നമ്മുടെ നിർണാ​യക കാലങ്ങ​ളി​ലേ​ക്കുള്ള ദിവ്യ​ബോ​ധനം സ്വീക​രി​ക്കു​ക

അതു യഥാർഥ​ത്തിൽ നിങ്ങൾക്കു പ്രയോ​ജനം ചെയ്യുന്ന വിധം

യഹോ​വ​യു​ടെ സാക്ഷി​ക​ളു​ടെ ഒരു “ദിവ്യ ബോധന” ഡിസ്‌ട്രിക്ട്‌ കൺ​വെൻ​ഷ​നിൽ സംബന്ധി​ക്കു​ന്ന​തി​നാൽ നിങ്ങൾക്ക്‌ ഇതു ലഭിക്കും. ലോക​ത്തി​നു ചുററു​മുള്ള നഗരങ്ങ​ളിൽ ഈ വേനൽക്കാ​ലത്തു ലക്ഷോ​പ​ലക്ഷം ആളുകൾ ഹാജരാ​യി​രി​ക്കും. ഐക്യ​നാ​ടു​ക​ളിൽ മാത്രം ജൂൺ, ജൂലൈ, ആഗസ്‌ററ്‌ മാസങ്ങ​ളിൽ 150-ൽപരം ഇത്തരം ചതുർദിന കൺ​വെൻ​ഷ​നു​കൾ നടത്ത​പ്പെ​ടും.

നിങ്ങൾ പ്രായ​മു​ള്ള​യാ​ളോ യുവാ​വോ ആയിരു​ന്നാ​ലും—ഒരു ഭർത്താ​വോ, ഭാര്യ​യോ, പിതാ​വോ, മാതാ​വോ, കൗമാ​ര​പ്രാ​യ​ക്കാ​ര​നോ, കുട്ടി​യോ ആയിരു​ന്നാ​ലും—പ്രയോ​ജനം ചെയ്യുന്ന വ്യക്തവും ആകർഷ​ക​വു​മായ ഒരു വിധത്തിൽ അവതരി​പ്പി​ക്കുന്ന പ്രബോ​ധനം നിങ്ങൾക്കു ലഭിക്കും. “വിവാ​ഹത്തെ ഒരു നിലനിൽക്കുന്ന ബന്ധമാക്കൽ,” “നിങ്ങളു​ടെ കുടും​ബ​ത്തി​ന്റെ രക്ഷക്കു​വേണ്ടി കഠിന​മാ​യി പ്രയത്‌നി​ക്കുക,” “മാതാ​പി​താ​ക്കളേ—നിങ്ങളു​ടെ കുട്ടി​കൾക്കു പ്രത്യേ​ക​വൽകൃത ശ്രദ്ധ ആവശ്യ​മാണ്‌” തുടങ്ങി​യവ പരിപാ​ടി വിശേ​ഷ​വ​ത്‌ക്ക​രി​ക്കുന്ന ചില വിഷയ​ങ്ങ​ളാണ്‌.

യുവജ​ന​ങ്ങൾ നേരി​ടുന്ന പ്രശ്‌ന​ങ്ങ​ളി​ലും നമ്മുടെ നിർണാ​യക നാളു​ക​ളിൽ ഇവയെ എങ്ങനെ തരണം ചെയ്യാം എന്നതി​ലും പ്രത്യേക ശ്രദ്ധ കേന്ദ്രീ​ക​രി​ക്കു​ന്ന​താ​യി​രി​ക്കും. ഇപ്പോൾ തങ്ങളുടെ സ്രഷ്ടാ​വി​നെ ഓർമി​ക്കുന്ന യുവാക്കൾ എന്ന അഭിധാ​ന​ത്തി​ലുള്ള ആധുനിക നാടക​ത്താൽ അവർ പ്രോ​ത്സാ​ഹി​പ്പി​ക്ക​പ്പെ​ടേ​ണ്ട​താണ്‌. വഴി​തെ​റ​റി​ക്ക​പ്പെ​ടു​ക​യോ ദൈവത്തെ പരിഹ​സി​ക്കു​ക​യോ അരുത്‌ എന്ന നന്നായി പരിശീ​ലനം നടത്തിയ മറെറാ​രു നാടകം ഇന്നത്തെ ജനരഞ്‌ജ​ക​മായ വീഡി​യോ​ക​ളും സംഗീ​ത​വും നിമിത്തം ക്രിസ്‌തീയ യുവാക്കൾ നേരി​ടുന്ന വെല്ലു​വി​ളി കൈകാ​ര്യം ചെയ്യും.

തീർച്ച​യാ​യും നിർണാ​യക നാളു​ക​ളി​ലാ​ണു നാം ജീവി​ക്കു​ന്നത്‌. “ആ നാളു​ക​ളി​ലെ ഉപദ്ര​വ​ത്തി​നു​ശേഷം സൂര്യൻ ഇരുണ്ടു​പോ​കും” എന്ന്‌ യേശു മുൻകൂ​ട്ടി​പ്പ​റഞ്ഞു. (മത്തായി 24:29, NW) എപ്പോ​ഴാണ്‌ ആ “ഉപദ്രവം” ഉണ്ടാകു​ന്ന​തെ​ന്ന​തി​ന്റെ​യും അതു​പോ​ലെ​തന്നെ എപ്പോ​ഴാ​ണു സൂര്യൻ ഇരുണ്ടു​പോ​കു​ന്നത്‌ എന്നതി​ന്റെ​യും തെളിവു കൺ​വെൻ​ഷൻ പരിപാ​ടി ചർച്ച​ചെ​യ്യും.

ഈ നിർണാ​യക നാളു​ക​ളിൽ എന്താണ്‌ ജീവി​ത​ത്തി​ന്റെ ഉദ്ദേശ്യം? എന്ന്‌ പലരും ചോദി​ക്കു​ന്നു. ഈ വിഷയം പൂർണ​മാ​യി വിശക​ലനം ചെയ്യ​പ്പെ​ടും. ഈ വിഷയം സംബന്ധി​ച്ചു നിങ്ങൾക്കു ലഭിക്കു​ന്ന​തിൽ നിങ്ങൾ സന്തോ​ഷ​മു​ള്ള​വ​രാ​യി​രി​ക്കു​മെ​ന്ന​തി​നു സംശയ​മില്ല. ഇനി പരിപാ​ടി​യു​ടെ മറെറാ​രു ഭാഗം ആധുനിക കാലങ്ങ​ളി​ലെ യഹോ​വ​യു​ടെ സാക്ഷി​ക​ളു​ടെ ചരിത്രം പുനര​വ​ലോ​കനം ചെയ്യു​ക​യും അവർ എന്തു നേടി​യി​രി​ക്കു​ന്നു എന്നു പ്രകട​മാ​ക്കു​ക​യും ചെയ്യും.

കൺ​വെൻ​ഷ​ന്റെ അവസാ​ന​ദി​വസം പരസ്യ​പ്ര​സം​ഗം “നമ്മുടെ നിർണാ​യക നാളു​ക​ളി​ലേ​ക്കുള്ള സഹായ​ക​മായ പ്രബോ​ധനം” എന്ന വിഷയത്തെ വിശേ​ഷ​വ​ത്‌ക​രി​ക്കും. “ദിവ്യ ബോധ​നത്തെ മുറുകെ പിടി​ക്കുക” എന്ന ബുദ്ധ്യു​പ​ദേ​ശ​ത്തോ​ടെ പരിപാ​ടി അവസാ​നി​ക്കും.

തീർച്ച​യാ​യും, നാലു​ദി​വസം മുഴു​വ​നും ഹാജരാ​യി​രി​ക്കു​ന്ന​തി​നാൽ നിങ്ങൾക്കു പ്രയോ​ജനം ലഭിക്കും! സംബന്ധി​ക്കാൻ നിങ്ങളെ ഹാർദ​മാ​യി ക്ഷണിക്കു​ന്നു. നിങ്ങളു​ടെ വീടിന്‌ ഏററവും അടുത്തുള്ള സമ്മേള​ന​സ്ഥലം കണ്ടുപി​ടി​ക്കാൻ, യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക രാജ്യ​ഹാ​ളു​മാ​യി ബന്ധപ്പെ​ടു​ക​യോ ഈ മാസി​ക​യു​ടെ പ്രസാ​ധ​കർക്ക്‌ എഴുതു​ക​യോ ചെയ്യുക.