ലോകത്തെ വീക്ഷിക്കൽ

മാരക​മ​ല്ലാത്ത ആയുധങ്ങൾ

ദ വാൾ സ്‌ട്രീ​ററ്‌ ജേണൽ പറയു​ന്ന​ത​നു​സ​രിച്ച്‌, യു. എസ്‌. ഗവൺമെൻറ്‌ യുദ്ധത്തിൽ ഉപയോ​ഗി​ക്കു​ന്ന​തി​നു മാരക​മ​ല്ലാത്ത ആയുധങ്ങൾ അവതരി​പ്പി​ക്കാ​നുള്ള സാധ്യത ആരാഞ്ഞു​കൊ​ണ്ടി​രി​ക്കു​ക​യാണ്‌. ആധുനിക സാങ്കേ​തി​ക​വി​ദ്യ, ആളുകളെ കൊല്ലാ​തെ ശത്രു​ക്ക​ളു​ടെ റഡാറു​ക​ളെ​യും ടെല​ഫോ​ണു​ക​ളെ​യും കമ്പ്യൂ​ട്ട​റു​ക​ളെ​യും മററു മർമ​പ്ര​ധാ​ന​മായ ഉപകര​ണ​ങ്ങ​ളെ​യും സ്‌തം​ഭി​പ്പി​ക്കുന്ന വിദ്യു​ത്‌കാ​ന്തിക പൾസ്‌ ജനറേ​റ​റ​റു​കൾ ഉപയോ​ഗി​ക്കാൻ ഭാവി സൈനി​കരെ പ്രാപ്‌ത​രാ​ക്കി​യേ​ക്കാം. “സഞ്ചരി​ക്കുന്ന വാഹന​ങ്ങ​ളു​ടെ എഞ്ചിനു​കളെ നിറു​ത്തുന്ന ‘കമ്പസ്‌ഷൻ ഇൻഹി​ബി​റേ​റ​ഴ്‌സുക’ളെക്കു​റി​ച്ചും അതു​പോ​ലെ​തന്നെ പരലാ​യി​ത്തീ​രു​ന്ന​തും ചിലതരം ടയറു​കളെ നശിപ്പി​ക്കു​ന്ന​തു​മായ രാസവ​സ്‌തു​ക്ക​ളെ​ക്കു​റി​ച്ചും ഗവേഷ​ണ​ശാ​ലകൾ പരീക്ഷണം നടത്തി​ക്കൊ​ണ്ടി​രി​ക്കു​ക​യാണ്‌” എന്ന്‌ ജേണൽ പറയുന്നു. എന്നിരു​ന്നാ​ലും, ഈ ആയുധ​ങ്ങ​ളിൽ ചിലതു മനുഷ്യ​ജീ​വനു സാരമായ അപകടം വരുത്തി​വെ​ച്ചേ​ക്കാം. ഒരു ശത്രു​ടാ​ങ്കി​ന്റെ പ്രകാശ സംവി​ധാ​നം നശിപ്പി​ക്കാൻ ആസൂ​ത്രണം ചെയ്‌തി​ട്ടുള്ള “ശക്തമായ ലേസർ കിരണ​ങ്ങൾക്ക്‌ ഒരു സൈനി​കന്റെ കൺമണി​ക​ളെ​യും തകർക്കാൻ കഴിയും. യു. എസ്‌-ന്റെ പ്രത്യേക സേനകൾ ഇപ്പോൾ പരീക്ഷി​ച്ചു​കൊ​ണ്ടി​രി​ക്കുന്ന കൊണ്ടു​ന​ട​ക്കാ​വുന്ന മൈ​ക്രോ​വേവ്‌ ആയുധ​ങ്ങൾക്കു ശത്രു​ക്ക​ളു​ടെ ആശയവി​നി​മയ ശൃംഖ​ലയെ നിശ്ശബ്ദം വിച്‌ഛേ​ദി​ക്കാൻ മാത്രമല്ല, ആന്തരിക അവയവ​ങ്ങളെ ദഹിപ്പി​ക്കാ​നും കഴിയും” എന്നു ജേണൽ കൂട്ടി​ച്ചേർക്കു​ന്നു. (g93 6/8)

പരിച്‌ഛേ​ദ​ന​യും എയ്‌ഡ്‌സും

എയ്‌ഡ്‌സു​പോ​ലെ ലൈം​ഗി​ക​മാ​യി പകരുന്ന രോഗങ്ങൾ തടയു​ന്ന​തിൽ, പുരു​ഷൻമാർക്കുള്ള പരിച്‌ഛേ​ദ​നാ​ചാ​രം പ്രയോ​ജ​ന​ക​ര​മാ​ണെന്നു തോന്നു​ന്ന​താ​യി ഫ്രെഞ്ചു മാസി​ക​യായ ലാ റാവു ഫ്രൻസസ്‌ ഡൂ ലെബോർട്ടു​വാർ പറയുന്നു. എയ്‌ഡ്‌സി​ന്റെ വ്യാപനം തടയു​ന്ന​തിൽ പുരു​ഷൻമാർക്കുള്ള പരിച്‌ഛേദന (അഗ്രചർമം നീക്കം ചെയ്യൽ) ഒരു സഹായ ഘടകമാ​യി​രി​ക്കു​ന്ന​താ​യി പ്രകട​മാ​ക്കുന്ന മൂന്നു വ്യത്യസ്‌ത വൈദ്യ​ശാ​സ്‌ത്ര പഠനങ്ങളെ ഈ മാസിക ഉദ്ധരി​ക്കു​ന്നു. പരീക്ഷ​ണ​ശാ​ല​ക​ളി​ലെ കുരങ്ങൻമാ​രിൽ നടത്തിയ ഗവേഷണം, മററു പേശി​ക​ളെ​ക്കാൾ പുരുഷ അഗ്രചർമ​ത്തി​ലെ പേശി​ക​ളിൽ എയ്‌ഡ്‌സ്‌ രോഗ​ബാ​ധക്കു സാധ്യ​ത​യുള്ള കൂടുതൽ കോശങ്ങൾ ഉണ്ടെന്നു പ്രകട​മാ​ക്കി​യി​രി​ക്കു​ന്നു. കൂടാതെ, ആഫ്രി​ക്ക​യി​ലെ 140 വ്യത്യസ്‌ത പ്രദേ​ശ​ങ്ങ​ളിൽ നടത്തിയ ഒരു കനേഡി​യൻ പഠനം പരിച്‌ഛേ​ദ​ന​യു​ടെ ആചാരം ഉള്ളവ​രെ​ക്കാൾ അത്‌ ഇല്ലാത്ത​വ​രു​ടെ ഇടയിൽ എയ്‌ഡ്‌സി​ന്റെ നിരക്കു കൂടു​ത​ലാ​യി​രു​ന്നു എന്നു വെളി​പ്പെ​ടു​ത്തി. പരിച്‌ഛേദന നടത്തിയ എതിർലിം​ഗാ​സ​ക്‌ത​രായ അമേരി​ക്ക​ക്കാ​രു​ടെ ഇടയിൽ രോഗ​ബാധ കുറവാ​ണെന്നു മറെറാ​രു പഠനം കണ്ടെത്തി. (g93 6/8)

പഠിപ്പി​ല്ലാത്ത കുട്ടികൾ

ആയിര​ക്ക​ണ​ക്കി​നു ബൊളീ​വി​യൻ കുട്ടി​കൾക്കു ശരിയായ വിദ്യാ​ഭ്യാ​സം ലഭിക്കു​ന്നില്ല. ബൊളീ​വി​യൻ പത്രമായ പ്രെ​സെൻഷ്യ പറയു​ന്ന​ത​നു​സ​രിച്ച്‌, സ്‌കൂൾ പ്രായ​മെ​ത്തിയ 22,68,605 കുട്ടികൾ ബൊളീ​വി​യ​യിൽ ഉണ്ടായി​രു​ന്നു എന്ന്‌ 1992-ലെ ഒരു കാനേ​ഷു​മാ​രി വെളി​പ്പെ​ടു​ത്തി. എന്നിരു​ന്നാ​ലും അതേ കാലയ​ള​വിൽ 16,68,791 കുട്ടി​കളെ മാത്രമേ രാജ്യത്തെ വിദ്യാ​ല​യ​ങ്ങ​ളിൽ പ്രവേ​ശി​പ്പി​ച്ചു​ള്ളു എന്ന്‌ വിദ്യാ​ഭ്യാ​സ​മ​ന്ത്രാ​ല​യ​ത്തി​ലെ രേഖകൾ കാണി​ക്കു​ന്നു. ആറു ലക്ഷം കുട്ടി​കൾക്കു ശരിയായ വിദ്യാ​ഭ്യാ​സം ലഭിച്ചില്ല എന്ന്‌ ഇത്‌ അർഥമാ​ക്കു​ന്നു. സ്‌കൂ​ളിൽ ചേരാൻ കഴിഞ്ഞ​വ​രിൽ 1,02,652 വിദ്യാർഥി​കൾ ആ വർഷം​തന്നെ പഠനം നിറു​ത്തി​യെന്നു പ്രെ​സെൻഷ്യ കൂട്ടി​ച്ചേർക്കു​ന്നു. (g93 6/8)

കുട്ടി​ക​ളും കുപ്പി​പ്പാ​ലും

ജപ്പാനി​ലെ 25 ശതമാ​ന​ത്തോ​ളം കുട്ടി​കൾക്ക്‌ ആഹാരം കഴിക്കു​ന്ന​തിൽ പ്രയാ​സങ്ങൾ നേരി​ടു​ന്നു. കാരണം കുപ്പി​പ്പാ​ലാ​യി​രി​ക്കാം. ചവയ്‌ക്കാൻ പ്രയാ​സ​മുള്ള ആഹാര​ത്തോ​ടുള്ള ബന്ധത്തിൽ ചില കുട്ടി​കൾക്കു പ്രയാസം നേരി​ടു​ന്നു​ണ്ടെന്ന്‌ ഇരുപതു വർഷത്തി​ലേ​റെ​യാ​യി നഴ്‌സറി സ്‌കൂൾ അധ്യാ​പകർ നിരീ​ക്ഷി​ച്ചി​രി​ക്കു​ന്ന​താ​യി അസാഹി ഈവനിംങ്ങ്‌ ന്യൂസ്‌ റിപ്പോർട്ടു ചെയ്യുന്നു. ചിലർക്ക്‌ അതു വിഴു​ങ്ങു​ന്ന​തിൽ ബുദ്ധി​മു​ട്ടുണ്ട്‌, മററു​ചി​ലർ അതു തുപ്പി​ക്ക​ള​യു​ന്നു, ഇനി വേറെ ചിലർ ഉച്ചയു​റ​ക്ക​ത്തി​നു​ശേഷം പോലും അതു തങ്ങളുടെ വായിൽ സൂക്ഷി​ക്കു​ന്നു. ഈ കുട്ടി​ക​ളു​ടെ താടി​യെ​ല്ലു​കൾ ബലഹീ​ന​വും താടികൾ ചെറു​തു​മാ​ണെന്നു ഡോക്ടർമാർ കണ്ടെത്തി​യി​രി​ക്കു​ന്നു. ദന്തഡോ​ക്ട​റായ നഹോ​ഹി​ക്കോ ഇനോ​യി​യും പൊതു​ജ​നാ​രോ​ഗ്യ വിദഗ്‌ദ്ധ​നായ റെയ്‌ക്കോ സക്കാഷ്‌ത്ത​യും ശൈശ​വ​ത്തി​ലാ​ണു കാരണം സ്ഥിതി ചെയ്യു​ന്ന​തെന്നു കണ്ടെത്തി​യ​താ​യി അവകാ​ശ​പ്പെ​ടു​ക​യും കുപ്പി​പ്പാ​ലി​നെ കുററ​പ്പെ​ടു​ത്തു​ക​യും ചെയ്യുന്നു. ശിശുക്കൾ കുപ്പി​ക​ളിൽനി​ന്നു കുടി​ക്കു​മ്പോൾ, തങ്ങളുടെ താടി​യെ​ല്ലു​കൾ ചലിപ്പി​ക്കാ​തെ വലിച്ചു​കു​ടി​ക്കുക മാത്രമേ അവർ ചെയ്യേ​ണ്ട​തു​ള്ളു എന്നു തോന്നു​ന്നു. എന്നിരു​ന്നാ​ലും, ശിശു​ക്കളെ മുലയൂ​ട്ടു​മ്പോൾ, അവർ ബലമായി തങ്ങളുടെ താടി​യെ​ല്ലു​കൾ ഉപയോ​ഗി​ക്കു​ക​യും ഭക്ഷണം ചവയ്‌ക്കാൻ പിന്നീട്‌ ആവശ്യ​മുള്ള പേശി​ക​ളെ​ത്തന്നെ ബലപ്പെ​ടു​ത്തു​ക​യും ചെയ്യുന്നു. (g93 5/22)

മഹാഗണി ഭീഷണി

ബ്രസ്സീ​ലി​ലെ ആമസോൺ വനത്തി​ലുള്ള രണ്ടരലക്ഷം വരുന്ന ഇൻഡ്യാ​ക്കാർ തങ്ങളുടെ പരമ്പരാ​ഗത ഭവനങ്ങൾ നഷ്ടപ്പെ​ടു​ന്ന​തി​ന്റെ അപകട​ത്തി​ലാണ്‌. അവിടത്തെ സർക്കാ​രി​ന്റെ ഇൻഡ്യൻ സേവന വിഭാ​ഗ​ത്തി​ന്റെ തലവൻ പറയു​ന്ന​ത​നു​സ​രിച്ച്‌, “ഏററവും വലിയ ഭീഷണി” മഹാഗണി വ്യാപാ​ര​ത്തിൽനി​ന്നു വരുന്നു. മഹാഗ​ണി​മ​ര​ങ്ങ​ളു​ടെ അനധി​കൃ​ത​മായ മുറിക്കൽ പാറാ സംസ്ഥാ​ന​ത്തി​ന്റെ തെക്കു​ഭാ​ഗ​ത്തു​കൂ​ടി നിയമ​വി​രു​ദ്ധ​മായ ഏതാണ്ട്‌ 3,000 കിലോ​മീ​ററർ റോഡു നിർമി​ക്കു​ന്ന​തിൽ കലാശി​ച്ചി​രി​ക്കു​ന്നു എന്നു ലണ്ടനിലെ ഗാർഡി​യൻ റിപ്പോർട്ടു ചെയ്യുന്നു. ഒരു മഹാഗ​ണി​വൃ​ക്ഷം മുറി​ക്കുന്ന ഓരോ പ്രാവ​ശ്യ​വും മററ്‌ 20-ഓളം വർഗത്തിൽപ്പെട്ട വൃക്ഷങ്ങൾക്കു കേടു​ണ്ടാ​കു​ന്നു. അത്യാർത്തി​പൂണ്ട വ്യാപാ​രി​കൾ വനം വെളു​പ്പി​ക്കു​മ്പോൾ, കുടി​യേ​റ​റ​ക്കാർക്കും സ്വർണം ഖനനം ചെയ്യു​ന്ന​വർക്കും അതു​പോ​ലെ​തന്നെ ആയിര​ക്ക​ണ​ക്കി​നു തടിമി​ല്ലു​കൾക്കും അവർ വഴി തുറക്കു​ന്നു. ഇപ്പോ​ഴത്തെ ഉപയോ​ഗ​നി​ര​ക്കിൽ 32 വർഷത്തെ ശേഖരം മാത്രം അവശേ​ഷി​ച്ചി​രി​ക്കു​ന്ന​തു​കൊണ്ട്‌, ഇൻഡ്യാ​ക്കാ​ര​നെ​പ്പോ​ലെ, മഹാഗ​ണി​യും ഇപ്പോൾ ഒരു അനിശ്ചിത ഭാവിയെ നേരി​ടു​ക​യാണ്‌. (g93 6/8)

വിഷജന്യ വിസർജ്യ​ങ്ങൾ കയററി അയക്കുന്നു

വിസർജ്യ​ങ്ങൾ സംസ്‌ക​രി​ക്കു​ന്ന​തി​ലെ ഉയർന്ന ചെലവു​നി​മി​ത്തം, “സമ്പന്നരാ​ഷ്‌ട്രങ്ങൾ തങ്ങളുടെ വിഷജന്യ പാഴ്‌വ​സ്‌തു​ക്കൾ ദരി​ദ്ര​രാ​ജ്യ​ങ്ങ​ളി​ലേക്കു കയററി അയക്കുന്നു” എന്ന്‌ പരിസ്ഥി​തി​യെ​യും പുതു​ക്കാൻ കഴിയുന്ന പ്രകൃതി വിഭവ​ങ്ങ​ളെ​യും സംബന്ധിച്ച ബ്രസ്സീ​ലി​യൻ ഇൻസ്‌റ​റി​റ​റ്യൂ​ട്ടി​ലെ സബാറ​റി​യാൻ പിനി​യാ​റോ പറയുന്നു. വീജ മാസി​ക​യിൽ റിപ്പോർട്ടു ചെയ്യ​പ്പെ​ട്ട​തു​പോ​ലെ, “അപകട​ക​ര​മായ ഏകദേശം ഒരു ദശലക്ഷം ടൺ പാഴ്‌വ​സ്‌തു​ക്കൾ വാർഷി​ക​മാ​യി മൂന്നാം ലോക​രാ​ജ്യ​ങ്ങ​ളി​ലേക്കു കയററി അയക്കുന്നു” എന്ന്‌ ഒരു പഠനം വെളി​പ്പെ​ടു​ത്തി. ഇറക്കു​മതി ചെയ്യ​പ്പെ​ടുന്ന വിഷജന്യ പാഴ്‌വ​സ്‌തു​ക്കൾ എന്തു ചെയ്യു​ക​യാണ്‌? അവ പുതിയ വിദ്യു​ച്ഛക്തി നിലയ​ങ്ങ​ളിൽ ഇന്ധനമാ​യി കത്തിക്കു​ന്നു​ണ്ടാ​യി​രി​ക്കാം. ബ്രസ്സീ​ലി​യൻ പരിസ്ഥി​തി ഏജൻസി​യു​ടെ ഒരു ഉപദേ​ഷ്ടാവ്‌ ഇപ്രകാ​രം പറയുന്നു: “എന്തു വില കൊടു​ത്തും തൊഴിൽ സൃഷ്ടി​ക്കേ​ണ്ടത്‌ അത്യാ​വ​ശ്യ​മാ​ണെ​ന്നുള്ള പക്ഷത്തി​നു​വേണ്ടി വികസ്വര രാഷ്‌ട്രങ്ങൾ വാദി​ക്കു​ന്നു.” എന്നിട്ടും ലോക​വ്യാ​പ​ക​മാ​യി ചോദ്യ​ങ്ങൾ ഉയർന്നു വരിക​യാണ്‌. ലണ്ടനിലെ ഫൈനാൻഷ്യൽ ടൈംസ്‌ ഇപ്രകാ​രം ചോദി​ക്കു​ന്നു: “മനുഷ്യ​ജീ​വനു കുറഞ്ഞ വില കല്‌പി​ക്കു​ന്ന​തെ​വി​ടെ​യാ​ണെ​ന്നുള്ള കണക്കു​കൂ​ട്ട​ലു​ക​ളാൽ ഫാക്ടറി​ക​ളു​ടെ സ്ഥാനം സംബന്ധിച്ച തീരു​മാ​നങ്ങൾ നിർണ​യി​ക്ക​പ്പെ​ട​ണ​മോ?” വ്യംഗ്യാ​ത്മ​ക​മാ​യി വീജ കൂട്ടി​ച്ചേർക്കു​ന്നു: “ഉത്തരം ഉവ്വ്‌ എന്നാ​ണെന്നു തോന്നു​ന്നു.” (g93 6/8)

തേൻ—ഒരു രോഗ​സം​ഹാ​രി

പ്രാചീ​ന​കാ​ലം​മു​തൽ തേനിന്റെ സൗഖ്യ​മാ​ക്കൽ ഗുണങ്ങൾ നിമിത്തം തേനീ​ച്ച​യു​ടെ തേൻ ഉപയോ​ഗി​ച്ചു​കൊ​ണ്ടാ​ണി​രു​ന്നിട്ടു​ള്ളത്‌. തേനിന്റെ സൗഖ്യ​മാ​ക്കൽ ഗുണങ്ങൾ ആധുനിക വൈദ്യ​ശാ​സ്‌ത്രം ഇപ്പോൾ വീണ്ടും കണ്ടുപി​ടി​ക്കാൻ തുടങ്ങു​ക​യാ​ണെന്നു ഫ്രെഞ്ചു മാസി​ക​യായ ലാ പ്രെസ്സ്‌ മെഡി​ക്കേൽ റിപ്പോർട്ടു ചെയ്യുന്നു. അടുത്ത​കാ​ലത്തെ ഒരു പഠനത്തിൽ, പൊള്ള​ലി​നും ശരീര​ത്തി​ലെ പലതരം മുറി​വു​കൾക്കും ശുദ്ധമായ സ്വാഭാ​വിക തേൻ ഉപയോ​ഗി​ച്ചു ഡോക്ടർമാർ പരീക്ഷണം നടത്തി. മുറി​വു​ക​ളിൽ തേൻ നേരിട്ടു പുരട്ടു​ക​യും അണുവി​മു​ക്ത​മായ ബാൻഡേ​ജു​കൊ​ണ്ടു മൂടി​ക്കെ​ട്ടു​ക​യും ചെയ്‌തു. ഈ ഡ്രസ്സിംങ്ങ്‌ ഓരോ 24 മണിക്കൂ​റി​ലും മാററി. ശുദ്ധീ​ക​രി​ക്കു​ക​യും സൗഖ്യ​മാ​ക്കു​ക​യും ചെയ്യുന്ന ഒരു ഘടക​മെ​ന്ന​നി​ല​യിൽ തേൻ വളരെ ഫലപ്ര​ദ​മാ​ണെന്നു ഫലങ്ങൾ പ്രകട​മാ​ക്കു​ന്നു. അതു സമ്പർക്ക​ത്തിൽ വരുന്ന മിക്ക അണുക്ക​ളെ​യും കൊല്ലു​ക​യും പുതിയ പേശീ​വ​ളർച്ചയെ ഉത്തേജി​പ്പി​ക്കു​ക​യും ചെയ്യുന്നു. ലാ പ്രെസ്സ്‌ മെഡി​ക്കേൽ ഇങ്ങനെ ഉപസം​ഹ​രി​ക്കു​ന്നു: “ഇതു ലളിത​വും ചെലവു കുറഞ്ഞ​തു​മാ​യി​രി​ക്കു​ന്ന​തു​കൊണ്ട്‌, തേൻ കൂടുതൽ അറിയ​പ്പെ​ടേ​ണ്ട​താണ്‌, വ്രണമു​ണ്ടാ​കാ​തി​രി​ക്കാൻ സാധാ​ര​ണ​മാ​യി ഉപയോ​ഗി​ക്കുന്ന ഉത്‌പ്പ​ന്ന​ങ്ങ​ളു​ടെ പട്ടിക​യിൽ ചേർക്കു​ക​യും വേണം.” (g93 5/22)

അലസ മസ്‌തി​ഷ്‌കം തുരു​മ്പി​ക്കു​ന്നു

ദീർഘ​കാ​ലത്തെ പ്രവർത്ത​ന​മി​ല്ലായ്‌മ മസ്‌തി​ഷ്‌ക​ത്തി​നു പ്രയോ​ജനം ചെയ്യു​ന്നു​വോ? തീർച്ച​യാ​യും ഇല്ല എന്നു ജർമനി​യി​ലെ ഡൂസ്സൽഡോർഫി​ലുള്ള മെഡിക്കൽ ട്രേഡ്‌ ഫെയറി​ലെ ബേൺട്‌ ഫിഷർ പറഞ്ഞു. സ്‌റെ​റ​യ്‌ഗർവാൾബോട്ട റിപ്പോർട്ടു ചെയ്‌ത​തു​പോ​ലെ, “കേവലം ഏതാനും മണിക്കൂർ നേരത്തെ പൂർണ​മായ ഉത്തേജ​ന​മി​ല്ലാ​യ്‌മ​യെ​ത്തു​ടർന്ന്‌ ഒരു വ്യക്തി​യു​ടെ ചിന്താ​പ്രാ​പ്‌തി ഗണ്യമാ​യി കുറഞ്ഞ​താ​യി പരീക്ഷ​ണങ്ങൾ പ്രകട​മാ​ക്കി​യി​രി​ക്കു​ന്നു” എന്ന്‌ അദ്ദേഹ​ത്തി​ന്റെ കണ്ടെത്ത​ലു​കൾ സൂചി​പ്പി​ച്ചു. തങ്ങളുടെ മാതൃ​കാ​പ​ര​മായ അവധി​ക്കാ​ലം അലസമായ നിഷ്‌ക്രി​യ​ത്വ​ത്തി​ന്റെ അവധി​ക്കാ​ലം ആക്കിയി​രു​ന്ന​വരെ അദ്ദേഹം വീണ്ടു​വി​ചാ​ര​ത്തിന്‌ ഉപദേ​ശി​ച്ചു. “നിഷ്‌ക്രി​യ​ത്വ​ത്തി​ന്റെ ദീർഘ​മായ ഒരു അവധി​ക്കാ​ല​ത്തി​നു​ശേഷം തലച്ചോ​റിന്‌, വ്യായാ​മം കിട്ടാത്ത ഒരു പേശി​യെ​പ്പോ​ലെ, മുമ്പു​ണ്ടാ​യി​രുന്ന അതിന്റെ പ്രാപ്‌തി​യു​ടെ തലത്തി​ലെ​ത്താൻ ചില സാഹച​ര്യ​ങ്ങ​ളിൽ മൂന്നു വാര​ത്തോ​ളം ആവശ്യ​മാ​യി​വന്നു” എന്നു പത്രം പറഞ്ഞു. അവധി​ക്കാ​ലത്തു തുരു​മ്പി​ച്ചു​പോ​കു​ന്ന​തിൽനി​ന്നു സ്‌പോർട്ട്‌സും കളിയും വായി​ക്കാൻ രസമുള്ള വിഷയ​ങ്ങ​ളും മസ്‌തി​ഷ്‌കത്തെ തടയു​ന്നു​വെന്നു പറയ​പ്പെട്ടു. (g93 6/8)

കടലാ​മ​ക​ളു​ടെ പ്രശ്‌നം

കടലാ​മകൾ വസിക്കു​ന്നതു വെള്ളത്തി​ലാ​ണെ​ങ്കി​ലും ഉണങ്ങിയ നിലത്താണ്‌ അവ മുട്ടയി​ടു​ന്നത്‌. ലോക​ത്തി​ലെ സമു​ദ്ര​ങ്ങ​ളിൽ ദീർഘ​ദൂ​രം ചുററി​ത്തി​രി​ഞ്ഞ​ശേഷം, മുട്ടയി​ടാ​നാ​യി കടലാ​മകൾ ചില പ്രത്യേക കടലോ​ര​ങ്ങ​ളി​ലേക്കു മടങ്ങുന്നു. തീരത്തു​നി​ന്നു​മാ​റി ഇണചേർന്ന​ശേഷം പെൺക​ട​ലാമ വെള്ളത്തി​ലൂ​ടെ തീര​ത്തേക്കു സാവധാ​നം നീങ്ങുന്നു—സാധ്യ​ത​യ​നു​സ​രിച്ച്‌, അവൾ പിറന്ന കടൽപ്പു​റ​ത്തു​തന്നെ. അതിനു​ശേഷം ശ്രദ്ധാ​പൂർവം തിര​ഞ്ഞെ​ടുത്ത ഒരു സ്ഥാനത്തു ശാന്തമാ​യി അവൾ മുട്ടയി​ടു​ന്നു. മുട്ട​യെ​ല്ലാം—സാധാ​ര​ണ​മാ​യി ആയിര​ത്തോ​ളം മുട്ടകൾ—ഇടുക​യും കഠിന പ്രയത്‌നം ചെയ്‌തു മൂടു​ക​യും ചെയ്യു​ന്ന​തു​വരെ ഇത്‌ ഏതാനും ദിവസ​ങ്ങ​ളിൽ ആവർത്തി​ച്ചു​ചെ​യ്യു​ന്നു. എന്നാൽ പിന്നീടു പ്രശ്‌നം സംജാ​ത​മാ​കു​ന്നു. മമനു​ഷ്യ​ന്റെ “കിടയററ അത്യാ​ഗ്ര​ഹ​ത്തി​ലും പരിസ്ഥി​തി​യോ​ടുള്ള കടുത്ത അവഗണന”യിലും “മുട്ടക്കൂ​ടു​ക​ളു​ടെ ചിട്ട​യോ​ടൂ​കൂ​ടിയ കാലി​യാ​ക്കൽ” എന്ന്‌ സൗത്ത്‌ ആഫ്രിക്കൻ ജേർണ​ലായ പ്രിസ്‌മ അതിനെ വിളി​ക്കു​ന്നു, അത്‌ “ആമകളു​ടെ പ്രത്യുൽപ്പാ​ദ​ന​രീ​തി​കളെ ഗൗരവ​മാ​യി തടസ്സ​പ്പെ​ടു​ത്തി​യി​രി​ക്കു​ന്നു.” ചില വർഗ്ഗങ്ങൾ ഇപ്പോൾ വംശനാ​ശം നേരി​ടു​ന്നു. (g93 5/22)

ടെലി​വി​ഷൻ മുന്നമേ സെററു​ചെ​യ്യു​ക​യോ?

“കുട്ടി​കൾക്കു ടെലി​വി​ഷൻ പരിപാ​ടി​കൾ കുറക്കു​ന്ന​താണ്‌ ഏറെ നല്ലത്‌, വിശേ​ഷി​ച്ചും അക്രമാ​സ​ക്ത​മായ ടെലി​വി​ഷൻ പരിപാ​ടി​കൾ” എന്ന്‌ ശിശു​രോ​ഗ​വി​ദ​ഗ്‌ദ്ധ​രു​ടെ അമേരി​ക്കൻ അക്കാഡമി, ദ ജേർണൽ ഓഫ്‌ ദ അമേരി​ക്കൻ മെഡിക്കൽ അസോ​സി​യേ​ഷ​നൽ പ്രസി​ദ്ധ​പ്പെ​ടു​ത്തിയ ഒരു പഠനത്തിൽ പറയുന്നു. “പതിനാ​ലു മാസം​വരെ പ്രായ​മുള്ള ശിശു​ക്കൾപോ​ലും ടെലി​വി​ഷ​നിൽ കാണുന്ന പെരു​മാ​റ​റ​ങ്ങളെ പ്രകട​മാ​യി നിരീ​ക്ഷി​ക്കു​ക​യും ഉൾക്കൊ​ള്ളു​ക​യും ചെയ്യുന്നു.” അവർ കാണു​ന്ന​തി​ല​ധി​ക​വും ഹിംസാ​ത്മ​ക​വും അക്രമ​സ്വ​ഭാ​വ​മു​ള്ള​തു​മാണ്‌. മാതാ​പി​താ​ക്ക​ളു​ടെ അധികാ​രം പുനഃ​സ്ഥാ​പി​ക്കാ​നുള്ള ഒരു ശ്രമത്തിൽ, പരിപാ​ടി​ക​ളും ചാനലു​ക​ളും സമയവും മുൻകൂ​ട്ടി സെററു ചെയ്യാൻ കഴിയ​ത്ത​ക്ക​വണ്ണം ടെലി​വി​ഷ​നിൽ ഒരു ഇലക്‌​ട്രോ​ണിക്‌ സമയ-ചാനൽ പൂട്ടിന്റെ സാങ്കേ​തി​ക​വി​ദ്യ ഉപയോ​ഗി​ക്കാൻ റിപ്പോർട്ടു നിർദേ​ശി​ക്കു​ന്നു. ഈ വിധത്തിൽ മാതാ​പി​താ​ക്കൾ വീട്ടിൽ ഇല്ലാത്ത​പ്പോൾപോ​ലും, അവർക്കു തങ്ങളുടെ കുട്ടികൾ ടെലി​വി​ഷ​നിൽ എന്തു കാണു​ന്നു​വെ​ന്ന​തി​നെ​യും എപ്പോൾ കാണു​ന്നു​വെ​ന്ന​തി​നെ​യും നിയ​ന്ത്രി​ക്കാൻ കഴിയു​ന്നു. (g93 5/22)

നിങ്ങളു​ടെ കൈകൾ കഴുകുക!

രോഗ​ത്തോ​ടു പൊരു​താൻ ആധുനിക വൈദ്യ​ശാ​സ്‌ത്ര​ത്തി​ന്റെ നേട്ടങ്ങൾ വളരെ​യ​ധി​കം സഹായി​ച്ചി​ട്ടു​ണ്ടെ​ങ്കി​ലും, പല സാം​ക്ര​മിക രോഗ​ങ്ങ​ളു​ടെ​യും വ്യാപനം തടയു​ന്ന​തിന്‌ ഇപ്പോ​ഴും ഏററവും ഫലപ്ര​ദ​മായ മാർഗ​ങ്ങ​ളി​ലൊ​ന്നു നിങ്ങളു​ടെ കൈകൾ സാധാരണ സോപ്പും വെള്ളവും ഉപയോ​ഗി​ച്ചു കഴുകു​ന്ന​താ​ണെന്നു ശാസ്‌ത്രജ്ഞർ പറയുന്നു. ഫ്രാൻസി​ലെ​യും ജർമനി​യി​ലെ​യും നെതർലൻസി​ലെ​യും സ്വിറ​റ്‌സർല​ണ്ടി​ലെ​യും ആരോ​ഗ്യ​ശീ​ല​ങ്ങളെ സംബന്ധിച്ച സമീപ​കാ​ലത്തെ ഒരു പഠനത്തിൽ, ഗവേഷകർ റെസ്‌റേ​റാ​റൻറു​ക​ളി​ലും ഓഫീ​സു​ക​ളി​ലും സ്‌കൂ​ളു​ക​ളി​ലും ഫാക്ടറി​ക​ളി​ലും ഉള്ള പൊതു​ക​ക്കൂ​സു​ക​ളിൽ അററകു​റ​റ​പ്പണി നടത്തു​ന്ന​വ​രാ​യോ ശുചീ​ക​രണം നടത്തുന്ന വ്യക്തി​ക​ളാ​യോ ഭാവിച്ചു എന്ന്‌ ഫ്രഞ്ചു പത്രമായ ലാ ഫിഗറോ റിപ്പോർട്ടു ചെയ്യുന്നു. കക്കൂസ്‌ ഉപയോ​ഗി​ച്ച​ശേഷം നാലു​പേ​രിൽ ഒരാൾ കൈകൾ കഴുകു​ന്നി​ല്ലെ​ന്നും കഴുകു​ന്ന​വ​രിൽ നാലി​ലൊ​ന്നു​പേർ സോപ്പു​പ​യോ​ഗി​ക്കു​ന്നി​ല്ലെ​ന്നും അവർ കണ്ടെത്തി. ലോക​മെ​മ്പാ​ടും രോഗ​വ്യാ​പ​ന​ത്തി​നുള്ള ഏററവും സാധാ​ര​ണ​മായ വഴിക​ളി​ലൊ​ന്നു മമനു​ഷ്യ​ന്റെ കയ്യാ​ണെന്നു തോന്നു​ന്ന​താ​യി ശാസ്‌ത്രജ്ഞർ പറയുന്നു. (g93 6/8)

ജ്യോ​തി​ശാ​സ്‌ത്ര​ജ്ഞ​രു​ടെ പ്രതീക്ഷ

യു.എസ്‌. നാഷണൽ എയ്‌റോ​നോ​ട്ടി​ക്കൽ ആൻഡ്‌ സ്‌പേസ്‌ അഡ്‌മി​നി​സ്‌​ട്രേഷൻ നടത്തുന്ന പത്തുവർഷത്തെ ഒരു പരിപാ​ടി​യിൽ ജ്യോ​തി​ശാ​സ്‌ത്രജ്ഞർ അന്യ​ഗ്ര​ഹ​ങ്ങ​ളി​ലെ ബുദ്ധി​ശ​ക്തി​യുള്ള ജീവി​ക​ളിൽനി​ന്നു വരുന്ന റേഡി​യോ പ്രക്ഷേ​പ​ണങ്ങൾ പിടി​ച്ചെ​ടു​ക്കാ​നുള്ള ഒരു ശ്രമത്തിൽ 10 കോടി ഡോളർ ചെലവ​ഴി​ക്കാൻ ആസൂ​ത്രണം ചെയ്യു​ക​യാണ്‌. ഇൻറർനാ​ഷണൽ ഹെറാൾഡ്‌ ട്രിബ്യൂൺ പറയു​ന്ന​ത​നു​സ​രിച്ച്‌, അർജൻറീ​ന​യി​ലും ആസ്‌​ട്രേ​ലി​യ​യി​ലും ഇൻഡ്യ​യി​ലും റഷ്യയി​ലും പ്യൂർട്ടോ റിക്കോ​യി​ലും ഐക്യ​നാ​ടു​ക​ളി​ലു​മുള്ള റേഡി​യോ ദൂരദർശി​നി​ക​ളി​ലെ ലക്ഷക്കണ​ക്കി​നു മൈ​ക്രോ​വേവ്‌ ചാനലു​കൾ ഒരേസ​മയം നിരീ​ക്ഷി​ക്കു​ക​യാണ്‌ അവരുടെ പദ്ധതി. ചില ശാസ്‌ത്ര​കാ​രൻമാർ ശുഭാ​പ്‌തി​പൂർവം നേര​ത്തെ​യുള്ള വിജയം മുൻകൂ​ട്ടി​പ്പ​റ​യു​ന്നു​ണ്ടെ​ങ്കി​ലും, 1960 മുതൽ നടത്തി​യി​ട്ടുള്ള 50 അന്വേ​ഷ​ണങ്ങൾ ഫലപ്ര​ദ​മാ​യി​ട്ടി​ല്ലെന്നു മററു​ള്ളവർ ചൂണ്ടി​ക്കാ​ട്ടു​ന്നു. (g93 5/22)