ചുമത​ലകൾ ഇല്ലാതെ അവകാ​ശ​ങ്ങ​ളോ?

“മനുഷ്യ കുടും​ബ​ത്തി​ലെ എല്ലാ അംഗങ്ങ​ളു​ടെ​യും സഹജമായ ആത്മാഭി​മാ​ന​വും തുല്യ​മായ, അടിയ​റ​വെ​ക്കാൻ ആവാത്ത അവകാ​ശ​ങ്ങ​ളും തിരി​ച്ച​റി​യു​ന്ന​താണ്‌ ലോക​ത്തിൽ സ്വാത​ന്ത്ര്യ​ത്തി​നും നീതി​ക്കും സമാധാ​ന​ത്തി​നു​മുള്ള അടിസ്ഥാ​നം” എന്ന്‌ 1998 ഡിസം​ബ​റിൽ സുവർണ ജൂബിലി കൊണ്ടാ​ടിയ സാർവ​ലൗ​കിക മനുഷ്യാ​വ​കാശ പ്രഖ്യാ​പ​ന​ത്തി​ന്റെ ആമുഖ​ത്തിൽ പ്രസ്‌താ​വി​ക്കു​ന്നു. എന്നാൽ അടുത്ത​കാ​ലത്ത്‌, ഈ പ്രഖ്യാ​പ​ന​ത്തി​നു പുറമേ, മനുഷ്യ ചുമത​ല​ക​ളു​ടെ ഒരു സാർവ​ലൗ​കിക പ്രഖ്യാ​പനം കൂടി ഐക്യ​രാ​ഷ്‌ട്രങ്ങൾ അംഗീ​ക​രി​ക്ക​ണ​മെന്ന്‌ എല്ലാ വൻകര​ക​ളെ​യും പ്രതി​നി​ധീ​ക​രിച്ച 24 മുൻ രാഷ്‌ട്ര​പ​തി​മാ​രും പ്രധാന മന്ത്രി​മാ​രും നിർദേ​ശി​ച്ചു. അത്തര​മൊ​രു പദ്ധതി ആവശ്യ​മു​ള്ള​താ​യി പലരും കരുതു​ന്നത്‌ എന്തു​കൊണ്ട്‌?

“അവകാ​ശ​ങ്ങ​ളും ചുമത​ല​ക​ളും സയാമീസ്‌ ഇരട്ടക​ളാണ്‌. ദുഃഖ​ക​ര​മെന്നു പറയട്ടെ, അരനൂ​റ്റാ​ണ്ടു മുമ്പ്‌ ഈ യാഥാർഥ്യം മറന്നു​ക​ള​യു​ക​യോ പഴഞ്ചനാ​കു​ക​യോ ചെയ്‌തു. തങ്ങളുടെ ചുമത​ലകൾ നിറ​വേ​റ്റ​ണ​മെന്ന യാതൊ​രു ചിന്തയു​മി​ല്ലാ​തെ പലരും അവകാ​ശ​ങ്ങൾക്കാ​യി കടിപി​ടി കൂട്ടുന്നു” എന്ന്‌ യൂറോ​പ്യൻ മനുഷ്യാ​വ​കാശ സമിതി​യിൽ അംഗമായ പ്രൊ​ഫസർ ഷാൻ ക്ലോഡ്‌ സ്‌വായാ വിവരി​ക്കു​ന്നു. ഉത്തരവാ​ദി​ത്വ​ങ്ങൾ അവഗണി​ക്കു​ന്നതു പലരെ​യും ബാധി​ക്കു​ന്നു. “ശ്രദ്ധേ​യ​മായ ഒരു വാഞ്‌ഛ നിലവി​ലുണ്ട്‌, വിശേ​ഷി​ച്ചും യുവജ​ന​ങ്ങൾക്കി​ട​യിൽ. ലോകത്തെ അടക്കി വാഴുന്ന അത്യാ​ഗ്രഹം, സ്വാർഥത, സഹവർത്തി​ത്വം ഇല്ലായ്‌മ എന്നീ ശക്തികളെ ഇല്ലായ്‌മ ചെയ്യാ​നോ വരുതി​യിൽ നിർത്താ​നോ ഉള്ള ഒരു ഏകീകരണ പരിപാ​ടിക്ക്‌, ഒരു കൂട്ടം അംഗീ​കൃത ആദർശ​ങ്ങൾക്കാ​യുള്ള വാഞ്‌ഛ​തന്നെ. . . . ഗോള​വ്യാ​പ​ക​മായ ഒരു സദാചാര സംഹി​ത​യ്‌ക്കുള്ള കൂലങ്ക​ഷ​മായ ചർച്ച എന്തി​ന്റെ​യോ അഭാവം ഉള്ളതായി വിളി​ച്ചോ​തു​ന്നു” എന്ന്‌ പാരീസ്‌ ദിനപ്പ​ത്ര​മായ ഇന്റർനാ​ഷണൽ ഹെറാൾഡ്‌ ട്രിബ്യൂൺ പ്രസ്‌താ​വി​ക്കു​ന്നു. അതു​കൊണ്ട്‌, ആ അഭാവം നികത്താ​നും മനുഷ്യ ചുമത​ലകൾ ഏവയാ​ണെന്നു നിർണ​യി​ക്കാ​നു​മാ​യി രാഷ്‌ട്രീ​യ​ക്കാ​രും ദൈവ​ശാ​സ്‌ത്ര​ജ്ഞ​ന്മാ​രും തത്ത്വചി​ന്ത​ക​രും ചർച്ച തുടരു​ക​യാണ്‌. അതിനെ ഐക്യ​രാ​ഷ്‌ട്ര വിദ്യാ​ഭ്യാ​സ-ശാസ്‌ത്ര-സാംസ്‌കാ​രിക സംഘടന ഒരു “സാർവ ലൗകിക നീതി​ശാ​സ്‌ത്രം” എന്നു വിളി​ക്കു​ന്നു. എന്നാൽ അവർ ചില വൈഷ​മ്യ​ങ്ങളെ നേരി​ടു​ന്നു.

ഏതെല്ലാം മനുഷ്യാ​വ​കാ​ശ​ങ്ങ​ളാണ്‌ സംരക്ഷി​ക്ക​പ്പെ​ടേ​ണ്ടത്‌ എന്നു നിർണ​യി​ക്കുക താരത​മ്യേന എളുപ്പ​മാണ്‌. അതേസ​മയം ഏതെല്ലാം മനുഷ്യ ചുമത​ല​ക​ളാണ്‌ സാർവ​ലൗ​കി​ക​മാ​യി അംഗീ​ക​രി​ക്കേ​ണ്ടത്‌ എന്നു നിർണ​യി​ക്കുക എല്ലായ്‌പോ​ഴും അത്ര എളുപ്പമല്ല. എന്നുവ​രി​കി​ലും, ‘മനുഷ്യ ചുമത​ല​ക​ളു​ടെ പ്രഖ്യാ​പന’ത്തിലെ ചില ആശയങ്ങൾ ഏതാണ്ടു രണ്ടായി​രം വർഷം മുമ്പു യേശു പ്രഖ്യാ​പിച്ച, കാലാ​തീ​ത​വും സാർവ​ലൗ​കി​ക​വു​മായ സുവർണ നിയമ​ത്തി​ന്റെ തത്ത്വത്തിൽ കാണാ​വു​ന്ന​താണ്‌: “മനുഷ്യർ നിങ്ങൾക്കു ചെയ്യേണം എന്നു നിങ്ങൾ ഇച്ഛിക്കു​ന്നതു ഒക്കെയും നിങ്ങൾ അവർക്കും ചെയ്‌വിൻ.”—മത്തായി 7:12.

ഒട്ടുമി​ക്ക​പ്പോ​ഴും, മനുഷ്യാ​വ​കാ​ശങ്ങൾ സംരക്ഷി​ക്കുന്ന നിയമ​ങ്ങ​ളു​ടെ പിന്നിലെ പ്രേര​ക​ശക്തി ആയിരു​ന്നി​ട്ടുള്ള ബൈബിൾ, വ്യക്തിഗത ഉത്തരവാ​ദി​ത്വ​ത്തി​ന്റെ ആശയത്തി​നും ഊന്നൽ കൊടു​ക്കു​ന്നു. “ശരി അറിഞ്ഞി​ട്ടും അതു ചെയ്യാ​തി​രി​ക്കു​ന്നവൻ പാപം ചെയ്യുന്നു” എന്ന്‌ ശിഷ്യ​നായ യാക്കോബ്‌ പ്രഖ്യാ​പി​ച്ചു. (യാക്കോബ്‌ 4:17, ഓശാന ബൈബിൾ.) മറ്റുള്ള​വർക്കു നന്മ ചെയ്യാൻ യേശു അവസരങ്ങൾ തേടി. അതു​പോ​ലെ സത്യ ക്രിസ്‌ത്യാ​നി​ക​ളും തങ്ങളുടെ സഹമനു​ഷ്യർക്കു നല്ല കാര്യങ്ങൾ ചെയ്യാൻ ശ്രമി​ക്കു​ന്നു. കേവലം തങ്ങളുടെ അവകാ​ശ​ങ്ങ​ളിൽ തൃപ്‌തി​യ​ട​യു​ന്ന​തിൽ ഉപരി​യാ​യി അവകാ​ശ​ങ്ങ​ളോ​ടൊ​പ്പം ചുമത​ല​ക​ളും ഉണ്ടെന്നും ഓരോ വ്യക്തി​യും തന്റെ ചെയ്‌തി​കൾക്കു ദൈവ​ത്തോ​ടു കണക്കു ബോധി​പ്പി​ക്കേ​ണ്ട​തു​ണ്ടെ​ന്നും അവർ മനസ്സി​ലാ​ക്കു​ന്നു.