വാഗ്‌ദ​ത്ത​നാ​ട്ടിൽനി​ന്നുള്ള രംഗങ്ങൾ

നിങ്ങൾക്ക അറിവി​ല്ലാ​തി​രു​ന്നേ​ക്കാ​വുന്ന ഒരു യോർദ്ദാൻ

യോർദ്ദാൻനദി എന്ന പരാമർശ​നം​തന്നെ പരിചി​ത​മായ പല രംഗങ്ങ​ളും നിങ്ങളു​ടെ ഓർമ്മ​യി​ലേക്ക്‌ കൊണ്ടു​വ​ന്നേ​ക്കാം: യോശു​വാ​യു​ടെ കീഴിൽ ഇസ്രാ​യേ​ല്യർ യെരി​ഹോ​ക്കു സമീപം അതിന്റെ വെള്ളം​വ​റ​റിയ അടിത്ത​ട്ടി​ലൂ​ടെ കുറുകെ കടക്കുന്നു. നയമാൻ തന്റെ കുഷ്‌ഠം സുഖ​പ്പെ​ടു​ന്ന​തി​നു​വേണ്ടി അതിലെ വെള്ളത്തിൽ ഏഴു പ്രാവ​ശ്യം മുങ്ങുന്നു. അനേകം യഹൂദൻമാ​രും പിന്നീട്‌ യേശു​വും യോഹ​ന്നാ​നാൽ അവിടെ സ്‌നാ​പ​ന​പ്പെ​ടു​ത്ത​പ്പെ​ടാൻ വരുന്നു.—യോശു​വാ 3:5-17; 2 രാജാ​ക്കൻമാർ 5:10-14; മത്തായി 3:3-5, 13.

തെളി​വ​നു​സ​രിച്ച്‌ കീർത്തി​പ്പെട്ട ഈ സംഭവ​ങ്ങ​ളെ​ല്ലാം യോർദ്ദാ​ന്റെ ഏററവും ദൈർഘ്യ​മു​ള്ള​തും അറിയ​പ്പെ​ടു​ന്ന​തു​മായ ഭാഗത്ത്‌, ഗലീലാ​ക​ട​ലി​ന്റെ തെക്കു​ഭാ​ഗ​ത്തും താഴെ ചാവു​ക​ട​ലി​നോ​ട​ടു​ത്തു​മാണ്‌ നടന്നത്‌. എന്നാൽ ദൈവ​വ​ച​ന​ത്തി​ന്റെ ഉത്സാഹ​മുള്ള പഠിതാ​ക്കൾ യോർദ്ദാ​ന്റെ മറെറാ​രു ഭാഗം നിരീ​ക്ഷി​ച്ചേ​ക്കാം—നദിയു​ടെ വടക്കെ​ഭാ​ഗ​വും അതിന്റെ സമീപ​പ്ര​ദേ​ശ​ങ്ങ​ളും. മാപ്പ്‌ ശ്രദ്ധി​ക്കുക.a മദ്ധ്യഭാ​ഗത്തെ താഴ്‌ന്ന​പ്ര​ദേശം സിറിയാ മുതൽ ആഫ്രിക്കാ വരെ വ്യാപി​ച്ചു​കി​ട​ക്കുന്ന ഭൂഗർഭ​ശാ​സ്‌ത്ര​പ​ര​മായ പിളർപ്പായ വലിയ റിഫ്‌ററ്‌ താഴ്‌വ​ര​യു​ടെ ഭാഗമാണ്‌.

യോർദ്ദാൻ നദിയു​ടെ മൂന്നു മുഖ്യ ഉറവി​ടങ്ങൾ ഹെർമ്മോൻ പർവത​ശി​ഖ​ര​ത്തി​ലെ മഞ്ഞുരു​കി വരുന്ന അരുവി​ക​ളാണ്‌. ഏററവും കിഴക്കു​ഭാ​ഗത്തെ അരുവി (ഇവിടെ കാണി​ച്ചി​രി​ക്കു​ന്നത്‌) പർവത​ത്തി​ന്റെ അടിവാ​ര​ത്തോ​ട​ടു​ത്തുള്ള കിഴു​ക്കാം​തൂ​ക്കായ ഒരു ചുണ്ണാ​മ്പു​ക​ല്ലിൽനിന്ന്‌ പുറ​പ്പെ​ടു​ന്നു. ഇവി​ടെ​യാണ്‌ ഫിലി​പ്പി​യി​ലെ കൈസ​ര്യാ സ്ഥിതി​ചെ​യ്യു​ന്നത്‌; യേശു “ഒരു ഉയർന്ന മലയിൽ” വെച്ച്‌ രൂപാ​ന്ത​ര​പ്പെ​ടു​ന്ന​തിന്‌ അൽപ്പം​മുമ്പ്‌ അവിടം സന്ദർശി​ച്ചത്‌ ഓർക്കുക. (മത്തായി 16:13–17:2) മറെറാ​രു അരുവി, വടക്കേ രാജ്യ​ത്തി​ലെ ഇസ്രാ​യേ​ല്യർ ഒരു സ്വർണ്ണ​ക്കാ​ള​ക്കു​ട്ടി​യെ സ്ഥാപിച്ച നഗരമായ ദാൻ നിർമ്മി​ക്ക​പ്പെ​ട്ടി​രുന്ന കൊടു​മു​ടി​യിൽനി​ന്നാണ്‌ ഉത്ഭവി​ക്കു​ന്നത്‌. (ന്യായാ​ധി​പൻമാർ 18:27-31; 1 രാജാ​ക്കൻമാർ 12:25-30) മൂന്നാ​മത്തെ ഒരു അരുവി​യി​ലെ വെള്ളം ഈ രണ്ടി​നോ​ടും​ചേർന്ന്‌ യോർദ്ദാൻന​ദി​യാ​യി​ത്തീ​രു​ന്നു, അത്‌ ഏകദേശം ഏഴു​മൈ​ലി​നകം ആയിരം അടി​യോ​ളം താഴേക്കു വീഴുന്നു.

പിന്നീട്‌ യോർദ്ദാ​നി​ലെ വെള്ളം പരന്നൊ​ഴു​കി ഒരു വിശാ​ല​മായ ചതുപ്പു​പ്ര​ദേശം ഉളവാ​ക്കി​ക്കൊണ്ട്‌ താഴ്‌വര ഹുലാ​ബേ​സി​നാ​യി​ത്തീ​രു​ന്നു. പുരാ​ത​ന​കാ​ലത്ത്‌ അധികം വെള്ളവും ഹുലാ (ഹുലേ) എന്നറി​യ​പ്പെ​ട്ടി​രുന്ന ഒരു ആഴംകു​റഞ്ഞ തടാക​ത്തിൽ നിറഞ്ഞി​രു​ന്നു. എന്നാൽ ഹുലാ​ത​ടാ​കം അവിടെ മേലാൽ സ്ഥിതി​ചെ​യ്യു​ന്നില്ല, എന്തു​കൊ​ണ്ടെ​ന്നാൽ ഈ അടുത്ത​കാ​ലത്ത്‌ യോർദ്ദാ​ന്റെ മുകൾഭാ​ഗം നേരെ​യാ​ക്കു​ക​യും ചതുപ്പു​പ്ര​ദേ​ശ​ങ്ങ​ളി​ലെ വെള്ളം വാർന്നു​പോ​കാൻ കനാലു​കൾ നിർമ്മി​ക്കു​ക​യും തടാക​ത്തി​ന്റെ ബഹിർഗ്ഗമന മാർഗ്ഗ​ത്തി​ന്റെ ആഴം കൂട്ടു​ക​യും ചെയ്‌തു. അതു​കൊണ്ട്‌ നിങ്ങൾ ആ പ്രദേ​ശ​ത്തി​ന്റെ ഒരു ഭൂപടം നോക്കു​മ്പോൾ ഗലീലാ​ക​ട​ലി​ന്റെ വടക്കു​ഭാ​ഗത്ത്‌ ഒരു തടാകം (ഹുലാ) കാണു​ന്നെ​ങ്കിൽ ആ ഭൂപടം പുരാ​ത​ന​കാ​ലത്തെ പ്രദേ​ശ​ത്തി​ന്റേ​താണ്‌, ഇന്നു കാണു​ന്ന​തു​പോ​ലു​ള്ളതല്ല എന്ന്‌ മനസ്സി​ലാ​ക്കണം.

എന്നിരു​ന്നാ​ലും നിങ്ങൾ സന്ദർശി​ക്കു​ക​യാ​ണെ​ങ്കിൽ ആ പ്രദേശം ബൈബിൾകാ​ല​ങ്ങ​ളിൽ എങ്ങനെ​യാ​യി​രു​ന്നു​വെന്ന്‌ ഒരു ധാരണ നൽകുന്ന ഒരു പ്രാകൃ​തിക സംവൃ​ത​സ്ഥലം കാണും, അന്ന്‌ അത്‌ പേപ്പി​റ​സും ഈററ​ക​ളും പോ​ലെ​യുള്ള പ്രത്യേ​ക​തരം സസ്യജാ​ല​ങ്ങ​ളു​ടെ ആടിയു​ല​യുന്ന വനഭവ​ന​മാ​യി​രു​ന്നു.—ഇയ്യോബ്‌ 8:11.

ആ പ്രദേശം സ്ഥിരമാ​യി മാറി​വ​രുന്ന പലജാതി പക്ഷിക​ളു​ടെ ഭവനമാ​യി​രു​ന്നു. ഞാറപ്പ​ക്തി​ക​ളും കൊക്കു​ക​ളും പെലി​ക്ക​നു​ക​ളും മാട​പ്രാ​വു​ക​ളും ധാരാ​ള​മു​ണ്ടാ​യി​രു​ന്നു. ഭാഗി​ക​മാ​യി അതിന്റെ കാരണം ചതുപ്പും തടാക​വും യൂറോ​പ്പി​നും ആഫ്രി​ക്കാ​യി​ക്കും ഇടയിലെ ദേശാ​ന്ത​ര​പ​റ​ക്കൽമാർഗ്ഗ​ത്തി​ലെ ഒരു നല്ല വിശ്ര​മ​സ്ഥലം ആയിരു​ന്നു​വെ​ന്ന​താണ്‌. (ആവർത്തനം 14:18; സങ്കീർത്തനം 102:6; യിരെ​മ്യാവ്‌ 8:7) ആ പ്രദേ​ശ​ത്തി​നു യോജിച്ച മററു ജീവികൾ ചുരു​ക്ക​മാ​യി​ട്ടേ ദൃശ്യ​മാ​കു​മാ​യി​രു​ന്നു​ള്ളു, എന്നാൽ അവയുടെ സാന്നി​ദ്ധ്യം ഹുലാ​ബേ​സിന്‌ കുറു​കെ​യുള്ള വഴിയെ അനാകർഷ​ക​മാ​ക്കി. സാധ്യ​ത​യ​നു​സ​രിച്ച്‌ ഇവയിൽ സിംഹ​വും കാണ്ടാ​മൃ​ഗ​വും ചെന്നാ​യും കാട്ടു​പ​ന്നി​യും ഉൾപ്പെ​ട്ടി​രു​ന്നു. (ഇയ്യോബ്‌ 40:15-24; യിരെ​മ്യാവ്‌ 49:19; 50:44; ഹബക്കൂക്ക്‌ 1:8) ചില കാലഘ​ട്ട​ങ്ങ​ളിൽ കൊതു​കു​കൾ പരത്തുന്ന മലമ്പനി ഉണ്ടായി​രു​ന്നു, തെളി​വ​നു​സ​രിച്ച്‌ ബൈബി​ളിൽ പരാമർശി​ച്ചി​രി​ക്കുന്ന ഒരു രോഗം​തന്നെ.

ഒററക്കാ​രാ​യ യാത്ര​ക്കാ​രും വലിയ സാർത്ഥ​വാ​ഹ​ക​കൂ​ട്ട​ങ്ങ​ളും ഈ ചതുപ്പ​പ്ര​ദേ​ശ​ത്തി​ന​രി​കി​ലൂ​ടെ കടന്നു​പോ​യി​രു​ന്നതു മനസ്സി​ലാ​ക്കാം. അതു​കൊണ്ട്‌ ഗലീലാ​ക​ട​ലി​നു വടക്കുള്ള താഴ്‌വ​ര​യിൽ എവി​ടെ​യാ​യി​രു​ന്നു അവർക്ക്‌ യോർദ്ദാൻ നദി കടക്കാൻ കഴിഞ്ഞി​രു​ന്നത്‌?

ഗലീലാ​ക​ട​ലി​ന്റെ സമീപം കരിങ്ക​ല്ലു​കൾ മണ്ണിനു​മു​ക​ളിൽ പൊങ്ങി​നിൽക്കു​ന്നു​ണ്ടാ​യി​രു​ന്നു; ഡാം പോലുള്ള ഈ കെട്ടാ​യി​രു​ന്നു വെള്ളം കെട്ടി​ക്കി​ട​ക്കു​ന്ന​തി​നും ഹുലാ തടാകം ഉണ്ടാകു​ന്ന​തി​നും ഇടയാ​ക്കി​യി​രു​ന്നത്‌. നിങ്ങൾക്ക്‌ പാറ​ക്കെ​ട്ടി​ന്റെ ഭാഗം 16-ാം പേജിൽ കാണാൻ കഴിയും. യോർദ്ദാൻ അതിലൂ​ടെ തെക്കോട്ട്‌ ഗലീലാ​ക്ക​ട​ലി​ലേക്ക്‌ ശക്തമായി ഒഴുകു​മ്പോൾ (ദൂരെ ദൃശ്യ​മാണ്‌) അത്‌ വളരെ വേഗം നീങ്ങു​ന്ന​തി​നാൽ വെളുത്ത ജലം ഉണ്ടാകു​ന്നു. വ്യക്തമാ​യും പുരാതന സഞ്ചാരി​കൾ ആ ആഴമേ​റിയ കയത്തിൽ ഇറങ്ങി ശക്തമായി ഒഴുകുന്ന യോർദ്ദാൻവെ​ള്ളത്തെ മുറി​ച്ചു​ക​ട​ക്കു​ന്നത്‌ അപകട​ക​ര​മെന്ന്‌ കണ്ടിരി​ക്കും.

ഹുലാ​ബേ​സി​നി​ലെ ചതുപ്പു​പ്ര​ദേ​ശ​ത്തി​നും കയത്തി​നും ഇടയിൽ വെള്ളം ശാന്തമാ​യി ഒഴുകി​യി​രുന്ന നിരപ്പായ ഒരു ഹ്രസ്വ​ഭാ​ഗ​മു​ണ്ടാ​യി​രു​ന്നു. ഇവിടെ പുരാതന സഞ്ചാരി​കൾക്ക്‌ സുരക്ഷി​ത​മാ​യി മറുക​ര​ക​ട​ക്കാൻ കഴിഞ്ഞി​രു​ന്നു, അത്‌ വാഗ്‌ദ​ത്ത​നാ​ട്ടി​ലൂ​ടെ​യുള്ള ഒരു മുഖ്യ സഞ്ചാര​മാർഗ്ഗ​ത്തി​ന്റെ ഭാഗമാ​യി​ത്തീ​രു​ക​യും ചെയ്‌തു. ഇപ്പോൾ ഈ സ്ഥാനത്ത്‌ ഒരു പാലമുണ്ട്‌, യോർദ്ദാൻനദി കടക്കു​ന്ന​തി​നുള്ള ഒരു പ്രധാന സ്ഥാനം ഇപ്പോ​ഴും അതാണ്‌.

ഇന്ന്‌ ഹുലാ​ബേ​സിൻ ഒരു ഫലഭൂ​യി​ഷ്‌ട​മായ കൃഷി​യി​ട​മാണ്‌; അവിടെ മത്‌സ്യം വളർത്തുന്ന കുളങ്ങൾപോ​ലു​മുണ്ട്‌. യോർദ്ദാൻന​ദി​യു​ടെ ഈ ഭാഗത്തു​കൂ​ടെ ഒഴുകുന്ന സമൃദ്ധ​മായ വെള്ളം​നി​മി​ത്ത​മാണ്‌ ഇവയെ​ല്ലാം സാദ്ധ്യ​മാ​യി​ത്തീ​രു​ന്നത്‌. (w90 7/1)

[അടിക്കു​റിപ്പ്‌]

[17-ാം പേജിലെ ഭൂപടം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

ഹുലാ

ഗലീലാക്കടൽ

[കടപ്പാട]

Based on a map copyrighted by Pictorial Archive (Near Eastern History) Est. and Survey of Israel.

[16-ാം പേജിലെ ചിത്ര​ത്തിന്‌ കടപ്പാട]

Pictorial Archive (Near Eastern History) Est.

[17-ാം പേജിലെ ചിത്ര​ത്തിന്‌ കടപ്പാട]

Pictorial Archive (Near Eastern History) Est.

Animal photos: Safari-Zoo of Ramat-Gan, Tel Aviv