ഒരു മുഖ്യൻ തന്റെ ഭാവി​യെ​പ്പറ്റി പരിചി​ന്തി​ക്കു​ന്നു

പശ്ചിമ ആഫ്രി​ക്ക​യി​ലെ ഒരു മുഖ്യൻ സമുദാ​യ​ത്തിൽ വളരെ​യ​ധി​കം സ്‌നേ​ഹി​ക്ക​പ്പെ​ടു​ക​യും അത്യന്തം ആദരി​ക്ക​പ്പെ​ടു​ക​യും ചെയ്‌ത ഒരു നേതാ​വാ​യി​രു​ന്നു. അദ്ദേഹ​ത്തി​ന്റെ 78-ാമതു ജൻമദി​ന​ത്തിൽ സുഹൃ​ത്തു​ക്ക​ളും കുടും​ബാം​ഗ​ങ്ങ​ളും മറ്റു ശുഭകാം​ക്ഷി​ക​ളും അദ്ദേഹത്തെ അനു​മോ​ദി​ക്കു​ന്ന​തി​നു കൂടി​വന്നു. അത്തര​മൊ​രു സന്ദർഭ​ത്തി​ലത്ര സാധാ​ര​ണ​മ​ല്ലാത്ത ഒരു വിഷയ​ത്തെ​ക്കു​റി​ച്ചു മുഖ്യൻ പ്രസം​ഗി​ച്ചു. മരണാ​നന്തര ജീവി​ത​ത്തെ​പ്പറ്റി തനിക്കുള്ള ധാരണ സംബന്ധിച്ച്‌ അദ്ദേഹം സംസാ​രി​ച്ചു.

മരണാ​ന​ന്ത​രം “വഞ്ചനയും അസൂയ​യും അത്യാ​ഗ്ര​ഹ​വു​മി​ല്ലാത്ത ഒരു പുതിയ ലോകം ഉണ്ട്‌” എന്ന്‌ അദ്ദേഹം പറഞ്ഞു. “നിഗൂ​ഢ​ത​യിൽ ആച്ഛാദനം ചെയ്‌ത,” ദൈവ​വു​മാ​യി പരസ്‌പരം വർത്തി​ക്കുന്ന നീതി​മാൻമാർ മാത്രം അധിവ​സി​ക്കുന്ന, ഒരു ലോക​മാ​യി അദ്ദേഹം അതിനെ വർണിച്ചു.

അത്തരം വിശ്വാ​സങ്ങൾ മുഴു ആഫ്രി​ക്ക​യി​ലെ​യും ജനങ്ങൾക്കി​ട​യിൽ സർവസാ​ധാ​ര​ണ​മാണ്‌. ആഫ്രി​ക്ക​യി​ലെ പരമ്പരാ​ഗത മതം പറയു​ന്ന​ത​നു​സ​രിച്ച്‌ മരണം ജീവന്റെ അവസാ​നമല്ല മറിച്ച്‌ അതു വെറു​മൊ​രു അവസ്ഥാ​ന്തരം, ആത്മമണ്ഡ​ല​ത്തി​ലേ​ക്കുള്ള കടന്നു​പോ​കൽ മാത്ര​മാണ്‌. മരണത്തിൽ ഒരു വ്യക്തി ദൃശ്യ​ലോ​ക​ത്തിൽനിന്ന്‌ അദൃശ്യ​ലോ​ക​ത്തി​ലേക്കു കടന്നു​പോ​വു​ക​യാ​ണെന്നു പറയ​പ്പെ​ടു​ന്നു. ഒരു ആത്മാവെന്ന നിലയിൽ ആ വ്യക്തി ഇപ്പോൾ അവന്റെ​യോ അവളു​ടെ​യോ പൂർവി​കർ അധിവ​സി​ക്കുന്ന സാമ്രാ​ജ്യ​ത്തി​ലേക്കു പ്രവേ​ശി​ക്കു​ന്നു.

പൂർവി​കർ അഥവാ പൂർവി​ക​രു​ടെ ആത്മാക്കൾ ഭൂമി​യി​ലുള്ള തങ്ങളുടെ കുടും​ബാം​ഗ​ങ്ങ​ളു​ടെ ക്ഷേമം ഉറപ്പു​വ​രു​ത്തു​ന്നു​വെന്ന്‌ വടക്കേ ആഫ്രി​ക്ക​ക്കാ​രിൽ അനേകർ വിശ്വ​സി​ക്കു​ന്നു. വടക്കേ ആഫ്രി​ക്ക​യു​ടെ പരമ്പരാ​ഗത മതം എന്ന പുസ്‌തകം ഇങ്ങനെ പ്രസ്‌താ​വി​ക്കു​ന്നു: “ഇപ്പോൾ ഇവിടെ ഭൂമി​യി​ലുള്ള അംഗങ്ങൾക്കും ഇതിന​പ്പു​റ​മുള്ള ലോക​ത്തി​ലെ അംഗങ്ങൾക്കു​മി​ട​യി​ലുള്ള സ്വാധീ​ന​ത്തി​ന്റെ കാര്യ​ത്തിൽ ഒരു സൂക്ഷ്‌മ​മായ വ്യത്യാ​സ​മില്ല. ഇവിടെ, ഭൂമി​യി​ലാ​യി​രു​ന്ന​പ്പോൾ [പൂർവി​കർ] കുടും​ബ​ത്തി​ലെ തലമൂ​ത്ത​വ​രാ​യി​രു​ന്നു. എന്നാൽ ഇപ്പോൾ അവർ നമുക്ക്‌ അദൃശ്യ​രാ​യ​തി​നാൽ ആത്മലോ​ക​ത്തിൽ അവർ ഇപ്പോ​ഴും തലമൂ​ത്തവർ തന്നെ. തങ്ങളുടെ കുടും​ബാം​ഗ​ങ്ങ​ളു​ടെ പൊതു​ക്ഷേ​മ​ത്തിൽ താത്‌പ​ര്യം എടുക്കു​ന്ന​തിൽനിന്ന്‌ അവർ വിരമി​ക്കു​ന്നില്ല.”

അങ്ങനെ, പ്രാരം​ഭ​ത്തിൽ പരാമർശിച്ച മുഖ്യൻ പൂർവി​ക​രോ​ടു ചേർന്ന്‌ അവരോ​ടൊ​പ്പം ആത്മമണ്ഡ​ല​ത്തിൽ പ്രവർത്തി​ക്കാൻ പ്രതീ​ക്ഷി​ച്ചു. “മരണാ​നന്തര ജീവി​ത​ത്തി​ലും മുഖ്യൻ എന്നനി​ല​യിൽ മരണ​ശേഷം തുടർന്നു സേവി​ക്കാ​നുള്ള സാധ്യ​ത​യി​ലും എനിക്ക്‌ ഉറച്ച ബോധ്യ​മുണ്ട്‌” എന്ന്‌ അദ്ദേഹം പറഞ്ഞു.

എന്നിരു​ന്നാ​ലും, മുഖ്യൻ അടുത്ത​താ​യി പറഞ്ഞതി​ന്റെ അടിസ്ഥാ​ന​ത്തിൽ അദ്ദേഹ​ത്തിന്‌ “മരണാ​നന്തര ജീവി​ത​ത്തെ​പ്പറ്റി പൂർണ​ബോ​ധ്യം ഉള്ളതായി തോന്നു​ന്നില്ല” എന്ന്‌ സൺഡേ റ്റൈംസ്‌ പത്രം അഭി​പ്രാ​യ​പ്പെട്ടു. മരണാ​നന്തര ജീവി​ത​ത്തെ​പ്പറ്റി ചർച്ച​ചെ​യ്‌തി​രി​ക്കുന്ന ഒരു പുസ്‌ത​ക​ത്തെ​ക്കു​റി​ച്ചു താൻ കേട്ടി​ട്ടുണ്ട്‌ എന്ന്‌ അവിടെ സമ്മേളി​ത​രായ ജനക്കൂ​ട്ട​ത്തോട്‌ അദ്ദേഹം പറഞ്ഞു. അഞ്ചു വർഷമാ​യി മുഖ്യൻ ആ പുസ്‌ത​ക​ത്തി​നു​വേണ്ടി തേടു​ക​യാണ്‌. അതു വായി​ക്കാ​നുള്ള അദ്ദേഹ​ത്തി​ന്റെ ഉത്സാഹം നിമിത്തം അതിന്റെ ഒരു പ്രതി എത്തിച്ചു​കൊ​ടു​ക്കു​ന്ന​യാൾക്ക്‌ 1,500 ഡോള​റിന്‌ (യു.എസ്‌.) തുല്യ​മായ വില നൽകാ​മെന്നു വാഗ്‌ദാ​നം ചെയ്യു​ക​പോ​ലും ചെയ്‌തു.

കണ്ടെത്താൻ പ്രയാ​സ​മി​ല്ലാത്ത ഒരു പുസ്‌ത​ക​ത്തിൽ പരി​ശോ​ധി​ച്ചു​കൊണ്ട്‌ ആ മുഖ്യന്‌ അനാവശ്യ ബുദ്ധി​മു​ട്ടു​ക​ളെ​ല്ലാം ഒഴിവാ​ക്കാ​മാ​യി​രു​ന്നു. മനുഷ്യ​രാ​ലല്ല സകല മനുഷ്യ​രു​ടെ​യും സൃഷ്ടി​കർത്താ​വി​നാൽ നിർമി​ത​മായ ആ പുസ്‌തകം എവി​ടെ​യും ലഭ്യമാണ്‌. (1 തെസ്സ​ലൊ​നീ​ക്യർ 2:13) ആ പുസ്‌തകം ബൈബി​ളാണ്‌. മരണാ​നന്തര ജീവി​ത​ത്തെ​പ്പറ്റി അത്‌ എന്താണു പറയു​ന്നത്‌?