സുവാർത്ത​യി​ലേ​ക്കുള്ള കണ്ണുതു​റ​ക്കൽ

“കുരുടൻ കാണു​ന്നി​ല്ലെ​ന്നു​വെച്ച്‌ ആകാശ​ത്തി​ന്റെ നീലനി​റം കുറയു​ന്നില്ല” എന്ന്‌ ഒരു ഡാനിഷ്‌ പഴഞ്ചൊ​ല്ലുണ്ട്‌. പക്ഷേ, ഇന്നത്തെ നമ്മുടെ തിരക്കു​പി​ടിച്ച ജീവി​ത​ത്തിൽ ആകാശ​ത്തി​നു വാസ്‌ത​വ​ത്തി​ലുള്ള നീലനി​റം നാം കാണു​ന്നു​ണ്ടോ? നാം ഭാവിയെ ആത്മവി​ശ്വാ​സ​ത്തോ​ടെ വീക്ഷി​ക്കു​ന്നു​ണ്ടോ? ദൈവ​വ​ച​ന​മായ ബൈബിൾ അവതരി​പ്പി​ക്കുന്ന സുവാർത്ത നാം വാസ്‌ത​വ​ത്തിൽ വിശ്വ​സി​ക്കു​ന്നു​ണ്ടോ?

മുൻലേ​ഖ​ന​ത്തിൽ, അക്ഷരീ​യ​മായ അന്ധത​യെ​ക്കു​റി​ച്ചു നാം പരിചി​ന്തി​ക്കു​ക​യു​ണ്ടാ​യി. എന്നാൽ അതി​നെ​ക്കാൾ വളരെ​യേറെ പ്രാധാ​ന്യ​മുള്ള മറെറാ​രു​തരം കാഴ്‌ച​യുണ്ട്‌. നമുക്കി​പ്പോൾ അതി​നെ​ക്കു​റി​ച്ചു ചിന്തി​ക്കാം. എന്നെ​ന്നേ​ക്കു​മുള്ള നമ്മുടെ സന്തുഷ്ടി​യും നമ്മുടെ പ്രിയ​പ്പെ​ട്ട​വ​രു​ടെ ഭാവി​യും ഇതി​നെ​യാണ്‌ ആശ്രയി​ച്ചി​രി​ക്കു​ന്നത്‌.

നിസ്സം​ശ​യ​മാ​യും, നാം അഭിമു​ഖീ​ക​രി​ക്കു​ന്നത്‌ “ദുർഘ​ട​സ​മ​യങ്ങൾ”തന്നെ. (2 തിമൊ​ഥെ​യൊസ്‌ 3:1) ആളുകൾ നിത്യ​വൃ​ത്തി​ക്കു​വേണ്ടി പാടു​പെ​ടു​മ്പോൾ, ആരോ​ഗ്യ​പ്ര​ശ്‌നങ്ങൾ, കുടും​ബ​പ്ര​ശ്‌നങ്ങൾ എന്നിവ​യു​മാ​യി മല്ലടി​ക്കു​മ്പോൾ, സാമൂ​ഹിക അനീതി, സ്‌നേ​ഹ​മി​ല്ലായ്‌മ എന്നിവയെ നേരി​ടു​മ്പോൾ എന്താണു സംഭവി​ക്കു​ന്നത്‌? സഹമനു​ഷ്യർ, മതം, ഗവൺമെൻറ്‌ എന്നിവ​യി​ലുള്ള അനേക​രു​ടെ​യും വിശ്വാ​സം കുറഞ്ഞു​കു​റ​ഞ്ഞു​വ​രി​ക​യാണ്‌ എന്നു പറയേ​ണ്ടി​വ​രു​ന്നത്‌ സങ്കടക​രം​തന്നെ. ചിലർ ഇതിന്‌ ഒരു പോം​വ​ഴി​യും കാണു​ന്നില്ല. അതു​കൊണ്ട്‌, തങ്ങളുടെ പ്രശ്‌നങ്ങൾ സാധാരണ വിധങ്ങ​ളിൽ ഒരിക്ക​ലും പരിഹ​രി​ക്ക​പ്പെ​ടാൻ പോകു​ന്നില്ല എന്ന്‌ അവർ തിരി​ച്ച​റി​യു​ന്നു. “പരുക്കൻ യാഥാർഥ്യ​ങ്ങൾക്കു മുമ്പിൽ, കുഴപ്പ​ങ്ങൾക്കു മുമ്പിൽ ആളുകൾ വളരെ​യ​ധി​കം അസ്വസ്ഥ​രാ​കു​ന്നു. അങ്ങനെ യുക്തി​സ​ഹ​മാ​യി ന്യായ​വാ​ദം ചെയ്യാതെ അവർ ചെന്നു​പെ​ടു​ന്ന​തോ വിഫല​മായ ഗുപ്‌ത​വി​ദ്യ​യി​ലും” എന്നാണ്‌ ഒരു ബ്രസീ​ലി​യൻ പത്രമായ സ്സോർണൽ ഡാ തർഡയിൽ ജേക്കബ്‌ പിൻഹേ​യി​രോ ഗോൾഡ്‌ബർഗ്‌ അഭി​പ്രാ​യ​പ്പെ​ടു​ന്നത്‌. എങ്കിലും, കാര്യങ്ങൾ കുഴഞ്ഞു​മ​റി​യു​മ്പോൾപ്പോ​ലും നമ്മുടെ ആഗ്രഹം സുബോ​ധ​ത്തോ​ടെ പ്രവർത്തി​ക്കാ​നാണ്‌, അല്ലേ?

നിങ്ങളു​ടെ കുടും​ബ​ത്തി​നു​വേണ്ടി നിങ്ങൾക്ക്‌ ഒരു വീടു വേണ​മെന്നു സങ്കൽപ്പി​ക്കുക. പണം നിങ്ങൾക്ക്‌ ഒരു പ്രശ്‌ന​മേയല്ല. അയൽപ്ര​ദേ​ശ​ങ്ങ​ളി​ലൊ​ക്കെ നിങ്ങൾ വീടുകൾ നോക്കി പോ​യെ​ന്നി​രി​ക്കും. സ്ഥാവര​വ​സ്‌തു ഇടപാ​ടു​കാർ നിങ്ങളു​ടെ ആഗ്രഹ​ങ്ങ​ള​നു​സ​രി​ച്ചു വേണ്ട​തെ​ല്ലാം ചെയ്യുന്നു. പക്ഷേ, നിങ്ങളു​ടെ ഭാവന​യി​ലുള്ള വീട്‌ ഒത്തുവ​രു​ന്നില്ല. എന്നാലും നിങ്ങൾ തിരച്ചിൽ നിറു​ത്തു​ക​യില്ല, ഉവ്വോ? കാരണം കുടും​ബ​ത്തി​ന്റെ സംതൃ​പ്‌തി​യും ക്ഷേമവു​മാണ്‌ നിങ്ങളു​ടെ മനസ്സിൽ. അവസാനം, നിങ്ങളു​ടെ മനസ്സി​നി​ണ​ങ്ങുന്ന വീട്‌ കണ്ടെത്തി​ക്ക​ഴി​യു​മ്പോ​ഴുള്ള സന്തുഷ്ടി ഒന്നു വിഭാവന ചെയ്യുക.

ഒരു പുതിയ വീട്‌ അന്വേ​ഷിച്ച്‌ നിങ്ങൾ സമയം ചെലവി​ടു​ന്ന​തു​പോ​ലെ, നിങ്ങളു​ടെ പ്രശ്‌ന​ങ്ങൾക്കു പരിഹാ​രം കാണാൻ എന്തു​കൊണ്ട്‌ ബൈബിൾ ഒന്നു പരി​ശോ​ധി​ച്ചു​കൂ​ടാ? ഒരു വീടി​നെ​ക്കു​റി​ച്ചു തീരു​മാ​ന​മെ​ടു​ക്കു​മ്പോൾ നമുക്കു വസ്‌തു​തകൾ അളന്നു​തൂ​ക്കി പരി​ശോ​ധി​ക്കേ​ണ്ട​തുണ്ട്‌. അതു​പോ​ലെ, നാം ദൈവ​വ​ച​ന​ത്തിൽ വായി​ക്കു​ന്നതു സംബന്ധി​ച്ചു സുബോ​ധ​ത്തോ​ടെ ന്യായ​വാ​ദം ചെയ്യേ​ണ്ട​തുണ്ട്‌. ഒരു വീട്‌ കണ്ടെത്തു​ന്ന​തി​നെ​ക്കാൾ പ്രയോ​ജ​ന​പ്ര​ദ​മാണ്‌ നാം യഹോ​വ​യാം ദൈവ​ത്തെ​യും യേശു​ക്രി​സ്‌തു​വി​നെ​യും കുറി​ച്ചുള്ള സത്യം കണ്ടെത്തു​ന്ന​തും സ്വീക​രി​ക്കു​ന്ന​തും. “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു” എന്ന്‌ യേശു പറഞ്ഞു.—യോഹ​ന്നാൻ 17:3.

എന്നാൽ, ബൈബിൾ സന്ദേശം അത്ര മൂല്യ​വ​ത്താ​ണെ​ങ്കിൽ, അനേക​രും അതിന്റെ സുവാർത്ത സംബന്ധിച്ച്‌ അന്ധരായി നില​കൊ​ള്ളു​ന്നത്‌ എന്തു​കൊ​ണ്ടാണ്‌? അനേക​രെ​യും അത്ഭുത​പ്പെ​ടു​ത്തു​ന്ന​താണ്‌ ഒരു കാരണം, അതായത്‌ “സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു” എന്നത്‌. (1 യോഹ​ന്നാൻ 5:19) തത്‌ഫ​ല​മാ​യി, “ദൈവ​പ്ര​തി​മ​യായ ക്രിസ്‌തു​വി​ന്റെ തേജസ്സുള്ള സുവി​ശേ​ഷ​ത്തി​ന്റെ പ്രകാ​ശനം ശോഭി​ക്കാ​തി​രി​പ്പാൻ” പിശാ​ചായ സാത്താൻ “അവിശ്വാ​സി​ക​ളു​ടെ മനസ്സു കുരു​ടാ​ക്കി.” (2 കൊരി​ന്ത്യർ 4:4) നാം നമ്മുടെ കണ്ണു​കൊ​ണ്ടു കാണു​ന്നു​വെ​ങ്കി​ലും, കണ്ണി​ലേക്കു പ്രവേ​ശി​ക്കുന്ന പ്രകാ​ശത്തെ അപഗ്രഥിക്കു​ന്നത്‌ തലച്ചോ​റാണ്‌. അതു​കൊണ്ട്‌, കുരു​ട​നാ​യി​രി​ക്കുക എന്നു​വെ​ച്ചാൽ, “വിവേ​ചി​ച്ച​റി​യാ​നോ ന്യായ​നിർണയം നടത്താ​നോ ഉള്ള പ്രാപ്‌തി​യി​ല്ലായ്‌മ അല്ലെങ്കിൽ മനസ്സി​ല്ലായ്‌മ” ആയും നിർവ​ചി​ക്ക​പ്പെ​ടു​ന്നുണ്ട്‌. അതു​കൊണ്ട്‌, നാം ഈ പ്രശസ്‌ത​മായ ചൊല്ല്‌ ഓർത്തു​പോ​കു​ന്നു: “കാണാൻ കൂട്ടാ​ക്കാ​ത്ത​വ​രു​ടെ അത്രയും അന്ധത മററാർക്കു​മില്ല.”

തന്റെ മുന്നിൽ എന്താ​ണെന്നു കാണാൻ കഴിയാത്ത അന്ധനായ ഒരു വ്യക്തിക്കു പരിക്കു​പ​റ​റാ​നുള്ള സാധ്യ​ത​യുണ്ട്‌. അനേക​രു​ടെ​യും ശാരീ​രി​ക​മായ അന്ധത ഇപ്പോൾ ഭേദമാ​ക്കാ​നാ​വില്ല. എന്നു​വെച്ച്‌, ഒരാളും ആത്മീയ​മാ​യി അന്ധനാ​യി​രി​ക്കേണ്ട യാതൊ​രാ​വ​ശ്യ​വു​മില്ല.

ആത്മീയ അന്ധതയെ മറിക​ട​ക്കൽ

ശുചി​ത്വ​മി​ല്ലാത്ത ചുററു​പാ​ടു​കൾ കാഴ്‌ച​ശ​ക്തി​യെ തകരാ​റി​ലാ​ക്കു​ന്ന​തു​പോ​ലെ, മൂല്യ​ത്ത​കർച്ച ബാധിച്ച സാഹച​ര്യ​ത്തി​നു ധാർമി​ക​മായ അന്ധതയ്‌ക്കു വളം​വെ​ക്കാ​നാ​വും. മാത്ര​വു​മല്ല, മനുഷ്യ​നിർമിത തത്ത്വങ്ങൾക്കും പാരമ്പ​ര്യ​ങ്ങൾക്കു​മെ​തി​രെ യേശു​ക്രി​സ്‌തു മുന്നറി​യി​പ്പു നൽകി​യി​ട്ടുണ്ട്‌. അന്നത്തെ മതനേ​താ​ക്കൻമാർ തങ്ങളുടെ കീഴിലെ ആട്ടിൻകൂ​ട്ടത്തെ വഴി​തെ​റ​റി​ക്കു​ക​യാ​യി​രു​ന്നു​വെന്ന്‌ അവൻ വ്യക്തമാ​ക്കി: “അവർ കുരു​ടൻമാ​രായ വഴികാ​ട്ടി​കൾ അത്രേ; കുരുടൻ കുരു​ടനെ വഴി നടത്തി​യാൽ ഇരുവ​രും കുഴി​യിൽ വീഴും.”—മത്തായി 15:14.

അന്ധരായ നേതാ​ക്കൻമാ​രാൽ വഞ്ചിക്ക​പ്പെ​ടാ​തെ, ദൈവ​രാ​ജ്യ​ത്തെ സംബന്ധിച്ച സുവാർത്ത​യി​ലേക്കു കണ്ണുകൾ തുറക്കു​ന്നവർ എത്ര സന്തുഷ്ട​രാണ്‌! ‘കാണാ​ത്തവർ കാൺമാൻ ന്യായ​വി​ധി​ക്കാ​യി ഞാൻ ഇഹലോ​ക​ത്തിൽ വന്നിരി​ക്കു​ന്നു’ എന്ന്‌ യേശു പ്രഖ്യാ​പി​ച്ചു. (യോഹ​ന്നാൻ 9:39) എന്നാൽ, ആത്മീയ അന്ധർക്കു കാണാ​നാ​വുന്ന സ്ഥിതി​യി​ലെ​ത്തി​ച്ചേ​രാൻ എങ്ങനെ കഴിയും? അതിനു​മു​മ്പാ​യി, ശാരീ​രിക അന്ധത​യെ​ക്കു​റിച്ച്‌ അൽപ്പം​കൂ​ടി ചിന്തി​ക്കാം.

കാഴ്‌ച​യ്‌ക്കു തകരാ​റു​ള്ള​വർക്കു​വേണ്ടി ഇന്ന്‌ പല സഹായ​സാ​മ​ഗ്രി​ക​ളും ലഭ്യമാണ്‌. മുമ്പ്‌ ഇതല്ലാ​യി​രു​ന്നു അവസ്ഥ. 1784-ലായി​രു​ന്നു വലാൻറൻ ഹോയ്‌ അന്ധർക്കു​വേണ്ടി ഒരു പ്രത്യേക സ്‌കൂൾ സ്ഥാപി​ച്ചത്‌. അതുവരെ അന്ധരെ സഹായി​ക്കാൻ കാര്യ​മായ ശ്രമങ്ങ​ളൊ​ന്നും ഉണ്ടായി​രു​ന്നില്ല. പിന്നീട്‌, ല്യൂയിസ്‌ ബ്രെയ്‌ൽ കാഴ്‌ച​യ്‌ക്കു തകരാ​റു​ള്ള​വരെ വായി​ക്കാൻ സഹായി​ക്കാ​നാ​യി സ്‌പർശ​വേദ്യ ലിപി സമ്പ്രദാ​യം (Braille) ആവിഷ്‌ക​രി​ച്ചു. അതിന്‌ അദ്ദേഹ​ത്തി​ന്റെ പേർതന്നെ ലഭിക്കു​ക​യും ചെയ്‌തു.

ആത്മീയ അന്ധരെ സംബന്ധി​ച്ചോ? ഈ അടുത്ത കാലത്താ​യി ഭൂമി​യി​ലെ ഏററവും വിദൂര ഭാഗങ്ങ​ളിൽപ്പോ​ലും സുവാർത്ത പ്രഖ്യാ​പി​ക്കാൻ കാര്യ​മായ ശ്രമങ്ങൾ ചെയ്‌തി​ട്ടുണ്ട്‌. (മത്തായി 24:14) ആലങ്കാ​രി​ക​മാ​യും ശാരീ​രി​ക​മാ​യും അന്ധരാ​യി​രി​ക്കുന്ന ആളുകൾക്കു പ്രത്യാശ പകരാൻ യഹോ​വ​യു​ടെ സാക്ഷി​കൾക്കു സന്തോ​ഷ​മാണ്‌.

ബ്രസീ​ലു​കാ​രി​യായ ഒരു സ്‌ത്രീ എഴുതി: “ശാരീ​രി​ക​മായ വൈക​ല്യ​മു​ണ്ടെ​ങ്കി​ലും എനിക്കി​പ്പോൾ കാണാൻ കഴിയു​ന്നുണ്ട്‌—ആത്മീയ​മാ​യി. എന്തൊരു അത്ഭുത​വാ​നായ ദൈവം! ‘യഹോവ തന്റെ കൈകൾ തുറന്ന്‌ സകല ജീവി​ക​ളു​ടെ​യും ആഗ്രഹത്തെ തൃപ്‌തി​പ്പെ​ടു​ത്തു​മെന്ന്‌’ അറിഞ്ഞ​തിൽ ഞങ്ങൾ സന്തോ​ഷി​ക്കു​ന്നു.” (സങ്കീർത്തനം 145:16, NW) ശാരീ​രി​ക​മാ​യി അന്ധനായ ജോർജ്‌ ഇങ്ങനെ അനുസ്‌മ​രി​ക്കു​ന്നു: “എന്റെ ജീവി​തത്തെ ശരിക്കും രണ്ടായി ഭാഗി​ക്കാം: സാക്ഷി​കൾക്കു മുമ്പും പിമ്പും. . . . അവർ നിമിത്തം ഞാൻ ലോകത്തെ വ്യക്തത​യോ​ടെ​യും ശോഭ​യോ​ടെ​യും കാണാൻ തുടങ്ങി. സഭയി​ലുള്ള ഓരോ​രു​ത്ത​രോ​ടും ഞാൻ വളരെ നല്ല ബന്ധത്തി​ലാണ്‌.” അതേസ​മയം, ശാരീ​രി​ക​മാ​യോ ആത്മീയ​മാ​യോ ഭൂമി​യിൽ ആരും​തന്നെ അന്ധരല്ലാത്ത അവസ്ഥ ഉടൻ വരു​മെന്ന്‌ ബൈബിൾ ഉറപ്പു​നൽകു​ന്നത്‌ ആഹ്‌ളാ​ദ​ക​രം​തന്നെ. അത്‌ എങ്ങനെ​യാ​യി​രി​ക്കും സംഭവി​ക്കുക? ഭൂവ്യാ​പ​ക​മാ​യി “യഹോവ കുരു​ടൻമാർക്കു കാഴ്‌ച കൊടു​ക്കു​ന്നു” എന്ന്‌ എങ്ങനെ തെളി​യും?—സങ്കീർത്തനം 146:8.

ശാശ്വ​ത​മായ ഏക സൗഖ്യ​മാ​ക്കൽ—ദൈവ​രാ​ജ്യം

വൈദ്യ​ശാ​സ്‌ത്ര സാങ്കേ​തി​ക​പ​രി​ജ്ഞാ​നം വർധി​ച്ചി​ട്ടും എത്രയോ രോഗങ്ങൾ ഇപ്പോ​ഴും അന്ധത, വേദന, മരണം എന്നിവ​യ്‌ക്കു കാരണ​മാ​കു​ന്നു. അപ്പോൾ, വികല​പോ​ഷണം, മോശ​മായ ശുചി​ത്വം, കാഴ്‌ച​യെ​യും ജീവി​ത​ത്തി​ന്റെ സന്തോ​ഷ​ത്തെ​യും കവർന്നു​ക​ള​യുന്ന അരിഷ്ടത എന്നിവ​യെ​ല്ലാം നിർമാർജനം ചെയ്യാൻ ആവശ്യ​മാ​യി​രി​ക്കു​ന്നത്‌ എന്താണ്‌? യേശു അന്ധരെ​യും മററു പലരെ​യും സുഖ​പ്പെ​ടു​ത്തി​യത്‌ ഭാവി​യിൽ സംഭവി​ക്കാ​നി​രി​ക്കു​ന്ന​തി​ന്റെ ഒരു ചെറിയ പതിപ്പാ​യി​രു​ന്നു. സന്തോ​ഷ​ക​ര​മെ​ന്നു​പ​റ​യട്ടെ, അവന്റെ പഠിപ്പി​ക്ക​ലും സൗഖ്യ​മാ​ക്കൽവേ​ല​യും ദൈവ​രാ​ജ്യ​ത്തിൻ കീഴിൽ ഭൂമി​യിൽ ലഭിക്കാ​നി​രി​ക്കുന്ന അനു​ഗ്ര​ഹ​ങ്ങ​ളു​ടെ മുൻനി​ഴ​ലാ​യി​രു​ന്നു.

ലോക​വ്യാ​പ​ക​മായ തോതി​ലുള്ള സൗഖ്യ​മാ​ക്കൽ സമീപി​ച്ചി​രി​ക്കു​ക​യാണ്‌.a ഈ ദൈവിക സൗഖ്യ​മാ​ക്കൽ പരിപാ​ടി അപ്പോ​സ്‌ത​ല​നായ യോഹ​ന്നാൻ മനോ​ഹ​ര​മാ​യി ദൃഷ്ടാ​ന്തീ​ക​രി​ക്കു​ന്നുണ്ട്‌: “വീഥി​യു​ടെ നടുവിൽ ദൈവ​ത്തി​ന്റെ​യും കുഞ്ഞാ​ടി​ന്റെ​യും സിംഹാ​സ​ന​ത്തിൽനി​ന്നു പുറ​പ്പെ​ടു​ന്ന​താ​യി പളുങ്കു​പോ​ലെ ശുഭ്ര​മായ ജീവജ​ല​ന​ദി​യും അവൻ എന്നെ കാണിച്ചു. നദിക്കു ഇക്കരെ​യും അക്കരെ​യും ജീവവൃ​ക്ഷം ഉണ്ട്‌; അതു പന്ത്രണ്ടു വിധം ഫലം കായിച്ചു മാസം​തോ​റും അതതു ഫലം കൊടു​ക്കു​ന്നു; വൃക്ഷത്തി​ന്റെ ഇല ജാതി​ക​ളു​ടെ രോഗ​ശാ​ന്തി​ക്കു ഉതകുന്നു.”—വെളി​പ്പാ​ടു 22:1, 2.

ഇന്നത്തെ ദുഷ്ടവ്യ​വ​സ്ഥി​തി അവസാ​നി​ച്ച​ശേഷം ദൈവ​രാ​ജ്യ​ത്തി​ന്റെ സൗഖ്യ​മാ​ക്കൽ വ്യവസ്ഥകൾ മനുഷ്യ​വർഗത്തെ ക്രമാ​നു​ഗ​ത​മാ​യി പൂർണ​ത​യി​ലേക്ക്‌ ഉയർത്തു​മെന്ന്‌ ‘ജീവജലം, ജീവവൃ​ക്ഷം’ എന്നിങ്ങ​നെ​യുള്ള പ്രയോ​ഗങ്ങൾ ചൂണ്ടി​ക്കാ​ട്ടു​ന്നു. വാസ്‌ത​വ​ത്തിൽ, (പാപങ്ങളെ പൂർണ​മാ​യി മോചി​പ്പി​ക്കു​ന്ന​തുൾപ്പെടെ) യേശു​വി​ന്റെ മറുവില യാഗത്തി​ന്റെ പ്രയോ​ജ​നങ്ങൾ, യേശു​ക്രി​സ്‌തു​വി​നെ​യും അവന്റെ പിതാ​വി​നെ​യും കുറി​ച്ചുള്ള പരിജ്ഞാ​നം എന്നിവ​യു​ടെ ഫലമായി പൂർണ​ത​യുള്ള ആരോ​ഗ്യ​വും നിത്യ​ജീ​വ​നും കൈവ​രും.—യോഹ​ന്നാൻ 3:16.

ദൈവ​ത്തി​ന്റെ പുതിയ ലോക​ത്തിൽ സന്തുഷ്ടി

അപ്പോൾ, കുററ​കൃ​ത്യ​മോ മലിനീ​ക​ര​ണ​മോ ദാരി​ദ്ര്യ​മോ ഇല്ലാത്ത ഭൂമിയെ ഭാവന​യിൽ കാണുക. പുനഃ​സ്ഥി​തീ​ക​രി​ക്ക​പ്പെട്ട പറുദീ​സ​യിൽ നിങ്ങളു​ടെ കുടും​ബം ശാന്തപൂർണ​മാ​യി ജീവി​ക്കു​ന്ന​തും സങ്കൽപ്പി​ക്കുക. (യെശയ്യാ​വു 32:17, 18) പൂർണ​ത​യുള്ള മനസ്സി​ന്റെ​യും ഇന്ദ്രി​യ​ങ്ങ​ളു​ടെ​യും സഹായ​ത്താൽ വൈവി​ധ്യ​മാർന്ന നിറങ്ങൾ നിരീ​ക്ഷി​ക്കാ​നാ​വു​ന്നത്‌ എന്തൊ​രാ​ഹ്ലാ​ദ​മാ​യി​രി​ക്കും!

“പ്രകാശം, നിറം, ആകാരം എന്നിവ നിരന്തരം മാറി​ക്കൊ​ണ്ടി​രി​ക്കുന്ന സാഹച​ര്യ​ങ്ങ​ളിൽ ജീവി​ക്കുക എന്നതാണ്‌ ഒരു മനുഷ്യ​വ്യ​ക്തി​യെ സംബന്ധിച്ച സ്വാഭാ​വിക സ്ഥിതി​വി​ശേഷം. പ്രകൃ​തി​യിൽ അരോ​ച​ക​മായ ഒരു സംഗതി​യേ ഇല്ല” എന്ന്‌ ഫെയ്‌ബർ ബിരൻ പറയുന്നു. “ഈ ലോക​ത്തി​ലെ പ്രകൃ​തി​ദ​ത്ത​മായ ആനന്ദങ്ങ​ളിൽ ഒന്നാണ്‌ നിറം. അതു പ്രകൃ​തി​യിൽ സർവസാ​ധാ​ര​ണ​മാ​യി കണ്ടുവ​രുന്ന ഒരു ഗുണമാണ്‌, അല്ലാതെ അപൂർവ​മാ​യി​ട്ടുള്ള ഒന്നല്ല. ജീവി​താ​സ്വാ​ദ​ന​ത്തിൽ ഏറിയ​പ​ങ്കും ആശ്രയി​ച്ചി​രി​ക്കു​ന്നത്‌ അതിലാണ്‌.”

കാഴ്‌ച​യെന്ന ദാനം എത്ര അനർഘ​മാണ്‌! ശാരീ​രി​ക​മാ​യോ ആത്മീയ​മാ​യോ ഒരിക്കൽ അന്ധരാ​യി​രു​ന്ന​വർക്കു കാണാ​നാ​കു​മ്പോൾ അത്‌ എന്തൊരു ആഹ്ലാദ​മാ​യി​രി​ക്കും!

അതേ, വരാനി​രി​ക്കുന്ന പുനഃ​സ്ഥി​തീ​ക​രി​ക്ക​പ്പെട്ട പറുദീ​സ​യിൽ അസന്തു​ഷ്ടി​ക്കി​ട​യാ​ക്കാൻ അന്ധതയും മററു വൈക​ല്യ​ങ്ങ​ളും മേലാൽ ഉണ്ടായി​രി​ക്കില്ല! ആരും മേലാൽ വഴി​തെ​റ​റി​ക്ക​പ്പെ​ടില്ല. യഥാർഥ സ്‌നേഹം ഉണ്ടായി​രി​ക്കു​മെ​ന്ന​തി​നാൽ ആത്മീയ​മാ​യി സകലരും പ്രബു​ദ്ധ​രാ​ക്ക​പ്പെ​ടും. അതും അതിൽക്കൂ​ടു​ത​ലും ഇതാ സംഭവി​ക്കാ​നി​രി​ക്കു​ന്നു. “അന്നു കുരു​ടൻമാ​രു​ടെ കണ്ണു തുറന്നു​വ​രും” എന്ന തന്റെ പ്രവചനം നിവർത്തി​ക്കു​ന്ന​വന്റെ അംഗീ​കാ​ര​മു​ള്ള​വ​രാ​യി​ത്തീ​രു​ന്നതി​നുള്ള സമയം ഇപ്പോ​ഴാണ്‌!—യെശയ്യാ​വു 35:5.

[അടിക്കു​റിപ്പ്‌]

[7-ാം പേജിലെ ചിത്രം]

അന്നു കുരു​ടൻമാ​രു​ടെ കണ്ണു തുറന്നു​വ​രും!