ദൈവത്തെ അനുസ​രി​ക്കാൻ തീരു​മാ​നിച്ച ഒരു വ്യക്തി

വർഷം 1937. വിഭിന്ന പ്രത്യ​യ​ശാ​സ്‌ത്രങ്ങൾ പല യൂറോ​പ്യൻ രാജ്യ​ങ്ങ​ളി​ലും സംഘർഷം സൃഷ്ടി​ച്ചി​രുന്ന കാലം. ആ ഇരുണ്ട നാളു​ക​ളിൽ സത്യ ക്രിസ്‌ത്യാ​നി​കൾക്കു പ്രയാ​സ​ക​ര​മായ ഒരു തീരു​മാ​നത്തെ അഭിമു​ഖീ​ക​രി​ക്കേണ്ടി വന്നു, ദൈവത്തെ അനുസ​രി​ക്ക​ണ​മോ അതോ മനുഷ്യ​രെ അനുസ​രി​ക്ക​ണ​മോ? (പ്രവൃ​ത്തി​കൾ 5:29) ദൈവത്തെ അനുസ​രി​ക്കാൻ തീരു​മാ​നി​ച്ചാൽ മരി​ക്കേണ്ടി വന്നേക്കാ​മെന്ന്‌ സൈനി​ക​സേ​വ​ന​ത്തിൽ ചേരാൻ പ്രായ​മായ ചെറു​പ്പ​ക്കാർക്ക്‌ അറിയാ​മാ​യി​രു​ന്നു.

സ്‌പെ​യി​നിൽനി​ന്നുള്ള 19 വയസ്സു​കാ​രൻ ആന്റോ​ണി​യോ ഗാർഗാ​യോ അത്തര​മൊ​രു തിര​ഞ്ഞെ​ടു​പ്പി​നെ അഭിമു​ഖീ​ക​രി​ച്ചു. സ്‌പെ​യി​നിൽ ആഭ്യന്ത​ര​യു​ദ്ധം തുടങ്ങി ഏതാണ്ട്‌ ഒരു വർഷം ആയപ്പോൾ ജനറൽ ഫ്രാ​ങ്കോ​യു​ടെ നാഷ്‌ണ​ലിസ്റ്റ്‌ സൈന്യ​ത്തിൽ സേവി​ക്കാൻ ആന്റോ​ണി​യോ​യെ വിളിച്ചു. അതിന്റെ തലേ വർഷമാണ്‌ ആന്റോ​ണി​യോ സ്‌നാ​പ​ന​മേറ്റ്‌ യഹോ​വ​യു​ടെ സാക്ഷി​ക​ളിൽ ഒരാളാ​യി​ത്തീർന്നത്‌. ദൈവ​ദാ​സർ നിഷ്‌പ​ക്ഷ​രാ​യി​രി​ക്ക​ണ​മെ​ന്നും യുദ്ധം അഭ്യസി​ക്കുക പോലും ചെയ്യരു​തെ​ന്നു​മുള്ള തിരു​വെ​ഴുത്ത്‌ അനുശാ​സനം അവന്‌ അറിയാ​മാ​യി​രു​ന്നു. (യെശയ്യാ​വു 2:4; യോഹ​ന്നാൻ 17:16) സൈന്യ​ത്തിൽ ചേർന്ന്‌ സ്വന്തം രാജ്യ​ക്കാ​രെ കൊ​ന്നൊ​ടു​ക്കാൻ മനസ്സു​വ​രാ​തെ ആന്റോ​ണി​യോ ഫ്രാൻസി​ലേക്കു പലായനം ചെയ്യാൻ ശ്രമിച്ചു. എന്നാൽ അവനെ അറസ്റ്റു​ചെ​യ്യു​ക​യും ഫ്രഞ്ച്‌ അതിർത്തി​ക്ക​ടു​ത്തുള്ള ഹ്‌വെസ്‌ക പ്രവി​ശ്യ​യി​ലെ ഹാക്കാ പട്ടണത്തി​ലെ സൈനി​ക​ത്താ​വ​ള​ത്തി​ലേക്കു കൊണ്ടു​പോ​കു​ക​യും ചെയ്‌തു.

ഒരു സൈനിക കോടതി ആന്റോ​ണി​യോ​യു​ടെ മുമ്പാകെ കർക്കശ​മായ ഈ തിര​ഞ്ഞെ​ടുപ്പ്‌ വെച്ചു: ഒന്നുകിൽ ആയുധ​മെ​ടു​ക്കുക, അല്ലെങ്കിൽ വധശിക്ഷ ഏറ്റുവാ​ങ്ങുക. ആന്റോ​ണി​യോ ദൈവത്തെ അനുസ​രി​ക്കാൻ തീരു​മാ​നി​ച്ചു. വധിക്ക​പ്പെ​ടു​ന്ന​തി​നു കുറച്ചു മുമ്പ്‌ അവൻ യഹോ​വ​യു​ടെ സാക്ഷി​ക​ള​ല്ലാ​യി​രുന്ന തന്റെ അമ്മയ്‌ക്കും സഹോ​ദ​രി​ക്കും പിൻവ​രുന്ന കത്ത്‌ എഴുതി:

“എന്നെ അറസ്റ്റു ചെയ്‌തു. വിചാരണ പോലും ചെയ്യാതെ എന്നെ വധശി​ക്ഷ​യ്‌ക്കു വിധി​ച്ചി​രി​ക്കു​ക​യാണ്‌. ഈ ഭൂമി​യി​ലെ എന്റെ ജീവിതം ഇന്ന്‌ രാത്രി അവസാ​നി​ക്കും. നിങ്ങൾ സങ്കട​പ്പെ​ടു​ക​യോ കരയു​ക​യോ ചെയ്യരുത്‌ . . . , കാരണം ഞാൻ ദൈവത്തെ അനുസ​രി​ച്ചി​രി​ക്കു​ന്നു. എന്തായാ​ലും എനിക്ക്‌ കാര്യ​മാ​യി ഒന്നും നഷ്ടപ്പെ​ടു​ന്നില്ല, ദൈവ​ത്തി​ന്റെ ഹിത​മെ​ങ്കിൽ പുതി​യ​തും മെച്ച​പ്പെ​ട്ട​തു​മായ ഒരു ജീവിതം എനിക്ക്‌ ലഭിക്കും. . . . എന്റെ അന്ത്യനാ​ഴിക അടുത്തു​വ​രവേ എനിക്ക്‌ എന്തെന്നി​ല്ലാത്ത ശാന്തത തോന്നു​ന്നു. ഞാൻ ഒത്തിരി സ്‌നേ​ഹി​ക്കുന്ന എന്റെ അമ്മയ്‌ക്കും സഹോ​ദ​രി​ക്കും എന്റെ അവസാന ആലിം​ഗനം.”a

വധിക്കാൻ കൊണ്ടു​പോ​കു​മ്പോൾ ആന്റോ​ണി​യോ യഹോ​വ​യ്‌ക്കു സ്‌തു​തി​ഗീ​തങ്ങൾ പാടു​ക​യാ​യി​രു​ന്നെന്ന്‌ മൂന്ന്‌ സൈനി​കർ പിന്നീട്‌ റിപ്പോർട്ടു ചെയ്‌തു. ഇത്തരം ത്യാഗങ്ങൾ ദൈവ​ത്തി​ന്റെ​യും അവന്റെ പുത്ര​ന്റെ​യും ശ്രദ്ധയിൽ പെടാതെ പോകു​ന്നില്ല. ആന്റോ​ണി​യോ​യെ പോലുള്ള വിശ്വസ്‌ത ക്രിസ്‌ത്യാ​നി​കൾക്കു പുനരു​ത്ഥാ​ന​ത്തി​ലൂ​ടെ പ്രതി​ഫലം ലഭിക്കു​മെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാ​വു​ന്ന​താണ്‌.—യോഹ​ന്നാൻ 5:28, 29. (g03 3/8)

[അടിക്കു​റിപ്പ്‌]