വിജ്ഞാ​നോ​ത്‌ക​ണ്‌ഠ​യ്‌ക്ക്‌ ഇടയാ​ക്കു​ന്ന​തെന്ത്‌?

“നാം മ​ന​സ്സി​ലാ​ക്കു​ന്ന​തും മനസ്സി​ലാ​ക്കേ​ണ്ട​തു​ണ്ടെന്ന്‌ വിചാ​രി​ക്കു​ന്ന​തു​മായ കാര്യ​ങ്ങൾക്കി​ട​യി​ലുള്ള, സദാ വലുതാ​യി​ക്കൊ​ണ്ടി​രി​ക്കുന്ന ഒരു വിടവാണ്‌ വിജ്ഞാ​നോ​ത്‌ക​ണ്‌ഠ​യ്‌ക്കി​ട​യാക്കു​ന്നത്‌. വിവര​ങ്ങൾക്കും അറിവി​നും ഇടയ്‌ക്കുള്ള തമോ​ഗർത്ത​മാ​ണത്‌. നാം അറിയാൻ ആഗ്രഹി​ക്കു​ന്നത്‌ അല്ലെങ്കിൽ നാം അറിഞ്ഞി​രി​ക്കേ​ണ്ടത്‌ എന്തെന്ന്‌ വിവരങ്ങൾ നമ്മോടു പറയാ​ത്ത​പ്പോ​ഴാണ്‌ അതു സംഭവി​ക്കു​ന്നത്‌.” റിച്ചാർഡ്‌ എസ്‌. വർമൻ വിജ്ഞാ​നോ​ത്‌കണ്‌ഠ എന്ന തന്റെ പുസ്‌ത​ക​ത്തിൽ എഴുതി​യത്‌ അങ്ങനെ​യാണ്‌. “തങ്ങൾക്ക്‌ അറിഞ്ഞു​കൂ​ടാത്ത എത്രമാ​ത്രം കാര്യ​ങ്ങ​ളു​ണ്ടെന്ന്‌ ദീർഘ​കാ​ലം ആളുകൾ തിരി​ച്ച​റി​ഞ്ഞി​രു​ന്നില്ല—തങ്ങൾക്ക്‌ അറിഞ്ഞു​കൂ​ടാ​ത്ത​തെ​ന്തെന്ന്‌ അവർക്ക്‌ അറിയി​ല്ലാ​യി​രു​ന്നു. എന്നാൽ ഇന്ന്‌, തങ്ങൾക്ക്‌ അറിയാൻ പാടി​ല്ലാത്ത കാര്യങ്ങൾ ഏതാ​ണെന്ന്‌ അവർക്ക​റി​യാം. അവരെ ഉത്‌ക​ണ്‌ഠാ​കു​ല​രാ​ക്കു​ന്നത്‌ അതാണ്‌.” തത്‌ഫ​ല​മാ​യി, നമുക്ക്‌ അറിയാ​വു​ന്ന​തി​ല​ധി​കം കാര്യങ്ങൾ നാം അറിഞ്ഞി​രി​ക്കേ​ണ്ട​തു​ണ്ടെന്ന്‌ നമ്മിൽ മിക്കവ​രും കരുതി​യേ​ക്കാം. വിജ്ഞാന പ്രളയ​മു​ണ്ടാ​കു​മ്പോൾ നാം ഏതാനും വിവരങ്ങൾ തിര​ഞ്ഞെ​ടു​ക്കു​ന്നു. എന്നാൽ മിക്ക​പ്പോ​ഴും ആ വിവര​ങ്ങൾകൊണ്ട്‌ എന്തു ചെയ്യണ​മെന്ന്‌ നമുക്കു തിട്ടമില്ല. അതേസ​മയം, മറ്റുള്ള​വ​രെ​ല്ലാം നമ്മെക്കാൾ കൂടുതൽ കാര്യങ്ങൾ അറിയു​ക​യും മനസ്സി​ലാ​ക്കു​ക​യും ചെയ്യു​ന്നു​ണ്ടെന്നു നാം നിഗമനം ചെയ്‌തേ​ക്കാം. നാം ഉത്‌ക​ണ്‌ഠാ​കു​ല​രാ​കു​ന്നത്‌ അപ്പോ​ഴാണ്‌!

വിജ്ഞാ​ന​ത്തി​ന്റെ അമിത​ത്വം “വിവര​ങ്ങ​ളു​ടെ പുകമഞ്ഞ്‌” സൃഷ്ടി​ക്കുന്ന ഒരു മലിനീ​കാ​രി​യാ​ത്തീർന്നി​രി​ക്കു​ന്നു​വെന്ന്‌ ഡേവിഡ്‌ ഷെങ്ക്‌ വാദി​ക്കു​ന്നു. അദ്ദേഹം കൂട്ടി​ച്ചേർക്കു​ന്നു: “വിവര​ങ്ങ​ളു​ടെ പുകമഞ്ഞ്‌ തടസ്സം സൃഷ്ടി​ക്കു​ന്നു; അത്‌ സ്വകാര്യ നിമി​ഷ​ങ്ങൾക്ക്‌ ഇടം നൽകു​ന്നില്ല, നമുക്ക്‌ അത്യാ​വ​ശ്യ​മായ ധ്യാന​ത്തി​നു ഭംഗം വരുത്തു​ന്നു . . . അത്‌ നമ്മെ ഉത്‌ക​ണ്‌ഠാ​കു​ല​രാ​ക്കു​ന്നു.”

വിജ്ഞാ​നാ​ധി​ക്യം അല്ലെങ്കിൽ വിവര​ങ്ങ​ളു​ടെ പ്രളയം ഉത്‌കണ്‌ഠ ഉളവാ​ക്കി​യേ​ക്കാ​മെ​ന്നതു ശരിയാണ്‌. എന്നാൽ വേണ്ടത്ര വിവരങ്ങൾ നമ്മുടെ പക്കലി​ല്ലെ​ങ്കി​ലോ അതിലും മോശ​മാ​യി തെറ്റായ വിവര​ങ്ങ​ളാണ്‌ നമ്മുടെ പക്കലു​ള്ള​തെ​ങ്കി​ലോ, അപ്പോ​ഴും അവസ്ഥ ഒന്നുതന്നെ. ആൾക്കൂ​ട്ട​ത്തിൽ തനി​യെ​യാ​ണെന്ന തോന്നൽപോ​ലെ​യാ​ണത്‌. മെഗാ​ട്രെൻഡ്‌സ്‌ എന്ന തന്റെ പുസ്‌ത​ക​ത്തിൽ ജോൺ നേസ്‌ബിറ്റ്‌ പറയു​ന്ന​തു​പോ​ലെ “വിവര​ങ്ങ​ളു​ടെ കയത്തിൽ മുങ്ങി​ത്താ​ഴു​മ്പോ​ഴും നാം അറിവി​നാ​യി ദാഹി​ക്കു​ന്നു.”

കമ്പ്യൂട്ടർ കുറ്റകൃ​ത്യ​ങ്ങൾ നിങ്ങളെ ബാധി​ച്ചേ​ക്കാ​വുന്ന വിധം

കമ്പ്യൂട്ടർ കുറ്റകൃ​ത്യ​ങ്ങ​ളി​ലുള്ള വർധന​വാണ്‌ ഉത്‌ക​ണ്‌ഠ​യ്‌ക്കി​ട​യാ​ക്കുന്ന മറ്റൊരു കാരണം. വിജ്ഞാന അതിപാ​ത​യിൽ സംരക്ഷ​ണ​വും സുരക്ഷി​ത​ത്വ​വും (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ ഡോ. ഫ്രെ​ഡ്രിക്ക്‌ ബി. കോഹെൻ തന്റെ ആകുലത പ്രകട​മാ​ക്കു​ന്നു: “ഓരോ വർഷവും കമ്പ്യൂട്ടർ കുറ്റകൃ​ത്യ​ങ്ങ​ളു​ടെ പേരിൽ 500 കോടി ഡോളർ നഷ്ടമാ​കു​ന്ന​താ​യി എഫ്‌ബി​ഐ [ഫെഡറൽ ബ്യൂറോ ഓഫ്‌ ഇൻവെ​സ്റ്റി​ഗേഷൻ] കണക്കാ​ക്കു​ന്നു. അതാകട്ടെ ഹിമരാ​ശി​യു​ടെ അഗ്രം മാത്ര​മാണ്‌. ഒത്തുതീർപ്പു​ക​ളിൽ നേട്ടങ്ങൾ കൈവ​രി​ക്കാ​നും സത്‌പേരു നശിപ്പി​ക്കാ​നും സൈനിക സംഘട്ട​ന​ങ്ങ​ളിൽ വിജയി​ക്കാ​നും എന്തിന്‌ കൊല​പാ​തകം നടത്താൻപോ​ലും കമ്പ്യൂട്ടർ സംവി​ധാ​ന​ങ്ങ​ളി​ലെ പോരാ​യ്‌മ​കളെ ചിലർ മുത​ലെ​ടു​ത്തി​രി​ക്കു​ന്നു.” ഇതിനു​പു​റമേ കമ്പ്യൂട്ടർ അശ്ലീലം കുട്ടി​കൾക്ക്‌ പ്രാപ്യ​മാ​യി​രി​ക്കു​ന്നതു മൂലമുള്ള ഉത്‌ക​ണ്‌ഠ​യും വർധി​ച്ചു​വ​രു​ന്നു—സ്വകാ​ര്യ​ത​യി​ന്മേ​ലുള്ള കടന്നു​ക​യ​റ്റ​ത്തെ​ക്കു​റി​ച്ചൊ​ട്ടു പറയു​ക​യും വേണ്ട.

തത്ത്വദീ​ക്ഷ​യി​ല്ലാ​ത്ത കമ്പ്യൂട്ടർ ആസക്തർ കമ്പ്യൂട്ടർ സംവി​ധാ​ന​ങ്ങ​ളി​ലേക്ക്‌ മനപ്പൂർവം വൈറ​സു​കളെ കടത്തി​വിട്ട്‌ പരി​ഭ്രാ​ന്തി സൃഷ്ടി​ക്കു​ന്നു. കുറ്റകൃ​ത്യം നടത്താൻ കമ്പ്യൂട്ടർ വൈദ​ഗ്‌ധ്യം ഉപയോ​ഗി​ക്കു​ന്നവർ നിയമ​വി​രു​ദ്ധ​മാ​യി ഇലക്‌​ട്രോ​ണിക്‌ സംവി​ധാ​ന​ങ്ങ​ളി​ലൂ​ടെ രഹസ്യ​വി​വ​രങ്ങൾ ചോർത്തി​യെ​ടു​ക്കു​ക​യും ചില​പ്പോൾ പണം മോഷ്ടി​ക്കു​ക​യും​പോ​ലും ചെയ്യുന്നു. അത്തരം പ്രവൃ​ത്തി​കൾ സ്വകാര്യ കമ്പ്യൂ​ട്ട​റു​കൾ ഉപയോ​ഗി​ക്കുന്ന ആയിര​ക്ക​ണ​ക്കി​നാ​ളു​ക​ളു​ടെ​മേൽ വിനാ​ശ​ക​മായ ഫലങ്ങളാ​യി​രി​ക്കും ഉളവാ​ക്കുക. കമ്പ്യൂട്ടർ കുറ്റകൃ​ത്യം ബിസി​ന​സ്സി​നും ഗവൺമെൻറി​നും ഒരു ഭീഷണി​യാണ്‌.

വിജ്ഞരാ​യി​രി​ക്കേ​ണ്ട​തി​ന്റെ ആവശ്യം

നാമെ​ല്ലാം വിജ്ഞരാ​യി​രി​ക്കേ​ണ്ടത്‌ ആവശ്യ​മാ​ണെ​ങ്കി​ലും വളരെ​യ​ധി​കം വിജ്ഞാനം നമ്മെ ശരിയായ അർഥത്തിൽ വിദ്യാ​സ​മ്പ​ന്ന​രാ​ക്കു​ന്നില്ല. കാരണം വിജ്ഞാ​ന​മെന്ന വ്യാജേന അവതരി​പ്പി​ക്ക​പ്പെ​ടു​ന്ന​വ​യെ​ല്ലാം നമ്മുടെ അനുഭ​വ​പ​രി​ച​യ​വു​മാ​യി ബന്ധമി​ല്ലാത്ത വെറും വസ്‌തു​ത​ക​ളോ അപൂർണ​മായ വിവര​ങ്ങ​ളോ ആണ്‌. “വിജ്ഞാന സ്‌ഫോ​ടനം” എന്നതിനു പകരം ഈ പ്രതി​ഭാ​സത്തെ ഏറ്റവും മെച്ചമാ​യി “വിവര​ങ്ങ​ളു​ടെ സ്‌ഫോ​ടനം” അല്ലെങ്കിൽ കുറേ​ക്കൂ​ടെ പരിഹാ​സ​ദ്യോ​ത​ക​മാ​യി “അജ്ഞാന സ്‌ഫോ​ടനം” എന്ന്‌ പേരി​ടാ​മെ​ന്നു​പോ​ലും ചിലർ നിർദേ​ശി​ക്കു​ന്നു. അതേക്കു​റിച്ച്‌, സാമ്പത്തിക വിശക​ല​ന​വി​ദ​ഗ്‌ധ​നായ ഹേസൽ ഹെൻഡേർസൻ അഭി​പ്രാ​യ​പ്പെ​ട്ടത്‌ ഇങ്ങനെ​യാണ്‌: “വിജ്ഞാനം അതിൽത്തന്നെ ആരെയും പ്രബു​ദ്ധ​രാ​ക്കു​ന്നില്ല. മാധ്യ​മങ്ങൾ തേർവാഴ്‌ച നടത്തുന്ന ഈ ചുറ്റു​പാ​ടിൽ ദുർവി​ജ്ഞാ​നം ഏതാ​ണെ​ന്നോ അവിജ്ഞാ​നം ഏതാ​ണെ​ന്നോ തെറ്റി​ദ്ധാ​ര​ണ​യു​ണ്ടാ​ക്കുന്ന പൊതു​പ്ര​ച​രണം ഏതാ​ണെ​ന്നോ നമുക്കു തിരി​ച്ച​റി​യാ​നാ​വില്ല. കേവലം വിജ്ഞാ​ന​ത്തിൽ മാത്രം ശ്രദ്ധ കേന്ദ്രീ​ക​രി​ക്കു​ന്നത്‌ അറിവി​ന്റെ അർഥവ​ത്തായ പുതിയ തലങ്ങൾ തേടു​ന്ന​തി​നു​പ​കരം സദാ അർഥശൂ​ന്യ​മാ​യി​ക്കൊ​ണ്ടി​രി​ക്കുന്ന, അപൂർണ​വും അസംഗ​ത​വു​മായ കോടി​ക്ക​ണ​ക്കി​നു വിവര​ങ്ങ​ളു​ടെ പെരു​പ്പ​ത്തി​നി​ട​യാ​ക്കി​യി​രി​ക്കു​ന്നു.”

എൻ​സൈ​ക്ലോ​പീ​ഡിയ ബ്രിട്ടാ​നിക്ക പ്രസാധക സംഘത്തി​ന്റെ പ്രസി​ഡൻറായ ജോസഫ്‌ ജെ. എസ്‌പോ​സീ​റ്റോ തുറന്ന ഒരു വിലയി​രു​ത്തൽ നടത്തുന്നു: “വിജ്ഞാ​ന​യു​ഗ​ത്തി​ലെ വിജ്ഞാ​ന​ത്തി​ല​ധി​ക​വും പാഴാ​യി​പ്പോ​വു​ക​യാണ്‌; അത്‌ വെറും ആരവം മാത്ര​മാണ്‌. വിജ്ഞാന സ്‌ഫോ​ടനം എന്ന പ്രയോ​ഗം ഉചിത​മാണ്‌; വാസ്‌ത​വ​ത്തിൽ കേൾക്കു​ന്ന​തു​തന്നെ അസാധ്യ​മാ​ക്കു​ന്നു. നമുക്ക്‌ കേൾക്കാൻ കഴിയു​ന്നി​ല്ലെ​ങ്കിൽ അറിയാ​നും കഴിയില്ല.” ഒറിൻ ഇ. ക്ലാപ്പ്‌ വിശക​ലനം ചെയ്യു​ന്നത്‌ ഇങ്ങനെ​യാണ്‌: “എന്തെങ്കി​ലു​മൊ​ക്കെ പറയു​ന്ന​താ​യി ഭാവി​ക്കുന്ന എന്നാൽ വാസ്‌ത​വ​ത്തിൽ ഒന്നും പറയു​ന്നി​ല്ലാത്ത പൊതു​വാർത്താ​വി​നി​മ​യ​ത്തിൽ എത്രമാ​ത്രം വ്യാജ അറിവു​കൾ ഉൾക്കൊ​ള്ളു​ന്നു​വെ​ന്നത്‌ ആർക്കും അറിയി​ല്ലെ​ന്നാണ്‌ എനിക്കു തോന്നു​ന്നത്‌.”

സ്‌കൂൾ വിദ്യാ​ഭ്യാ​സ​ത്തി​ന്റെ ഏറിയ​പ​ങ്കും, പരീക്ഷ​യിൽ ജയിക്കു​ന്ന​തി​നു​വേണ്ടി വസ്‌തു​തകൾ പഠിക്കു​ന്ന​തിൽ കേന്ദ്രീ​ക​രി​ച്ചി​രു​ന്നു​വെ​ന്നത്‌ നിങ്ങൾ ഓർക്കു​ന്നു​ണ്ടാ​കും. പലപ്പോ​ഴും പരീക്ഷ​യ്‌ക്ക്‌ അൽപ്പം മുമ്പാ​യി​രി​ക്കും നിങ്ങൾ വിവരങ്ങൾ തലയ്‌ക്കു​ള്ളിൽ കുത്തി​നി​റ​ച്ചത്‌. ചരി​ത്ര​പാ​ഠ​ങ്ങ​ളി​ലെ തീയതി​ക​ളു​ടെ ഒരു പട്ടിക മനപ്പാ​ഠ​മാ​ക്കി​യത്‌ നിങ്ങൾ ഓർക്കു​ന്നു​ണ്ടോ? ഇവയിൽ എത്ര സംഭവ​ങ്ങ​ളും തീയതി​ക​ളും നിങ്ങൾക്ക്‌ ഇപ്പോൾ ഓർമ​യുണ്ട്‌? ഈ വസ്‌തു​തകൾ, ന്യായ​വാ​ദം ചെയ്യാ​നും യുക്തി​സ​ഹ​മായ നിഗമ​ന​ങ്ങ​ളിൽ എത്തി​ച്ചേ​രാ​നും നിങ്ങളെ പഠിപ്പി​ച്ചോ?

ഏറെ എന്നാൽ മെച്ച​മെ​ന്നോ?

ശ്രദ്ധ​യോ​ടെ നിയ​ന്ത്രി​ച്ചി​ല്ലെ​ങ്കിൽ കൂടുതൽ വിവരങ്ങൾ സമ്പാദി​ക്കാ​നുള്ള ത്വര സമയം, ഉറക്കം, ആരോ​ഗ്യം, പണം എന്നിവ​യു​ടെ രൂപത്തിൽ ഒട്ടേറെ നഷ്ടം വരുത്തി​വെ​ച്ചേ​ക്കാം. കൂടുതൽ വിവര​ങ്ങ​ളു​ണ്ടെ​ങ്കിൽ കൂടുതൽ തിര​ഞ്ഞെ​ടു​പ്പു​കൾ നടത്താ​മെ​ങ്കി​ലും ലഭ്യമാ​യി​രി​ക്കുന്ന എല്ലാ വിവര​ങ്ങ​ളും പരി​ശോ​ധി​ക്കു​ക​യോ സ്വായ​ത്ത​മാ​ക്കു​ക​യോ ചെയ്‌തി​ട്ടു​ണ്ടോ​യെന്നു ചിന്തി​ക്കാ​നി​ട​യാ​ക്കി​ക്കൊണ്ട്‌ അത്‌ അന്വേ​ഷ​കനെ ഉത്‌ക​ണ്‌ഠാ​കു​ല​നാ​ക്കി​യേ​ക്കാം. ഡോ. ഹ്യൂ മക്കൈ ഇങ്ങനെ​യൊ​രു മുന്നറി​യി​പ്പു നൽകുന്നു: “വാസ്‌ത​വ​ത്തിൽ വിജ്ഞാനം പ്രബു​ദ്ധ​ത​യി​ലേ​ക്കുള്ള പാതയല്ല. നമ്മുടെ ജീവി​ത​ത്തി​ന്റെ അർഥത്തി​ലേക്കു വെളിച്ചം വീശാൻ വിജ്ഞാനം ഒന്നു മാത്രം മതിയാ​കു​ന്നില്ല. വിജ്ഞാ​ന​ത്തിന്‌ ജ്ഞാന​പ്രാ​പ്‌തി​യു​മാ​യി ബന്ധമി​ല്ലെ​ന്നു​തന്നെ പറയാം. മറ്റു സമ്പാദ്യ​ങ്ങ​ളു​ടെ കാര്യ​ത്തി​ലെ​ന്ന​പോ​ലെ ഇതും ജ്ഞാനല​ബ്ധിക്ക്‌ തീർച്ച​യാ​യും തടസ്സം സൃഷ്ടി​ച്ചേ​ക്കാം. ആവശ്യ​ത്തി​ലേറെ വസ്‌തു​വ​കകൾ ഉണ്ടായി​രി​ക്കാ​മെ​ന്ന​തു​പോ​ലെ നമുക്ക്‌ ആവശ്യ​ത്തി​ല​ധി​കം അറിവു​ണ്ടാ​യി​രി​ക്കാ​നും കഴിയും.”

ലഭ്യമായ വിവര​ങ്ങ​ളു​ടെ ആധിക്യം മാത്രമല്ല ഇന്ന്‌ മിക്ക​പ്പോ​ഴും ആളുകളെ ഭാര​പ്പെ​ടു​ത്തു​ന്നത്‌. വിജ്ഞാ​നത്തെ മനസ്സി​ലാ​ക്കാ​വുന്ന, അർഥവ​ത്തായ, യഥാർഥ​ത്തിൽ അറിവു നേടി​ത്ത​രുന്ന ഒന്നാക്കി മാറ്റാൻ ശ്രമി​ക്കു​മ്പോ​ഴു​ണ്ടാ​കുന്ന നിരാ​ശ​യും അവരെ ഭാര​പ്പെ​ടു​ത്തു​ന്നു. “ദാഹി​ച്ചു​വ​ല​ഞ്ഞി​രി​ക്കു​മ്പോൾ വെള്ളം ശക്തിയാ​യി ചീറ്റുന്ന അഗ്നിശ​മ​ന​ജ​ല​വാ​ഹി​യിൽനിന്ന്‌ ഒരു വിരലുറ ഉപയോ​ഗിച്ച്‌ വെള്ള​മെ​ടു​ത്തു കുടി​ക്കാൻ ശിക്ഷി​ക്ക​പ്പെട്ട ഒരു വ്യക്തി​യെ​പ്പോ​ലെ”യായി​രി​ക്കും നമ്മളെന്ന്‌ അഭി​പ്രാ​യ​പ്പെ​ട്ടി​രി​ക്കു​ന്നു. “ലഭ്യമായ വിജ്ഞാ​ന​ത്തി​ന്റെ ആധിക്യ​വും അവ മിക്ക​പ്പോ​ഴും അവതരി​പ്പി​ക്ക​പ്പെ​ടുന്ന വിധവും വിജ്ഞാ​ന​ത്തിൽ അധിക​പ​ങ്കും നമുക്ക്‌ ഉപയോ​ഗ​ശൂ​ന്യ​മാ​ക്കു​ന്നു.” അതു​കൊണ്ട്‌ എത്രമാ​ത്രം വിജ്ഞാ​ന​മാണ്‌ ആവശ്യ​മു​ള്ള​തെന്നു കണക്കാ​ക്കണം, അളവിന്റെ അടിസ്ഥാ​ന​ത്തി​ലല്ല മറിച്ച്‌ ഗുണ​മേ​ന്മ​യു​ടെ​യും വിജ്ഞാ​ന​ത്തി​ന്റെ വ്യക്തി​പ​ര​മായ ഉപയു​ക്ത​ത​യു​ടെ​യും അടിസ്ഥാ​ന​ത്തിൽ.

വിവര കൈമാ​റ്റ​ത്തി​ന്റെ കാര്യ​മോ?

ഇന്ന്‌ സാധാ​ര​ണ​മാ​യി കേൾക്കുന്ന മറ്റൊരു പ്രയോ​ഗ​മാണ്‌ “വിവരം കൈമാ​റൽ.” വിജ്ഞാനം ഇലക്‌​ട്രോ​ണിക്ക്‌ ഉപകര​ണങ്ങൾ ഉപയോ​ഗിച്ച്‌ കൈമാ​റ്റം ചെയ്യു​ന്ന​തി​നെ​യാണ്‌ അതു പരാമർശി​ക്കു​ന്നത്‌. അതിന്‌ അതി​ന്റേ​തായ സ്ഥാനമു​ണ്ടെ​ങ്കി​ലും എല്ലാം തികഞ്ഞ ഒരു ആശയവി​നി​മ​യോ​പാ​ധി​യല്ല അത്‌. കാരണം? നാം ഏറ്റവും നന്നായി പ്രതി​ക​രി​ക്കു​ന്നത്‌ ആളുക​ളോ​ടാണ്‌ യന്ത്രങ്ങ​ളോ​ടല്ല. വിവര കൈമാ​റ്റ​ത്തി​ന്റെ കാര്യ​ത്തിൽ മിക്ക​പ്പോ​ഴും, സംഭാ​ഷ​ണത്തെ രൂപ​പ്പെ​ടു​ത്തു​ക​യും വികാ​രങ്ങൾ പരസ്‌പരം അറിയി​ക്കു​ക​യും ചെയ്യുന്ന മുഖഭാ​വ​മോ നയനസ​മ്പർക്ക​മോ ആംഗ്യ​ങ്ങ​ളോ ഒന്നുമില്ല. മുഖാ​മു​ഖം നടത്തുന്ന സംഭാ​ഷ​ണ​ങ്ങ​ളിൽ ഈ ഘടകങ്ങൾ, ഉപയോ​ഗി​ക്കുന്ന വാക്കു​കൾക്ക്‌ അർഥ​മേ​കു​മെന്നു മാത്രമല്ല മിക്ക​പ്പോ​ഴും അവയെ കൂടുതൽ വ്യക്തമാ​ക്കു​ക​യും ചെയ്യുന്നു. എന്നാൽ ഇലക്‌​ട്രോ​ണിക്‌ ഉപകര​ണ​ങ്ങ​ളി​ലൂ​ടെ വിവരങ്ങൾ കൈമാ​റു​മ്പോൾ ഗ്രാഹ്യ​ത്തിന്‌ ഉതകുന്ന ഈ വില​യേ​റിയ സഹായ​ങ്ങ​ളൊ​ന്നും ലഭ്യമല്ല, പ്രചാ​ര​മേ​റി​വ​രുന്ന സെല്ലു​ലാർ ഫോണി​ലൂ​ടെ​പോ​ലും. ചില​പ്പോൾ, മുഖാ​മു​ഖ​മുള്ള സംഭാ​ഷ​ണ​ങ്ങ​ളിൽപ്പോ​ലും സംസാ​രി​ക്കു​ന്ന​യാ​ളി​ന്റെ മനസ്സി​ലു​ള്ള​തെ​ന്താ​ണെന്ന്‌ കൃത്യ​മാ​യി മനസ്സി​ലാ​ക്കാൻ കഴിയില്ല. ശ്രോ​താവ്‌ വാക്കുകൾ സ്വീക​രിച്ച്‌ തനിക്ക്‌ ഇഷ്ടമുള്ള രീതി​യിൽ വ്യാഖ്യാ​നിച്ച്‌ അവയ്‌ക്കു തെറ്റായ അർഥം കൽപ്പി​ച്ചേ​ക്കാം. സംസാ​രി​ക്കു​ന്ന​യാ​ളെ കാണാൻ സാധി​ക്കാ​ത്ത​പ്പോൾ ഈ അപകടം എത്ര വലുതാ​യി​രി​ക്കും!

ചിലർ കമ്പ്യൂ​ട്ട​റു​കൾക്കും ടെലി​വി​ഷ​നും മുമ്പിൽ അമിത​മാ​യി സമയം ചെലവ​ഴി​ക്കു​ന്ന​തു​കൊണ്ട്‌ സ്വന്തം കുടും​ബാം​ഗ​ങ്ങൾതന്നെ അപരി​ചി​ത​രാ​യി മാറുന്നു എന്നുള്ളത്‌ ജീവി​ത​ത്തി​ലെ അപലപ​നീ​യ​മായ ഒരു വസ്‌തു​ത​യാണ്‌.

നിങ്ങൾ ടെക്‌നോ​ഫോ​ബി​യ​യെ​ക്കു​റിച്ച്‌ കേട്ടി​ട്ടു​ണ്ടോ?

“ടെക്‌നോ​ഫോ​ബിയ” എന്നതിന്‌ കമ്പ്യൂ​ട്ട​റു​ക​ളു​ടെ​യും സമാന​മായ ഇലക്‌​ട്രോ​ണിക്‌ ഉപകര​ണ​ങ്ങ​ളു​ടെ​യും ഉപയോ​ഗ​മുൾപ്പെ​ടെ​യുള്ള “സാങ്കേ​തി​ക​വി​ജ്ഞാ​ന​ത്തെ​ക്കു​റി​ച്ചുള്ള ഭയം” എന്നേ അർഥമു​ള്ളൂ. വിജ്ഞാ​ന​യു​ഗം ഉളവാ​ക്കുന്ന സർവസാ​ധാ​ര​ണ​മായ ഉത്‌ക​ണ്‌ഠ​ക​ളി​ലൊ​ന്നാണ്‌ ഇതെന്ന്‌ ചിലർ വിശ്വ​സി​ക്കു​ന്നു. അസോ​സി​യേ​റ്റഡ്‌ പ്രസ്സ്‌ റിലീ​സി​നെ ആധാര​മാ​ക്കി​യുള്ള ദ കേൻബറ ടൈം​സി​ലെ ഒരു ലേഖന​ത്തി​ന്റെ തലക്കെട്ട്‌ ഇപ്രകാ​ര​മാ​യി​രു​ന്നു: “ജാപ്പനീസ്‌ എക്‌സി​ക്യൂ​ട്ടീ​വു​കൾക്ക്‌ കമ്പ്യൂ​ട്ട​റു​കളെ ഭയം.” ഒരു വലിയ ജാപ്പനീസ്‌ കമ്പനി​യു​ടെ എക്‌സി​ക്യൂ​ട്ടീവ്‌ ഡയറക്‌ട​റെ​ക്കു​റിച്ച്‌ ഇങ്ങനെ പറയ​പ്പെട്ടു: “[അദ്ദേഹം] അധികാ​ര​വും പദവി​യു​മൊ​ക്കെ​യുള്ള ആളാണ്‌. എന്നാൽ അദ്ദേഹത്തെ ഒരു കമ്പ്യൂ​ട്ട​റി​ന്റെ മുമ്പിൽ ഇരുത്തി​നോ​ക്കൂ. അദ്ദേഹം വിയർത്തു​കു​ളി​ക്കും.” 880 ജാപ്പനീസ്‌ കമ്പനി​കളെ ഉൾക്കൊ​ള്ളി​ച്ചു​കൊണ്ട്‌ നടത്തിയ ഒരു സർവേ അനുസ​രിച്ച്‌, അവരുടെ എക്‌സി​ക്യൂ​ട്ടീ​വു​ക​ളിൽ 20 ശതമാ​ന​ത്തി​നു മാത്രമേ കമ്പ്യൂ​ട്ട​റു​കൾ ഉപയോ​ഗി​ക്കാൻ കഴിഞ്ഞി​രു​ന്നു​ള്ളു​വ​ത്രേ.

1991-ൽ ന്യൂ​യോർക്ക്‌ നഗരത്തി​ലെ വിമാ​ന​ത്താ​വ​ള​ങ്ങളെ മണിക്കൂ​റു​ക​ളോ​ളം സ്‌തം​ഭി​പ്പിച്ച ടെല​ഫോൺ ഷട്ട്‌ഡൗൺ പോലുള്ള വലിയ ദുരന്തങ്ങൾ ടെക്‌നോ​ഫോ​ബി​യ​യ്‌ക്ക്‌ വളമി​ടു​ന്നു. 1979-ൽ ഐക്യ​നാ​ടു​ക​ളി​ലെ ത്രീ മൈൽ ദ്വീപി​ലെ ആണവനി​ല​യ​ത്തിൽ സംഭവിച്ച അത്യാ​ഹി​ത​ത്തി​ന്റെ കാര്യ​മോ? ആണവനി​ല​യ​ത്തി​ന്റെ ഓപ്പ​റേ​റ്റർമാർക്ക്‌ കമ്പ്യൂട്ടർ നിയ​ന്ത്രിത അലാറം നൽകിയ സൂചന​ക​ളു​ടെ അർഥം പിടി​കി​ട്ടി​യത്‌ നിർണാ​യ​ക​മായ ഏതാനും മണിക്കൂ​റു​കൾക്കു​ശേ​ഷ​മാണ്‌.

നമ്മുടെ വിജ്ഞാ​ന​യു​ഗ​ത്തി​ലെ സാങ്കേ​തി​ക​വി​ദ്യ മനുഷ്യ​വർഗത്തെ ഏതുവി​ധ​ത്തി​ലാ​ണു ബാധി​ച്ചി​രി​ക്കു​ന്നത്‌ എന്നതി​നുള്ള ഏതാനും ഉദാഹ​ര​ണ​ങ്ങ​ളാ​ണിവ. ഡോ. ഫ്രെ​ഡ്രിക്ക്‌ ബി. കോഹെൻ തന്റെ പുസ്‌ത​ക​ത്തിൽ ചിന്തോ​ദ്ദീ​പ​ക​ങ്ങ​ളായ ഈ ചോദ്യ​ങ്ങൾ ചോദി​ക്കു​ന്നു: “ഈയി​ടെ​യെ​ങ്ങാ​നും നിങ്ങൾ ബാങ്കിൽ പോയി​രു​ന്നോ? കമ്പ്യൂ​ട്ട​റു​ക​ളൊ​ന്നും പ്രവർത്തി​ക്കാ​ത്ത​തു​കൊണ്ട്‌ നിങ്ങൾക്ക്‌ അവി​ടെ​നി​ന്നു പണം എടുക്കാൻ സാധി​ക്കാ​തെ വന്നോ? സൂപ്പർമാർക്ക​റ്റി​ന്റെ കാര്യ​മോ? കമ്പ്യൂ​ട്ട​റു​ക​ളി​ല്ലാ​തെ അവർക്ക്‌ നിങ്ങളിൽനി​ന്നു സാധന​ങ്ങ​ളു​ടെ വിലയീ​ടാ​ക്കാൻ സാധി​ക്കു​മോ?”

ഒരുപക്ഷേ പിൻവ​രുന്ന തരത്തി​ലുള്ള സാങ്കൽപ്പിക സാഹച​ര്യ​ങ്ങ​ളിൽ ഒന്നോ അതില​ധി​ക​മോ നിങ്ങളും നേരി​ടു​ന്നു​ണ്ടാ​യി​രി​ക്കാം:

• നിങ്ങളു​ടെ പുതിയ വിസിആർ-ന്‌ ഒട്ടേറെ സ്വിച്ചു​ക​ളുണ്ട്‌. നിങ്ങൾക്ക്‌ ഒരു പരിപാ​ടി റെക്കോർഡു ചെയ്യണം. ഒന്നുകിൽ തെല്ലു ജാള്യ​ത്തോ​ടെ നിങ്ങൾ ഒമ്പതു വയസ്സുള്ള നിങ്ങളു​ടെ കുട്ടിയെ വിളി​ക്കു​ന്നു, അല്ലെങ്കിൽ പരിപാ​ടി കാണേ​ണ്ടെന്നു വെക്കുന്നു.

• നിങ്ങൾക്ക്‌ അത്യാ​വ​ശ്യ​മാ​യി കുറച്ചു പണം വേണം. നിങ്ങൾ ഒരു ഓട്ടോ​മാ​റ്റിക്‌ ടെല്ലർ മെഷീ​നു​ള്ളി​ട​ത്തേക്കു പോകു​ന്നു. എന്നാൽ കഴിഞ്ഞ തവണ അത്‌ ഉപയോ​ഗി​ച്ച​പ്പോൾ ആകെ കുഴങ്ങി​യ​തും തെറ്റായ ബട്ടണുകൾ അമർത്തി​യ​തു​മെ​ല്ലാം നിങ്ങൾക്ക്‌ പെട്ടെന്ന്‌ ഓർമ വരുന്നു.

• ഓഫീ​സി​ലെ ടെല​ഫോൺ ശബ്ദിക്കു​ന്നു. അതു നിങ്ങൾക്കു​ള്ള​താ​യി​രു​ന്നില്ല, മുകളി​ലത്തെ നിലയി​ലുള്ള നിങ്ങളു​ടെ ബോസി​നു​ള്ള​താ​യി​രു​ന്നു. ഫോൺവി​ളി ബോസി​നു തിരി​ച്ചു​വി​ടാൻ ലളിത​മായ മാർഗ​മുണ്ട്‌. എങ്കിലും അതു തിട്ടമി​ല്ലാ​ത്ത​തു​കൊണ്ട്‌ ടെല​ഫോൺ ഓപ്പ​റേ​റ്റർതന്നെ അതു ചെയ്‌തോ​ട്ടെ​യെന്നു നിങ്ങൾ തീരു​മാ​നി​ക്കു​ന്നു.

• അടുത്ത​യി​ടെ നിങ്ങൾ വാങ്ങിയ കാറിന്റെ ഡാഷ്‌ബോർഡ്‌ ആധുനിക ജെറ്റ്‌വി​മാ​ന​ത്തി​ന്റെ കോക്ക്‌പിറ്റ്‌ പോലെ തോന്നി​ക്കു​ന്നു. പെട്ടെന്ന്‌ ഒരു ചെമന്ന വെളിച്ചം മിന്നുന്നു. ആ വെളിച്ചം എന്തി​നെ​യാ​ണു സൂചി​പ്പി​ക്കു​ന്ന​തെന്ന്‌ അറിഞ്ഞു​കൂ​ടാ​ത്ത​തി​നാൽ നിങ്ങൾ ഉത്‌ക​ണ്‌ഠാ​കു​ല​നാ​കു​ന്നു. പിന്നെ, സകല വിവര​ണ​ങ്ങ​ളും അടങ്ങി​യി​ട്ടുള്ള ഒരു മാർഗ​നിർദേശ പുസ്‌തകം വായി​ക്കേണ്ടി വരുന്നു.

ഇവ ടെക്‌നോ​ഫോ​ബി​യ​യു​ടെ ഏതാനും ഉദാഹ​ര​ണങ്ങൾ മാത്രം. നിസ്സം​ശ​യ​മാ​യും മുൻത​ല​മു​റ​ക്കാർ “അത്ഭുതം” എന്നു വിശേ​ഷി​പ്പി​ച്ചേ​ക്കാ​വുന്ന, കൂടുതൽ സങ്കീർണ​മായ ഉപകര​ണങ്ങൾ ആധുനിക സാങ്കേ​തി​ക​വി​ദ്യ തുടർന്നും വികസി​പ്പി​ച്ചെ​ടു​ക്കു​മെന്ന്‌ ഉറപ്പാണ്‌. വിപണി​യി​ലെ​ത്തുന്ന, ഓരോ മികച്ച ഉത്‌പ​ന്ന​വും ഫലപ്ര​ദ​മാ​യി ഉപയോ​ഗി​ക്ക​ണ​മെ​ങ്കിൽ എങ്ങനെ അത്‌ ഉപയോ​ഗി​ക്ക​ണ​മെ​ന്ന​തി​നെ​ക്കു​റിച്ച്‌ വളരെ അറിവ്‌ ആവശ്യ​മാണ്‌. സാങ്കേ​തിക പദങ്ങൾ ഉപഭോ​ക്താ​വി​നു മനസ്സി​ലാ​കു​മെ​ന്നും അയാൾക്ക്‌ പ്രത്യേക അറിവും കഴിവു​മെ​ല്ലാം ഉണ്ടെന്നും ഊഹി​ച്ചു​കൊണ്ട്‌ വിദഗ്‌ധർ സാങ്കേ​തിക ഭാഷയിൽa എഴുതുന്ന മാർഗ​നിർദേ​ശ​പു​സ്‌ത​കങ്ങൾ ഉപഭോ​ക്താ​വി​നു ഭയമു​ള​വാ​ക്കു​ന്ന​വ​യാ​യി​ത്തീ​രു​ന്നു.

വിജ്ഞാന സൈദ്ധാ​ന്തി​ക​നായ പോൾ കൗഫ്‌മാൻ ഈ സാഹച​ര്യ​ത്തെ ഇപ്രകാ​രം സംഗ്ര​ഹി​ച്ചു പറയുന്നു: “നമ്മുടെ സമൂഹ​ത്തിന്‌ വിജ്ഞാ​ന​ത്തെ​ക്കു​റിച്ച്‌ ഒരു ധാരണ​യുണ്ട്‌. അത്‌ ആകർഷ​ക​മാ​ണെ​ങ്കി​ലും വിപരീത ഫലമു​ള​വാ​ക്കു​ന്ന​താണ്‌. . . . കമ്പ്യൂ​ട്ട​റു​കൾക്കും ഹാർഡ്‌വെ​യ​റി​നും ഏറെ ശ്രദ്ധ കൊടു​ത്തി​രി​ക്കു​ന്നു, എന്നാൽ ലോകം എന്താ​ണെന്നു മനസ്സി​ലാ​ക്കാ​നും പരസ്‌പരം ഉപയോ​ഗ​പ്ര​ദ​മായ കാര്യങ്ങൾ ചെയ്യാ​നും വേണ്ടി വിജ്ഞാ​നത്തെ ഉപയു​ക്ത​മാ​ക്കുന്ന ആളുകൾക്ക്‌ അത്‌ തീരെ ശ്രദ്ധ കൊടു​ക്കു​ന്നില്ല എന്നതാണ്‌ ഒരു കാരണം. . . . നാം കമ്പ്യൂ​ട്ട​റു​കൾക്ക്‌ വലിയ വില കൽപ്പി​ക്കു​ന്നു എന്നതല്ല പ്രശ്‌നം മറിച്ച്‌, മനുഷ്യർക്ക്‌ വില കൽപ്പി​ക്കു​ന്നില്ല എന്നതാണ്‌.” അമ്പരപ്പി​ക്കുന്ന പുതിയ സാങ്കേ​തി​ക​വി​ദ്യ വികസി​പ്പി​ച്ചെ​ടുത്ത്‌ പേരെ​ടു​ക്കു​ന്ന​തിൽ ആമഗ്നരാ​യി​രി​ക്കു​ന്നത്‌, പലപ്പോ​ഴും അടുത്ത കണ്ടുപി​ടി​ത്തം എന്തായി​രി​ക്കും എന്നതി​നെ​ക്കു​റിച്ച്‌ ആളുകൾ ആകുല​പ്പെ​ടാൻ ഇടയാ​ക്കി​യി​രി​ക്കു​ന്നു. എഡ്‌വേർഡ്‌ മെൻഡൽസൺ പറയുന്നു: “സാങ്കേ​തി​ക​വി​ദ്യ​യെ സ്വപ്‌നം കണ്ടു കഴിയു​ന്ന​വർക്ക്‌ സാധ്യ​മാ​യ​തും അഭില​ഷ​ണീ​യ​മാ​യ​തും തമ്മിൽ വേർതി​രി​ച്ച​റി​യാൻ ഒരിക്ക​ലും സാധി​ക്കു​ക​യില്ല. ഒരു യന്ത്രമു​പ​യോ​ഗിച്ച്‌ അതിസ​ങ്കീർണ​മായ ഏതെങ്കി​ലും കാര്യം ചെയ്യാൻ സാധി​ക്കു​ന്നെ​ങ്കിൽ ആ ശ്രമം തക്ക മൂല്യ​മു​ള്ള​താ​ണെന്ന്‌ സ്വപ്‌ന​ജീ​വി കരുതു​ന്നു.”

സാങ്കേ​തി​ക​ത്വ​ത്തിൽ മനുഷ്യ​ഘ​ട​ക​ത്തോ​ടുള്ള ഈ അവഗണ​ന​യാണ്‌ വിജ്ഞാ​നോ​ത്‌ക​ണ്‌ഠയെ ഏറെയും വർധി​പ്പി​ച്ചി​രി​ക്കു​ന്നത്‌.

ഉത്‌പാ​ദ​ന​ക്ഷമത യഥാർഥ​ത്തിൽ അഭിവൃ​ദ്ധി​പ്പെ​ട്ടി​രി​ക്കു​ന്നു​വോ?

പംക്തി​യെ​ഴു​ത്തു​കാ​ര​നായ പോൾ ഏറ്റ്‌വെൽ, സമീപ വർഷങ്ങ​ളിൽ കമ്പ്യൂ​ട്ട​റു​കൾ മൂലം എത്ര​ത്തോ​ളം സമയവും പണവും ലാഭി​ക്കാൻ കഴിഞ്ഞി​ട്ടുണ്ട്‌ എന്നതി​നെ​ക്കു​റി​ച്ചു താൻ നടത്തിയ ഗവേഷ​ണ​ത്തി​ന്റെ ഫലങ്ങൾ ദി ഓസ്‌​ട്രേ​ലി​യൻ എന്ന പത്രത്തിൽ പ്രസി​ദ്ധീ​ക​രി​ച്ചു. അവയിൽ ഏതാനും ചില നല്ല ആശയങ്ങ​ളി​താ: “ഭരണസം​ബ​ന്ധ​മായ ദൗത്യങ്ങൾ കൈകാ​ര്യം ചെയ്യാ​നും ചെലവു​കൾ നിയ​ന്ത്രി​ക്കാ​നു​മാ​യി രൂപകൽപ്പന ചെയ്‌തി​രി​ക്കുന്ന കമ്പ്യൂട്ടർ സംവി​ധാ​ന​ങ്ങൾക്കാ​യി വർഷങ്ങ​ളോ​ളം പണം മുടക്കി​യി​ട്ടും പല സർവക​ലാ​ശാ​ല​ക​ളി​ലെ​യും കോ​ളെ​ജു​ക​ളി​ലെ​യും കാര്യ​നിർവഹണ വിഭാ​ഗ​ത്തി​ലെ ഉദ്യോ​ഗ​സ്ഥ​രു​ടെ എണ്ണം വർധി​ക്കു​ക​യാണ്‌. . . . തങ്ങൾ വിറ്റഴി​ക്കുന്ന സാങ്കേ​തിക വിദ്യകൾ ഉത്‌പാ​ദ​ന​ക്ഷ​മ​ത​യിൽ വലിയ മുന്നേ​റ്റങ്ങൾ സൃഷ്ടി​ക്കു​മെ​ന്നും അങ്ങനെ നിശ്ചിത അളവി​ലുള്ള ഭരണസം​ബ​ന്ധ​മായ ജോലി​കൾ ചുരു​ങ്ങിയ ചെലവിൽ വളരെ കുറച്ച്‌ ജോലി​ക്കാ​രെ​ക്കൊണ്ട്‌ ചെയ്യി​ക്കാ​നാ​കു​മെ​ന്നും പതിറ്റാ​ണ്ടു​ക​ളാ​യി കമ്പ്യൂട്ടർ നിർമാ​താ​ക്കൾ തറപ്പിച്ചു പറഞ്ഞി​ട്ടുണ്ട്‌. എന്നാൽ നാം മനസ്സി​ലാ​ക്കു​ന്ന​തു​പോ​ലെ വിജ്ഞാന സാങ്കേ​തി​ക​ത്വം ശ്രമങ്ങൾക്ക്‌ വ്യതി​യാ​നങ്ങൾ വരുത്തി​യി​രി​ക്കു​ന്നു; പഴയ ജോലി​കൾ ഏതാനും ജോലി​ക്കാ​രാൽ ചെയ്‌തു​തീർക്ക​പ്പെ​ടു​ന്ന​തി​നു പകരം പല പുതിയ കാര്യ​ങ്ങ​ളും അത്രതന്നെ ജീവന​ക്കാ​രോ അതിലും കൂടുതൽ പേരോ ആണ്‌ ചെയ്‌തു​തീർക്കു​ന്നത്‌. പലപ്പോ​ഴും പണം ഒട്ടും ലാഭി​ക്കാ​നാ​കു​ന്നില്ല. ആളുകൾ സാങ്കേ​തി​ക​വി​ദ്യ​യെ, പേപ്പർജോ​ലി കൂടുതൽ വേഗത്തിൽ ചെയ്‌തു​തീർക്കാൻ ഉപയോ​ഗി​ക്കു​ന്ന​തി​നു പകരം രേഖക​ളു​ടെ കെട്ടും മട്ടും കൂടുതൽ ഭംഗി​യാ​ക്കാൻ ഉപയോ​ഗി​ക്കു​ന്നത്‌ ഈ വ്യതി​യാ​ന​ത്തി​നുള്ള ഒരു ഉദാഹ​ര​ണ​മാണ്‌.”

ക്രിസ്‌ത്യാ​നി​കൾക്ക്‌ അപകട​ഭീ​ഷണി ഉയർത്തുന്ന വിജ്ഞാന അതിപാത ഇപ്പോൾ ജീവി​ത​ത്തി​ന്റെ ഒരു ഭാഗമാ​യി​ത്തീർന്ന​തു​പോ​ലെ കാണ​പ്പെ​ടു​ന്നു. എന്നാൽ വിജ്ഞാ​നോ​ത്‌കണ്‌ഠ, ചുരു​ങ്ങി​യത്‌ ഒരു പരിധി​വ​രെ​യെ​ങ്കി​ലും, നമുക്ക്‌ എങ്ങനെ ഒഴിവാ​ക്കാൻ സാധി​ക്കും? തുടർന്നുള്ള ഹ്രസ്വ​ലേ​ഖ​ന​ത്തിൽ പ്രാ​യോ​ഗി​ക​മായ ഏതാനും നിർദേ​ശങ്ങൾ ഞങ്ങൾ നൽകു​ന്നുണ്ട്‌.

[അടിക്കു​റിപ്പ്‌]

[6-ാം പേജിലെ ചതുരം]

വിജ്ഞാന മാലി​ന്യ​ങ്ങ​ളു​ടെ കൂമ്പാരം

“നാം അനുഭ​വ​ത്തിൽനിന്ന്‌ മനസ്സി​ലാ​ക്കു​ന്ന​തു​പോ​ലെ സമൂഹം കൂടുതൽ അപരി​ഹാ​ര്യ​മാം​വി​ധം വിവേ​ക​ശൂ​ന്യ​മാ​യി​ക്കൊ​ണ്ടി​രി​ക്കു​ക​യാണ്‌. ടിവി-യിലെ തരംതാണ പരിപാ​ടി​ക​ളും വിദ്വേ​ഷ​മു​ണർത്തുന്ന റേഡി​യോ പരിപാ​ടി​ക​ളും അശ്ലീല​സം​ഭാ​ഷ​ണ​ങ്ങ​ളും കർത്തവ്യ​ലം​ഘ​ന​ത്തെ​പ്ര​തി​യുള്ള കോട​തി​ന​ട​പ​ടി​ക​ളും പ്രസി​ദ്ധി​ക്കു​വേ​ണ്ടി​യുള്ള പരാ​ക്ര​മ​ങ്ങ​ളും അങ്ങേയറ്റം അക്രമാ​സ​ക്ത​വും നിന്ദ്യ​വു​മായ പരിഹാ​സ​ങ്ങ​ളും സർവസാ​ധാ​ര​ണ​മായ പുതിയ ഒരു കാലത്തി​നു സാക്ഷി​ക​ളാ​ണു നാം. സിനി​മ​ക​ളി​ലാ​ണെ​ങ്കി​ലോ മുമ്പെ​ന്ന​ത്തെ​ക്കാ​ള​ധി​കം അതിരു​ക​വിഞ്ഞ ലൈം​ഗി​ക​ത​യും അക്രമ​വും. പരസ്യ​ങ്ങ​ളാ​കട്ടെ കൂടുതൽ ശബ്ദായ​മാ​ന​വും കടന്നു​ക​യ​റു​ന്ന​വ​യു​മാ​യി​രു​ന്നു. അവ മിക്ക​പ്പോ​ഴും ആസ്വാ​ദ​ന​ത്തി​ന്റെ സകല അതിർവ​ര​മ്പു​ക​ളെ​യും ഭേദി​ക്കു​ന്നു. . . വഷളത്വം വർധി​ച്ചു​വ​രു​ന്നു, സാമാ​ന്യ​മ​ര്യാ​ദ കുറഞ്ഞു​വ​രു​ന്നു. . . . നമ്മുടെ ‘കുടുംബ മൂല്യ​ങ്ങ​ളി​ലെ പ്രതി​സന്ധി’ എന്ന്‌ ആളുകൾ വിളി​ക്കു​ന്ന​തിന്‌ പരമ്പരാ​ഗത കുടുംബ ക്രമീ​ക​ര​ണ​ത്തോ​ടുള്ള ഹോളി​വു​ഡി​ന്റെ അനാദ​ര​വി​നെ​ക്കാൾ വിജ്ഞാന വിപ്ലവ​വു​മാ​യി​ട്ടാണ്‌ കൂടുതൽ ബന്ധം.”—ഡേവിഡ്‌ ഷെങ്കിന്റെ വിവര​ങ്ങ​ളു​ടെ പുകമഞ്ഞ്‌—വിജ്ഞാ​ന​പ്പെ​രു​പ്പത്തെ അതിജീ​വി​ക്കൽ.

[7-ാം പേജിലെ ചതുരം]

ജ്ഞാനസമ്പാദനം പഴയകാല രീതി

“മകനേ ജ്ഞാനത്തി​ന്നു ചെവി​കൊ​ടു​ക്ക​യും ബോധ​ത്തി​ന്നു നിന്റെ ഹൃദയം ചായി​ക്ക​യും ചെയ്യേ​ണ്ട​തി​ന്നു എന്റെ വചനങ്ങളെ കൈ​ക്കൊ​ണ്ടു എന്റെ കല്‌പ​ന​കളെ നിന്റെ ഉള്ളിൽ സംഗ്ര​ഹി​ച്ചാൽ, നീ ബോധ​ത്തി​ന്നാ​യി വിളിച്ചു വിവേ​ക​ത്തി​ന്നാ​യി ശബ്ദം ഉയർത്തു​ന്നു എങ്കിൽ, അതിനെ വെള്ളി​യെ​പ്പോ​ലെ അന്വേ​ഷി​ച്ചു നിക്ഷേ​പ​ങ്ങ​ളെ​പ്പോ​ലെ തിരയു​ന്നു എങ്കിൽ, നീ യഹോ​വാ​ഭക്തി ഗ്രഹി​ക്ക​യും ദൈവ​പ​രി​ജ്ഞാ​നം കണ്ടെത്തു​ക​യും ചെയ്യും. യഹോ​വ​യ​ല്ലോ ജ്ഞാനം നല്‌കു​ന്നതു; അവന്റെ വായിൽനി​ന്നു പരിജ്ഞാ​ന​വും വിവേ​ക​വും വരുന്നു. ജ്ഞാനം നിന്റെ ഹൃദയ​ത്തിൽ പ്രവേ​ശി​ക്കും; പരിജ്ഞാ​നം നിന്റെ മനസ്സിന്നു ഇമ്പമാ​യി​രി​ക്കും. വകതി​രി​വു നിന്നെ കാക്കും; വിവേകം നിന്നെ സൂക്ഷി​ക്കും.”—സദൃശ​വാ​ക്യ​ങ്ങൾ 2:1-6, 10, 11.

[9-ാം പേജിലെ ചിത്രം]

വിജ്ഞാനപ്പെരുപ്പത്തെ അഗ്നിശ​മ​ന​ജ​ല​വാ​ഹി​യിൽനിന്ന്‌ ഒരു വിരലുറ ഉപയോ​ഗിച്ച്‌ വെള്ള​മെ​ടു​ക്കാൻ ശ്രമി​ക്കു​ന്ന​തി​നോട്‌ ഉപമി​ച്ചി​രി​ക്കു​ന്നു