നിങ്ങൾ ബന്ധിപ്പി​ക്ക​പ്പെ​ട്ടി​രി​ക്കു​ന്നു എങ്ങനെ?

ജപ്പാനിലെ ഉണരുക! ലേഖകൻ

ഏതാണ്ട്‌ ജനങ്ങളു​ടെ അത്രയും​തന്നെ ടെലി​ഫോ​ണു​കൾ ഉള്ള ജപ്പാനിൽ ദിവസ​വും 30 കോടി​യി​ല​ധി​കം ഫോൺ വിളികൾ നടക്കുന്നു. കൂടാതെ, ജപ്പാനി​ലേക്ക്‌ ദിവസ​വും 10 ലക്ഷം വിദേശ ഫോൺ കോളു​കൾ വരാറുണ്ട്‌, വിദേ​ശ​ത്തേക്ക്‌ അത്രതന്നെ കോളു​കൾ പോകു​ന്നു​മുണ്ട്‌.

ഒരുപക്ഷേ നിങ്ങളും ദിവസ​വും ടെലി​ഫോൺ ഉപയോ​ഗി​ക്കു​ന്നു​ണ്ടാ​കാം. അതു സാധാരണ ഫോൺ ആകാം, അല്ലെങ്കിൽ മൊ​ബൈൽ ഫോൺ ആകാം. ലോകം കൂടുതൽ പരിഷ്‌കൃ​ത​മാ​യി​ത്തീർന്നു​കൊ​ണ്ടി​രി​ക്കെ, അനേകരെ സംബന്ധി​ച്ചി​ട​ത്തോ​ളം മറ്റേ​തെ​ങ്കി​ലും ഭൂഖണ്ഡ​ത്തി​ലുള്ള ഒരാളെ വിളി​ക്കു​ന്നത്‌ വളരെ സാധാ​രണം ആയിത്തീർന്നി​രി​ക്കു​ന്നു. എന്നാൽ നിങ്ങൾ ഉപയോ​ഗി​ക്കുന്ന ടെലി​ഫോൺ നിങ്ങൾ വിളി​ക്കുന്ന ആളുടെ ടെലി​ഫോ​ണു​മാ​യി എങ്ങനെ​യാണ്‌ ബന്ധിക്ക​പ്പെ​ട്ടി​രി​ക്കു​ന്നത്‌ എന്നു നിങ്ങൾക്ക്‌ അറിയാ​മോ?

ടെലി​ഫോൺ ശൃംഖ​ല​വഴി ബന്ധിക്ക​പ്പെ​ട്ടി​രി​ക്കു​ന്നു

ഒന്നാമ​താ​യി, നിങ്ങളു​ടെ ഫോൺ ഒരു ടെലി​ഫോൺ ശൃംഖ​ല​യു​മാ​യി ബന്ധിപ്പി​ക്കേ​ണ്ടി​യി​രി​ക്കു​ന്നു. ഒരു സാധാരണ ടെലി​ഫോ​ണു​മാ​യി ബന്ധിച്ചി​രി​ക്കുന്ന വയർ പോകുന്ന വഴി നോക്കി​യാൽ, അത്‌ ജങ്‌ഷൻ ബോക്‌സി​ലേക്ക്‌ അഥവാ ഒരു മോഡു​ലാർ സോക്ക​റ്റി​ലേക്കു പോയി​രി​ക്കു​ന്ന​താ​യും ആ സോക്കറ്റ്‌ നിങ്ങളു​ടെ വീടിന്റെ വയറി​ങ്ങു​മാ​യി ബന്ധിച്ചി​രി​ക്കു​ന്ന​താ​യും കാണാം.a വീണ്ടും അത്‌ ഒരു പോസ്റ്റി​ലൂ​ടെ​യോ മണ്ണിന​ടി​യി​ലൂ​ടെ​യോ നിങ്ങളു​ടെ പ്രദേ​ശത്തെ ടെലി​ഫോൺ ഓഫീ​സി​ലുള്ള ടെലി​ഫോൺ എക്‌സ്‌ചേ​ഞ്ചി​ലേക്കു പോകുന്ന കേബി​ളു​മാ​യി ബന്ധിക്ക​പ്പെ​ട്ടി​രി​ക്കു​ന്ന​താ​യി കാണും. ഈ എക്‌സ്‌ചേഞ്ച്‌ അതി​നെ​ക്കാൾ വലിയ ഒരു എക്‌സ്‌ചേ​ഞ്ചു​മാ​യി ബന്ധിപ്പി​ക്ക​പ്പെ​ട്ടി​രി​ക്കു​ന്നു. ഇങ്ങനെ ഒരു ടെലി​ഫോൺ ശൃംഖല ഉണ്ടാകു​ന്നു. നിങ്ങൾ സ്വന്തം പട്ടണത്തി​ലുള്ള ഒരു സുഹൃ​ത്തി​നു ഫോൺ ചെയ്യു​ക​യാ​ണെ​ങ്കിൽ, നിങ്ങളു​ടെ ടെലി​ഫോ​ണും നിങ്ങളു​ടെ സുഹൃ​ത്തി​ന്റെ ടെലി​ഫോ​ണും തമ്മിൽ ബന്ധിപ്പി​ക്കുന്ന ഈ ശൃംഖ​ല​യിൽ ശബ്ദരൂ​പ​ത്തി​ലുള്ള ഒരു സർക്കിട്ട്‌ രൂപം കൊള്ളു​ന്നു.

അപ്പോൾ മൊ​ബൈൽ ഫോണു​ക​ളോ? അവയെ എങ്ങനെ​യാ​ണു ബന്ധിപ്പി​ച്ചി​രി​ക്കു​ന്നത്‌? സാധാരണ ടെലി​ഫോ​ണി​ന്റെ കാര്യ​ത്തിൽ എന്നപോ​ലെ ഇവി​ടെ​യും തത്ത്വം ഒന്നുതന്നെ ആണ്‌. ഒരു അദൃശ്യ​മായ “വയർ,” അതായത്‌ ഒരു റേഡി​യോ തരംഗം, നിങ്ങളു​ടെ സെല്ലു​ലാർ ഫോണി​നെ അടുത്തുള്ള ഒരു മൊ​ബൈൽ ടെലി​ഫോൺ എക്‌സ്‌ചേ​ഞ്ചു​മാ​യി ബന്ധിപ്പി​ക്കു​ന്നു. തുടർന്ന്‌ അത്‌ ഒരു ടെലി​ഫോൺ ശൃംഖ​ല​യു​മാ​യി ബന്ധിപ്പി​ക്ക​പ്പെ​ട്ടി​രി​ക്കു​ന്നു. എന്നാൽ മറ്റേ​തെ​ങ്കി​ലും ഭൂഖണ്ഡ​ത്തി​ലുള്ള ഒരാളു​മാ​യി നിങ്ങൾ സംസാ​രി​ക്കു​ക​യാ​ണെ​ങ്കി​ലോ?

സമു​ദ്രാ​ന്തര കേബി​ളു​കൾ

ഒരു സമു​ദ്ര​ത്താൽ വേർതി​രി​ക്ക​പ്പെ​ട്ടി​രി​ക്കുന്ന രണ്ട്‌ ഭൂഖണ്ഡ​ങ്ങളെ തമ്മിൽ കേബിൾവഴി ബന്ധിപ്പി​ക്കു​ന്നത്‌ ബൃഹത്തായ ഒരു സംരം​ഭ​മാണ്‌. അതിന്‌, സമു​ദ്ര​ത്തിന്‌ അടിയിൽ ആയിര​ക്ക​ണ​ക്കി​നു കിലോ​മീ​റ്റർ ദൂരത്തിൽ സമു​ദ്രാ​ന്തര കിടങ്ങു​കൾക്കും പർവത​ങ്ങൾക്കും കുറുകേ കേബി​ളു​കൾ സ്ഥാപി​ക്കേ​ണ്ട​തുണ്ട്‌. എന്നാൽ അങ്ങനെ ആയിരു​ന്നു ഭൂഖണ്ഡാ​ന്തര ആശയവി​നി​മയ ബന്ധങ്ങളു​ടെ തുടക്കം. ഭൂഖണ്ഡ​ങ്ങളെ തമ്മിൽ ബന്ധിപ്പി​ക്കുന്ന സമു​ദ്രാ​ന്തര ടെലി​ഫോൺ കേബിൾ ആദ്യമാ​യി സ്ഥാപി​ച്ചത്‌ 1956-ൽ ആണ്‌.b 36 ടെലി​ഫോൺ സർക്കി​ട്ടു​കൾ വഹിക്കാൻ കഴിയു​മാ​യി​രുന്ന ആ കേബിൾ സ്‌കോ​ട്ട്‌ലൻഡി​നെ​യും ന്യൂഫൗ​ണ്ട്‌ലാൻഡി​നെ​യും തമ്മിൽ ബന്ധിപ്പി​ച്ചു. ജപ്പാനും ഹവായി​ക്കും ഇടയിൽ പസഫിക്‌ സമു​ദ്ര​ത്തി​നു കുറുകെ ആദ്യമാ​യി കേബിൾ സ്ഥാപി​ച്ചത്‌ 1964-ൽ ആയിരു​ന്നു. ആ കേബി​ളിന്‌ 128 ടെലി​ഫോൺ സർക്കി​ട്ടു​കൾ ഉണ്ടായി​രു​ന്നു. തുടർന്ന്‌ ഭൂഖണ്ഡ​ങ്ങ​ളെ​യും ദ്വീപു​ക​ളെ​യും തമ്മിൽ ബന്ധിപ്പി​ക്കുന്ന നിരവധി സമു​ദ്രാ​ന്തര കേബി​ളു​കൾ സ്ഥാപി​ക്ക​പ്പെട്ടു.

ടെലി​ഫോൺ കണക്‌ഷ​നു​കൾക്കാ​യി സമു​ദ്ര​ത്തി​ലൂ​ടെ എങ്ങനെ​യുള്ള കേബി​ളു​ക​ളാണ്‌ ഇടുന്നത്‌? ചെമ്പ്‌ ചാലക വയറാ​യും ചെമ്പ്‌ അല്ലെങ്കിൽ അലൂമി​നി​യം ചാലക ഷെല്ലാ​യും ഉള്ള കോ-ആക്‌സി​യൽ കേബി​ളു​ക​ളാണ്‌ തുടക്ക​ത്തിൽ സാധാ​ര​ണ​മാ​യി ഉപയോ​ഗി​ച്ചി​രു​ന്നത്‌. അവസാ​നത്തെ കോ-ആക്‌സി​യൽ കേബി​ളു​ക​ളിൽ ഒന്ന്‌ ഇട്ടത്‌ 1976-ൽ ആണ്‌. അതിന്‌ 4,200 ശബ്ദ സർക്കി​ട്ടു​കൾ വഹിക്കാ​നുള്ള പ്രാപ്‌തി ഉണ്ടായി​രു​ന്നു. എന്നിരു​ന്നാ​ലും, 1980-കളിൽ ഫൈബർ ഓപ്‌റ്റിക്‌ കേബി​ളു​കൾ ലഭ്യമാ​യി. ഭൂഖണ്ഡ​ങ്ങളെ തമ്മിൽ ബന്ധിപ്പി​ക്കുന്ന ഇത്തരത്തി​ലുള്ള ആദ്യത്തെ കേബിൾ 1988-ലാണ്‌ സ്ഥാപി​ക്കു​ന്നത്‌. ഇതിന്‌ ഡിജിറ്റൽ സാങ്കേ​തി​ക​വി​ദ്യ ഉപയോ​ഗിച്ച്‌ ഒരേസ​മയം 40,000 ടെലി​ഫോൺ സംഭാ​ഷ​ണങ്ങൾ കൈകാ​ര്യം ചെയ്യാ​നുള്ള ശേഷി ഉണ്ടായി​രു​ന്നു. അതിനു​ശേഷം കേബി​ളു​ക​ളു​ടെ ശേഷി വർധി​പ്പി​ച്ചി​ട്ടുണ്ട്‌. അറ്റ്‌ലാ​ന്റിക്‌ സമു​ദ്ര​ത്തി​നു കുറുകെ സ്ഥാപി​ച്ചി​രി​ക്കുന്ന ചില കേബി​ളു​കൾക്ക്‌ 20 കോടി ടെലി​ഫോൺ സർക്കി​ട്ടു​കൾ വഹിക്കു​ന്ന​തി​നുള്ള പ്രാപ്‌തി​യു​ണ്ട​ത്രേ!

ആശയവി​നി​മ​യ​ത്തി​നുള്ള ഈ കേബി​ളു​കൾ എങ്ങനെ​യാണ്‌ സമു​ദ്ര​ത്തി​ന​ടി​യിൽ സ്ഥാപി​ക്കു​ന്നത്‌? അവ വാസ്‌ത​വ​ത്തിൽ സമു​ദ്ര​ത്തി​ന്റെ അടിത്ത​ട്ടി​ലൂ​ടെ വലിച്ചി​രി​ക്കു​ക​യാണ്‌. തീരത്തി​ന​ടു​ത്താ​യി ഈ കേബിൾ ഉറപ്പുള്ള ഒരു കെയ്‌സി​ങ്ങിൽ ഉറപ്പി​ച്ചി​രി​ക്കു​ന്നു, ഒരു റിമോട്ട്‌ ഉപകരണം വഴി പ്രവർത്തി​പ്പി​ക്കുന്ന ഒരു യന്ത്രം ഉപയോ​ഗിച്ച്‌ ഉണ്ടാക്കിയ ഒരു കുഴി​യി​ലാണ്‌ ഈ കെയ്‌സിങ്‌ സ്ഥാപി​ച്ചി​രി​ക്കു​ന്നത്‌. അതിനാൽ നങ്കൂര​മോ മീൻവ​ല​യോ മൂലം അവയ്‌ക്കു കേടു​പാ​ടു​കൾ സംഭവി​ക്കു​ക​യില്ല. മറ്റൊരു ഭൂഖണ്ഡ​ത്തി​ലെ സുഹൃ​ത്തിന്‌ നിങ്ങൾ ഫോൺ ചെയ്യു​മ്പോൾ, സമു​ദ്ര​ത്തിന്‌ അടിയി​ലെ ഇത്തരം കേബി​ളു​ക​ളിൽ ഒന്നിൽക്കൂ​ടി ആയിരി​ക്കാം നിങ്ങളു​ടെ ശബ്ദം പോകു​ന്നത്‌.

വിദൂര സ്ഥലങ്ങളെ തമ്മിൽ ബന്ധിപ്പി​ക്കുന്ന അദൃശ്യ കേബി​ളു​കൾ

ഭൂഖണ്ഡ​ങ്ങ​ളെ​യും ദ്വീപു​ക​ളെ​യും തമ്മിൽ ബന്ധിപ്പി​ക്കാൻ കഴിയുന്ന ഏക മാർഗം വെള്ളത്തിന്‌ അടിയി​ലൂ​ടെ​യുള്ള കേബിളല്ല. ഒരു അദൃശ്യ “വയർ”—റേഡി​യോ തരംഗം—കൂടെ സാധാരണ ഉപയോ​ഗി​ക്കാ​റുണ്ട്‌. മൈ​ക്രോ​വേവ്‌ എന്നും വിളി​ക്ക​പ്പെ​ടുന്ന ഇത്തരത്തി​ലുള്ള തരംഗം അന്താരാ​ഷ്‌ട്ര വാർത്താ​വി​നി​മ​യ​ത്തി​നാ​യി വിദൂര സ്ഥലങ്ങളെ തമ്മിൽ ബന്ധിപ്പി​ക്കു​ന്നു. മൈ​ക്രോ തരംഗങ്ങൾ നേർത്ത ഒരു പ്രകാ​ശ​വീ​ചി കണക്കെ നേർരേ​ഖ​യിൽ സഞ്ചരി​ക്കു​ന്ന​തി​നാൽ, അതിന്റെ സഞ്ചാര​പ​ഥ​ത്തി​ലുള്ള കേന്ദ്ര​ങ്ങ​ളു​മാ​യേ അവയ്‌ക്കു ബന്ധം സ്ഥാപി​ക്കാ​നാ​കൂ. ഭൗമോ​പ​രി​ത​ല​ത്തി​ന്റെ വളവ്‌ നിമിത്തം ഗോള​ത്തി​ന്റെ എതിർഭാ​ഗ​ത്തുള്ള സ്ഥലങ്ങളു​മാ​യി ഇതിനെ നേരിട്ടു ബന്ധിപ്പി​ക്കാ​നാ​വില്ല. അത്തരം സ്ഥലങ്ങളെ ബന്ധിപ്പി​ക്കു​ന്ന​തിന്‌ ഉപഗ്രഹ വാർത്താ​വി​നി​മയ സംവി​ധാ​നം ആവശ്യ​മാണ്‌.

ഒരു ഉപഗ്രഹം ഭൂമധ്യ​രേ​ഖ​യ്‌ക്കു മുകളി​ലാ​യി 35,800 കിലോ​മീ​റ്റർ ഉയരത്തി​ലുള്ള ഭൂസ്ഥിര ഭ്രമണ​പ​ഥ​ത്തിൽ സ്ഥാപി​ക്കു​ന്നെ​ങ്കിൽ, അതിന്‌ ഭൂമിയെ ഒരു പ്രാവ​ശ്യം ഭ്രമണം ചെയ്യാൻ ഏകദേശം 24 മണിക്കൂർ അതായത്‌ ഭൂമി സ്വന്തം അച്ചുത​ണ്ടിൽ കറങ്ങാൻ എടുക്കു​ന്ന​തി​ന്റെ ഏതാണ്ട്‌ അത്രയും സമയം വേണം. അതിനാൽ ഈ ഉപഗ്രഹം എല്ലായ്‌പോ​ഴും ഭൂമി​യു​ടെ ഒരേ പ്രദേ​ശ​ത്തി​നു മുകളി​ലാ​യി​ത്തന്നെ നിൽക്കു​ന്നു. ഇത്തരം ഉപഗ്ര​ഹ​ങ്ങളെ ഭൂസ്ഥിര ഉപഗ്ര​ഹങ്ങൾ എന്നാണു വിളി​ക്കു​ന്നത്‌. ഭൂമി​യു​ടെ മൂന്നി​ലൊ​ന്നു ഭാഗം ഈ ഉപഗ്ര​ഹ​ത്തി​ന്റെ പരിധി​യിൽ വരുന്ന​തി​നാൽ ആ ഭൂഭാ​ഗ​ത്തുള്ള നിലയ​ങ്ങൾക്ക്‌—മൈ​ക്രോ​ത​രം​ഗങ്ങൾ അയയ്‌ക്കു​ക​യും സ്വീക​രി​ക്കു​ക​യും ചെയ്യുന്ന കേന്ദ്രങ്ങൾ—ഈ ഉപഗ്ര​ഹ​വു​മാ​യി ആശയവി​നി​മയം നടത്താൻ കഴിയും. അപ്പോൾ രണ്ടു വിദൂര സ്ഥലങ്ങളെ തമ്മിൽ എങ്ങനെ​യാ​ണു ബന്ധിപ്പി​ക്കാൻ കഴിയുക?

ഒരു ഉപഗ്ര​ഹ​ത്തി​ന്റെ പരിധി​യിൽ വരുന്ന ഒരു ഭൗമനി​ലയം ആ ഉപഗ്ര​ഹ​ത്തി​ലേക്ക്‌ മൈ​ക്രോ​വേവ്‌ സിഗ്നൽ എത്തിക്കു​ന്നു. ഇതി​നെ​യാണ്‌ അപ്‌ലിങ്ക്‌ എന്നു വിളി​ക്കു​ന്നത്‌. ഉപഗ്ര​ഹ​ത്തിൽ സ്ഥാപി​ച്ചി​ട്ടുള്ള ഒരു റേഡി​യോ റിപ്പീറ്റർ അഥവാ ഒരു ട്രാൻസ്‌പോ​ണ്ടർ ആ സിഗ്നൽ സ്വീക​രി​ക്കു​ന്നു. എന്നിട്ട്‌ അതിന്റെ ആവൃത്തി കുറച്ച​ശേഷം അത്‌ മറ്റൊരു ഭൗമനി​ല​യ​ത്തി​ലേക്ക്‌ അയയ്‌ക്കു​ന്നു. ഇതിനെ ഡൗൺലിങ്ക്‌ എന്നു വിളി​ക്കു​ന്നു. ഈ വിധത്തിൽ, നേരിട്ട്‌ പരസ്‌പരം ആശയവി​നി​മയം നടത്താൻ കഴിയാത്ത രണ്ടു ഭൗമനി​ല​യ​ങ്ങളെ അദൃശ്യ വയർ ഉപയോ​ഗിച്ച്‌ ഉപഗ്രഹം വഴി ബന്ധിപ്പി​ക്കാൻ കഴിയു​ന്നു.

വാണിജ്യ അടിസ്ഥാ​ന​ത്തി​ലുള്ള ആദ്യത്തെ വാർത്താ​വി​നി​മയ ഉപഗ്ര​ഹ​മായ ഇന്റൽസാറ്റ്‌ 1 വിക്ഷേ​പി​ച്ചത്‌ 1965-ൽ ആണ്‌. ഏർലി ബേർഡ്‌ എന്നും അത്‌ അറിയ​പ്പെ​ട്ടി​രു​ന്നു. ലോക​മെ​ങ്ങു​മുള്ള പല സ്ഥലങ്ങ​ളെ​യും ബന്ധിപ്പി​ക്കുന്ന 200-ഓളം ഉപഗ്ര​ഹങ്ങൾ ഇപ്പോൾ നിലവി​ലുണ്ട്‌. ഇവയിൽ മിക്കതും ഭൂസ്ഥിര ഉപഗ്ര​ഹ​ങ്ങ​ളാണ്‌. അന്താരാ​ഷ്‌ട്ര ആശയവി​നി​മ​യ​ത്തി​നു മാത്രമല്ല, ടെലി​വി​ഷൻ സം​പ്രേ​ക്ഷ​ണ​ത്തി​നും കാലാ​വസ്ഥാ നിരീ​ക്ഷ​ണ​ത്തി​നും മറ്റ്‌ ഉദ്ദേശ്യ​ങ്ങൾക്കും ഇവ ഉപയോ​ഗി​ക്കു​ന്നു. നിരവധി ട്രൻസ്‌പോ​ണ്ട​റു​ക​ളുള്ള അത്തരം ഉപഗ്ര​ഹ​ങ്ങൾക്ക്‌ ബഹുചാ​നൽ സർക്കി​ട്ടു​കൾ പ്രദാനം ചെയ്യാ​നാ​കും. ഉദാഹ​ര​ണ​ത്തിന്‌, ഏർലി ബേർഡിന്‌ ഒരു ടെലി​വി​ഷൻ സർക്കി​ട്ടോ ഒരേസ​മയം 240 ടെലി​ഫോൺ സർക്കി​ട്ടു​ക​ളോ റിലേ ചെയ്യാ​നുള്ള പ്രാപ്‌തി ഉണ്ടായി​രു​ന്നു. 1997 മുതൽ പ്രവർത്ത​ന​ത്തി​ലുള്ള ഇന്റൽസാറ്റ്‌ 8 പരമ്പര​യിൽ പെട്ട ഉപഗ്ര​ഹ​ങ്ങൾക്ക്‌ ഒരേസ​മയം മൂന്ന്‌ ടെലി​വി​ഷൻ ചാനലു​ക​ളും പരമാ​വധി 1,12,500 ടെലി​ഫോൺ സർക്കി​ട്ടു​ക​ളും റിലേ ചെയ്യാൻ കഴിയും.

ഏതെന്നു പറയാൻ കഴിയു​മോ?

ഈ മാറ്റങ്ങ​ളെ​ല്ലാം കാര്യ​മായ പണച്ചെ​ല​വി​ല്ലാ​തെ അന്താരാ​ഷ്‌ട്ര ടെലി​ഫോൺ കോളു​കൾ നടത്തുക സാധ്യ​മാ​ക്കി​ത്തീർത്തി​രി​ക്കു​ന്നു. ഒരുപക്ഷേ മറ്റേ​തെ​ങ്കി​ലും ഭൂഖണ്ഡ​ത്തി​ലുള്ള നിങ്ങളു​ടെ സുഹൃ​ത്തു​ക്ക​ളോ​ടും കുടും​ബാം​ഗ​ങ്ങ​ളോ​ടും കൂടെ​ക്കൂ​ടെ സംസാ​രി​ക്കാൻ ഇപ്പോൾ നിങ്ങൾക്കു കഴിയു​ന്നു​ണ്ടാ​കാം. സമു​ദ്ര​ത്തിന്‌ അടിയി​ലൂ​ടെ​യുള്ള കേബിൾ വഴിയാ​ണോ അതോ ഒരു ഉപഗ്രഹം വഴിയാ​ണോ നിങ്ങളു​ടെ ഫോൺ കോളു​കൾ പോകു​ന്ന​തെന്ന്‌ എങ്ങനെ അറിയാൻ കഴിയും?

ഉപഗ്രഹം വഴിയാ​ണെ​ങ്കിൽ, അദൃശ്യ വയറിന്റെ (അതിൽ അപ്‌ലി​ങ്കും ഡൗൺലി​ങ്കും ഉൾപ്പെ​ടു​ന്നു) നീളം ഏകദേശം 70,000 കിലോ​മീ​റ്റർ വരും. അതു ഭൂമി​യു​ടെ ചുറ്റള​വി​ന്റെ ഏകദേശം ഇരട്ടി​യാണ്‌. മൈ​ക്രോ​ത​രം​ഗങ്ങൾ പ്രകാ​ശ​വേ​ഗ​ത്തി​ലാണ്‌ സഞ്ചരി​ക്കു​ന്ന​തെ​ങ്കി​ലും, ഒരു ഉപഗ്രഹം വഴി ഒരു ഭൗമനി​ല​യ​ത്തിൽനിന്ന്‌ മറ്റൊ​ന്നി​ലേക്ക്‌ എത്താനുള്ള സമയം ഏകദേശം ഒരു സെക്കൻഡി​ന്റെ നാലി​ലൊ​ന്നാണ്‌. അതിന്റെ അർഥം നിങ്ങളു​ടെ ശബ്ദം മറ്റേ വ്യക്തി​യു​ടെ അടുക്കൽ എത്തി​ച്ചേ​രാൻ ഒരു സെക്കൻഡി​ന്റെ നാലി​ലൊന്ന്‌ സമയം എടുക്കു​മെ​ന്നാണ്‌. മറ്റേ വ്യക്തി​യു​ടെ ശബ്ദം സഞ്ചരി​ക്കുന്ന കാര്യ​ത്തി​ലും ഇതു സത്യമാണ്‌. രണ്ടും കൂടി​യുള്ള സമയവ്യ​ത്യാ​സം അര സെക്കൻഡാണ്‌. അനുദിന സംഭാ​ഷ​ണ​ങ്ങ​ളിൽ ഈ സമയവ്യ​ത്യാ​സ​വു​മാ​യി പരിചി​ത​രാ​കാ​ത്ത​തി​നാൽ, നാം മറ്റേ വ്യക്തി സംസാ​രി​ക്കുന്ന അതേ സമയത്തു​തന്നെ ഫോണിൽ സംസാ​രി​ക്കു​ന്ന​താ​യി കണ്ടെത്തി​യേ​ക്കാം. നിങ്ങൾക്ക്‌ ഈ സമയവ്യ​ത്യാ​സം അനുഭ​വ​പ്പെ​ട്ടി​ട്ടു​ണ്ടെ​ങ്കിൽ, അതിന്റെ അർഥം നിങ്ങളു​ടെ സംസാരം ഒരു ഉപഗ്രഹം വഴിയാണ്‌ പോകു​ന്ന​തെ​ന്നാണ്‌. എന്നാൽ നിങ്ങൾ മറ്റൊരു സമയത്താണ്‌ വിളി​ക്കു​ന്ന​തെ​ങ്കിൽ, ഈ സമയവ്യ​ത്യാ​സം നിങ്ങൾക്ക്‌ അനുഭ​വ​പ്പെ​ടാ​തി​രു​ന്നേ​ക്കാം. കാരണം, നിങ്ങൾ അപ്പോൾ ബന്ധിക്ക​പ്പെ​ട്ടി​രി​ക്കു​ന്നത്‌ സമു​ദ്ര​ത്തിന്‌ അടിയി​ലൂ​ടെ​യുള്ള ഫൈബർ ഓപ്‌റ്റിക്‌ കേബിൾ വഴിയാ​കാം. ഏതു മാർഗ​ത്തി​ലൂ​ടെ നിങ്ങളെ മറ്റേ വ്യക്തി​യു​മാ​യി ബന്ധിപ്പി​ക്കണം എന്നു നിർണ​യി​ക്കു​ന്നത്‌ ഇതി​ന്റെ​യെ​ല്ലാം പിന്നിൽ പ്രവർത്തി​ക്കുന്ന സങ്കീർണ​മായ ടെലി​ഫോൺ ശൃംഖ​ല​യാണ്‌.

സമു​ദ്രാ​ന്തര കേബി​ളു​ക​ളും ഭൗമനി​ല​യ​ങ്ങ​ളും ഉപഗ്ര​ഹ​ങ്ങ​ളും ഉൾപ്പെട്ട, സൗകര്യ​പ്ര​ദ​മാ​യി ആശയവി​നി​മയം നടത്താൻ നമ്മെ സഹായി​ക്കുന്ന സങ്കീർണ​മായ ടെലി​ഫോൺ ശൃംഖ​ല​യു​ടെ വിവിധ പ്രവർത്ത​നങ്ങൾ നോക്കി​ന​ട​ത്താൻ അനേക​രു​ടെ വൈദ​ഗ്‌ധ്യ​വും ശ്രമവും ആവശ്യ​മാണ്‌. അടുത്ത തവണ നിങ്ങൾ ഒരു സുഹൃ​ത്തിന്‌ ഫോൺ ചെയ്യു​മ്പോൾ, നിങ്ങളെ തമ്മിൽ ബന്ധിപ്പി​ക്കാൻ ചെയ്‌തി​രി​ക്കുന്ന കാര്യ​ങ്ങളെ കുറിച്ചു ചിന്തി​ക്ക​രു​തോ? (g01 5/22)

[അടിക്കു​റി​പ്പു​കൾ]

[20, 21 പേജു​ക​ളി​ലെ രേഖാ​ചി​ത്രം/ചിത്രങ്ങൾ]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

റേഡിയോ തരംഗങ്ങൾ

അപ്‌ലിങ്ക്‌

ഡൗൺലിങ്ക്‌

[20, 21 പേജു​ക​ളി​ലെ രേഖാ​ചി​ത്രം/ചിത്രങ്ങൾ]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

സമുദ്രാന്തര കേബി​ളു​കൾ

മൊബൈൽ ഫോൺ

ആധുനിക ഫൈബർ ഓപ്‌റ്റിക്‌ കേബി​ളു​കൾക്ക്‌ 20 കോടി ടെലി​ഫോൺ സർക്കി​ട്ടു​കൾ വഹിക്കാൻ കഴിയും

[21-ാം പേജിലെ ചിത്രങ്ങൾ]

സ്‌പേസ്‌ ഷട്ടിലി​ലെ അംഗങ്ങൾ ഇന്റൽസാറ്റ്‌ 6-ന്റെ കേടു​പാ​ടു​കൾ നീക്കുന്നു

NASA photo

[21-ാം പേജിലെ ചിത്രങ്ങൾ]

കപ്പലുകൾ കേബി​ളു​കൾ സ്ഥാപി​ക്കു​ക​യും പരിപാ​ലി​ക്കു​ക​യും ചെയ്യുന്നു

[കടപ്പാട്‌]

Courtesy TyCom Ltd.