ബൈബിൾ ഭൂമി​ശാ​സ്‌ത്രം അതു കൃത്യ​ത​യു​ള്ള​താ​ണോ?

പാലസ്‌തീൻ ചക്രവാ​ള​ത്തിൽ സൂര്യൻ മറഞ്ഞ​തേ​യു​ള്ളു. വർഷം 1799 ആണ്‌. മാർച്ചി​ലെ ചൂടുള്ള ഒരു പകലി​നു​ശേഷം ഫ്രഞ്ച്‌ സൈന്യം തമ്പടി​ച്ചു​യർത്തി, മുഖ്യ സേനാ​പ​തി​യായ നെപ്പോ​ളി​യൻ തന്റെ കൂടാ​ര​ത്തിൽ വിശ്ര​മി​ക്കു​ക​യാണ്‌. അദ്ദേഹ​ത്തി​ന്റെ സേവക​രി​ലൊ​രാൾ മെഴു​കു​തി​രി​യു​ടെ ചഞ്ചലമായ വെളി​ച്ച​ത്തിൽ ഒരു ഫ്രഞ്ച്‌ ബൈബി​ളിൽനി​ന്നും ഉച്ചത്തിൽ വായി​ക്കു​ന്നു.

സ്‌പഷ്ട​മാ​യും ഇതു നെപ്പോ​ളി​യന്റെ പാലസ്‌തീ​നി​ലുള്ള സൈനി​ക​പ്ര​വർത്ത​ന​ങ്ങ​ളിൽ പതിവാ​യി സംഭവി​ച്ചി​ട്ടുണ്ട്‌. “ആ പുരാതന പട്ടണങ്ങ​ളു​ടെ അവശി​ഷ്ട​ങ്ങ​ളിൽ താവള​മ​ടി​ക്കു​മ്പോൾ,” അദ്ദേഹം പിന്നീടു സ്‌മര​ണ​പു​തു​ക്കി, “അവർ എല്ലാ വൈകു​ന്നേ​ര​വും തിരു​വെ​ഴു​ത്തു​കൾ ഉച്ചത്തിൽ വായിച്ചു . . . വിവര​ണ​ങ്ങ​ളു​ടെ സമാന​ത​യും സത്യാ​വ​സ്ഥ​യും ശ്രദ്ധേ​യ​മാ​യി​രു​ന്നു: അനേകം നൂററാ​ണ്ടു​കൾക്കും വ്യതി​യാ​ന​ങ്ങൾക്കും ശേഷം അവ ഇപ്പോ​ഴും ഈ രാജ്യ​ത്തി​നു യോജി​ക്കു​ന്നു.”

മധ്യപൂർവ​ദേ​ശ​ത്തേ​ക്കുള്ള യാത്രി​കർ ബൈബിൾ സംഭവ​ങ്ങളെ ഇക്കാലത്തെ സ്ഥലങ്ങളു​മാ​യി കൂട്ടി​യി​ണ​ക്കു​ന്നത്‌ എളുപ്പ​മാ​യി കണ്ടെത്തു​ന്നു. ഫ്രഞ്ച്‌ സൈന്യം ഈജി​പ്‌ററ്‌ കീഴട​ക്കു​ന്ന​തി​നു​മുമ്പ്‌ ആ പുരാ​ത​ന​ദേ​ശ​ത്തെ​പ്പ​ററി വിദേ​ശി​യർക്ക്‌ ഒരു അറിവും ഇല്ലായി​രു​ന്നു. പിന്നെ നെപ്പോ​ളി​യൻ ഈജി​പ്‌റ​റി​ലേക്കു കൊണ്ടു​വന്ന ശാസ്‌ത്ര​ജ്ഞൻമാ​രും പണ്ഡിതൻമാ​രും ഈജി​പ്‌റ​റി​ന്റെ മുൻഔ​ന്ന​ത്യ​ത്തെ​ക്കു​റി​ച്ചുള്ള വിശദാം​ശങ്ങൾ ലോക​ത്തി​നു വെളി​പ്പെ​ടു​ത്താൻ തുടങ്ങി. ഇത്‌ ഇസ്ര​യേ​ല്യർ ഒരിക്കൽ വിധേ​യ​രാ​യി​രുന്ന “കഠിന പ്രവൃത്തി” ഭാവന​യിൽ ദർശി​ക്കു​ന്നത്‌ എളുപ്പ​മാ​ക്കി​ത്തീർത്തി​രി​ക്കു​ന്നു.—പുറപ്പാ​ടു 1:13, 14.

ഈജി​പ്‌റ​റിൽനി​ന്നും മോച​നം​കി​ട്ടിയ അതേ രാത്രി​യിൽ ഇസ്ര​യേ​ല്യർ റമസേ​സിൽ സമ്മേളി​ക്കു​ക​യും അവി​ടെ​നിന്ന്‌ “മരുഭൂ​മി​ക്ക​രി​കെ”ലേക്കു യാത്ര​പു​റ​പ്പെ​ടു​ക​യും ചെയ്‌തു. (പുറപ്പാ​ടു 12:37; 13:20) ഈ സന്ദർഭ​ത്തിൽ ദൈവം അവരോട്‌ “തിരിഞ്ഞു” “സമു​ദ്ര​ത്തി​ന​രി​കെ . . . പാളയ​മി​റങ്ങേ”ണ്ടതിനു കല്‌പി​ച്ചു. ഈ അസാധാ​രണ നീക്കത്തെ “ഉഴലുന്ന”തായി വ്യാഖ്യാ​നി​ക്ക​പ്പെട്ടു, ഈജി​പ്‌റ​റ്‌രാ​ജാവ്‌ സൈന്യ​വും 600 രഥങ്ങളു​മാ​യി തന്റെ പഴയ അടിമ​കളെ തിരി​കെ​പ്പി​ടി​ച്ച​ട​ക്കു​ന്ന​തി​നാ​യി പുറ​പ്പെ​ടു​ക​യും ചെയ്‌തു.—പുറപ്പാ​ടു 14:1-9.

പുറപ്പാട്‌

പൊ.യു. (പൊതു​യു​ഗം) ഒന്നാം നൂററാ​ണ്ടി​ലെ ചരി​ത്ര​കാ​ര​നാ​യി​രുന്ന ജോസീ​ഫസ്‌ പറയു​ന്ന​പ്ര​കാ​രം ഈജി​പ്‌ഷ്യൻ സൈന്യം ഇസ്ര​യേ​ല്യ​രെ “ഇടുങ്ങിയ ഒരിട​ത്തേക്ക്‌” ഓടി​ക്കു​ക​യും “അടുത്തു​കൂ​ടാത്ത കുത്ത​നെ​യുള്ള മലകൾക്കും കടലി​നും ഇടയ്‌ക്ക്‌” അവരെ കുടു​ക്കു​ക​യും ചെയ്‌തു. ചെങ്കട​ലി​ന്റെ ഏതു ഭാഗത്തു​കൂ​ടെ​യാണ്‌ ഇസ്ര​യേ​ല്യർ മറുകര കടന്ന​തെന്ന്‌ ഇന്നു സുനി​ശ്ച​യ​മാ​യി പറയാൻ കഴിയു​ക​യില്ല. എന്നിരു​ന്നാ​ലും ചെങ്കട​ലി​ന്റെ വടക്കേ അററത്തെ നോക്കി​നിൽക്കുന്ന ഒരു പർവത​നി​ര​യു​ടെ മുകളിൽനിന്ന്‌ ഈ സംഭവം ഭാവന​യിൽ ദർശി​ക്കുക എളുപ്പ​മാണ്‌. രസകര​മാ​യി, ഈ മല “വിടു​ത​ലി​ന്റെ മല” എന്നർഥ​മുള്ള ജെബൽ അററാക്കാ എന്നപേ​രി​ലാണ്‌ അറിയ​പ്പെ​ടു​ന്നത്‌. ഈ പർവത​നി​ര​യ്‌ക്കും ചെങ്കട​ലി​നും മധ്യേ ഒരു ചെറിയ സമതല​മുണ്ട്‌, അത്‌ അടിവാ​രം കടലി​ലേക്ക്‌ ഉന്തിനിൽക്കുന്ന സ്ഥാനം​വരെ ഇടുങ്ങി​യ​താ​യി​ത്തീ​രു​ന്നു. ചെങ്കട​ലി​ന്റെ മറുക​ര​യിൽ “മോശ​യു​ടെ കിണറു​കൾ” എന്നർഥ​മുള്ള ‘അയുൻ മൂശ’ എന്നു പേരുള്ള ധാരാളം നീരു​റ​വ​ക​ളോ​ടു​കൂ​ടിയ ഒരു മരുപ്പ​ച്ച​യാണ്‌. ഈ രണ്ടു സ്ഥാനങ്ങൾക്കും മധ്യേ​യുള്ള കടൽത്തട്ടു സാവധാ​നം ചരിഞ്ഞി​റ​ങ്ങു​ന്നു, എന്നാൽ മററു​ഭാ​ഗ​ങ്ങ​ളിൽ അത്‌ 9 മീററർമു​തൽ 18 മീററർവരെ കിഴു​ക്കാ​ന്തൂ​ക്കാ​യി ഇറങ്ങുന്നു.

ദൈവം ചെങ്കട​ലി​ലെ വെള്ളം വിഭാ​ഗി​ച്ചു​കൊണ്ട്‌ ഇസ്രയേൽ ജനതക്ക്‌ ഉണങ്ങിയ നിലത്തു​കൂ​ടെ രക്ഷപെ​ടാൻ സാധ്യ​മാ​ക്കി​ത്തീർത്ത അത്ഭുതത്തെ അവമാ​നി​ക്കാൻ ക്രൈ​സ്‌ത​വ​ലോ​ക​ത്തി​ലെ ഭക്തിഹീ​ന​രായ വേദശാ​സ്‌ത്രി​കൾ പരി​ശ്ര​മി​ച്ചി​ട്ടുണ്ട്‌. ചെങ്കട​ലി​നു വടക്കുള്ള ആഴംകു​റഞ്ഞ ചെളി​പ്ര​ദേ​ശ​ത്തോ ചതുപ്പു​നി​ല​ത്തോ നടന്നതാ​യി അവർ ആ സംഭവ​ത്തി​ന്റെ സ്ഥാനം മാററി നിർണ​യി​ക്കു​ന്നു. പക്ഷേ, ചെങ്കട​ലിൽ ഫറവോ​നെ​യും അവന്റെ മുഴു സൈന്യ​ത്തെ​യും മുക്കി​ക്ക​ള​യാൻ, അതേ, അവരെ മൂടി​ക്ക​ള​യാൻ മതിയായ വെള്ളമു​ള്ളി​ട​ത്തു​കൂ​ടെ​യാ​ണു മറുകര കടന്നത്‌ എന്ന്‌ ആവർത്തി​ച്ചു പറയുന്ന ബൈബിൾ രേഖ​യോട്‌ അത്‌ ഒത്തു​പോ​കു​ന്നില്ല.—പുറപ്പാ​ടു 14:26-31; സങ്കീർത്തനം 136:13-15; എബ്രായർ 11:29.

സീനായി മരുഭൂ​മി

സീനായി പെനിൻസു​ല​യിൽ കാണുന്ന രൂക്ഷമായ അവസ്ഥകൾ ഇസ്രയേൽ ജനതയു​ടെ അലച്ചി​ലി​നെ​പ്പ​റ​റി​യുള്ള ബൈബിൾ രേഖക​ളിൽ സ്‌പഷ്ട​മാ​യി ചിത്രീ​ക​രി​ച്ചി​ട്ടുണ്ട്‌. (ആവർത്തനം 8:15) അതു​കൊണ്ട്‌, സീനായി മലയുടെ അടിവാ​ര​ത്തിൽ ഒരു മുഴു ജനതക്കും ദൈവ​ക​ല്‌പന സ്വീക​രി​ക്കാൻ സമ്മേളി​ക്കു​ന്ന​തി​നും അതിനു​ശേഷം “ദൂരത്തു”മാറി​നിൽക്കു​ന്ന​തി​നും കഴിയു​മാ​യി​രു​ന്നോ? (പുറപ്പാ​ടു 19:1, 2; 20:18) അങ്ങനെ​യൊ​രു സ്ഥാനച​ലനം അനുവ​ദി​ക്കാൻ തക്കവണ്ണം എണ്ണത്തിൽ 30 ലക്ഷം എന്നു കണക്കാ​ക്കി​യി​ട്ടുള്ള ഒരു പുരു​ഷാ​ര​ത്തി​നു വേണ്ടത്ര സ്ഥലം അവിടെ ഉണ്ടായി​രു​ന്നോ?

പത്തൊ​മ്പ​താം നൂററാ​ണ്ടി​ലെ ഒരെഴു​ത്തു​കാ​ര​നും ബൈബിൾ പണ്ഡിത​നു​മായ ആർതർ സ്‌ററാൻലി സീനായി മലയുടെ പരിസരം സന്ദർശി​ക്കു​ക​യും താനും തന്റെ കൂട്ടാ​ളി​ക​ളും റാസ്‌ സഫ്‌സാഫ കയറി​യ​പ്പോൾ അഭിമു​ഖീ​ക​രിച്ച കാഴ്‌ച​യെ​പ്പ​ററി വിവരി​ക്കു​ക​യും ചെയ്‌തു: “അതു കാണു​ക​യും വിവരി​ക്കു​ക​യും ചെയ്‌തി​ട്ടുള്ള ഓരോ​രു​ത്ത​രി​ലും ഉണ്ടായ​പോ​ലെ ഞങ്ങളിൽ ഉണ്ടായ പ്രഭാ​വ​വും തത്‌ക്ഷ​ണ​മാ​യി​രു​ന്നു . . . കിഴു​ക്കാം​തൂ​ക്കായ മലയുടെ അടിവാ​ര​ത്തി​ലേക്കു വ്യാപി​ച്ചു​കി​ട​ക്കുന്ന അതിവി​സ്‌തൃ​ത​മായ മഞ്ഞ സമതലം അതാ കിടക്കു​ന്നു . . . ഈ പ്രദേ​ശത്തു സമതല​ത്തി​ന്റെ​യും മലയു​ടെ​യും അത്തരം സമുച്ച​യ​ങ്ങ​ളു​ടെ മിക്കവാ​റും തീർത്തുള്ള അഭാവം പരിഗ​ണി​ക്കു​മ്പോൾ, അപ്രകാ​ര​മുള്ള ഒരു സമുച്ചയം, അതും പരമ്പരാ​ഗ​ത​മായ സീനാ​യി​യു​ടെ സമീപ​പ്ര​ദേ​ശത്തു കാണാൻ കഴിയു​മെ​ന്നു​ള്ളതു വർണന​യു​ടെ സത്യത​യ്‌ക്ക്‌ ഒരു പ്രധാ​ന​മായ തെളി​വാണ്‌.”

വാഗ്‌ദ​ത്ത​ദേ​ശം

ഇസ്രയേൽ ജനതയു​ടെ മരുഭൂ​മി​യി​ലൂ​ടെ​യുള്ള അലച്ചി​ലി​ന്റെ 40-ാം വർഷം, അവർ ഉടനെ പ്രവേ​ശി​ക്കാൻ പോകുന്ന ദേശത്തി​ന്റെ സവി​ശേ​ഷ​ത​ക​ളെ​പ്പ​ററി മോശ ഈ വിവരണം നൽകി: “നിന്റെ ദൈവ​മായ യഹോവ നല്ലോരു ദേശ​ത്തേ​ക്ക​ല്ലോ നിന്നെ കൊണ്ടു​പോ​കു​ന്നതു; അതു താഴ്‌വ​ര​യിൽനി​ന്നും മലയിൽനി​ന്നും പുറ​പ്പെ​ടുന്ന നീരൊ​ഴു​ക്കു​ക​ളും ഉറവു​ക​ളും തടാക​ങ്ങ​ളും ഉള്ള ദേശം.”—ആവർത്തനം 8:7.

ഏബാൽപർവ​ത​ത്തി​ന്റെ​യും ഗെരി​സീം​പർവ​ത​ത്തി​ന്റെ​യും ഇടയ്‌ക്കു ജലസമൃ​ദ്ധി​യുള്ള ശെഖേം​താ​ഴ്‌വ​ര​യിൽ മുഴു​ജ​ന​ത​യും—പുരു​ഷൻമാ​രും സ്‌ത്രീ​ക​ളും കുട്ടി​ക​ളും പരദേ​ശി​ക​ളും—സമ്മേളി​ച്ച​പ്പോൾ ഈ വാഗ്‌ദ​ത്ത​ത്തി​ന്റെ കൃത്യത പെട്ടെ​ന്നു​തന്നെ അനുഭ​വി​ച്ച​റി​ഞ്ഞു. ആറ്‌ ഗോ​ത്രങ്ങൾ ഗെരി​സീം​പർവ​ത​ത്തി​ന്റെ അടിവാ​ര​ത്തിൽ നിന്നു. മറേറ ആറ്‌ ഗോ​ത്രങ്ങൾ, യഹോ​വ​യു​ടെ ന്യായ​പ്ര​മാ​ണം അനുസ​രി​ച്ചാൽ ആ ജനത അനുഭ​വി​ക്കാൻ പോകുന്ന ദിവ്യാ​നു​ഗ്ര​ഹ​ങ്ങ​ളെ​പ്പ​റ​റി​യും യഹോ​വ​യു​ടെ ന്യായ​പ്ര​മാ​ണം പാലി​ക്കു​ന്ന​തിൽ പരാജ​യ​പ്പെ​ട്ടാൽ അവരു​ടെ​മേൽ വരാവുന്ന ശാപ​ത്തെ​പ്പ​റ​റി​യും കേൾക്കു​ന്ന​തി​നു​വേണ്ടി മറുവ​ശത്ത്‌, ഏബാൽപർവ​ത​ത്തി​ന്റെ താഴ്‌വാ​രത്തു സമ്മേളി​ച്ചു. (യോശുവ 8:33-35) എന്നാൽ ഈ ഇടുങ്ങിയ താഴ്‌വ​ര​യിൽ ജനതയ്‌ക്ക്‌ ഒതുങ്ങു​വാൻ ആവശ്യ​മായ ഇടം ഉണ്ടായി​രു​ന്നോ? ആധുനിക ഉച്ചഭാ​ഷി​ണി ഉപകര​ണം​കൂ​ടാ​തെ എങ്ങനെ എല്ലാവർക്കും കേൾക്കാൻ കഴിഞ്ഞു?

യഹോ​വ​യാം ദൈവ​ത്തി​നു ലേവ്യ​രു​ടെ ശബ്ദം അത്ഭുത​ക​ര​മാ​യി ഉച്ചത്തി​ലാ​ക്കു​ന്ന​തി​നു കഴിയു​മാ​യി​രു​ന്നു. എന്നിരു​ന്നാ​ലും അപ്രകാ​ര​മൊ​രു അത്ഭുതം ആവശ്യ​മാ​യി​രു​ന്നെന്നു തോന്നു​ന്നില്ല. ഈ താഴ്‌വ​ര​യി​ലെ ധ്വനി​ക​പ്ര​ഭാ​വം വളരെ ശ്രേഷ്‌ഠ​മാണ്‌. “എല്ലാ യാത്ര​ക്കാ​രും” രണ്ടുകാ​ര്യം സമ്മതി​ക്കു​ന്നു: 1. താഴ്‌വ​ര​യിൽ പറയു​ന്ന​തെ​ന്തും വ്യക്തമാ​യി ഏബാലി​ലും ഗെരി​സീ​മി​ലും നിന്നു കേൾക്കു​ന്ന​തിന്‌ ഒട്ടും പ്രയാ​സ​മു​ണ്ടാ​യി​രു​ന്നില്ല. 2. എല്ലാ ഇസ്ര​യേ​ല്യർക്കും നിൽക്കാൻ പര്യാ​പ്‌ത​മായ സ്ഥലം ഈ രണ്ടു പർവതങ്ങൾ പ്രദാനം ചെയ്‌തു” എന്ന്‌ 19-ാം നൂററാ​ണ്ടി​ലെ ബൈബിൾ പണ്ഡിത​നായ ആൽഫ്രഡ്‌ എഡേർഷിം എഴുതി.

ദേശവും ഗ്രന്ഥവും (The Land and the Book) എന്ന തന്റെ പുസ്‌ത​ക​ത്തിൽ, 19-ാം നൂററാ​ണ്ടി​ലെ മറെറാ​രു ബൈബിൾ പണ്ഡിത​നായ വില്യം തോംസൺ, തന്റെ അനുഭവം വിവരി​ക്കു​ന്നു: “മാറെ​റാ​ലി കേൾക്കു​ന്ന​തി​നാ​യി ഞാൻ ഉച്ചത്തിൽ കൂകി എന്നിട്ട്‌, ‘യഹോ​വ​യ്‌ക്കു വെറു​പ്പായ വല്ല വിഗ്ര​ഹ​ത്തെ​യും കൊത്തി​യു​ണ്ടാ​ക്കു​ന്നവൻ ശപിക്ക​പ്പെ​ട്ടവൻ,’ എന്ന്‌ ഉയർന്ന ശബ്ദത്തിൽ ലേവ്യർ ഉദ്‌ഘോ​ഷി​ച്ച​പ്പോൾ അതെങ്ങനെ ആയിരു​ന്നി​രി​ക്കു​മെന്നു സങ്കല്‌പി​ച്ചു . . . അതിനു​ശേഷം ഭയങ്കര​മായ ആമേൻ! പത്തിരട്ടി ഉച്ചത്തിൽ, ശക്തമായ സഭയിൽനി​ന്നു​യ​രു​ക​യും ശബ്ദം വർധി​ക്കു​ക​യും ഏബാലിൽനി​ന്നു ഗെരി​സീ​മി​ലേ​ക്കും തിരിച്ച്‌ ഗെരി​സീ​മിൽനിന്ന്‌ ഏബാലി​ലേ​ക്കും മാറെ​റാ​ലി കൊള്ളു​ക​യും ചെയ്യുന്നു.”—ആവർത്തനം 27:11-15 താരത​മ്യം ചെയ്യുക.

യെസ്രേൽ താഴ്‌വര

ശെഖേ​മി​നു വടക്കായി സമു​ദ്ര​നി​ര​പ്പി​നു​താ​ഴെ​നിന്ന്‌ ഉദ്‌ഗ​മി​ച്ചു വിശാ​ല​മായ ഒരു സമതല​മാ​യി വ്യാപി​ച്ചി​ട്ടുള്ള ഫലഭൂ​യി​ഷ്ട​മായ മറെറാ​രു താഴ്‌വ​ര​കി​ട​ക്കു​ന്നു. യെസ്രേൽ നഗരത്തി​ന്റെ പേരി​ല​റി​യ​പ്പെ​ടുന്ന ഈ മുഴു​പ്ര​ദേ​ശ​ത്തെ​യും യെസ്രേൽ താഴ്‌വര എന്ന്‌ വിളി​ക്കു​ന്നു. ഈ താഴ്‌വ​ര​യു​ടെ വടക്കാ​യി​ട്ടാ​ണു ഗലീലാ​ക്കു​ന്നു​കൾ സ്ഥിതി​ചെ​യ്യു​ന്നത്‌, അവി​ടെ​യാ​ണു യേശു​വി​ന്റെ വീടു​സ്ഥി​തി​ചെ​യ്‌തി​രുന്ന പട്ടണമായ നസറെത്ത്‌. “നസറെത്ത്‌ മലകൾക്കി​ട​യ്‌ക്കുള്ള താഴ്‌വ​ര​യിൽ സ്ഥിതി​ചെ​യ്യു​ന്നു; എന്നാൽ ഈ താഴ്‌വ​ര​യു​ടെ ഓര​ത്തേക്കു കയറുന്ന ആ നിമിഷം, . . . എന്തൊരു ദൃശ്യ​മാ​ണു നിങ്ങൾക്കു​ണ്ടാ​കുക! [യെസ്രേൽ താഴ്‌വര] അതിന്റെ . . . യുദ്ധക്ക​ള​ങ്ങ​ളോ​ടു​കൂ​ടെ നിങ്ങൾക്കു മുമ്പായി കിടക്കു​ന്നു . . . അതു പഴയനി​യമ ചരി​ത്ര​ത്തി​ന്റെ ഒരു ഭൂപട​മാണ്‌” എന്ന്‌ ജോർജ്‌ സ്‌മിത്ത്‌ വിശു​ദ്ധ​ദേ​ശ​ത്തി​ന്റെ ചരി​ത്ര​പ്ര​സി​ദ്ധ​മായ ഭൂമി​ശാ​സ്‌ത്രം (Historical Geography of the Holy Land) എന്ന തന്റെ ഗ്രന്ഥത്തിൽ വിശദീ​ക​രി​ക്കു​ന്നു.

യോശു​വ​യു​ടെ കാലത്ത്‌ ഇസ്രയേൽ പിടി​ച്ച​ട​ക്കിയ താനാക്ക്‌, മെഗി​ദ്ദോ, ജോക്ക്‌നിയ, സാധ്യ​ത​യ​നു​സ​രി​ച്ചു കാദേശ്‌ എന്നീ നഗരരാ​ജ്യ​ങ്ങ​ളു​ടെ അവശി​ഷ്ടങ്ങൾ ഈ താഴ്‌വ​ര​യിൽനി​ന്നു പുരാ​വ​സ്‌തു ശാസ്‌ത്ര​ജ്ഞൻമാർ കുഴി​ച്ചെ​ടു​ത്തി​ട്ടുണ്ട്‌. (യോശുവ 12:7, 21, 22) ഇതേ പ്രദേ​ശ​ത്തു​വച്ചു ന്യായാ​ധി​പൻമാ​രായ ബാരാ​ക്കി​ന്റെ​യും ഗിദെ​യോ​ന്റെ​യും കാലത്തു യഹോവ തന്റെ ജനത്തെ അതിശ​ക്ത​രായ ശത്രു​രാ​ജ്യ​ങ്ങ​ളിൽനി​ന്നും അത്ഭുത​ക​ര​മാ​യി രക്ഷിച്ചു.—ന്യായാ​ധി​പൻമാർ 5:1, 19-21; 6:33; 7:22.

നൂററാ​ണ്ടു​കൾക്കു​ശേഷം, രാജാ​വായ യേഹു, ഈസ​ബേ​ലി​ന്റെ​യും വിശ്വാ​സ​ത്യാ​ഗി​യായ ആഹാബ്‌ കുടും​ബ​ത്തി​ന്റെ​യും മേൽ യഹോ​വ​യു​ടെ ന്യായ​വി​ധി നടപ്പാ​ക്കാൻ താഴ്‌വ​ര​യി​ലൂ​ടെ യെസ്രേൽ നഗരത്തി​ലേക്കു സവാരി​ചെ​യ്‌തു. യെ​സ്രേ​ലി​ലെ കാവൽഗോ​പു​ര​ത്തിൽനി​ന്നും യേഹു​വി​ന്റെ സൈന്യം 19 കിലോ​മീ​ററർ ദൂരത്താ​യി സമീപി​ക്കു​ന്നതു കാണാൻ എളുപ്പ​മാ​യി​രു​ന്നി​രി​ക്കണം. അതു​കൊ​ണ്ടു യോരാം രാജാ​വിന്‌, ആദ്യം ഒരു സന്ദേശ​വാ​ഹ​ക​നെ​യും രണ്ടാമതു മറെറാ​രു സന്ദേശ​വാ​ഹ​ക​നെ​യും കുതി​ര​പ്പു​റത്ത്‌ അയക്കു​ന്ന​തി​നും, അവസാനം യോരാം രാജാ​വി​നും യഹൂദാ രാജാ​വായ അഹസ്യാ​വി​നും കിഴക്കു​ഭാ​ഗ​ത്തേക്കു നോക്കി​യാൽ യേഹൂ പട്ടണത്തി​ലേക്കു പ്രവേ​ശി​ക്കു​ന്ന​തി​നു​മുമ്പ്‌ അദ്ദേഹത്തെ കാണാ​നാ​യി രഥം പൂട്ടി ഇറങ്ങു​ന്ന​തി​നും ധാരാളം സമയം ഉണ്ടായി​രു​ന്നി​രി​ക്കണം. യേഹു ഉടനടി യോരാ​മി​നെ വധിച്ചു. അഹസ്യാ​വു ഓടി​പ്പോ​യെ​ങ്കി​ലും പിന്നീട്‌ വെട്ടേൽക്കു​ക​യും മെഗി​ദ്ദോ​യിൽവെച്ച്‌ അവൻ മരിക്കു​ക​യും ചെയ്‌തു (2 രാജാ​ക്കൻമാർ 9:16-27) മുകളിൽ പറഞ്ഞി​രി​ക്കു​ന്ന​തരം യുദ്ധക്ക​ള​ങ്ങ​ളെ​പ്പ​ററി ജോർജ്‌ സ്‌മിത്ത്‌ എഴുതു​ന്നു: “വിവര​ണ​ങ്ങ​ളി​ലൊ​ന്നും . . . ഏതെങ്കി​ലും രീതി​യി​ലുള്ള ഭൂമി​ശാ​സ്‌ത്ര​പ​ര​മായ അസാധ്യ​ത​യി​ല്ലെ​ന്നു​ള്ളതു ശ്രദ്ധേ​യ​മാണ്‌.”

യേശു യെസ്രേൽ താഴ്‌വ​ര​യി​ലേക്കു മിക്ക​പ്പോ​ഴും നോക്കി, അവിടെ നടന്ന കോൾമ​യിർക്കൊ​ള്ളി​ക്കുന്ന വിജയ​ങ്ങ​ളെ​പ്പ​ററി ധ്യാനി​ച്ചി​ട്ടുണ്ട്‌ എന്നതിൽ സംശയ​മില്ല, യഹോ​വ​യു​ടെ പരമാ​ധി​കാ​രത്തെ സംസ്ഥാ​പി​ക്കു​ന്ന​തി​നാ​യി വലിയ യോശു​വ​യു​ടെ​യും വലിയ ബാരാ​ക്കി​ന്റെ​യും വലിയ ഗിദെ​യോ​ന്റെ​യും വലിയ യേഹു​വി​ന്റെ​യും ഭാഗം പൂർത്തീ​ക​രി​ക്കു​ന്ന​തി​നുള്ള വാഗ്‌ദത്ത മിശിഹ ആയി താൻ നിയോ​ഗി​ക്ക​പ്പെ​ട്ടി​രി​ക്കു​ന്നു എന്ന്‌ അറിഞ്ഞു​കൊ​ണ്ടു​തന്നെ. ഈ താഴ്‌വ​ര​യി​ലെ ഏററവും സമരത​ന്ത്ര​പ്ര​ധാന നഗരമായ മെഗി​ദ്ദോ​യെ ദൈവ​ത്തി​ന്റെ യുദ്ധമായ ഹർമ്മ​ഗെ​ദ്ദോൻ (അർഥം “മെഗി​ദ്ദോ​പർവതം”) നടക്കുന്ന സ്ഥലത്തിന്റെ പ്രതീ​ക​മാ​യി ബൈബിൾ ഉപയോ​ഗി​ച്ചി​രി​ക്കു​ന്നു. അത്‌, യേശു രാജാ​ധി​രാ​ജാ​വാ​യി ദൈവ​ത്തി​ന്റെ​യും അവിടു​ത്തെ വിശ്വ​സ്‌ത​ജ​ന​മായ ക്രിസ്‌തീ​യ​സ​ഭ​യു​ടെ​യും എല്ലാ ശത്രു​ക്ക​ളെ​യും നശിപ്പി​ക്കുന്ന ഭൂവ്യാ​പ​ക​മായ യുദ്ധമാ​യി​രി​ക്കും.—വെളി​പ്പാ​ടു 16:16; 17:14.

ഒരിക്കൽ യേശു​വി​നെ “അവരുടെ പട്ടണം പണിതി​രുന്ന മലയുടെ വക്കോളം കൊണ്ടു​പോ​യി തലകീ​ഴാ​യി തള്ളിയി​ട്ടു” കൊല്ലു​ന്ന​തി​നു​വേണ്ടി പരി​ശ്ര​മിച്ച നസറെ​ത്തി​ലെ കോപി​ഷ്‌ഠ​രായ യഹൂദൻമാ​രെ​പ്പ​ററി ബൈബിൾ വിവരി​ക്കു​ന്നു. (ലൂക്കൊസ്‌ 4:29) രസകര​മെന്നു പറയട്ടെ, ഈ സംഭവം നടന്നി​രി​ക്കാ​വുന്ന സ്ഥലമായ ആധുനിക നസറെത്ത്‌ നഗരത്തി​ന്റെ തെക്കു​പ​ടി​ഞ്ഞാ​റു​ഭാ​ഗം 12 മീററർ കിഴു​ക്കാം​തൂ​ക്കായ പാറയാണ്‌. യേശു തന്റെ ശത്രു​ക്ക​ളിൽനി​ന്നും രക്ഷപെട്ടു “കഫർന്ന​ഹൂ​മിൽ ചെന്നു” എന്ന്‌ ബൈബിൾ കൂട്ടി​ച്ചേർക്കു​ന്നു. (ലൂക്കൊസ്‌ 4:30, 31) വാസ്‌ത​വ​മാ​യും ഗലീല കടലോ​ര​ത്തുള്ള കഫർന്ന​ഹൂം വളരെ താഴ്‌ന്ന​നി​ര​പ്പി​ലാ​ണു സ്ഥിതി​ചെ​യ്യു​ന്നത്‌.

ഇവയും മററ​നേകം വിശദാം​ശ​ങ്ങ​ളും നെപ്പോ​ളി​യ​നെ​ക്കൂ​ടാ​തെ മററു​ള്ള​വ​രും ബൈബിൾ ഭൂമി​ശാ​സ്‌ത്ര​ത്തി​ന്റെ കൃത്യ​ത​യിൽ വിസ്‌മയം പ്രകടി​പ്പി​ക്കാൻ ഇടയാ​ക്കി​യി​ട്ടുണ്ട്‌. “സ്ഥലവി​വ​ര​ണ​ത്തിൽ [ബൈബി​ളി​ന്റെ] പരാമർശ​നങ്ങൾ നിരവ​ധി​യും മുഴു​വ​നും തൃപ്‌തി​ക​ര​വും ആണ്‌” എന്നു ദേശവും ഗ്രന്ഥവും എന്ന പുസ്‌ത​ക​ത്തിൽ തോംസൺ എഴുതി. “പഴയനി​യ​മ​ത്തി​ലെ​യും പുതി​യ​നി​യ​മ​ത്തി​ലെ​യും സ്വാഭാ​വിക ഭൂമി​ശാ​സ്‌ത്ര​വും രേഖ​പ്പെ​ടു​ത്ത​പ്പെട്ട ചരി​ത്ര​വും തമ്മിലുള്ള സുസ്ഥി​ര​മായ പൊരു​ത്ത​ത്തിൽ മതിപ്പു​ള​വാ​കാ​തി​രി​ക്കുക അസാധ്യ​മാണ്‌,” എന്നു സ്‌ററാൻലി സീനാ​യി​യും പാലസ്‌തീ​നും (Sinai and Palestine) എന്ന ഗ്രന്ഥത്തിൽ പ്രസ്‌താ​വി​ച്ചു.

ഭൂമി​ശാ​സ്‌ത്ര​പ​ര​മായ കാര്യങ്ങൾ സംബന്ധി​ച്ചുള്ള ബൈബി​ളി​ന്റെ വിസ്‌മ​യാ​വ​ഹ​മായ കൃത്യത അതു വെറും മനുഷ്യ ഉറവിൽനി​ന്നും ഉളവായ ഒരു ഗ്രന്ഥമല്ല എന്നുള്ള​തിന്‌ ഒരു തെളിവു മാത്ര​മാണ്‌. വീക്ഷാ​ഗോ​പു​ര​ത്തി​ന്റെ കഴിഞ്ഞ മൂന്നു ലക്കങ്ങളിൽ ബൈബി​ളി​നോ​ടു ബന്ധപ്പെട്ട ലേഖനങ്ങൾ അടങ്ങി​യി​രു​ന്നു. ഈ ലേഖന പരമ്പര​യി​ലെ മററു മൂന്നു ഭാഗങ്ങ​ളും​കൂ​ടെ കരസ്ഥമാ​ക്കി വായി​ച്ചാ​സ്വ​ദി​ക്കാൻ ഞങ്ങൾ നിങ്ങളെ ക്ഷണിക്കു​ന്നു.

[7-ാം പേജിലെ ഭൂപടം]

[പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക]

യെസ്രേൽ താഴ്‌വര

യെസ്രേൽ

നസറെത്ത്‌

താനാക്ക്‌

മെഗിദ്ദോ

ജോക്ക്‌നിയ

കാദേശ്‌

വ

ഗലീല കടൽ

മഹാ സമുദ്രം

മൈലുകൾ

കിലോമീറററുകൾ

5

10

10

20

[കടപ്പാട്‌]

Based on a map copyrighted by Pictorial Archive (Near Eastern History) Est. and Survey of Israel.

[5-ാം പേജിലെ ചിത്രം]

ഇസ്രയേല്യർക്കു ന്യായ​പ്ര​മാ​ണം സീനാ​യി​മ​ല​യിൽ വച്ചു ലഭിച്ചു

[കടപ്പാട്‌]

Pictorial Archive (Near Eastern History) Est.