്തൽ പോരാ​ട്ടം​തന്നെ അഴിച്ചു​വി​ടു​ക​യു​ണ്ടാ​യി.

മൃഗീ​യ​മായ അടിച്ച​മർത്തൽ

താമസി​യാ​തെ, പ്രൊ​ട്ട​സ്റ്റൻറു​കാ​രെ സ്‌തം​ഭ​ത്തിൽ ചുട്ടെ​രി​ക്കാൻ തുടങ്ങി. അനവധി ചരിത്ര-സാഹിത്യ പണ്ഡിത​ന്മാ​രും അനുഭാ​വി​ക​ളും പറക്കമു​റ്റാത്ത പ്രൊ​ട്ട​സ്റ്റൻറ്‌ മതത്തിന്റെ അനുവർത്ത​ക​രും രാജ്യം വിട്ടോ​ടി. അധികാ​രി​കൾ പുസ്‌ത​കങ്ങൾ സെൻസർ ചെയ്യാ​നും അധ്യാ​പ​ക​രെ​യും പുസ്‌ത​ക​പ്ര​സാ​ധ​ക​രെ​യും അച്ചടി​ക്കാ​രെ​യും നിയ​ന്ത്രി​ക്കാ​നും തുടങ്ങി.

ഔദ്യോ​ഗി​ക​മായ സമ്പൂർണ എതിർപ്പു നേരി​ട്ടത്‌ വാൾഡെൻസു​കാർക്കാ​യി​രു​ന്നു. രാജ്യ​ത്തി​ന്റെ തെക്കു​കി​ഴ​ക്കുള്ള ദരിദ്ര ഗ്രാമ​ങ്ങ​ളിൽ പാർത്തി​രുന്ന ഒരു ബൈബി​ളോ​ന്മുഖ ന്യൂനപക്ഷ ജനസമൂ​ഹ​മാ​യി​രു​ന്നു അവർ. അവരിൽ ചിലരെ സ്‌തം​ഭ​ത്തിൽ ചുട്ടെ​രി​ച്ചു. നൂറു​ക​ണ​ക്കി​നാ​ളു​കളെ കൂട്ട​ക്കൊല ചെയ്‌തു. അവരുടെ 20-ഓളം ഗ്രാമങ്ങൾ നശിപ്പി​ക്ക​പ്പെട്ടു.—6-ാം പേജിലെ ചതുരം കാണുക.

സഭയ്‌ക്കു​ള്ളിൽ പരിവർത്തനം ആവശ്യ​മാ​ണെന്നു മനസ്സി​ലാ​ക്കി കത്തോ​ലി​ക്കാ ബിഷപ്പു​മാ​രു​ടെ ഒരു സുന്നഹ​ദോസ്‌ 1545 ഡിസം​ബ​റിൽ ഇറ്റലി​യി​ലെ ട്രെൻറിൽ നടക്കു​ക​യു​ണ്ടാ​യി. 1563-ൽ ആ സുന്നഹ​ദോസ്‌ അവസാ​നി​ച്ച​പ്പോൾ, ദ കേം​ബ്രി​ഡ്‌ജ്‌ മോഡേൺ ഹിസ്റ്ററി പറയു​ന്ന​പ്ര​കാ​രം, അതുള​വാ​ക്കിയ “പൊതു​വായ ഫലം . . . പ്രൊ​ട്ട​സ്റ്റൻറ്‌ മതത്തെ വേരോ​ടെ പിഴു​തെ​റി​യാൻ ദൃഢനി​ശ്ചയം ചെയ്‌ത​വ​രു​ടെ കരങ്ങൾക്കു ശക്തി പകരുക എന്നതാ​യി​രു​ന്നു.”

യുദ്ധകാ​ഹ​ളം

പരിവർത്ത​ന​ങ്ങൾക്കു വേണ്ടി കാത്തി​രു​ന്നു മടുത്ത്‌ കത്തോ​ലി​ക്കാ സഭയ്‌ക്കു​ള്ളി​ലെ നവീകരണ പ്രസ്ഥാ​ന​ത്തി​ലെ പല അംഗങ്ങ​ളും പ്രൊ​ട്ട​സ്റ്റൻറ്‌ മതത്തിന്റെ പക്ഷം ചേർന്നു. 1560 ആയപ്പോ​ഴേ​ക്കും, അനവധി ഫ്രഞ്ച്‌ കുലീ​ന​രും അവരുടെ പിന്തു​ണ​ക്കാ​രും ഹ്യൂഗ​നോ​ട്ടു​ക​ളോ​ടു ചേർന്നു. അങ്ങനെ​യാ​ണു പ്രൊ​ട്ട​സ്റ്റൻറു​കാർ പിന്നീടു വിളി​ക്ക​പ്പെ​ട്ടത്‌. ഹ്യൂഗ​നോ​ട്ടു​കൾ കൂടു​ത​ലാ​യി കാര്യങ്ങൾ തുറന്നു​പ​റ​യാൻ തുടങ്ങി. അവരുടെ പൊതു​യോ​ഗങ്ങൾ ചില​പ്പോ​ഴൊ​ക്കെ പ്രകോ​പ​ന​ത്തി​ന്റെ​യും കൊടും​പ​ക​യു​ടെ​യും ഉറവി​ട​മാ​യി​രു​ന്നു. ഉദാഹ​ര​ണ​ത്തിന്‌, 1558-ൽ ആയിര​ക്ക​ണ​ക്കി​നു ഹ്യൂഗ​നോ​ട്ടു​കൾ തുടർച്ച​യായ നാലു ദിവസം പാരീ​സിൽ സമ്മേളിച്ച്‌ കീർത്ത​നങ്ങൾ ആലപിച്ചു.

ഇതെല്ലാം കത്തോ​ലി​ക്കാ സഭയിലെ പ്രബല​രായ പ്രഭു​ക്ക​ന്മാ​രെ​യും അതു​പോ​ലെ​തന്നെ കത്തോ​ലി​ക്കാ ജനങ്ങ​ളെ​യും കുപി​ത​രാ​ക്കി. തന്റെ പിതാ​വായ ഫ്രാൻസിസ്‌ I-ാമനുശേഷം അധികാ​ര​ത്തിൽ വന്ന ഹെൻട്രി II-ാമൻ രാജാവ്‌, ലൊ​റേ​നി​ലെ കർദി​നാ​ളായ ചാൾസി​ന്റെ പ്രേര​ണയെ തുടർന്ന്‌ 1559 ജൂണിൽ ഏയ്‌ക്കൂ​വാൻ കൽപ്പന പുറ​പ്പെ​ടു​വി​ച്ചു. അതിന്റെ പ്രഖ്യാ​പിത ഉദ്ദേശ്യം “കുപ്ര​സിദ്ധ ലൂഥറൻ അവശി​ഷ്ടത്തെ” ഉന്മൂലനം ചെയ്യുക എന്നതാ​യി​രു​ന്നു. ഇതു ഹ്യൂഗ​നോ​ട്ടു​കൾക്കെ​തി​രെ പാരീ​സിൽ നടന്ന ഭീതി​ദ​മായ പോരാ​ട്ട​ത്തി​ലേക്കു നയിച്ചു.

ഒരു മല്ലയു​ദ്ധ​ത്തിൽ മുറി​വേ​റ്റ​തി​നെ​ത്തു​ടർന്ന്‌ ഏതാനും ആഴ്‌ചകൾ കഴിഞ്ഞ​പ്പോൾ ഹെൻട്രി II-ാമൻ മരണമ​ടഞ്ഞു. അദ്ദേഹ​ത്തി​ന്റെ പുത്ര​നായ ഫ്രാൻസിസ്‌ II-ാമൻ, ഗിസ്‌ കുടും​ബ​ത്തി​ന്റെ പ്രേര​ണ​യാൽ, പ്രൊ​ട്ട​സ്റ്റൻറു​കാ​രാ​യി തുടരു​ന്ന​വർക്കു മരണശിക്ഷ വിധി​ച്ചു​കൊ​ണ്ടുള്ള ആ കൽപ്പന പുതുക്കി. പിറ്റേ വർഷം ഫ്രാൻസിസ്‌ II-ാമൻ മരിച്ചു. അദ്ദേഹ​ത്തി​ന്റെ പത്തു വയസ്സുള്ള സഹോ​ദ​ര​നായ ചാൾസ്‌ IX-ാമന്റെ സ്ഥാനത്ത്‌, അമ്മ കാത്‌റിൻ ഡെ മേഡി​സിസ്‌ ഭരണം നടത്തി. കാത്‌റി​ന്റെ അനുര​ഞ്‌ജ​ന​നയം പ്രൊ​ട്ട​സ്റ്റൻറ്‌ മതത്തെ പാടേ ഇല്ലായ്‌മ ചെയ്യാൻ കച്ചകെ​ട്ടി​യി​റ​ങ്ങിയ ഗിസു​കാർക്ക്‌ ഇഷ്ടമാ​യില്ല.

1561-ൽ പാരീ​സി​ന​ടു​ത്തുള്ള പ്വാസി​യിൽ കാത്‌റിൻ ഒരു സെമി​നാർ സംഘടി​പ്പി​ച്ചു. അവിടെ കത്തോ​ലി​ക്കാ, പ്രൊ​ട്ട​സ്റ്റൻറ്‌ വേദപ​ണ്ഡി​ത​ന്മാർ സമ്മേളി​ച്ചു. 1562 ജനുവ​രി​യിൽ പുറ​പ്പെ​ടു​വിച്ച കൽപ്പന​യിൽ, നഗരത്തി​നു വെളി​യിൽ ആരാധ​ന​യ്‌ക്കാ​യി കൂടി​വ​രാൻ കാത്‌റിൻ പ്രൊ​ട്ട​സ്റ്റൻറു​കാർക്കു സ്വാത​ന്ത്ര്യം നൽകി. ഇതിൽ കത്തോ​ലി​ക്കർ കുപി​ത​രാ​യി! രണ്ടു മാസം കഴിഞ്ഞു സംഭവി​ച്ച​തി​ന്റെ—മുമ്പ്‌ വിവരി​ച്ച​തു​പോ​ലെ വാസി ഗ്രാമ​ത്തി​ലെ ധാന്യ​പ്പു​ര​യിൽ പ്രൊ​ട്ട​സ്റ്റൻറു​കാ​രെ കശാപ്പു ചെയ്‌ത​തി​ന്റെ—നാന്ദി​യാ​യി​രു​ന്നു ഇത്‌.

ആദ്യത്തെ മൂന്നു യുദ്ധങ്ങൾ

1562 മുതൽ 1590-കളുടെ മധ്യം​വരെ നീണ്ടു​നിന്ന ഭീതി​ദ​മായ അരും​കൊ​ല​യി​ലേക്ക്‌ ഫ്രാൻസി​നെ തള്ളിവിട്ട എട്ടു മതപോ​രാ​ട്ട​ങ്ങ​ളു​ടെ പരമ്പര​യിൽ ആദ്യ​ത്തേ​താ​യി​രു​ന്നു വാസി​യി​ലെ ഈ കൂട്ട​ക്കൊല. രാഷ്‌ട്രീയ, സാമൂ​ഹിക വിവാ​ദ​വി​ഷ​യ​ങ്ങ​ളും ഉൾപ്പെ​ട്ടി​രു​ന്നെ​ങ്കി​ലും ഈ രക്തച്ചൊ​രി​ച്ചി​ലി​ന്റെ മുഖ്യ പ്രേര​ക​ഘ​ടകം മതമാ​യി​രു​ന്നു.

6,000 പേരുടെ ജീവഹാ​നി​ക്കി​ട​യാ​ക്കിയ, 1562 ഡിസം​ബ​റി​ലെ ഡ്രെർ യുദ്ധത്തി​നു​ശേഷം ആദ്യത്തെ മതയുദ്ധം അവസാ​നി​ച്ചു. 1563-ൽ ഒപ്പുവെച്ച ആൻബ്വാസ്സ്‌ സമാധാന ഉടമ്പടി​യു​ടെ ഫലമായി ഹ്യൂഗ​നോട്ട്‌ കുലീ​നർക്കു ചില സ്ഥലങ്ങളിൽ പരിമി​ത​മായ ആരാധ​നാ​സ്വാ​ത​ന്ത്ര്യം ലഭിച്ചു.

“ഒരു സാർവ​ദേ​ശീയ കത്തോ​ലി​ക്കാ ഗൂഢാ​ലോ​ചന സംബന്ധിച്ച ഹ്യൂഗ​നോ​ട്ടു​ക​ളു​ടെ ഭയം നിമി​ത്ത​മു​ണ്ടാ​യ​താണ്‌ രണ്ടാമത്തെ യുദ്ധം,” ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക പറയുന്നു. അക്കാലത്ത്‌, കേവലം ഹ്യൂഗ​നോ​ട്ടു​കൾ ആയിരു​ന്ന​തി​ന്റെ പേരിൽ പൗരന്മാ​രെ കത്തോ​ലി​ക്കാ ജഡ്‌ജി​മാർ തൂക്കി​ലേ​റ്റുക സാധാ​ര​ണ​മാ​യി​രു​ന്നു. 1567-ൽ ചാൾസ്‌ IX-ാമൻ രാജാ​വി​നെ​യും അദ്ദേഹ​ത്തി​ന്റെ അമ്മ കാത്‌റി​നെ​യും പിടി​ക്കാ​നുള്ള ഹ്യൂഗ​നോ​ട്ടു​ക​ളു​ടെ ശ്രമം രണ്ടാമത്തെ യുദ്ധത്തി​നു തിരി കൊളു​ത്തി.

പാരീ​സി​നു വെളി​യിൽ സാൻഡെ​നിൽവെച്ചു നടന്ന രക്തപങ്കി​ല​മായ പോരാ​ട്ട​ത്തെ​ക്കു​റി​ച്ചു പ്രതി​പാ​ദി​ച്ച​ശേഷം ചരി​ത്ര​മെ​ഴു​ത്തു​കാ​രായ വിൽ ഡൂറൻറും ഏരിയൽ ഡൂറൻറും ഇപ്രകാ​രം എഴുതി: “അത്തരം കൂട്ടക്കു​രു​തി​യി​ലേക്കു മനുഷ്യ​രെ തള്ളിവിട്ട മതം ഏതു തരത്തി​ലു​ള്ള​താ​ണെ​ന്നോർത്ത്‌ ഫ്രാൻസ്‌ വീണ്ടും അമ്പരന്നു.” അതിനു​ശേഷം താമസി​യാ​തെ, 1568 മാർച്ചി​ലെ ലോൺഷ്യൂ​മോ സമാധാന ഉടമ്പടി, മുമ്പ്‌ ആൻബ്വാസ്സ്‌ സമാധാന ഉടമ്പടി​ക്കാ​ലത്ത്‌ തങ്ങൾ ആസ്വദി​ച്ചി​രുന്ന മിതമായ സ്വാത​ന്ത്ര്യം ഹ്യൂഗ​നോ​ട്ടു​കൾക്കു നൽകി.

എന്നിരു​ന്നാ​ലും, കോപി​ഷ്‌ഠ​രായ കത്തോ​ലി​ക്കർ സമാധാന ഉടമ്പടി​യി​ലെ വ്യവസ്ഥകൾ പാലി​ക്കാൻ വിസമ്മ​തി​ച്ചു. അങ്ങനെ, 1568 സെപ്‌റ്റം​ബ​റിൽ മൂന്നാ​മത്തെ മതയുദ്ധം പൊട്ടി​പ്പു​റ​പ്പെട്ടു. തുടർന്നു​ണ്ടായ സമാധാന ഉടമ്പടി ഹ്യൂഗ​നോ​ട്ടു​കൾക്കു കൂടു​ത​ലായ ഇളവുകൾ നൽകു​ക​യു​ണ്ടാ​യി. ലാറൊ​ഷെൽ തുറമു​ഖം ഉൾപ്പെടെ കെട്ടി​യു​റ​പ്പി​ക്ക​പ്പെട്ട പട്ടണങ്ങൾ അവർക്കു ലഭിച്ചു. തന്നെയു​മല്ല, ഒരു പ്രധാന പ്രൊ​ട്ട​സ്റ്റൻറ്‌ പ്രഭു​വായ അഡ്‌മി​റൽ ഡെ കോളിൻയി, രാജാ​വി​ന്റെ ബുദ്ധ്യു​പ​ദേശക സമിതി​യിൽ നിയു​ക്ത​നാ​യി. കത്തോ​ലി​ക്കർ വീണ്ടും കുപി​ത​രാ​യി.

ബാർത്തോ​ലാ​മ്യൂ “പുണ്യ​വാള”ന്റെ തിരു​നാ​ളി​ലെ കൂട്ട​ക്കൊ​ല

പിന്നീട്‌, ഏതാണ്ട്‌ ഒരു വർഷം കഴിഞ്ഞ്‌ 1572 ആഗസ്റ്റ്‌ 22-ന്‌ ലൂവ്‌ർ കൊട്ടാ​ര​ത്തിൽനി​ന്നു തന്റെ വസതി​യി​ലേക്ക്‌ നടന്നു​പോ​കു​മ്പോൾ പാരീ​സിൽ അരങ്ങേ​റിയ ഒരു വധശ്ര​മത്തെ കോളിൻയി അതിജീ​വി​ച്ചു. പെട്ടെ​ന്നു​തന്നെ നീതി നടപ്പാ​ക്കി​യി​ല്ലെ​ങ്കിൽ തങ്ങൾത്തന്നെ കടുത്ത പ്രതി​കാര നടപടി​കൾ സ്വീക​രി​ക്കു​മെന്നു കുപി​ത​രായ പ്രൊ​ട്ട​സ്റ്റൻറു​കാർ ഭീഷണി മുഴക്കി. യുവാ​വായ ചാൾസ്‌ IX-ാമൻ രാജാ​വും അദ്ദേഹ​ത്തി​ന്റെ അമ്മ കാത്‌റിൻ ഡെ മേഡി​സി​സും അനവധി പ്രഭു​ക്ക​ന്മാ​രും ചേർന്നു സ്വകാര്യ ചർച്ച നടത്തി കോളിൻയി​യെ ഇല്ലാതാ​ക്കാൻ തീരു​മാ​നി​ച്ചു. ഏതെങ്കി​ലും തരത്തി​ലുള്ള പ്രതി​കാ​ര​ന​ട​പ​ടി​കൾ ഉണ്ടാകാ​തി​രി​ക്കു​ന്ന​തിന്‌, പ്രൊ​ട്ട​സ്റ്റൻറു​കാ​ര​നായ നവാറി​ലെ ഹെൻട്രി​യു​ടെ​യും കാത്‌റി​ന്റെ പുത്രി വാൽവാ​യി​ലെ മാർഗ​രി​റ്റി​ന്റെ​യും വിവാ​ഹ​ച്ച​ട​ങ്ങിൽ സംബന്ധി​ക്കാൻ വന്ന പ്രൊ​ട്ട​സ്റ്റൻറു​കാ​രെ​യെ​ല്ലാം കൊല​പ്പെ​ടു​ത്താൻ അവർ ഉത്തരവു നൽകി.

ആഗസ്റ്റ്‌ 24-ന്‌ രാത്രിക്ക്‌, ലൂവ്‌റിന്‌ എതിർവ​ശ​ത്തുള്ള സാൻഷർമൻ-ലോസർവാ പള്ളിയി​ലെ മണികൾ മുഴങ്ങി. കൂട്ട​ക്കൊല തുടങ്ങു​ന്ന​തി​നുള്ള മുന്നറി​യി​പ്പാ​യി​രു​ന്നു അത്‌. കോളിൻയി ഉറങ്ങി​ക്കി​ട​ന്നി​രുന്ന കെട്ടി​ട​ത്തി​ലേക്ക്‌ ഗിസിലെ ഡ്യൂക്കും അദ്ദേഹ​ത്തി​ന്റെ ആൾക്കാ​രും പാഞ്ഞു​ക​യറി. കോളിൻയി​യെ കൊന്ന്‌ ജാലക​ത്തി​ലൂ​ടെ വലി​ച്ചെ​റി​ഞ്ഞു, അദ്ദേഹ​ത്തി​ന്റെ ശവശരീ​രം തുണ്ടം തുണ്ടമാ​ക്കി. കത്തോ​ലി​ക്കാ ഡ്യൂക്ക്‌ ഈ കൽപ്പന പുറ​പ്പെ​ടു​വി​ച്ചി​രു​ന്നു: “അവരെ​യെ​ല്ലാം കൊല്ലുക. ഇതു രാജകൽപ്പ​ന​യാണ്‌.”

ആഗസ്റ്റ്‌ 24 മുതൽ 29 വരെ പാരീസ്‌ തെരു​വീ​ഥി​ക​ളിൽ ഭീതി​ദ​മായ രംഗങ്ങൾ നടമാടി. കശാപ്പു ചെയ്യപ്പെട്ട ആയിര​ക്ക​ണ​ക്കി​നു ഹ്യൂഗ​നോ​ട്ടു​ക​ളു​ടെ രക്തം​കൊണ്ട്‌ സേയ്‌ൻ നദിയു​ടെ നിറം ചുവപ്പാ​യി എന്ന്‌ ചിലർ അവകാ​ശ​പ്പെട്ടു. മറ്റു പട്ടണങ്ങ​ളും രക്തച്ചൊ​രി​ച്ചി​ലി​നു സാക്ഷ്യം വഹിച്ചു. മരണസം​ഖ്യ എത്ര​യെന്നു തിട്ടമില്ല, 10,000-ത്തിനും 1,00,000-ത്തിനും ഇടയിൽ ആകാം. എങ്കിലും, മരണസം​ഖ്യ ചുരു​ങ്ങി​യത്‌ 30,000 എങ്കിലും വരു​മെന്ന്‌ മിക്കവ​രും സമ്മതി​ക്കു​ന്നു.

“കൂട്ട​ക്കൊ​ല​പോ​ലെ ഭയാന​ക​മായ ഒരു വസ്‌തു​ത​യാ​യി​രു​ന്നു അതോ​ടൊ​പ്പ​മു​ണ്ടായ സന്തോ​ഷി​ക്ക​ലും,” ഒരു ചരി​ത്ര​കാ​രൻ റിപ്പോർട്ടു ചെയ്‌തു. കൂട്ട​ക്കൊ​ല​യെ​ക്കു​റി​ച്ചു കേട്ട​പ്പോൾ, ഗ്രിഗറി XIII-ാമൻ പാപ്പാ ഒരു കൃതജ്ഞതാ പ്രകാശന ചടങ്ങ്‌ സംഘടി​പ്പി​ക്കാൻ ഉത്തരവു പുറ​പ്പെ​ടു​വി​ക്കു​ക​യും കാത്‌റിൻ ഡെ മേഡി​സി​സി​നെ അനു​മോ​ദനം അറിയി​ക്കു​ക​യും ചെയ്‌തു. ഹ്യൂഗ​നോ​ട്ടു​കളെ കശാപ്പു ചെയ്‌ത​തി​ന്റെ സ്‌മര​ണ​യ്‌ക്കാ​യി ഒരു പതക്കം കൊത്തി​യു​ണ്ടാ​ക്കാൻ അദ്ദേഹം കൽപ്പന പുറ​പ്പെ​ടു​വി​ക്കു​ക​യും “കോളിൻയി​യു​ടെ വധത്തെ പാപ്പാ അംഗീ​ക​രി​ക്കു​ന്നു” എന്ന വാക്കുകൾ വഹിക്കുന്ന, കൂട്ട​ക്കൊ​ല​യു​ടെ ഒരു ചിത്രം വരയ്‌ക്കാൻ അംഗീ​കാ​രം നൽകു​ക​യും ചെയ്‌തു.

കൂട്ട​ക്കൊ​ല​യ്‌ക്കു​ശേഷം, ചാൾസ്‌ IX-ാമൻ അതിന്റെ ഇരക​ളെ​ക്കു​റി​ച്ചു പേടി​സ്വ​പ്‌നങ്ങൾ കണ്ടതായി പറയ​പ്പെ​ടു​ന്നു. അദ്ദേഹം നഴ്‌സി​നോട്‌ ഇങ്ങനെ വിളി​ച്ചു​പ​റ​യു​മാ​യി​രു​ന്നു: “എത്രയോ ദുഷ്ടമായ ആലോ​ച​ന​യാ​ണു ഞാൻ നടപ്പി​ലാ​ക്കി​യത്‌! എന്റെ ദൈവമേ, എന്നോടു ക്ഷമി​ക്കേ​ണമേ!” 1574-ൽ, 23-ാമത്തെ വയസ്സിൽ അദ്ദേഹം മരിച്ച​തി​നെ​ത്തു​ടർന്ന്‌ അദ്ദേഹ​ത്തി​ന്റെ സഹോ​ദരൻ ഹെൻട്രി III-ാമൻ രാജാ​വാ​യി.

മതയു​ദ്ധങ്ങൾ തുടരു​ന്നു

അതിനി​ടെ, ഹ്യൂഗ​നോ​ട്ടു​കൾക്കെ​തി​രെ കത്തോ​ലി​ക്കാ നേതാ​ക്ക​ന്മാർ അവരുടെ ആൾക്കാരെ ഇളക്കി​വി​ട്ടു. ടുളൂ​സിൽ കത്തോ​ലി​ക്കാ പുരോ​ഹി​ത​ന്മാർ അവരുടെ അനുഗാ​മി​കളെ ഇങ്ങനെ ഉദ്‌ബോ​ധി​പ്പി​ച്ചു: “എല്ലാവ​രെ​യും കൊല്ലുക, കൊള്ള​യി​ടുക; ഞങ്ങൾ നിങ്ങളു​ടെ പിതാ​ക്ക​ന്മാ​രാണ്‌. നിങ്ങളെ സംരക്ഷി​ച്ചു​കൊ​ള്ളാം.” അക്രമാ​സ​ക്ത​മായ അടിച്ച​മർത്ത​ലി​ലൂ​ടെ രാജാ​വും ഭരണസ​ഭ​യും ഗവർണർമാ​രും മേധാ​വി​ക​ളും മാതൃക വെച്ചു, കത്തോ​ലി​ക്കാ ജനങ്ങൾ അത്‌ അനുക​രി​ച്ചു.

എന്നാൽ, ഹ്യൂഗ​നോ​ട്ടു​കൾ തിരി​ച്ച​ടി​ച്ചു. ബാർത്തോ​ലാ​മ്യൂ “പുണ്യ​വാള”ന്റെ തിരു​നാ​ളി​ലെ കൂട്ട​ക്കൊല കഴിഞ്ഞ്‌ രണ്ടു മാസത്തി​നു​ള്ളിൽ നാലാ​മത്തെ മതയുദ്ധം തുടങ്ങി. പ്രൊ​ട്ട​സ്റ്റൻറു​കാർ കത്തോ​ലി​ക്ക​രെ​ക്കാൾ കൂടു​ത​ലു​ണ്ടാ​യി​രുന്ന സ്ഥലങ്ങളിൽ അവർ കത്തോ​ലി​ക്കാ പള്ളിക​ളി​ലെ പ്രതി​മ​ക​ളും ക്രൂശി​ത​രൂ​പ​ങ്ങ​ളും അൾത്താ​ര​ക​ളും നശിപ്പി​ക്കുക മാത്രമല്ല കൊല​പാ​ത​ക​വും നടത്തി. “പട്ടണങ്ങ​ളെ​യോ ആളുക​ളെ​യോ വെറുതേ വിടാൻ ദൈവം ആഗ്രഹി​ക്കു​ന്നില്ല,” ഫ്രഞ്ച്‌ പ്രൊ​ട്ട​സ്റ്റൻറ്‌ മതനേ​താ​വായ ജോൺ കാൽവിൻ സത്യവി​ശ്വാ​സം നിലനിർത്താ​നുള്ള പ്രഖ്യാ​പനം (ഇംഗ്ലീഷ്‌) എന്ന തന്റെ ലഘു​ലേ​ഖ​യിൽ പ്രഖ്യാ​പി​ച്ചു.

നാലു മതയു​ദ്ധങ്ങൾ കൂടി അരങ്ങേറി. അഞ്ചാമത്തെ യുദ്ധം അവസാ​നി​ച്ചത്‌ 1576-ലായി​രു​ന്നു. ആ വർഷം, ഫ്രാൻസി​ലെ​വി​ടെ​യും ഹ്യൂഗ​നോ​ട്ടു​കൾക്ക്‌ സമ്പൂർണ ആരാധ​നാ​സ്വാ​ത​ന്ത്ര്യം നൽകിയ ഒരു സമാധാന ഉടമ്പടി​യിൽ ഹെൻട്രി III-ാമൻ രാജാവ്‌ ഒപ്പു​വെ​ക്കു​ക​യു​ണ്ടാ​യി. പാരീസ്‌ നഗരത്തിൽ ഭൂരി​പ​ക്ഷ​വും കത്തോ​ലി​ക്ക​രാ​യി​രു​ന്നു. ഒടുവിൽ അവർ വിപ്ലവം നടത്തി ഹെൻട്രി III-ാമനെ അവി​ടെ​നി​ന്നു തുരത്തി. ഹ്യൂഗ​നോ​ട്ടു​കളെ അങ്ങേയറ്റം പ്രീണി​പ്പി​ക്കു​ന്ന​വ​നാ​യാണ്‌ അവർ അദ്ദേഹത്തെ കണ്ടത്‌. കത്തോ​ലി​ക്കർ ഗിസിലെ ഹെൻട്രി​യു​ടെ നേതൃ​ത്വ​ത്തിൽ കത്തോ​ലി​ക്കാ വിശുദ്ധ സഖ്യം എന്ന നാമ​ധേ​യ​ത്തി​ലുള്ള ഒരു പ്രതിപക്ഷ ഗവൺമെൻറ്‌ രൂപീ​ക​രി​ച്ചു.

ഒടുവിൽ, മൂന്നു ഹെൻട്രി​മാ​രു​ടെ യുദ്ധമായ എട്ടാമത്തെ യുദ്ധത്തിന്‌ അരങ്ങൊ​രു​ങ്ങി. (കത്തോ​ലി​ക്ക​നായ) ഹെൻട്രി III-ാമൻ തന്റെ പിൻഗാ​മി​യായ നവാറി​ലെ (പ്രൊ​ട്ട​സ്റ്റൻറു​കാ​ര​നായ) ഹെൻട്രി​യു​മാ​യി സഖ്യമു​ണ്ടാ​ക്കി (കത്തോ​ലി​ക്ക​നായ) ഗിസിലെ ഹെൻട്രി​യോ​ടു പോരാ​ടി. ഗിസിലെ ഹെൻട്രി​യെ വധിക്കു​ന്ന​തിൽ ഹെൻട്രി III-ാമൻ വിജയി​ച്ചു. എന്നാൽ 1589 ആഗസ്റ്റിൽ ഹെൻട്രി III-ാമനെ ഒരു ഡൊമി​നി​ക്കൻ സന്ന്യാസി വധിക്കു​ക​യു​ണ്ടാ​യി. അങ്ങനെ, 17 വർഷം മുമ്പ്‌ ബാർത്തോ​ലാ​മ്യൂ “പുണ്യ​വാള”ന്റെ തിരു​നാ​ളി​ലെ കൂട്ട​ക്കൊ​ല​യിൽനി​ന്നു രക്ഷപ്പെട്ട നവാറി​ലെ ഹെൻട്രി, ഹെൻട്രി IV-ാമൻ രാജാ​വാ​യി.

ഹെൻട്രി IV-ാമൻ ഒരു ഹ്യൂഗ​നോ​ട്ടാ​യി​രു​ന്നു. അദ്ദേഹ​ത്തി​നു കീഴട​ങ്ങി​യി​രി​ക്കാൻ പാരീസ്‌ ജനത വിസമ്മ​തി​ച്ചു. കത്തോ​ലി​ക്കാ വിശുദ്ധ സഖ്യം രാജ്യ​ത്തെ​മ്പാ​ടും അദ്ദേഹ​ത്തി​നെ​തി​രെ സായുധ പോരാ​ട്ടം സംഘടി​പ്പി​ച്ചു. ഹെൻട്രി പല യുദ്ധങ്ങ​ളി​ലും വിജയി​ച്ചെ​ങ്കി​ലും സ്‌പാ​നിഷ്‌ സൈന്യം കത്തോ​ലി​ക്ക​രു​ടെ പിന്തു​ണ​യ്‌ക്കെ​ത്തി​യ​പ്പോൾ അദ്ദേഹം ഒടുവിൽ പ്രൊ​ട്ട​സ്റ്റൻറ്‌ മതം ഉപേക്ഷിച്ച്‌ കത്തോ​ലി​ക്കാ വിശ്വാ​സം സ്വീക​രി​ക്കു​ക​യു​ണ്ടാ​യി. 1594 ഫെബ്രു​വരി 27-ന്‌ സിംഹാ​സ​ന​സ്ഥ​നായ ഹെൻട്രി പാരീ​സിൽ പ്രവേ​ശി​ച്ചു. അവിടെ യുദ്ധം​കൊ​ണ്ടു പൊറു​തി​മു​ട്ടിയ ജനങ്ങൾ അദ്ദേഹത്തെ രാജാ​വാ​യി വാഴ്‌ത്തി.

അങ്ങനെ, കത്തോ​ലി​ക്ക​രും പ്രൊ​ട്ട​സ്റ്റൻറു​കാ​രും ഇടയ്‌ക്കി​ട​യ്‌ക്കു പരസ്‌പരം കൊ​ന്നൊ​ടു​ക്കി​ക്കൊണ്ട്‌, 30-ലധികം വർഷം പിന്നിട്ടു. അതിനു​ശേഷം ഫ്രഞ്ച്‌ മതയു​ദ്ധങ്ങൾ അവസാ​നി​ച്ചു. 1598 ഏപ്രിൽ 13-ന്‌ ചരി​ത്ര​പ്ര​സി​ദ്ധ​മായ നാൻസ്‌ ഉത്തരവു പുറ​പ്പെ​ടു​വി​ച്ചു. അതിൻപ്ര​കാ​രം, പ്രൊ​ട്ട​സ്റ്റൻറു​കാർക്കു മനസ്സാക്ഷി സ്വാത​ന്ത്ര്യ​വും ആരാധനാ സ്വാത​ന്ത്ര്യ​വും ലഭിച്ചു. പാപ്പാ​യു​ടെ അഭി​പ്രാ​യ​ത്തിൽ, ആ കൽപ്പന “സങ്കൽപ്പി​ക്കാ​വു​ന്ന​തി​ലേ​ക്കും​വെച്ച്‌ ഏറ്റവും മോശ​മാ​യി​രു​ന്നു. കാരണം, അത്‌ സകലർക്കും മനസ്സാക്ഷി സ്വാത​ന്ത്ര്യം നൽകി. അതു ലോക​ത്തി​ലെ ഏറ്റവും ഭയങ്കര​മായ സംഗതി​യാ​യി​രു​ന്നു.”

കത്തോ​ലി​ക്ക​രു​ടെ വിശ്വാ​സ​പ്ര​മാ​ണത്തെ പിന്താ​ങ്ങു​മെ​ന്നുള്ള ഹെൻട്രി​യു​ടെ വാഗ്‌ദാ​ന​ലം​ഘ​ന​മാ​യി​രു​ന്നു ആ കൽപ്പന​യെന്നു ഫ്രാൻസി ലെങ്ങു​മുള്ള കത്തോ​ലി​ക്കർക്കു തോന്നി. ഏകദേശം ഒരു നൂറ്റാ​ണ്ടി​നു​ശേഷം ലൂയി XIV-ാമൻ നാൻസ്‌ കൽപ്പന റദ്ദാക്കു​ന്ന​തു​വരെ സഭയ്‌ക്കു വിശ്ര​മ​മു​ണ്ടാ​യി​രു​ന്നില്ല. അതു ഹ്യൂഗ​നോ​ട്ടു​കൾ മുമ്പ​ത്തേ​തി​നെ​ക്കാൾ തീവ്ര​മായ പീഡനം അനുഭ​വി​ക്കു​ന്ന​തിൽ കലാശി​ച്ചു.

യുദ്ധങ്ങ​ളു​ടെ അനന്തര​ഫ​ലം

16-ാം നൂറ്റാ​ണ്ടി​ന്റെ അവസാ​ന​മാ​യ​പ്പോ​ഴേ​ക്കും, ഫ്രാൻസി​ന്റെ സമൃദ്ധി അപ്രത്യ​ക്ഷ​മാ​യി​ക്ക​ഴി​ഞ്ഞി​രു​ന്നു. രാജ്യ​ത്തി​ന്റെ പകുതി​യും ഉപരോ​ധി​ക്ക​പ്പെട്ടു, കൊള്ള​യ​ടി​ക്ക​പ്പെട്ടു, മറുവി​ല​യാ​യി നൽക​പ്പെട്ടു, അല്ലെങ്കിൽ താറു​മാ​റാ​ക്ക​പ്പെട്ടു. സൈനി​കർ ആളുകളെ അങ്ങേയറ്റം ചൂഷണം ചെയ്‌തു. അതു കാർഷി​ക​വി​പ്ല​വ​ത്തി​നു വഴി​യൊ​രു​ക്കി. മരണവി​ധി, കൂട്ട​ക്കൊല, നാടു​ക​ടത്തൽ, തള്ളിപ്പ​റ​ച്ചിൽ എന്നിവ നിമിത്തം പ്രൊ​ട്ട​സ്റ്റൻറു​കാ​രു​ടെ എണ്ണം വളരെ​യ​ധി​കം കുറഞ്ഞു. 17-ാം നൂറ്റാ​ണ്ടിൽ പ്രൊ​ട്ട​സ്റ്റൻറു​കാ​രു​ടെ എണ്ണം വളരെ പരിമി​ത​മാ​യി​രു​ന്നു.

പ്രത്യ​ക്ഷ​ത്തിൽ, ഫ്രഞ്ച്‌ മതയു​ദ്ധ​ങ്ങ​ളിൽ കത്തോ​ലി​ക്കർ വിജയം നേടി. എന്നാൽ അവരുടെ വിജയത്തെ ദൈവം അനു​ഗ്ര​ഹി​ച്ചോ? വ്യക്തമാ​യും ഇല്ല. ദൈവ​ത്തി​ന്റെ പേരി​ലുള്ള ഈ കൊല​പാ​ത​ക​ങ്ങ​ളെ​ല്ലാം കണ്ടു മടുത്ത പല ഫ്രഞ്ചു​കാർക്കും മതവി​ശ്വാ​സം നഷ്ടപ്പെട്ടു. 18-ാം നൂറ്റാ​ണ്ടി​ലെ ക്രിസ്‌തീ​യ​വി​രുദ്ധ ചിന്താ​ധാര എന്നു വിളി​ക്ക​പ്പെ​ട്ട​തി​ന്റെ മുന്നോ​ടി​ക​ളാ​യി​രു​ന്നു അവർ.

[9-ാം പേജിലെ ആകർഷ​ക​വാ​ക്യം]

“പട്ടണങ്ങ​ളെ​യോ ആളുക​ളെ​യോ വെറുതേ വിടാൻ ദൈവം ആഗ്രഹി​ക്കു​ന്നില്ല.”—ഫ്രഞ്ച്‌ പ്രൊ​ട്ട​സ്റ്റൻറ്‌ മതനേ​താ​വു പ്രഖ്യാ​പി​ച്ചു

[6-ാം പേജിലെ ചതുരം/ചിത്രം]

വാൾഡെൻസുകാർ അചഞ്ചല​രാ​യി നിന്നു—ഫലമോ?

പിയെർ വാൾഡിസ അഥവാ പീറ്റർ വാൾഡോ 12-ാം നൂറ്റാ​ണ്ടിൽ ഫ്രാൻസി​ലു​ണ്ടാ​യി​രുന്ന ഒരു സമ്പന്ന വ്യാപാ​രി​യാ​യി​രു​ന്നു. റോമൻ കത്തോ​ലി​ക്കാ സഭ മനപ്പൂർവം ആളുകളെ ബൈബിൾ സംബന്ധിച്ച അജ്ഞതയിൽ നിർത്തിയ കാലത്ത്‌ വാൾഡോ സുവി​ശേ​ഷ​ങ്ങ​ളും മറ്റു ബൈബിൾ പുസ്‌ത​ക​ങ്ങ​ളും തെക്കു​കി​ഴക്കൻ ഫ്രാൻസി​ലെ സാധാ​ര​ണ​ക്കാ​രായ ആളുക​ളു​ടെ ഭാഷയി​ലേക്കു പരിഭാ​ഷ​പ്പെ​ടു​ത്തു​ന്ന​തി​ന്റെ സാമ്പത്തി​ക​ച്ചെ​ലവു വഹിക്കു​ക​യു​ണ്ടാ​യി. അദ്ദേഹം പിന്നീട്‌ തന്റെ ബിസി​നസ്‌ ഉപേക്ഷിച്ച്‌ സുവി​ശേ​ഷ​പ്ര​സം​ഗ​ത്തി​നു സ്വയം അർപ്പിച്ചു. പെട്ടെ​ന്നു​തന്നെ പലരും അദ്ദേഹ​ത്തോ​ടു ചേർന്നു. 1184-ൽ അദ്ദേഹ​ത്തെ​യും സഹകാ​രി​ക​ളെ​യും ലൂഷി​യസ്‌ III-ാമൻ പാപ്പാ സമുദാ​യ​ഭ്ര​ഷ്ട​രാ​ക്കി.

കാല​ക്ര​മേണ, ബൈബി​ളോ​ന്മുഖ പ്രസം​ഗ​ക​രു​ടെ ഈ സംഘങ്ങൾ വാൾഡെൻസു​കാർ എന്നറി​യ​പ്പെ​ടാൻ തുടങ്ങി. ആദിമ ക്രിസ്‌ത്യാ​നി​ത്വ​ത്തി​ന്റെ വിശ്വാ​സ​ങ്ങ​ളി​ലേ​ക്കും ആചാര​ങ്ങ​ളി​ലേ​ക്കും മടങ്ങി​പ്പോ​ക​ണ​മെന്ന്‌ അവർ വാദിച്ചു. പരമ്പരാ​ഗത കത്തോ​ലി​ക്കാ ആചാര​ങ്ങ​ളെ​യും വിശ്വാ​സ​ങ്ങ​ളെ​യും അവർ തള്ളിക്ക​ളഞ്ഞു. അവയിൽ ദണ്ഡവി​മോ​ച​ന​പ​ത്രങ്ങൾ, മരിച്ച​വർക്കു വേണ്ടി​യുള്ള പ്രാർഥ​നകൾ, ശുദ്ധീ​ക​ര​ണ​സ്ഥലം, മറിയാ​രാ​ധന, “പുണ്യ​വാ​ള​ന്മാ​രോ​ടുള്ള” പ്രാർഥ​നകൾ, ശിശു​സ്‌നാ​നം, കുരി​ശാ​രാ​ധന, അപ്പവീ​ഞ്ഞു​ക​ളു​ടെ അത്ഭുത​ക​ര​മായ രൂപാ​ന്ത​രണം തുടങ്ങി​യവ ഉൾപ്പെ​ട്ടി​രു​ന്നു. തത്‌ഫ​ല​മാ​യി, വാൾഡെൻസു​കാ​രെ കത്തോ​ലി​ക്കാ സഭ അതിക​ഠി​ന​മാ​യി പീഡി​പ്പി​ക്കു​ക​യു​ണ്ടാ​യി. കത്തോ​ലി​ക്ക​ര​ല്ലാ​ത്ത​വർക്കെ​തി​രെ ഫ്രാൻസിസ്‌ I-ാമൻ രാജാവ്‌ ഒരു പോരാ​ട്ട​ത്തി​നു തുടക്ക​മി​ട്ട​പ്പോ​ഴത്തെ അവസ്ഥയെ ചരി​ത്ര​കാ​ര​നായ വിൽ ഡൂറൻറ്‌ വിവരി​ക്കു​ന്നു:

“വാൾഡെൻസു​കാർ ഗവൺമെൻറി​നെ​തി​രെ വഞ്ചകമായ ഗൂഢാ​ലോ​ചന നടത്തു​ന്നു​വെന്ന്‌ ആരോ​പി​ച്ചു​കൊ​ണ്ടു കർദി​നാൾ ഡെ ടൂർനോൻ രോഗി​യും ചഞ്ചലചി​ത്ത​നു​മായ രാജാ​വി​നെ​ക്കൊണ്ട്‌, പാഷണ്ഡ​ത​യ്‌ക്കു കുറ്റക്കാ​ര​നെന്നു കണ്ടെത്തുന്ന എല്ലാ വാൾഡെൻസു​കാ​രെ​യും വധിക്ക​ണ​മെന്നു പ്രസ്‌താ​വി​ക്കുന്ന ഒരു കൽപ്പന​യിൽ (ജനുവരി 1, 1545) ഒപ്പിടു​വി​ച്ചു. . . . ഒരാഴ്‌ച​യ്‌ക്കു​ള്ളിൽ (ഏപ്രിൽ 12-18) അനവധി ഗ്രാമങ്ങൾ കത്തിച്ചാ​മ്പ​ലാ​യി; അവയി​ലൊ​ന്നിൽ 800 സ്‌ത്രീ​പു​രു​ഷ​ന്മാ​രും കുട്ടി​ക​ളും കൂട്ട​ക്കൊ​ല​യ്‌ക്കി​ര​യാ​യി; രണ്ടു മാസം​കൊണ്ട്‌ 3,000 പേർ വധിക്ക​പ്പെട്ടു, ഇരുപ​ത്തി​രണ്ടു ഗ്രാമങ്ങൾ അഗ്നിക്കി​ര​യാ​യി, 700 പുരു​ഷ​ന്മാ​രെ കപ്പലിൽ തണ്ടു വലിക്കാൻ അയച്ചു. പേടി​ച്ചു​വി​റച്ച്‌ ഒരു ഗുഹയിൽ അഭയം തേടിയ ഇരുപ​ത്തഞ്ചു സ്‌ത്രീ​കളെ ഗുഹാ​മു​ഖത്ത്‌ തീകൂട്ടി ശ്വാസം മുട്ടിച്ചു കൊന്നു.”

അത്തരം ചരി​ത്ര​സം​ഭ​വ​ങ്ങ​ളെ​ക്കു​റിച്ച്‌ ഡൂറൻറ്‌ ഇങ്ങനെ അഭി​പ്രാ​യ​പ്പെട്ടു: “ഈ പീഡനങ്ങൾ ഫ്രാൻസി​സി​ന്റെ ഭരണത്തി​ന്റെ ഏറ്റവും വലിയ പരാജ​യ​മാ​യി​രു​ന്നു.” രാജാ​വി​ന്റെ അനുമ​തി​യോ​ടെ നടന്ന പീഡന​കാ​ലത്ത്‌ വാൾഡെൻസു​കാ​രു​ടെ നിശ്ചയ​ദാർഢ്യ​ത്തെ നിരീ​ക്ഷി​ച്ച​വ​രു​ടെ​മേൽ അതിന്‌ എന്തു ഫലമാ​ണു​ണ്ടാ​യി​രു​ന്നത്‌? ഡൂറൻറ്‌ എഴുതി: “രക്തസാ​ക്ഷി​ക​ളു​ടെ ധീരത അവർ പറ്റിനിന്ന തത്ത്വത്തിന്‌ അന്തസ്സും മഹത്ത്വ​വു​മേകി; അതു കാഴ്‌ച​ക്കാ​രായ ആയിര​ക്ക​ണ​ക്കി​നാ​ളു​ക​ളിൽ മതിപ്പു​ള​വാ​ക്കു​ക​യും അവരുടെ മനസ്സാ​ക്ഷി​യെ അസ്വസ്ഥ​മാ​ക്കു​ക​യും ചെയ്‌തി​രി​ക്കാം. ഒരുപക്ഷേ ഈ ശ്രദ്ധേ​യ​മായ വധനിർവ​ഹ​ണങ്ങൾ ഇല്ലായി​രു​ന്നെ​ങ്കിൽ അവർ ഒരിക്ക​ലും തങ്ങളുടെ പരമ്പരാ​ഗത മതവി​ശ്വാ​സങ്ങൾ മാറ്റു​ക​യി​ല്ലാ​യി​രു​ന്നി​രി​ക്കാം.”

[5-ാം പേജിലെ ചിത്രം]

വാസിയിലെ കൂട്ട​ക്കൊല മതയു​ദ്ധ​ങ്ങൾക്കു നാന്ദി കുറിച്ചു

[കടപ്പാട്‌]

Bibliothèque Nationale, Paris

[7-ാം പേജിലെ ചിത്രം]

ബാർത്തോലാമ്യൂ “പുണ്യ​വാള”ന്റെ തിരു​നാ​ളി​ലെ കൂട്ട​ക്കൊ​ല​യിൽ കത്തോ​ലി​ക്കർ ആയിര​ക്ക​ണ​ക്കി​നു പ്രൊ​ട്ട​സ്റ്റൻറു​കാ​രെ കശാപ്പു ചെയ്‌തു

[കടപ്പാട്‌]

Photo Musée cantonal des Beaux-Arts, Lausanne

[8-ാം പേജിലെ ചിത്രങ്ങൾ]

പ്രൊട്ടസ്റ്റൻറുകാർ കത്തോ​ലി​ക്കരെ കൊല്ലു​ക​യും പള്ളിസ്വ​ത്തു​കൾ നശിപ്പി​ക്കു​ക​യും ചെയ്‌തു

(മുകളി​ലും താഴെ​യും)