നിങ്ങൾ സംബന്ധി​ക്കേ​ണ്ട​തി​ന്റെ കാരണം

ലോക​മെ​മ്പാ​ടു​മുള്ള നഗരങ്ങ​ളിൽ ഇപ്പോൾത്തന്നെ ആരംഭി​ച്ചി​രി​ക്കുന്ന “ദിവ്യ ബോധന” ഡിസ്‌ട്രി​ക്‌ററ്‌ കൺ​വെൻ​ഷ​നു​ക​ളിൽ ആത്മീയ പ്രബോ​ധ​ന​ത്തി​ന്റെ പ്രതി​ഫ​ല​ദാ​യ​ക​മായ നാലു ദിവസങ്ങൾ നിങ്ങൾക്കു ലഭിക്കു​ന്ന​താ​യി​രി​ക്കും. ഇന്ത്യയിൽ മാത്രം ഈ വർഷ​ത്തേ​ക്കാ​യി സെപ്‌റ​റം​ബർ അവസാന വാരം​മു​തൽ 1994 ജനുവരി ആദ്യ വാരം​വരെ 17 സമ്മേള​നങ്ങൾ ക്രമീ​ക​രി​ച്ചി​രി​ക്കു​ന്നു. സാധാ​ര​ണ​മാ​യി, പരിപാ​ടി വ്യാഴാഴ്‌ച ഉച്ചകഴിഞ്ഞ്‌ 1.20-ന്‌ ആരംഭി​ച്ചു ഞായറാഴ്‌ച വൈകി​ട്ടു 4.15-ന്‌ അവസാ​നി​ക്കും. ഈ സന്തോ​ഷ​ക​ര​മായ അവസര​ത്തി​നു​വേണ്ടി തങ്ങളുടെ മാതൃ​രാ​ജ്യ​ത്തി​ലേക്കു മടക്കി​വ​രു​ത്ത​പ്പെ​ടുന്ന മിഷന​റി​മാർ കൊണ്ടു​വ​രുന്ന റിപ്പോർട്ടു​കൾ ലോക​ത്തി​ന്റെ മററു ഭാഗങ്ങ​ളി​ലുള്ള ചില കൺ​വെൻ​ഷ​നു​ക​ളി​ലെ സവി​ശേ​ഷ​ത​യാ​യി​രി​ക്കും.

നിങ്ങൾ വൃദ്ധനോ യുവാ​വോ—ഒരു ഭർത്താ​വോ ഭാര്യ​യോ പിതാ​വോ മാതാ​വോ കൗമാ​ര​പ്രാ​യ​ക്കാ​രോ അല്ലെങ്കിൽ കുട്ടി​യോ—ആയാലും നിങ്ങൾക്കു പ്രയോ​ജനം ലഭിക്കുന്ന, വ്യക്തവും ആകർഷ​ക​വു​മായ ഒരു വിധത്തിൽ അവതരി​പ്പി​ക്കുന്ന പ്രബോ​ധനം നിങ്ങൾക്കു ലഭിക്കും. ഉദാഹ​ര​ണ​ത്തിന്‌, അനേകർ ഇന്ന്‌ ഇങ്ങനെ ചോദി​ക്കാ​റുണ്ട്‌, ജീവി​ത​ത്തി​ന്റെ ഉദ്ദേശ്യം എന്താണ്‌? വെള്ളി​യാഴ്‌ച രാവിലെ ഈ പ്രശ്‌ന​ത്തി​ന്റെ ചർച്ച കേൾക്കു​ന്നതു നിങ്ങൾ ആസ്വദി​ക്കു​ക​യും ഈ വിഷയം മനസ്സി​ലാ​ക്കാൻ മററു​ള്ള​വരെ സഹായി​ക്കു​ന്ന​തി​നു ലഭിക്കുന്ന ഉപകര​ണ​ത്തിൽ സന്തോ​ഷി​ക്കു​ക​യും ചെയ്യും.

വെള്ളി​യാ​ഴ്‌ച ഉച്ചയ്‌ക്കു “വിവാ​ഹത്തെ ഒരു നിലനിൽക്കുന്ന ബന്ധമാക്കൽ,” “നിങ്ങളു​ടെ കുടും​ബ​ത്തി​ന്റെ രക്ഷക്കായി കഠിന​മാ​യി പ്രയത്‌നി​ക്കുക,” “മാതാ​പി​താ​ക്കളേ—നിങ്ങളു​ടെ കുട്ടി​കൾക്കു വിദഗ്‌ധ ശ്രദ്ധ ആവശ്യ​മാണ്‌” എന്നീ ഭാഗങ്ങൾ വിശേ​ഷ​വ​ത്‌ക്ക​രി​ക്കും. ഇവയ്‌ക്കു തൊട്ടു​പി​ന്നാ​ലെ യുവജ​നങ്ങൾ അഭിമു​ഖീ​ക​രി​ക്കുന്ന പ്രശ്‌ന​ങ്ങ​ളി​ലും അവ കൈകാ​ര്യം ചെയ്യു​വാൻ അവർക്കെ​ങ്ങനെ കഴിയു​മെ​ന്ന​തി​ലും ശ്രദ്ധ കേന്ദ്രീ​ക​രി​ക്കും. ഇപ്പോൾ തങ്ങളുടെ സ്രഷ്ടാ​വി​നെ ഓർമ്മി​ക്കുന്ന യുവാക്കൾ എന്ന ആധുനി​ക​കാല നാടക​ത്താൽ അവർ പ്രോ​ത്സാ​ഹി​ത​രാ​കണം.

ശനിയാ​ഴ്‌ച​ത്തെ പരിപാ​ടി അന്ത്യനാ​ളു​ക​ളെ​ക്കു​റി​ച്ചുള്ള യേശു​വി​ന്റെ പ്രവച​ന​വും വിശേ​ഷിച്ച്‌ “ആ കാലത്തി​ലെ കഷ്ടം കഴിഞ്ഞ ഉടനെ സൂര്യൻ ഇരുണ്ടു​പോ​കും” എന്ന അവിടു​ത്തെ വാക്കു​ക​ളും വിശേ​ഷ​വ​ത്‌ക്ക​രി​ക്കും. (മത്തായി 24:29) എപ്പോ​ഴാണ്‌ ആ കഷ്ടം ആരംഭി​ക്കു​ന്നത്‌ എന്നതി​നെ​ക്കു​റി​ച്ചുള്ള ഒരു ചർച്ച കേൾക്കാൻ നിങ്ങൾ ആഗ്രഹി​ച്ചേ​ക്കും. ശനിയാ​ഴ്‌ചത്തെ പരിപാ​ടി ആധുനിക നാളിലെ യഹോ​വ​യു​ടെ സാക്ഷി​ക​ളു​ടെ പ്രവർത്തനം പുനര​വ​ലോ​കനം ചെയ്യു​ക​യും അവർ എന്തു സാധി​ച്ചി​രി​ക്കു​ന്നു എന്നു പ്രകട​മാ​ക്കു​ക​യും ചെയ്യും.

ഞായറാ​ഴ്‌ച അവതരി​പ്പി​ക്കുന്ന വഴി​തെ​റ​റി​ക്ക​പ്പെ​ടു​ക​യോ ദൈവത്തെ പരിഹ​സി​ക്കു​ക​യോ അരുത്‌ എന്ന ശീർഷ​ക​ത്തി​ലുള്ള മറെറാ​രു നാടകം ഇന്നത്തെ ജനപ്രീ​തി​യാർജിച്ച വീഡി​യോ​യും സംഗീ​ത​വും മുഖാ​ന്തരം ക്രിസ്‌തീയ നിർമലത നേരി​ടുന്ന വെല്ലു​വി​ളി​യെ കൈകാ​ര്യം ചെയ്യു​ന്ന​താ​യി​രി​ക്കും. ഉച്ചകഴി​ഞ്ഞുള്ള പരസ്യ​പ്ര​സം​ഗം “നമ്മുടെ പ്രയാ​സ​മേ​റിയ സമയങ്ങൾക്കാ​യുള്ള സഹായ​ക​മായ ബോധനം” എന്ന വിഷയത്തെ വിശേ​ഷ​വ​ത്‌ക്ക​രി​ക്കും. “ദിവ്യ ബോധ​ന​ത്തോ​ടു പററി നിൽക്കുക” എന്ന അനുശാ​സ​ന​ത്തോ​ടെ പരിപാ​ടി ഉപസം​ഹ​രി​ക്കും.

നാലു ദിവസ​വും സന്നിഹി​ത​രാ​വു​ന്ന​തി​നാൽ നിശ്ചയ​മാ​യും നിങ്ങൾ പ്രയോ​ജ​ന​മ​നു​ഭ​വി​ക്കും! സംബന്ധി​ക്കാൻ ഞങ്ങൾ നിങ്ങളെ ഹാർദ​മാ​യി ക്ഷണിക്കു​ന്നു. നിങ്ങളു​ടെ വീടി​നോട്‌ ഏററവും അടുത്തുള്ള സമ്മേളന സ്ഥലം കണ്ടുപി​ടി​ക്കു​വാൻ യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക രാജ്യ​ഹാ​ളു​മാ​യി ബന്ധപ്പെ​ടു​ക​യോ ഈ മാസി​ക​യു​ടെ പ്രസാ​ധ​കർക്ക്‌ എഴുതു​ക​യോ ചെയ്യുക.