പാഠം 37

സമനി​ല​യും വ്യക്തി​പ​ര​മായ ആകാര​വും

1-9. സമനി​ല​യെ​യും ആത്മ​ധൈ​ര്യ​ത്തെ​യും നിർവ​ചി​ക്കുക, ഇവ എങ്ങനെ നേടാ​മെന്നു പറയുക.

¹ സമനി​ല​യു​ളള ഒരു പ്രസം​ഗകൻ പിരി​മു​റു​ക്ക​മി​ല്ലാത്ത പ്രസം​ഗ​ക​നാണ്‌. അയാൾ ശാന്തത​യും മനഃസാ​ന്നി​ധ്യ​വു​മു​ള​ള​യാ​ളാണ്‌, എന്തു​കൊ​ണ്ടെ​ന്നാൽ അയാൾക്കു സാഹച​ര്യം നിയ​ന്ത്ര​ണാ​ധീ​ന​മാണ്‌. മറിച്ച്‌, സമനി​ല​യു​ടെ അഭാവം ആത്മ​ധൈ​ര്യ​ത്തി​ന്റെ കുറവി​നെ പ്രകട​മാ​ക്കു​ന്നു. രണ്ടും ഒത്തു​ചേർന്നു​പോ​കു​ന്നു. അതു​കൊ​ണ്ടാണ്‌ “ആത്മ​ധൈ​ര്യ​വും സമനി​ല​യും” പ്രസംഗ ഗുണ​ദോ​ഷ​ച്ചീ​ട്ടിൽ കേവലം ഒരു പോയിൻറാ​യി പട്ടിക​പ്പെ​ടു​ത്തി​യി​രി​ക്കു​ന്നത്‌.

² ആത്മ​ധൈ​ര്യ​വും സമനി​ല​യും ഒരു പ്രസം​ഗ​കന്റെ ഭാഗത്ത്‌ അഭില​ഷ​ണീ​യ​മാ​യി​രി​ക്കെ, അവയെ അമിത ആത്മവി​ശ്വാ​സ​വു​മാ​യി കൂട്ടി​ക്കു​ഴ​യ്‌ക്കാൻ പാടില്ല. അതു പൊങ്ങച്ച ഭാവത്താ​ലോ, ഇരിക്കു​ക​യാ​ണെ​ങ്കിൽ, ഞെളി​യു​ക​യോ അമിത​മാ​യി അയഞ്ഞ മട്ടിൽ കൂനി​ക്കു​നി​ഞ്ഞി​രി​ക്കു​ക​യോ ചെയ്യു​ന്ന​തി​നാ​ലോ, വീടു​തോ​റും പ്രസം​ഗി​ക്കു​ക​യാ​ണെ​ങ്കിൽ കട്ടിള​ക്കാ​ലിൽ അശ്രദ്ധ​മാ​യി ചാരി​നിൽക്കു​ന്ന​തി​നാ​ലോ പ്രകട​മാ​ക്ക​പ്പെ​ടു​ന്നു. നിങ്ങളു​ടെ അവതര​ണ​ത്തി​ലെ എന്തെങ്കി​ലും, അമിത​വി​ശ്വാ​സ​ത്തോ​ടു​കൂ​ടിയ ഒരു മനോ​ഭാ​വത്തെ സൂചി​പ്പി​ക്കു​ന്നു​വെ​ങ്കിൽ സ്‌കൂൾ മേൽവി​ചാ​രകൻ നിങ്ങൾക്കു സ്വകാ​ര്യ​ബു​ദ്ധ്യു​പ​ദേശം നൽകു​മെ​ന്ന​തി​നു സംശയ​മില്ല, എന്തു​കൊ​ണ്ടെ​ന്നാൽ അദ്ദേഹ​ത്തി​ന്റെ താത്‌പ​ര്യം നിങ്ങളു​ടെ ശുശ്രൂ​ഷ​യു​ടെ ഫലപ്ര​ദ​ത്വ​ത്തെ തടസ്സ​പ്പെ​ടു​ത്തി​യേ​ക്കാ​വു​ന്ന​താ​യി നിങ്ങൾ നൽകുന്ന അത്തരം ഏതു ധാരണ​യെ​യും തരണം​ചെ​യ്യു​ന്ന​തി​നു നിങ്ങളെ സഹായി​ക്കാ​നാ​യി​രി​ക്കും.

³ എന്നിരു​ന്നാ​ലും, നിങ്ങൾ ഒരു പുതിയ പ്രസം​ഗ​ക​നാ​ണെ​ങ്കിൽ, പ്ലാററ്‌ഫാ​റത്തെ സമീപി​ക്കു​മ്പോൾ നിങ്ങൾക്കു പേടി​യും ലജ്ജയും തോന്നാൻ കൂടുതൽ സാധ്യ​ത​യുണ്ട്‌. നിങ്ങൾ ഫലപ്ര​ദ​മ​ല്ലാത്ത ഒരു അവതരണം നടത്തു​മെന്നു വിശ്വ​സി​ക്കാ​നി​ട​യാ​ക്കാ​വുന്ന ഒരു യഥാർഥ ഭയവും അസ്വസ്ഥ​ത​യും നിങ്ങൾക്കു​ണ്ടാ​യി​രി​ക്കാം. ഇത്‌ ഇങ്ങനെ​യാ​യി​രി​ക്ക​ണ​മെ​ന്നില്ല. ആത്മ​ധൈ​ര്യ​വും സമനി​ല​യും ഉത്സുക​മായ പരി​ശ്ര​മ​ത്താ​ലും അവ ഇല്ലാത്ത​തി​ന്റെ കാരണം​സം​ബ​ന്ധിച്ച അറിവി​നാ​ലും നേടാൻ കഴിയും.

⁴ ചില പ്രസം​ഗ​കർക്ക്‌ ആത്മ​ധൈ​ര്യം ഇല്ലാത്തത്‌ എന്തു​കൊ​ണ്ടാണ്‌? പൊതു​വേ രണ്ടു കാരണ​ങ്ങ​ളിൽ ഒന്നിനാൽ അല്ലെങ്കിൽ രണ്ടിനാ​ലും. ഒന്നാമത്‌, തയ്യാറാ​ക​ലി​ന്റെ അഭാവം അല്ലെങ്കിൽ വിവര​ങ്ങ​ളെ​ക്കു​റി​ച്ചു​ളള തെററായ വീക്ഷണം. രണ്ടാമത്‌, പ്രസം​ഗ​ക​രെന്ന നിലയി​ലു​ളള തങ്ങളുടെ യോഗ്യ​തയെ സംബന്ധിച്ച ഒരു നിഷേ​ധാ​ത്മക മനോ​ഭാ​വം.

⁵ നിങ്ങൾക്ക്‌ ആത്മ​ധൈ​ര്യം നൽകു​ന്നത്‌ എന്താണ്‌? അടിസ്ഥാ​ന​പ​ര​മാ​യി, നിങ്ങൾ നിങ്ങളു​ടെ ഉദ്ദേശ്യം സാധി​ക്കാൻ പ്രാപ്‌ത​നാ​കു​മെ​ന്നു​ളള ഒരു അറിവോ വിശ്വാ​സ​മോ ആണ്‌. സാഹച​ര്യം നിയ​ന്ത്ര​ണാ​ധീ​ന​മാ​ണെ​ന്നും നിയ​ന്ത്രി​ക്കാൻ കഴിയു​മെ​ന്നു​മു​ളള ഉറപ്പാ​ണത്‌. ഇതിനു പ്ലാററ്‌ഫാ​റ​ത്തിൽ കുറെ പരിചയം ആവശ്യ​മാ​യി​രി​ക്കാം. പല പ്രസം​ഗങ്ങൾ നടത്തി​യി​ട്ടു​ള​ള​തി​നാൽ ഇതും വിജയ​പ്ര​ദ​മാ​യി​രി​ക്കു​മെന്നു നിങ്ങൾക്കു ന്യായ​മാ​യി ഉറപ്പു​ണ്ടാ​യി​രി​ക്കാൻ കഴിയും. എന്നാൽ നിങ്ങൾ താരത​മ്യേന പുതിയ ആളായാ​ലും നിങ്ങളു​ടെ മുൻപ്ര​സം​ഗങ്ങൾ നിങ്ങളെ പ്രോ​ത്സാ​ഹി​പ്പി​ക്കേ​ണ്ട​താണ്‌, തന്നിമി​ത്തം ന്യായ​മായ തോതിൽ ഈ ഗുണം പ്രകട​മാ​ക്കാൻ നിങ്ങൾ പെട്ടെ​ന്നു​തന്നെ പ്രാപ്‌ത​നാ​യി​ത്തീ​രേ​ണ്ട​താണ്‌.

⁶ നിങ്ങൾ പരിച​യ​സ​മ്പ​ന്ന​നാ​ണെ​ങ്കി​ലും അല്ലെങ്കി​ലും ആത്മ​ധൈ​ര്യ​ത്തി​നു​ളള മറെറാ​രു മർമ​പ്ര​ധാ​ന​മായ യോഗ്യത വിവര​ങ്ങൾസം​ബ​ന്ധിച്ച നിങ്ങളു​ടെ പരിജ്ഞാ​ന​വും ഈ വിവരങ്ങൾ മൂല്യ​വ​ത്താ​ണെ​ന്നു​ളള ബോധ്യ​വു​മാണ്‌. അതിന്റെ അർഥം നിങ്ങളു​ടെ വിഷയം​സം​ബ​ന്ധി​ച്ചു മുന്ന​മേ​യു​ളള സമഗ്ര തയ്യാറാ​കൽ എന്നു മാത്രമല്ല, അവതര​ണ​ത്തി​നാ​യു​ളള ശ്രദ്ധാ​പൂർവ​ക​മായ തയ്യാറാ​കൽ എന്നുകൂ​ടെ​യാണ്‌. അതു നിങ്ങളു​ടെ സ്വന്തം ദിവ്യാ​ധി​പ​ത്യ​പു​രോ​ഗ​തി​ക്കും അതു​പോ​ലെ​തന്നെ ഹാജരാ​കുന്ന സഹോ​ദ​രൻമാ​രു​ടെ പ്രയോ​ജ​ന​ത്തി​നും വേണ്ടി​യാ​ണെന്നു നിങ്ങൾ തിരി​ച്ച​റി​യു​ന്നു​വെ​ങ്കിൽ, നിങ്ങൾ പ്രാർഥ​നാ​നി​ര​ത​മായ ഒരു മനോ​ഭാ​വ​ത്തോ​ടെ പ്ലാററ്‌ഫാ​റത്തെ സമീപി​ക്കും. നിങ്ങൾ വിഷയ​ത്തിൽ ലയിക്കു​ക​യും നിങ്ങ​ളെ​ത്ത​ന്നെ​യും നിങ്ങളു​ടെ ഭയത്തെ​യും മറക്കു​ക​യും ചെയ്യും. നിങ്ങൾ മനുഷ്യ​രെയല്ല, ദൈവത്തെ പ്രസാ​ദി​പ്പി​ക്കു​ന്ന​തി​നെ​ക്കു​റി​ച്ചു ചിന്തി​ക്കു​ന്ന​താ​യി​രി​ക്കും.—ഗലാ. 1:10; പുറ. 4:10-12; യിരെ. 1:8.

⁷ അതിന്റെ അർഥം പറയാൻപോ​കുന്ന സകലവും സംബന്ധി​ച്ചു നിങ്ങൾക്കു ബോധ്യ​മു​ണ്ടാ​യി​രി​ക്ക​ണ​മെ​ന്നാണ്‌. ഇതിങ്ങ​നെ​യാ​ണെന്നു നിങ്ങളു​ടെ തയ്യാറാ​ക​ലിൽ ഉറപ്പു​വ​രു​ത്തുക. രസകര​വും സജീവ​വു​മായ ഒരു പ്രസംഗം തയ്യാറാ​ക്കാൻ നിങ്ങളാൽ കഴിയു​ന്ന​തെ​ല്ലാം ചെയ്‌ത​ശേ​ഷ​വും പ്രസം​ഗ​ത്തിന്‌ ഓജസ്സ്‌ പോ​രെന്ന്‌ അല്ലെങ്കിൽ അതു നിർജീ​വ​മാ​ണെന്നു നിങ്ങൾ വിചാ​രി​ക്കു​ന്നു​വെ​ങ്കിൽ, സജീവ​മായ ഒരു സദസ്സു നിങ്ങളു​ടെ പ്രസം​ഗത്തെ ഊഷ്‌മ​ള​മാ​ക്കു​മെന്ന്‌ ഓർക്കുക. അതു​കൊണ്ട്‌, നിങ്ങളു​ടെ സ്വന്തം അവതര​ണ​ത്താൽ സദസ്സിനെ സജീവ​മാ​ക്കുക, അവരുടെ താത്‌പ​ര്യം അവതരി​പ്പി​ക്കാ​നു​ള​ള​തിൽ നിങ്ങൾക്ക്‌ ആത്മ​ധൈ​ര്യം പകരും.

⁸ ഒരു ഡോക്ടർ രോഗ​ത്തി​ന്റെ ലക്ഷണങ്ങൾ ആരായു​ന്ന​തു​പോ​ലെ നിങ്ങളു​ടെ ഉപദേ​ശകൻ മനഃസാ​ന്നി​ധ്യ​ത്തി​ന്റെ അഭാവ​ത്തി​ലേക്കു വ്യക്തമാ​യി വിരൽചൂ​ണ്ടുന്ന ലക്ഷണങ്ങളെ ശ്രദ്ധി​ക്കും. നല്ല ഡോക്ടർ നിങ്ങളു​ടെ രോഗ​ത്തി​ന്റെ ലക്ഷണങ്ങൾക്കല്ല, കാരണ​ങ്ങൾക്കു പരിഹാ​രം വരുത്താൻ ശ്രമി​ക്കു​ന്ന​തു​പോ​ലെ, ആത്മ​ധൈ​ര്യ​ത്തി​ന്റെ​യും സമനി​ല​യു​ടെ​യും കുറവി​നു​ളള യഥാർഥ കാരണ​ങ്ങളെ തരണം​ചെ​യ്യാൻ സഹായി​ക്കു​ന്ന​തി​നു നിങ്ങളു​ടെ ഉപദേ​ശകൻ ശ്രമി​ക്കും. എന്നിരു​ന്നാ​ലും, ലക്ഷണങ്ങൾ അറിയു​ന്ന​തും അവയെ നിയ​ന്ത്രി​ക്കാൻ പഠിക്കു​ന്ന​തും, ആ ലക്ഷണങ്ങ​ളു​ടെ അടിസ്ഥാ​ന​കാ​ര​ണ​ങ്ങളെ തരണം​ചെ​യ്യു​ന്ന​തി​നു യഥാർഥ​മാ​യി നിങ്ങളെ സഹായി​ക്കും. അവ എന്തൊ​ക്കെ​യാണ്‌?

⁹ പൊതു​വേ പറഞ്ഞാൽ, തളം​കെ​ട്ടി​നിൽക്കുന്ന വികാ​ര​ങ്ങൾക്ക്‌ അല്ലെങ്കിൽ പിരി​മു​റു​ക്ക​ത്തി​നു രണ്ടു ബഹിർഗ​മ​ന​മാർഗ​ങ്ങ​ളുണ്ട്‌. അവയെ ശാരീ​രി​ക​മായ തെളി​വു​ക​ളെ​ന്നും സ്വനി​ക​മായ പ്രത്യ​ക്ഷ​തകൾ എന്നും രണ്ടായി തരംതി​രി​ക്കാൻ കഴിയും. ഏതെങ്കി​ലും അളവിൽ അവ പ്രകട​മാ​ക്ക​പ്പെ​ടു​മ്പോൾ ആ ആളിനു സമനി​ല​യി​ല്ലെന്നു നാം പറയുന്നു.

10, 11. ശാരീ​രി​ക​നി​ലക്ക്‌ ആത്മ​ധൈ​ര്യ​ത്തി​ന്റെ കുറവി​നെ വെളി​പ്പെ​ടു​ത്താൻ കഴിയു​ന്ന​തെ​ങ്ങനെ?

¹⁰ ശാരീ​രി​ക​നി​ല​യിൽ സമനില പ്രകടം. അപ്പോൾ സമനി​ല​യു​ടെ ഒന്നാമത്തെ തെളിവു നിങ്ങളു​ടെ ശാരീ​രി​ക​നി​ല​യിൽ പ്രകട​മാണ്‌. നിങ്ങൾക്ക്‌ ആത്മ​ധൈ​ര്യം കുറവാ​ണെ​ങ്കിൽ നിങ്ങളു​ടെ നിജസ്ഥി​തി വെളി​പ്പെ​ടു​ത്തുന്ന ചില കാര്യ​ങ്ങ​ളുണ്ട്‌. ഒന്നാമതു കൈക​ളു​ടെ കാര്യം പരിഗ​ണി​ക്കുക: പിറകിൽ കെട്ടി​യി​രി​ക്കു​ന്ന​തോ വശത്തു ദൃഢമാ​യി പിടി​ച്ചി​രി​ക്കു​ന്ന​തോ സ്‌പീ​ക്കേ​ഴ്‌സ്‌ സ്‌ററാൻഡിൽ മുറു​ക്കി​പ്പി​ടി​ച്ചി​രി​ക്കു​ന്ന​തോ ആയ കൈകൾ; ആവർത്തി​ച്ചു പോക്ക​റ​റി​ലി​ടു​ന്ന​തും പുറ​ത്തെ​ടു​ക്കു​ന്ന​തും കോട്ടി​ന്റെ ബട്ടൺ ഇടുന്ന​തും ഊരു​ന്ന​തും ലക്ഷ്യമി​ല്ലാ​തെ കവിളി​ലേ​ക്കോ മൂക്കിന്റെ നേരേ​യോ കണ്ണടയു​ടെ നേരേ​യോ നീക്കു​ന്ന​തു​മായ കൈകൾ; പൂർത്തി​യാ​ക്കാത്ത ആംഗ്യങ്ങൾ; ഒരു വാച്ചോ ഒരു പെൻസി​ലോ ഒരു മോതി​ര​മോ പ്രസം​ഗ​നോ​ട്ടോ പിടിച്ചു കളിക്കൽ. അല്ലെങ്കിൽ പാദങ്ങ​ളു​ടെ നിരന്തര ഇളക്കലും ശരീര​ത്തി​ന്റെ അങ്ങോ​ട്ടു​മി​ങ്ങോ​ട്ടു​മു​ളള ആട്ടവും പരിഗ​ണി​ക്കുക; പുറം അച്ചു​കോൽപോ​ലെ​യാ​ക്കൽ അല്ലെങ്കിൽ മുട്ടു​വ​ള​യ്‌ക്കൽ; ചുണ്ടുകൾ കൂടെ​ക്കൂ​ടെ നനയ്‌ക്കു​ന്ന​തും ആവർത്തി​ച്ചു​ളള വിഴു​ങ്ങ​ലും സത്വര​വും ബാഹ്യ​മാ​ത്ര​വു​മായ ശ്വസന​വും.

¹¹ ഭയത്തിന്റെ ഈ തെളി​വു​ക​ളെ​ല്ലാം ബോധ​പൂർവ​മായ ശ്രമത്താൽ നിയ​ന്ത്രി​ക്കാൻ അല്ലെങ്കിൽ കുറയ്‌ക്കാൻ കഴിയും. ആ ശ്രമം നടത്തു​ന്നു​വെ​ങ്കിൽ നിങ്ങൾ നിങ്ങളു​ടെ ശാരീ​രി​ക​നി​ല​യിൽ സമനി​ല​യു​ടെ ഒരു ധാരണ നൽകു​ന്ന​താണ്‌. തന്നിമി​ത്തം സ്വാഭാ​വി​ക​മാ​യും ഒരു​പോ​ലെ​യും ശ്വസി​ക്കുക. അയവു​വ​രു​ത്താൻ ഒരു സുനി​ശ്ചി​ത​ശ്രമം നടത്തുക. നിങ്ങൾ സംസാ​രി​ക്കാൻ തുടങ്ങു​ന്ന​തി​നു മുമ്പ്‌ അല്‌പം നിൽക്കുക. നിങ്ങളു​ടെ സദസ്സ്‌ അനുകൂ​ല​മാ​യി പ്രതി​ക​രി​ക്കേ​ണ്ട​താണ്‌, ക്രമത്തിൽ ഇതു നിങ്ങൾ തേടുന്ന ആത്മ​ധൈ​ര്യം നേടാൻ നിങ്ങളെ സഹായി​ക്കും. സദസ്സി​നെ​ക്കു​റിച്ച്‌ ഉത്‌ക​ണ്‌ഠ​പ്പെ​ടാ​തെ അല്ലെങ്കിൽ നിങ്ങ​ളേ​ക്കു​റി​ച്ചു​തന്നെ ചിന്തി​ക്കാ​തെ നിങ്ങളു​ടെ വിവര​ങ്ങ​ളിൽ കേന്ദ്രീ​ക​രി​ക്കുക.

12-14. ഒരുവന്റെ ശബ്ദം ആത്മ​ധൈ​ര്യ​ത്തി​ന്റെ അഭാവത്തെ വെളി​പ്പെ​ടു​ത്തു​ന്നു​വെ​ങ്കിൽ, സമനില നേടാൻ എന്തു ചെയ്യാൻ കഴിയും?

¹² നിയ​ന്ത്രി​ത​ശ​ബ്ദ​ത്തിൽ സമനില പ്രകട​മാ​കു​ന്നു. ഭയപ്ര​ക​ട​ന​ത്തി​ന്റെ ശബ്ദസം​ബ​ന്ധ​മായ തെളി​വു​ക​ളാണ്‌ അസാധാ​ര​ണ​മായ ഉച്ചസ്ഥായി, ശബ്ദത്തിന്റെ വിറയൽ, ആവർത്തി​ച്ചു​ളള തൊണ്ട​ശു​ദ്ധീ​ക​രണം, പിരി​മു​റു​ക്കം നിമിത്തം അനുസ്വ​ന​രാ​ഹി​ത്യ​ത്താ​ലു​ളള സ്വരത്തി​ന്റെ ഒരു അസാധാ​രണ നേർമ എന്നിവ. ഉത്സാഹ​പൂർവ​ക​മായ പരി​ശ്ര​മ​ത്താൽ ഈ പ്രശ്‌ന​ങ്ങ​ളെ​യും വികൃ​ത​ശീ​ല​ങ്ങ​ളെ​യും ജയിച്ച​ട​ക്കാൻ കഴിയും.

¹³ പ്ലാററ്‌ഫാ​റ​ത്തി​ലേക്കു നടക്കു​മ്പോൾ അല്ലെങ്കിൽ നിങ്ങളു​ടെ പ്രസം​ഗ​നോ​ട്ടു​കൾ ക്രമീ​ക​രി​ക്കു​മ്പോൾ ധൃതി കൂട്ടരുത്‌. എന്നാൽ പിരി​മു​റു​ക്കം അയയ്‌ക്കു​ക​യും നിങ്ങൾ തയ്യാറാ​ക്കി​യി​രി​ക്കുന്ന കാര്യങ്ങൾ പങ്കു​വെ​ക്കു​ന്ന​തിൽ സന്തുഷ്ട​നാ​യി​രി​ക്കു​ക​യും ചെയ്യുക. പ്രസം​ഗി​ക്കാൻ തുടങ്ങു​മ്പോൾ നിങ്ങൾക്കു ഭയമു​ണ്ടെന്ന്‌ അറിയാ​മെ​ങ്കിൽ, അപ്പോൾ പതിവി​ലേറെ സാവധാ​ന​ത്തിൽ സാധാ​ര​ണ​മെന്നു നിങ്ങൾ വിചാ​രി​ക്കു​ന്ന​തി​നെ​ക്കാൾ താണ സ്ഥായി​യിൽ മുഖവുര അവതരി​പ്പി​ക്കാൻ നിങ്ങൾ ഒരു പ്രത്യേ​ക​ശ്രമം ചെയ്യണം. ഇതു ഭയത്തെ നിയ​ന്ത്രി​ക്കു​ന്ന​തി​നു സഹായി​ക്കും. ആംഗ്യം​കാ​ട്ട​ലും നിർത്ത​ലും പിരി​മു​റു​ക്കം നീക്കു​ന്ന​തി​നു സഹായി​ക്കു​മെന്നു നിങ്ങൾ കണ്ടെത്തും.

¹⁴ ഈ കാര്യ​ങ്ങ​ളെ​ല്ലാം പ്രാവർത്തി​ക​മാ​ക്കു​ന്ന​തി​നു പ്ലാററ്‌ഫാ​റ​ത്തി​ലേക്കു പോകു​ന്ന​തു​വരെ കാത്തി​രി​ക്ക​രുത്‌. നിങ്ങളു​ടെ ദൈനം​ദി​ന​സം​സാ​ര​ത്തിൽ സമനി​ല​യും നിയ​ന്ത്ര​ണ​വു​മു​ള​ള​വ​രാ​യി​രി​ക്കാൻ പഠിക്കുക. അതു പ്ലാററ്‌ഫാ​റ​ത്തി​ലും വയൽശു​ശ്രൂ​ഷ​യി​ലും നിങ്ങൾക്ക്‌ ആത്മ​ധൈ​ര്യം നൽകു​ന്ന​തി​നു വളരെ​യ​ധി​കം പ്രയോ​ജ​ന​പ്പെ​ടും, അവിടെ അത്‌ ഏററവും അത്യന്താ​പേ​ക്ഷി​ത​മാ​ണ​ല്ലോ. ശാന്തമായ ഒരു അവതരണം നിങ്ങളു​ടെ സദസ്സിനെ സ്വസ്ഥരാ​ക്കും, തന്നിമി​ത്തം അവർ വിവര​ങ്ങ​ളിൽ കേന്ദ്രീ​ക​രി​ക്കാൻ പ്രാപ്‌ത​രാ​യി​രി​ക്കും. യോഗ​ങ്ങ​ളിൽ ക്രമമാ​യി അഭി​പ്രാ​യം പറയു​ന്നത്‌ ഒരു കൂട്ടത്തി​ന്റെ മുമ്പാകെ പ്രസം​ഗി​ക്കു​ന്ന​തിൽ തഴക്കം നേടു​ന്ന​തി​നു നിങ്ങളെ സഹായി​ക്കും.

**********

15. നല്ല വ്യക്തി​പ​ര​മായ ആകാരം വളരെ മൂല്യ​വ​ത്താ​യി​രി​ക്കു​ന്നത്‌ എന്തു​കൊണ്ട്‌?

¹⁵ നല്ല വ്യക്തി​പ​ര​മായ ആകാര​ത്തി​നു സമനില ഉണ്ടായി​രി​ക്കാൻ നിങ്ങളെ സഹായി​ക്കാൻ കഴിയും, എന്നാൽ മററു കാരണ​ങ്ങ​ളാ​ലും അതു മൂല്യ​വ​ത്താണ്‌. അതിനു വേണ്ടത്ര ശ്രദ്ധ കൊടു​ക്കു​ന്നി​ല്ലെ​ങ്കിൽ, തന്റെ ആകാരം യഥാർഥ​ത്തിൽ താൻ പറയു​ന്ന​തി​നു ശ്രദ്ധ കൊടു​ക്കാ​തി​രി​ക്കാൻത​ക്ക​വണ്ണം സദസ്സിനെ വ്യതി​ച​ലി​പ്പി​ക്കു​ന്നു​വെന്നു ശുശ്രൂ​ഷകൻ കണ്ടെത്തി​യേ​ക്കാം. മറിച്ച്‌ അദ്ദേഹം തന്നിൽത്തന്നെ ശ്രദ്ധ കേന്ദ്രീ​ക​രി​ക്കു​ക​യാണ്‌, തീർച്ച​യാ​യും അദ്ദേഹം അതു ചെയ്യാ​നാ​ഗ്ര​ഹി​ക്കു​ന്നില്ല. ഒരാൾ തന്റെ വ്യക്തി​പ​ര​മായ ആകാരം​സം​ബ​ന്ധിച്ച്‌ അങ്ങേയ​ററം അശ്രദ്ധ​നാ​ണെ​ങ്കിൽ, താൻ ഏതു സ്ഥാപന​ത്തി​ന്റെ ഭാഗമാ​യി​രി​ക്കു​ന്നു​വോ ആ സ്ഥാപനത്തെ മററു​ള​ളവർ പുച്ഛ​ത്തോ​ടെ വീക്ഷി​ക്കാ​നും താൻ അവതരി​പ്പി​ക്കുന്ന സന്ദേശത്തെ ത്യജി​ക്കാ​നും പോലും അയാൾ ഇടയാ​ക്കി​യേ​ക്കാം. ഇതു പാടി​ല്ലാ​ത്ത​താണ്‌. അതു​കൊണ്ട്‌, പ്രസം​ഗ​ഗു​ണ​ദോഷ ഫാറത്തിൽ “വ്യക്തി​പ​ര​മായ ആകാരം” ഒടുവി​ലാ​ണു പട്ടിക​പ്പെ​ടു​ത്തി​യി​രി​ക്കു​ന്ന​തെ​ങ്കി​ലും അതിനെ തീരെ പ്രാധാ​ന്യം കുറഞ്ഞ​താ​യി വീക്ഷി​ക്ക​രുത്‌.

16-21. ഉചിത​മായ വസ്‌ത്ര​ധാ​ര​ണ​വും ചമയവും​സം​ബ​ന്ധിച്ച്‌ എന്തു ബുദ്ധ്യു​പ​ദേശം നൽക​പ്പെ​ടു​ന്നു?

¹⁶ ഉചിത​മായ വസ്‌ത്ര​ധാ​ര​ണ​വും ചമയവും. അങ്ങേയ​റ​റത്തെ വസ്‌ത്ര​ധാ​ര​ണ​രീ​തി​കൾ ഒഴിവാ​ക്കണം. ക്രിസ്‌തീ​യ​ശു​ശ്രൂ​ഷകൻ തന്നി​ലേ​ക്കു​തന്നെ ശ്രദ്ധ ആകർഷി​ക്കുന്ന ലോക​ഭ്ര​മങ്ങൾ അനുക​രി​ക്കു​ക​യില്ല. അയാൾ അമിത​മായ വേഷം, അല്ലെങ്കിൽ വസ്‌ത്ര​ത്തി​ലേക്കു ശ്രദ്ധ തിരി​ച്ചു​വി​ടത്തക്ക രീതി​യിൽ കണക്കി​ല​ധി​കം തിളക്ക​മു​ളള വസ്‌ത്ര​ധാ​രണം ഒഴിവാ​ക്കും. കൂടാതെ, അശ്രദ്ധ​മായ ഒരു രീതി​യിൽ വസ്‌ത്ര​ധാ​രണം നടത്താ​തി​രി​ക്കാ​നും അയാൾ ശ്രദ്ധി​ക്കും. നല്ല വസ്‌ത്ര​ധാ​രണം ഒരുവൻ ഒരു പുതിയ സ്യൂട്ടു ധരിക്ക​ണ​മെന്ന്‌ ആവശ്യ​പ്പെ​ടു​ന്നില്ല. എന്നാൽ ഒരുവന്‌ എല്ലായ്‌പോ​ഴും വെടി​പ്പും വൃത്തി​യും ഉളളവ​നാ​യി​രി​ക്കാൻ കഴിയും. പാൻറ്‌സ്‌ തേച്ചതാ​യി​രി​ക്കണം, ടൈ നേരെ കെട്ടണം. ഇവ ആർക്കും ചെയ്യാ​വുന്ന കാര്യ​ങ്ങ​ളാണ്‌.

¹⁷ ഒന്നു തിമൊ​ഥെ​യൊസ്‌ 2:9-ൽ കാണ​പ്പെ​ടുന്ന, അപ്പോ​സ്‌ത​ല​നായ പൗലോസ്‌ രേഖ​പ്പെ​ടു​ത്തിയ, വസ്‌ത്ര​ധാ​ര​ണത്തെ സംബന്ധിച്ച ബുദ്ധ്യു​പ​ദേശം ഇന്നത്തെ ക്രിസ്‌തീയ സ്‌ത്രീ​കൾക്ക്‌ ഉചിത​മാണ്‌. സഹോ​ദ​രൻമാ​രെ സംബന്ധി​ച്ചു സത്യമാ​യി​രി​ക്കു​ന്ന​തു​പോ​ലെ, അവർ തങ്ങളി​ലേക്കു തന്നെ ശ്രദ്ധ ആകർഷി​ക്കത്തക്ക ഒരു വിധത്തിൽ വസ്‌ത്ര​ധാ​രണം നടത്തരുത്‌, വിനയ​ത്തി​ന്റെ അഭാവത്തെ പ്രകട​മാ​ക്കുന്ന ലൗകിക വസ്‌ത്ര​ധാ​ര​ണ​രീ​തി​ക​ളി​ലെ അമിത​ത്വ​ങ്ങൾ സ്വീക​രി​ക്കു​ന്ന​തും അവരെ സംബന്ധിച്ച്‌ ഉചിത​മാ​യി​രി​ക്കു​ക​യില്ല.

¹⁸ തീർച്ച​യാ​യും, എല്ലാവ​രും ഒരു​പോ​ലെ വസ്‌ത്ര​ധാ​രണം നടത്തു​ക​യി​ല്ലെന്ന്‌ ഓർത്തി​രി​ക്കേ​ണ്ട​താണ്‌. അവർ അങ്ങനെ ചെയ്യാൻ പ്രതീ​ക്ഷി​ക്ക​രുത്‌. ആളുകൾക്കു വ്യത്യസ്‌ത അഭിരു​ചി​ക​ളുണ്ട്‌, ഇതു തികച്ചും ഉചിത​മാണ്‌. ഉചിത​മായ വസ്‌ത്ര​ധാ​ര​ണ​മെന്നു പരിഗ​ണി​ക്ക​പ്പെ​ടു​ന്നതു ലോക​ത്തി​ന്റെ വിവിധ ഭാഗങ്ങ​ളിൽ വ്യത്യാ​സ​പ്പെ​ട്ടു​മി​രി​ക്കു​ന്നു, എന്നാൽ സദസ്സി​ലു​ള​ള​വ​രു​ടെ മനസ്സിൽ അനുകൂ​ല​മ​ല്ലാത്ത സൂചനകൾ കൊടു​ക്കുന്ന വിധത്തി​ലു​ളള വസ്‌ത്ര​ധാ​രണം ഒഴിവാ​ക്കു​ന്ന​തും നമ്മുടെ യോഗ​ങ്ങൾക്കു വരുന്ന​വരെ ഇടറി​ക്കു​ന്നത്‌ ഒഴിവാ​ക്കു​ന്ന​തും എല്ലായ്‌പോ​ഴും നല്ലതാണ്‌.

¹⁹ സ്‌കൂ​ളി​ലോ സേവന​യോ​ഗ​ത്തി​ലോ പ്രസം​ഗങ്ങൾ നടത്തു​മ്പോ​ഴത്തെ സഹോ​ദ​രൻമാ​രു​ടെ ഉചിത​മായ വസ്‌ത്ര​ധാ​രണം സംബന്ധി​ച്ചാ​ണെ​ങ്കിൽ, ഒരു പരസ്യ​പ്ര​സം​ഗം നടത്തുന്ന സഹോ​ദ​ര​നെ​പ്പോ​ലെ അതേ പൊതു വിധത്തിൽ അവർ വസ്‌ത്ര​ധാ​രണം ചെയ്‌തി​രി​ക്ക​ണ​മെന്നു പറയാ​വു​ന്ന​താണ്‌. നിങ്ങളു​ടെ പ്രദേ​ശത്തു പരസ്യ​പ്ര​സം​ഗങ്ങൾ നടത്തു​ന്നവർ ഒരു സ്യൂട്ട്‌കോ​ട്ടും ടൈയും ധരിക്കു​ന്നതു പതിവാ​ണെ​ങ്കിൽ അതു ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ പ്രസം​ഗങ്ങൾ നടത്തു​മ്പോ​ഴും ഉചിത​മായ വേഷമാണ്‌, കാരണം നിങ്ങൾ പരസ്യ​പ്ര​സം​ഗ​ത്തി​നു​വേണ്ടി പരിശീ​ലി​പ്പി​ക്ക​പ്പെ​ടു​ക​യാ​ണ​ല്ലോ.

²⁰ ശരിയായ ചമയത്തി​നും ശ്രദ്ധ കൊടു​ക്കണം. മുടി​ചീ​കാ​തി​രി​ക്കു​ന്നത്‌ ഒരു മോശ​മായ ധാരണ ജനിപ്പി​ച്ചേ​ക്കാം. ഈ കാര്യ​ത്തിൽ ഒരുവൻ വെടി​പ്പു​ളള ഒരു ആകാരം കാഴ്‌ച​വെ​ക്കാൻ ന്യായ​മായ ശ്രദ്ധ ചെലു​ത്തേ​ണ്ട​താണ്‌. അതു​പോ​ലെ​തന്നെ, സഭയിലെ പുരു​ഷൻമാർക്കു യോഗ​ങ്ങ​ളിൽ നിയമ​നങ്ങൾ ഉളള​പ്പോൾ അവർ നന്നായി ഷേവു​ചെ​യ്യു​ന്ന​തിൽ ശ്രദ്ധി​ക്കണം.

²¹ ഉചിത​മായ വസ്‌ത്ര​ധാ​ര​ണ​ത്തി​ന്റെ​യും ചമയത്തി​ന്റെ​യും ഈ കാര്യം സംബന്ധിച്ച ബുദ്ധ്യു​പ​ദേ​ശ​ത്തെ​ക്കു​റി​ച്ചാ​ണെ​ങ്കിൽ, അഭിന​ന്ദ​ന​ത്തിന്‌ അവസര​മു​ള​ള​പ്പോൾ അത്‌ എല്ലായ്‌പോ​ഴും പ്ലാററ്‌ഫാ​റ​ത്തിൽനി​ന്നു കൊടു​ക്കു​ന്നത്‌ ഉചിത​മാണ്‌. യഥാർഥ​ത്തിൽ, തങ്ങളുടെ വസ്‌ത്ര​ധാ​ര​ണ​ത്തി​നും ചമയത്തി​നും ഉചിത​മായ ശ്രദ്ധ കൊടു​ക്കു​ന്ന​വരെ അഭിന​ന്ദി​ക്കു​മ്പോൾ അത്‌ ആ നല്ല ദൃഷ്ടാന്തം പിന്തു​ട​രാൻ മററു​ള​ള​വരെ പ്രോ​ത്സാ​ഹി​പ്പി​ക്കു​ന്നു. എന്നിരു​ന്നാ​ലും, വസ്‌ത്ര​ധാ​ര​ണ​ത്തി​ന്റെ​യും ചമയത്തി​ന്റെ​യും കാര്യ​ത്തിൽ മെച്ച​പ്പെ​ടേണ്ട ആവശ്യ​മു​ള​ള​പ്പോൾ, സ്‌കൂൾ മേൽവി​ചാ​രകൻ പ്ലാററ്‌ഫാ​റ​ത്തിൽനി​ന്നു വിദ്യാർഥി​യെ ബുദ്ധ്യു​പ​ദേ​ശി​ക്കാ​തെ ദയാപു​ര​സ്സ​ര​മായ ഒരു വിധത്തിൽ സ്വകാ​ര്യ​മാ​യി ഈ നിർദേ​ശങ്ങൾ കൊടു​ക്കു​ന്നതു മെച്ചമാ​യി​രി​ക്കാം.

22-28. നിലക്ക്‌ ഒരുവന്റെ വ്യക്തി​പ​ര​മായ ആകാരത്തെ ബാധി​ക്കാൻ കഴിയു​ന്നത്‌ എങ്ങനെ​യെന്നു ചർച്ച​ചെ​യ്യുക.

²² ഉചിത​മായ നില. വ്യക്തി​പ​ര​മായ ആകാര​ത്തിൽ ഉചിത​മായ നിലയും ഉൾപ്പെ​ട്ടി​രി​ക്കു​ന്നു. വീണ്ടും, എല്ലാവ​രും ഒരു​പോ​ലെയല്ല നിൽക്കു​ന്നത്‌, വഴക്കമി​ല്ലാത്ത ഒരു നിശ്ചി​ത​നി​ല​പാ​ടി​നോ​ടു സഹോ​ദ​രൻമാ​രെ അനുരൂ​പ​പ്പെ​ടു​ത്താൻ ശ്രമം​ചെ​യ്യ​രുത്‌. എന്നിരു​ന്നാ​ലും, അനഭി​ല​ഷ​ണീ​യ​വും സന്ദേശ​ത്തിൽനിന്ന്‌ അകററി വ്യക്തി​യി​ലേക്കു ശ്രദ്ധ ആകർഷി​ക്കു​ന്ന​തു​മായ കടന്ന നിലകൾ തിരു​ത്താ​നോ നീക്കം​ചെ​യ്യാ​നോ കഴിയ​ത്ത​ക്ക​വണ്ണം അവയ്‌ക്ക്‌ കുറെ ശ്രദ്ധ കൊടു​ക്കേ​ണ്ട​താണ്‌.

²³ ദൃഷ്ടാ​ന്ത​ത്തിന്‌, എല്ലാവ​രും തങ്ങളുടെ പാദങ്ങൾ ഒരു​പോ​ലെയല്ല വെക്കു​ന്നത്‌. പൊതു​വേ പറഞ്ഞാൽ, നിങ്ങൾ നേരേ നിൽക്കു​ന്ന​ട​ത്തോ​ളം കാലം എങ്ങനെ നിൽക്കു​ന്നു എന്നതു വലിയ വ്യത്യാ​സം ഉളവാ​ക്കു​ന്നില്ല. എന്നാൽ പ്രസം​ഗകൻ ഒരു കുതി​ര​പ്പു​റ​ത്താ​ണെന്നു വിചാ​രി​ക്കു​ന്നു​വെന്ന ധാരണ സദസ്സിനു കൊടു​ക്ക​ത്ത​ക്ക​വണ്ണം അയാൾ പാദങ്ങൾ വളരെ അകററി നിൽക്കു​ന്നു​വെ​ങ്കിൽ അതു വളരെ അലോ​സ​ര​പ്പെ​ടു​ത്തു​ന്ന​താ​യി​രി​ക്കാൻ കഴിയും.

²⁴ അതു​പോ​ലെ​തന്നെ ഒരു പ്രസം​ഗകൻ നേരേ നിൽക്കാ​തെ കുനി​ഞ്ഞു​നിൽക്കു​മ്പോൾ, അയാൾക്കു സുഖമു​ള​ള​താ​യി തോന്നു​ന്നി​ല്ലാ​ത്ത​തി​നാൽ സദസ്സിന്റെ ഭാഗത്ത്‌ അയാ​ളോട്‌ അനുക​മ്പ​യു​ടെ ഒരു തോന്നൽ ഉളവാ​കു​ന്നു. തീർച്ച​യാ​യും ഇത്‌ അവതര​ണ​ത്തി​ന്റെ വിലയി​ടി​ക്കു​ന്നു. അവരുടെ ചിന്തകൾ അയാൾ പറയു​ന്ന​തി​ലല്ല, പിന്നെ​യോ അയാളി​ലാണ്‌.

²⁵ ഒരു കാൽ മറേറ കാലിന്റെ പിന്നിൽ ചുററി ഒററക്കാ​ലിൽ നിൽക്കു​ന്നതു സ്‌പഷ്ട​മായ സമനി​ല​ക്കു​റ​വി​നെ തെളി​യി​ക്കു​ന്നു, ഒരുവന്റെ കൈകൾ പോക്ക​റ​റു​ക​ളി​ലേക്കു തളളി​ക്കൊ​ണ്ടു നിൽക്കു​ന്ന​തും അങ്ങനെ​തന്നെ. ഇവ ഒഴിവാ​ക്കേണ്ട കാര്യ​ങ്ങ​ളാണ്‌.

²⁶ അതു​പോ​ലെ​തന്നെ, ഒരു സ്‌പീ​ക്കേ​ഴ്‌സ്‌ സ്‌ററാൻഡ്‌ ഉണ്ടെങ്കിൽ ഒരു പ്രസം​ഗകൻ ചില​പ്പോ​ഴൊ​ക്കെ അതിൽ തന്റെ കൈകൾ വെക്കു​ന്നതു തെററ​ല്ലെ​ങ്കി​ലും, തീർച്ച​യാ​യും അയാൾ അതിൽ ഊന്നി നിൽക്ക​രുത്‌, വയൽശു​ശ്രൂ​ഷ​യിൽ ഒരു പ്രസാ​ധകൻ കട്ടളയിൽ ചാരി​നിൽക്കു​ക​യി​ല്ലാ​ത്ത​തു​പോ​ലെ​തന്നെ. അത്‌ ഒരു നല്ല കാഴ്‌ചയല്ല.

²⁷ എന്നിരു​ന്നാ​ലും, വ്യക്തികൾ വ്യത്യ​സ്‌ത​രാ​ണെന്നു വീണ്ടും ഊന്നി​പ്പ​റ​യേ​ണ്ടി​യി​രി​ക്കു​ന്നു. എല്ലാവ​രും ഒരു​പോ​ലെ നിൽക്കു​ന്നില്ല. ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ ശ്രദ്ധ കൊടു​ക്കേ​ണ്ടത്‌ ഒരുവന്റെ അവതര​ണ​ത്തിൽനി​ന്നു ശ്രദ്ധ തെററി​ക്കുന്ന അനഭി​ല​ഷ​ണീ​യ​മായ അതിർകടന്ന നിലപാ​ടു​കൾക്കു മാത്ര​മാണ്‌.

²⁸ ഒരുവന്റെ നിലയു​ടെ തിരുത്തൽ തീർച്ച​യാ​യും തയ്യാറാ​ക​ലി​ന്റെ ഒരു സംഗതി​യാണ്‌. നിങ്ങൾ ഈ ദിശയിൽ മെച്ച​പ്പെ​ടേണ്ട ആവശ്യ​മു​ണ്ടെ​ങ്കിൽ, മുന്നമേ ചിന്തി​ക്കു​ക​യും പ്ലാററ്‌ഫാ​റ​ത്തിൽ കയറു​മ്പോൾ നിങ്ങൾ സംസാ​രി​ച്ചു​തു​ട​ങ്ങു​ന്ന​തി​നു മുമ്പു ശരിയായ നില അവലം​ബി​ക്ക​ണ​മെന്ന്‌ അറിഞ്ഞി​രി​ക്കു​ക​യും വേണം. ഇതും ഓരോ ദിവസ​വും ഉചിത​മായ നില ശീലി​ച്ചു​കൊ​ണ്ടു തിരു​ത്താൻ കഴിയുന്ന ഒന്നാണ്‌.

29-31. നമ്മുടെ ഉപകര​ണങ്ങൾ വെടി​പ്പു​ള​ള​താ​യി​രി​ക്കേ​ണ്ടത്‌ എന്തു​കൊണ്ട്‌?

²⁹ വെടി​പ്പു​ളള ഉപകരണം. ഒരുവൻ വീട്ടു​വാ​തിൽക്കൽ സംഭാ​ഷണം നടത്തു​മ്പോ​ഴോ പ്ലാററ്‌ഫാ​റ​ത്തിൽനിന്ന്‌ ഒരു പ്രസംഗം നടത്തു​മ്പോ​ഴോ അയാൾ ഉപയോ​ഗി​ക്കുന്ന ബൈബി​ളിൽനി​ന്നു കുറെ കടലാ​സു​കൾ താഴെ വീഴു​ന്നു​വെ​ങ്കിൽ, ഇതു സ്‌പഷ്ട​മാ​യും ശ്രദ്ധ തെററി​ക്കു​ന്ന​താണ്‌. അതു മോശ​മായ ഒരു തോന്നൽ ഉളവാ​ക്കു​ന്നു. ബൈബി​ളിൽ ഒരിക്ക​ലും യാതൊ​ന്നും വെക്കരു​തെന്ന്‌ ഇതിനർഥ​മില്ല. എന്നാൽ ഒരുവന്റെ പ്രസം​ഗ​ത്തി​ന്റെ വിലയി​ടി​ക്കുന്ന പ്രയാ​സങ്ങൾ പൊന്തി​വ​രാൻ തുടങ്ങു​മ്പോൾ, അത്‌ ഉചിത​മായ ആകാര​ത്തി​നു കൂടുതൽ ശ്രദ്ധ കൊടു​ക്കേ​ണ്ട​താ​ണെന്നു സൂചി​പ്പി​ക്കു​ന്നു. നിങ്ങളു​ടെ ബൈബി​ളി​ന്റെ ബാഹ്യ അവസ്ഥയും പരി​ശോ​ധി​ക്കു​ന്നതു നല്ലതാണ്‌. വളരെ​യ​ധി​ക​മായ ഉപയോ​ഗം നിമിത്തം അതു ചെളി​പി​ടി​ക്കു​ക​യോ ജീർണി​ക്കു​ക​യോ വെടി​പ്പി​ല്ലാ​ത്ത​താ​യി കാണ​പ്പെ​ടു​ക​യോ ചെയ്‌തേ​ക്കാം. അതു​കൊ​ണ്ടു പ്ലാററ്‌ഫാ​റ​ത്തി​ലോ വയൽശു​ശ്രൂ​ഷ​യി​ലോ ഉപയോ​ഗി​ക്കുന്ന ബൈബിൾ നാം സഹായി​ക്കാൻ ആഗ്രഹി​ക്കു​ന്ന​വരെ മുഷി​പ്പി​ക്കു​മോ​യെന്നു തിട്ട​പ്പെ​ടു​ത്തു​ന്നതു നല്ലതാണ്‌.

³⁰ ഒരുവന്റെ സാഹി​ത്യ​ബാ​ഗി​നെ സംബന്ധി​ച്ചും ഇതു സത്യമാണ്‌. ഒരു സാഹി​ത്യ​ബാഗ്‌ ഭംഗി​യാ​യി നിറയ്‌ക്കാ​വുന്ന അനേകം മാർഗ​ങ്ങ​ളുണ്ട്‌. എന്നാൽ നാം വീട്ടു​വാ​തിൽക്ക​ലേക്കു ചെല്ലു​ക​യും നമ്മുടെ ബാഗിൽനിന്ന്‌ ഒരു പ്രസി​ദ്ധീ​ക​രണം എടുക്കു​ക​യും ചെയ്യു​മ്പോൾ അതു കണ്ടുപി​ടി​ക്കു​ന്ന​തിന്‌ കടലാ​സു​ക​ളു​ടെ ഒരു കൂട്ടത്തി​ലൂ​ടെ പരതേ​ണ്ട​തു​ണ്ടെ​ങ്കിൽ, അല്ലെങ്കിൽ നാം ഒരു മാസിക വലി​ച്ചെ​ടു​ക്കു​മ്പോൾ മററു വസ്‌തു​ക്കൾ വാതിൽപ്പ​ടി​യിൽ വീഴു​ന്നു​വെ​ങ്കിൽ അതുസം​ബ​ന്ധി​ച്ചു ചിലതു ചെയ്‌തേ മതിയാ​വൂ.

³¹ പ്രസം​ഗ​കന്റെ ബാഹ്യ​പോ​ക്ക​റ​റു​ക​ളിൽ വ്യക്തമാ​യി കാണാ​വുന്ന പേനക​ളും പെൻസി​ലു​ക​ളും മററു വസ്‌തു​ക്ക​ളും നിറച്ചി​രി​ക്കു​ക​യാ​ണെ​ങ്കിൽ അതും തികച്ചും സദസ്സിന്റെ ശ്രദ്ധ തെററി​ക്കു​ന്ന​താ​യി​രി​ക്കാൻ കഴിയും. ഈ സാധനങ്ങൾ എവിടെ ഒരുവൻ സൂക്ഷി​ക്കണം എന്നതു​സം​ബ​ന്ധി​ച്ചു നിയമ​മൊ​ന്നും ഉണ്ടാക്ക​രുത്‌, എന്നാൽ അവ അവയി​ലേ​ക്കു​തന്നെ ശ്രദ്ധ ആകർഷി​ക്കു​ക​യും പ്രസം​ഗ​ത്തിൽനി​ന്നു ശ്രദ്ധ അകററു​ക​യും ചെയ്‌തു​തു​ട​ങ്ങു​മ്പോൾ ചില ക്രമീ​ക​ര​ണങ്ങൾ ചെയ്യേ​ണ്ട​തുണ്ട്‌.

32-34. നമ്മുടെ ആകാര​ത്തിൽ മുഖഭാ​വങ്ങൾ എന്തു പങ്കു വഹിക്കു​ന്നു?

³² അനുചി​ത​മായ മുഖഭാ​വ​മില്ല. ഒരു പ്രസംഗം തയ്യാറാ​ക്കു​മ്പോൾ വിവരങ്ങൾ ആവശ്യ​മാ​ക്കി​ത്തീർക്കുന്ന ഭാവ​ത്തെ​ക്കു​റി​ച്ചു പരിഗ​ണി​ക്കു​ന്നത്‌ ഉചിത​മാണ്‌. ദൃഷ്ടാ​ന്ത​ത്തിന്‌, മരണ​ത്തെ​യും നാശ​ത്തെ​യും​കു​റി​ച്ചു സംസാ​രി​ക്കു​മ്പോൾ ഒരുവന്റെ മുഖത്ത്‌ ഒരു വിശാ​ല​മായ പുഞ്ചിരി ഉണ്ടായി​രി​ക്കു​ന്നത്‌ അനുചി​ത​മാ​യി​രി​ക്കും. അതു​പോ​ലെ​തന്നെ, പുതിയ വ്യവസ്ഥി​തി​യി​ലെ സന്തുഷ്ടാ​വ​സ്ഥ​ക​ളെ​ക്കു​റി​ച്ചു സംസാ​രി​ക്കു​മ്പോൾ സദസ്സി​ന്റെ​നേരേ ഭീഷക​മാ​യി തുറി​ച്ചു​നോ​ക്കു​ന്നത്‌ അശേഷം ഉചിത​മാ​യി​രി​ക്ക​യില്ല.

³³ പൊതു​വേ മുഖഭാ​വം ഒരു പ്രശ്‌നമല്ല. തീർച്ച​യാ​യും ചിലയാ​ളു​കൾ മററു​ള​ള​വ​രെ​ക്കാൾ ഗൗരവ​ഭാ​വ​മു​ള​ള​വ​രാ​യി​രി​ക്കാൻ ചായ്‌വു​ള​ള​വ​രാണ്‌. എന്നിരു​ന്നാ​ലും സൂക്ഷി​ക്കേ​ണ്ടതു പ്രസം​ഗ​ത്തി​ന്റെ വിലയി​ടി​ക്കുന്ന അതിർകടന്ന ഭാവമാണ്‌. മുഖഭാ​വം പ്രസം​ഗ​കന്റെ ആത്മാർഥ​ത​സം​ബ​ന്ധി​ച്ചു സദസ്സിന്റെ മനസ്സിൽ ചോദ്യ​മു​യർത്തു​മെ​ങ്കിൽ, അതു തീർച്ച​യാ​യും അനഭി​ല​ഷ​ണീ​യ​മാ​യി​രി​ക്കും.

³⁴ അതു​കൊണ്ട്‌ ഒരു പ്രസംഗം തയ്യാറാ​കു​മ്പോൾ അത്‌ അവതരി​പ്പി​ക്കേണ്ട ഭാവ​ത്തെ​ക്കു​റി​ച്ചു പരിഗ​ണി​ക്കു​ന്നതു നല്ലതാണ്‌. അതു ദുഷ്ടൻമാ​രു​ടെ നാശ​ത്തെ​ക്കു​റി​ച്ചു പ്രതി​പാ​ദി​ക്കുന്ന ഒരു ഗൗരവ​മു​ളള വിഷയ​മാ​ണെ​ങ്കിൽ അപ്പോൾ അതു ഗൗരവ​മു​ളള ഒരു വിധത്തിൽ അവതരി​പ്പി​ക്കണം. നിങ്ങൾ വിവര​ങ്ങ​ളെ​ക്കു​റി​ച്ചു ചിന്തി​ക്കു​ക​യും അതു മനസ്സിൽ പിടി​ക്കു​ക​യു​മാ​ണെ​ങ്കിൽ, മിക്ക കേസു​ക​ളി​ലും നിങ്ങളു​ടെ മുഖഭാ​വം അതിനെ പ്രതി​ഫ​ലി​പ്പി​ക്കും. അതു സദസ്സിന്റെ ഭാഗത്തു സന്തോഷം കൈവ​രു​ത്തേണ്ട ഒരു സന്തുഷ്ട വിഷയ​മാ​ണെ​ങ്കിൽ, അപ്പോൾ അത്‌ ഒരു സന്തുഷ്ട വിധത്തിൽ അവതരി​പ്പി​ക്കണം. നിങ്ങൾക്കു പ്ലാററ്‌ഫാ​റ​ത്തിൽ സ്വസ്ഥത തോന്നു​ന്നു​ണ്ടെ​ങ്കിൽ, നിങ്ങളു​ടെ മുഖഭാ​വം സാധാ​ര​ണ​യാ​യി ആ സന്തോ​ഷത്തെ പ്രസരി​പ്പി​ക്കും.